مش هتجوز منقبة
_هتتجوزها بالغصب
زعق جامد لأبوه لاء مش هتجوزها مش هتجوزها مش عشان
بنت صاحبك تجوزهانى بالغصب ده حتى حرام يبتاع الدين
.._أبوه بصله جامد بتاع الدين؟؟
اه بتاع الدين انت شيخ على الفاضى اصلاً
ابوه ضربه بالقلم ورد عليه.. طبعاً ما انت مبتركعهاش دلعتك
كتير وربيتك على الفاضى فكرتك راجل يقف فى ضهرى بس
انا الى استاهل اتهاونت فى تربيتك بس ملحوقة
. بابا لو سمحت انا اسف على طريقة كلامى بس انت عايز
تجوزنى واحده بالغصب عشان تعدلنى مش كده
ابوه بصله بهدؤء اه عشان تعدلك وكمان احب اقولك انها كفيفة يعنى مش بتشوف
ــــــــــــــــــــــ
بصله بصدمة... اية مش بتشوف وكمان منقبه وفجأة صرخ
انت عايز تجننننى مستحيل تكون أب مستحيل
ساب أبوه واقف وجرى خرج بره البيت وركب عربيتة وراح لمكانه المفضل البحر.....
ــــــــــــــ
كانت قاعدة عند البحر الى اكتر طريق حفظاه والبحر صحابها من زمان.
تنظر للبحر والدموع تملأ عيونها البنية اللامعة.
شوفت يا بحرى عايزين يجوزونى عشان انا بقيت حمل تقيل
اوى عليهم شوفت هيجوزونى واحد معرفهوش وكمان عشان
يعايرنى كل اما يشوفنى انا بجد تعبت بكت لمدة ساعتين فجأة سمعت حمحمت شخص وراها..
ــــــــــــــــــــــــــ
وصل لطريق البحر لقى بنت بتعيط لدرجة مؤثرة جدا راح
عندها وحمحم رفعت النقاب مسحت دموعها بسرعة ولفت لى...
ـــــــــــــــــــــ
حضرتك فى مشكلة بتعيطى بسببها؟!
_ها لاء شكرا مفيش
هو فاكر انها بتشوف بس استأذن منها وراح قعد بعيد.
بيفكر فى طريقه المجهول يا ترى اى هيبقى نصيبه فى الأخر،......
منى فحاجة 😥😥😥😥
الفصل الثاني
بقلم اميرة حسن
ــــــــــــــــــــــــــــــــــــــــــــ
_يا أنسة انتى نسيتى تليفونك استنى
أميرة لفت لى ومدت أيدها خدته وشكرته ومشيت
براء استغرب لما لقى
نفسه واقف باصص عليها لغاية ما تمشى والأغرب أن قلبة بيدق
اوى نفض الأفكار من دماغه ومشى روح البيت...
ـــــــــــــــــــــــــــــــــــــــــــ
أميرة يا أميرة.
_أيوه يماما نعم
اتأخرتي كده لى...
_أسفه الوقت سرقنى
فضلت بصه ليها بتوتر طيب البسى يلا عشان العريس
_أميرة عينها دمعت لأنى
عرفت أن الى قلبها بيحبه رفضها مش عوزها حتى من قبل
ما يشوفها وصعب عليها نفسها أنها مش بتشوف...
ماما ارجوكى بالله عليكي اقنعى بابا مش هقدر اوافق وفجأة عيطت جامد حرام عليكم
لى بتحسسونى أنى حمل عليكم طيب سبونى امشى ومش
هتشفونى تانى واوعدك مش هيبقى عندك البنت الى كلكم
بتكرهوها عشان عامية صرخت بكل قوتها مش مواااافقة ارحمونى ومشيت وراحت اوضتها وهى بتسند بإيدها على كل
حيطة عشان توصل.....
مامتها واقفة مصدومه
من الى حصل يمكن فعلآ هى على حق طب لى بيتمنوا موتها
وانها ياريتها ما كانت جت طب لى هى بتعمل كده فى بنتها......
ـــــــــــــــــــــــــــــــــــــــــــــــــــــــــــــ
براء روح البيت لقى أبوه قاعد مستنية مرديش يتكلم ومشى اتجاه اوضته وقف
مره واحده بسبب صوت بباه.
_كنت فين يا بيه
براء بصله ببرود واتكلم انا
مش صغير عشان تقعد تسألنى..
_أبوه بصله بسخرية..
طبعاً واحد بتاع بنات اكيد مع الى يشبهوك بس اجهز يا عريس
كتب كتابك الليلة وغصب عنك...
براء زعق جامد....
مش هتجوز لغايه امته هتعتبرنى العيل الصغير الى هتمشيه على
مزاجك هتجوزنى عامية ومنقبة انا حر دى حييااتى متدخلش
ولا اقولك انا هسيبلك البيت وامشى سابة وجرى فتح الباب
ونزل ركب عربيته وراح شقته الى محدش يعرف طريقها غيره....
ـــــــــــــــــــــــــــــــــــــــــــــــــــــــــــــــ
أبو أميرة روح البيت بعد ما أمها بلغته بالى حصل وروح متعصب جامد فتح باب
اوضتها بعصبية لاقها قاعده على سجادة الصلاة بتعيط وبتدعى
ربنا بأنين خافت مسحت دموعها بسرعة وقامت وهى فى قمة الخوف من ان ابوها يضربها زى ما بيعمل..
.....
اتكلم بعصبية شديدة... الى انتى هببتيه ده ها قوليلى مش موافقه لى لتكونى شيفالك
شوفه تانية فجأة كلامه اتحول لسخرية تشوفى اه اقصد
مبتشوفيش أميرة صعب عليها نفسها جامد أن اكتر حد
المفروض يكون سندها بيهنها بالشكل ده فضلت واقفة ودموعها نازله وهو واقف ومش مديها اهتمام بيزعق لها بس...
...
كل الى فى دماغها ازاى بيقولوا البنت أميرة أبوها وازاى هو بيعاملها كده بتصعب عليها
نفسها لما تلاقيه بيكلم أختها بحنية لما أختها تعيرها بمرضها
وعجزها وتحسسها بأنها وحشة.... فجأة أميرة صرخت انت لى بتكرهنى ما تعرفنى الأب حنين
انت فين حنيتك نفسك تقتلنى
ومش عارف طب قولى وهريحك انا عارفه انك بتحاول تخلص منى كل يوم ابوها بصلها بصدمة ازاى عرفت...؟
سكتت وبعدين اتكلمت ودموعها بتنزل مش بتقف طب قولى عملتلك اى يا بابا يالى انت
المفروض سندى وقت ما ضهرى يتكسر طب اسند على
مين وابويا الى خلفنى وجابنى الدنيا بيعمل فيااا كده صوتها اختلط
بالدموع وصرخت ما ترررد عليا سااااكت لى قبل ما تكمل الجملة مسكت دماغها جامد وفجأة وقعت من طولها......