رواية: هرجع... ♡
الجزء الخامس وعشرين
الكاتبه: سما طارق ♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
عدت الشهور وجه الوقت اللى نعرف فيه البيبي بنت ولا ولد.
روحنا للدكتوره واياد كان في دماغه فكره فقال للدكتوره انها تعرف جنس البيبي وتكتبه في ورقه... ومتعرفناش ايه جنس البيبي.
لما روحنا واحنا معانا الظرف لسه مقفول.
- هموت واعرف الحاجه اللى في بطني دي بنت ولا ولد.
= والله وانا بس عايزين نعمل حفله مميزه.
- طب انت هتعمل الحفله ازاى من غير ما تعرف.
= هدي الظرف ده لواحد صاحبي وهاقوله على اللى انا عايز اعمله.
- ماشي خبي الظرف بقى علشان انا ممكن الفضول يسيتر عليا.
= صاحبي هيجي دلوقتي اصلاً ياخد الظرف.
- هيبقى احسن بردو.
نزلت ريناد من على السلم بسرعه.
❀ ايه جنس البيبي.
- مش عارفين.
❀ مش فاهمه... مش انتوا كنتوا عند الدكتوره علشان تعرفوا جنس البيبي.
= انا عايز اعمل حاجه مختلفه زي حفله كده نعرف منها جنس البيبي.
❀ اووكاااي.
جه اليوم اللى كلنا مستنينه... كنا واقفين في الجنينه الكبيره بتاعت القصر... انا واياد وبابا وماما ومحمد وروان ومحمود (زوج روان) وريناد وصاحب اياد اللى عارف جنس البيبي.
- يلا بقى.
= ما تخلص يا عم مصطفى.
♟ الصبر.
$ صبر مين بس.
❀ يلاااااا.
= اخلص ياض.
♟ يلا يا جماعه.
كان بيتكلم في التيفون.
بعد ثواني ظهرت هليكوبتر في الهوا مكتوب عليها
♡ It is a girl ♡
حضنت اياد بسرعه وبفرحه كبيره... وهو كمان حضني وهو كان مبسوط اوى.
♟ استنوا بس مستعجلين على ايه... بصوا تاني.
بصينا بإستغراب لقينا هليكوبتر تانيه مكتوب عليها
♡ Or a boy ♡
اياد جري ورا مصطفي علشان يضربه.
♟ يا عم اهدى قولت احط التاتش بتاعي.
= لا ياخويا متشكرين مش عايزين التاتش بتاعك.
قعدوا يجروا ورا بعض لغايه ما تعبوا وبعدين.....
♟ طيب طيب خلاص تعالوا نعمل البلالين.
مسكت انا واياد بلونه مصطفى اداهلنا وادالنا دبوس... فرقعنا البالونه ظهر فيها ورق ازرق... فرحنا.
جه مصطفى وكان معاه بالونه تانيه.
♟ لسه البالونه دي.
= يا بن اللل.
كان بيقول جملته بغيظ.
♟ هههه خلاص خلاص ههههههه هاتواااا التورته.
جت رجاله وحطت تورته على التربيزه وبعدين مشيوا.
ادانا مصطفى سكينه.
♟ خدوا قطعوها.
بصله اياد بغيظ وتوعد على اعصابنا اللى سابت دي.
قطعنا قطعه وكانت التورته من جوا ازرق و بينك.
$ لا ما هو خلصنا احنا اعصابنا سابت.
اياد مسك مصطفى من التيشيرت.
= انت اللى جنيت على روحك.
مصطفى خاف.
♟ خلاص والله... آخر حاجه هتعملوها وهتعرفوا منها جنس البيبي.
سابه بغيظ.
= يارب نخلص.
جابلنا بوكس وحطه قدامنا.
♟ افتحوه.
فتحنا البوكس لقينا بلونه بينك وبلونه زرقاء وبلونه مكتوب عليها ♡ And ♡.
- انا مش فاهمه حاجه... يعني بنت ولا ولد.
♟ بنت و ولد.
= يعني توأم.
♟ ايوه مراتك حامل في بنت و ولد توأم.
انا بصيت لاياد بعدم استيعاب... يعني انا بدل ما يبقى عندي بنت او ولد.. هيبقى عندي بنت و ولد.
حضنت اياد جامد اوى وهو شالني بفرحه.
❀ اللااااه يا ولاد... هبقى عمه لبنت و ولد في نفس الوقت... والله هبقى اقمر عمه حربايه في الدنيا.
$ الله وانا هبقى خال لطفلين في وقت واحد.
× وانا أخيراً هبقى خاله يا نااس... لولولولولولولي.
♡ ايه العيال المجنونه دي.
♕ مبروك يا ولاد... هبقى جد على ايدك يا زفته.
اياد نزلني.
- ايوه يعني دي حاجه حلوه ولا وحشه ههههههه.
♕ حاجه غريبه... انتي يا صغيره هتبقي ام.
- بس بقى انا بتوتر لوحدي لما بفكر في الموضوع اصلاً.
♡ لو احتاجتي مساعده انا موجوده.
مسكت ايد اياد جامد... وابتسمتلها.
- طبعاً.
اياد حط ايده على ايدي اللى ماسكاه بيها وهمسلي.
= اهدي يا حبيبتي.
- مستحيل اطلب مساعدتها طبعاً دي عق.......
قاطعني.
= ششششش خلاص نبقى نتكلم فوق.
اومأت له.
بعد ما خلص اليوم كلهم روحوا ومفضلش غيري انا واياد وريناد طبعاً.
طلعت اوضتي وانا مبسوطه اوى اني هيبقى عندي توأم.
كنت بكلم بطني.
- بصوا بقى... انتوا لما تيجي لو عذبتوني والله لأرميكم لأبوكم وهو يتصرف علشان انا معنديش خلق الصراحه.
سمعت صوت اياد جي من عند الباب وهو بيضحك.
= بتهددي العيال من قبل ما يجوا اصلاً ههههههههه.
- انا بقولهم بس علشان يبقوا عارفين.
قرب مني وحضني بحب.
= مبروك يا حبيبتي... انا اه مكنتش عايز ولد بس الحمد لله.
- الحمد لله يا حبيبي... بنت و ولد.
= طب انا في حاجه هتجنني.
- ليه بضحك وانا بقرى كلامنا... ههههههههه.
= بتكلم جد.
- ايه هي.
= انتي دلوقتي حامل في اتنين وبطنك مكبرتش غير حبه صغيرين اوى... هو ده عادي.
- انا في الشهر الكام.
= في الخامس.
- كمان كام شهر كده هتلاقيني كعورت متخافش... مش هتعرف تشيلني بعد كده.
= والله لو حامل في خمسه مفيش حاجه هتمنعني من اني اشيلك.
قال جملته وبعدين شالني.
-نزلني يا اياد علشان ضهرك.
= ياستي انا اشتكيتلك.
- لا... بس بردو نزلني.
= بحبك.
- وانا كمان بحبك.
عدت الايام وجه وقت ظهور نتيجة محمد.
$ يا اياد اخلص بقى.
= يا زفت هو بمزاجي... في ضغظ على الموقع.
❀ يلا بقى عايزين نفرح ونبل الشربات.
قال جملتها وهى بتقلد مصطفى خاطر في مسرح مصر.
كلنا ضحكنا عليها.
= اهي ظهرت.
كلنا وقفنا فوق دماغ اياد.
- ❀ $ قول.
= جبت 97.
- لولولولولولولي... مبروك يسطا.
❀ الف مبروك يا صاحبي.
$ بتهزر.
= ههههههه وانا ههزر معاك ليه.
فرحنا شويه وبعدين بنبص حولينا ملقيناش محمد.
= راح فين ده.
- تعالى نشوفه في الجنينه.
خرجنا احنا التلانه الجنينه لقيناه قاعد زعلان وبيبص على البيسين.
راحت ريناد قعدت جنبه وربطت ايدها على كتفه بهزار.
❀ مالك يا صاحبي... في حد يبقى جايب 97 في الميه ويبقى قاعد زعلان.
انا قعدت قدام محمد.
- في ايه... مالك يا محمد.
$ بحثت دلوقتي... عرفت ان مجموعي ميدخلنيش هندسه معماريه... وانا حلم حياتي اني ابقى مهندس معماري.
❀ بس مجموعك يدخلك حاجات تانيه كتير حلوه.
$ انا مش عايز اي حاجه من دي... انا عايز هندسه معماريه.
- طيب هنعمل ايه.
قام وقف.
$ متعملوش حاجه... انا هروح.
- طب است.........
قاطع كلامي خروجه من الجنينه ومن القصر كله.
- الجزمه مخلانيش اكمل كلامي.
❀ محمد شكله زعلان اوى.
= هو فعلاً كان حلمه انه يبقى مهندس معماري... طول الوقت كان بيقولي كده.
- طب هنعمل ايه.
اياد مشي وهو بيرن على حد.
= انا هتصرف.
عدت الايام ومحمد زعلان اوى حاولنا نخليه يفرفش بس هو متقبلش اي حاجه... حتى ريناد اللى هى المفروض من اقرب اصدقائه معرفتش تخليه يرجع محمد تاني.
رحت انا واياد وريناد لبيت بابا... دخلنا لمحمد.
= انت يا زفت.
$ نعم.
= كمان كام شهر هيبقى اول يوم ليك في الجامعه... هندسه معماريه ياعم يلا خليها عليا.
$ ده اللى هو ازاى يعني.
= انت ناسي زوج اختك يبقى مين ولا ايه... انا اياد الكيلاني.
محمد قام حضنه وهو مبسوط.
$ والله انت شخص سكرايه.
= هههههه ماشي يا عم.
- استنى بس انا مش فاهمه حاجه.
اياد بعد عن محمد.
=زي ما قولتلك انا اياد الكيلاني.
ابتسمتله.
ريناد ضربت محمد في كتفه.
❀ ايوه ياعم اخويا ظبطك.
محمد مسك دراعه.
$ ااااه ايه البت دي... ايديها تقيله اوى.
عدت الايام والشهور وجه ميعاد الولاده... ولدت ولما فوقت لقيت اياد جنبي ماسك ايدي وباصصلي.
- اياد.
= عيون اياد.
- فين العيال.
= مش طلع الحمل كاذب... واللى كان عندك ده انتفاخ.
- نعم ياروم مامي... حمل مين اللى كاذب.
= هههههههه يخربيتك بهزر معاكي هههههههه.
- هزارك بارد... فين العيال عايزه اشوفهم.
= في الحضانه.
انا اتنفضت من مكاني.
- ليه حصلهم ايه... هما كويسين.
= ششششش اهدي هما كويسين بس لازم يقعدوا في الحضانه شويه.
- طب انا عايزه اشوفهم.
= حاضر هتشوفيهم بس شويه كده... ارتاحي شويه علشان انتي اكيد تعبانه.
- ايوه فعلاً انا تعبانه... ولاد الكلب دول تعبوني اوى.
= تصدقي انتي بت زباله... بقى انا يا جزمه قاعد معاكي وسايب عيالي لاهلك اللى قاعدين يبوسوا فيهم... وانتى في الآخر تشتميني.
- خلاص بقى قلبك ابيض يا مز انت.
= بعشقك يا مجنونه.
- وانا بموت فيك يا حياتي.
حضنا بعد وعشنا حياه سعيده مع عيالنا.