روايه#أسيل_والمجهول
الفصل الثانى عشر والثالث عشر
بقلم ايه يسرى
عند محمد
اسيل وندا ومامته قاعدين قدام العنايه واذ فجاه يلاقو الممرضه والدكتور بيجرو على العنايه يسالو الممرض يقول:المريض قلبه وقف.....
مامته: اى ابنى هاتولى ابنى وجريت على الاوضه الممرضين مسكوها وعطولها حقنه مهدئه
اسيل بصدمه: م..حمد لا لا وهبطتت دموعهااا
ندا بصراخ: لا محمد لا متسبنيش
(هو دا قانون الدنيا بتسيب الوحشين وتاخد ديما الناس الحلوه 💔)
وتم إجراء الدفن
Aya Yosry
فى بيت محمد
امه قعده فى حضن امه اسيل بتعيط
وناس طالعه وناس داخله والحزن خيم على المكان
واسيل انطفت من العياط واغمى عليها كتير
نداا انكسرت بعد موت اخوها سندها كان بمثابه ابوها
احمد وقف جنبهم وعمل كل حاجه ووقف مع النااس
عند مامت محمد
امه: وحشتنى يامحمد اووى
ربنا يرحمك ويغفرلك يابنى كنت زى البلسم
مامت اسيل: ربنا يرحمه ويصبرك يا امو محمد شدى حيلك عشان نداا
امه: اهااا يابنى اتالمت كتير يانن عيونى ربنا يجعل تعبك فى ميزان حسناتك
وعند اسيل قعده في ركن لوحدها ونزله عياط على احلمها اللى رسمتها مع محمد على حبه ليها واهتمامه وخوفه عليها كانت احلى فتره فى حياتها ولكن الحلو مابيستمرش كتير
كان ديما بيجتهد فى شغله عشان يظبط شقته كان بيسالها على الالوان مكنش عايز يعمل حاجه الا لما يعرف رأيها كان ديما بيقولها دى شقتك ومحدش هايعيش فيها غيرك
قعده تفتكر كل مره عزمها فيها على الغدا بتفتكر لما كان يقولها وحشتيني وتتكسف بتفتكر لما قالها انتى اجمل بنت شافتها عيونى بتفتكر يوم مااعترف ليهت بحبه وكل مابتفتكر تعيط وتنهار اكتر
اسيل: هاتفضل احلى حاجه حصلتلي يامحمد هافضل فاكراك طول مانا بتنفس هاتوحشنى اووى 💔
Aya Yosry
عند مجهولنا
رن فونه
هو:الو ...مين معايا
الشخص:انا ياباشا عندى اخبار ليك
هو:اخلص قول اللى عندك
الشخص:خطيب الانسه أسيل توفى امبارح
هو بصدمه:اى دا هو مات....لا حول ولاقوةالابالله....مات ازاى 😳
الشخص:ياباشا كان عندو كانسر
هو:ما..شى اى اخبار تانيه قولى وابقى تعالالى المكتب بكره
الشخص:تعيش وتدى ياباشا
قفل معاه بس لسه فى صدمه
ازاى دا حصل طب اسيل حالتها ازاى دلوقت ياتراا عامله اى 💔
عند اسيل
روحت هى ومامتها وبابها
دخلت على اوضتها على طول اخدت شاور ولبست بيجامة زيتونى وسابت شعرها لبست الاسدال وصلت دعت ربنا كتير انو يرحم محمدويغفرله وقرات عليه (سوره يس)
ونامت على السرير وغصب عنها دموعها نزلت وافتكرت لما كان بيبعتلها مسچ قبل متنام ومسج اول ماتصحى حتى وهو تعبان منساش المسج
أسيل بهمس:سبتنى ليه يامحمد انت...انت وحشتني اووي
وبعدين لقت مسج اتبعت وللحظه افتكرته محمد ولكن خاب ظنها لما لقت المسج من مجهول بيقول
(البقاءلله يا اسيل شدى حيلك وخلى بالك من نفسك ومتنسيش انو فى مكان افضل بكتير من هنا فعشان كدا امسحى دموعك دى وادعيله سلام)
اسيل استغربت ازاى اللى كتب المسج عارف انها بتعيط فى الوقت دا وشكت ان دا نفس الخيال الاسود نامت
Ayayosry
يوم جديد
عند رونزى
رونزى: عبد الله فين
مامتها: فى الشغل
رونزى: طب انا عاوزه اروح لى اسيل اعمل اى
مامتها: اتصلى بيه وقوليله
رونزى: حاضر................ الو ايوه يا ابيه احم كنت عاوزه اروح لى اسيل ممكن هى ساعه وربنا وهاجى على طول
عبدالله: ماشى اتصلى بيا لما تخلصى
رونزى: شكرن
وجريت علىالاوضه لبست وخرجت
عند أسيل صحيت بدري اتوضت وصلت الصبح وخرجت للبلكونه بعد ماعملت كبايه قهوه الجو جميل الصبح وطبعاا مبتسلمش من التفكير في محمد والعياط
مامتها دخلت عليها البلكونه
امها:اى دا انتى بتعيطى!
اسيل:لا ابدا مش بعيط
امها:اسمعي يا اسيل محمد لو كان عاش بالمرض دا كان هايبقى عذاب ليه عشان لا انا ولا انتى هانحس بيه محدش بيحس بحد والموت علينا حق وكل واحد فينا هاياخد جولته فى الحياه وبعد كدايروح للى خلقه فاحنا خلاص نبطل عياط ونفوق لنفسنا ولى دراستنا تمام يا روحى
اسيل وحضنت مامتها:ربنا يخليكي ليا وميحرمنيش منكك كلامك ريحنى اووى
مامتها:ربنا يريح قلبك وبالك يا جميلتى
الجرس رن
مامتها:هاشوف مين
فتحت لقنتتتت رونزى
رونزى:ازيك يا طنط عامله اى
مامتها:الحمدلله بخير تعالى اتفضلى
رونزى:هى موجوده
فى اوضتها ادخلى
دخلت على أسيل
رونزى:بخ انا جيت
اسيل: تعالى
رونزى:عامله ايه ياقلبي
اسيل:كويسه
رونزى:طيب تعالى نخرج شويه
اسيل:لا مش عاوزه
رونزى:طب كلتى
اسيل:لا
رونزى:طيب هاطلب بيتزاا عارفه انك بتحبيها
اسيل:رونز بلييز انا مش عاوزه
رونزى:لا هاطلب عشان انا كمان ماكلتش حاجه م الصبح
طلبت رونزى البيتزا
رونزى:ياله قومى خدى شاور ع مالبيتزا تيجى
اسيل:طيب
قامت خدت شاور ولبست بيجامة سودا وطلعت
رونزى: قمر اقسم بالله.....يلا البيتزا جات
طالعو البلكونه وقعدو وعم السكوت وفجاه
رونزى:ناويه تعملى اى
اسيل بستغراب: فى اى
رونزى:فى حياتك
اسيل بشرود:مش عارفه حاسه اني مخنوقه ومكسوره ومليش نفس اعمل اى حاجه
رونزى:طيب هاحاولى تفكى على نفسك وبعدين انتى كنتى مخطوبه بس يعنى مش متجوز وبعدين الشخص المريض لمآ يتوفى بيرتاح صدقنى ومحمد كان تعبان خالص وربنا رحمه فانتى دلوقت تدعيله اكيد هوا هايزعل لما يشوفك بتعملى فى نفسك كدا
أسيل:بدعيله والله بس ساب فراغ كبير فى حياتى
رونزى: ان شاء الله مع الايام هايتملى وبعدين انتى عشرين سنه يعنى لسه صغننه يا صغنن
اسيل:ياختى اتنيلى
رونزى:طب انا هامشى عشان ماما لوحدها
اسيل:ماشى يا رونز تبقى تعالالي تانى
رونزى:ان شاء الله ياقلبى..... سلام
Aya Yosry
عند مجهولنا
قاعد فى اوضته بيفكر في اسيل واللى حصلها وياترا اى حالتها
طلع فى البلكونه وقعد يفتكر فى اول مره شافها وكانت فى تالته اعدادى
Flash
هو:لو سمحت هوا مستر ادم موجود
المشرف:ايوه موجود في الحصه دلوقت
هو:طب ممكن ادخله هاديلو حاجه وهاطلع
المشرف:ماشى ادخله هو تانى فصل على الشمال
مشى واتلغبت فى الفصل وفتح فصل تانى لاقى اسيل قعده هى وصحبتها وبتغنى لصحبتها وكان شكلها تحفه اول ماشافته اتكسفت جامد وهو طلع بسرعه
Back
اهاا يا اسيل بقالى سنين مشعارف اطلعك من دماغى مع كل ثانيه بتوحشني انا تعبااان.
..وهنا فرت دمعه من عيونه....اهااا يارب ليه ديما كدا ليه ديما بتعذب ليههه انا تعبتتت والله حرام شال مسؤليه البيت
من ونا 16 ماعشتش حياتى كنت بطلع الصبح الشغل ويدوبك استأذن ساعتين عشان درسي وارجع تانى كنت ببص على صحابى واقول اشمعنا اناا..اشمعنا انا اللى تعبان فى حياتى حتى البنت
اللى حبتها اتخطبت لواحد تانى حتى دى اتكسرت فيها دعيت ربنا تكون ليه استنيت تدخل
الكليه واجى اخطبها ولكن اتفاجأ انها بقت تبع حد تانى ليه انا عملت اى لى كل دا 💔💔مسح
دموعه ودخل اخد شاور ونام وقبل ماينام سمع صوت حد بيعيط جامد قام من ع السرير طلع لاقى الصوت من اوضه امه فتح ودخل لاقى مامته....
روايه #أسيل_والمجهول
الفصل الثالث عشر
دخل لاقى مامته قعده على السرير وبتعيط جامد جرى عليها
هو بخضه: مالك يا أمى بتعيطى ليه
امه:.........
هو: ردى عليا مالك بتعيطى ليه انتى تعبانه
امه:شو..فت كا..بوس وحش عليك
هو:طيب اهدى انا جنبك اهو مفيش حاجه وبعدين دا من الشيطان قولى اعوذبالله من الشيطان الرجيم وسمى الله ونامى وراح حضنها وطبطب عليها لحد مانامت باس دماغها وطلع دخل اوضته وهو حزين على حاله وحال امه واللى الدنيا عملته فيها
ونام
Aya Yosry
عند اسيل
دخلت مامتها الاوضه
مامتها:اللى بيحصل دا مش هاينفع انا بقولك اهو
اسيل بخضه:فى اى طب حتى صباح الخير
مامتها بزعيق جامد:حرام اللى بتعمليه فى نفسك دا قومى وشدتها وقفتها قدام المرايه
انتى شايفه نفسك عمله ازاى فين جسمك خسيتى النص وتحت عيونك اسود وشعرك بيقع مش غذاا خلاص هانوقف حياتى عشان واحد كان تعبان
وربنا رحمه الحزن فى القلب انما بشكل البشع داا ادخلى اخلصى خدى شاور وصلى وتعالى وياريت ترجعى اسيل ال انا عارفها اسيل الل بتهتم بنفسها
وطلعت واسيل فضلت واقفه قدام المرايه ودموعها نزلت على حياتها اللى اتلغبتت ودخلت اخدت شاور وصليت العصر واتصلت برونزى
رونزى:الو
اسيل:الو ازيك يارونز عامله اى
رونزى:الحمدلله بخير انتى اى الاخبار وحشتى الشارع والناس والجو وكل حاجه مش ناويه تتطلعى من اوضتك بقاا
اسيل:طب خديلى فرصه اتكلم طاب
رونزى:اتكلمى ياختى
اسيل:عايزه اخرج اتمشى ع البحر تيجى معايا
رونزى:يالهوووى مش مصدقه والله بجد مش بتهزرى
اسيل:اخلصى هاتيجى معايا ولا لا
رونزى:انا راشقه يا صحبى نتقابل فى كافيه ****
اسيل:تمام متتاخريش ها متتاخريش عشان انا عارفاكى سلام
رونزى:😂😂ماشى سلام
Aya Yosry
ولبست فستان اسود وطرحه سكرى وطلعت
اسيل:ماما يا ماما
مامتها:ايوه يا اسيل انا فى الاوضه تعالى
اسيل:بقولك انا خارجه اتمشى شويه انا ورونز
مامتها بفرحه:اخيرا يابنتى هاتطلعى
اسيل:خلاص بقاا
مامتها:ماشى بس متتاخريش تمام
اسيل:تمام
وخرجت
عند مجهولنا
دخل الشركه وكالعاده بيلفت الانظار بمظهر الجذاب طلع مكتبه ونادى ع السكرتيره
هو:اى الاجتماعات اللى عندنا انهارده
السكرتيره:يافندم عندنا اجتماع فى كافيه **** واجتماع الساعه٦ هنا
هو: تمام مصطفى جه
السكرتيره:اها يا فندم من بدرى
هو: قوليلو ينزلى تحت
ونزل ركب عربيته وبعدها بشويه نزل مصطفى
مصطفى بيخبط على الازاز
هو: يلا بينا على كافيه**** هاتركب معايا ولا تروح بعربيتك
مصطفى بعد مركب:لا هاروح معاك
Aya Yosry
عند اسيل
دخلت الكافيه ودورت بعينيها على رونز ملقتش حد اتصلت عليها
رونزى بسرعه: والله فى السكه
اسيل:طيب انا فى الكافيه
قعدت اسيل فى طربيزه بعيده
جه الويتر
الويتر: تشربى اى يا فندم
اسيل: قهوه ساده
الويتر: تمام
بصت اسيل لقت تلت رجاله داخلين ولبسين بدل كاجوال وشكلهم جذاب
وقعدو على الطربيزه اللى جنبها
وبعدها دخلت رونزى
رونزى:اتاخرت عليكي
اسيل:اها ياختى من بدرى وطلبت قهوه كمان
رونزى:مكنتش لاقيه طقم عدل البسه بس اى رايك
اسيل:قمر ياولاد
كانت لبسه فستان نيلى وطرحه بيضه ستان
رونزى:شكرن شكرن
وبصت اسيل لقت اتنين رجاله كمان داخلو مهتمتش وبصت لرونزى
رونزى: شكل فى حاجه هنا شايفه الخمسه اللى قاعدين جنبنا دول
اسيل: اها شوفتهم شكلهم غريب
رونزى: احم بس شكلهم عسلات بالبسهم دا
اسيل: خليكى فى نفس واخلصى شوفى هاتتطلبى اى عشان ناكل
رونزى: براحه ياباشا علينا شويه وانتى مزه كدا
اسيل بضحك: انا هاطلب بيتزا عشان بعشقها وعصير مانجو
رونزى: ونا شبهك وعصير اناناس
وطلبو الاكل وبعدها جه الاكل
وفجاه الصنيه ميلت من الويتر والعصير كله وقع على اسيل
اسيل اتخضت وصوتت:انت اتجننت اى الل عملته دا
الويتر:انا اسف يافندم مكنتش اقصد والله
اسيل:اعمل اى دلوقت هدومى باظت
رونزى:تعالى يا اسيل معايا وراحو التولت
Aya Yosry
عند مجهولنا
اول ما اسيل صوتت كلهم اتلتفتو ومنهم هو اول مشافها اتصدم مش معقول كانت قعده كل دا وماخدش باله دقات قلبه زادت واتوتر
عند اسيل فى التولت
اسيل:ابن جزمه بوظ الفستان
رونزى بضحك:انتى هاتستعبطى دا هما نقطتين اللى على الفستان والباقى كله فى الارض
اسيل بضحك:بس اتخضيت ياست
رونزى:يلا البيتزا هاتبرد
اسيل: يلا
وطلعو قعدت اسيل ورونزى بس المره دى فى عيون 👀 مراقبها
اسيل بهمس:رونز
رونزى بهمس:نعم
اسيل: حاسه ان فىحد بيبص علياا
رونزى بضحك:من ناحيه حد بيبص عليكى فالعيون كتير بعد اللى حصل
اسيل بغيظ:ماشى
Aya Yosry
عند مجهولنا خلصو الاجتماع والتلات التانين ميشو
هو:اوف انا مش مرتاحلهم مش عايز ادلهم حاجه من عندنا
مصطفى:يلا فكك اهم حاجه هايدفعو كام
هو بهمس: عايز اقولك حاجه
مصطفى:فى اى
هو:اسيل موجوده هناا
مصطفى:اقسم بالله !!
هو: وطى صوتك يا حيوان
مصطفى بهمس:هى فين انا عايز اشوف الل خلت صحبى بشكل دا
هو:اللى صوتت من شويه والعصير اتكب عليها
مصطفى:هى فين مش شايفها...اه اللى لبسه فستان اسود
هو:ايوه دى
مصطفى:يادينى البت صاروخ وال معاها صاروخين
هو بغضب:بس يا وسخ انا غلطان انى قولتلك حاجه منتا شخصيه زباله
مصطفى:اهدا يسطاا بس مكنش قصدي بس البت فعلا جامده
هو:تاااانى
مصطفى:خلاص يسطاا احنا اسفين بس عرفت تنقى والله وزوقك طلع حلو دى مش حطه نقطه مكياب
هو:طب اسكت بقاا
مصطفى:مالك
هو:مليش اخلص كمل اكلك
مصطفى:طب هاتعمل اى دا خطيبها مات بقالو شهر
هو بحيره وتشتت:مش عارف مش عارف
مصطفى:طب ماتروح تتقدملها
هو:وانت ياغبى تفتكر هاترضى اصلا يبقى خطيبها لسه ميت وتقوم مخطوبه الناس تقول عليها اى
مصطفى:مادى فرصتك هاضيع منك تانى
هو:طب اعمل اى
مصطفى:امم استنى شويه كمان وروح اتقدملها على طول
هو:ربنا يسهل وميحلصش حاجه تانيه
مصطفى:متقلقش ياصحبى
بس استعجل عايز احضر فرح بقااا😂
هو بسخريه: طب ماتخلص انت كدا واخطب ولا انت فالح تعاكس بس
مصطفى:يسطاا انا مليش فى وجع الدماغ دا انا عايز اعيش حياتى
هو:ماشى يا وسخ
Aya Yosry
عند أسيل
خلصو اكل ونادو الويتر ودفعو الحساب وخرجو طبعاا كل دا واسيل حاسه ان فى حد مشلش عينو من عليها
اسيل: مش عارفه بس حاسه اني مترقبه
رونزى بضحك:بطلى خيبه ياختى ويلا نتمشي ع البحر
فى الكافيه
هو: متخلص ياعم بقالك ساعه بتاكل عندنا زفت شغل فى الشركه
مصطفى:خلاص اهو
هو:اه صح كمان شحنه هدوم هاتطلع للشركه ****
مصطفى:تلاته ليه
هو:تلاته كتير
مصطفى:مش كتير ولا حاجه وبصراحه المصميمين عاملين شغل ومش مقصرين
هو:طب كويس....يلا بينا
وخرجو
Aya Yosry
فى بيت اسيل
مامتها:اقسم بالله انا قرفت حرام عليك ياراجل لازقت خلاص فى البيت انا مش هافضل
شايله المسوليه كدا كتير اطلع دور على شغل دانت ربنا هايوريك على قطعه القلب دي انا حاسه اني هايجرالى حاجه والله
ابوها:ماشى هاطلع ادور بكره
مامتها:انت كل يوم بكره وبعده ومبتتحركش م البيت عندك عروسه لو جالها عريس تانى فى اى وقت هاعمل اى انا ربنا عالم انا كنت بعمل فى خطوبتها الاولى
ابوها:انا سيبهالك وراحه فى ستين داهيه تاخدنى عشان مش هاتسكتى انهارده ورزع الباب
مامتها:حسبى الله ونعم الوكيل فيك يا شيخ....يتبع