روايةحلمي المجهول
الفصل الخامس
بقلم اماني الدسوقي
اليوم خلص وكان متعب جداً..بس علي قد ماكان متعب وفي احداث غريبه..إلا اننا فعلا انبسطنا بجد....
_حمدالله علي السلامه ياحبايبي اتأخرتوا ليه؟
=الله يسلمك ياماما....
نورا:اليوم كان مليان انهارده....بس بصراحه كان يوم جميل اوي ومياده اللهم بارك كانت قمر
نوران:ااااه ياااني انا تعبانه اوي هموت وانام
نورا:اايوااا وانا كمان ضهري متكسر
_بضحك:شوقتوني...عقبالكم ياحبايب قلبي اما اشوفكم اجمل عرايس في الدنيا
=ربنا يخليكي ياماما
_طب يالا روحوا ناموا وابقي اتفرج ع الصور بعدين..
=حاضر
_بت يانوران
_انتي يابت...انتي نيمتي ولا لسه؟!
=اه...عايزه اى؟
_بضحك:طب بترودي ليه طيب؟!...
انا زهقانه...متقومي نعمل اى حاجه!
=مش كنتي بتقولي ضهرك اتكسر!!.. متنامي!
_لا هو يعني مش انكسر اوي يعني.... بتشد البطانيه من عليها...قومي بقاااا
=بت انتي انا دماغي مصدعه وعايزه انام اطلعي من نفوخي..
_اخص ع النداله....اخص
_سكتت شويه...طب بالله عليكي اصحي معايا..حتي نتكلم شويه مش لازم تقومي!
=بنفاذ صبر...انا عارفه مش هتسيببني اتخمد انهارده
_هااا يلا بقااااا
=ارغييييييييي
_اي قلة الزوق دي؟...في واحدة في كليه محترمه تقول لاختها الكبيره كده...لالا انا هعتزل مبقعدش انا مع الأشكال دي..
لسه هتكمل...هوووب اذا بشئ طار في الهواء ولبس في وشها وحدفها في الحيطه....ألا وهي المخده!!!
_ااااه ياااانا ياما راسي طرقعت..يخرب عقلك
=تستاهلي عشاان تطولي لسانك وتتأمري اوي!
_بضحك:انتي يابت في اى!!! هو مين الكبير ومين الصغير فينا....دا الله يكون في عونه الي هياخدك والله...هيبقي خدم البشريه كلها وخدمني وخدم امك وظلم نفسه يعيني!!
=لا والله...طب امشي بقا من قدامي احسنلك...ولا تحبي احدفك بصاروخ ارض جو المرادي!!!!؟
_لالا خلاص سكت اهو....
بعدها بدقيقتين...
_مهو انا لازم اتكلم بقا في كلام محشور في زوري...والله هموت كدا الله..!!
=موتي يانورا...اه والله موتي ياحبيبتي وريحيني!
_كده ماااشي ربنا يسمحك...خلاص مش عايزه منك حاجه
=بضحك قولي يازفته عايزه اى؟!!
_ايواا بقاا ياحبي فرفشي كدا...داحنا حتي لسه جاين من فرح ....والله كان يوم تحفه....ولا لما هيصنا مع مياده
=قصدك هيصتوا انتو وسبتوني...
_ينهار ضحك انا كنت فطسانه وربنا مكنتش قادره امسك نفسي....كان منظرك تحفه
=بضحك...سبتوني يااندال..بس بقاا متفكرنيش
_سيد عيب متقولش كدا احنا أهل
ضحكوا هما الإتنين....
_بس تعاليلي هنا كدا...اختفيتي روحتي فين؟؟!! وسيبتيني دايخه عماله ادور عليكي ملقتكيش!!؟
=احم...الهرمونات اشتغلت؟
_لا بجد قولي...انتي فلتي مني بسبب دكتور آدم....بس مش هتفلتي مني هنا..!
=سكتت شويه عشان عارفه انها لو قالت هتجيب لنفسها التهزيق!
طب اقول ومتهزقنيش؟
_ااااه يبقي الموضوع في إنّ..قولي..
=السلسله وقعت مني هناك وفضلت ادور عليها وملقتهاش...طلعت في الجنينه فضلت اعيط وفي الاخر لقيتها مع دكتور آدم
_وجت في ايده ازاي؟
=لقاها ع الارض
_ووقعت منك ازاي؟
=سكتت وافتكرت الي حصل...حطيت ايدها علي خدها واحمرت زي الطماطمايه....هو انا اعرف منين انا..وقعت وخلاص...
_ماشي...طب مش قولنا ميت مره يانوران تنسيه بقا؟! مينفعش تعلقي نفسك بحبال دايبه...لو كان بيحبك بجد كان رجع..!
=بدموع...بس انا لسه بحبه.!!
_قربت منها وحضنتها....بس بقا ماضي ياحبيبتي والي بيحبك بجد مش هيفضل معلقك كدا وهيدخل البيت من بابه علطول...وبعدين كنتي صغيره ياحبيبتي ومش فاهمه حاجه...فطبيعي لو حد قالك كلام حلو هتميلي ليه...صح ولا انا غلطانه
=باقتناع..صح
_تمام ياقلب اختك..يبقي تنسيه خالص وترمي السلسه دي...وانتبهي لمذكرتك
=حاضر
_شطوره ياقلب اختك...وقالت بغمزه....وبعدين الي يشوفه يعني ميبصش برا..!
=بانتباه...هو مين؟
_احم...عملك الاسود...قصدي دكتور آدم
=بارتباك...ماله يعني ومال الي بنقوله!!
_لااااا من الواضح انك مأخدتيش بالك خالص...
=في اى؟!
_عينه منزلتش من عليكي اول ماطلعنا مع مياده...وبصراحه كدا الواد شكله وقع
=وقع اى ماتحترمي نفسك الله..!
_خلاص خلاص...اسفين ياصلاح...بصت في الساعه...ينهار ابيض الساعه بقيت واحده..! احنا سهرنا اوي والكليه الي ورانا بكره...يلا ننام عشان نعرف نصحي بدري...تصبحي علي جنه
_وانتي من اهلها..♡
نورا نامت بس الحقيقه نوران معرفتش تنام...! فضلت تفكر في الي حصل وفي كلام اختها.....
فلاااااش باااااك
في حوش المدرسه...
_انت بتعيط ليه؟
=بعياط..اتكعبلت ووقعت ومش قادر اقوم
_طب امسك دي ومتعيطش
=الله الورده ريحتها حلو أوي...ينفع أخدها؟
_اه..قوم بقا ومتعيطش
=حاضر
يانوران...يانوران انتي فين!؟؟ تعالي يالا هنبدا اللعب
_جايه اهو...بصلته ببتسامه....مع السلامه
وجريت...
=استن...اسمك نوران.؟!..كنت هقولك اسمك جميل...انتي مشيتي طب مش هشوفك تاني!!
عدي أسابيع..ومتقبلناش..
وفي يوم رجعت م المدرسه وماما كانت عايزه طلبات للبيت..
_انتي جيتي ياحبيبتي ؟
=ايوا ياماما
_طب معلشي هتعبك...قبل ماتغيري روحي اشتري حاجه من الدكان
=حاضر ياماما
بس..بس..بسسسس
_اعاااااااا انت مين؟
=متخافيش متخافيش انا آدم الي انتي اديتيله الورده في المدرسه
_وبتبسبس ليه..هو انا قطه؟!!!
=ضحك جامد...لسانك الطويل دا عايز قصه
_اخلص...قول عايز اى؟!!
= يلهوي اي يابنتي دا منظر طفله دا..تعالي كوليني احسن....عموماً ماشي ياستي هقولك عايز اى....كنت عايز اشكرك بس ملحقتش...ودلوقتي شفتك صدفه وطلعنا جيران اهو انا بيتي ورا بيتكم بالظبط...ابقي تعالي وجمعي اصحابك كلهم وتعالوا نلعب
_ماشي لما اقول لماما الأول
=ماشي
ماما هجمع صحابي وهننزل نلعب
_ماشي يانوران بس متبعدوش
=حاضر
_متيجي العبك كوره واغلبك
=لا
_بضحك...خايف فريقك يخسر ولا اى؟
=لا مش خايف وانت عارف كدا كويس بس طالما في بنات يبقي مش هنلعب عشان ميتعوروش
_بسيطه.....يجماعه احنا هنلعب كوره البنات تقعد في جمب وتتفرج علينا او اقعدوا العبوا مع بعض...اهو ملكش حجه..بس متندمش في الأخر
_هنشوف مين الي هيندم في الأخر..!
فضلوا يلعبوا مع بعض ونوران كل شويه تروح ناحيتهم من غير قصد
_ابعدي يانوراان....نورااااان
=حاضر...بس التوكه وقعت مني هدور عليها
=لا اقعدي الكوره هتخبطك
"بس هي طبعاً مسكتتش"
الشوط الأول خلص وكانت النتيجه لصالحهم
_بضحك:مش قولتلك هنشوف مين هيندم في الأخر..!
=لسه العبره بالنهايات
كملوا لعب وكان خلاص النتيجه هتبقي لصالحهم برضو....لمح نوران وهي واقفه في النص والكوره جايه عليها
_نوراااااان
جري عليها عشان يلحقها بس الكورة سبقته....
_بخضه..انتي كويسه؟
قامت فضلت تعيط...خبطت راسي
_معلشي قومي..مش قولتلك ابعدي عن الكورة وانتي مسمعتيش الكلام..!
في الوقت دا صاحبه انتهز الفرصه وكمل لعب ودخل في فريقه جون....اوووو وفزنا وفزنا
_قام وقف قدامه وقاله.....الخم بيجري في دمك مش هتبطله..بس سبتهالك بمزاجي....
_بطلي عياط
=اعاااااااا
_طب بوصي هاروح اجبلك المصاصه الي بتحبيها وتسكتي؟
=سكتت وببتسامه هزت راسها بالموافقه
_خدي ياستي احلي مصاصه لاحلي نوران
فرحت وكانت الفرحه باينه في عيونها
عدت الأيام...وبقوا صحاب ويلعبوا مع بعض لحد مافي يوم...وكان اوحش يوم بالنسبالها...
_بدموع...انت هتمشي؟
=ايواا...هننقل في محافظه تانيه بعد مابابا مات
=هتسبني لوحدي..هلعب مع مين؟!
_العبي مع زمايلك...متخافيش اكيد هنتاقبل تاني
فضلت تعيط....طلع ظرف من جيبه
_خدي دا
=اى دا؟.!
_دا ظرف فيه مصاصه...ورساله وسلسله
خدي المصاصه كليها.....ونص قلب دا خليه معاكي وانا معايا واحد شبهه عشان تفضلي فاكراني واحتفظي بالرساله متفتحهاش الا لما تكبري... اتفقنا؟! وان شاء الله ارجع ونتقابل تاني..
_عماله تعيط
=بدموع...خلي بالك من نفسك...وكبري وبطلي عيااط...واوعي تنسي الواجب زي كل مره...مش هتلاقي حد يعملهولك زي... ومتنسيش السندوتشات في البيت...مش هبقي هنا عشان اقسم السندوتشات بتاعتي وناكل انا وانتي...ومتسمعيش كلام حد غريب واوعي تلعبي مع العيال في الشارع...العبي مع البنات بس ويبقي جوا البيت مش في الشارع.......سلام
فضلت تعيط
يلا يانوران عشان المدرسه
_مش عايزه اروح
الله دا تاني اسبوع تقولي كدا..لو مقومتيش دلوقتي هتنضربي
نورا:استني ياماما انا هشوفها
_تعالي ياحبيبتي...مالك مش عايزه تروحي المدرسه ليه
=عشان آدم مش هيكون موجود هناك مش هلعب معاه
_آدم مين؟
_جارنا..
=لا ياحبيبتي انتي بنوته عسوله مينفعش تلعبي مع الولاد العبي مع صحابك البناات بس...اتفقنا؟!
_حاضر
=يلا ياحبييتي روحي المدرسه وركزي في مذاكرتك عشان لو طلعتي من الأوائل هجبلك لعب كتييير ومصاصات كتييير
_بفرحه...حاضر
عملت زي ماهو قالي ومرضيتش افتح الرساله الا لما اكبر...
بابا توفي وبسبب الإيجار الغالي نقلنا احنا كمان في محافظه تانيه
كبرت ودخلت الثانوي...ساعتها قررت ان افتح الرساله واول قرأتها فضلت اعيط
نورا:نوران مالك بتعيطي ليه؟!
حسيت فيها الامان والحنيه...اترميت في حضنها وفضلت اعيط وحكتلها الي حصل
فضلت تنصحني وان انا لسه صغيره علي الكلام دا..."بس الحقيقه انه مش بيقي بإيدينا"...
قالتلي قطعي الرساله وارمي السلسه قولتلها حاضر...بس مقدرتش اعمل كدا شلتهم بعيد عن ايدي خااالص...ومبقتش افتحه تاني..بااااااااك
وانا بسترجع الذكريات نزلت مني دموعي غصبن عني..! بس لااا انا اقوي بكتير ومش هفكر فيه تاني ونورا عندها حق..
شيلت الظرف عشان ابقي اتصرف فيه الصبح وشيلت من دماغي اى حاجه تخصه...كنت لسه هنام افتكرت كلام نورا
"دا مشالش عينه من عليكي" وافتكرت الي حصل في خطوبة مياده..فضل قلبي يدق جامد...واحمريت
_وبعدين بقااااا انا مش هنام انهارده ولا اى؟!...واى حكايته دا كمان؟؟
سرحت شويه....هو بصراحه قمر...لا قمرين تلاته كدا...وو... قبل مااكمل ضربت نفسي عشان افوق....وحطيت ايدي علي قلبي....بقولك اى ضخ دم وانت ساكت مش ناقصين وجع قلب...!
وحطيت راسي ع المخده عشان أهرب من تفكيري....
عند آدم وعُمر...
_مالك يابني..مش علي بعضك من ساعة ماقولتلك علي القميص..!!
=لا مفيش
_لا في وبطل استظراف..وخلصني واتكلم
=ماتيجي تضربني احسن ياعُمر..!!!
_بضحك.. خلاص ياعم ماتبقاش قفوش كداا..الله..!!!
=عُمر...
_يا نعم!!
=اوعي كدا...ااه شويه كمان
_وعيت اهو..
=ااه سبني في حالي بقاا لو سمحت..!
_كدا ياوزه بغمزه.. دانا كنت هظبتك مع البت بتاعتك وتظبطني مع صحبتها
=بضحك قصدك اختها يااهبل
_اي داا بجد!!؟...وانت عرفت منين ياجوو؟
=ملكش دعوه
_لاااا دي شكلها حكايه كبيره اوي..ولازم اعرفها يعني لازم اعرفها..
"طبعاً عارفين عُمر مسابوش الا لما اعترف بكل حاجه.."
_احم...دا كله يابن ال اييي ياوزه..بضحك...دانت طلعت مصيبه ياجدع
=ولاااا اتعدل كدا..بدل وربنا مانا حاكيلك حاجه تاني
_خلاص ياعم...بس خلينا في المفيد دلوقتي...هي لسه عايزاك ولا لا؟!
=انت عبيط يابني..؟! لو مكنتش عايزاني فضلت محتفظه بالسلسله ليه؟ وكمان كانت لبساها..!!
_لاااا يامعلم مايمكن عجبتها وخدتها ليها عادي
=امشي اطلع برا...هقول اى ياعني انا غلطان اني حكيتلك...ربنا يصبرها الي هتاخدك يابني والله
_بضحك وحط رجل علي رجل..ايوا مانا عارف ربنا يصبرها علي جمالي...مقولكش هتتعب اوي والله
البنات علياا ايييي كدهون
=كدهون..!!! ياااارب صبرني
_طب بقولك اي ياعم...متقرفناش وسيبك من البت دلوقتي وخوشيلي علي اختها...اظبتها ازاى؟؟!
=خلاص جن جنونه:امشيييييييي اطلععععععع برااااااااااااا
"هو الصراحه عنده حق...الله يصبره"
_آدم..!هتتحول ولا اى ياآدم...يامااااااا
ولسه هيجري...لقي الي ماسكاه من قفاه
_قفشتكوااااا