يوميات اسر وسما
الفصل الخامس والسادس والسابع الاخير
الجزء الخامس والسادس
"فراقك طال وبوختي في هزار بُعدك انا بعدك عرفت اني مليش بعدك"
أسر:بقالي شهرين بدور عليها وهي زي ما يكون مش موجوده علي الكوكب كله دورت في كل مكان ممكن تروحه كل حته بس هي سابتني ومشيت ومهانش عليها تسأل عني غلطت اه غلطت بس كانت تعمل اي حاجه غير أنها تعاقبني ببعدها عني بس هي قررت تموتني بفراقها
علا:اهدي يا أسر بإذن الله هتلاقيها وهترجعوا وتحبوا بعض تاني ربنا مش هيسيبك ابدا
أسر :ونعم بالله
علا:بس بردو منيأسش لأن في وسط الضلمه دي كلها في خيط رفيع هيطلعنا للنور
أسر:قصدك اية
علا:هفهمك
Mouhamed Samir
: السلام عليكم
_وعليكم السلام ادخلي ياسما
دخلت وقعدت معاها وقالت بحزن:بقالي شهرين بتعالج ومفيش اي امل خالص بعدت عنه عشان مش ينفع اخليه يشيل هم تعبي ويتعب معايا بس انا بردو مش مرتاحه واديني بتعالج من ناحية جسدياً وجتلك دلوقتي عشان اتعالج نفسياً وللاسف بين دول ودول انا عاوز اعالج حزن ده "وشاورت علي قلبها"اللي مش هيتعالج غير بقربه
الدكتوره:طب ما انتي في ايدك علاجك اهو
سما:ازاي
الدكتور:قولتي أن قلبك هيتعالج بقربه؟ يبقي روحيله وهو لو بيحبك هيستحمل تعبك وهيعافر معاكي عشان تخفي ومش هيسيبك ابدا
سما: مفيش حل غير ده؟
الدكتورة:ده الاحل الامثل ليكي روحيله مش هتخسري حاجة
سما:تمام يا دكتور
مر اسبوع من حياتهم خالي من اي شئ وفي الأسبوع ده كانت سما بتفكر في كلام الدكتورة وأسر بيفكر في اللي قالتهوله علا
سما حسمت أمرها وجهزت شنطها عشان ترجع وركبت القطر وراحت
يدوب لسة بتدخل البيت لقت اللي صدمها
سما: أسر ازاااي؟
أسر بصدمة:سما
يتبع
الفصل السادس 🌹 قبل الأخير 🌹
بصيت كدة في الخباثة عليهم عشان اشوفهم دخلوا ولا لا
بعدين بصيت لعريس الغفلة ده وقولت:بص بقي باين عليك جدا انك مغصوب علي الجوازة وشكل الست الوالدة أصرت عليك بحجة عاوزة اشوف ولادك والكلام ده فأنا قررت اخلصك من الهم ده وكل واحد يقول مش متفقين وبكدة نجونا
بصلي وابتسم وقال:طب وانا اية يجبرني علي اني اعمل كدة!
رديت بتلقائية: عشان تخلص نفسك ياابني من الورطة اللي انت هتتحط فيها وباين عليك غلبان صراحة يعني مش ارضاني عليك ياجدع
Mouhamed Samir
لقيته بيضحك ومش عارفه لية سرحت في ضحكته وقالي:علي فكرة أنا مش مُجبر علي حاجة جاي بمزاجي لأني قبل ما اجي البيت ده اختارتك مراتي وعارفك كويس وعاوزك تبقي شريكة حياتي ولأخر نفس معايا ممكن تحسي كلامي فيه حبه مبالغة من وجهه نظرك بس ده اللي أنا فعلا حاسة من ناحيتك وعلي فكرة لو انتي ورطة هتدبس فيها ف دي احلي ورطة في حياتي بس انتي ورطيني بس
بصيت كدة وبلمت اللي هو انت بتقول اية ياجدع انت الكلام ده ليا
قولتله:طب شكلي كدة فشلت اطفشك بص طيب انا مش مستعده للجواز نهائي انا طفلة لسة عاوزة اعيش حياتي من غير قيود العب واروح اتمشي براحتي وأخرج وبعدين اعمل تصرفاتي المجنونة يعني اكل ايس كريم في عز الشتا اخفف هدومي والدنيا تلج امشي تحت المطر صدقني انا طفلة مش هقدر استحمل مسئولية الجواز هتلاقيني عند أول مشكلة بينا بستسلم للعياط بدل ما ادور علي حل بهدوء مش عارفه بقولك كل ده لية بس ملخص الكلام أن الجواز شيلة كبيرة اوي وانا مش مستعدة ليها
قومت وانا حاسة اني قولت كل اللي عندي
لقيته بيقولي:طب مش تستني ردي طيب
قعدت تاني وبصتله بهدوء
قالي: مقدر كل كلامك وعارف خوفك من المسئولية بس مين قالك اني هسيبك تشيليها لوحدك انا هبقي معاكي وهشيل معاكي لو عيطتي هحضنك واجيبلك ايس كريم وفشار ونقعد نتفرج علي كرتون بنحبه ولو انتي طفلة فأنا طفل اكتر منك وما صدقت اقابل طفلة تشبهني قلبها ناعم زي قلبي وبريئه كل اللي قولتيه موافق عليه وبحبه وهعمله معاكي كله لاني نفسي اتصرف بالجنون ده بس جنوني يبقي معاكي انتي وبس فاهماني
بلمت مرة واحدة وانا مش قادرة استوعب معقول بيحبني كدة قولتله ببراءة:طب والأكل مين هيطبخه؟
قالي بحنيه:هنطبخه سوا
_والبيت والتنضيف؟
بحنيه اكبر:هنقسم الشغل علينا
_احم طب في المشاكل هتتصرف ازاي؟
:هاخدك في حضني واقولك مشاكل اية اللي تبعدنا عن بعض لو مشاكل الدنيا بينا نتصافي ونتصالح ومش هسيبك ابدا تزعلي مني ولا تنامي معيطه بسببي نتصافي قبل ما ننام ومش نخلي المشكلة تفرقنا
_يعني هتستحملني؟
:مش اسمها هستحملك لانك مش شيلة تقيلة عليا انتي هتبقي جوا قلبي وعيوني هصونك وهراعي ربنا فيكي هديكي كل حبي وقلبي هديه عليهم بس انتي تصونيه ومتكسريهوش ابدا
_انت ازاي كدة؟
:انا كدة عشان بحبك
=موافقة؟
رديت بحب:موافقة
"واسيبك ازاي واهرب ليه ده قلبك محاوط قلبي وقافل عليه"
الفصل السابع والأخير
تقدري تدخلي اوضتك تغيري هدومك
دخلت اوضتي وانا قلقانة من حياتي اللي اتقلبت بين يوم وليلة
ده يبقي جوزي اتجوزنا بسرعة جدا وانا حتي معرفهوش ولا اتكلمت معاه قبل كدة وخايفه يعاملني وحش معرفش غير اسمه "أسر"
غيرت هدومي واتوضيت وطلعت اشوفه لقيته كان بيتوضي وجاي ناحيتي
لقيته بيقولي:كنت لسة هقولك اتوضي عشان نصلي سوا
بعدين كمل وقال بهزار:تعالي ساعديني افرش المصلية أصلها تقيلة اوي
ابتسمت وفرشنا المصليات
بصلي قبل ما يبدأ بصة طويلة وهو مبتسم
سما:بتعمل اية
قالي:بملي عيني منك وبحفر ملامحك جوا قلبي
حسيت ساعتها قلبي دق واتكسفت
صلينا جماعة ودموعي بدأت تنزل من جمال صوته وحسيت اني اتأثرت بالايات لما سمعتها منه
بعد ما خلصنا لف وقرب مسح دموعي
قالي:بتعيطي لية؟
سكتت ومردتش
لقيته بيقولي:بسببي وبسبب جوازنا مش كدة؟
بصتله كنت لسة عاوزة اقوله لا لقيته قام دخل اوضته حسيت أن هو زعل
قلبي وجعني لزعله مش عارفه لية
خبطت علي اوضته وقولت:ينفع ادخل؟
قالي:ابقي تعالي بكرة عشان بنام دلوقتي
فتحت سما الباب وقالتله وهي مضايقة:لا هدخل
قربت وقعدت جمبه وقالت بتوتر:بص هو أنا مش مضايقة من جوازنا ولا منك ولا كنت بعيط بسببك انا اتأثرت بس من صوتك
لقيته بيفك الطرحة بتاعتي وبدأ يلعب في شعري وانا توتري بيزيد بدأ يقرب شعري ويشمه
بعدين خدني مرة واحدة في حضنه وقال:عارف انك متجوزاني ودي اول مرة تشوفيني فيها بس انا بحبك اوي وهعوضك عن أي حاجه وحشة حصلتلك ممكن تاخدي وقت عشان تتعودي عليا بس متبعديش عني ماشي
قولتله وانا مكسوفه ومتوترة:حاضر
قالي:من النهارده هتنامي في حضني وبس
وراح شاددني لية اكتر وحضني بحب وقوة ونمت في حضنه
صحيت تاني يوم لقيته محاوطني جامد زي ما اكون خايف ابعد عنه خايف اتحرك سنتي واحد بعيد عنه
حسيت أن في حاجه بتشدني لية اوي بدأت العب في شعره وخدوده وروحت قربت منه وانا مش حاسة بنفسي وبوست خده
يدوب ببعد لقيته فتح عينه وقالي: النهارده اجمل يوم في حياتي عشان صحيت علي وشك الحلو وبوستك الحلوة وغمزلي السافل
سما:احم انت قليل الادب
راح شددني لية وقال بضحكه:عارف
قولتله:طب ابعد بالله عشان مش اصوت واقول بيتحرش بيا
شدني اكتر وقالي بغمزة:صوتي
قولتله وانا هنفجر من الكسوف:طب قوم نصلي اه الصلاه هتروح ياابني وانا مؤمنه ومبفوتش فرض الا صلاتييي
قالي:المرة دي هعديها عشان نصلي بس
قومت بسرعة دخلت الحمام وأيدي علي قلبي اللي بيدق جامد ده ومش عارفه اتحكم في مشاعري
اتوضينا وصلينا بعد ما خلص لفلي وقرب باس راسي وقال:كل ما بخلص الصلاه وابصلك بحمد ربنا ألف مرة علي وجودك في حياتي
حضني وقال:تعالي نروح نجهز فطار حلو زي عيونك
دخلنا المطبخ قالي:هساعدك في الاكل بقي
قولتله وانا بضحك:وانت بتعرف تطبخ؟
قالي:ده انا هبهرك
فضلت اساعده بعد شوية لقيته مجهز اكل فظيع قولتله:ده جميل اوي تسلم ايدك
قالي:تعرفي طلع حلو لية؟
قولتله بإبتسامه:اكيد في وصفة سحرية بقي
قالي:عيونك
_هاا
قال: الوصفة السحرية عيونك اللي كل ما ابصلها بحس اني في دنيا تانية وبتخليني اعمل احسن حاجه
قولتله:أسر انت بقيت قليل الادب كدة لية انت كنت محترم مش كدة
ضحك وقالي:علي فكرة عاملك مفاجأة
قولت بلهفة: اية؟
_هنعمل ساعة أو ساعتين كل يوم نحفظ فيها قرآن ونفسر الآيات ولو في وقت ممكن ناخد قصة في الدين
حضنته بسرعة وانا مش مصدقة:قولتله انا بحبك اوي شكرا
قالي:انتي قولتي اية
فضلت في حضنه وقولت:لا لا مقولتش انا بقولك شكرا وكدة
طلعت من حضنه
قالي: بصي أنا واخد إجازة شهر العسل من الشغل يعني فاضي مش ورايا حاجة
قولتله:طب لو ينفع نبدأ من دلوقتي
مسك ايدي وقالي:يلا
اسر حافظ للقرآن من زمان بس هو هيحفظهولي
لقيته وقف عند آيه
وقالي الآيه دي مهمة جدا “وَاسْتَعِينُوا بِالصَّبْرِ وَالصَّلَاةِ وَإِنَّهَا لَكَبِيرَةٌ إِلَّا عَلَى الْخَاشِعِينَ”
معني استعينوا بالصبر والصلاه أنهم سلاحنا في الدنيا ضد اي مشكلة
بمعني اننا لما نقع في أزمة نروح نصلي
كان الرسول صل الله عليه وسلم بيقول لسيدنا بلال"ارحنا بها يابلال"
كان قصده الصلاه لأن الصلاه مصدر الراحة والطمأنينة في الحياة وهي اللي بتهون الأزمات علينا
لما بنفضفص لربنا في السجود وبنوكل أمرنا إليه بتتحل كل حاجة
أما الصبر ف هو السلاح التاني
ربنا لنا قال "بالصبر والصلاه" معناها أنك تستعين بالاتنين مش واحد بس يعني مش تصلي وتجزع من حكمة ربنا
المفروض تصلي وتصبر علي المشاكل والأزمات اللي بتمر بيها
لان ربنا قال “إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ” سورة الزمر
يعني الصابرين يوم القيامة مبيتحاسبوش بيدخلوا الجنه بإذن الله من غير حساب
ف احنا طول ما احنا بنتنفس نقول "اللهم ادخلنا الجنه بلا حساب ولا سابقة عذاب"
وتعرفي بقي ان قبل ما اتجوزك كنت بدعي ربنا انك لو مش بقيتي زوجتي في الدنيا تكوني زوجتي في الآخرة ولحد دلوقتي بدعي انك تكوني زوجتي في الآخرة وان ربنا يرزقني انا وانتي دخول الجنه
وكمان جهزت اننا نروح عمرة سوا
حضنته وانا حاسة اني بقيت أعشقه اكيد مستغربين بين يوم وليله! بس في اليوم وليلة دول قدر يدخل قلبي ويداوي جروحي قدر يحبني ويحببني فيه
قولتله:تعرف اني دايما بدعي ربنا يرزقني بزوج ياخد بإيدي للجنه والحمدلله ربنا استجابلي ورزقني بيك
قولتله بهدوء:أسر
اسر:قلبه
:انا بحبك اوي يا اسر
اسر حضني تاني وقال: وأسر بيعشقك يا قلبه
عدت الايام والنهاردة يبقي تم علي جوازي من أسر سنه
ربنا رزقنا ببنوتة زي القمر طالعة لباباها وختمت القرآن كامل علي ايد حبيبي وعاملي احتفال بالمناسبة دي
قولتله:لو انت مش موجود مكنتش عملت اي حاجه في حياتي انت وجودك نعمه انا بحبك اوي
حضني وقال:انا معملتش حاجة ياروحي كله بفضل ربنا ثم شطارتك لانك ختمتي في مدة كويسة غير الحمل والولاده اللي تعبوكي وبنتنا الشقية دي
شال حور بنتنا وباسها قالي:طالعة حلوة ليكي
قربت وبوست خده وبعدت وانا مكسوفة لقيته حضني وقال:لسة لحد دلوقتي بتتكسفي مني؟
قولتله بكسوف_اسر
:بيحبك . وقالت
"فاللهم شخص يأخذ بيدي الي الجنه"💖
انتهت القصة