رواية حلمي المجهول
الفصل الأول والثاني
يقلم اماني الدسوقي
في ليله من الليالي الشتاء الهادئة يتساقط المطر ويفوح رائحته الترابيه الجميله وسط الأزهار العطره ذات الألوان الجميله والجذابه تظهر فتاة في عمر ٢٣ عاماً قد بدت ملامحها الطفوليه البريئه ذات العيون العسليه والشعر الأسود الناعم والضحكات الجذابه التي تخطف القلب ترتدي فستان كالأميرات ترقص وتلعب تحت المطر بتصرفاتها البريئه والمفعمه بالحماس والطفوله في آن واحد...وقد ابتل فستانها وكانت والدتها دائما تحظرها من الوقوف تحت المطر حتي لا تمرض كعادتها ولكن عشقها للمطر كان اقوي وهي لا تبالي فلا يوجد احد غيرها دائما ماكانت تختلس بعض اللحظات دون ان تشعر بها والدتها ولا يراها أحد...
وفي حين هذه اللحظات التي ترقص وتلعب وتدور وهي رافعة رأسها للسماء ومغمضه العينين وضحكاتها متعاليه
يظهر في الجانب الأخر شخص قد لفت إنتباهه تلك الفتاة الطفوليه التي ترقص كالأميرات وظل يراقبها من بعيد وهي لا تشعر ويسرح في جمالها وعيونها فقد سحرته بتلك العيون الجميله....
ظل هكذا في كل مرة يشاهدها في سعادة دون ان تشعر.. وفي اليوم المنتظر
فجأة يقترب إليها ببطء...:بحبك ياأميرتي
تنظر خلفها لتجد شاب في عمر ٢٥ عاما قد اخفي ضوء القمر ملامحه...:من أنتي؟
فتسرع نبضاتها وترتجف: انا الأميرة نوران فمن أنت؟
اقترب أكثر لتصبح ملامحه واضحه
يرتدي بدلة الأمراء..ويقف امامها...: أنا الأمير سلمان...أُراقبك منذ مدة..وقد وقعت في غرامك.. ينحني لها...اتسمحي لي برقصه مولاتي؟
_بخجل:اوافق يامولاي
تسمحيلي برقصه هاديه..تسمحيلي بقرب منك..حلم عمري تكوني راضيه عن وجودي بس جمبك.❤
وظلوا يرقصان تحت المطر...
............................................
_نوران.. يانوران اصحي يابنتي الكليه هتتأخري
بترفع ايديها..:اجل مولاي السلطان..وانا ايضا مغرمه بك...مولاي..مولاي أُحبك مولاي
_بضحك:يلهوي..انتي اتهبلتي يابت ولا اى اصحي يخرب عقلك المحاضره هتتأخري
خلاص بدأت تفوق من الحلم:اى في اى انا فين اى الي جابني هنا
_انتي فين واى الي جابك هنا!!! لاااا دي لسعت منك المرادي..
رجعت راسها لورا: يانور حرام عليكي حد يصحي حد كده..وبعدين سيبيني بقا مش كفايا قطعتي عليا الحلم الجميل دا اجيبه انا منين بقا
نور بضحك: دا أثر الروايات الي بتقرأيها وربنا مانتي نافعه بسببها..قومي ياختي المحاضره الاولي هتخلص وانتي لسه نايمه
بتفرق في عنيها:ليه هي الساعه كام؟
_بنظرة خبث:الساعه ٩ونص
اتنفضت من مكانها:بتقولي كااااام!! فضلت تجري حوالين نفسها مش عارفه تعمل اى
مامتها: خير يابنتي اى الي مصحيكي بد..
اه اه سلام عليكم صباح النور مش عايزه افطر هي فين الفوطه هي فين اه فوق الدولاب..فين الشبشب ياختاااي الشبشب فين اهو تحت السرير..هو انا هعمل اى؟.. اه اه هتوضي فين الحمام قصدي فين الشبشب!!!
فضلت تلف حوالين نفسها ومامتها واختها بيضحكوا علي تصرفاتها
_خلااااص خلصت يلا يانور عشان نلحق
مامتها:يلا علي فين ياحبيبتي
نوران باستغراب:الكليه ياماما
مامتها:اااه الكليه وانتي راحه تبيتي علي لبن!!
نوران:مش فاهمه
مامتها:بوصي في ساعتك ياهانم
_بصدمه:اى دا!!! لسه سبعه ونص.. ااااه عملتيها يانور ماااشي انتي فين!!
نور مستخبيا وفطسانه ضحك:احسن عشان تتعودي تصحي بدري زي البني أدمين
نوران:شوفتي ياماما عجبك الي بتعمله بنتك اعمل فيها اى دلوقتي...خلاص هتعيط:طب رجعيلي الحلم بقا دلوقتي
مامتها: بس انتي وهي يلا افطروا بدل ماتتاخروا بجد..وانتي ياهانم اتعودي تصحي بدري بقا
نوران:حاضر ياماما...اما انتي حسابك معايا بعدين
فطروا ونزلوا....
يلا سلام انتي بقا اركبي واول ماتنزلي هتلاقي الكليه قدامك تمام خلي بالك من نفسك
نوران:اى الاوفر دا انا لسه في حضانه..مانا عارفه الطريق
نور بضحك:بفكرك لتوهي ولا حاجه
نوران:امشي يابت من قدامي
نور:عيب اختك الكبيره لازم تحترميها
نسيت اعرفكم:انا نوران في كليه صيدله فرقه تانيه ودي اختي نور فرقه رابعه كليه تمريض طريقنا مختلف بس بنركب مع بعض لحد الموقف وكل واحده بتروح الكليه بتاعتها معروف عني بقا اني رومانسيه شويه..!! لا شويه اى شويتين تلاته كده..بحب الروايات جدا ونفسي اعيش قصه من قصص الروايات الي بقرأها من كتر مانا بحبها بقيت بحلم بيها!! بس السؤال هنا بقا..هل ينفع تتحقق علي أرض الواقع؟!!!
اما دي بقا:مامتي حبيبتي هو انا اه مغلباها ومجنناها معايا بس حقيقي بحبها اوي ومقدرش اعيش من غيرها
بعد اما بابا اتوفي نزلت ماما تشتغل وبقت هي الي شايله مسئوليه بيت وعيال والمصاريف زادت علي امي والبيت كان بالإيجار ومقدرتش تتحمل. نقلنا في بيت تاني بالإيجار برضو بس كان هين شويه وكان صاحب البيت كارمنا شويه بما انو كان عارفنا من قرايبهم كنا معرفه قديمه مفتكرهاش بس كانوا بيحكولي عنها ...لما كبرنا وبقينا نشيل مسئوليه قررنا انا ونور نساعد ماما وبما ان نور اكبر مني مرضيتش تخليني اشتغل بره هي الي نزلت واشتغلت وانا كنت بساعد ماما في البيت..فضلنا علي هذا الحال لحد ماربنا فرجها علينا والحمد لله جبنا شقه ملك وتفوت السنين وربنا يكرمني بصيدله واختي تمريض
..............................................
نوران..نوران..!!
_هاا ايوا ايوا في اى
مني:اي الي في اى يابنتي سرحانه في اى
_هاا ولا حاجه...مين الي علينا؟
مني: مش عارفه هو الدكتور الي كان هيدينا اعتذر وهيدينا بداله معيد جديد
_تمام
مني:بوصي اسبقي انتي هو لسه فاضل ربع ساعه علي المحاضره هاروح اجيب حاجه وجايه تمام...يانوران يانوران
_نعم بتقولي حاجه
مني:اى يابنتي انتي مش مركزه خالص انهارده فوقي كده
_تمام انا فايقه اهو
مني:والله ماباين..عموما انا ماشيه ركزي في الطريق وانتي ماشيه
_تمام...
فضلت ماشيه بتفكر في الحلم والي هو اصلا كانت روايه قرائتها قبل ماتنام فضلت تتخيل نفسها اميره وتكمل الحلم..
ياأنسه...ياأنسه
_ايواا ايواا مين؟
_مين اى!! ابعدي عايز اعدي
باستغراب:متعدي!! حد مانعك!!
_نعم انتي شاربه حاجه!! عايز اعدي بالعربيه وانتي واقفه في نص الطريق
_بدأت روح المغامره: وشمعني جايلي انا ماالناس راحه جايه اهي هي جت عليا!! وبعدين الطريق فاضي اشمعنا الحته دي
_ انتي ازاى بتكلميني كده؟!! متعرفيش انا مين!!! وبعدين انا طريقي من هنا وانتي ماشيه في نص الطريق اعمل انا اى!!
_بص يااخ والله الخلق يدوبك وبعدين هتكون مين يعني..وبعدين هو انت لازم تنزل ماتضرب كلاكس وخلاص!!
_اى داا في اى!!! هو اليوم باين من اوله..باستفزاز امال حضرتي عمال بضرب الكلاكس ساعه وانتي واقفه متنحالي ولا كأنك اول مره تشوف واحد راكب عربيه
_هاا..من جمالك يعني!! قصدي كنت سرحانه مكنتش مركزه معاك انت
_وسرحانه في اى ان شاء الله في نص الطريق؟
_باستغراب:وانت مالك انت..وبعدين هتقعد ترغي كتير مش فضيالك..وسابته ومشيت
_ خدي يااا انتي يااا...اي البت دي دي مجنونه!!
***************
مني:هاا الدكتور لسه مدخلش؟
نوران:لا انا لسه داخله اصلا
مني:مالك ماسكه القلم بعصبيه ليه؟
نوران:مفيش بس حصل موقف بايخ كده هبقي احكيهولك بعدين
مني:تمام..الدكتور جه اهو
قالتها وكان القلم وقع غصب عنها..نزلت تجيبه...والدكتور اول مادخل طالب من مدرج تاني وقفه يسأله علي حاجه
نزلت جابت القلم وطالعه لاقيته قدامها:اى دا هو انت اى الي جابه ورايا دا ياربي علي الحظ في نفس الفرقه ونفس القسم اى الاستفزاز دا!!؟ قالتها وكان صوتها عالي والدفعه كلها سكتت عشان الدكتور اتجه ناحيه المكتب وخلاص هيبدأ..بس هي ماخدتش بالها فكرته طالب عادي
_مين الي قالت كده؟
الدفعه كلها بصتلها....
_اهلا هو انتي!!!؟ كنتي بتقولي اى بقا؟
نوران بدأت تستوعب انها عملت مصيبه!!: هاا..ان ان..ا انا وال ا ح ا ج ه
_لااا عاليلي صوتك كده ياحلوه ولا صوتك قد كده برا
_خلاص بدأت تجيب مايه من كل حته:يامصيبتي السوده يانا ياما....احم أسفه يادكتور مكنش قصدي والله
_اااه مانا عارف....اتفضلي اقعدي يااستاذه زمايلك ملهمش ذنب اخر المحاضره بسببك وتعاليلي اخر المحاضره علي مكتبي..
_بدموع:حاضر
_طبعا اول مره ادخلكم وكانت بدايه مشرفه اوي"قالها وهو بيبصلها" المهم انا دكتور أدم هديكوا ماده...بدل دكتور مختار لظروف حالته الصحيه ندعو الله له بالشفاء...طبعا هشرح وعليكوا تسجلوا ورايا الحاجات المهمه الي هقولكم عليها في اى استفسار؟
_لا يادكتور
تمام:يلا نبدأ..
بدأ يشرح ومركز مع نوران من غير ماتاخد بالها...انا كده خلصت الفصل الأول
بيقولها وهو بيمشي لحد ماوصل للبنش بتاعها:قوليلي انتي بقا ملخص الي قولته النهارده."كان حالفلها بمعني اصح"
بس كانت المفجأة ليه انها جوبت وإجابات متقنه وكإنها خدت المحاضره وذكرتها عشرين مرة قبل كده!!!
_تمام اتفضلي اقعدي
المحاضره الجايه هنكمل وهنسأل ناس برضو....بصلها عشان تيجي المكتب..
مني: ليلتك فل ادعي انها تعدي علي خير
بتمسك ايديها:تعالي معايا انا خايفه
مني:متخافيش انا معاكي ربنا يستر
راحت المكتب...بص لمني استني انتي هنا وانتي تعالي ورايا
بدأت ترتعش ونبضها بدأ يعلي وصوت أنفسها تتسارع.:حا..ضر
أدم: وريني بطاقتك
نوران:اتفضل
_وكمان اسمك نوران!! مسك الكشف.. طالعه الأولي علي الدفعه ولسانك طويل
نوران بعياط:بجد بعتذر لحضرتك والله اول مرة تحصل اني دكتور يستدعاني كده
_حس بحاجه غريبه مش فاهمها اى دا هو في كده!!! قمر وهي بتعيط اى نعم لسانها طويل وهتتعبني بس دخلت قلبي اوي.. كان عايز يعتذرلها بنيابه عنها: طب اهدي خلاص مفيش حاجه حصل خير
نوران بإبتسامه:يعني مش هتشيلني الماده؟
أدم بضحك:لا مش هشيلك الماده
نوران:ومش هتجيبني استدعاء تاني؟
_إنتي الي جبتي إستدعاء لقلبي..
نوران:نعم!!!!!!
أدم برتباك:قصدي..لا خلاص مفيش إستدعاء تاني
نوران بفرحه: بجد شكرا لحضرتك
أصواات جواه.....
*اييييي يابني توهت فين..لا دي فوتت منك...هو نفس الإسم اه بس مش هي الي فبالك!!وبعدين انت اتهبلت هتحب طالبه عندك وانت لسه حيالله معيد
*وماله هو عيب ولا حرام..ان شاء الله هعمل دكتوراه واكون نفسي واشتري شقه واتقدم هي كيميا يعني؟
*هاهاهاي..بتضحك علي نفسك ياشق ولا اى مش كده انت تحلم اه انما تحققوا لا
*وليه لا هو انا مش بني أدم من حقي أحب واتحب واكون أسره وبيت وعيله ولا اى
*لا اصحي كده وفوق لنفسك بدل ما اديك بالجذمه هي اصلا مبتحبكش وهتحب واحد مليان عيوب هو اه معيد وكل البنات بتموت عليه بس دا مليان عيوب مين الي هتقدر تستحمله دا؟!!!!
"فضل في دوخه وتوهان بين عقله وقلبه"
.........................................................
مني بخضه:طمنيني عملتي اى؟
نوران بضحك:الحمد لله عدت علي خير
مني بارتياح: وربنا اترعبت عشانك بس الحمد لله..يلا بقا عشان نروح ومنتأخرش
نوران:تمام
في مكان تاني خالص....
نور:يابنتي اتهدي بقا الله دوختيني معاكي من ساعة ماخلصنا محاضرات واحنا بنلف علي المحلات
مياده: الله بقا مش عروسه وبجيب حاجة الخطوبه
نور بضحك:اه انتي تتخطبي احنا نتبهدل وراكي
مياده:اى دا انتي معترضه علي كام محل الي رحناهم ..اخس علي الصحاب
نور:كاام اى ياعنيا..قصدك كام سنتر كام معرض كااام شارع مشينا ولفينا فيه من اوله لاخره...يابنتي دا احنا مشينا اكتر مابنمشي للكليه
مياده:اخس برضو..يرضيكي يعني اروح دا كله لوحدي والبست متبقاش معايا في يوم زي دا..وبعدين ماهي مردوضالك هقف معاكي برضو لما يجي دورك
نور بضحك:لااا لو بابهدله الي شوفتها دي مش عااااايزه
مياده بضحك:لااا ياما انتي بتقولي كده بس لكن ساعه القدر بيعمي البصر
ضحكوا هما الإتنين.....
الفصل الثاني
بقلم اماني الدسوقي
-ازيك ياحبيبتي عاملتي اى في الكليه؟
مكنتش عايزه تقولها عشان خلاص عدت علي خير..
=الحمد لله ياماما..هي فين نورا؟
_قالت بعد الكليه هتطلع هي وصحبتها مياده تشتري فستان لخطوبتها..عقبالك يانور عيني انتي واختك..
=بإبتسامه.... ربنا يخليكي ياماما
دخلت اوضتها وغيرت واتوضيت وصليت
كانت حاسه بحاجه غريبه مكنتش عارفه هي اى بس الي كانت عارفاه انها عايزه تعيط وخلاص..!
فتحت درج المكتب وطلعت منه ظرف قديم باين انه مهري طلعت منه ورقه متنيه مكتوب عليها N&A..♡
وطلعت سلسله كان فيها نص قلب
فتحت الورقه المتنيه وفضلت تقرأها ودموعها نازله علي خدها
"إلي أميرتي الصغيره...♡
إلي من عشقت بكائها قبل ضحكاتها..
إلي من سرقت قلبي وكانت سبباً في إبتسامتي يوماً...أُُحبكِ كثيراً
أُحبكِ للحد الذي لا حد له....♡
لقد نقشت إسمك في قلبي
وودت لو تعلمين ذلك
أكتب إليكِ تلك العبارات وأعلم جيداً إنكِ مازلتِ صغيره...لكني سأبقي منتظرك
اتمني أن تحتفظي بهذا وقد وضعت ايضاً هذه السلسلة لكي تتذكريني دائماً ويكون معي نصف ومعك النصف الأخر..♡
أحبك صغيرتي...♡"
طلعت السلسه ولبستها وفضلت تعيط
نوران:انت فين!!؟ مجيتش ليه زي ماوعدتني..سبتني ومشيت ليه؟!!!!
من ساعت مامشيت وانا بدور عليك ومش لاقياك..عشان خاطري ارجعلي محتجالك....♡
...............................
نورا:يارجلي ياااني يامااا...حسبي الله
ميادة:والله خلاص اخر محل وبعد كده هنروح
=لاااااا انا حرمت اجي معاكي انا عايزه اروح روحووووني
_يابنتي والله اخر محل خلاص هشوف هناك حاجه وخلاص هنمشي صدقيني
=ياخرة صبري يااااني انا اي الي جابني معاكي بس
_بدلع يااااانوري بقا...مين حبيبة ميادة الي هقف معاها في فرحتها زي ماوقفت معايا
=اه سبيليلي ياختي سبيليلي انجري قدامي
_ايوا بقا احلي نوري دي ولا اى
دخلوا المحل وفضلت تقيس وتجرب في الفساتين
السلام عليكم
وعليكم السلام..تحت امرك يافندم
_عايزين بس نشوف فساتين الخطوبه للمختمرات الي هنا
تمام يافندم يبقي تطلعي الدور الي فوق قسم المختمرات
_تمام شكراً لحضرتك
تحت امرك يافندم
_تعالي يانورا شوفي دا
=وريني.....يالهوي ياناااا ياامااا ارقع بصوت انتي عايزه تخربي بيت اهلك يابنتي
_بضحك خلاص خلاص
تحب اساعد حضرتك يافندم؟
=ايوا لوسمحت عايزين فساتين خطوبه بس رقيقه كدا وهاديه وسعرها حلو
تمام حضرتك..مين العروسه؟
مياده:انا
تمام اتفضلي حضرتك دي احدث الموديلات الي نازله
مياده:تمام اى رأيك يانورا في دا
=لا مش حلو اللون فاقع اوي..بصي شوفي دا هادي وجميل
_اشطا هدخل اشوفه وجايه خلي بالك من الشنط والتليفون
=تمام متقلقيش
بعد خمس دقائق...
نورا:ميادة تليفونك بيرن
ميادة:مين
نورا:سندي!!!
ضغطت علي المكالمه من غير ماتاخد بالها...
_انتي فين يامياده؟..اتأخرتي ليه؟
استمرت في كلامها ورفعت حاجبها..احمد لحق يبقي سندك!!!اه يافشاره
مياده بضحك: ياعبيطه دا عمر أخويا...وبعدين فيها اى لما يبقي احمد سندي وقرة عيني كمان هاااا
نورا:اااه يامرارتي وبكرا يبقي فشتك وكليتك...من هنا ورايح هسميكي بتاعت احمد
مياده بضحك اكبر:طب ردي ياختي بسرعه لحسن هيقلق عليا
دا كله وهو علي الخط وسامعهم وفطسان ضحك
نورا:سلام عليكم
عُمر: وعليكم السلام..
نورا: مين معايا؟
عُمر: انا عُمر اخو مياده..مين حضرتك؟
نورا:اهلا بحضرتك..انا نورا صحبة ميادة هي بس بتقيس الفستان بتقول لحضرتك متقلقش احنا اتأخرنا بس خلاص قربنا نخلص اهو وجاين
عُمر:تمام ماشي انا هبقي علي اتصال بيها
نورا:تمام
يلا يامياده خلصي عشان منتأخرش
_حاضر خلصت اهو اى رايك؟
اللهم بارك جميل اوي...واللون تحفه
_ايوا فعلا ونفس درجة اللون الي عمُر بيحبها
طب يالا عشان نحاسب ونمشي عشان اخوكي قلقان عليكي
_يالا
لو سمحت احنا خلاص هناخد الفستان دا اكرمنا بقا في السعر
تمام يافندم تحت امرك.... السعر....
مياده:ينهر ابيض الكارته خلصت ومش معايا كاش
نورا:ياااحوستي ياني طب هتعملي اى
مياده:مش عارفه...طب استني هكلم عُمر وهو يتصرف
مشيت شويه علي جنب وكلمته
مياده:لو سمحت معلشي ممكن نستني شويه اخويا جاي وهيجيب الفلوس معاه
_تمام يافندم مفيش مشكله
عدت نص ساعه....
عُمر:اتفضل الفلوس اهي
تمام يافندم نورتنا
عُمر:يالا يامياده..بس اى الفستان الجميل دا؟
_اى دا بجد عجبك؟!
عُمر:اه والله زوقك جميل جداً
_دا زوق نورا هي الي اخترته...
خد باله من نورا وافتكر الموقف وماسك الضحكه بالعافيه..تسلم ايدك والله جميل
نورا بكسوف:الله يخليك
ميلت ميادة علي نورا:مش يالا ولا اى؟!
نغزتها في جمبها من غير ماياخد باله:اتلمي
ميادة:اااي خلاص أسفين ياصلاح
_بضحك هستناكي ان شاء الله يانورا بكرا متتاخريش وغمزتلها هتجيلي بدري عشان الميكب وكدا
_تمام ياحبيبتي ان شاء الله
مشيوا وكل واحد روح بيته
..........................................
_السلام عليكم
=وعليكم السلام...اتاخرتي كدا ليه ياحبيبتي..قلقتيني عليكي
_معلشي ياماما عقبال مالفينا علي المحلات واستقرت علي الفستان
=تمام ياحبيبتي ادخلي غيري يالا عشان تاكلي
_حاضر ياماما
نوران....نوران..نوراااااان
_في اى عايزه اى؟
=متيجي معايا خطوبة صحبتي بكرا..
_لا مش عايزه وسيبيني في حالي بقا لو سمحتي
=ايتا ايتا ايتا الجميل ماله زعلان ليه؟
_مش زعلانه يالا امشي من قدامي بدل ماحدفك بالمخده
=اى دا للدرجادي فين الاخوات دول مش شايفاهم...الحق عليا كنت هظبتك
_امشي يابت انتي واقفلي الباب وراكي
=كدا يانونو اخس عليكي تعالي شوفي بنتك ياماما مش راضيه تيجي معايا
مامتهم:مينفعش يابنتي لازم تروحي مع اختك متسبهاش لوحدها
_بنفاذ صبر حاضر ياماما هروح معاها
تمام ياحبيبتي رينا يفرحني بيكم يارب انا داخله انام عايزين حاجه
في نفس واحد:تسلمي ياماما
_هاااا الجميل مقلش ماله؟
=مفيش...اتاخرتي ليه كدا بره
_مفيش ياستي ست ميادة اخرتنا النهارده عقبال ماختارت الفستان
_طب قومي يالا نظبط الفساتين الي هنحضر بيها
_ايوا بقا يانونو فكي كدا ياختي
=بضربه علي كتفها بس يابت انتي
_بضحكه خلاص خلاص
_بوصي البس دا ولا دا
=لا الاحمر فاقع اوي البسي البينك بتبقي فيه قمر
_تمام وانتي خدي بينك برضو نتقم مع بعض
=اشطا يانونتي
_اتلمي يابت انتي
=الله مش اختي الصغيره وبتدلع عليها
قوليلي بقا عملتي اى اول يوم جامعه
_اول يوم اى انا فرقه تانيه ياما
=ياشيخه مدوقيش المهم عملت اى؟
_عملت مصيبه..
=بخضه بتقولي اى!!!!!!!؟
_بضحك علي شكلها: اهدي بهزر مفيش حاجه
=والله تستهلي الضرب خضيتيني ياشيخه
_الله وانا مالي يالمبي....بدأت تحكيلها الي حصل
=واقعه علي الارض من الضحك:يخرب عقلك ياشيخه المعيد مرة واحده
_وانا كنت اعرف منين يعني الله
=طب خلاص احمدي ربنا انها عدت علي خير
_الحمد لله...بس انا خايفه يرجع في كلامه ويسقطني ولا حاجه
_لا متخافيش طالما قالك مش هعمل حاجه...بس ذاكريله اول بأول عشان هيحطك في دماغه ويسألك علطول
_حاضر ربنا يستر
=يالا تعالي اما انام عشان بكرا ورانا يوم طوييل عرييض نبقي فايقين فيه
_تمام...تصبحي علي جنه
=وانتي من اهلها