احببت عجزه ❤
البارت الخامس
والسادس الخاتمه
ممكن السعاده تبقي ممزوجه بحزن دي بتمثل علاقتي برعد انا اسعد واحده بوجود رعد لكن خوفي من فكره موته مخلياني عايشه في حزن
كنت قاعده مع رعد بناكل فلقيته فجاه بصلي وقال:شمس ممكن اسالك سؤال؟
شمس بضحكه :انت بتهزر اه طبعا
رعد ببراءه وحزن :هو انا ربنا مش بيحبني ؟ يعني ربنا مش بيحبني مثلا ؟؟؟
شمس باستغراب: ايه السؤال ده؟ وليه بتساله؟
رعد بحزن:لاني عاجز ....اقصد يعني ربنا مش بيحبني عشان كده خلقني عاجز مثلا
شمس :لا طبعا ربنا مش بيكره حد غير ان انت ربنا بيحبك لان ربنا اذا احب عبد ابتلاه
رعد بتعجب:ازاي؟ يعني؟
شمس:احنا لما بنؤذي في الحياه بناخد قصادها ثواب عظيم جدا انت متتخيلوش فربنا لما بيحب حد بيبقي عايزه يا خد الثواب ده وغير كده ان انت لازم تصبر انت عارف الصابرين اجرهم غظيم جدا
رعد بحزن:ماما قالت عكس كده
شمس :مش فاهمه
رعد :هقولك في مره كنت ماشي بالكرسي رايح لماما
Flash back
رعد كان رايح لمامته يوريها شهادته بتاعه الابتدائيه انه طلع الاول علي المدرسه علشان يفرحها سمع مامته وهي بتكلم باباه
مامه رعد:بص بقي كده انا مش هينفع الواد يظهر قدام صحابي يقولو ايه ؟ ها ؟ انا مش عايزه يتقالي ابنك مشلول
ابو رعد:ااعمل ايه يعني ارميه مثلا ؟
مامه رعد :معرفش اتصرف مش فاهمه عقاب من ربنا ده ولا ايه ؟ ملت ايه عشان ربنا يبتليني بيه ؟ ده عذاب يا اخي
ابو رعد:فعلا والله صحابي كلهم ولادهم حاجه تشرف كده انما احنا حاجه تعر
مامه رعد:بص من الاخر كده انا هنسي ان عندي ابن مش هستحمل يمشي جمبي بالكرسي بتاعه ده
ابو رعد:اعملي اللي تعمليه
ومخدوش بالهم من اللي قلبه انكسر واتفتفت حتت رعد كان قاعد علي الكرسي دموعه علي خده من الوجع اللي سمعه الشهاده وقعت من ايده وحس بالم شديد في قلبه وكسره وحسره وقهره طفل في سنه يسمع كلام زي ده ومن ابويه حاجه في قمه البؤس الالم زاد جدا عليه وحط ايده علي قلبه وقعد يصرخ من الوجع
Back
رعد بدموع وبكاء
وقتها اغمي عليا وخدوني للمستشفي ففهمو ان انا عندي القلب هما فكرهم انه جالي من ولادتي المبكره بس ميعرفوش انه من كسرتي يوميها بكاء رعد زاد وشمس كمان كانت بتعيط معاه زعلانه عليه مش مصدقه ان في ناس بالجبروت ده ومع مين مع ابنهم
رعد:كنت بعمل اي حاجه عشان ارضيها حتي مذاكرتي كنت بحاول ابان قدامها اي حاجه بس هي علطول شيفاني ولا حاجه كان نفسي يبقي عندي ام تلعب معايا تقف جمبي تتطبخ لي كان نفسي اعيش طفولتي هو يعني انا مثلا مبسوط كده منا كان نفسي ابقي زي بقيت الاطفال اجري والعب كان نفسي يبقا ليا صحاب بس ده مش بارادتي
شمس خدت رعد في حضنها :لو الدنيا دي كلها مشالتكش اشيلك انا في عنيا وكملت بعياط وخلاص يا سيدي اعتبرني انا امك واختك وبنتك ومراتك ولا تزعل نفسك
رعد بابتسامه:بس انت عارفه من يوم مادخلتي حياتي وانا معتش بزعل
صحيت في يوم علي صوت رنه تليفوني كان الدكتور بتاع رعد
وقالي خبر اقل ما يقال انه جميل ان في عمليه رعد يقدر يعملها وممكن يخف ويمشي بس بتاخد وقت طويل ومجهود بس ميفرقش المهم انه يمشي طبعا رعد طار من الفرحه وقررنا ان احنا نعمل العمليه بس لازم يككون في شروط للعمليه واهمها النفسيه
طبعا الدكتور قالي اهم حاجه نفسيه رعد قبل العمليه وانه مش لازم يزعل لان ده هياثر في العمليه والعمليه لو فشلت للاسف رعد هيموت .........
شمس :رعد يا رعد راااعد
رعد:نعم يا شمس
شمس:انا شوفت ناموسه شايله جاموس وعدت بيها من تحت الباب ابقي انا كداب ؟ ها انا كدابه؟
رعد بضحك:واحلي كدابه هههههه
كنت بحاول اضحكه دايما وكنت بجاهد ان هو ميزعلش خالص لدرجه اني جبت كتاب نكت وحفظته وراحه جايه اضربله نكت لحد ما هيطفش قريب
شمس:رااعد
رعد:كفايه نكت تعبت والله كلها نكت مش بضحك
مثلت اني زعلانه:بقي كده نكتي وحشه؟ مخصماك ها
رعد بضحك:خلاص صالح بقي يرضيكي ازعل
شمس بلهفه:لا ميرضنيش
وكنت بفرحه دايما كنت دايما بجبله هدايا واحسسه اني فكراه كنت بتبسط بفرحته اووي
شمس :خدي الهديه دي وكل سنه وانت طيب
رعد :بمناسبه .....؟
شمس:بمناسبه عيد ميلادك
رعد بسخريه:هو عيد ميلادي بيجي كل اسبوع ولا ايه؟
شمس:امممم خلاص بمناسبه رمضان
رعد :رمضان لسه مجاش
شمس:ان النهارده الاربع
رعد بضحك :انهارده الاتنين
شمس:اه اه ا م ام ام يبقي بمناسبه اني مراتك مثلا
رعد:علي اساس مكنتيش مراتي قبل كده؟
شمس :متاخدها وانت ساكت..
رعد :حاضر يا شمسي
رغم اني كنت بضحك قصاده بس وراه ابتسامتي في قلبي كان بيتقطع وكنت بعيط كل يوم في الحمام وبليل لما بينام بروح اصلي وادعي ربنا انه يحفظه ليا
كنا قاعدين بنتفرج علي التلفزيون وكان قاعد بيضحك اوووي ومسخسخ قعدت ابصله ومبسوطه اوووي بضحكته بس لما تخيلت انه ممكن يضيع مني دموعي نزلت قومت جري قبل ما رعد يلاحظ سندت علي الحوض وقعدت اعيط جامد الموضوع كاتم علي نفسي روحت اقشر بصل عشان لما رعد يسالني روحتله وانا بقشر اللبصل وكنت عامله نفسي بضحك وانا اساسا بتقطع
رعد :ايه ده انت بتعيطي ؟؟؟؟
شمس بضحك:لا ياعم ده البصل مموتني دموع ربنا يسامحه
رعد بضحك :اللي يشوفك يقول انك ميته عياط
شمس دموعها نزلت اكتر
رعد قلق اكتر :شمس متاكده انك مش بتعيطي
شمس:تؤ تؤ يا عم انا ست واعرف اذا كان بصل ولا لا
رعد :طيب
خلاص بعد بكره اللعمليه وهي هتتعمل ره فهنسافر ليها
كنا قاعدين في حديقه الفيلا كنت قاعده علي المرجيحه ورعد قاعد علي كررسيه قصادي وكنا بنضحك
رعد :انا مبسوط اوووي اوووي
شمس بفرحه لفرحته:ههههه وانا كمان
رعد :انتي عارفه ؟ انا بحب الاطفال اوووي وبموت فيهم وعشان كده قررت اخلف ١٠ بنات و١٠ ولاد ...لا لا خليهم ١٥ بنت و١٠ ولاد
شمس:وماله يا خويا وانا غساله قدامك صح؟
رعد:مش فاهم ايه المشكله؟
شمس:ايييه المشكله؟ انت شايفني طابعه بتتطبع ورق ....انا انسانه ......بعدين بعيد عن انسانه احنا لو هنخلف كل يوم عيل مش هنلحق رعد اسكت يارعد
رعد:خلاص ايه رايك ٥ و٥ة
شمس :انا عندي راي احلي
رعد :ايه هو؟؟؟؟؟
شمس:انك تخرس خالص
رعد:شكرا يا محترمه
شمس:العفو يا مؤدب
جه يوم السفر ركبنا الطياره وروحنا بلد العمليه ....
دخل رعد وهو بيودعني
رعد:احب اقولك انك احلي حاجه حصلت في حياتي
شمس:وانت كمان انا عمري ما حبيت قدك
رعد:خلي بالك من نفسك عشاني
شمس مقدرتش امسك دموعي خالص
شمس :رعد انت لازم تخرجلي ها انت سامع مش هستحمل من غيرك
رعد :متخافيش ...بحبك
وخدوه مني
وهو بيمشي روحت مصرخاا:رااااعد وبدموه لو لو مرجتش ليا ااااااا انا مش هسامحك وهموتك يارااعد انت سامع
رعد من بعيد:متخااافيش يا شمسي
شمس بخفوت:بخبك
كنت قاعده برا دموعي علي خدي وقلبي بيرقص من الخوف وكنت مع كل دقيقه قلبي بنزف معاهم صدقوني لو كان ينفع اتبرع كنت اتبرعت برجليا ليه ...هما اتاخرووو ليه
سمعت صوت الممرضات والدكاتره ودوشه قلب وقع
روحت علي باب العمليات :خلاااص سيبووه مش لااازم يخف سيبوه انا عيزاه عاجزه سيبوه وانهارت علي الارض مفوقتش غير لما الدكتور خرج وقال
للاسف يا استاذه شمس .............
#الخاتمه...
الدكتور: المريض فقد دم كتير فى العمليه ومحتاجين متبرع حضرتك نفس فصيله دمه؟؟
شمس بانهيار: مش عارفه مش عارفه ... لحظه ايوا انا نفس فصيله دمه ايوه
الدكتور : تمام روحي للممرضه خليها تسحب منك دم بس بسرعه عشان مفيش وقت .....
فعلا سحب دم كتير بس كانوا محتاجين اكتر
الممرضه: لسه بدري ومفيش متبرعين نعمل ايه ؟!!!
شمس بسرعه: خدى منى بسرعه
الممرضه: لا طبعا حضرتك ممكن تموتي لسمح الله
شمس بغضب : ملكيش دعوه انتي سامعه خدى مني يلا مش هسيبه يموت
الممرض: بس ......
شمس بعصبيه: شوفى لو طلبوا عنيه مش دمي هديهولوا انتى سامعه اعملى اللى بقولك عليه وملكيش دعوه
بالفعل سحبت الممرضه دم كتير وانا كنت بدعى من كل قلبى ان رعد يخف لان انا ادمنته معدش ينفع اعيش من غيره هو ابنى وابويا واهم حاجه وحبيبي وجوزى بس فجاه بدأت احس بدوار والدنيا بقت سودا فى وشي واغمى عليا ... بس كله يهون عشان رعد.....
مش عارفه عدى عليا وقت قد ايه بس اللى اعرفه ان الصبح طلع... فتحت عينى لقيت جسمى متوصل له محاليل وحاجات غريبه لا انا بخاف لحظه .. رعد رعد
شمس: رعد رعد فين يانااااس .. انتوا فين ؟!!!
شديت السلك من جسمى وطلعت اجرى رعد رعد جراله ايه!!!
لقيت الممرضه بتجري عليا
الممرضه: انتى ازاى تخرجى يااستاذه؟!! انتى مجنونه كان ممكن تموتي..
الدكتور: حضرتك ناويه تجيبلنا مصيبه .. اتفضلى ارجعى
شمس بدموع: مش همشى الا اما اطمن على رعد .... وقبل ما تكمل كلامها هوووووب اغمى عليها تانى.... (مش وقته بصراحه)
صحيت لقيت الدكتور في وشي
شمس: رااعد رعد فين؟!
الدكتور بتوتر: مش عارف بصراحه اقولك ايه ... امم يعنى احمم .. انا اسف
شمس بصدمه: اسف .. اسف اي؟؟؟
وبدات تعيط
الدكتور بسرعه: ولله اسف كنت بهزر مش اكتر.
شمس بعصيبه: انت اتجننت دى حاجه تهزر فيها انا كنت هموت بسببك..
الدكتور بضحك: اسف ولله بس انتوا الاتنين جننتوني انتى تقولى رعد رعد واهو طول العمليه شمس شمسي شااامس بس احب اطمنك هو كويس زهقت بس احب اطمنك هو كويس فى بس سويه كورسات ومساجات هيمشى عليهم فتره عشان يقدر يمشى تانى هو جسمه من فوق معدتش مشلول وجسمه من تحت مع التمارين والتدليكات هيبقا تمام غير حاجات كمان هبقا اقولك عليها بس بقى بسرعه لحسن جوزك هيولع فينا وفى الممرضات..
سامعين قلبى بيرقص من الفرحه انا فرحانه بطريقه غريبه قلبى بيدق يدق يدق من سعادتى رعد حبيبى هيخف رعد حبيبي الحمد لله ربنا نجاه هااااا
شوفت دموعى نزلت تلقائيا بعيط كتير اه بس المره دى من الفرحه فرحتى خلت دموعى تنزل رعد كان مربوط باسلاك كتيره نايم على السرير بس صاحى اول ما شافتى ابتسم بسعاده..
رعد: نكديه بس قمر .. قمر . قمرين .. تلات اقمار .. اربع اقمار يا زينبووووووو
شمس بضحك ودموع الفرحه: انا نكديه يارعد ؟
رعد : سيبتى قمر وركزتى فى نكديه .. بصراحه انتى فرحانه تعيطى .. زعلانه تعيطى قوليلى وقت مش بتعيطى فيه عنيكى مش بتنزل دموع؟؟؟!
شمس بضحك وتمثيل: ههههههههه الشهاده لله ههههه ودى حاجه هتحاسب عليها هههههه الانسه الانسه شمس ههههه مبتعيطش وهى نايمه ههههههه
شمس و رعد : هههههههههههههه
الدكتور: احم احم احم
شمس بكسوف: هو واقف من امتى؟!!
رعد: مش عارفه الراجل دا يعنى واحد ومراته قاعدين المفروض يمشى اي البجاحه دى!!!
شمس: اسكت يا بعلي
رعد: ماشى يا مثقفه عارف انى بعل يعنى زوج وغمزلها ...
شمس: لا يحبيبشي انا مثقفه جدا انت اللى مش واخد بالك
رعد: ماشي ياعم المثقف ياجامد انت يا جامد
الدكتور: انا اسف انى هقطع عليهم لحظاتكم الممتعه دى بس انا بقالى ساعه واقف لحد ما رجلي ورمت...
رعد وشمس: ايو يعنى واقف ليه ؟؟!
الدكتور: يا استاذ احنا فى مستشفى وخارج من عمليه والاخت كانت بتموت جوه..
رعد : نااااااااااعم مين اللى كانت بتموت؟!!!
شمس: لا عادى سحبو منى دم كتير مش اكتر....
رعد مسك وشي بخوف ولهفه يعنى انتى كويسه ياقلبى؟؟
شمس: قلبك !!!!
رعد: الا قلبى وروحى وكبدي وعيونى كمان ...وراح حضني
رعد: انا عمرى ما هعرف ارد لك جميلك دا انا بحبك اوى يا شمسي..
الدكتور: لا اله الا الله لا اله الا الله اللهم طولك ياروح يااستاذ انا عاوز اشوف شغلى ... وحبوا فى بعض بعدين
رعد بصله بقرف وسكت...
الدكتور قاله: فى جوانب فى للعمليه هنعرفها بعدين ...
كنت بعمله حلسات وبدلكله رجله ودا اصعب حاجه لانى بضطر ارفع رجله وانزلها واحركها يمين وشمال واتنيها وافردها واحطله كريم واحاول اخليه يقف بس كان بيصرح لما كنت بخليه يحاول بقف عليها
كنت فى مره بدلك لرعد رجله وبمرنهاله وكان بيعيط من الالم اللى حاسس بيه
رعد ببكاء: كفايه مش قادر
كنت بهديه واقوله خلاص فاضل شوبه صغيرين ونخلص
رعد كان وشه احمر من الالم: بس انا خلاص مش قارد استحمل كفايه .. كفايه انا تعبت اووى
قولته ( انما يوفي الصابرون أجرهم بغير حساب)
الايه دى كانت دايما بتهديه وتخليه يصبر كنت بقولهاله لما بيقولى تعبت
رعد: بدأت رجليه تتحسن وابتدى يحركها لوحده كنت مبسوطه له اوووى...
كنا فى الحديقه بساعده انه يقف كنت اسنده ويقف وبعدين نقع الصراحه وكنا كل ما نقع نسخسخ من الضحك وفى مره
شمس بضحك: هااا مستعد
رعد بضحك: اننا نقع هههههه
جيت اسنده واقومه وقف وبصتله بصدمه كان واقف وفضل دقيقتين وبعد كدا وقعنا تانى ضحكنا جامد .. حتى لو وقت صغير بس دا تحسن
رعد بسعاده: يلاا مره كمان
شمس: يلااااااا
وقفنا تانى كان بيبصلى ومبسوط اوى وكان بيضحك و فضلنا ساعتين على كدا نقف ونقع من فرحتنا
كنا بناكل واحنا فرحانين الموضوع ادى ثقه لرعد كبيره
فى مره تانيه كنت بحاول اسنده لقيته مشي خطويتن تلاته وراح واقع والمره اللى بعدها بقوا أربعة والى بعدها خمسه غضلنا كدا لحد ما ابتدى يمشى بس خطوات براحه مش زى الطبيعى بس احسن من الاول كتير بس كنا فرحانين
ف. مره كنا قاعدين على البحر وبناكل دره وبنتفرح على جمال البحر ....
رعد: شمس
شمس: نعم
رعد: انا عايز اجرب امشى لوحدى
شمس: يلاااا
فعلا سندته اول خطوتين وهو كمل بقيت المشر لوحده مشي حوال عشره متر كنت ماشيه قدامه عشان اسنده لو تعب او لو وقع بس كان بيمشي بأتزان بس كان بالنسبالى كانه طاير
روحنا وكنت فرحانه اوى بس مش اكتر منه لقيته بيبصلى وبيقولى انه عايز يدينى حاجه لقيته طلع علبه فيها سلسله جميله جدا خطفت قلبى
رعد: دى اقل حاجه اقدمها ليكى .. غير ان احنا اتجوزنا من غير حاجه
شمس: جميله اوى يارعدي بس انت مش محتاج تدينى حاجه غير قلبك
وفى مره دخلت الاوضه ولقيت رعد مبتسم اوى
شمس: مالك؟؟!
رعد: هوريكي حاجه
لقيته قام وقف لوحده وجه لحد عندى من غير ما يقع انا كنت واقفه مصدومه ومبسوطه وعيطت وروحت حضنته وهو حضنى جامد وفضلنا نعيط من الفرحه
واحنا بنقول ( انما يوفي الصابرون أجرهم بغير حساب)♥️
رعد مع الوقت اتحسن تمام وبقا بيمشي وبيجري كمان
شمس: رعد
رعد: نعم ي حبيبتى
شمس: ايه رايك نعمل صدقات ونوزعها على الناس الغلابه بما اننا خفينا احنا لازم نشكر ربنا
رعد: انتى عارفه انك جميله اوى مش كدا ؟؟
شمس بكسوف: عرفت لما شوفتك
نزلنا ووزعنا حاجات على الغلابه واحنا فرحانين اوى
طبعا رعد نزل الجيم عشان يقوي رجليه وعضلات جسمه وفى مره واحنا واقفين مع بعض وبنتكلم لمحت بنتين كانوا بيبصوا عنيهم على رعد بيتغازلوا فيه وفى واحده منهم غمزتله، تلقائيا لاقيت دا بيطلع منى خخخخخخ هموتهم ورحمه امى هموتهم
رعد بضحك : خلاص ي مجنونه هههههه
شمس بنزفزه : انت مبسوط بقا
مشيت وسيبته صعب ياجماعه الواحده تشوف جوزها القمر بيتعاكس ومتعيطش وفضلت اعيط ورعد جالي وهو بيضحك بس لقانى بعيط فتصدم !!!
رعد: مالك ياشمسي بتعيطى ليه ؟! بسببهم ؟!!!!؟
شمس: عشان انت خلاص خفيت وبنات هتحبط وهتسبني
رعد: انتى مجنونه؟ هههه ابص فين وانا معايا احلى واحده وبعدين حد يبقا معاه الملبن دا القمر دا ويبص لدول برضه انتى عبيطه ابت
بصتله وضحكت بكسوف انا وزنى زاد اليومين دول بس السبب ليه مقولتلكش عليه...
شمس: رعد
رعد: قلبه؟؟
شمس: احنا جعانين
رعد بضحك: بس انا مش جعان
شمس: انا مجبتش سيرتك.
رعد: اومال احنا مين؟؟؟!!!!
شمس: انا واوبا
رعد: اوبا ؟ اوبا مين؟!!!!
شمس برقه: اوبا حبيب مامته
رعد: انتى الشمس كلت مخك؟ بتهلوسي بتقولى ايه؟؟؟
شمس: بقولك جعانه انا واوبا حبيبى وراحت مشاوره على بطنها فهم رعد وفرح جدا ومن فرحته سجد على الارض وحضن شمس
رعد انا مبسوط اوى ربنا عوضنى انا بحبك
شمس: وانا كمان بحبك اوى
رعد بصلى لحب وراح شايلنى متخافوش الشارع كان فاضى
شمس بكسوف: بتعمل ايه؟!!!!!؟
رعد: مش انتى قولتى خف عشان تشيلنى لفوق اوبح ادينى بشيلك اهو اوبح
شمس :احلى اوبح فى حياتى
رعد: ايه دا هو انتى حد اوبحك قبل كدا؟؟
شمس: ههههه لا انا عمر ما حد اوبحنى قبل كدا
مرت التسع شهور ورعد بيخدمنى وبيساعدنى وكان نعم الزوج وكان متحمل هرموناتى كلها حتى لما خلقت اواب حبيبي
كنت مره قعدن وشايله اواب وببص لرعد وبقوله هو انا تخنت يارعد؟؟؟
رعد: لا ي روحى انتى حتى بقيتى ملبن وقمر
روحت معيطه: لا انا تخنت وانت مبقتش تحبنى رعد طبطب عليا وباسنى من خدي وقالى لا طبعا ي شموسه انا بحبك وهفضل احبك لان قلبى اتخلق ليكى اساسا
شمس: انا عاوزه اكل محشى اصلى بحبه اووووى
رعد: وبالنسبه اللى هيجيب المحشي
شمس: قلبى قلبى وبموت فيه
رعد: هو كمان بيحبك وبيموت فيكى
شمس بغباء: هو مين؟!!!
رعد: المحشى ي روحى
شمس صحكت وقعدت فى حضن رعد وهى شايله اواب وبتبصل لرعد وبتقوله انا مبسوطه اوى انك فى حياتى
رعد: انتى اصلا احلى حاجه حصلتلى
شمس: بحبك قد.البحر وسمكاته
رعد : بحبك قد الفضاء ونجماته
شمس ورعد: بحبك اوووووى♥️
( انما يوفي الصابرون أجرهم بغير حساب)
تمت بحمد الله