روايه صديقي المفضل الفصل الاول
=إهدي يبنتى في اى، مش انا جوزك!
_انت مصدق نفسك بجد! انا المفروض كنت ابقي مرات اخوك
=اخويا هرب مع بنت خالتك إلى المفروض خطيبتى
_انت بارد كده لي يلا، إطلع برا يا احمد
=حاضر
_ايدا استنى، انت هنسمع كلامى بجد!
=أكيد، مش احنا صحاب
_ايوة بس انا مكنتش عاوزة يعنى..
=مكنتيش عاوزة تتجوزينى مفهوم، بس مكنش فيه حل غير دا وانتى عارفه كده كويس
_هى دي ليلة العمر، هو دا فستان الفرح إلى اى بنت بتحلم تلبسه! أخوك خلى احلى يوم في حياتى أسوأ يوم عشته، وانا قاعدة ومستنياه وحابسه دموعى جوايا، أخوك حول كل الحب إلى حبتهوله ل كره، أخوك إلى كل شويه كنت بقوله خايفه تخذلنى ومتسبنيش، عارف يعنى اى كل لحظة تفوت عليا بكون خايفه ابقي لوحدى! عارف يعنى اى اكون خايفه أحب عشان شايفه كل الناس بتتجرح، انا واحدة معقدة وكنت مستنيه النصيب، واحدة كانت خايفه يحصلها زى إلى حوليها، كانت قافلة على قلبها بميت قفل وخايفه حتى تحب، خايفه طول الوقت تقرب، جه هو وقالى هفضل معاكى، بس عرف يكسر قلبي مع اكتر واحدة قريبه منى، هى مش بنت خالتى يا احمد دى اختى وانت عارف هى عندى اى، والله لو كانت قالت انها بتحبه كنت هسيبه عشانها، انا كنت فاكرة انها أقرب من جلدى ليا، اكتر اتنين حبتهم هما نفسهم اكتر اتنين كسرونى
فجأة لقيته حضنى= بالله عليكى متعيطيش، انا عارف انتى حاسه ب اي، وانتى كمان عارفه انى بحبها، وبردو اكتر اتنين قريبين منى خنونى و..
بعدت_ انا جعانة يا احمد
=افندم!!
_بقولك جعانة، بص احنا ناكل وبعدين نعيط جامد اوى
=مريم انتى طبيعيه!
_اخرج بس اغير الفستان وناكل سوا
الأطباء في ذهول! حيلة بسيطة لتخسيس 11.5 كجم في أسبوعين بأمان
الأطباء في ذهول! حيلة بسيطة لتخسيس 11.5 كجم في أسبوعين بأمان
=طالع اهو عشان بجد انتى تعبانة
_حبيبي وصاحبي وكفاءة
طلع وكملت عييط مش بحب اعيط قدام حد، مش بحب ابقي ضعيفه حتى قدامه، عارفه انه حد لطيف وطيب، أحمد إلى المفروض اخو خطيبي، دا بقي اكتر من صاحبي وعارف عنى كل حاجة، بجد يعنى هو احسن حد دخل حياتى، حتى كان حنين عليا اكتر من أخوه، وكان يصالحنا على بعض ويعزمنى على كريب بعدها
غيرت هدومى ومسحت دموعى ورضيت بالواقع ولبست بجامة وسبت شعرى وطلعت
_اوعا صحبتى القمر
=حبيبي تسلم، ها الاكل فين
_لا بس اى القمر دا
=مش قولنا تسلم؟ اى هنغنى، بقولك الاكل فين عشان اسخنه
_جوا في المطبخ يمريم
=خمس دقايق وجيالك
دخلت المطبخ وكشفت الاكل، الله كل الاكل دا، دا ليلة زى الفل شكلها، سخنت الاكل وطلعت
_يلا بسم الله
=مريم عاوز اقولك حاجة
_مش انا قولتلك قبل كده مليون مرة متكلمنيش وانا باكل يا احمد!
=قولتى اه
_يبقي اى؟ يبقي تخرس عما أخلص أكل
=حاضر
_دول عمرك محترم يواد والله
كلنا وخلصنا، انت أكلتك ضعيفه لى يبنى! فيها اى لما تاكل وتبوظ جسمك إلى كله عضلات دا، مش كله رايح يبقي كل يبنى في اى، بتعمل في نفسك كده لى يبابا
_هنعمل اى بقي؟
=تشرب قهوة
_مريم!
=فيه عصير مانجا جوا تحفه ماما عملاه اجبلك!
_يا حجة انتى!!
=ولا منشربش ونام خفيف
_يبنتى بقي
=أحمد افتح التليفزيون هجيب مانجا
_!!
دخلت المطبخ وخدت نفس عميق، هو البعيد لوح ولا اى، هنعمل اى في اى يعنى مهو احنا خلاص لازم نرضي بالأمر الواقع اعملك اى يعنى!
خرجت ولقيته فاتح التليفزيون، مين اشطر كتكوت ناو؟
_إتفضل، شويه مانجا بس أصلى على أبوه
=اه وبعدين
_هات الريموت
=مريم انا عاوز افهم
_هنرضي بالأمر الواقع يا احمد
=ايدا بجد يعنى انتى دلوقت مراتى صح
_هفضل صاحبتك يعسل
=نعم يختى
_هفضل صاحبتك بس في الحلال بقي
=بس يجدع
_بالله، هات الريموت بقي، واشرب العصير هيعجبك
جبت فيلم ودخلت الاوضه جبت بطانيه جديدة عشان نستغطى بيها، ودا لى بقي عشان شكلها سهرة صباحي، مين اشطر عروسه والى بتبوظ جهازها دلوقت!
_خدت يعسل افرشها
=احنا هنام هنا؟
_اه يا احمد فيه نومة احسن من هنا، مش احسن مسيبك واخش انام على السرير لوحدى
=طب هاتى هاتى
_امسك، هروح اعمل فشار بقي
دخلت عملت فشار وحطيته في طبق وخرجت
_امسك الطبق ولو لقيتك بتاكل منه قبلى هزعلك منى جامد اوى
=خوفت انا كده
_حاسب شويه يبقلظ
=مبلاش بقلظ دى يمريم
_بقلوظى متقولش كده احنا أهل
=طب تعالى بقي
شدنى ليه وغطانى وبصتله ابتسملى، استنى كده انت جرئ اوي يلا والله، لا قلبك ميت بالحركة دى
_ناكل الفشار بق
=ايوة قولى رايك
_رأيي اى هو انتى عملتى اى غير انك حطتيه في الحلة!
=بتقول حاجة؟
_اى دا الفشار تحفه، اول مرة أكل فشار حقيقي
=اى خدمة
_الله يسترك
فضلنا بنتفرج على الفيلم وكنا قريبين اوى من بعض، اخويا وحتة منى ميستغناش في يوم عنى، هو اه اعترف انى مبسوطة سيكا انك معايا يسطا، مش المفروض كان محمود مكانك! بس اخوك مش فاهمنى زيك كده وعصبي لكن انت رويح كده، تربيتى إلى أخد مقلب زيي واتجوزنا بعض غصب، متيجى نعيط يا أحمد!
نمنا من غير منحس
صحيت الصبح لقيت نفسي في حضنه فضلت بصاله
مسكت خدوده فجأة _دي حليوة يناس بقلوظى القمر
=هى دى صباح الخير يمريم!
_دي قمرة وهو نايم كده
=خلاص يمريم مش ابن اختك انا
_ارجع نام تانى يلا
=منا صحيت خلاص
_انتى اطرش ولا اى بقولك نام تانى
لقيته غمضت عيونه فإبتسمت، الوحيد إلى بيسمع كلامى الله يكرمك يبنى والله
=تصدق انك حلو وانت نايم كده
رد وهو مغمض عيونه_ وانتى حلوة في كل وقت
إحمريت =عارفه انى حلوة في كل الأوضاع حلوة في كل الاماكن
_دي حقيقه فعلا
=روح ربنا يجبر بخاطرك
_أحيه يمريم
=ولد عيب
_هو اى إلى يجبر بخاطرك دى
=روح يشيخ إلهى تنستر
_انا هنام تانى فعلا، ها عاوزة حاجة تاني
=اه
_إرغي
قربت منه= معتش تنام جنبي تانى
_مريم انتى الى قاعدة تتلزقي فيا طول الليل على فكرة
=بجد
_بجد صدقينى هكذب يعنى
=صباح الخير
_صباح النور يحلوة
الباب خبطت فتحته، لقيتها مامته ومامتى، اى العشم إلى واخدنى دا والسرعة في الأداء دى
_إتفضلوا نورتوا والله
مامتى ومامته في نفس الوقت =هو انتوا نمتوا على الكنبه
=ها، اه أصل أحمد صحينا بليل وقالنا نغير جو في الصالة
_!!!
لقيته جه ووقف جمبي وحط ايده على كتفي وضمنى ليه وابتسملى ابتسامة ساذجة
_إتفضلى يماما، إتفضلى يحماتى
دخلوا وانا وهو واقفين لسه في نفس الوضع
_إبعد عنى، ايدك لتوحشك
=ابتسمى
_أفندم!!
=ابتسمى قولت، يقولوا علينا اى دلوقت
_أحمد احنا متجوزين غصب
=ألاه، امال بتعامل لى انها جوزاه طبيعيه
_مشكلتك انت بقي
ابتسمت _نورتوا والله، ثوانى هجبلكم حاجة تشربوها
دخلت وجبت عصير من التلاجة
_على فكرة بقي...
جيت اصوت من الخضه حط ايده على بوقي
_اى يعسل هو اى مش متوقع انه انا يعنى
=..
_مش في محطة مصر احنا، هتفضحينا بصويتك يقولوا عليا اى بضربك!!
=..
_تعرفي وانتى ساكتة حلوة، خليكى ساكتة على طول كده يمريم
رفعت حاجبي وبصيت ب ايده
شال ايده
_تصدقي انا مستغرب انك ساكته أتارينى حاطط ايدى على بوقك
=هه، ظريف، حد يموت حد من الضحك كده
_يلا عشان أمهاتنا برا
=خدتت بالى اه
_طب قدامى يقمر
=اهو
كان ورايا وحطيت الصينية بتاعت العصير بعدها على طول مسك ايدى وباسها، احمريت وكنت عاوزة أشد ايدى بس بصيت ل ماما وحماتى لقيت الفرحة في عيونهم، بوسني تانى يلا يبنى
قعدوا شويه ومشيوا
لم أمرض أبداً، لأنني أنظف أوعيتي الدموية!
الأطباء في المملكة العربية السعودية يخفون هذه الطريقة التي تعيدك إلى سن الـ 25 دون جراحة أو بوتوكس! اقرئي
_انت عملت اى من شويه يا أحمد يا محترم
=اى إلى انتى بتقوليه دا!
_زعلان انى بقولك يا احمد
=لا عشان بتقوليلى محترم
_لا مهو انت محترم
قرب=هه، لاء مين الكذاب إلى قالك كده
بعدت خطوة_منا عرفاك يبنى
=إبنك!!
_خطوة كمان وهحدف نفسي والله
قعد على الكرسي= إتفضلى
_إتفضل اى!!
=احدفي نفسك يلا
_ها
قام وقرب=بقولك احدفي نفسك يلا يمريم مستنيه اي، يلا بس عشان اشوف حاجة أكلها
_أكلنى معاك بالللله عللللليك
=اسمعى الشروط بق
_ش اى يبا؟
=شروط، اولا موضوع هحدف نفسي وجو الانتحار دا كل شويه مبحبوش
_طب متحبه يبنى!!
=طب متبطليه أسهل
_خلاص ماشي اقتنعت
=ثانيا انتى عارفه ان والدتى عندها القلب وفكرة ان ابنها هرب وابنها التانى متجوز واحدة غير خطيبته مزعلاها، وفرحت لما لقتنى مبسوط، فنحاول نمثل حلو شويه، صفي النيه وإبذلى مجهود اكبر من كده
_خلصت؟
=اه
_يلا ناكل بقي
=فيه حاجة تانيه
_ها
=هنخرج النهاردة
_قول وربنا
=وربنا
_في الصباحيه!
ضحك= وهى فارقه!! مش احنا صحاب، وبعدين من أمتى معلش بيهمنا حد
_يسطا انت قلبي من جوا يسطا
=كنت عارف
_خلصت؟
=اه
_يلا نأكل بقي
متحسونيش ولو للحظة انى بحب الأكل يجماعة، انا باكل عشان اعيش بس، كلنا خفيف وقعدنا في الركنة، كان قاعد ماسك اللاب توب
=احمد هو انا هرجع معاك الشغل صح
_لا مش صح
=افندم!!
_مش انا بشتغل، يبقي مش هنحتاج فلوس
=انت اكتر واحد عارف انى بعمل كده عشان حابه الشغل
_وانا مش حابب انك تنزل تشتغلى ومش موافق
=والله! مش المستشفي دى اول مكان يجمعنا!! اى يادكتور نسيت!
_منستش يا دكتورة، بس دى مرمطة عليكى وخلاص يمريم بقي
=هو خلاص فعلا بعد اذنك
دخلت الاوضه وقفلت عليا، وقعدت على الأرض جمب السرير، ايوة فين أحمد انا إلا أراه!! هو اكيد بيهزر، مش بيهزر بجد والله، يعنى بيهزر ولا لا، مهو ميكونش اعز اصحابي ويمنعنى من اكتر حاجة بحبها وهى شغلى، أحمد بطل هزار بقي عشان بقت خل اوى والله
خبط ووقفت قدام الباب ورديت والباب مقفول
_عاوز اى؟
=ألاه عاوز ادخل
_لاء
=بس يجدع
_بالله
=افتحى بس يلا
فتحت الباب ولفيت ضهرى وربعت ايدى
_انتى كده زعلانة يعنى!
=اه
_يستى محدش يعرف يهزر معاكى يعنى، يعنى اخليكى تسيبي الشغل إلى انتى اشطر منى فيه
لفيت وابتسمت =اخيرا اعترفت انى اشطر منك
_متتعوديش على كده
=انت طيب اوى يا احمد، طيب وجدع وصاحبك صاحبتك إلى هو انا يعنى، انا عمرى مشوفت احن منك، انا بحبك اوى والله
_ثوانى كده انتى قولتى اى انتى سخنة؟
=متتعودش على كده
_اه اه يبقي خالصين، ممكن بقي تلبسي عشان نخرج
=ثوانى هكون جاهزة، لا استنى
_ها اى تانى
=عاوزة اختارلك هتلبس اى
_الدولاب عندك اهو اختارى يست
=الله الأسود هيبقي قمر عليك وإلبس الساعة دى
_حاضر، روحى بقي إلبسي، انتى عارفه انى مش بطيق القعدة في البيت
=حاضر يعم متزقش
كنت لسه راحة ألبس لقيت الباب بيخبط، فتحته
_أنتوا!!!!