رواية تلاقينا
الحلقة السادسة والسابعة
*الحلقة السادسة*
في ڤيلا الشامي
صباح يوم الجمعة سليم صحي ونزل يجري (بيعمل كدا في اجازته) قابل مروان صاحبه
استووووووب
(مروان صاحب سليم من أيام المدرسة واتنقل مع أهله للمنصورة عشان شغل والده وهو هناك اتعرف على مي 'صاحبة ايه' وخطبها ورجع هو ومامته من فترة قريبة بعد وفاة والده واستقر في القاهرة تاني)
سليم سلم عليه وحضنه: مروان حبيبي ايه يا ابني نبقى جمب بعض ومانشوفش بعض
مروان: معلش يا حبيبي والله الشغل انت عارف بقى شغل المكتب والقضايا (بيشتغل محامي)
سليم: عارف يا مروان والله و عشان كدا عازرك ..ايه هنفرح بيك امتى
مروان: هانت يا صاحبي كلها شهر بالكتير إن شاء الله
سليم: مبروك يا حبيبي مش محتاج أي حاجة
مروان: تسلملي ياصاحبي والله كله تمام...طمني عليك اخبارك ايه
سليم: أنا الحمدلله ذي ما انا مافيش جديد
مروان:مالك حاسك مخنوق ليه
سليم: لا يا حبيبي أنا كويس والله انت تايه عني يعني
مروان: ماهو عشان مش تايه عنك حاسس انك فيك حاجة
سليم: أنا كويس والله وبعدين سيبك انت انا فرحان ان شفتك اوووي
مروان: وانا والله بقولك ايه مانيجي نخرج بالليل اهو نرجع خروجات زمان
سليم: طب والله فكرة خلاص نتقابل في النادي على الساعة 9
مروان: تمام جدا....يلا الحق أنا الفطار عشان انت عارف الحاجة
سليم: ماشي يا حبيبي سلام
مراد وسليم مشيوا كل واحد راح بيته
سليم دخل الڤيلا شاف مريم مراته اللي استغرب انها صاحية بدري في يوم اجازة ذي دا بس ماداش اهمية وكانت قاعدة في الجنينة بتلعب يوجا والمفروض ان رياضة اليوجا الواحد بيبقي قاعد مع نفسه ومش بيتكلم مع حد بس هي رخمة وأول ماشافت سليم نادت عليه:سليم
سليم وقف: نعم
مريم راحت عنده وبتدلع: ايه يا حبيبي كنت فين
سليم: نعم ودا من امتى
مريم: الله مش جوزي وبشوفك كنت فين
سليم: جوزك: تصدقي نسيت....سابها وطلع ياخد دش ويغير هدومه
مريم فضلت مضايقة من كلامه وقعدت تفكر تعمل معاه ايه وطلعت لمامتها
في اوضة السفرة قاعدة وفاء وكريم وطارق ومراته وسيف ابنه ودينا سليم نزل ودخل عليهم: صباح الخير
كلهم: صباح النور
طارق وجه كلامه لسليم: هتعمل ايه في موضوع الفوج الأجنبي دا
سليم: لازم أعرف انهم جادين وشغلهم حلو لأن انت عارف ان دي حاجة مفهاش هزار
طارق: تمام كدا هتكلم تامر
سليم: اها هكلمه عشان هو هيبقى شريك في المنتجع الجديد ولازم يعرف كل التفاصيل بالليل هتقابل أنا ومروان في النادي وهكلمه يجيلنا هناك
(تامر المنشاوي صاحب سليم عنده شركة في العقارات 'شركة المنشاوي' وشريك سليم في المنتجعات اللي بتتبنى في شرم الشيخ وعلاقته بيه علاقة شغل وبس لكن صديق سليم المقرب اوي يعتبر مروان رغم انشغالهم)
سليم بيوجه كلامه لعمته: عمتو ممكن بعد الفطار نتكلم شوية
وفاء: طبعا يا حبيبي
كريم بيبص لدينا: دودو عاوز منك خدمة
دينا: انسى ياكيمو
كريم: والنبي والنبي انتي عارفة انتي الوحيدة اللي بتستحمليني في الموضوع دا
سليم ضحك لانه فاهم كريم بيتكلم عن ايه
كريم بصله: اضحك اضحك يا اخويا ما انت مش راضي تعبرني
سليم: عاوزني أجي معاك وانت بتشتري هدوم وفي الآخر مانشتريش حاجة بعد خمس ساعات لف لا انا مش هكررها تاني
دينا: ايوا والنبي ياسليم قوله
كريم: انسي هتيجي معايا يعني هتيجي معايا خلص الكلام
دينا بنفاذ صبر: حاضر بس يا انا يا انت النهاردة
سليم شال سيف ابن طارق اخوه ومقعده على رجله وبيلاعبه وسيف مبسوط وبيضحك
يارا: بيحبك ياسليم اوي
سليم بوجع بيحاول يداريه: دا حبيب عمه اصلا
وفاء موجوعة على ابن اخوها اللي طول حياته شايل كل حاجة ومش معاه ابن يشيل اسمه
خلصوا الاكل وكريم وطارق طلعوا الجنينة ويارا ودينا قعدوا لوحدهم وسليم ووفاء دخلوا اوضة المكتب
★★★★★★
في بيت ايه وبالتحديد في اوضة احمد وعايده في الوقت دا كان عدى يومين على اليوم اللي كان جه فيه فاضل وابنه سعد
عايده قلقانة على بنتها وبتفكر في كلام فاضل اللي قاله لأحمد وأحمد حكالها عنه
احمد: ها.....اقعدي وانا احكيلك
عايده قعدت وهي باين عليها القلق
احمد: فاضل طلب ايد ايه لسعد ابنه
عايده: ايه اللي انت بتقوله دا
احمد: ذي ماسمعتي كدا وماادانيش فرصة حتى ارد عليه وقالي فكر و يومين ورد عليا
عايده بخوف وقلق: لا يا احمد والنبي انت عارف أخواتك بيتعاملوا معانا ازاي انا والله لما لاقيته ادامي وبيتكلمه كويس وبهدوء عرفت ان فيه مصيبة
احمد: ربنا يستر وانا اصلا هرفض أكيد أنا مش ناقص بنتي تعيش في حياه كلها حقد وغل وكلها نكد
عايده بخوف: أحمد أنا خايفة اوي
احمد: بصي طول ما أنا عايش وفيا نفس عمري ماهوافق
عايده فاقت من سرحانها على صوته ايه
ايه: ياماما
عايده: ها...ايه في ايه
ايه: بنادي عليكي مش سمعاني
عايده: معلش كنت سرحانة شوية في ايه
ايه: بابا ومازن فين
عايده: نزلوا يصلوا الجمعة
ايه: ماشي ياست الكل انا قاعدة بارة
عايده: ماشي يابنتي
احمد خلص الصلاه وراح قعد على القهوة مع اصحابه ومازن طلع البيت ودخل اوضته يذاكر وايه خبطت عليه ودخلت
مازن: أهلا باللمضة
ايه: بس يارخم دا أنا جيبالك كوباية شاي انما ايه حلوة
مازن: حبيبة قلبي والله انا فعلا محتاجها
أخد منها الشاي وهي راحت قعدت على سريره وباين عليها القلق مازن شافها وراح قعد جمبها: مالك يا حبيبتي
ايه: زهقانة اوي يامازن عاوزة اشتغل انت عارفني مابحبش القاعدة
مازن: ان شاء الله يا حبيبتي تشتغلي مش انتي قدمتي ورقك في كذا مدرسة
ايه: اه ولحد دلوقتي مافيش أي حاجة
مازن: معلش يمكن بس عشان الدراسة بدأت من فترة فمستنيين لبداية السنة الجديدة
ايه: يمكن....يالا أسيبك تكمل مذاكرة
سابته وخرجت وهي راحة تجاه اوضتها جرس الباب رن وراحت تفتح
*الحلقة السابعة*
وقفنا في الحلقة اللي فاتت لما ايه راحت تفتح الباب وكانت مي صحبتها وايه فرحت جدا لما شافتها وحضنتها (رغم انهم من بلد واحدة بس مش بيتقابلوا كتير )
ايه: ميوش وحشاني اوووي ايه المفجأة الحلوة دي
مي: قولت أعملها انا واجيلك عشان ننزل نشتري حاجات عشان فرحي ياست هانم انتي نسيتي
ايه: انا انسى فرح أختي باردوا
مي: طب خلاص قومي يالا غيري هدومك وننزل وندخل المول شوية
ايه: ماشي حاضر
عايده خرجت من المطبخ على صوت مي وشافتها وسلمت عليها: اذيك يامي عاملة ايه
مي: الحمدلله ياطنط انتي عاملة ايه
عايده: الحمدلله يابنتي مامتك عاملة ايه
مي: الحمدلله بتسلم عليكي والله
عايده: تسلميلي يابنتي ... فرحك امتى
مي: اهي هانت اقل من شهر اهو
عايده: على خير يا قلبي ان شاء الله
ايه خرجت وقالت لمامتها انها هتنزل مع مي عشان تشتري شوية حاجات
★★★★★★
في ڤيلا الشامي في أوضة المكتب قاعد سليم وعمته وفاء
وفاء: خير يا حبيبي
سليم: عاوز احكيلك على حلم حلمته ومش فاهم اي حاجة منه
وفاء: احكي ياحبيبي وأنا سمعاك
سليم: حلمت ان فيه بنت واقفة بعيد عني بس معرفهاش وبتنادي عليا ومحتجاني بس المسافة بيني وبينها بعيدة وكانت كل ماهي بتقرب مني المسافة بنا بتبعد ومش فاهم دا ايه
وفاء: بص ياسليم اللي فهمته من كلامك ان فيه بنت محتجالك اووي وانها عاوزة تقرب منك وانت اللي بتبعد عنها
سليم: طب هي مين دي انا مافيش في حياتي حد كدا او محتاجني كدا
وفاء سكتت شوية وردت: يبقى اكيد هتلاقيها
سليم سكت وما اتكلمش لانه بدأ يقلق لانه بقى بيخاف ان اي حد يدخل حياته
وفاء خرجت وسابته وبتفكر مع نفسها لانها ربطت الحلم بطلب احمد اللي طلبه من سليم بس ماحبتش تقول لسليم عشان هو رافض اصلا نهائي
*في المساء*
كريم ودينا رجعوا بعد معاناه دينا مع كريم دخلوا وقعدوا
سليم: ايه يا دينا عملتوا ايه
دينا: والله هخنقه ياسليم ايه دا الواحد تعب
سليم ضحك: عشان كدا خلعت انا
كريم: متشكرين يارجولة
سليم ضحك جامد وبص للشنط اللي جمبهم: بس انتوا باين عليكم اشتريتوا حاجات كتير اهو
دينا: دا بعد خمس ساعات وفي الآخر يقولي مش عاجبني
كريم ضحك: والله يعني عاوزاني البس حاجة مش عجباني
سليم مقدرش يمسك نفسه من كتر الضحك وفضل يضحك وطارق بيبص لأخوه وفرحان انه بيضحك وفعلا محدش بيضحكه كدا من قلبه غير كريم
كريم ضحك علي ضحك سليم: اضحك يا اخويا اضحك ماااشي صبركوا عليا
سليم: بس يا بابا اتكلم على ادك ها .... يالا اسيبكم عشان اروح اقابل مروان وتامر في النادي
في الوقت دا مريم نزلت وسمعت سليم: ممكن يا حبيبي تاخدني معاك عشان اصحابي مستنيني ونرجع سوا
سليم علي اخره منها: طيب اتفضلي اجهزي بس بسرعة
مريم طلعت بسرعة غيرت هدومها ونزلت وخرجوا وراحو النادي
سليم قعد مع اصحابه ومريم قاعدة مع اصحابها
سليم لتامر: ايه رأيك في الفوج الأجنبي دا
تامر: مش عارف والله ياسليم بس لازم نتأكد انهم كويسين دا مشروع كبير
سليم: تمام ودا اللي هعمله من بكرة
مروان: بطلوا كلام عن الشغل وخلينا نتكلم في اي حاجة تانية دا انتوا رخمين اوي
سليم وتامر ضحكوا: حاضر يا سيدي
قعدوا سوا وفرحانين بلمتهم ومريم قامت من عند اصحابها وجات عليهم: هاي
سليم مضايق اوووي منها
تامر لمريم: اذيك يامدام مريم
مروان: اهلا
مريم اضايقت من كلمة مدام: ايه مدام دي ياتامر انا اسمي مريم وبس
سليم بصلها بإستغراب كبير: وبالنسبة لجوزك اللي قاعد دا ايه ان شاء الله
مريم: لا يا حبيبي ماقصدش طبعا بس مش بحب الكلمة دي
سليم استأذن من اصحابه واخدها ومشي رجعوا سوا الڤيلا
مريم بتدلع عليه: سليم وحياتي اطلع معايا انت كل يوم بتقضي وقتك في المكتب
سليم: معلش شغل
مريم بتقرب من ودنه وبتهمس: وحشتني اوي
سليم خايف يضعف ذي اي راجل: معلش انا عندي شغل
مريم: وحياتي خليك معايا الليلادي
سليم طلع معاها فوق وبعد وقت تقريبا كان طويل اخد دش ونزل وكان مضايق ومخنوق منها وعاوز يخلص من كل دا دخل مكتبه وفضل فيه لحد الصبح
★★★★★★
تاني يوم الصبح في بيت ايه تليفون احمد رن وكان فاضل اخوه: ايوا يافاضل
فاضل: ...........
احمد: انا مش موافق
فاضل: ..........
احمد: بنتي مش موافقة وانا استحالة اخليها تعمل حاجة غصب عنها
فاضل: ............
احمد: ايوا طبعا باخد رأيها امال عاوزني اغصب عليها
فاضل: ............
احمد: انتي بتهددني ولا ايه
فاضل: .............
احمد: ربنا هو الحامي وبنتي مش محتاجة لا ليك ولا لإبنك سلام
احمد قفل مع فاضل وعايده كانت جمبه: ايه يا احمد بيقولك ايه
احمد: بيهددني وقاعد يقولي محدش هيرضي بيها بظروفكم دي ولا هتعرف تجوزها
عايده: هو عاوز مننا ايه وبعدين احنا الحمدلله حالتنا مش وحشة اوي ذي ماهو فاكر على الاقل علمناهم وربناهم مش هو اللي بيعين القرش وبخيل حتى في تعليم ولاده
احمد: ربنا يستر ياعايده
عايده: ياااارب يا احمد
في شركة الشامي
سليم وصل الشركة والكل بيخاف منه لانه في شغله جاد جدا ومايعرفش اخوه
دخل مكتبه وطلب السكرتيرة
منال (السكرتيرة): نعم يافندم
سليم بجدية: خليهم يجبولي القهوة بتاعتي وابعتيلي الفايل اللي فيه كل حاجة تخص الفوج الأجنبي
منال: حاضر يافندم تؤمر بحاجة تانية
سليم: لا اتفضلي انتي
منال خرجت وعملت كل اللي سليم طلبه
وسليم طلب منها انها تخلي طارق اخوه يجيله مكتبه وشوية وطارق جه ودخل
سليم: اقعد ياطارق
طارق : خير ياسليم
سليم: انا شفت فايل (ملف) الفوج الاجنبي
طارق: وايه رأيك
سليم: من ناحية الاعمال اللي عملوها بصراحة شغلهم عجبني جدا وهيفدونا جدا في شغلنا
طارق: طب حلو
سليم: بس في حاجة
طارق: ايه هي
سليم: نتأكد انهم في السليم انت طبعا مش تايه عن الاجانب واكترهم بيبقوا عاملين الشغل دا يداروا بيه على اي مصيبة بيعملوها
طارق: ايوا فعلا طب وهنتأكد ازاي
سليم: ماتقلقش انت انا هعمل كام اتصال كدا وهقولك
طارق: تمام
طارق راح مكتبه وسليم قاعد فاتح اللاب وشغال عليه
★★★★★★
*عند ايه*
عدا اسبوعين وخلاص يوم فرح مي بيقرب وكل يوم ايه عندها عشان لو هي محتاجة حاجة
*عند سليم*
واقف مع مروان صاحبه في كل حاجة مش سايبه ولو في حاجة ناقصة هو بيكملها
*اما مريم وامها*
بيخططوا انه ازاي يخلوا سليم يقرب من مريم اكتر و اكتر وان مريم تاخد فلوس كتير وربنا يستر ليبقى التخطيط دي يبقى فيه مصيبة
*كريم رجع اسكندرية عشان شغله وقالهم ان كل شهرين هيجيلهم عشان دي الطريقة اللي هيعرف بيها ياخد اجازة
*دينا في اوضتها نفسها في حد يبقى قريب منها مش شرط يكون ولد لا عاوزة بنت تكون قريبة منها وكانت بتتمنى ان مريم بنت عمتها اللي هي في نفس الوقت مرات اخوها تبقى قريبة منها بس للاسف مريم وحشة والكل مش بيحبها
عدا الشهر وجه يوم فرح مي ومروان
ايه مع مي من الصبح عشان هي الانتيم وكمان لأن نهلة مسافرة ومعرفتش تنزل تحضر الفرح بس هتكلمهم فيديو وهما في القاعة
احمد وعايده مش هيعرفوا يروحوا الفرح عشان احمد تعبان ومازن هيروح مع اخته
★★★★★★
في المساء في البيوتي سنتر
مي: انا حلوة يا ايه
ايه: ماشاء الله جمييييلة ياميوش ربنا يحميكي
مي: انا فرحانة اوي اخيرا اليوم اللي بستناه انا ومروان خلاص جه
ايه: الف مبروك يا حبيبتي ربنا يسعدكم يا عمري
شوية ومروان جه وسليم وبقية اصحابه فضلوا واقفين بارة
مروان دخل وشاف مي: انتي مي؟!
مي وهي عاملة زعلانة: ايه ياحبيبي مش عارفني لا انا زعلانة منك
مروان ضحك: لا يا قلبي بهزر معاكي انتي اصلا حلوة في كل حاجة والنهاردة احلى بكتيير بالفستان الابيض
مي اتكسفت
مروان وجه كلامه لآيه: اذيك يا ايه عاملة ايه عقبالك عن قريب يارب
ايه: الحمدلله ربنا يخليك ...ربنا يسعدكم وخلي بالك منها يا مروان دي قلبي
مروان: دي في عيوني وبص لمي بحب ومسك ايديها
خرجوا كلهم وايه ركبت معاهم في عربية اخو مروان وبقية العربيات وراهم و بيعملوا حركات عالطريق بعد شوية وصلوا القاعة