رواية القربان الاخير
الفصل الربع والخامس والاخير
بقلم امير احمد
انت بتقول ايه ابويا انا كان بيحضر جن واتسجن ازاي معاه
_ايوة يا محسن ابوك كان بيني وبينه اتفاق اني اخد منه البخور اللي اطلبه واحتاجه وهو طلب انه يتعلم التسخير بالمقابل اللي هاخد بيه البخور والطقش
وهو اتسجن مع الجن اللي كان بيحضره في السلاسل مع بعض عشان مكملش اخر قربان
_انا مش فاهم حاجه
_بص يابني انا معنديش وقت كبير اشرحلك كل حاجه بس في كل زياره ليا كان والدك بيسالني اعمل ايه. وكنت بدله علي المطلوب منه عشان يعمله ويسخر الجن
_ايه هي القرابين اللي كان بيقدمها
_الاول انطلب منه انه يقدم ليهم دم والدم كان دم غربان سوده وابوك اشتري الغربان دي وقدمها قرابين بس عشان اخر حاجه كانت تحصل كان لازم انه يقدم قربان بشري من دمه
_يعني ايه قربان بشري ومن دمه
_يعني لازم يدبح حد من عياله او اهله عشان ينول الرضا والقبول عند ملوك الجن اللي عايز منهم خادم
وابوك رفض يقدم القربان الاخير بتاعه عشان كده ملوك الجن غضبوا عليه هو والخادم اللي كان هليتسخر ليه وسجنوم الاتنين في الكتاب ده. الكتاب اللي ابوك مان بيحضر منه
_انا عايز افك اسر ابويا لازم افك سجنه
_انا النهارده جيت عشان اقولك تفك سجنه ازاي وتكمل اللي عمله ابوك عشان تنول الرضا وتاخد انت مكانه وصدقني بو كملت اللي هايطلبوه منك هاتبقي فوق اوي فوووق محدش هايقدر يعملك حاجه وكمان هاتقدر ترجع حقك من اهل الحته اللي مرضيوش يدفنوا ابوك
مش انت بردوا عايز تنتقم منهم يا محسن
_كنت بفكر ازاي اوصل للي انا عايزة وانتقم منهم كلهم واقدر ابقي غني ما الفلوس هي اللي بتعلي وبتخلي الناس فوق بعض
_ايوة عايز انتقم منهم
_خلاص يبقي لازم تكمل اللي ابوك بداه وتعمله
خد الكتاب ده عشان تقدر تفهم اللي انت عايزه انا هامشي وهاعدي عليك كمان شهر تقولي انت هاتقرر تعمل ايه
**************
كانت نور بتقرا في الاجنده الحمرا والوقت سرقها ونسيت تخرج من المكتبه لعند ما الباب اتفتح ومحسن دخل الشقه
يا خبر ابيض انا اتاخرت اووووي والباب اللي برا اتفتح انا هاخرج ازاي لو محسن شافني هنا في المحتبه هايفهم اني بفتش وراه وانا معرفش انا ايه اللي هايحصلي
نووور يا نوووور
نعم يا محسن انا هنا في المكتبه
_قلقتيني عليكي انا اتخضيت لما مالقتكيش هنا في الشقه ومفكرتش انك تكوني في المكتبه
_انا كنت مكسله اعمل اكل او حتي اقوم من السرير ومليت من الفرجه علي التلفزيون قلت اتسلي واشوف كتاب اقرا فيه حبتين اهو استفيد من المعلومات اللي فيه ولقيت القصه دي كتاب الف ليله وليله من زمان قوي قوي كان نفسي اقراه
_رد محسن وقال وفيه هنا كتاب كليله ودمنه احسن من الف ليله وليله. انا هاحضرلك جزء هنا واجمعلك فيه كل الكتب اللي تناسبك عشان تقريها وتحبيها
_قربت منه وبصيت في عنيه وانا اول مره اركز فيهم كده. انت صحيح بتحبني يا محسن
_ايوة اكيد طبعا انتي ليه بتسالي السؤال ده
_ولا حاجه انا بس كان نفسي اطمن واعرف انك بتحبني ولا لا
_مسك ايديا وباسهم وقالي. انا مشوفتش حد في جمالك ولا رقتك يا نور. ايه مش هاناكل
_ربع ساعه بس عقبال ماتغير خلجاتك هايكون الوكل جاهز
وقفت في المطبخ وانا بفكر واقول ازاي يكون هو بالجيبه والشكل ده ويكون شرير في نفس الوقت
بمد ايدي في جيب العبايه لقيت الاجنده في جيبي يا حزن اسود انا نسيت ارجعها وهو لو دخل المكتبه الليله دي وملقهاش هايفهم اني بفتش وراه وانا عايزة افهم انا هنا ليه في البيت ده معاه وافهم ايه الاسرار اللي ورا محسن
بقبت واقفه في المطبخ وانا علي اخري متشتته خالص ولا عارفه افكر في حاجه
لقيته واقف ورايا وبيحرك في شعري وبيقولي باباكي رن عليا وانا علي السلم وقلتله لما اوصل البيت هاخليها تكلمك خدي الفون اهو وكلميهم طمنيهم عنك
_فرحت اوي وقلتله قلب البطاطس دي وانا هاكلم امي وحشتني قوي قوي
اخدت الفون وجريت علي اوضه المكتب اول ما دخلت حطيت الاجنده مكانها واتطمنت علي امي وعرفت انها هاتجيلي قريب
*************
حضرت الوكل واكلنا سوا وانا كل لقمه باكلها عايزة افهم هو ازاي اكده شخصين مع بعض
وكالعاده هو سابني بليل وخرج بعد ما بقيت عارفه أن العصير ده لما بشربه بروح في النوم بقيت اكبه في علبه حطيتها مخصوص تحت السرير واخرج ابص عليه في الصاله وهو قاعد قدام الكتاب وفي وشه صوره ابوة اللي ديما حان بيفضل يعيط اول ما يمسكها او يشوفها
**★********
كالعاده محسن فطر ونزل الشغل وانا جريت علي الاجنده اللي هو بيسجل فيها. كل حاحه بتحصل ليه او اي حاجه بيعملها
وكملت من مكان ما وقفت ولقيت مكتوب فات شهر وكان لازم اقرر اكمل ولا لا عشان افك سجن والدي وانتقم من اللي عملوة فيا وفي والدي
قبل صلاه المغرب لقيت الباب بيخبط فتحت لقيت الراجل اللي زارني قبل كده وقالي قررت تعمل ايه يامحسن
قلتله موافق بس اجيب منين القرابين دي عشان اقدمها
بص يابني. انا هاقولك علي الطريقه وانت تتصرف بقي
_اي حد هنا بيكرهك ومش هايوافق عليك
_يوافق عليا ازاي وهايوافق علي ايه بالظبط
_انت لازم تتجوز
_اتجوز ازاي ومنين وانا مفيش معايا حاجه اكل بيها اقوم اروح اتجوز
_هو ده الحل الوحيد اللي تقدر تفك سجن ابوك وتغتني غني فاااحش
_هاتجوز مين انا وانت بتقول محدش هايوافق عليا من هنا
_هو ده اللي انت لازم تفكر فيه وان كان علي الجواز ومصاريفه خد الفلوس دي هي اللي هاتسهل ليك كل اللي تحتاجه
ومتنساش يو م عيد الميلاد لازم تكون الضحيه جاهزة وكله هنا لازم تقرا الجواب ده وتحرقه علي طول
____انا مش فاهمه حاجه
كان لازم محسن يكمل اللي بداه عشان يقدر يفك سحن ابوه اللي كل يوم بيكلمه من جوه الكتاب ده
بقلب الصفحه لقيت مكتوب الضحيه والقربان الاول
سماح كانت فتاه جميله رقيقه محبوبه من الجميع
عشان اقدر اتجوزها كان لازم اختار اي حد بعيد عن منطقتي واي حد يعرفني وانا الاول لازم اشتغل. انا هاقدم في اي شغل يقابلني عشان اقدر اعيش واقدر اعمل المطلوب مني
اول شغلانه روحتها كانت في مكعم فول وطعميه في منطقه بعيد اووووي عن الشقه بتاعتنا
وهناك شوفت سماح كانت بتيجي كل يوم تاخد مني فول وطعميه لبيتهم وفي يوم سالتها
سماح انتي بنت مين هنا انا بشوفك هنا علي طول
قالت انها شغاله هنا في بيت الاستاذ حنفي اللي رباها بعد ابوها الجنايني ما ربنا افتكره
اخدت الطلب بتاعها ومشيت من هنا وانا دماغي بقت زي الماكينه بتفكر بسرعه رهيبه
انا لو اتجوزتها هاخدها هناك البيت طيب وبعد ما اقدمها قربان لازم افكر ازاي لو حد سالني عنها ارد واجاوب واقول ايه وفعلا لقيت الرد اللي هايقنع كل الناس
مرة في مره قربت من سماح وبقيت استناها كل يوم عشان اكلمها وهي كمان بقت مرتاحه للكلام معايا
وطلبت منها نتقابل برا
قالتلي انها بتنزل تشتري الخضار كل يوم الصبح بس لو رجعت البيت مش هاتعرف تخرج تاني
تاني يوم لمحتها بتنزل من البيت وقلت للمعلم انا هاروح مشوار ومش هاتاخر
كلمتها وقلتلها انا معجب بيها وبحبها وعايز اتجوزها
_قالت اني لازم اكلم الاستاذ حنفي هو مطرح ابوها ولازم هو يوافق
_قلتلها حاضر بس هو هايوافق علي واحد غلبان زيي
_انا هاتكلم مع الست هانم وهي هاتكلمه وهاتخليه يوافق انا عايزة اعيش حياتي براحتي ومحدش يقولي كنتي فين وراجعه منين نفسي انام براحتي واصحي براحتي
خلاص انا هاكلم المعلم واخليه يحي معايا
**********
كنت فين ياواد والساعه دي ساعه صبحيه واستفتاح
_معلش يامعلم اخر مره.
_يكون في معلومك يا واد انت لو سيبت المطعم تاني تعمل حسابك مالكش لقمه عيش هنا فاهم
_فااهم يا معلم فاهم
فضلت شغال لعند ما خلاص المكعم هايقفل وبنجهز لفول بتاع بكره. قلت يا معلم كنت عايزك في طلب
_طلب ايه عايز فلوس
_لايا معلم كتر خيرك مستورة الحمد لله انا بس كنت عايزك تشرفني وتيجي معايا وانا بخطب
_الف مبروك يا محسن عايز تتجوز مين. حد اعرفه يابني
_ايوة يا معلم سماح اللي شغاله عند الاستاذ حنفي بت غلبانه وهاتعيش وانا علي قد حالي وعايز اكمل نص ديني
_سماح طيبه وغلبانه وهاتعيش علي اقل القليل خلاص شوف انت عايز تروح امته وانا هاجي معاك
_ربنا يخليك يا معلم يارب
رجعت البيت وانا بفكر اززززاي اعمل اللي جه في بالي لعند ما لقيت الطريقه
*********
سلامه في خير وخير في سلامه يا استاذ حنفي انا حاي انا والصبي محسن طالبين القرب منك في سماح
_بس يا معلم
_من غير بس الواد محسن ده كسيب وطيب وابن حلال ودخل البيت من بابه وانت بقي متكسفنيش
_طيب يا معلم هي هاتسكن فين
_لا ماتشيلش هم ايتها حاجه هو عنده شقته وهايوضبها بس انت وافق ومتجيش عليه اوي عشان ده غلبان
_علي بركه الله يلا نقرا الفاتحه
رديت انا وقلت قبل ما تقروا الفاتخه عايز اقول حاجه
_حاجه ايه يامحسن
انا مش هاعمل فرح انا هادخل سكيتي كده
ليه يابني
انا ماليش حد والفلوس اللي هاصرفها في الكوشه والاكل انا اولي بيها انا ومراتي
والله عندك حق يابني. يلا الفاتحه
كانوا بيقروا الفاتحه وانا عارف اني بقرب خطوه من الحلم اللي بحلم بيه وقررت اوصله
يوم الفرح. اخدت سماح وروخت البي بعد ما وضبته وعشان مفيش حد بيزورني ولا بيسال عني محدش كان هايسالني مين دي وبتعمل ايه هنا
دخلت الشقه وهي معايا وقلتلها انا تعبان وعايز ارتاح. هو انتي امته عيد ميلادك
قالت مش فاكره بس مكتوب في البطاقه
بصيت في البطاقه وكان عيد ميلادها بعد بكره يعني لازم اجهزها
يوم عيد ميلادها
وانا بقرا الاجنده لقيت باب المكتبه بيتفتح
ازاي انا محسيتش بمحسن وهو داااااخل
نوووور
انتي بتعملي ايه هنا
الجزء الخامس
#القربان_الاخير
بتكمل نور وبتقول
محستش بالوقت ولا حست بدخول محسن البيت خالص
ولقيت اوكره باب المكتبه بتتلف والباب بيتفتح
اول ما لقيت كده قمت موقعه كم كتاب من علي الرف والسلم كمان
فتح محسن الباب لقاني علي الارض والاجنده في وسط الكتب
نوووور بتعملي ايه هنا وايه اللي وقع الكتب دي كده علي الارض
متاسفه مكنتش اقصد انا كنت بنضف المكتبه والكتب وقعت انا اسفه
تعالي تعالي متقربيش من الرف ده ولا الممكتبه خالص خدي القصص بتاعتك خليها في الاوضه هناك وانا هاقفل المكتبه خااالص
كان محسن متعصب اوي وانا خرجت بسرعه من المكتب وخوفت انه يكشفني بس الحمد لله ربنا ستر
هو ليه مابيقربش مني واحنا بقالنا اشهر متجوزين يبقي اكيد انه عايزني افضل بنت وافضل كده
طيب هو جري دلوقتي ومسك الاجنده والكتاب واكيد هايقفل الباب وانا مش هاقدر افهم ايه اللي حصل ولا افهم ازاي اتخلص من اللي انا فيه
فات يوم واتنين وانا عامله نفسي اني بقرا الكتب الي هو مديهالي لعند ماهو قالي انا هاغيب يومين
_ليه يا محسن هاتسيبني وتروح فين
_هاروح اجيب طلبيه للمصنع وارجع علي طول كلها بكره واكون هنا بعد بكره واجيبلك هديه عشان عيد ميلادك هو امته
_عيد ميلادي يوم السبت اللي جاي
_كل سنه وانتي طيبه يا نور وعقبال مليون سنه وقرب مني وباسني في راسي ودخل نام علي طول
_عملت نفسي برتب المطبخ وانا بفكر ازاي اخد منه مفتاح المكتبه عايزة افهم اللي حصل
اتسحبت براحه ودخلت الاوضه كان معلق المفاتيح مع الجاكيته بتاعته براأخه اخدت المفاتيح واتسحبت تاني خرجت وبسرعه البرق فتحت البا بتاع المكتبه ورجعت المفاتيح تاني. وبقيت حاطه ايدي علي قلبي حاسه ان دقاته الدنيا كلها سمعاها رجعت نمت علي طول
حتي هو عشان نام قبلي مشربنيش عصير تاني يوم الفجر هو صحاني وكان لابس وقال انه هايمشي ووصاني علي نفسي ومشي
روحت فتحت المكتب وجيبت الاجنده وبدات اكمل اللي اتكتب عن سماح
يوم عيد ميلاد سماح جهزت البيت وجيبت التورته ليها عشان مش يشك في حاجه وهي كمان ما تشكش كل ده وانا عارف المطلوب مني ايه انها تفضل عذراء ومحدش يكون لمسها كنت كل يوم احطلها المنوم في العصير تشربه وتنام عشان ما تطلبش اني اقرب منها او المسها
دخلت عليها الشقه وانا شايل الهديه اللي كانت في ايدي واول ما قابلتني حضنتني اوي وقالتلي كل ده علشاني
ايوة علشانك انتي انتي متعرفيش انتي غاليه عندي ازاي يلا ادخلي البسي وجهزي نفسك وتعالي وانا هاجهز التورته
دخلت سماح غرفتها وخرجت وهي لابسه الفستان الاسمر اللي جيبته ليها وانا كنت مجهز كل حاجه اول ما هي ظهرت النور انطفي وفي اقل من دقيقه كان راجع تاني بس سماح كانت متكتفه علي الكرسي وقدامها الكتاب
فتحت الكتاب وناديت علي الحارس اللي بيحرس الكتاب خرج وكان ملفوف حواليها وقلت
يا خدام الكتاب وحراس الجهات الاربعه. وكاهن المعبد اريس واشكاله المفجعه. امركم بالحضور وقبول القربان امركم بالحضور وقبول القربان امركم بالحضور وقبول القربان
خرج من الكتاب دخانه كتير اووووي واصوات مرعبه كل ده وسماح مش في واعيها فجاه الدخانه ملت المكان وكل حاجه بقت الرؤيه مش واضحه مفيش غير صوت سماح اللي بقي يصرخ
واختفت واختفي كل حاجه كانت موجوده سماح والدخانه والكتاب اتقفل معني كده ان القربان الاول اتقبل
بس باقي مشكله واحده ازاي ابرر اختفائها لو حد سالني عنها
رجعت من المطعم و جريت علي بيت الاستاذ حنفي أساله عن سماح وقالي هاتكون راحت فين
قلتله معرفش انا طول اليوم شغال وانا معرفش هي فين
والحل بقي يدور عليها وعملنا بلاغ للشرطه بس محدش عرف هي فين انا الوحيد بس اللي كنت عارف مكانها بس كل خطوه كنت بعملها كانت بتقربني من الخروج من سجن الجحيم اللي اتسجن فيه والدي
شهرين عدوا النهارده علي اختفاء سماح والمعلم قالي يابني انت تستغوض ربنا وتتجوز حد تاني
_اتجوز مين يا معلم ومين هايرضي يوافق بيا انت عارف البير وغطاه
_ولاد الحلال كتير بس انت دور
_كان لازم ادور علي ضحيه وقربان تاني. عشان اتخلص من اللعنه دي
وكان ليا مواصفات واختيار في كل عروسه. تكون فقيره ومالهاش حد يسال عنها لو غابت عنهم
************
بقيت اقلب في الصفحات وكل صفحه بتبين قد ايه محسن ده شيطان ماشي علي الارض بين البشر
لقيت ضحيه تانيه وقربان جديد. القربان ده كانت اسمها. رضا بنت طيبه وجميله والله خساره في الموت. بس اعمل ايه للضروره احكام
فضلت اقرا اقرا لعند ما كانت النهايه واحده زي نهايه موت سماح
واتقبلت الضحيه التانيه
والتالته والرابعه
ولقيت صفحات مكتوبه با سمي
الضحيه الاخيره اللي هاتحررني من السجن الابدي اللي اتسجنت فيه بدون اي داعي بس وقت ما هاخرج منه هاخرج وانا غني وتحت ايدي اللي يخليني اقوي انسان ومفيش خاجه هاتوقفني ولا تبعدني عن اللي انا عايزة وهانتقم من كل اللي عمل حاجه وحشه فيا
نور خلاص دي هاتكون اخر ضحيه. بنت اشتريتها بالمال اهلها محتاجين كل قرش وانا عرفت كده واشتريتها بالفلوس اللي بتفضل ليا بعد ما اتجوز واقدم مراتي قربان واضحيه للكاهن وحارس الكتاب
بنت طيبه مابتسمعش الا اللي اقوله عايزة تعيش بس الضرورات تبيح المحظورات خلاص ايام وهاتخلص من اللعنه دي للابد
قفلت الاجنده لان اخر سطرين اتكتبوا فيها مانوا اللي قريتهم دول وقعدت افكر ازاي اتخلص واهرب من هنا
جيت اجري علي باب البيت وافتحه كان مقفول ولقيت صوت فحيح وحش اوي جاي من ورايا بتلفت لقيت تعبان شكله وحش اوي واقف بيبص ليا وعنيه فيها كميه شر توقف القلب
خبطني بديله وقعت علي الارض محسيتش بنفسي
الا ومحسن بيشيلني من علي الارض وهو مخضوض ايه اللي حصل انتي كويسه
_انا كويسه هو ايه الي حصل
_معرفش رجلي اتزحلقت ووقعت
_طيب انتي تمام مفيش حاجه وجعاكي يعني
_لا الحمد لله كويسه. انت رجعت امته
_لقيت واحد زميلي قالي انه هايروح هو مكاني وانا اخدت اجازة وجيت علشان متبقيش لوحدك في البيت
تعالي شوفي انا اشتريت ايه عشانك
بكره هايكون احلي عيد ميلاد لاحلي نور في الدنيا
*************
منمتش طول الليل كنت خايفه وعارفه ايه اللي منتظرني وايه المصير اللي هايحصل ليا وبفكر ازاي اتخلص منه ومن اللي معاه
تاني يوم قالي يلا يا قمر انا هاشتري التورته وانتي تلبسي عشان نحتفل بيه انا وانتي وبس
محسن
نعم يا روحي
هو انت ليه داهن البيت كله باللون الاحمر
_لون انا بحبه وانتي يعني بتسالي السؤال ده دلوقتي عشان تبوظي ليله عيد ميلادك
البسي يلا عشان نحتفل سوا
*************
دلوقتي انا اللي بكتب في الاجنده الحمرا بعد ما اتخلصت من محسن واللي كان هايعمله فيا
دخلت البس الفستان اللي هو اشتراه وخرجت وانا عارفه انا رايحه فين بس كنت عامله حسابي لكل حاجه انا قريتها في الاجنده
قالي كل سنه وانتي طيبه يا نور النهارده اخلي يوم في حياتي عشان هارتاااااح
واداني العصير عشان اشربه بس انا عملت نفسي بشربه ورميته تحت السحاده من غير ما ياخد باله
النور انكفي وانا اتكتفت زي ما توقعت بالظبط
كنت مستنيه اللحظه المناسبه اللي انفذ خطتي فيها
هو جاب الكتاب وفتحه وانا علي المرسي عامله نفسي متخدرة
وقال يا خدام الجهات الاربعه والكاهن الاعظم اقدم لكم القربان الاخير لتحرروني انا وابي من اغلال الجحيم امركم بالحضور بامر ناصور وجميع الحضور بامري ياتمرون
الواحه الواحه الساعه الساعه العجل العجل
الكتاب اتفتح وخرج منه دخانه كتير وبدات غربان سوووووده تلف حواليا.
كانت هي دي اللحظه اللي انا بنتظرها
براحه كده سحبت سمينه صغيره كنت مخبياها في دراعي من غير محسن ما يشوفها وقطعت الحبل
وقلت محسن
وعند دراعي وقمت معورة نفسي
محسن بقي يصرررررررخ
لييييييييه عملتي كده ليييييييه
الغربان اللي كانت بتلف حواليا والدخانه اللي مانت ماليه المكان بدات تختفي وكمان محسن بقي. يصررررخ زي مايكون فيه الف جندي بيقطعوه بسيوفهم
الدخانه احتفت ودخلت الكتاب تاني والغربان كمان. ومحسن اختفي معاهم
انا كنت عارفه ان الجن هايغضب علي محسن وهايكون مصيره نفس مصير والده ويتسجن في اغلال الجحيم مع الجن
كان لازم كل حاجه تبقي طبيعي يومين وروحت بلغت عن اختفائه. وشهرين وانطلقت غيابي منه. وبيعت الشقه وعشان انا مراته ورثت كل فلوووسه
رجعت البلد لاهلي وانا معايا الفلوس الي هاتخليني اعيش مرتاحه لاخر عمري
وكان لازم اخد معايا الاجنده الحمرا اللي فيها اتجسدت معاناتي مع ابليس اللي اسمه محسن
اهلي استقبلوني بترحيب وقلتلهم ان جوزي مات وانا ورثه
وقابلت رمضان وكملت تعليمي وانا النهارده
الدكتورة نور رئيسه قسم التشريح في مستشفي الاقصر
والحمد لله قدرت اتخلص من لعنه محسن اللي كان عايزني اكون القربان الاخير
النهاية