روايةحلمي المجهول
الفصل الثالث
بقلم اماني الدسوقي
تاني يوم جهزنا انا ونوران نفسنا ونزلنا..
عايزه حاجه ياماما
_تسلموا..خلو بالكم من نفسكم
=حاضر
نزلنا وكنت انا ونوران مطقمين مع بعض فستان هادي لونه بينك وخمار ابيض وفيونكه بمبي منقط ابيض
كنا قمرات بجد..الناس كلها كانت باصه علينا..وطبعا بقا مش محتاجه اقول ان كل ام موجوده كانت بتسأل علينا تتطمن مخطوبين ولا لا عشان تحجز لابنها...
اول مادخلنا من الباب قابلنا الدكتور آدم ايواا الي نوران كانت هتتخانق معاه...
نوران: ياحوستي ياني..نورا..الحقيني
نورا:ايوا في اى؟ مالك خايفه كدا ليه؟!
نوران:الحقيني..بوصي هناك كدا!
نورا:في اى؟
نوران:دكتور آدم الي حكيتلك عليه اهو واقف هناك
نورا بضحك:عملك الاسود هناك
نوران بغمزه في جمبها:بطلي هزار
نورا: خلاص خلاص..امشي طبيعي وكأنك مشوفتهوش
قاطعتهم مياده
ميادة:نوووري..اى القمر دا انتو مطقمين مع بعض اللهم بارك عسلات اوي
نورا:عروستي الحلوه تسلميلي يارب..
نوران:تسلمي يارب...مبارك ربنا يتمملك علي خير يارب
ميادة:تعالوا اعرفكم علي ماما حبيتك اوي من كتر مانا بكلمها عليكي وعايزه تشوفك
نورا:تمام
ميادة:ماما..ماما عندي ليكي مفاجأة....بوصي مين معايا...نورا صحبتي ودي اختها نوران
منيره:بسم الله ماشاء الله قمرات ياحبايبي... ميادة كلمتني عليكي كتير وشوقتني اني اشوفك..وبصراحه عندها حق
نورا:ربنا يخليكي ياطنط
منيره:يالا ياحبايبي البيت بيتكم خديهم ياميادة اوضتك وبنات خلتك وعمتك معاكي وظبطوا نفسكم عشان كلها ساعه واحمد يجي
مياده:حاضر ياماما...يلا تعالي معايا
طلعنا الاوضه وبدأنا نجهز العروسه...
وكل واحده بدات تجهز نفسها...والاوضه كانت مليانه وكل واحده مشغوله والاصوات متداخله مع بعض والباب يتفتح ويتقفل فوق الخمسين مرة زي اي مناسبة فرح.....
بصي الفستان دا حلو ولا اجيب التاني؟
اللون دا لايق عليا انا حاسه انو مغمقني؟
بوصي ازود درجة الروج ولا كدا حلو؟
يامنار تعالي..حاضر ياماما جايه اهو
حد شال ازازة البرفيوم الي كانت هنا؟
وطبعا الي زيها برا.....
ايوا حط دي هنا لا فوق شويه ايوا هنا تمام كدا
الكراسي وصلت..طب يالا خد الرجاله ونزلهم....وظبطوا يالا الكوشه
وزيها في المطبخ....
يام محمد اللحمه استوت وحطيت الفراخ علي النار وطيبت المحشي...يالا محتاجين السلطات ووضبوا السُفره
ماتبعتوا عرايسنا البنات يدونا ايد...حاضر هروح اندهلهم...
_عرايسنا الحلوين الي خلص يجي يساعدنا يالا فضوا الاوضه شويه..يالا يابنات...حاضر ياطنط جايين
_نورا خلصتي
=ايوا بظبتلها الخمار اخر حاجه
_طب انا هروح اسعدهم برا ماشي
=تمام وخدي البنات الصغننه دول معاكي عشان الهوا والاوضه تفضي
مياده:اه بالله عليكي يانوان مش قادره اتنفس عايزه هوا
_حاضر...يالا ياحبيباي الحلوين مين هيجي يساعدنا
انا...انا...انا
_اااااي براحه يانورا الدبوس دخل في كتفي
=معلشي خلاص دخلته..تاخدي الفيونكه دي ولا دي
_لا حطي الي احمد جابهالي
=تمام
نوران:يالا ياطنط احنا جاين نساعد
_تسلمي ياحبيبتي عقبال ماعملك في فرحك
نوران:رينا يخليكي ياطنط
فضلوا يناولوا بعض لحد ما مامت ميادة ندهت علي نوران
_نوران ياحبيبتي..معلشي روحي مع ملك هتجيب اللعبه بتاعتها فوق الدولاب في الاوضه التانيه لحسن عماله تعيط وانا ايدي مش فاضيه
_حاضر ياطنط...تعالي ياملك متعيطيش ياحبيبتي انا هجبهالك...قوليلي بقا انتي سنه كام؟
=في كيجي تو
_ياقلبي انتي...يلا تعالي نروح نجيب اللعبه
فضلت تحاول تجبها بس الدولاب عالي عليها....
_طب بوصي خليكي هنا لحد اما اجيب حاجه عاليه اقف عليها عشان اعرف اجبها....اهو لاقيت كرسي
حطيت الكرسي وطلعت عليه بس مكنتش واخده بالها انه مكسور...
فضلت تحاول تجيبه وبرضو معرفتش..
جايه تنزل الكرسي ميل ورجليها اتزحلقت اتخضيت وغمضت عنيها ووقعت بس قبل ماتوقع حد لحقها وشلها فضلت مخبيا وشها لدقيقه يارب سلم يارب سلم..فتحت عينيها وكانت الصدمه!!!!!
_دكتور آدم!!!!...ارتبكت جامد..انا..انا..أسفه والله مكنش قصدي
فضل شايلاها وتاه في عنيها مش مركز خالص مع الي بتقوله
_وهي خدودها بقيت عامله زي الطمطمايه! نزلت عنيها في الارض وكانت مليانه دموع وعدلت الفستان...وفضلت تقوله نزلني وهو نزل عليه سهم الله!!! مفقش غير علي ضحكة ملك العاليه.... ساعتها ادرك المصيبه الي عملها نزلها بسرعه.....
_انا اسف..اسف بجد
=بارتباك انا الي اسفه اني دخلت هنا والله كنت هجبلها اللعبه وهطلع
_ولا يهمك انا هجبهالها...مد ايده فوق الدولاب وجابها
=في سرها بارتباك هو اى الي جابه هنا!!؟
_سمعها فضحك...وادي ياستي اللعبه...ودي اوضتي...وانا هنا عشان انا اخو العروسه.._خدت اللعبه بكسوف.. بعد اذن حضرتك...لسه هتمشي ملك مسكت في ايديها استني خديني معاكي
_حاضر ياحبيبتي تعالي معايا..فضلت تمشي وهي حاطه ايديها على خدها وقلبها بيدق جامد مش مستوعبه الي حصل...ودخلت اوضة ميادة وهي سرحانه ومفقتش غير علي كلام نورا...
_مالك يانوران!!؟انتي معيطه ولا اى!؟
=هااا لا ابدا كنت بس بجيب لملك اللعبه فتزحلقت وقعت
_ابييي!؟طب انتي كويسه!؟
=لالا مفيش حاجه حصلت متقلقوش...ولسه هتقفل الباب وتقعد سمعت صوت ضحكات ملك المتتاليه فأدركت انها لسانها متبري منها ولو ملحقتهاش هتعمل مصيبه....
_اصل عمو آد......لسه هتكملها جريت عليها وشالتها وهي بتضحك:ملك ياحبيبتي ماتيجي نساعد طنط منيره
مياده بضحك:الله انتو بقيتوا متفهمين مع بعض اوي
ضحكت نوران وبصت لملك وكانت عايزه تجيبها من شعرها
_ اه طبعا اوووومال بنت خالتك دي عسل اوي يا مياده
وقربت منها وجزت علي سنانها ياخراشي ع السكر
=مياده مفهمتش:انتي الي عسل ياقلبي...
_طب احنا هنروح بقا نشوف طنط عايزين حاجه؟
=لا بس اقفلي الباب وراكي
_حاضر....
عند آدم الي لسه واقف مكانه متنح...!
_يا آدم...آدم....آدااااااااام
=بخضه اى في اى!!!؟؟
_انت الي في اى!!؟ مالك متنح كدا ليه!!؟
=لا مفيش
_بغمزه علي وزه برضو
=عُمر امشي من قدامي دلوقتي حالاً
_اى ياعم دا هي هتنسيك اخوك ولا اى!!؟
=باستغراب..هي مين دي!!؟
_بضحك..الي شاغله قلبك ياعنيا..
_لا بقا انت شاكلك كدا غاوي مشاكل..!
=انا..دانا غلباان..طب بص بقا ياعم الحونين سيبك م الحونيه دي وتعال شوف عايزينك في اى برا..
_حونين...!!! امشي اتجر من قدامي يالا..
_بسم الله ماشاء الله قمر ياروحي
=ربنا يخليكي ياماما
_بجد تسلم ايدك يانورا..زوقك تحفه في الفستان وكمان الميكب..عقبالك ياحبيبتي
=ربنا يخليكي ياطنط..
_طب ياقلب ماما شوفي احمد اتاخر ليه الجماعه جهزوا كل حاجه وانا هروح اتمم علي الحاجه الي في المطبخ
=حاضر ياماما...نوران معلشي هاتي الفون من الشنطه
_حاضر.....انتي حطاه فين مش لاقياه
=اوبس انا حطيته فين..طب معلشي ممكن تشوفيهولي برا اكيد ملك كلعادة اخدته تلعب فيه
_حاضر ياقلبي
فضلت تدور عليه في الاوضه مقلتهوش
طلعت برا سألت البنات الصغيره...ملقتهوش....ياربي هو راح فين دا كمان....
_اي داااا نورا...دي نورا!!...اللهم بارك في جمال كدا!
=نوراا مين؟ انت تعرف بنات يالا من ورايا؟!
_قاطعه يعم اسكت شويه..انا سكتلك من الصبح وعمال ترغي ترغي..امشي من قدامي بقا
آدم بضحك:الله الله هي اى الحكايه هي الايه اتقلبت ولا اى!!؟
_سابه ومشي...انسه نورا...انسه نورا
=بتلف وشها...ايوا مين؟!..استاذ عُمر!
فضل واقف متسمر...
_استاذ عُمر..في حاجه؟
=هاا لا بس لاقيت حضرتك واقفه بتدوري حاجه ممكن اساعدك
_ربنا يخليك...بس تليفون مياده ملك كانت بتلعب بيه وانا بدور عليه...حضرتك شوفته؟
=اااه ايوا معايا ملك ادتهولي..اتفضلي
_تمام شكرا لحضرتك..
مشيت وفضل متنح مكانه زي اخوه"اظاهر انها عدوي"
_قرب عليه آدم وكان مراقبهم من بعيد...احم..نقول مبروك!!؟
=فاق علي صوته...اي ايييييي ياعم انت لازم تنط كدا خضيتني...
_بضحك:اه منا حاسس بيك ياعنيا لسه مجربها من شويه وقام غمزله
=ااااه الحفله عليا بقا صح!؟
_فضل يضحك..انت لو تشوف منظرك..هطفس ضحك
_بس بس غور من قدامي
=فضل يقلد شكله وهو بيقول حونين
وضحكوا هما الاتنين....
العريس وصل.....العريس وصل
_يالا يامياده احمد جه
=حاضر انا جايه اهو
طلعت هي ونورا ونوران...كانوا عاملين زي الملايكه..كانوا قمرات اوي
اول ماطلعوا صوت الزغاريط اشتغل والدي جي
"ي دبلة الخطوبة..عقبالنا كلنا"
كل واحد كان مركز مع العروسه والعريس الا آدم وعُمر مكنوش مركزين في الفرح اصلاً..كان كل واحد مركز مع التؤام"نورا ونوران:
_انا اسف اني اتأخرت...
=بنظرة عتاب:فين الورد يااحمد؟؟! يعني متأخر وكمان مفيش ورد!!!
بضحك: لا مانا اتأخرت عشان اجبلك دي
_اي داااا لا بتهزر...الله بوكيه الورد الي كان نفسي فيه واللون الي بحبه....خدتها ولسه هتشمها لاقيت ظرف جواها
طلعته وقرأته..." أدامك الله لي يا عُمري..♡"
=احم..ربنا يخليك والله
_بس دا الي ربنا قدرك عليه!؟
=بكسوف..لا استني فيه...
_ايوا بقا...هااا انا سامع قوليها!!؟؟
بضحك:ربنا يطول في عُمرك..♡
بصلها وفضلوا الاتنين يضحكوا....