رواية توأمى المختلف
الفصل الثامن والتاسع
بقلم علياء حسين
(الثامن)
وعدنا أنفسنا ووضعنا حياتنا تحت مسمى الحب لكن ابدا لم نضع مخططات للعودة بعد تلك الرحلة التي لا عودة منها
نعم انت رحلت واخذت روحي معك تركت القليل من الشضايا المنكسرة
والكثير من الذكريات الموجعة
دائما ما انتظر عودتك رغم اني متأكدة أن هذه الطريق لا رجعة فيها
-ليأتي صباح يوم جديد
في غرفه غرام كانت الغرفه مقلوبه رأسا علي عقب
غرام /هيكون راح فين يعني يااربيي
لتسمع طرق علي الباب
غرام بضيق/ادخل
لتدخل مرام وتتفاجأ من منظر الغرفه
مرام/ايه الي انتي عملاه ده
غرام بضيق/بت انتي انا مش طايقه نفسي مش لاقيه حاجتي
مرام /علشان انتي الي كنتي بترمي حاجتك علي طول
غرام بغيظ/انتي يابت جايه تشمتي فيا
مرام بهدوء/مش شمتانه ياغرام وبعدين انتي بتدوري علي ايه هو مش احمد قال متجبوش لبس
غرام /ماهو في كذا حاجه برضو غير اللبس
مرام /طيب اسيبك واروح اجهز نفسي احمد قال انو هييجي بليل وهنسافر ونوصل ان شاء الله الصبح
لتخرج مرام وتذهب لتجهيز نفسها هي الاخره وكذالك الجده وكريم وحسن علشان هما كمان مسافرين بلدهم
●●●●●●●●●●●●●●●●●●●●●●●
نورسين بصوت عالي/اعاااااااا بجد هتيجي هنا الله واخيرا
في هذي اللحظه يسمع تميم صراخ نورسين فيذهب اليها
تميم بقلق/في ايه يابت مالك
نورسين بضحك/ههههه مفيش ياقلبي
ثم اكملت ايوه يعني هتوصلوا امتي.....اه تمام طب والكليه .....بجد طب كويس وانا كمان هاخلي تميم يخليني هنا ...تمام ياقلبي اسبك بقي
ثم تغلق الهاتف وتنظر لتجد تميم مازال واقفا
نورسين/في ايه مالك واقف كده ليه
تميم /كنتي بتكلمي مين وجايه فين
نورسين /قولتلك قبل كده عليها دي مرام ياعم وجايه هي واختها وجدتها عند اخوها هنا
تميم بترقب /اخوهم مين
نورسين/مش عارفه هي قالت ان ليها اخ وكان جاي ياخدهم عنده
تميم/اها تمام تمام يلا اروح اوضتي انا
نورسين بعد خروج تميم /سهلتها عليا والله واخيرا مرام هتبقي قريبه مني ونخرج مع بعض ثم نظرت في اثر تميم وقالت/وبعدها هتبقي عايشه معايا هيييييه ايه هو انا مطوله ولا ايه مش هتجوز ههههه اما اروح اشوف الوليه الي تحت دي
نورسين بصوت عالي/امااااامااااااع
الام وهي تضع يديها علي اذنها/فيييي اييه
نورسين بضحك/لا مفيش كنت بجرب صوتي عامله ايه ياحب
ام تميم /كويسه ياختي (دي ام تميم ام ام نورسين متوفيه ودي بتعامل نورسين بحب كأنها بنتها )
ربنا يصبرني عليكي انتي واخوكي قبل مااسيب البيت ومتعرفوليش طريق
نورسين وهي تاكل تفاحه/وليه احنا عملنا ايه ده احنا نسمه
ام تميم بغيظ/نسمه قوي ياختي انتي يامقصوفه الرقبه مبتوافقيش علي عرسان خالص والبيه التاني الي هيشلني الي مش راضي يتجوز
نورسين بضحك/لا بالنسابي انا فاانا قاعده علي قلبك ياسوسو اما بالنسبه للواد تميم فاصبري عليا وانا هاجوزهولك
لينزل تميم في هذي اللحظه
تميم /بتجيبوا في سيرتي ليه
نورسين /تعرف ياض يا تميم ماما كانت بتشتم فيك دلوقتي وبتقول انك مغلبها ومش بتتبعها قال وشوحت باديها كده
سوسن ام تميم/امشي يابنت الجزمه ياكدابه من هنا
تميم برفع حاجب /انا اصدق انك تقولي كده ياسوسو
سوسن وهي بتمسك ابو ورده/حتي انت كمان يابن الجزمه ثم ترمي عليه هو ونورسين الشبشب
تميم بضحك/الله وانا مالي
نورسين /ايوه وانا مالي انا كمان
تميم وهو يمسكها من قفاها /كله منك انتي ياسوسه
نورسين وهي ترمش بعينها /انت تسمع عني كده ياروحي
تميم بحاجب مرفوع/لا ياختي ده انتي ملاك
نورسين /احم طيب يابرنس سيب الشاكته لو سمحت
تميم/الشاكته !انتي متأكده انك بنت
نورسين/وماله ياخويا الشاكته وانا ياعنيا انا بنت وست البنات كمان
تميم بضحك/طبعا ياقلبي انتي ست البنات كلهم
نورسين /اااه قولت انك عاوز مصلحه
تميم بقرف وهو يتركها لتقع
نورسين بالم/منك لله ياخي هتكسرني من قبل مااجوزك وافرح بيك واشيل عيالك
تميم /بس يابت متفتحيش السيره دي لحسن ماما مبتصدق
سوسن /قوليله ياختي
تميم/اهو شوفتي
سوسن/هو انت ياواد مش ناوي تفرح قلبي بقي
نورسين وهي تكمل باقي الاسطوانه بتاعت كل الامهات /وتجبلي عيال يقولولي ياتيته ويملوا البيت
سوسن وهي ترمي ابو ورده علي نور /وكلامي عليكي انتي التانيه يا جزمه
تميم بضحك/احسن
نورسين بغيظ /وليه مفتريه صحيح
سوسن /وانتي يافاشله مش هترجعي الكليه
نورسين /هو انا ماقولتلكيش
سوسن /لا مقولتيش
نورسين/لا ياشيخه بجد مقولتش
سوسن /فيي ايه يابت ماتقولي
نورسين /انا قررت واستشرت ناس كبار وكده واخدت القرار
سوسن باستغراب/قرار ايه ماتقووووولي
نورسين بخوف/الحق امك هتتحول
تميم /شكلها كده
نورسين /بقولك ايه ياماما هي البنت ملهاش غير ايه بيت جوزها صح
سوسن وهي تمسك بابو ورده/عارفه عاوزه تقولي ايه تعرفي لو الي في دماغي صح
نورسين بخوف/انا مش هاكمل تعليم هاا
سوسن /نععععععم ده انا انفخك فيها
نورسين/في ايه ياسوسو ده انا بهزر معاكي ياوليه لا ياقلبي مين قال كده ده البنت ملهاش غير بيت جوزها ااا قصدي تعليمها ومستقبلها ولا ايه
سوسن/ايه كده يكش اسمعك بتقولي كده تاني
نورسين/لا انا هانقل الكليه الي هنا
سوسن باستغراب/وده من امتي بقي اديلنا قد ايه بنحاول معاكي
نورسين/انا كنت في الكليه الي هناك علشان صحابي وخصوصا مرام فامرام جايه هنا فاخلاص انا كمان هارجع هنا
سوسن /مين مرام دي يابنتي
نورسين وهي تنظر الي تميم/دي البيست بتاعتي ياماما لما تيجي هنا ابقي اجيبها هنا اعرفك عليها هتحبيها اويييي
سوسن بشك /وبتتكلمي كده ليه
نورسين بضحك وغمزه/ابقي اقولك بعدين
●●●●●●●●●●●●●●●●●●●●●
في منزل مافي حي شعبي كانت بطلتنا تعمل بتعب من ترتيب وتنظيف وغسيل
.../انتي يابت خلصي يلا علشان تعمليلي حاجه اشربها
تالين بتعب /حاضر اوووف
.../بتنفخي وتفشي ليه يابت مش عاجبك كلامي ولا ايه
تالين /وهو يعني اشمعني انا ماتخلي ليلي تعمل هي كمان
.../انتي تعملي وانتي ساكته بنتي تقعد معززه مكرمه اما انتي الي تشتغلي ابوكي مات وسابك بلوه عليا
تالين بالم/علي فكره ده بيت ابويا برضو وليا حق فيه
مرات ابوها/حق حق ايه ياعم حق انتي
مش كفايه مصاريفك وخليتك تكلمي تعليم
تالين/مصاريف ايه وتعليم ايه انتي بتتكلمي علي ايه اولا مصاريفي من معاش بابا ثانيا تعليم ايه انتي مالك بتعليمي وانا مش بصرف حاجه اصلا في التعليم
بدريه /معاش مين ياختي ده يادوبك ابوكي سابه لينا انا وبنتي اما انتي تشوفيلك غاره تأخدك وااه اعملي حسابك علي ابن اخويا كان بيقولي انو عاوز يتقدملك وانا الصراحه ابن اخويا مايتعبش
تالين بوجع/انتي عاوزه تجوزيني لابن اخوكي الي متجوز اتنين هابقي انا التالته ولا ايه
بدريه/ايوه ياختي اهو حد يلمك مش احسن مانتي مش لاقيه حد يعبرك
قالت كلامها وذهبت لتنظر تالين في اثرها بألم هذي هي زوجه ابيها تعاملها هذي المعامله منذ وفاة ابيها ولديها ابنه ليلي دي بقي بنت مسهوكه كده
بعد ان انتهت تالين من تنظيف المنزل ذهبت لغرفتها لتستريح قبل معاد الغذاء
لتدخل غرفتها وترمي بنفسها علي السرير وتبكي علي حالها ومن معامله زوجه ابيها
تالين بدموع/حتي انتي ياغرام هتمشي وتسبيني ثم تبكي كثيرا وتدعي ربها ان يريح قلبها
●●●●●●●●●●●●●●●●●●●●●●●
عند البنات
الجده/يلا يابنات احمد علي وصول
مرام وهي تجر الحقيبه/انا خلصت اهو ياتيته
الجده /امال مقصوفه الرقبه دي فين
في غرفه غرام وهي تجهز حقيبتها
لتشعر باحد يدخل الغرفه
غرام/تعالي كده يامرام حوطي دول علشان الوليه الي بره دي هتنفخني ...انتي يابت مش بتردي ليه
لتلتفت لتجد حسن واقف وهو يضع يده علي فمه ويمنع نفسه من الضحك
غرام بخضه/يخربيتك يا شيخ خضيتني
حسن بحب/سلامتك ياقلبي من الخضه
غرام بتوتر/وااا وانت جاي الاوضه ليه مينفعش كده اطلع بره
حسن وهو يقترب /لا مش هاطلع وجاي ليه جاي اودع روحي الي هتتسحب مني لما تمشي ياروحي انتي
غرام/في ايه يلا ايه الاشعار دي وبعدين انت بتقرب ليه كده اوعي
حسن وهو يقترب وغرام ترجع للخلف لتصتدم في الحائط ويحصرها حسن
غرام بتوتر/حسن ابعد مينفش كده حد يدخل
حسن /مش هامشي من هنا غير لما تقوليها
غرام/اقول ايه انجز اطلع بره
حسن /تقولي بحبك يلا
غرام بكسوف /الاه وهو انا هاقولها غصب يعني
حسن/لا هتقوليها بحب مش غصب
غرام /لا مش هاقول
حسن وهو يقترب اكتر /هتقوليها ولا اعمل حاجه نفسي اعملها من زمان
غرام /ااااه ابعد ياحسن مينفعش كده
حسن وهو مزال يقترب
غرام/حسسسسن
حسن بحب /قلبو وروحه وحياته
غرام بكسوف /اطلع بره
حسن وهو يصتنع الحزن /يعني مش هتقوليها صح يبقي انتي فعلا مش بتحبيني وابتعد عنها
غرام وهي تمسك يده/ايه ياعم الافوره دي
حسن وهو مزال يصتنع الحزن /خلاص مش انتي مش بتحبيني وانا الي جاي ومستنيكي تقوليها حتي قبل ماتمشي
غرام بكسوف/ياعم بطل قله ادب اقول ايه بس وبعدين الجمله بتتحس مش بتتقال
حسن وهو يعيدها لنفس الوضعيه ويحصرها بالحائط/وانا عاوز اسمعها علشان خاطري قبل ماتسافري حتي
غرام بكسوف/يوووم ياحسن عيب ياعم بص لما تبقي حاجه رسميه ابقي اقولها
حسن/علي فكره انا اقدر دلوقتي اخلي كل حاجه رسمي حتي لو كتب كتاب بس انا عارف دماغك هتقولي عاوزه اكمل تعليمي ومش عارف وايه ولسه صغيره
غرام بضحك/ايه ده وانت حافظ كلامي كمان
حسن بحب /لما مش هاحفظ كلامك وحركاتك احفظ ايه
غرام /طب ابعد كده
حسن /مش هابعد ويلا بقي خلي حد يدخل ويشوفنا كده
غرام/متهزرش يا حسن بجد ابعد
حسن/تؤتؤ لما اسمعها
غرام بكسوف/عاوز تسمع ايه يعني
حسن بحب /بحبك
غرام بكسوف/بحبك بس بقي استريحت
حسن اقترب منها بسرعه وخطف قبله سريعه ثم ذهب مسرعا الي الباب
حسن بضحك/معلش ياقلبي اصلي كنت هاموت لو معملتهاش ثم يغلق باب الغرفه ويذهب
عن غرام كانت مصدومه وفاتحه عيونها وتنظر في اثره
غرام بكسوف/ااه يابنت الجزمه ياكلب ياحيوان
ليفتح حسن الباب ويدخل وجهه /سمعتك علي فكره ولو مبطلتيش هادخل وهاكمل
غرام وهي ترمي عليه الاشياء/اطلع بره ياحيوان يا قليل الادب ياسافل
حسن بغمزه/هاطلع ياقلبي بس هييجي اليوم الي مش هاطلع ثم يغلق الباب مره اخره ويذهب
غرام/وسخ ايه ده احييه ده باسني يخرب بيتك ياحسن الزفت
ثم تعد اغراضها وتخرج الي الصاله حيث توجد جدتها ومرام وكريم زفرت بارتياح من عدم وجود حسن لانها مش عاوزه تبص في وشه السافل ده😂ثم توجه نظرها لتراه يخرج من المطبخ
لتنظر اليه بضيق لينظر هو اليها بضحك وغمزه
الجده /كنتي فين يا مقصوفه الرقبه انتي واتأخرتي ليه
حسن بغمزه وضحك/معلش ياتيته يمكن كانت بتعمل حاجه مهمه
غرام/هو احمد اتأخر ليه
في هذي اللحظه يسمعوا صوت جرس
ليفتح حسن الباب ليجده احمد
احمد وهو يرفع نظارته الشمسيه الجميله/ايه جهزتوا ولا ايه
غرام بغمزه/ايه ياولا الحلاوه دي متأكد انك اخويا
احمد بضحك /يلا يابت لو كنتوا جهزتوا
لينزلوا ويجدوا سياره جميله من احدث نوع لونها اسود جميل
غرام /ايش هاد يا ولا احنا هنركب في دي
الجده/اركبي يابت وانتي ساكته
غرام/الله انتي جايه معانا يعني هتقرفيني حتي هناك
احمد وهو يضربها علي قفاها/احترمي نفسك شويه يابت
غرام /حاضر يا قلبي علشانك انت يامز بس
لينظروا الي كريم وحسن ويودعوهم
غرام وهي تسلم علي كريم/هتوحشي يا راجل
كريم وهو يزيحها من امامه /امشي يابت من هنا
غرام بغمزه/اه قول انك عاوز تسلم علي ... تيته صح
لتنظر اليها كريم بتوعد /هيوحشني قفاكي والله
حسن /مش هتسلمي عليا ولا ايه
غرام بضيق/لا مش هاسلم ياخويا
حسن بضحد وغمزه/لا عادي ما انا سلمت
غرام بضيق/امشي ياض امممم سماح كنت هانساها والله
لتذهب عند بيت ام سماح
عند الباقي
الجده وهي تحضن كريم وحسن وتقبلهم /هتوحشوني ياحبايبي ابقوا تعالوا قولهم يااحمد
احمد/وهما اصلا محتاجين دعوه ييجوا في الوقت الي هما عاوزينه
كريم وهو يحضن احمد/هتوحشني يابن عمي
احمد بحب هو في الفتره الي قعد فيها معاهم حبهم/وانت والله ابقي تعالى
كريم /ان شاء الله
حسن /اوعي كده ياعم خليني اسلم عليه
ليحضن هو الاخر احمد تحت نظرات جدتهم المليئه بدموع الفرحه /ربنا يخليكم لبعض ياولادي
حسن وهو يحتضن احمد/هتوحشني والله ياحمد
احمد بحب/وانت كمان ثم همس ابعد عن البنت علشان منفخكش
حسن بضحك/متخفش ياعم وبعدين قريب مش هتقدر تقولي كده
احمد /لما يحصل القريب ده ابقي اتكلم ههههه
ليسمعوا صوت صياح نساء تدخل لبيت ام سماح
ليجروا اليه ليجدوا المنظر كالأتي
يجدوا غرام ماسكه ام سماح من شعرها ومقعداها علي الارض وهي قاعده فوقيها
غرام بردح/بقي انا علشان جايه اسلم عليكي تقوليلي هاكسر قولا ورايا بنت الكلب
ليجري احمد ويسحب غرام من فوق ام سماح
غرام /سيبني عليها بنت الجزمه انا غلطانه قولت اروح اسلم عليها يمكن ربنا يحن علينا ونرجع كويسين لكن انتي لازم تأخدي العلقه
احمد بزعيق/غررررررام مسمعش صوتك ثم يعيد نظره الي ام سماح والي الجيران الذين ينظرون اليه بأعجاب من منظره وهيبته
احمد بصرامه /احنا اسفين علي الي حصل يا جماعه وانا هاعرف غرام غلتطها كويس لينظر لغرام بصرامه لتنظر هي اليه بخوف
ليأخذها الي السياره ويركبوا ويذهبوا الي وجهتهم وتنتهي حياتهم في الحي الشعبي وتبدا حياء جديده
●●●●●●●●●●●●●●●●●●●●●●
♡♡♡♡♡♡♡♡♡♡♡♡♡♡♡♡♡♡
هي الطريق
غرام بخوف /احمد
احمد /.......
غرام/خلاص والله انا اسفه
احمد وهو ينظر امامه/.....
غرام بضيق/والله في الي قلت ادبها قال اقولها هيوحشني العراك معاكي تقولي هاكسر قولا وراكي يكسر راسها بنت الخياط
لتنظر لاحمد لتجده يضم فمه ليمنع نفسه من الضحك
غرام لتقوم وتذهب اليه وتقبله من وخده
/معلش مش هاعمل كده تاني وادينا اهو خلاص مشينا من عندهم
احمد/سماح المرادي
ليكملوا طريقهم تحت رغي غرام المستمر
●
( التاسع )
●●●●●●●●●●●●●●●●●●●●●●●
في صباح يوم جديد يصل احمد باخوته الي الفيلا ومن هنا هتبدا حياة جديده
احمد/يلا وصلنا
غرام كانت نايمه وفاتحه بوقها بطريقه مضحكه
مرام/واخيرا
الجده/يلا يابني صحي مقصوفه الرقبه دي خلينا ننزل
احمد بضحك/انزلوا انتوا وانا هاصحيها
لتنزل مرام والجده وينظروا للفيلا بانبهار فهي تشبه قصور الملوك
داخل السياره
احمد بخبث وصوت عالي /غراااااااااااااام
غرام بفزع /ايه في ايه مين مات
احمد بضحك/لا محدش مات ياختي قومي قامت قيامتك
غرام /انت يلا مش اخويا اصلا
احمد بضحك/انزلي يابت يلا
غرام/ليه هو احنا وصلنا
احمد وهو يهز راسه بمعني ايوه
غرام وهي تنزل من السياره وتنظر حولها بانبهار
غرام /هي دي فلتك يااحمد
احمد بغرور/طبعا وعندي في مكان بروحه فيلا هو انتي لسه متعرفيش اخوكي مين
غرام/ياعم اتوكس بس الله بجد الفيلا حلو هو احنا هنعيش فيها
احمد بنفاذ صبر/لا هنعيشوا في الاوضه الي في الجنينه فييييي ايه ياغرام مالك ياماما مش مصدقه ليه
غرام/اصلها حلوه اوي يلا بقي ندخل
لتمسك بيد احمد وتدخل وهي تنظر بانبهار لكل مكان في الفيلا فهي كانت فيلا جميله جدا من اللون الابيض وتصميهما خراافي وكانت تحيطها جنينه كبيره جميله ايضا وكان يوجد حمام سباحه كبير جميل ويوجد ارجوحه ايضا
غرام/احلا مافي المكان المرجوحه والله
احمد بضحك/طفله والله
غرام وهي تدلف الي الفيلا لتجد مرام والجده يجلسان لتنظر الي المكان
باعين منبهره (عارفه ان كلوا انبهار بس هي فيلا حلوه من الاخر😂😂)
فكان اقل مايوصفها انها تشبه قصور المملوك فكانت مصممه بحرافيه وفن
غرام/الله يااحمد ماشاء الله الفيلا حلوه اوي
الجده/ربنا يزيد ويبارك يام عين حسوده
غرام بضيق وهي تنظر لاحمد الذي كان يكتم ضحكته/انت يلا مين قالك تجيب الوليه دي معانا
احمد/غرام عيب كده ،يلا روحوا اوضكم ارتاحوا وانا هاشوف كام حاجه في الشغل
الجده/وانت يابني مش هترتاح ده انت سايق الطريق كلها ارتاح وبعدين شوف شغلك
احمد بحب لجدته/معلش ياتيته بجد ورايا شغل كتير وعاوز اخلصه
غرام/هي شركتك بتاعت ايه ياحمد
احمد /شركه برمجه
غرام/اشطا شغلني معاك
احمد/اتهدي يابت واطلعي يلا علي اوضتك
غرام/تمام يلا وريني اوضتي
لينادي احمد علي احد الخدم
الخادمه /نعم يابيه
احمد /خودي اخواتي الي اوضهم
لتنظر له الخادمه باستغراب وهي تنظر الي غرام ومرام
احمد/انجري انتي لسه هتبصي واه دول اخواتي ودي جدتي وياريت كلوا يعرف كده
لتهز الخادمه رأسها /حاضر يابيه تأمر بحاجه تاني
احمد/لا يلا وريهم اوضهم
ليعيد نظره الي اخوته وجدته
احمد/انتوا طبعا هتتعاملوا كانوا بيتكم بالظبط اي حاجه تحتجوها تقولوا للخادمين تمام ومش عاوزكم تتعاملوا كأنوا بيت حد غريب وانا هاروح الشركه وهاجي شويه كده واه حاجه تاني كل الخادمين ستات يعني لو حابين تقعدوا بشعركوا اما بره الفيلا في الجنينه لا بره في حراس رجاله وبس كده يلا روحوا علي اوضكم
ليذهب احمد ويرتكهم لتاخدهم الخادمه الي غرفهم
لتدخل غرام غرفتها الجميله كانت غرفه كبيره يتوسطها سرير كبير ويوجد حمام خاص وغرفه ملابس خاص بالغرفه
وكذالك مرام ايضا والجده
لتدخل غرام لغرفه الملابس لتجد غرفه مليئه بالملابس للمحجاب جميله جدا وايضا ملابس بيتيه ويوجد اكسسوارات جميله ايه وعطور فاخره لتاخد ملابس مريحه للنوم
وتدخل الحمام لتجده جاهز باكمله من شمبوهات وكريمات وكل شى تحتاجه الانثه للاهتمام بنفسها
وكذالك مرام ايضا وجدت نفس الشي واخذت هي ايضا ملابس بيتيه ودخلت اخذت شارو وذهب الي الفراش وذهبت في نوم عميق بسبب تعب السفر
●●●●●●●●●●●●●●●●●●●●●
في مكان ما مجهول
الشخص١/هو وصل انهارده ياباشا
الشخص٢/جاي ومعاه مين
الشخص ١/كان معاه بنتين ووحده كبيره وسمعت بيقولوا دول اخواته وجدته
الشخص٢/ تمام حلو اوي علشان ميفكرش يقف قصادي تاني ابن مهاب
الشخص١/وانت ناوي علي ايه
الشخص٢/هاستنى شويه وبعدين لما اقولك تعمل الي اتفقنا عليه
الشخص١/تمام ياباشا بس هو مفيش يعني غير الخطف
الشخص٢/انت مالك انت انت تعمل الي اقولك عليه وبس ومتسألش
الشخص١/انا اسف ياباشا تؤمر بحاجه تانيه
الشخص٢/لا يلا سلام
ليغلق الهاتف وينظر الي الفراغ
الشخص /جه اليوم الي هندمك فيه يابن مهاب
●●●●●●●●●●●●●●●●●●●●●●●
في فيلا احمد
تستيقظ غرام من نومها وتنظر الي الغرفه باستغراب ثم تتذكر
غرام/اه صح ده انا مش في بيتي
لتقوم وتدخل الحمام وتاخد شاور استعدادا لليوم ثم ارتدت ملابسها وتركت العنان لشعرها الجميل
*******************
عند مرام تستيقظ هي ايضا وتاخذ شاور استعدادا لليوم ثم ارتدت ملابسها وتترك العنان ايضا لشعرها الجميل
لتخرج من الغرفه وتقابل غرام
غرام/ايه ده ههههه انتي كمان نازله بشعرك
مرام/الصراحه مكنتش عاوزه بس الجو حر وبعدين انا مش هاطلع من الفيلا
غرام وانا كده برضو ولو طلعت الجنينه ابقي احط طرحه
لينزلوا معا الي الاسفل ويتجولون في الفيلا وبتعرفون علي الاماكن
غرام/ماشاء الله المكان جميل
مرام/اه الله اكبر ربنا يزيد
الجده/بتعملوا ايه
غرام وهي تذهب لتجلس
غرام/مفيش كنا بنتفرج علي الفيلا
وانا جعانه
الجده/اسكتي يابت هتفضحينا
غرام/افضح مين ياختي ده بيت اخويا
مرام بضحك/ههههه انتي لحقتي تجوعي
غرام/ايوه الله مكلتش من تلات سعات
الجده/وكل الاكل ده ومش بيبان عليكي حاجه
غرام/بصي الوليه هتحسدني ازاي عيني عينك كده قولي ماشاء الله بس
لتأتي الخادمه
الخادمه باحترام/تحبوا احضرلكم الغدا ياهوانم
غرام/ايوه يااا
الخادمه/سحر ياهانم سحر
مرام /معلش ياسحر هو احمد بييجي امتي
الخادمه /احمد بيه ياهانم بييجي علي خمسه المغرب وهو دلوقتي اربعه
مرام/خلاص تمام احنا هنستني احمد
غرام بعد ذهاب الخادمه/انتي يابت هتقعديني ساعه تاني بحالها من غير مااكل
الجده وهي ترمي عليها المخده/اقفي يابت المفجوعه من هنا
غرام بضحك/طب اقوم انا بقي اقعد في الجنينه شوفتلك يابت يامرام مرجيحه حلوه اوي تيجي معايا
مرام/تمام يلا
ليخرجوا الي الجنينه الجميله بعد ان لبسوا حجابهم
ليذهبوا الي المرجيحه ويجلسوا عليها وكانت امام حمام السباحه الجميل
غرام/الله حلوه اوي وقعدت تهز المرجيحه اوي
مرام وهي تقف من فوق المرجيحه/في ايه هتوقعينا
غرام وهي مازالت تهزها بقوه/عادي انتي خايي اااااااااااااااااه ليكون هذا صوت غرام التي سقطت من علي المرجيحه
مرام بضحك/احسن ههههههه
غرام بغيظ/امشي يابت انتي من هنا
مرام بضحك/هههه اروح انا بقي اكلم نورسين يلا باي ....لتذهب مرام وتجلس غرام علي المرجيحه براحه
♡♡♡♡♡♡♡♡♡♡♡♡♡♡♡♡♡♡
عند مرام
مرام /ايوه ياروحي وصلت من كام ساعه
نورسين /اعااااا بجد واخيرا يابت
مرام/اه شوفتي كان مستحيل اننا نتقابل غير في الجامعه اهو هنبقي مع بعض علي طول
نورسين/تعرفي انا حبيت اخوكي ده انو خلاكي تيجي هنا
مرام بضحك/حبيتي اخويا والله هاقوله
نورسين/ياختي اتوكسي هو انا اعرفه ..... لتتابع بخبث المهم كده كده هتيجي عندي يابت ماما عاوزه تتعرف عليكي
مرام/والله طنط دي انا حبيتها من غير مااشوفها واتعامل معاها
نورسين بخبث/لا متخافيش انتي هتتعاملي معاها اكتر مني
مرام باستغراب/هاا يعني ايه
نورسين بضحك/لا ياقلبي متخديش في بالك ....المهم هتنقلي في الجامعه الي هنا امتي انا تميم
مرام /وانا لما احمد ابقي اقوله وغرام هتنفخني لو فتحت الموضوع هههه
نورسين/الاه صحيح البت غرام دي مشكله المهم طبعا لما تيجي هتيجي معاكي
مرام/ان شاء الله يلا بقي اقفل علشان تقريبا احمد جه
نورسين/احمد ده خلاص بقي قره عيني ههههه
مرام/هههه يلا ياهبله من هنا وبعدين احنا مش كلنا مش هنتجوز وهنفضل سنجل
نورسين/لا ياختي انا عاوزه اتجوز واعمل في فرحي زي دنيا داش هههه
مرام /مين دينا داش دي
نورسين/ههههه والله ياختي ماعرف هما بيقولوا كده ههههه
مرام /سلام ياهبله
نورسين/سلام ياحب
ليدخل تميم عند نورسين
نورسين/انت يلا مفيش باب تخبط عليه
تميم وهو يقف امام المراه /بس يابت ... كنتي بتكلمي مين
نورسين /انت ديما داخل عليا وانا بكلم الكراش الاه
تميم وهو يذهب اليها ويرفعها من ياقه البيجامه/كراش مين يابت انطقي كنتي بتكلمي مين
نورسين/اوعي ياعم انت وسيب البجامه هاكون بكلم مين يعني بكلم مررراااممم
تميم/وبتقولها كده ليه
نورسين/ملكش دعوه انت دي صحبتشي وانا حره ... وبعدين جاي عندي تعمل ايه
تميم/ايه رايك في شكلي مع اني عارف اني مز يعني وحليوه بس يلا هاخد برايك المعفن
نورسين/اطلع يلا لبره ... وبعدين مهتم بشكلك ليه المرادي ياسي تميم هتقابل مزه ولا ايه
تميم /ايوه
نورسين بصدمه/اييييييييييييه
تميم باستغراب/مالك يابت
نورسين وهي تذهب اليه /بت مين ياصايع ياضايع الي رايح تقابلها دي
تميم وهو يضربها علي قفاها/متحسني اللفاظك يابت
نورسين/سيبك انت مين دي ان شاء الله
تميم /بنت بحبها عادي ورايح اقابلها
نورسين/بجد ياتميم ولا بتهزر
تميم /وهاهزر ليه يعني وبعدين فتره شويه كده نتعرف علي بعض شويه وبعدين هاخطبها
نورسين في نفسها/علي جثتي الجوازه دي تتم
نورسين/وهي مين دي اعرفها انا
تميم وهو يعدل من منظره/لا تقريبا مش هتعرفيها لانها شغاله عندي في الشركه
نورسين/طب ياخويا ربنا يسعدك
تميم/مالك يابت قلبتي ستي الحجه كده ليه
نورسين/لا عادي المهم انا عاوزه اروح معاك
تميم/لا طبعا تروحي معايا ليه
نورسين وهي تمسك يده/والنبي والنبي ياتيمو خودني معاك وهو مش المفروض انا اختك اروح معاك اشوفها يمكن متعجبنيش ههههه
تميم بتفكير/لا انتي هبله وممكن تبوظي كل حاجه
نورسين بخبث/لا والله مش هاعمل حاجه
تميم/خلاص ماشي يلا روحي البسي
لتذهب نورسين لترتدي دريس من اللون الزهري الغامقوطرحه بيضاء فكانت مثل القمر في جمالها
لتخرج لتجد تميم بانتظارها ويذهبوا لمقابله الفتاه
●●●●●●●●●●●●●●●●●●●●●●
عند تالين
بدريه مرات ابوها/جهزي نفسك يابت علي ابن اخويا جاي النهارده علشان يقرا فاتحتك
تالين بالم /حاضر يامرات ابويا .. لتخرج بدريه وتنظر تالين في اثرها
تالين/مكنتش عاوزه اعمل كده بس انتي جبرتيني يامرات ابويا وهاخليكي تندمي
لتجهز نفسها لما تنوي فعله
تالين /سامحني يارب
●●●●●●●●●●●●●●●●●●●●
في الصعيد في بيت ابراهيم
كانوا يجلسون حول المائده
ام كريم/بقوك ياكريم
كريم بانتباه/ايوه يامي
ام كريم/مش ناوي يبني بقي تتجوز ومتقولش مش لاقيها بنت خالتك مالها يابني
كريم/امي هو احنا مش اتكلمنا في الموضوع ده وقولت مش عاوز دلوقتي
ام كريم /انا قلبي وجعني في المناهده معاك لتنظر الي حسن
حسن بضحك/متبصليش كده انا عروستي موجوده بس هي تقول يلا وانا هاعمل الفرح في نفس اليوم
ام كريم/بجد يابني هتفرح قلبي مش احسن من الكبير ده
ابراهيم/ ومين هي بقي عروستك ياحسن
حسن بتوتر من ان يرفض والده لينظر لكريم ليهز كريم رأسه بمعني قول
حسن/غرام يابابا بنت عمي مهاب
●●●●●●●●●●●●●●●●●●●●●●
في فيلا احمد
وصل احمد ودخل الفيلا ليجد غرام جالسه بمفردها علي المرجيحه
احمد وهي يذهب اليها /غرررررام
غرام بخضه/في ايه .. تصدق انك عيل رخم
احمد بخبث/سرحانه في مين ياختي
غرام بتوتر/مكنتش سرحانه اصلا وبعدين سيبك انت يلا علشان ناكل انا هاموت من الجوع
احمد بضيق/ومكلتيش ليه ياغرام هاا انا مش قولتلوا اتعاملوا براحتكوا
غرام بحب/ياقلبي انا بهزر احنا بس مكناش عاوزين ناكل من غيرك
احمد وهو ياخذها تحت دراعه/طب يلا ناكل مع اني عارف انك فعلا كنتي جعانه
ليدخل ويأمر الخادمه باعداد الطعام
ويجلسوا جميعا علي السفره ويبدئوا في تناول الطعام
مرام/احمد
احمد/نعم يامرام
مرام/هو انت نقلتلنا من الجامعه
غرام بغيظ/طب ايه السيره دي طب ماكنا قاعدين كويسين
احمد/ايوه ياغرام من قبل مانسافر ناقل كل حاجه وتقدروا لو عاوزين تروحوا من بكرا
مرام/اشطا
غرام/انا عن نفسي هاخد راحه اسبوع
الجده/بس يافاشله انتي
لينتهوا من الطعام وهيذهب كل منهم الي طريقه
احمد ذهب للنوم لانه لم ينم من منذ البارحه
مرام ذهبت الي غرفتها واخذت كتبها وجلست تذاكر
غرام خرجت الي اتجنينه وجلست على المرجيحه واخذت تقرا روايه
الجده ذهبت الي غرفتها
وبكدا اليوم خلص علي جميع الابطال