رواية (عنيد غير حياتي)
الفصل الثانى والثالث
بقلم لبني عبدالعزيز
🌷الفصل الثاني
داده ثريا:انتي كنتي بتجري في وقت زاي دا لي
تنهدت يارا ثم قالت
"فلاش باك"
الساعه 12 بعد منتصف الليل كانت يارا داخله المطبخ علشان
تشرب دخل حسن جوز امها وراها
يارا: خير في حاجه ياحسن
حسن بيقترب منها: كل خير يا حلوة
يارا:عايز ايه يا حسن في ليلتك السوده دي
حسن: عايزك يابت
يارا:اتكلم عدل و اوعي من وشي بدل ما اصوت وألم عليك الناس
حسن: امك واختك لو صوتي من هنا لي بكرا محدش هيسمعك
والبابا مقفول يعني اسكتي احسن
حاول يتهجم عليه قاومته لي حد لما زاقيته
وقع ع دماغو جريت مكنش في قدمي غير باب الشقه نزلت اجري في الشارع وانا مش
حاسه بنفسي لغايت لما فوقت هنا
"فلاش باك"
داده ثريا:اهدي ياحبيبتي اسفه اني سالتك
يارا: بعياط منه لله حسبي الله ونعمه الوكيل فيه انا بس خايفه علي ساره وماما يعمل فيهم حاجه
دادة ثريا: متخفيش
يابنتي ربنا معاهم تصبحي علي خير يا حبيبتي
يارا : وانتي من اهل الخير يا دادة
صباح جديد في بيت أهل يارا
مامت يارا (شيماء):
قومو يلا يا بنات كل دا نوم وانت بردو يا حسن مش هتقول ايه الي في دماغك دا
حسن:قولتلك يا شيماء وقعت وانا رايح اشرب
شيماء:طيب يا حسن
ساره:ايه يا ماما امال فين يارا
(ساره اخت يارا 18سنة)
شيماء: معرفش هي مش عندك
ساره :لا
شيماء:ممكن تكون نزلت بس لو نزلت كانت قالتلي
حسن: ممكن تكون
هربت مع واحد بنت ال.......دي
شيماء:احترم نفسك
ياحسن انا مربيه بنتي وعرفها كويس
حسن: انا مالي اولعو ببعض
شيماء:انت عارف لو حاجه حصلت لي بنتي وانت كنت السبب
صدقني مش هعديها
حسن:غورى من وشي انتي وبنتك لما نشوف التانيه راحت في اني داهيه
ساره: وبعدين يا ماما انا خايفه اوي علي يارا
تنهدت شيماء:ربنا يجيب العواقب سليمة
في فيلا الدمنهوري
صحي مازن استغرب انو مش في اوضته افتكر الي حصل
امبارح ثم نهض الي أسفل الفيلا
مازن: صباح الخير
محمد الدمنهوري والد مازن:صباح الخير يا مازن
سمية مامت مازن :
صباح النور يا حبيبي ايه دا انت كنت بايت في الشركة
جني:صباح النور يا ميزو
(جني اخت مازن 20 سنه)
مازن:لا يا ماما اصل..
..ثم قص عليهم كل الي حصل
محمد الدمنهوري:يا خبر كل دا حصل
سمية:طب انا هطلع اشوفها انا واختك لتكون محتاجه حاجه
مازن : ايو علشان هي مش بتقدر تقوم
جني:وانت خايف عليها ولا ايه ياسي مازن
مازن بصوت واطي
: انا منكرش انها قمر قصدي اخاف ايه هو انا اعرفها يابت انتي
ويلا غورى صحيها علشان عايز حاجات من الاوضه
جني: طيب يا اخويا
محمد الدمنهوري: متتاخرش يامازن علشان في شغل كتير
مازن: حاضر يا بابا
في اوضه مازن ........
الفصل الثالث
في اوضه مازن
جني:ممكن ندخل
يارا:اتفضلو
سمية:احنا ازعجناكى ولا حاجه
يارا: لا طبعا دا البيت بيتكم انا الي دايقتكم
سمية:لا ياحبيبتي د انتي منوره والله
يارا: بنورك يا حبيبتي
جني:انا جني اخت مازن ودي ماما سمية وانتي بقا اسمك ايه
يارا: تشرفت بمعرفتكم انا يارا
سمية: رجلك عامله ايه النهارده بقا
يارا: الحمدالله
الباب خبط وكان مازن: ممكن ادخل
سمية: اتفضل يا مازن
مازن: عامله ايه يا اسمك ايه انتي
يارا: اسمي يارا وبعدين لما تكون مش عارف اسم حد متتكلمش معا احسن
مازن: انا اعرف اسمك ليه يا بتاعه انتي
جني:بااااااس اسكتو بقا خلاص هي اسمها يارا و كويسه
الحمدالله يا مازن وانتي يا يارا انا اسفه بالنيابه عن مازن خلاص بقا
يارا :علشان خاطرك بس يا جني
مازن خد حاجاته ثم قال :شوفي يا ماما هتعمل ايه يارا دي
مش هفضل نايم بره اوضتي كتير وخرج
صمتت يارا ولم تقل شئ
سمية:وانتي ايه الي كان منزلك بليل كدا و بالهدوم دي
حكت يارا لهم وهي تبكي
جني :متزعليش مفيش حاجه تستاهل القمر دا يعيط
سمية:اهدي ياحبيبتي الحمدالله تهربي منه
يارا: الحمدالله بس انا عايزه امشي من هنا يا طنط
سمية:ايه الي بتقولي دا مينفعش طبعا
جني:ايه دا بقا انتي عايزه تمشي وانا الي فرحت اني لاقيت حد ارغى معا
يارا:انا كده هعمل مشاكل كتير بينكم وانا مش عايزه كده
سمية:مفيش مشاكل ولا حاجه متزعليش من كلام مازن
يارا : حاضر
جني: انا هنزل احضر فطار واجي علشان نفطر سوا
خرجوا وظلت يارا تفكر في مازن و ازاي هتتعامل معا لو فضلت هنا
في الشركه عند مازن
ادم: ايه ياعم بقالي سنه هنا وانت مش معايا خالص
(ادم 24سنه اعز صديق عند مازن)
مازن:معلش يا ادم اصل
منمتش من امبارح بسبب حوار كده
ادم: حوار ايه دا
مازن: امبارح وانا مروح خبط واحده بالعربيه
ادم:يا خبر وماتت ولا عملت ايه
مازن: لا زاي القرده وعندي في البيت
ادم : ايه عندك ف البيت بتعمل ايه مروحتهاش ليه
مازن: معرفش بس هي قالت إنها سايبه البيت
ادم: يخربيتك ليكون حوار علشان تقلبكم
مازن:دي بريئة وقمر اوي بس لسانها عايز يتقطع
ادم: يبقا لازم اشوفها ويلا علشان عندنا اجتماع
مازن: روح انت وانا جاي
في الفيلا عند يارا وجني
جني : وانتي بقا عندك اخوات
يارا: اه ساره في 3 ثانوي وانتي عندك اخوات غير ابو قردان دا
جني بضحك: يخربيتك هموت لو مازن سمعك هيدفنك صاحيه
يارا:سيبك منه ولا يهمنى
جني: براحتك بس خلي بالك
يارا: حاضر جني ممكن اطلب منك طلب
جني: اكيد طبعا
يارا: ممكن اجي انام معاكي في اوضتك
جني:الله بجد طول عمرى
نفسي في اخت علشان تنام جمبي وبالمرة غيرى هدومك الي اتبهدلت من الواقعه دي
يارا: طب يلا قبل ابو قردان ميرجع
جني بضحك : يلا ياقلبي
في بيت يارا
ساره: وبعدين يا ماما هنفضل مش عارفين حاجة عنها و تليفونها كمان هنا
شيماء: مش عارفه انا خايفه يكون حصلها حاجه وكمان مش عند حد من صحابها
ساره : طب هننزل ندور عليها تاني امته يا ماما
شيماء: بكرا انشاء الله
في فيلا الدمنهوري
سمية: بس شكلها غلبان اوي
محمد: ايو ربنا يشفيها
دخل مازن من باب الفيلا
محمد : اتاخرت لي في الشركه كل دا
مازن : خلصت اجتماع وشويه اوراق هطلع اخد شور وانام شويه
سميه: ماشي يا حبيبي نام في اوضتك
مازن: هي يارا مشيت
سميه: كانت عايزه تمشي بس احنا موافقناش و هتنام مع جني
مازن:ماشي يا ماما
في اوضه مازن
مازن: ايه الريحه الحلوه دي دا مش البرفيوم بتاعي اه افتكرت دي نفس ريحه البت
الشمتها وانا شايلها وايه الغباء الي انا في دا اكيد هي هو
حد نام هنا غيرها اخرتها ايه يارا دي
عند جني ويارا
جني: يارا
يارا:...........
جني بزعيق : يااااررراااااااااااا