رواية (عنيد غير حياتي)
للكاتبة لبني عبد العزيز
🌷الفصل الثامن والتاسع قبل الاخير🌷
ادم كان بيكلم جني
ادم: جني عايز اقولك حاجه
جني: اتفضل
ادم : بصي انا مش بعرف اتكلم هقول ايه حاجه وانتي حاول تفهمي😂
جني بعدم فهم: حاضر اتكلم
ادم: بصي بقا ياستي انا من ساعت لما عرفتك وانا مش عارف حصلى ايه حسيت بإحساس
غريب اول لما خبطينى حسيت أن قلبي هو الي وقع في جمالك مش انتي الي وقعتى كل يوم بفكر فيكي اكتر من اليوم
الي قابله مبقتش عارف اكمل يومي غير بيكي حاولت امنع نفسي منك علشان مازن
بس مقدرتش انا بحبك اوي اوي يا جني
جني قرات المسدج وكانت طايره من الفرحه علشان هي كمان
بتحبه من ساعت لما شافته فضلت شويه مش عارفه تتكلم تقوله ايه
ادم: جني انتي مش بتردي ليه في ايه
جني: مفيش بس مش عارفه اقولك ايه ومينفعش ارد عليك
غير لما تقول لي مازن علشان هو واثق فيا وانا مينفعش اكسر ثقته فيا
ادم: وانا هحترم رايك و هقول لي مازن في اقرب وقت
جني: ماشي يا ادم تصبح على خير
ادم: وانتي من اهلي
فرحت جني اوي وفضلت قاعده مبتسمه و سرحانه كتير
يارا: ايه يا جني بقالك كتير كده في ايه
جني: ادم اعترفلي بحبه
يارا: بجد طب الحمدالله وانتي عملتي ايه
جني: انا فرحت اوي طبعا وكان نفسي اقوله اني بحبه بس
قولتلو لازم تقول لي مازن الاول علشان تعرف ردي
يارا: ايو كده برافو عليكي
جني بفرحه: انا فرحانه اوي يا يارا
يارا: ربنا يفرحك على طول و يجعله من نصيبك
جني: يارب يارا يلا ننام بقا علشان احلم بي😂
يارا: يلا ياختي
نامت جني وهي فرحانه اوي وادم كمان وعد نفسه انو لازم يقول لي مازن في اقرب وقت
يوم الاجازه بتاعت مازن وادم
مازن: صباح الخير ياست الكل
سميه : صباح الخير يا حبيبي
مازن: امال فين بابا
سمية: بابا نايم فوق
مازن: ماشي يا ماما انا كلمت الدكتور علشان يارا احتمال تفك رجليها النهارده
سمية:طيب يا مازن بس هنعمل ايه دي كده هتمشي و هي
ملهاش حد غير بيتها وهي سابته
مازن: هي قالتلي انها كليه تجاره يعني هخليها تشتغل معانا
في الشركة و تقعد لو صممت أنها تسيب الفيلا هقعدها في ايه شقة
سمية : ربنا يخليك لينا يا مازن هي طيبة اوي الحمدالله أنها قبلتك انت و مقبلتش حد ابن حرام
مازن: الحمدالله يا ماما انا هروح اكلم الدكتور بقا
سمية: ماشي ياحبيبي
جي الدكتور وكشف علي يارا
يارا: هفكها يادكتور صح
الدكتور: صح يا استاذه يارا كويس انك سمعتي الكلام و متحركتيش
يارا بفرحه: هييييييه اخيرا بقا
مازن فرح اوي أنها خفت و زعل أنها ممكن تمشي بعد لما حس انه فعلا بيحبها
الدكتور: استني بقا علشان افكها
فك الدكتور الجبس ويارا قامت علشان تمشي بس كانت هتقع مسكها مازن
مازن:خلي بالك يا يارا
يارا كانت هتعيط: ايه دا هو انا مش هعرف امشي ولا ايه
الدكتور : لا هتعرفي طبعا بس لازم الاول تسندى علي حد
فضل مازن ماسك ايدها و بتمشي براحه خالص
الدكتور: ايو كده واحده واحده عن اذنكم انا بقا
مازن: خدي يا جني امسكي يارا انزل الدكتور
نزل مازن هو والدكتور وكلم ادم في التليفون
مازن: انت فين
ادم: في البيت
مازن: طب تعالي عندي في البيت
ادم فرح اوي علشان هيشوف جني: حاضر ثانيه و هكون عندك
مازن: بقولك انت وجي هات شيكولاتة
ادم : شيكولاتة ليه يعني
مازن: انت مالك أنجز بقا
ادم: خلاص حاضر باي
مازن: باي
مازن كان طالع عند يارا لاقها نزله هي وجني
يارا: اوعي بقا يا جني امشي لوحدي
جني: لا علشان متقعيش
يارا: مش هقع والله همشي براحه
جني سابت يارا و يارا مشيت براحه لي حد لما نزلت
راح مازن ثقف لي يارا: برافو عليكي
يارا: هييييه الحمدالله
سميه: حمد الله على سلامتك يا حبيبتي
يارا: الله يسلمك يا طنط
جني بحزن:انتي خلاص هتسبينا و تمشي
يارا : ايو لازم انا دايقتكم كتير اوي
مازن: يارا انتي قولتي متعرفيش حد هنا غير بيتك صح
يارا بحزن : اه
مازن: طيب مش انتي قولتي انك كنتي في كليه تجاره
يارا: اه
مازن:يعني ينفع تشتغلي معانا في الشركة
يارا: اه ينفع
مازن: خلاص انتي تشتغلي معانا و تقعدي هنا لي حد لما تبقا الدنيا معاكي كويسه
يارا: بس
سمية : بس ايه هو كلام مازن كده صح
جني: وافقي بقا يا يارا
يارا: حاضر موافقه ربنا يخليكم ليا
وصل ادم الفيلا
ادم : السلام عليكم
الجميع: عليكم السلام و رحمه الله وبركاته
ادم بص لي جني الي كانت مكسوفه ومش عايزه تبصله خالص
مازن: فين الي قولتلك عليه
ادم: اهي خد
خد مازن الشيكولاته وادها لي يارا
يارا: ايه دا
مازن: شيكولاته
يارا: عارفه انها شيكولاته بتاعت مين
مازن: بتاعتك انتي علشان قمتي بالسلامه
يارا: بجد الله انا بحبها اوي
مازن: عارف مفيش حد مش بيحب الشيكولاته
جني: وانا كمان عايزه
مازن: هجبلك يازفته بس مش دلوقتي
جني: يووووو ماشى وخرجت في الجنينه
ادم : معايا تليفون دقيقه وجي يا مازن
مازن: ماشي
خرج ادم ورا جني
ادم : جني
جني : نعم
ادم: اتفضلي الشيكولاته الي كنتي عايزه منها
جني:دي علشاني انا
ادم: اه ادها الشيكولاته ودخل
فرحت جني اوي وكان مكتوب علي الشيكولاته بحبك يا جني
فضلوا قاعدين مع بعض طول اليوم جني كانت بتجيب الفون من فوق في الاوضة لاقيت
مامت يارا رنت كتير اوي نزلت جني علشان تقول لي يارا
جني: يارا مامتك رنت كتير اوي و الفون كان فوق
يارا: خير يا رب و رنت علي مامتها
الفصل التاسع
يارا: خير يا رب و رنت علي مامتها
.......الووووو
يارا بخوف:انتي بتعيطى ليه في ايه
سارة : الحقيني يا يارا حسن عايز يقعدني من المدرسه
وبيقولي ان صاحبه جاي بكره علشان يتجوزني
يارا:ايه الي بتقولي دا
"فلاش باك"
حسن: الي هقوله هيتنفذ يا شيماء سارة مش هتروح المدرسة
دي تاني و هتتجوز علي صاحبي احسن تهرب مع واحد هي كمان
شيماء : مش هيحصل ابدا يا حسن غير علي موتي و بنتي مهربتش
حسن: يبقا هتموتي يا شيماء فضل حسن يضرب في شيماء
سارة بعياط : خلاص والنبي ياحسن انا موافقة سيبها بقا
حسن ساب شيماء: ايو كده اسمعي الكلام وبكره هكتب كتابك علي علي
سارة بتعيط وخدت امها واتصلت علي يارا
"فلاش باك"
يارا: حسن دا زودها اوي وانا سكت كتير وربنا مش هسكت
تاني ابدا متخفيش ياحبيبتي انا هجيلك دلوقتي
سارة : تعالي والنبي بسرعة يا يارا و هاتي البوليس معاكي
يارا: حاضر يا سارة
قفلت يارا مع سارة وحكت كل حاجه لي مازن وجني
مازن: طيب يلا علشان اجي معاكي انا وجني
يارا: لا انا ازعجتكم كتير اوي انا همشي لوحدي شكرا جدا ليكم انتم ناس طيبين اوي
جني: انتي عبيطه يا يارا
مازن: اطلعي البسي يا جني علشان منتأخرش
نزلت جني ويارا ومازن كلم البودي جارد علشان يكونه معا
وصلو عند بيت يارا طلعوا عند الشقه الباب خبط
حسن:تعالي افتحي يا شيماء
محدش رد عليه قام فتح الباب
حسن: ايه دا انتي لسه عايشة ربنا مخدكيش يا ست يارا
خرجت ساره وشيماء علي صوته
يارا بنظره كره: لما اخد روحك ابقا اموت
خاف حسن من كلامها و بص
علي الباب شاف جني ومازن وهو بيبصله بغل
حسن بضحك: مين دول يابت شكلهم ناس نضيفه تعرفيهم
منين اوعي تقولي أن دا الواد الي هربتى معا
مازن في اللحظة دي مقدرش يمسك نفسه هجم على حسن وضربه
حسن : شوفتي بنتك الشمال جايبه الرجاله لي حد هنا علشان يضربونى
مازن: بنتها دي أنصف من عشرة زيك انا جوزها يا حيوان
حسن : شوفتي كلامي طلع صح وهرب مع واحد
مازن: انت مش هتسكت بقا
فضل يضرب في لي حد لما فقد الوعي
مازن: يلا يارا هاتي مامتك و اختك علشان نمشي
يارا مكنتش فاهمه حاجه بس كانت خايفه من مازن لما اتعصب
دخلت يارا حضنت سارة جامد و كانت هتحضن مامتها بس شيماء سبقتها و ضربتها بالقلم
نزلت يارا تجري علي الشارع وهي بتعيط
مازن: هاتيهم يا جني وتعالي وانا هخلي البودي جارد يجيبه الكلب دا عندي
نزل مازن ورا يارا وكانت واقفه قدام البيت و بتعيط
مازن حط ايدو علي كتفها: اهدي هي اكيد متعرفش الحقيقه
فضلت يارا علي صامتها اكتفت بأنها تبص علي مازن وساكته
فوق عند جني كانت حكتلهم كل حاجه
شيماء: يقطعنى يابنتي انا السبب في كل دا انا الي عملت فيكم كدة
جنى: خلاص يا طنط اهدي يارا طيبه ومش هتزعل يلا ننزل بقا علشان مازن هيقتلني
نزلوا كلهم و ركبوا العربية
مازن: هو حضرتك عايزه تطلقى
شيماء: اه اكيد يابني لو تعرف بس دا مع الشقه وكل حاجه باسمه
مازن استغرب من طريقتها وأنها كلمته عادي : متخفيش كل حاجه هترجعلك
شيماء: ربنا يخليك
يارا كانت زعلانه اوي من امها بس بردو كانت واحشها جدا
قضلو ساكتين طول الطريق وصلو البيت عند مازن
مازن: يا طنط دلوقتي حضرتك هترتاحي و انشاء الله بكرا كل حاجه هتكون خلصت و اطلقتي من حسن
شيماء: مش عارفه اقولك ايه والله احنا تعبناكم اوي
مازن: لا تعب ولا حاجه انتي يا جني خدي يارا وسارة واطلعوا
فوق وانا هودي طنط الاوضة الي هتنام فيها
جني: حاضر يا مازن
طلعوا فوق كلهم مازن فضل يتكلم هو وشيماء كتير
عند يارا
سارة: بس انتي كنتي وحشاني اوي يا يارا
يارا: وانتي كمان ياحبيبتي وماما كانت وحشاني اكتر بس انا زعلانه منها اوي
سارة : متزعليش ماما عرفت من جني كل حاجه واديقت اوي
يارا: طب الحمدالله علشان بجد كان هيحصلى حاجه لو
مكنتش صدقت ايه دا هي البت جني دي ساكته كده ليه
سارة بضحك علي جني : معرفش في ايه
جني: بصي يا يارا قالي ايه ادم قالي انو هيكلم مازن بكرا وانا فرحانه اوي و خايفه اكتر مازن يرفض
يارا: ياقلبي ربنا يفرحك علي طول لا هيوافق اكيد دا صاحبه
جني : يارب يا يارا ويفرحك انتي كمان مع الي في بالك
يارا افتكرت مازن لما قال قدامهم انه جوزها وفرحت اوي
عند مازن وشيماء
شيماء:ربنا يفرحك يا حبيبي وانا هبقا جمبك في ايه حاجة
مازن : يارب يا طنط ويخليكي تصبحي علي خير بقا
شيماء: وانت من اهل الخير