عصام صباح الخير يا ملك
ملك صباح الزفت علي دماغك
عصام بزهق ليه كدا في ايه
ملك بأرف هي يعني كانت نقصاك
عصام فهم معني كلامها وقالها اممم تبقي عرفتي
ملك عرفت ويارتني ما عرفت وقف الاسانسير ونزلو
عصام طيب براحه شويه انا اساسا مش موافق
ملك لا يا واد شوف انا اللي موافقه وهتجنن عليك وبعدين بصتله وقالت انا مش طيقاك ولا قبلاك ولا عمري هوافق ابدا عالجوازه الزفت دي تك الارف
عصام كور ايده وقالها طيب اتعدلي ولمي نفسك وانتي بتتكلمي معايا احسن ما اعدلك انا
ملك هتعمل ايه يعني
عصام متستفزنيش احسنلك
مالك اللي عندك اعمله
عصام عندي كتير وبلاش تشوفي غضبي مش كويس علشانك
ملك والله
عصام بصوت عالي قالها ملك
ملك دخلت مكتبها وقفلت الباب ف وشه
عصام دخل مكتبه وهو بيستحلفلها
نبذه بسيطه عن ملك و عصام بيكونو ولاد اصحاب الشركه وهما
زين الشافعي والد ملك وليس لديه اولاد اخرين
عاصم الجندي والد عصام ولديه بنت اخت ل عصام
زين وعاصم اصحاب من فتره طويله وشركاء بالعمل وطبعا لتقويه الصداقه والشراكه قررو يجوزو ملك وعصام ولكن لكل واحد فيهم حياة مختلفه وطموحات وامال غير الاخر بقلمي نور عصام
عصام في نفسه قال شكلها مش ناويه تجيبها البر ست ملك هانم
ملك مع نفسها متعصبه وقالت والله ل اخليك تقول حقي برقبتي لو ما اتراجعت عن اللي ابوك وابويا بيعملوه دا
عصام اتصل بالسكرتيره وتدعي جني وقالها قولي لأنسه ملك تجيبلي ملف التصميمات الاخيره
جني بعد دقائق دخلت لعند عصام وقالت اتفضل يا فندم
عصام شاف الملف وقال ايه دا
جني الملف اللي حضرتك تطلبته يا فندم
عصام بيحاول يهدي قالها لا مش هو دا اللي انا عاوزه قولي للانسه ملك تجيب الملف اللي ادتهولها امبارح علشان تخلص التصميم بتاعه
جني حاضر يا فندم
جني رجعت تاني وقالت الانسه ملك بتقول مفيش غير دا
عصام تمام روحي انتي يا جني وقام وهو متعصب راح لعندها فتح الباب بدون ما يخبط
ملك رفعت حاجبها وقالت ايه دا في حد يدخل كدا
عصام بعصبيه قالها لما حضرتك تهتمي بشغلك وتعرفي ايه المطلوب منك ابقي ادخل بهدوء
ملك يعني انا مش مهتمه بشغلي
عصام بزهق قالها فين الملف اللي ادتهولك امبارح تخلصيه
ملك معملتش فيه اي حاجه
عصام نعم انتي بتهزري ملف مهم وهيتسلم تصميمه انهارده وتقولي بكل برود معملتش فيه حاجه ليه ان شاء الله
ملك اتنهدت وقالت بصراحه بابا كلمتي امبارح في موضوع بايخ عصبني بسببه وخلاني ما قدرت اركز باي حاجه
عصام فهم هي تقصد ايه ضغط علي اسنانه وقالها موضوع بايخ عموما اي حاجه شخصيه ملهاش علاقه بالشغل يا آنسه ولا هو لعب عيال بقلمي نور عصام
ملك يعني ايه
عصام قالها عشر دقائق الملف يكون علي مكتبي جاهز وإلا
ملك قاطعته وقالت وإلا ايه
عصام اعتبري نفسك مرفوده من الشركه
ملك بتحدي قالت تمام
عصام بصلها بغيظ ومشي
ملك قعدت مع نفسها وقالت طيب يا عصام وكتبت استقالتها واخدتها ورايحه تودهاله فكرت في مصلحه الشركه لانها تهمها بردو كونها شريكه فيها بس هو بيشتغل ف الشركه من بدايتها مع ابوه وابوها وهي عرفه انه له سلطه عليها اتراجعت وقالت مصلحه الشركه اهم من عنادي معاه وقعدت كملت الملف باقصي سرعه لانها عرفه ان التصميم مهم ولازم يتسلم اليوم
وبعد بعض الوقت
ملك راحت عند عصام خبطت ودخلت قبل يرد عليها
عصام بصلها وما عطاها اي اهتمام
ملك راحت قعدت قدامه وقالت اتفضل الملف اهو جاهز
عصام بتحدي قالها انا قولتلك اقعدي
ملك استغربت رد فعله وبصتله
عصام قالها اومي اوقفي وتاني مره متقعديش غير لما اسمحلك انا ويلا اتفضلي علي مكتبك شوفي شغلك واخد الملف وفتحه
ملك بصتله وعيونها اتملت دموع من تصرفه معها
عصام ما اهتم بيها وبعدين قالها اتفضلي يا آنسه
ملك مشيت راحت علي مكتبها مسحت دموعها وبعدين اخدت الاستقاله بتاعتها وراحت لعنده بدون ما تخبط دخلت وحطتها ادامه
عصام ايه دا وبعدين هو انا لسه مش قايلك ممنوع تدخلي كدا
ملك اسفه اخر مره
عصام استغرب هدوئها وبعدين بص للورقه قالها امممم كويس جدا انك اقتنعتي اخيرا انك فاشله في الشغل
ملك بعصبيه قالت انا مش فاشله وانت عارف كدا كويس
عصام اومال تسمي اللي عملتيه دا ايه
ملك اسميه اني مش طيقاك ولا عاوزه اشوف وشك تاتي وعلشان كدا انا هسيبلك الشركه كلها
عصام حط رجل علي الاخري وقالها بعند فيها كويس جدا تصرفك دا بجد عجبني اهو بردو تتفرغي لبيتك وحياتك الزوجيه احسن
ملك انته بتحلم
عصام ببرود قالها واحلم ليه ما انتي واقفه قدامي اهو ومغصوب عليكي
ملك حست بالإهانه قالت دا انا اللي مغصوبه عليك وعمري ما هوافق
عصام قالها .......
بسم اللهرواية تزوجنا رغما عنا
بقلمي نور عصام
الفصل الثاني
عصام قالها عموما انا قولت ل بابا اني مش موافق عليكي ولو
كنتي اخر بنت بالدنيا مستحيل اتجوزك
ملك مصدومه من كلامه هي مش موافقه علي جوازها منه
لكن ما كانت حابه تسمع كدا منه احقا انه اهانها مره اخري
عصام ايه مالك روحتي فين
ملك بصتله وما اتكلمت
عصام ايه كنتي فكراني ميت عليكي ها وببرود قالها ياريت تبصي لنفسك يا آنسه وتعرفي حجمك كويس
ملك راحت عليه وقالت هخليك تتندم ندم عمرك كله ومشيت
وبعد انتهاء اليوم
عصام يا بابا انا بحب بنت تانيه وعاوز اتجوزها
عاصم مستحيل اللي انته بتقوله دا انته لازم تتجوز ملك علشان الشركه انته عارف الكلام دا كويس
عصام يعني بتجوزي شركه ولا بنت اعيش معاها باقي عمري
عاصم هي يعني ملك وحشه دي بنت حلوه ومؤدبه ومحترمه ليه مش عجباك بقلمي نور عصام
عصام يا بابا هو انا قولت انها وحشه انا بحب بنت غيرها ووعدتها بالجواز يعني حضرتك عاوز تطلعني عيل قدامها ومش قد المسؤليه
عاصم بعصبيه قال عصام انت مش هتتجوز غير ملك وخلاص كلامي انتهي ف الموضوع دا
عصام يعني ايه الكلام انتهي يا بابا
عاصم يعني من بكرا تروح تاخد ملك تشتري لها الشبكه وتخلص كل حاجه تلزمكم علشان فرحكم يوم الخميس الجاي
عصام لا يا بابا انا مش موافق ومش هتجوز غير البنت اللي بحبها واخترتها شريكه لحياتي
عاصم حب يضغط عليه قاله يعني بتعصي كلامي عاوز تصغرني قدام عمك زين بعد ما قولته انك موافق
عصام ابدا يا بابا انا مقدرش اصغرك بس
عاصم من غير بس جوازك يوم الخميس
عصام قال طيب افرض يا بابا ملك بتحب حد تاني ومش موافقه علي جوازها مني
عاصم لا ابوها اليوم ف المكتب قالي انو كلمها
عصام منا عارف انو كلمها بس معتقدش انها موافقه
عاصم عصام ملكش دعوه وعمل انو تعبان
عصام بلهفه مالك يا بابا انت كويس
تستنيم جريت عليهم وقالت بابا بابا مالك يا حبيبي
عاصم مش بيرد
عصام شال ابوه ودخله اوضته واتصل بالدكتور
وبعد بعض الوقت
الدكتور ضغطه عالي جدا ودا غلط علي صحة عاصم بيه علشان قلبه تعبان زي ما انتو عرفين ياريت محدش يزعله وطبعا دا كان اتفاق من عاصم مع الدكتور
تسنيم راحت قعدت جنبه وباسته ومسكت ايده وقالت بابا حبيبي احنا مستحيل نزعلك
عصام راح وقعد جنبه هو كمان وباس ايده وقال انا أسف يا بابا
الدكتور قالهم يا جماعه انتو عرفين ان باباكم عامل عمليه ف القلب ياريت تخلو بالكم منه وكتب ادويه
عصام تمام يادكتور متشكر جدا
تستنيم قالت عصام متزعلش بابا هو اكيد بيحبك وعاوز مصلحتك
عصام قال ربنا يخليك لينا يا بابا
ملك بابا انا اسفه متزعلش مني انا عمري ما رفضتلك طلب بس الجوازه دي لا انا مش موافقه عليها ياريت يا بابا تحترم قراري
زين كبرتي يا ملك وبقيتي تعصي كلامي
ملك ابدا يا بابا بس
زين من غير بس انا اديت كلمه ل عمك عاصم وابنه عاوزه تصغيرني يا ملك عوزاهم يقولو اني مليش كلمه علي بنتي
ملك يا بابا افهمني
زين هي كلمه واحده موافقه علي جوازك من عصام ولا لأ
ملك لأ
زين تمام يا ملك بس انا من بكرا مستحيل اروح الشركه ولا حتي هخرج من البيت بقلمي نور عصام
ملك ليه كل دا يا بابا
زين علشان مقدرش اوري وشي للناس مش عاوز حد يقول عني مقدرتش امشي كلمتي علي بنتي اللي معنديش غيرها بنتي اللي ربتها بعد امها ما ماتت وما قبلت اتجوز علشان اسعدها وفي الاخر بتعصي كلامي ولا كأني ابوها ومن حقي افرح بيها قبل اموت
ملك بتنهيده قالت بابا حبيبي انا مقدرش علي زعلك بس دا جواز اديني حرية الاختيار
زين خلاص يا ملك اعملي اللي يريحك وسابها ودخل اوضته
ملك قعدت تعيط وبعد شويه قامت وراحت لعند ابوها
زين تعالي يا ملك عاوزه حاجه
ملك لا يا بابا انا جيت اتطمن عليك
زين قالها الحمد لله انا كويس وبعت للمحامي يجي علشان اسلمك كل اسهم الشركه اللي تخصنا
ملك شافت الجديه ف كلام ابوها قالت لا يا بابا انا مقدرش استغني عنك بالشركه مقدرش اروح من غيرك
زين وانا مقدرش الناس والموظفين يشاورو عليا ويقولي مش عارف يمشي كلمه علي بنته
ملك والدموع ف عيونها قالت بابا انااا
زين خلاص يا ملك انا مش هغصب عليكي اللي يريحك اعمليه
ملك باسته من خده وقالت تصبح علي خير يا بابا
زين وانتي من اهله بقلمي نور عصام
وحل الصباح علي الجميع بإذن الله
في الشركه
عصام قاعد مستني ملك توصل علشان يقولها علي قراره
عاصم كلم زين وعرف منه اللي حصل بقلمي نور عصام
زين قاله انه مش هيروح الشركه اللي اذا هي وافقت
عاصم ههههههه وبعدين قاله مش سهل ابدا يا زين
زين ضحك وقاله يعني انته اللي سهل
عاصم هو يعني احنا بنعمل كل دا ليه ما هو لمصلحتهم
زين والله معك حق
ملك دخلت عند ابوها وقالت صباح الخير يا بابا
زين قال زي ما قولتلك يا عاصم كل حاجه هتبقي ل ملك ومن اليوم انا مش هاجي الشركه واذا حتي ملك حبت تبيع اسهمها اعملها اللي هي عوزاه المهم عندي راحتها وقفل
ملك كانت واقفه وبتسمع كلام ابوها قالت ليه يا بابا كدا انا مش عوزه حاجه وكمان انا مستحيل اضيع تعبك وسنين عمرك في الشركه
زين بهدوء قالها ولا يهمك المهم تكوني انتي مبسوطه ويلا روحي علي شغلك مش عاوزك تتأخري
ملك راحت قعدت حنبه وقالت انا مش هدخل الشركه من غيرك يا بابا
زين خلاص يا ملك ملكيش دعوه بيا انا قررت خلاص
ملك وانا كمان قررت
زين بصلها وما اتكلم
ملك بعدم رضي قالت خلاص يا بابا الي حضرتك عاوزه انا هعمله
زين فرح بس ما حب يبن لها قال يعني ايه كلامك
ملك يعني اللي حضرتك تقول عليه انا موافقه عليه بدون نقاش
زين موافقه تجوزي عصام
ملك حطت عيونها ف الارض وما اتكلمت
زين اخدها ف حضنه وقالها حبيبتي ربنا يسعدك صدقيني بكرا تشكريني علي اختياري ليكي بقلمي نور عصام
ملك قالت طيب ممكن حضرتك بقا تقوم تغير هدومك علشان نروح الشركه مع بعض
زين حاضر يا قلب بابا
وبعد بعض الوقت وصلو الشركه
عاصم شافهم اخد ملك بالحضن وقالها الف مبروك حبيبتي يلا روحي شوفي عصام دا مستنيكي من بدري
ملك غصب عنها قالت حاضر يا عمي وراحت لعند عصام بزهق خبطت ودخلت
عصام ......