رواية توامى المختلف
الفصل الثالث
بقلم علياء حسين
وقفنا في الفصل الي فات لما فتحوا الباب
●●●●●●●●●●●●●●●●
الجده/ابراهيييم وتقوم باحتضانه بسعاده
ابراهيم/وحشتيني قوي يا امي عامله ايه
الجده/ كويسه يا حبيبي انت عامل ايه وولادك عاملين انت جاي من غيرهم ولا ايه
ابراهيم/لا جبتهم معايا بس هما تحت بيجيبوا الشنط وفي اللحظه دي يأتي كريم وحسن وهما يحملان الشنط
الجده/حبايبي تعالوا في حضني وحشتوني كل دي غيبه
حسن بضحك /انا لو عليا ممشيش من هنا بس نعمل ايه
كريم /وسع يلا خليني ادخل الواحد تعبان من السفر
ليدخلوا وتكون غرام ومرام يجلسان علي الاريكه وتقومان بترحيب بهم
غرام بسعاده لرأيت ابناء عمها /هلا هلا كل دي غيبه ياعم انت وهو وتقوم لتسلم عليهم ليسلم عليها كريم وبتمد اديها لحسن لتجده سارحا يتأملها لتضربه في كتفه /في اي ياااض سرحان في ايه
حسن بوجع/في ايه يابت انتي متحترميني شويه الاه
غرام بضحك/احترم مين ياعم اقعد وانت ساكت ومتعملش فيها الكبير العاقل ها ده احنا دفنينه سوا لتقول كلامها بغمزه اسحرت كيان حسن ويتذكر ايامهم معا (ملحوظه ابراهيم واولاده كانوا عايشين معاهم في نفس البيت بس مشوا من سنتين كده وعاشوا في الصعيد علشان شغل ابراهيم هناك)
حسن بضحك /انتي لسه فاكره
غرام بضحك/وهو انا اقدر انسي برضو بقولك مسلمتش علي سماح وانت جاي قالت كلامها بغمزه فهي تعلم ان سماح بنت ام سماح😂بتحب حسن
حسن بضيق/ليه هما لسه قاعدين هنا والبت دي متجوزتش
الجده بضحك/هيمشوا قريب من عمايل غرام مع ام سماح ليضحك الجميع فهم يعلموا ان ديما غرام وام سماح مش بيطيقوا بعض
-كل هذا ومرام قاعده بهدوء
حسن /اه صح ازيك يا مرام عامله ايه
مرام بكسوف /تمام الحمد لله يا حسن وانت عامل ايه
حسن بضحك وهو يضرب غرام علي قفاها /اتعملي ياختي اهي دي تحسيها بنت كده في كلامها مش ذيك
غرام بردح /نععععم يااااخويااااا ليه يا عنييياااااااا ده انا ست البنات
حسن بغمزه /طبعا وهو حد يقدر يقول غير كده
غرام /ايوه كده اتعدل
نروح لكريم الجالس يستمع لهم
غرام وهي تحرك يديها امام وجهه /في ايه ياعم انت روحت فين
كريم/هااا اديني اهو معاكو -كريم كان سرحان في مرام فهو معجب بشخصيتها وهدوئها
غرام بغمزه /معانا برضو هي تعلم بان كريم معجب بمرام
كل هذا وابراهيم والجده يتحدثون في ركن بعيد عن مكان الشباب
الجده /ومراتك عامله ايه يابني مجتبهاش معاك ليه
ابراهيم /المره الجايه بقي ياامي
الجده بحزن/مش ناوي بقي يا ابراهيم تستقر هنا وتعيش معانا
ابراهيم /ماهو انا جاي المرادي علشان انقل شغلي هنا بس هارجع المرادي والمره الجايه هاستقر
الجده بسعاده /بجد يابني هتستقر هنا واخيرا الحمد لله بس ايه الي طلعها في دماغك ده انا بقالي كتير بحايل فيك وانت مش راضي
ابراهيم بضحك مزيف/ايه ياامي مش عاجبك ولا ايه نروح نمشي يعني ههههههههههه
الجده /لا يابني مش قصدي ده انت تنور طبعا يلا بقي نروح للولاد نقعد معاهم
ليوجهوا نظرهم لنحيه الولاد ليجدوا كريم ماسك غرام من قفا البجامه ورفعها لفوق
كريم بتحذير/عيدي كده قولتي ايه
غرام بخوف /مقولتش حاجه والله يا كبير ده انا كان قصدي علي الواد حسن
حسن بضحك/كدابه والله يا كريم دي كان قصدها عليك
كريم /انتي يابت مش بتحرمي عاوزه تاخدي علقه تمام علشان تحرمي
غرام بخوف /خلاص والله
مرام بضحكه هاديه /خلاص ياكريم سامحها المرادي علشان خاطري انا
كريم وهو يترك غرام لتصقت علي الارض بالم /علشان خاطرك انتي بس
غرام بالم/منك لله ياشيخ اديك كسرتني وهتفرح ام سماح فيا ومش هلحق احضر فرح حسن وسماح
حسن بضحك /ياشيخه اتنيلي انا تجوزوني البنت المسهوقه دي
غرام وهي تقلد ام سماح /ليه ياحبيبي انت متعرفش مامتها بنت مين بنت اكبر خياط في البلد
لينفجر الجميع في نوبه من الضحك
غرام بضحك /علشان تخيط لبس ببلاش
الجده /يلا يا بنات نروح نعملوهم عشاء علان اكيد جعانين من السفر
ابراهيم/لا ياامي احنا واكلين الحمد لله
كريم /ايوه يا تيته فعلا مش جعانين
نظروا الي حسن
حسن /لا انا جعان 🙂
كريم /يخرب بيتك انت مش بتشبع خالص ده واكل نص الاكل في الطريق
غرام بضحك/طول عمره ايه الجديد
الجده بضحك/متفرحيش ياختي ماانتي اكتر منه
غرام بضيق /ايه يا تيته الفضايح دي وفرحتي الواد حسن فيا
الجده /طب يلا قومي اعملي ليك وواد عمك يلا
غرام بهمس لجدتها/في ايه يا وليه من امتي انا بعرف اطبخ ها هتفضحيني قدامهم حسبي الله
غرام بابتسامه /لا يا تيته انا مش جعانه قوي انتي اعمليه وانا هادخل انام اصلي منتظمه اوي في مواعيدي
الجده /اوي ياختي ده انا بصحيكي بقتيل كل يوم
غرام /هههههه بتهزري يا تيته ده انا نسمه
الجده وهي بتقوم لتحضر العشاء لحسن
الجده/نسمه اوي ياختي انتي هتقوليلي
حسن يحدث غرام/ايوه صح انتي دخلتي نفس كليتي عامله ايه فيها
غرام /والله يابني عمو طروقه مطلع عين امنا والله تخيل انا وحده فاشله مزكرتش حاجه وكنت مستنيه اللغاء ولا تاجيل يقوم ام الوسخه مخلي الامتحانات في معادها
حسن /احسن الحمد لله انا فلت من طروقه وعمايله
كريم وهو يحدث مرام /وانتي يا مرام عامله ايه في كليتك
مرام بهدوء/تمام الحمدلله كويسه
غرام/كويسه اوي ياض دي مبتقمش من علي الكتاب خالص تلاقيها مراجعه المنهج تلات مرات
كريم /طب قولي ماشاء الله يا فاشله انتي
غرام بغمزه /الاه وانت بتدافع عنها ليه ها
كريم وهو ينهض لتجري غرام علي اوضتها وتطلع راسها من الباب
غرام /ايه ياعم انت افوش كده ليه بهزش ايه مهزرش يا رمضان
وتغلق باب الغرفه باحكام احسن ممكن يجيلها
مرام بكسوف/طب استاذن انا بقي واروح انام تصبحوا علي خير
لينهض كريم هو الاخر /وانا كمان داخل انام
حسن وهو يسترخي ويضع قدم فوق قدم/لا روحوا انتوا انا مش هنام غير لما اكل
ليحضر له جدته الطعام وياكل ويدخل غرفته وينام وكذالك ابراهيم والجده
●●●●●●●●●●●●●●●●●●●
في مكان اخر يجلس شخص ويتحدث في الهاتف
الشخص/ايه ده بجد وانت متاكد من كده
المجهول /اه والله جه انهارده هو واولاده
الشخص /وقعدوا فين
المجهول /عند امته وولاد اخوه البنات
الشخص /بكرا بجبلي كل المعلومات عنهم عن اولاده وعن بنات اخوه
المجهول /تحت امرك يا تميم باشا
ليغلق تميم الهاتف وهو ينظر امامه بتوعد ويقول والله لاقهر قلبك زي ما قهرت قلبي يا ابراهيم
●●●●●●●●●●●●●●●●●●●
في صباح يوم جديد
تستيقظ الجده وتقوم بايقاظ البنات
وتدخل اوضه غرام وكالعاده غرام مبتصحاش
الجده /قومي يا بت انتيييي هتجبيلي شلل
غرام بنعاس/ ابعدي عندي يا وليه انتي
الجده بخبث/بقي كده طب ماشي
لتأتي بجانب الباب وتنادي علي كريم
الجده /تعالي يا كريم صحي غرام مش عارفه اصحيها
غرام وهي تقوم بخضه وخوف وتطلع بجري علي الحمام
الجده بضحك/ناس مبتجيش غير بالعين الحمره
وتذهب لتوقظ مرام وكالعاده مرام بتصحي بسرعه
لتخرج الجده وتذهب لاحضار طعام الافطار
-في غرفه غرام تنتهي من اخذ الشاور وتذهب لاختيار ملابس اليوم
والمكونه من (بنطلون بوي فرند لونه اسود وبلوزه بيضه جميله وطرحه سوده وكوتشي ابيض) فكان الطقم جميل
لتخرج لجدتها
-في غرفه مرام تنتهي هي الاخره من اخذ الشاور وتذهب لاختيار ملابس اليوم والمكونه من (فستان من اللون الاسود وطرحه لونها احمر فاتح وكوتشي ابيض )فكانت غايه في الجمال
وتخرج الي جدتها وفي نفس اللحظه يخرج كريم من الغرفه وينظر الي الملاك الواقف امامه
مرام بكسوف لرايته/صباح الخير
كريم بابتسامه جميله /صباح الورد والياسمين
لتأتي غرام من الخلف
غرام /تيرا رارارا اجبلك شجره واتنين لمون يا عم محن انت
كريم بضيق من تلك التي دائما تأتي بالاوقات الغلط😂/ملكيش دعوه انتي ده انتي فصيله اوي جاتك القرف
غرام بضحك/معلش ياعم روميو قطعت عليك اللحظه الرومانسيه لتضربها مرام بكسوف /بطلي قله ادب
غرام /يلا يا ختي
ويذهبوا ليفطروا وينضم معهم حسن ايضا
حسن /غرام اي رايك اروح معاكي انهارده اصل الكليه وحشاني اوي(كان بيقول كده علشان يقضي وقت اكبر مع غرام)
غرام /تمام ماشي واهو بالمره الاقي حد يدفع تمن التاكسي
حسن/مستغله حقيره
غرام بضحك/طول عمري هههههه
لينتهوا من الفطار ويذهب كل منهم لوجهته تذهب مرام الي الجامعه وتقابل نور سين ويذهبوا الي المحاضره
نورسين بغمزه/علينا الدكتور محمد
مرام بضيق/اسكتي انا مضايقه اوي انو علينا ودمه سم كده وملزك
نور سين بضحك/ده هيموت عليكي ياقطه
مرام /لا ياختي يموت بعيد عني (ملحوظه مرام بتتعامل مع نورسين بطريقه غير الكل يعني بتتحول 😂😂)
نورسين /طب يلا ياختي احنا اصلا متاخرين ياكش يدخلنا
مرام /يلا وخلي الباقي علياههههههههه
ليدخلوا المحاضره بعد ان بدات
الدكتور دون ان يلتفت لهم /ممنوع الدخول من بعدي يا استاذه انتي وهي
مرام بخبث وتقول بصوت كيوت /معلش يا دكتور اخر مره
ليلتفت الدكتور محمد لها وينظر لتلك الملاك ويقول /طبعا طبعا ادخلوا اااا احم بس اخر مره تتاخروا كده
نورسين بهمس لمرام /ااه يابنت الايه
ويدخلوا المحاضره
●●●●●●●●●●●●●●●●●●●
نروح عند غرام وحسن
غرام /بقولك ايه يلا
حسن /يلا مين يا بت احترميني شويه
غرام /احترم نفسك يلا انت وانا ليا اسم يا حبيبي ايه بت دي هااااا
حسن /انا برضو الي احترم نفسي صبرني يا رب مش عاوز امد ايدي عليكي
غرام بردح /تمد ايدك عليييييي ميننننننن يا عنيااااااااا جرب تعملها كده وانا اخلي ايدك توحشك
حسن /انتي متاكده انك بنت انتي
غرام وهي تضربه علي كتفه /ملكش دعوه انت
ليدخلوا الجامعه وينظروا الفتيات الي حسن فهو وسيم بدرجه كبيره مع عيون رماديه جميله
حسن /علي وضعي لغايه دلوقتي
غرام/علي ايه يا حسره هما ذوقهم وحش للدرجادي
حسن يضحك/لا ياختي سبنالك انتي الذوق اتنيلي
ليترك غرام تذهب الي صديقتها تالين ويذهب هو ليسلم علي الدكاتره في الجامعه
تالين /مين يا بت الواد المز ده الي كان معاكي
غرام /حتي انتي انتو ذوقك راح فين ها
تالين/ده مز وحلو اوي انتي تعرفيه يا بت
غرام /ايوه ياختي فاكره عمو ابراهيم الي حكيتلك عنو
تالين/ايوه ايوه ومعاه ولدين
غرام /ايوه وده واحد منهم
تالين/يعني الواد المز ده ابن عمك امال انتي طالعه لمين
غرام وهي تضربها/قصدك ايه يا بنت الجزمه قصدك اني وحشه هاااا
تالين بالم /لا مش قصدي يا قلبي ده انتي قمر
غرام /ايوه كده اتعدلي
●●●●●●●●●●●●●●●●●●●●●●●
عند مرام
مرام /يلا بقي باي يا نور
نور/باي يا قلبي
وتتركها وتركب تاكسي وتذهب الي المنزل
●●●●●●●●●●●●●●
عند غرام بعد ان انتهت من المحاضرات
وتذهب هي وحسن
غرام /كنت بتعمل ايه يلا ده كله
حسن /عادي كنت قاعد معا دكاترتي واصحابي الي بقوا موعدين
غرام/وانت بقي يا فاشل مبقتش معيد ليه
حسن / عادي يعني اخر سنه هي الي ضيعتني
غرام /ليه يا خويا كنت بتطلع الاول قبلها انا معرفش
حسن وهو يضربها علي قفاها /لما نشوفك انتي يا شاطره هتجيبي كان الا صح تقديرك كام السنه الي فاتت
غرام بفخر / مقبول
حسن بصدمه /جبتي مقبول وفرحانه
غرام/وفيها ايه مقبول احسن من السقوط
حسن /طب يلا يا ام مقبول وتيته تعرف علي كده
غرام بضحك/قولتها نتيجتي ضاعت ومش لقينها فنجحوني ههههههههههه
حسن بضحك /يخربيتك هههههههههههههههه
ويركبوا تاكسي ويذهبوا الي المنزله
-هنا يسطا قالتها غرام للسواق
لتنزل هي وحسن من التاكسي
غرام / بتحب الاكشن
حسن /ليه يعني
غرام بضحك/اصل ام سماح مستنياني عند الباب اهي شايفها
حسن بضحك /بس يا بت امشي وانتي ساكته زملكيش دعوه بيها
غرام بضحك/مقدرش مقدرش لازم اسلم عليها
لتخرج ام سماح من منزلها وتري حسن لتبتسم بسعاده /نورت يا بني عامل ايه
غرام بهمس لحسن /اشرب بقي وهتدخلك تاكل من صنيه البطاطس الي عملاها سماح ومحدش بيعرف يعمل زيها
حسن يابتسامه/بنورك ياام سماح انا كويس الحمد لله
ام سماح/ده سماح هنفرح اوي لو عرفت انك جيت
غرام/وتفرح ليه ياختي
ام سماح /ملكيش دعوه انتي
وترجع تمسك دراع حسن/والله يابني مانت ماشي قبل ما تاكل صنيه البطاطس الي عملاها سماح وهتاكل صوابعك ولاراها
غرام/مش قولتلك
حسن باحراج/معلش يام سماح مره تاني والله علشان مستعجل
ام سماح /ابدا ما يحصل انتي ياااااابتتتتت ياااسمااااااااااح
سماح من الشباك/ايه ياما ايه ده حسن هنا وتدخل وتقفل الشباط وتنزل جري لتحت
غرام بضحك/كملت اهي
حسن باحراج/ ياام سماح والله ورايا شغل خليها مره تاني
ام سماح/قولت هتاكل من صنيه البطاطس يعني هتاكل
حسن لغرام/الحقيني وحيات عيالك يا شيخه
غرام وهي تشمر كمها /تمام ابعد انت كده
غرام لام سماح/هتسيبي دراع الواد ولا تاخدي زي علقه امبارح
ام سماح بخوف /ااا انتي مالك انتي
غرام/ مالي ازاي يا قطه ده خطيبي
لينظر كلامن حسن وام سماح بصدمه
ام سماح/هو خطبك انتي
غرام /ايوه خطبني انا سيبي بقي رواع خطيبي
لتتركه ام سماح وتدخل وتغلق الباب في وشهم
حسن /منك لله يا شيخه لو كانت اتحايلت شويه كمان كنت دخلت كلت
غرام /طول عمرك مفجوع يلا يا اخويا نروح
حسن /هو انتي ليه قولتي انك خطيبتي
غرام بضحك/علشان تسيب دراعك
حسن وهي ينظر لها ويتحدث بهمس/ان شاء الله قريب اوي نتكوني ليا
غرام /بتقول حاجه
حسن/لا ياختي مش بقول ده انا بحسبن فيكي
غرام /انا غلطانه
ليذهبوا الي المنزل
●●●●●●●●●●●●●●●●●●●
في مكان ما يجلس تميم الاحمدي
لياتيه اتصال
تميم /ها جبتلي المعلومات
المجهول /ايوه يا باشا بس في حاجه اكتشفتها هما تقريبا ميعروفهاش
تميم /ايه هي
المجهول /البنات ولاد اخوه
تميم بنفاذ صبر/مالهم ماتخلص
المجهول /عندهم اخ ولد وهما ميعرفوش