رواية بريق الحب
الحلقة الثالثة
بقلم ايمان المهدي
ف مكان ما
المتصل ١. الوووو اتأكدت فعلاً إن جاسر رجع من السفر
المتصل ٢. معقول امتى الكلام دا
المتصل ١ امبارح ورجع النهاردة الشركه وبريق هيا سكريترته الخاصة
المتصل ٢. شك فى حاجة
المتصل ١ اكيد لأ
المتصل ٢ تمام خليك مراقبتهم الإتنين كل تحركاتهم توصلنى
المتصل ١ حاضر يا باشا
عند جاسر
جاسر. بفزع بريق فوقى
ينظر لها ويتأمل وجهها الملائكى ... انت جميله اوووى يابريق تشبهى ملاكى الصغير بريقى ال ضاع منى من سنين ومن وقتها وانا اتحولت. لشخص انانى
وعدوانى مع الكل
مشيت فى طريق غلط عملت كل محرم تتوقعيه بس عمرى ما كنت راضى عن نفسى ولا ال بعمله
انا بكره نفسى وبكرها عشان هي السبب ف ال أنا فيه بابا زمان قالى أن كل واحد فينا لما بيغلط وحياته تبقى ظلام بيجيلوه بريق أمل على هيئة شخص
ولما اتولدت كانت جميله جدا وقولت لبابا انا نفسى اسميها بريق الكل ضحك عليا وقتها بس محبوش يزعلونى وسموكى بريق وللأسف ضيعتى من ايدى بعد ما دمرتى حياتى كلها
نظر لبريق تعرفى أن ربنا بيحبك انك مطلعتيش
"بريق الشهاوى ".بنت عمى😳😳😳
هنفهم مين هيا بريق بنت عمه ف الأحداث القادمه
أكيد لو كنت هيا كان زمانك فى تعداد الموتى حاليا
بس اكيد هينوبك من أذيه الجاسر شويه
اسمك يشبه اسمها وكمان جميله زيها ودا من سوء حظك
يتحرك المصعد وينزل للأسفل
تفيق بريق بهدوء
جاسر. بريق انتى كويسه
تفتح بريق عينيها لتجد نفسها بأحضان جاسر
بريق فيه ايه ال حصل ابعد عنى انت بتستغل الموقف عل فكرة
جاسر وانت مجنونه عل فكرة اول ما الأسانير اتقفل مسكتى فيا مين فينا بقا ال بيستغل الموقف
بريق. انا انا بخاف من الأماكن المغلقة عندى فوبيا منها وبتخنق
جاسر. اومال بقالك سنتين بتطلعى ازاى احنا فى الدور الخامس
بريق. بطلع وبنزل على السلم
جاسر. للدرجاتى بتخافى طيب ايه جابك ورايا معندكيش صبر لبكرة الصبح
بريق. انا آسفه بس انا مش باجى الشغل الصبح عشان محاضراتى واول ما بخلص باجى الشغل فوراً
جاسر. ايه الهبل دا هو فيه شغل كدا مين الأهبل ال أذنلك بكدا
بريق. الأهبل يبقى مستر آدم
جاسر. يضغط على أسنانه انا مش عايز اسمع صوتك نهائى. يا تحضرى من اول النهار يا متجيش خالص
بريق. ارجوك يامستر انا ظروفى متسمحش بإنى أسيب الشغل من فضلك سيبنى احضر محاضراتى وممكن أطول فى ساعات الشغل لو تحب
جاسر ماشى بس ما فيش ساعات شغل ذيادة بعد ساعات الشركه أعمل ايه انا
بريق. بس يامستر
جاسر.يبتسم بشر خلاص ممكن الكام ساعة دول تشتغلى فيهم عندى فى الفيلا
بريق. اشتغل ايه يعنى مش فاهمه
جاسر. خدامه
بريق. نعم !!!
جاسر. ايه مش عجبك هتهتمى بأكلى وطلباتى هااا قولتى ايه
بريق. انت بتستغل ظروفى عشان محتاجه
جاسر. والله ما طلبتش حاجة غلط بقولك تشتغلى بقيت ساعات شغلك فى الفيلا وردى عليا فوراً يا اما انسى الشغل عندى او اي شركه تانيه واقعدوا فى بيتكم ياشاطرة
بريق.بمكر وانا موافقة بكرة بعد الشغل هروح الفيلا
ودلوقتي بعد اذنك
جاسر استنى هوصلك
بريق شكراً عارفة طريقى كويس
جاسر. بريق ياريت بلاش تحدى مع جاسر الشهاوى تانى عشان هتخسرى ياحلوة محدش يعرف يتحدانى
بريق. اوعدك أن هغيرك حتى لو كلفنى حياتى
مبقاش بريق أن ما هخليتك عكس نفسك دلوقتى
ودا وعدى ليك
جاسر. وانا اوعدك أن اندمك على معرفتك بيا وتدخلك ف حياتى
بريق. تمام. من بكرة هيبدأ التحدى بينى وبينك يا يفوز غرورك. يابريقى ال يفوز
جاسر بمكر لما نشوف باى ياحلوة
دقايق وتصل بريق لبيتها
بابا عامل ايه دلوقتى فين عمو حسن
رضوان أنا كويس ياحبيبتى وحسن عنده مشاعر مهم ومشى بدرى
بريق بس ازاى كدا يمشى قبل ما اوصل عموما مش مهم هدخل احضر الغدا دقايق ويكون عندك أحلى اكل لأحلى بابا ف الدنيا
رضوان لنفسه وياترى هتفضلى كدا على طول تضحكى ولا لما تفهمى الدنيا وحقيقة الكل
هتتغيرى وتبقى بريق من الجمر
بريق الغدا وصل يا حاج رضوان وهأكلك بإيدى كمان
رضوان ربنا يخليكى ليا يابنتى عملتى ايه النهاردة ف شغلك
بريق. إسكت يابابا مش قابلت صاحب الشركة لأ وكمان مستر آدم خلانى سكرتيرته الخاصه بس المشكله ان مغرور ومش بيعرف يضحك أبدا وعلى طول عصبى
رضوان طيب وانتى ناويه تعملى ايه معاه واياكى تقوليلى هغيره مش كل ما تشوفى حد طبعه مش عجبك تقوليلى هغيره
بريق هههههه كدا يابابا يعنى واحد مبيعرفش يضحك تفتكر هسيبه لازم يحب الحياة ولا تنكر مستر آدم كان عامل ازاى وانا قدرت اخليه يبتسم
رضوان يابنتى وانتى مالك خليكى ف شغلك وبس وكمان آدم مهذب مش زى جاسر دا
بريق بإستغراب. جاسر هو انت عرفت منين ان اسم صاحب الشركة جاسر
رضوان هاااا انتى لسه قايله اسمه دلوقتى
بريق.بشك أنا قولت اسمه جايز
بعد وقت داخل غرفة بريق يرن هاتفها
الوووو تقى
تقى. ايه يابنتى عامله ايه
بريق. مالك ياتقى بتسألى وكأنى مكنتش معاكى من كام ساعة
تقى أه كنت معايا بس كمان كنتى مع الشيطان
بريق. تقصدى مستر جاسر. على فكرة مش شيطان ولا حاجة بلاش تقولى عليه كدا
تقى الله الله فيه ياست بريق فهمينى ايه ال حصل بالظبط
بريق. ولا حاجة اتحديته بس
تقى. نهار اسود
بريق. نهار ابيض متخفيش أنا وعدته ووعدت نفسى انى هغيره لإنسان طبيعي
تقى بريق انتى تعبانه ياحبيبتى معقول انتى قولتى كدا لمستر جاسر. وهو سكت طيب ازاى بس انتى لسه عايشه لدلوقتى
بريق أه لسه عايشه وبكره حاجات كتير هتتغير وأشوف أنا ولا هو
تقى بريق بلاش جنانك دا مع جاسر الشهاوى
دا مش مستر آدم دا حد تانى سمعت عنه كتير ممكن يعمل اى حاجة بس ان حد يتعدى حدوده معاه او يعمل حاجة عكس رغبته بتكون ايامه معدوه
جاسر الشهاوى بيكره الخسارة تيجى انتى وتتحديه كدا
بريق وانا كمان مبحبش اخسر ويالا باى عشان عايزة انام
بريق لنفسها معرفش ليه اصرارى على انى اقف قصاده واتحداه هو فعلا أنا بعمل كدا عشان بحب الكل مبسوط
ولا عشان بيفكرنى بماضى معرفش عنه غير مجرد اسم
وشكل لطفل صغير مشوش قدامى
كل ال اعرفه عن طفولتي هو ذكرى واحدة ان كان فيه طفل اسمه جاسر بيهتم بيا
وبدون اسباب بعد عنى
معرفش عنه غير ال بابا قالهولى
هو ممكن يكون دا نفسه جاسر ولا مجرد تشابه اسماء
تفتح بريق مذكراتها وتكتب خواطرها
"أقسم أنى سأجعلك تبتسم ..لأن كل ما يسعدنى متعلق بإبتسامتك
الحياة دون ضحكاتك تبدوا تعيسه"
انتهى اليوم بنوم بريق مبتسمه سعيدة
ليبدأ يوم جديد بأمل وبريق
وتحدى يبدأ بين. بريق. والجاسر
الفصل الرابع
لم ايمان المهدي
الرابعة
فى صباح يوم جديد وتحدى وعند جديد بين بريق وجاسر.
ونشوف أول تحدى
تتملل بريق من فراشها بهدوء لتتذكر تحدى جاسر
تضحك بخبث اما أشوف يا جاسر ان ما قضيت على غرورك مابقاش بريق وتمسك هاتفها
الوووو ايوا يافندم أنا سكرتيرة مستر جاسر
شكرى صاحب النادى الليلى. أه بالنسبة لسهرة الليله البنات هتكون هناك ع الوقت
بريق بخبث. لا ماهو مستر جاسر عنده شغل كتير النهاردة ومش هيعرف يستقبل الهوانم بتوعك مرة تانيه سلام 😝
تغلق الهاتف وتضحك بمكر أنا كدا بدأ التحدى اما اشوف هتعمل ايه يامغرور
بابا صباح الخير
صباح النور.مالك عايزة تقولى ايه
بريق بتوتر أصل يابابا بفكر أزود مرتب عمو حسن
رضوان. ليه يابريق
بريق أصل بصراحة مديرى الجديد مش موافق أن اروح الشغل متأخر وامشى فى ميعاد الموظفين وخلانى اقعد ساعات إضافية عشان كدا هتأخر. ولازم عمى حسن يقعد معاك عل ما ارجع من شغلى
رضوان. بس دا تعب عليكى يابنتى
بريق بإبتسامه لا تعب ولا حاجه ياحاج رضوان المهم أنا حضرتك الفطار اطير أنا عشان هتأخر على أول محاضرة باى ياحج
ربنا يقويكى يابنتى
تذهب بريق للجامعة وتنتهى من محاضراتها
لتذهب بعدها للشركه
بريق لنفسها ربنا يستر ويعدى اليوم دا على خير
آدم. بضحك مالك يابريق انت اتجننتى ولا ايه
بريق والله يامستر آدم صاحبك هو ال هيجننى
آدم. هههه بمناسبه الجنان اتصل بيا امبارح بليل وطالبك عنده فى الفيلا توديله اوراق لانه مش جاى النهاردة
بريق. يارب جنبنى شره ممكن عنوان الفيلا يامستر
آدم. السواق تحت هيوصلك
تصل بريق للفيلا وتنبهر بجمالها
فتحى.(الحارس ومهتم بأمور جاسر) انتى بريق.
أيوه أنا
فتحى. طيب اتفضلى اقعدى وانتظرى الباشا لما يصحى
بريق. ليه هو لسه نايم
فتحى. ااه
بريق. طيب صحيه وقوله ان جيت
فتحى لا طبعا مقدرش دى فيها موتى
بريق. يعنى ايه انا هفضل قاعدة كدا لحد ما بسلامته يقوم ويطل علينا بطلته البهيه
فتحى ههههه أه شكلك كدا
بريق طيب اقولك ممكن تحضر فطار وطلعه فى الجنينه بره
فتحى. بس
بريق. اسمع الكلام ياعمهم متتعبنيش معاك وقولى فين قوضه
فتحى. انت حرة بس احب اقولك هو مش هيسكت
انت متعرفيش جاسر بيه وكمان ممنوع ست تدخل اوضته
بريق. لا ياشيخ طيب روح انت بس أعمل ال قولتلك عليه
تطرق بريق باب الغرفة مستر جاسر يا مستر
لا مش هفضل واقفه كدا كتير وتفتح باب الغرفة بهدوء وتمد رأسها من خلاله لتخرج رأسها سريعا
وتسعل ايه القرف دا هو نايم فى مقبرة
الأوضه معبيه دخان ومكتومه جدا
تمام ياجاسر استعنى على الشقى بالله
تدخل بريق وتبدأ فى فتح الستائر والشبابيك
جاسر بنوم انت يافتحى ياغبى اقفل الشبابيك دى
صباح الخير يامستر أنا مش الغبى فتحى أنا بريق
جاسر ينتفض من على السرير بصدمة انت ايه جابك هنا ودخلتى قوضتى ازاى انت مجنونه
بريق لأ أنا مش مجنونه حضرتك طلبت ان اجيب
الأوراق واجيلك الفيلا عشان هتشغل هنا النهاردة
جاسر. أنا قولت تيجى الفيلا مش تيجى قوضة نومى
بريق. بخبث أه ما انت مش فاهم أنا سكرتيرتك الخاصة وزى ما حضرتك قولت ان لازم اهتم بأكلك وشربك
وانا بحب أأدى شغلى على أكمل وجه
بقا كدا تمام ممكن تخرجى بقا
بريق. هو أنا مقولتكش انا مش هخرج قبل ما تقوم من سريرك وتنزل عشان تفطر
جاسر يقوم ويتجه نحو بريق أولا أنا مبفطرش
ويقترب منها اكثر
ثانيا عايزة تفضلى واقفة وانا بغير لبسى معنديش مانع
بريق.وهى تضع يدها على انفها لالالا وتخرج مسرعة
جاسر مجنونه تلتفت بريق أولاً أنا مش مجنونه
وياريت
تاخد شاور عشان ريحتك مقرفه جدا
جاسر بت والله ما سيبك يابريق ويشم ملابسه اففف فعلا معاها حق بس والله ما هسيبك يابريق انت
ينزل جاسر لحديقة الفيلا
وينظر لبريق التى تحضر طاولة الإفطار ..
ممكن افهم بتعملى ايه انا مش قولت ان مبفطرش
فتحى حضرلى قهوتى
بريق مستر جاسر مفيش قهوة من غير فطار
جاسر. أنا صبرت عليكى كتير ياريت تهتمى بشغلك وبس
بريق. ودا ال بعمله ومن مهام وظيفتي مش دا كان كلامك ليا ان اهتم بأكلك وشربك والساعات الإضافيه هبقى خادمه عند سيادتك
جاسر. أنا مجبرتكيش.
بريق. لأ كنت مجبرة اوافق عشان معنديش دخل تانى غيره اعالج بابا واعيش منه
وعشان مفيش شركه هتقبل بموظفه تشتغل نصف يوم عرفت بقا ان مجبرة
جاسر وقد احس بنغزة فى صدره طيب وانه بيظلمها خلاص هفطر ويالا عشان تخلصى شغلك..
بصوت هادئ على فكرة انت مش خدامه انت موظفه بتأدى شغلها وبس
اتفضلى افطرى معايا
بريق. شكرا بس أنا فطرت
جاسر. ما هو أنا مش بعد دا كله هفطر لوحدي
بريق خلاص خلاص هفطر
جاسر. لنفسه وهو ينظر لبريق. هو أنا ليه بسمع كلامها فى كل حاجة أنا كنت عايز اكسرها بس هيا كل مرة بتهزمنى بطريقتها
بريق. فى حاجة يا مستر
جاسر. هاااا هيكون فيه ايه
بريق. أصل يعنى حضرتك سرحان ومش بتاكل
جاسر. لا ابدا أنا شبعت. ممكن قهوتى لو سمحتى على ما اقرأ الأوراق
بريق. حاضر دقايق
القهوة يامستر اتفضل
جاسر. شكرا
بريق. ممكن افهم ايه ال ف ايدك دى
جاسر. قصدك السيجارة
بريق انت شايف غيرها
جاسر. ومالها دى كمان.
بريق. مضرة بالصحة
جاسر مش مهم وبعدين انا حر
بريق. تأخذ السيجارة من يده وترميها بعيدا لا مش حر
صحتك ليها حق عليك انت كدا بضرها
جاسر اللهم طولك يارووح يابنتى هو أنا كل ما اقول ربنا هداها وبطلت جنان تتهبلى تانى
بريق لا دا مش جنان ال بعمله صح أنا خايفة على صحتك
جاسر. نعم وتخافى على صحتى بتاع ايه بقا
بريق. هااا أنا بس بعمل.. ال.. أصل ..مهام وظيفتي
جاسر انت مش عارفة تقولى ايه اصلاً وهو أنا كل ما اسألك تقولى مهام وظيفتي
طيب اخلص وراجعيلى الأوراق
اليوم كله كان تحدى بين جاسر وبريق ال كرهت جاسر ف حياته
وال اتمنى اليوم يخلص عشان يرتاح من عنادها قصاده
انتهى اليوم وكان لازم بريق تخرج من الفيلا قبل ميعاد حفله جاسر ال بيعملها كل ليلة ف الفيلا
بريق مستر جاسر. أنا خلصت كل شغلى بعد اذنك عايزة اروح
جاسر. بجد الحمد لله بالسلامه
بريق. مالك يامستر هو أنا تقيله قوى كدا على قلبك
جاسر. على فكرة انتى بتكلمى مديرك مش واحد صاحبك
بريق على فكرة أنا مابصاحبش شباب
جاسر دا ربنا بيحبهم
بريق نعم ليه بقا تقصد ايه يعنى
جاسر. بمحاوله للتخلص منها
ولا حاجة ياريت تمشى عشان ترتاحى كفايه انا تعبتك كتير النهاردة
بريق. أه والله طول النهار طلبات لما تعبتنى وجالى صداع
جاسر. يارب ارحمنى. امشى يابريق ولا تحبى تنورينى وتباتى هنا
بريق. اهو دا ال ناقص باى يامستر
جاسر. واخيرا خلصت منها فتحى. هاتلى حبايه صداع
دماغى هتنفجر
فتحى بضحك حاضر ياباشا
جاسر. بتضحك على ايه فتحى مش نقصاك انت التانى
روح هاتلى حبايه
وحضر كل حاجة عشان السهرة وممنوع البنات تدخل قوضتى فاهم انا طالع ارتاح شويه
فتحى حاضر ياباشا وبصوت منخفض. ربنا يهديك ياجاسر بيه
بعد ساعة.
جاسر بصوت مرتفع
فتحى انت يازفت
فتحى أيوا يا باشا
جاسر. اومال الزفت شكرى مبعتش البنات ليه لدلوقتى
فتحى معرفش والله ياباشا
جاسر. يمسك هاتفه أيوا يازفت مبعتش البنات ليه لدلوقتى
شكرى بتوتر. بنات ايه ياباشا سكرتيرتك الخاصة اتصلت وقالت أنك مشغول ومش محتاج بنات النهاردة
جاسر بغضب هيا قالتلك كدا
شكرى. أه والله ياباشا
جاسر. طيب ابعتهم دلوقتى
شكرى أنا آسف ياباشا بس لما كلمتنى أنا اتصرفت فيهم وطلعتهم شغل تانى
جاسر. بغضب طيب اقفل يازفت. ماشى يابريق ان ما علمتك يعنى ايه تتحدينى مبقاش جاسر الشهاوى
وينتهى اليوم بإنتهاء يومهم. ليبدأ يوم جديد وتحدى جديد