................جعلنى القدر لغيرك................................
.........الفصل التامن.....والتاسع
بقلم منة يونس
همس بصدمه من اللى عمله وقالت ... انتى ده اللى ربنا قدرك عليه مهزقتهوش ليه وسبتيله الشركه ومشيتى هوا اتجنن ازاى يكلم معاكى كدا أو يمسكك من دراعك كدا
منة وهيا بتمسح دموعها ...لا مش همشى من الشركه هوا أنا وقفته عند حده وخلاص
همس بنظره شك وقالت ...اوعي تكونى حبتيه يا منة
منة بحيره وخنقه قالت... والله معرف حاجه يا همس كل اللى اعرفه ان انا مش عايزه ابعد عنه عايزه كل يوم أشوفه بتبسط لما بشوفه بحس بالامان وانا معاه وزعلت اووى لما زعقلى واتهمنى انى قليله الادب زعلت منه اووى
همس وهيا بتبصلها بنظره خوف من أنها هتخوض تجربه الحب وقالت...يبقى بتحبيه كل ده بتأكد حبك ليه بس يا ترى هوا بيحبك زي ما بتحبيه ولا هيا اعجاب وخلاص أصل اللى عمله ده اكيد علشان غار عليكى
منة برفض ...بس انا مش عايزه احب مش عايزه اجي في يوم واتوجع زي ما اتوجعتى ولا أنه حد يكسرنى مش عايزه الحب ده
همس وهيا بتفتكر الماضى وبتنهيده قالت..أنا اتوجعت علشان حبيت الشخص الغلط حبيت شخص انانى مفكرش غير فى نفسه وبس انا واثقه أن باباه كان السبب فى أنه يسبنى وأنه لسه بيحبنى بس هوا اختار الحل المناسب ليه وبس
اختار أنه يسافر يكمل تعليمه برا زي ما بيحلم مع انه كان ممكن يكمل تعليمه هنا ويصرف على نفسه كمان بس لأ اختار البعد بحجه أنه اتفرض عليه
وكملت بابتسامه سخريه وقالت...واللى يبعد مره لو جتله الفرصه تانى هيبعد الف مره علشان كدا دايما اقولك لو رجع وطلب أن احنا نرجع لبعض وانسى عمرى ما هرجعله تانى ولا هنسى يوم ما وجعنى ببعده عنى علشان ببساطه أنا نسيته بجد أنا اتعمدت أنساه وسمعت كلامه لما قالى انسينى ومتعرفيش قدرى مخبيلى اي
لكن جاسر لو طلع بيحبك اتمسكى بالحب ده يا منة علشان انتى هتحبى وانتى كبيره واعيه عديتى سن المراهقه وتتقدرى تتحدى انتى بتحبيه ولا مجرد انبهار بيه بس
وهوا كذلك كبير واعى للى بيعمله ويقدر ياخد قرار بالارتباط أو لا فهمانى يا منة
منة بابتسامه حزينه لوجع صاحبتها اللى لسه لغايه دلوقتي منستوش وقالت...فهماكى يا همس وانتى برضوا لازم تنسى بجد وتأقلمى نفسك انك يوم متحبى متخليش الماضى يأثر عليكى وينهيلك حياتك اللى جايه من قبل ماتبدأ عايزاكى تكونى على يقين أن احمد كان موجود فتره فى حياتك سواء حلوه او وحشه عدت مش اكتر من كدا ومنوقفش الزمن على الفتره اللى احمد كان موجود فيها بالعكس احنا نسيب الزمن مستمر بينا ونشوفه هياخدنا لفين
همس براحه وابتسمت بدموع قالت...طول عمرى لما بتكلم معاكى برتاح وبحس أن مش شايله هم لوما انتى أنا مكنتش هعدى بالنجاح ده وهقدر أنساه أنا بجد نسيته يا منة والله انتى صحبتى واختى وكل حاجه ليا
منة بهزار قالت... غصب عنك يا بنتى انتى اصلا متقدريش تعيشى من غيرى وبقولك اي كفايه نكد لغايه كدا وقوليلى انتى كنتى قولتيلى أنك هتحكيلى على حاجه حصلت معاكى فى الشركه
همس بتنهيده وحزن قالت ...أسر
منة بأستغراب لتنهيده همس اللى اكيد وراها موضوع وقالت ...ماله أسر
همس بحزن قالت...كنت بسلمه الملف وخارجه لقيته ندهلى وقالى انتى مرتبطه
منة بضحكه وغمزت لهمس وقالت...اوبااا هوا وقع ولا اي أنا عن نفسى موافقه وبما انى موافقه فانتى موافقه متقدريش ترفضى
منة ولاحظت حزنها وشرودها وقالت... في اي يا همس مالك
همس بتنهيده قالت ....مش دي المشكله المشكله أنه سألنى حبيتى قبل كدا سكتت همس فجأة
منة بنظره شك لصحبتها وقالت...وقولتيلى اي انطقى
همس بزعل لكذبتها ...قولتله لا
منة بصدمه قالت ...يخربيتك يا همس وكذبتى ليه افرضى فعلا حبك أو في نظره اعجاب وبعد كدا يكتشف كذبتك هتبقى مصيبه مش هيسامحك على كذبتك دي
همس بتبرير ...وهوا هيعرف منين بس دي كانت فتره فى حياتى وانا محيتها واعتبرتها محصلتش وبعدين اصلا مفيش حاجه زي دي هوا ولا بيحبنى ولا معجب هوا فضول مش اكتر
منة بصوت عالى نسبيا قالت..أنا قولت افرضى وارتبطى بيه مش هتعرفى خلاص تقوليله الحقيقه اي هتيجى فجأة وتقوليله معلش اصلي كذبت عليك
بكرا يا همس فى الشركه هتقوليله وتجيبى أي تبرير لكذبتك دي ماشى
همس بنفى لكلامها ...لا يا منة مش هعرف أقوله أن كذبت عليه واقوله الحقيقه ليه اصلا اوعدك أنه مش هيتعدى دور السكرتيره وصاحب الشركة غير كدا لا
منة وهيا بتهز رأسها بيأس ...مش هتتغيرى هتفضلى بعندك ده طول حياتك هوا اللى مضيعك وهيوديكى فى ستين داهيه بس انا حزرتك مترجعيش تعيطى
همس بضيق قالت ..فى الوقت المناسب هيعرف خلاص يا منة قفلى على الحوار ده ويلا نروح علشان نذاكر علشان الامتحانات خلاص هتبدأ الاسبوع الجاى
منة بتأيدها قالت...ماشى يلا
ومشوا وكل واحد روح على بيته وهوا باله مشغول من اللى جاي أو اللى مستنيهم وبدأوا مذاكرتهم ....
_______________________
في ڤلة أسر الجرس رن راحت مامت أسر فاتحه الباب ..
منى بسعاده لما شافت اللى بيرن الجرس وقالت...حبيب قلبي تعالى يا حبيبي
منى مامت أسر طيبه وحنينه جدا لون عيونها نفس لون عين أسر رومادى وبشره بيضاء ولون شعرها دهبى وفي بعض الشعر الابيض بسبب تقدم السن عندها 50 سنه نفسها تفرح بأسر وجاسر لأنها بتعتبر جاسر ابنها
جاسر بابتسامه وهوا بيبوس ايديها ...عامله اي ياست الكل انهارده
منى بابتسامه وبتربط على كتفه ...أنا كويسه يا حبيبي انت بقالك يومين مختفى ليه وامبارح قولتلى جاي تبات هنا ومجتش
وقبل ما جاسر يتكلم كان أسر نازل من على السلم بترينج رياضى وقال بضحكه عاليه ....أصل كان مجروح
جاسر وهوا بيبصله بغضب قال...تعرف تسكت ولا اي مفيش يا حبيبتى أنا روحت ومحستش بنفسى ونمت كنت هموت وانام
منى بنظره شك قالت ..طب تعالى علشان حاسه ان الموضوع فيه بنت
أسر وهوا بيضحك بشماته قال..طول عمرها قافشانا
جاسر بقله حيله ومن غير مهرب قال...الظاهر فعلا انها قفشتنى بس هقولها عليك انت كمان
منى بضحكه علشان الاتنين فتنوا على بعض قالت ...لا ده الموضوع عايز قاعده بقى
هحضر الغدا ونتغدى وبعدين كل واحد يقول اللى عنده تمام
جاسر وأسر فى نفس الوقت ...تمام
بعد ما اتغدوا طلعوا قعدوا فى الجنينه هما التلاته ..
منى وهيا بتقطع الفاكهه لأسر وجاسر قالت...تحبوا نبدأ بمين
أسر وجاسر كل واحده شاور على التانى
منى وهيا بتضحك قالت ...احكيلى يا جاسر مين دي اللى شاغله عقلك وقلبك
جاسر بتنهيده وابتسامه حب قال...دي سكرتيره عندى اسمها منة بصى لما بشوفها كدا قلبى بيدق جامد وببقى عايز افضل ابص لعنيها ومبقاش عايزها تبعد عنى عايزه أفضل باصص ليها بفرح قوى لما بلاقيها بتضحك بحب ضحكتها اوى اول لما بتضحك بلاقى نفسى فرحان تلقائيا
وامبارح لقتها واقف مع واحد فى الشركه وبتضحك معاه مشفتش قدامى واتعصبت عليها وقلتلها دي قله ادب بس انا مكنتش عارف انا بقول اي الغيره عامتنى وزعلت من نفسي اووى أن خلتها تعيط بس ياستى وامبارح اليوم كله كنت مضايق فمرضتش اجي
منى بفرحه لحب ابنها وقالت ...ياااه للدرجادى ده انت طلعت بتحبها واوى كمان وانت يا أسر
أسر بهدوء... سكرتيره عندى برضوا اسمها همس أنا معرفش أنا جرالى اي لما شفتها حسيت بشعور محستوش قبل كدا من داليا هيا مختلفه فى كل حاجه حتى شعورى ليها مختلف لما ببص في عنيها بحس أن مالكت الدنيا ولما بشوف ابتسامتها بحس بفرحه
وببقى مرتاح جدا لما ببقى معاها بس حصلت حاجه خلتنى اشك فيها سالتها انتى حبيتى قبل كدا لقتها اتوترت وقالت لا واستأذنت ومشت على مكتبها
انا حاسس أنها كذبت لجلجتها فى الكلام وردها من غير تفكير شكننى فى كدا
منى بفرحه وابتسامه حب قالت ...أنا عايزه اشوفهم عايزه اشوف البنتين اللى قدروا يخليكوا تحبوا وتكونوا باللهفه دي عليهم
جاسر بابتسامه ..تعالى معانا بكرا الشركه وبكدا هتقدرى تشوفيهم وتتكلمى معاهم براحتك اي رايك
منى بفرحه قالت..ماشى هروح معاكوا بكرا الشركه
وكملوا بقيت اليوم فى مناكفه فى بعض وقعدوا يهزروا ويضحكوا واليوم عدى بسلام على ابطالنا ...
___________________________
تانى يوم فى الشركه منة وهمس داخلين الشركه مع بعض..
همس بزعل على حزن صاحبتها .. خلاص بقى يا منة هتفضلى مبوزه كدا كتير
منة ...يبنتى والله مفيش حاجه بس قايمه من النوم مصدعه مش اكتر
همس بغير تصديق...ماشى يا منة هصدقك المرادى يلا نتقابل ساعه الاستراحه
ومشوا كل واحده راحت على مكتبها ..
...عند منة...
دخلت منة مكتبها وهيا مصدعه وحاسه انها لو شافته هتعيط وفجأة الباب خبط قالت..ادخل
دخل جاسر بابتسامته المعتاده ومعاه بوكيه ورد كبير باللون الاحمر وقال...كان لازم اصالحك واقولك انى مكنش قصدى اي حاجه من اللى قولتها وإن انتى اجمل وارق وانضف بنت دخلت حياتى ودموعك اللى نزلت بسببى غاليه عندى اووى متزعليش منى بس لما شوفتك واقفه معاه وبتضحكى غيرت عليكى ايوا غيرت عليكى متزعليش منى..
وفجأة وهوا مركز فى عنيها وبيبصلها بحب باس ايديها وقال...أنا آسف
منة واقفه مصدومه من اللى عمله جاسر وقلبها دق بفرحه أنه مهتم يصالحها واستغربت لما اعتزر منها والأغرب لما بأس ايديها حاسه مشاعر متلغبطه كل اللى تعرفه أنها مبسوطه أنه اهتم لزعلها وحاول يصالحها وقالت بخجل وهيا بتسحب ايديها وقالت ... خلاص يا استاذ جاسر أنا مش زعلانه خلاص وشكرا على الورد وعلى كل الكلام الحلو ده
جاسر بأبتسامه حب قال..اتفضلى يا ستى الورد علشان الورد ميمسكش غير الورد اللى شبهه
وبلاش حوار استاذ جاسر دي قوليلى جاسر وبس
منة ...ازاى يعنى اقول لك جاسر بس مينفعش
جاسر وهوا يحاول إقناعها ...على الأقل لما نبقى لوحدنا ولو في اجتماع قوليلى استاذ دي كدا كويس
منة وهيا بتبادله نفس ابتسامه الحب وقالت ..شكرا يا جاسر
جاسر بحب قال ... أنا أول مره اعرف ان أسمى حلو كدا احم طب جهزى المفات وراجعى ملف دبى بسرعه ويلا علشان ورانا اجتماع مهم
منة بابتسامه ..حاضر هجهزهم واجي ورا حضرتك
مشى جاسر ومنة جهزت الملفات وراجعت الورق وراحت على قاعه الاجتماعات ...
_________________________
...عند همس ...
لما دخلت مكتبها كانت بتجهز الملفات وبتراجعها علشان الاجتماع
وأثناء مراجعتها للملفات رن تليفون المكتب وكان أسر
أسر ...تعالى يا همس على المكتب
همس ..حاضر ثوانى واكون قدام حضرتك
وسابت الملفات على المكتب وراحت ليه ..
اول ما دخلت لقت ست كبيره قاعده على الكرسى وكانت بتتكلم مع أسر
أسر بابتسامه اول ماشفها ..تعالى يا همس اعرفك دي والدتى
همس بابتسامه رقيقه زينت ثغرها ...اتشرفت بحضرتك
منى بسعاده ....الشرف ليا يا حبيبتى انتى عندك كان سنه
همس بابتسامه ...عندى 20 سنه
منى بابتسامه موجهه كلامها لاسر...بس مقولتليش يا أسر انك عندك سكرتيره زي القمر كدا
همس بخجل وخدودها احمرت قالت ...احم شكرا لزوق حضرتك
أستاذ أسر عن اذنك هروح اجهز الملفات علشان مندوب الوفد اللى جاي تبع شركه كندا قرب يوصل
أسر بهدوء...اتفضلى يا همس
وخرجت همس مكسوفه وحاسه ان وشها مطلع نار وابتسامت وجهزت الملفات وبعد شويه عرفت أن مندوب الوفد اللى جاي من كندا وصلوا اخدت الملفات وراحت على قاعه الاجتماعات
خبطت ودخلت واول مدخلت وشافت الوفد اتصدمت وفجأة اتسمرت مكانها اول ما شافته وقالت ...انت
.......................روايه جعلنى القدر لغيرك.......................
......الفصل التاسع......
خبطت ودخلت واول مدخلت وشافت الوفد اتصدمت وفجأة اتسمرت مكانها واول ما شافته قالت ...انت
المندوب اللى جاي مع الوفد وصل وقاعد مع أسر وجاسر ومنة ومستنين همس علشان يبدأوا الاجتماع وأول ما دخلت همس اتصدم المندوب وقام وقف وبصلها بحب واشتياق سنين وقال..ازيك يا همس
همس بصدمه مش مصدقه أنها شايفاه والمفروض أنها هتشتغل معاه حاسه ان قلبها هيوقف .... الحمدلله
منة اول ماشافت احمد صدمتها مقلتش عن همس وبقت خايفه من المواجهه بينه وبين همس لما تشوفه
وزعلت على صحبتها لان كل حاجه بتجبرها أنها تفتكر الماضى وتعيش فيه
أسر اول مشافهم الغيره جرت فى عروقه ومبقاش شايف قصاده من فكره أن همس كانت تعرف شاب تانى وقال بحده وهوا ينظر لهمس قال..انتوا تعرفوا بعض
احمد بنظره حب واضحه للكل قاصد يضايق أسر لانه شاف نظرات الغيره على همس وقال...طبعا همس دي عشره سنين وبنت خالتى وصحبتى وكانت في يوم من الايام ح....
ومنة اتكلمت وقطعت كلامه قبل ميكمل وكذبه صاحبتها تبان وقالت ...أنا بقول نبدأ الاجتماع احسن
جاسر وأسر بنظره شك وقال جاسر ...تمام يلا نبدأ الاجتماع
أسر بهدوء يسبق العاصفة علشان اتأكد من شكوكه أن همس كانت بتحب بس السؤال هنا ليه كذبت وقال..تعالى يا همس اقعدى
قعدت همس على الكرسى اللى جمب أسر وقصادها احمد وجمبها منة وقصاد منة جاسر وقعدت بتوتر وخوف من أن أسر يكتشف كذبتها أو أن احمد يكون بيفكر يرجع الحب القديم وميت فكره فى دماغها ..
وبدأوا الاجتماع وهمس طول الاجتماع مكنتش مركزه فى اي حاجه لدرجه ان أسر وجاسر اخدوا بالهم من سرحان همس وتوتر منة الواضح للكل وخلص الاجتماع واجت همس تخرج من قاعه الاجتماعات وقفت على صوت احمد وهوا بيقول ...استنى يا همس لما اجي معاكى
أسر والغضب سيطر عليه ومسكه من دراعه وقاله... تروح معاها فين
أحمد بابتسامه بارده تستفز اي حد قال...هروح مع بنت خالتى مكتبها أصل عايزها فى موضوع مهم
أسر وهوا بيحاول يسيطر على غضبه وبقى واضح أنه خلاص اتعصب ولحقته منة وقالت ...استاذ أسر أنا هروح معاهم
أسر وهوا بيحاول يهدى نفسه وساب ايد احمد وقال...ماشى يا منة
وأسر وهوا موجهه كلامه لهمس قال..وياريت يا استاذه همس لما تخلصى المقابله العائليه دي تجيلى على مكتبى
وخرج من القاعه وهمس مشت ومشى وراها احمد
ومنة بصت لجاسر بعنيها كأنها بتستاذن منه أنها تروح وراهم ..
جاسر هز ليها رأسه بالموافقه فأبتسامت ليه بحب وسابته ومشت ...
_____________________
...فى مكتب همس.....
دخلت همس المكتب بعصبيه وسابت الباب مفتوح ودخل وراها احمد
واول ما حست بيه دخل لفت وشها ليه وقالتله ...انت اي اللى انت هبتته جوا ده ها اي اللى عشره سنين وصحبتى وكنت لسه هتكمل وتقول أننا كنا بتنيل نحب بعض كان ناقص تحكيله قصه حياتك ..
انت اي اللى فكرك بيا تانى يا اخى انت صعبان عليك ابقى كويسه صعبان عليك انسى اللى انت عملته فيا
انت شخص انانى طول عمرك بتفكر فى نفسك وبس غلطت عمرى أن في يوم حبيتك
وسكتت وهوا مصدوم من اللى قالته وقال بهدوء ...اولا أنا مكنتش اعرف أن حضرتك شغاله هنا ثانيا انت اي اللى مضايقك ده انا وصفت انك كنتى صحبتى وبنت خالتى وكنت هقول انك في يوم حبيبتى اي اللى يضايقك
همس بلجلجه وتوتر وقالت ...أنا مبحبش حد يعرف عنى حاجه تيجى حضرتك تقولهم قصه حياتى اتفضل امشى يا احمد لو سمحت وارجع مكان ما جيت
منة واقفه مش عارفه تعمل اي وكل اللى عملته انها قفلت الباب علشان محدش يسمع حاجه وقالت اخيرا...يا جماعه احنا فى مكان شغل مينفعش كدا اتفضل يا احمد امشى دلوقتى
احمد بنظره شك لهمس وضيق قال...استنى بس كدا يا منة قوليلى يا همس انتى حبتيه ولا اي
همس بتوتر وصوت عالى نسبيا ....أنت مالك انت ملكش دعوه احب ولا محبش بس احب اريحك أنا مبقتش احب حد ولا بفكر فى كدا أصل زمان فى واحد كرهنى في الرجاله كلهم
واتفضل مش هقولها تانى امشى من هنا احسنلك
احمد وهوا خارج من المكتب بعصبيه قال ...ماشى يا همس أنا همشى بس عايزاك تعرفى أن أنا مش هسمحلك ترتبطى بحد غيرى ويوم متحصل يبقى متلوميش غير نفسك علشان أنا لما ببقى عايز حاجه ومتمسك بيها محدش يقدر ياخدها منى انتى فاهمه
وسابها مزهوله من كلامه اللى اثبتلها أنه فعلا انانى ومشى مش من المكتب بس من الشركه كلها
....بعد ما مشى....
همس بعياط هستيرى....شوفتى يا منة شوفتى انانيته أنا بقيت بكرهوا بقيت بلعن اليوم اللى حبيته فيه وإن كنت في يوم هتجنن عليه لما سابنى
بس لا مش هسمحله يهد سعادتى من جديد مش هسمحله
يوجعنى ويكسرنى تانى
منة وهيا بتهديها وبتقعدها على الكرسى ....ممكن تهدى وتعالى اقعدى وصدقينى كل حاجه هتبقى كويس صدقينى كل حاجه هتتحل بس تهدى
همس بدموع قالت...ازاى بس يا منة ازاى ياريتنى ما كذبت عليه هقوله اي دلوقتى
منة بيأس...قلتلك يا همس بس مش مهم قوليله دلوقتى لان احمد راجع وناوى ميسبكيش تانى لازم أسر يعرف
همس وهيا بتمسح دموعها ...أنا رايحاله وهقوله كل حاجه
وسابت منة وراحت على مكتب أسر ...
________________________
عند أسر فى المكتب كان قاعد مش طايق نفسه ومتعصب وفضل رايح جاي فى المكتب بعصبيه كل ميفتكر أنه قاعد بيتكلم معاها دلوقتى ..
شويه وخبطت همس على الباب ..
أسر بصوت عالى علشان عارف أنها همس ...تعالى يا همس
همس بخوف وعيون مدمعه دخلت ووقفت قصاده وقالت ....استاذ أسر أنا أسفه على اللى حصل من شويه
أسر بيحاول يتحكم في عصبيته وقال....اي اللى بينك وبين احمد غير انكوا ولاد خاله انتى مكنتيش مركزه انهارده فى الاجتماع وصدمتك لما شوفتيه وتوتر وخوف منة لما شافته أنا عايز افهم كل حاجه منك ومتحاوليش تكذبى عليا خلينى اعرف منك احسن ما اعرف من غيرك
همس بدموع ...فاكر لما سألتنى انتى حبيتى قبل كدا رديت عليك وقولت لا
بس انا كذبت عليك انا حبيت قبل كدا واللى كنت بحبه كان احمد ابن خالتى اللى حضرتك شوفته انهارده بس حصلت مشكله وسبنا بعض وانا عندى 15 سنه ومن ساعتها مشفتوش غير انهارده واتصدمت أنه موجود لانه دكتور ومكنتش أتخيل ان أشوفه بس طلع بيشتغل فى شركه عمه فى كندا وهوا اللى بعته
أسر بهدوء لما شاف دموعها واتصدم من اللى قالته ومكنش متوقع انها تكون حبت وهيا صغيره كدا وقال ...اي اللى خلاكى تكذبى عليا لما سألتك
همس بصوت كله وجع وكسره قالت....كنت مفكره أن ده موضوع واتقفل وان أنا نسيته ومبقتش عايزه افتكره وبمعنى أصح محيته من حياتى وبالتالى مكنتش عايزه حد يعرف هوا كان فتره في حياتى وانا مسحتها ومش عايزه حد يعرف بالفتره دي
كنت بحاول انساها بس كل حاجه بتحصلى بتجبرنى أن أفضل فكراها ومنسهاش بتجبرنى على أن افتكر وجعى وقهرتى يوم ما سابنى وانا طفله كانه كان طوق نجاه بالنسبه ليا وضاع منى انهارت فعليا وسكتت
وكملت بشهقات ودموع ....كان انانى مفكرش غير فى نفسه واول ما باباه قاله أنا مش موافق ولو عصيت كلامى مش هسافرك تكمل تعليمك برا ولا هصرف عليك وهوا سمع كلامه وباعنى فى أول المشوار وقالى انتى كنتى حب مراهقه وانا اكتشفت ان مبقتش عايز الحب ده وقالى انسينى وشوفى حياتك واعتبرينى ابن خالتك وبس
وكملت بشهقات بتزيد كل ما بتفتكر ماضيها ....وانا سمعت كلامه يا أسر ونسيته والله العظيم نسيته وبدأت اشوف حياتى ومستقبلى وهوا راجع دلوقتى يفكرنى بكل اللى حصل زمان لا وبيقولى أنا مش هسيبك ترتبطى بحد وانا لما ببقى عايز حاجه محدش يقدر ياخدها منى
ده اللى خلانى اتأكد أنه انانى مبيفكرش غير فى نفسه كرهته اووى اوى يا أسر
أسر ومبقاش مستحمل دموعها حاسس بغصه فى قلبه وقلبه وجعه من عياطها وشهقاتها وبدون سابق انزار كان اخدها فى حضنه وربط على رأسها بحزن
أما هيا اول ما حضنها محستش بحاجه غير بالأمان واول ما اخدها فى حضنه قعدت تعيط بوجع وقهره سنين فضلت كاتمه فى قلبها لغايه ما حست بالامان ساعتها عيطت بحرقه والم
همس بدأت تهدا وواحده واحده وقفت دموع وبعدت عنه وقالت ....أنا قولتلك على كل حاجه يا أسر
أسر وهوا يبوس رأسها وركز فى عنيها وقال...كل حاجه هتعدى وهتبقى كويسه ده وعد منى ليكى من انهارده دموعك الغاليه دي مش هتنزل تانى
وخليكى واثقه فيا أن احمد ده فتره وراحت من حياتك ومش هترجع تانى وهيجي بدالها سعاده وفرحه صدقينى
وعايزك تعتبرينى من انهارده صديق ليكى تحكيلى على كل حاجه فى حياتك وانا هبقى مبسوط بده.
همس بابتسامه حب وهيا بتبص في عنيه قالت...مصدقاك يا أسر وواثقه فيك انت هتكون اول صاحب ليا يدخل حياتى ..
أسر بحب ....ومش هكون صاحب وبس وهكون حبيب واخ وزوج فى المستقبل
همس بابتسامه رقيقه وبتنهيده قالت.... مش دلوقتى يا أسر سبنا نعرف بعض الاول ونشوف القدر مخبيلنا اي
أسر بابتسامه عشق ومنزلش عينه من عليها وقام باس ايديها بحب وقال ...أنا المرداى واثق فى قدرى أنه هيبقى معاكى ...
وخرجت همس مبسوطه وحاسه بسعاده وفرحه لاول مره تحس بيها ومبسوطه أن أسر اعترف ليها بطريقه غير مباشره بحبه ليها
"وهوا" :حاسس بسعاده وان الدنيا هتبدأ تضحكله من تانى بس مش عايز يتسرع ويتعرف عليها الاول ويشوف طابيعها وأسلوبها فى الحياة وساعتها مش هيهمه حد وهيروح يتجوزها...
__________________________
خلصت همس شغلها وروحت على بيتها خبطت همس على الباب ومامتها اللى فاتحت ليها
هدى بسعاده ...همستى تعالى يا روحى
همس بابتسامه...عامله اي يا حبيبتي
هدى بفرحه وعنيها مدمعه قالت... الحمدلله كبرتى يا همس خلاص وشويه وهتسبينا وتمشى
همس باستغراب ...كبرت وهمشى وهسيبكوا هروح فين بس يا ماما انتى مالك يا حبيبتي
هدى وهيا بتشدها من دراعها وراحه بيها على الصالون
اول مدخلت همس لقت احمد وياسمين ومامته وباباه
اول ما محمد شافها قال...تعالى يا همس اقعدى عايزك فى موضوع
همس قعدت بعد مسلمت على مامته واخته وباباه ببرود وقالت....اتفضل يا بابا
محمد بابتسامه وفرحه قال....احمد جاي طالب ايدك وعايز يخطبك
همس بصدمه وعيونها مفتوحه بزهول من اللى سمعته وقالت.............