.....................روايه جعلنى القدر لغيرك..........................
...الفصل العشرين والاخير....
محمود وهوا يربط على كتفه بفرحه قال.....وانا يا سيدى مش زعلان خلاص عندك حق اللى حصل في الماضى خلاص فات وعلشان كدا أنا موافق على موضوع ارتباطك وهنروح نقابلهم انهارده كمان ايى رايك أنا خليت سلوى تجيب رقم صاحبك منك وكلمتك وهنروح انهارده بليل
أحمد بفرحه وبأبتسامه قال.....بجد يا بابا كلمتهم امتى
وأحمد وبص على مامته....هههه وانتى جبتى الرقم منين
محمود بسعاده علشان شايف فرحه ابنه وقال...اول محكتلها أنك عايزه ترتبط وهيا جت قالتلى وانا ساعتها اتبسط انك اخيرا حددت طريقك وعرفت أن همس مكنتش حب وبدأت تفوق وانا قولتلها تتحجج باى حاجه وتجبلى رقم صاحبك ده
وسلوى كملت بصوت كله فرحه....وانا جيت وقولتلك افتحلى تليفونك علشان اكلم خالتك ومن حسن حظى انك كنت قايلى اسمه فقعدت ادور على رقم معاذ صاحبك لغايه ملقيته وباباك كلمهم وحب يعملك مفاجأة ويفرحك بيها
أحمد بابتسامه فرحه....انا مش عارف اقولكوا اي أنا كنت هخسر حبكوا ده لو كنت صممت وسافرت تانى معاذ صاحبى لما قالى متسافرش تانى واقعد وسط عيلتك علشان تحس بحبهم وحنانهم قعدت افكر يا ترى فعلا هحب اقعد معاكوا ولا مش هستحمل وهسافر تانى بس وافقت قولت اجرب وفعلا كنت هخسركم
انا بحبكم اوى ربنا يخليكوا ليا
وأحمد قام باس راس باباه ومامته بحب وفرحه ودخل اوضته مبسوط لاول مره فى حياته يكون مبسوط كدا بس هتكتمل فرحته اكتر يوم ما اللى قلبه اختارها توافق تكون شريكه حياته ........
*****************************
(في الجناح عند أسر وهمس)...
أسر دخل عليها الاوضه وقال بدهشه .....همس كل ده بتحضرى فى الشنط يلا هنتأخر على الطياره وجاسر نازل رن عليا علشان ننزل نفطر ونمشى
همس بتشتت وقالت وهيا بتدور فى الدولاب ....فى أي يا أسر منا كنت هنسى حاجات كتير ولو سمحت متستعجلنيش علشان منساش حاجه
وكملت بضحك وقالت.....هههههه اصلا منة ملهاش فى ترتيب الشنط ده مامتها اللى مرتبهالها قبل الفرح لكن أنا لا لازم أركز علشان مننساش حاجه
أسر بابتسامه حب .....طب يلا علشان نلحق الطياره
وشويه وهمس خلصت ونزلوا فطروا ومشوا راحوا المطار وركبوا الطياره وهيروحوا يقضوا شهر العسل في مدينه العشاق "باريس"....
***************************
.. بليل الساعه 8 وبالاخص فى بيت احمد...
أحمد بأستعجال ....يلا يا ماما هنتأخر على الناس
سلوى بابتسامه سعيده.... خلاص اهو يا حبيبي أنا خلصت
وباباك خلص
وندهت على ياسمين ...يلا يا ياسمين
وكلهم خلصوا ونزولوا ركبوا العربيه ووصلوا البيت ودخلوا قعدوا فى الصالون والعيلتين اتكلموا مع بعض فى التفاصيل وبرضوا كانوا طالبين جواز علطول
وفجأة معاذ أخد أحمد على جمب وقال بتوتر ....بص يا أحمد انت لازم تحكيلها على كل حاجه حصلت معاك زمان تعرفها انك كنت بتحب همس بنت خالتك وتتكلم معاها وتشوف انت فعلا مرتاح ليها ولا لا
أحمد بارتباك قال...هيا لازم تعرف مش لازم يا معاذ دي حاجه حصلت فى الماضى ودلوقتي همس متجوزه يعنى مش هفكر فيها تانى لكن أن أنا احكيلها مش هعرف
افرض قالت عليا انانى هتخاف من العلاقه دي وهترفضها
مش هقول حاجه الماضى أنا نسيته بكل وجعه
معاذ برفض لكلامه....غلط يا أحمد انت بتبنى علاقتك غلط فكره الارتباط علشان تكمل وتنجح لازم الطرفين يكونوا على دراية كامله بالماضي متضمنش اي موقف يحصل ساعتها تكتشف انك كنت بتحب همس اسمع كلامى
أحمد وهوا يهز رأسه بالموافقه...ماشى يا معاذ
وخرجت ليان كانت لابسه فستان بلون السما وكانت حاطه ميك اب خفيف زادها حلاوه مع براءه وشها ولبست جزمه كعب وكانت حلوه اوى
سلمت عليهم بخجل وقعدت جنب سلوى وهيا كانت مبسوطه متنكرش أنها اول ما شافت احمد فى العياده اعجبت بيه بس حاسه أنه غامض يوم ماشافته كانت في عينه نظره حزن هيا مفهمتش سببها
وشويه ودخلوا البلكونه يتكلموا لوحدهم ويتعرفوا على بعض ..
أحمد بأبتسامه حب قال.....عامله اي يا ليان
ليان بابتسامه خجل...كويسه احم وانت عامل اي
أحمد بابتسامه.... الحمدلله بصى أنا هبدأ اعرف نفسى الاول أنا أسمى احمد دكتور جراحه درست في المانيا وفتحت عياده ليا هنا وقدام شويه هبنى المستشفى اللى نفسى فيها
وانا اول ما شوفتك فى العياده اعجبت بيكى علشان كدا جيت اتقدم ليكى رسمى
ليان بصتله وبابتسامه قالت....وانا مهندسه ديكور اتخرجت من سنة وشغاله فى شركه تصميم وديكورات
أحمد بارتباك ....طب أنا عايزه اقولك على حاجه علشان لو حصل نصيب وارتباطنا
انا كنت بحب همس بنت خالتى كنت بحبها وانا فى تالته ثانوى وكنت مفكر أن عمرى ما هحب حد غيرها وفى يوم عرفت ابويا ورفض جدا لدرجه انه خيرنى لاما ابعد عنها أو ميساعدنيش ان أسافر وأكمل تعليمى برا وانا ساعتها اخترت سافرى وسبتها وسافرت ورجعت كانت هيا حبت واحد تانى وانا رجعت كنت متوقع أن لسه بحبها بس الحقيقه أن أنا مكنتش بحبها أنا حبيت اهتمامها بيا وحبها ليا فى وقت مكنتش حاسس بحب الناس اللى حوليا أنا طول عمرى ابويا بيعاملنى بقسوه وعمرى ما حسيت بحنيته ولا باهتمامه وكنت مفكر أن هوا بيكرهنى علشان كدا أنا حبيتها
وهيا كانت صغيره حبها كان حب طفوله لكن هيا حبت بجد واتجوزت وانا قولتلك علشان نبدأ حياتنا من غير منخبى على بعض حاجه
ليان بصتله بحب وقال....علشان كدا عنيك كانت فيها حزن ووجع أنا مقدرش احاسبك على ماضيك دي حاجه كانت تخصك وحصلت خلاص زمان تفكيرك فيها دلوقتى مش هيقدم اي حاجه
أحمد بتوتر ...طب انتى موافقه ترتبطى بيا وتكونى شريكه حياتى
ليان بابتسامه خجل....موافقه
طبعا ربنا لما بيبعدنا عن حبايبنا وننساهم ونحب غيرهم دي مش بتبقى خيانه بالعكس دي بتبقى مرايه واضحه ليك علشان تعرف أن حبك ليها مكنش حب فحكم عليك بالبعد والفراق علشان يعوضك بحب حقيقى حب تحس فيه انك ملكت الدنيا كلها بابتسامه واحده بس
محدش بيبقى عارف قدره مخبيله اي بيبقى سايب نفسه وقلبه للقدر علشان يجمعك باللى تشبهك علشان تكونوا سند وعون لبعض
فلما شخص يحب ويبقى مفكر أن لو بعيد عنها مش هيقدر يعيش من غيرها وأنه هيفضل فاكرها ويفكر أنه هيقفل قلبه ومش هيحب تانى بيكتشف فجأة أن حبه مكنش حب وانه حب بجد بعد كدا شعوره معاها حقيقى مش مجرد تعود وكلام بيتقال من غير ميبقى طالع من القلب
فالقدر يوم مبيبعدك عن حبيبك بيعوضك بالحب الحقيقى الحب الصادق اللى مهما تعدى وتفوت سنين مش هيقل بالعكس هيزيد .......
*****************************
.....بعد خمس سنين......
الساعه 10 صباحا كان أسر قاعد فى الصالون مع مامته وبيتكلموا وفجأة سمع صوت همس بتزعق وصوت عياط
همس بعصبيه وصوت عالى نسبيا ....أنا هقول لبابا علشان تبطلوا تضربوا بعض علشان أنا حذرتكم من الموضوع ده كذا مره ومفيش كلمه بتتسمع
مليكه بعياط...يا مامى هوا اللى بدأ وكل مره بيقعد يضربنى انا مليش دعوه
تيام بنرفزه....كذابه هيا اللى بتقعد تشد التليفون منى وتخسرنى فى اللعبه
همس بنفاذ صبر ....بااااااااس مش عايزه اسمع صوتكوا
همس مسكتهم من أيديهم وخرجتهم برا لأسر وقالت...شوفلك حل معاهم مش ممكن اللى بيعملوه ده دول كل خمس دقايق يمسكوا فى بعض
همس وأسر بعد ما همس اتخرجت من الكليه حملت وجابت تؤام
مليكه ، وتيام (تلات سنين)
أسر بابتسامه حب لان عشقه لهمس اتنقل لولاده بيحبهم لدرجه انه مبيحبش يشوفهم معيطين...مليكه تيام تعالوا هنا
مليكه وتيام بيبصوا لبعض بخوف وعيون مدمعه وقالوا ...بابى
أسر بضيق علشان حس بخوفهم وقال...تعالوا مش هعملكوا حاجه أنا عمرى زعلتكوا تعالوا
همس بدهشه وقالت....أسر بقولك تعاقبهم بتقولهم أنا عمرى زعلتكوا وبتتكلم بهدوء أعصاب كدا ليه
أسر بحده خفيفه....استنى يا همس
مليكه وتيام مسكوا ايد بعض وراحوا لأسر
أسر اخدهم فى حضنه وقال.... عايزيكوا تقولولى انتوا مزعلين مامى ليه قول يا تيام
تيام بهدوء...أنا كنت بلعب على التليفون واجت مليكه شدت منى التليفون وانا خسرت فى اللعبه ومش المرادى بس كل مره بتعمل كدا
مليكه ببراءه...يا بابى أنا عايزاه يلعب معايا هوا مش بيعلب معايا وانا مش بعرف العب لوحدى وهوا بيقعد يزعقلى
أسر بحب لأولاده قال...طب يا تيام شوفت مليكه مش بتبقى قصدها أنها تخسرك فى اللعبه هيا بتبقى عايزاك تلعب معاها فبتشد منك التليفون علشان تقوم تهزر معاها
وانتى يا مليكه لما يبقى تيام بيلعب على التليفون متشدهوش وقوليلى انك عايزه تلعبى معاه وهوا هيقفل التليفون وهيلعب معاكى ماشى يا حبيبتي
مليكه وهيا بتبوس خده ....حاضر يا بابى
تيام وهوا بيبوس خده ....حاضر هلعب معاها
أسر بابتسامه حب....طب يلا علشان ماما تغيرلكوا هدومكوا علشان عمو جاسر وتيتا هدى وجدو جاين يلا
مليكه وتيام مسكوا اي بعض وهما مبسوطين ودخلوا الاوضه ...
همس باستغراب قالت...فى كل مره بتبهرنى الحقيقه فى هدوء اعصابك بجد لا وبتعرف تصالحهم على بعض وتنبهم أنهم ميعملوش كدا بطريقة غير مباشرة لا برافو
أسر بيضحك وبكبرياء قال وهو يعدل هدومه....احم مبحبش اتكلم عن نفسى كتير
همس ....هههههههه عارف اللى بيعجبنى فيك اي التواضع ده لا وماشاء الله واثق فى نفسك اوى هههههه
ودخلت همس المطبخ هيا ومنى علشان يحضروا الفطار عقبال ما جاسر ومنة ومامتها وباباها يوصلوا
*****************************
....فى الڤله عند جاسر ....
منة بتلبس بنتها ودخل جاسر عليهم وقال وهوا فاتح دراعاته لبنته بحب ...لولى حبيبت بابا تعالى
لاميتا ماشيه على السرير ببطى علشان صغيره ومره واحده رمت نفسها عليه.....بابى
بعد ما اتخرجت منة حملت بعد سنتين وجابت
لاميتا (سنتين)
جاسر وهوا بيبوسها بحب ....حبيبه بابا خدى شوكليت اهي
لميتا بفرحه لما شافت الشكولاته وقالت...لااته بابى لااته
(بابا جبلى شكولاته )
منة بابتسامه قالت...هاتها يلا علشان ألبسها ونمشى علشان اتاخرنا طنط منى كلمتنى كتير تستعجلنى
جاسر وهوا مازال بيبوس لميتا من خدها ....خدى أنا هنزل اكلم السكرتيره علشان تراجع ورق المناقصه اللى دخلينها وتبعتهالى فى اميل تكونى خلصتى
منة بابتسامه حب ...ماشى يا حبيبي
جاسر باس راسها وخرج علشان يعمل المكالمه وهيا لبست لاميتا وجهزت نفسها وركبوا العربيه وراحوا لأسر ...
*****************************
الجرس رن وكانوا منة وجاسر وهدى ومحمد
أسر فتح الباب والإبتسامة على وشه ....كل ده تأخير علفكرا مش انا اللى هتكلم أنا هسيب همس هيا اللى تتكلم وهيا من بعد الحمل وتربيه الولاد وهيا الحمدلله ههههه بقت عصبيه اكتر منى
همس جت من وراه وقالت....بتقول حاجه يا أسر
أسر وهوا يحاول كتم ضحكته ....لا يا حبيبتي مش بقول حاجه ده انا بقولهم أنا هسيب همس هيا تحاسبكوا على التاخير ده
همس وهيا بتبصلهم ....صحيح كل ده تأخير
منة بضحكه وهيا بتبوسها فى خدها .....معلش بقى يا همس عديها المرادى ودخلينا ولا انتى ناويه نكمل اليوم على الباب
همس ضحكت على مشاكسيتها اللى مهما كبرت مبتتغريش ....اتفضلوا ادخلوا
كلهم دخلوا وقعدوا فى الصالون واول ما تيام ومليكه سمعوا صوت برا عرفوا أنهم اجوا وتيام جاب شيكولاته وخرج هوا ومليكه
تيام بفرحه راح على لاميتا وقالها....لولى شوفى جبتلك اي انا مش باكل الشكولاته بتاعتى وبعنهالك علشان عارف انك بتحبيها خدى
لاميتا بفرحه اخدتها من أيده وقالت ...تم ابيبى تم لاتا
(تيام حبيبى تيام جبلى شكولاته )
جاسر بغيره على لميتا وقاله ....ولاااا ملكش دعوه بلاميتا أنا بقولك من دلوقتى اهو
كل اللى قاعدين ضحكوا على جاسر وعلى غيرته حتى على بنته الصغيره
تيام بهدوء...لو سمحت يا اونكل جاسر أنا أسمى تيام مش ولا وبعدين أنا بحب لاميتا انت زعلان ليه بقى وسيبها أنا عايز العب معاها
جاسر بصدمه وبرق لأسر وقاله.....أسر ابعد ابنك عن بنتى
وكمل بسخريه ....قال بحبها قال
أسر وهوا يحاول كتم ضحكته.....انت تطول أن تيام أسر الجارحى يتجوز بنتك
جاسر بتحدى ....اها اطول واوى كمان ملكش انت دعوه بلاميتا
وقام باسها من خدها ....قلب ابوها
منة وهيا بتبعد ايده عن لاميتا وقالت...سيبها يا جاسر تلعب مع العيال انت ماسكها كدا ليه هيا هتهرب
وقام جاسر منزلها واول منزلها لاميتا مسكت ايد تيام ودخلوا يلعبوا ...
الكل قاعد يضحك على تعبيرات وش جاسر وأنه بيغير على بنته وهيا فى السن ده اومال لما تكبر هيعمل اي
وكلهم قضوا اليوم مع بعض بضحك وهزار وفرحه ومشوا كلهم وطلعت همس اوضتها لقت ورقه على السرير ومكتوب فيها ...
احبك ايتها الاميره الخاضعه فى صميم قلبى
والتى لا أرى غيرها فى حياتى
كل يوم يمر وانتى فى حياتى حبك فى قلبى يزيد ويكبر
كنتى لغيرى ولكن قدرى شاء أن يجعلك لروحى
يا من ملكتى حبى الاول والاخير
يا من سلبتى عقلى بجمال روحك وقلبك الطاهر
ايتها الاميره التى جذبت انتباه كل الحاضرين ولكن جذبتى قلبى من نظرتى الاولى
يا من دفعتى قلبى ليعشق كل تفصيله فى حياتك
احبك يا معشوقتى الصغيره.....
همس بعد ما خلصت قرايه الورقه ابتسمت بحب وحست بيه وراها ولفت وعنيها مدمعه قالت ....كل يوم بتثبتلى أن اختارت صح كل يوم بيعدى
وانا معاك بعرف أن القدر وجعنى لفتره بس عوضنى بيك علشان يسعدنى مدي الحياه
وكملت وبتنهيده حب قالت :...بحبك وبحب القدر اللى جعلنى ليك...
.......# النهايه #......