انا ميس ايمان مدرسه لغه عربيه كنت عايشه في القاهره مع اختي وجوزها وحصل مشاكل
جيت اسكندريه عند خالتي حنان بس مش قاعده معاها في نفس الشقه معاها في نفس
العماره علشان تكون وخدا بالها مني فاكره اني طفله صغيره انا عندي ٢٨سنه اتخبط مره
وكان مكتوب كتابي جوزي مات قبل الفرح بيوم من يومها قررت اني مش هتجوز تاني
خالص جت ليا عقده من الجواز كنت عايشه مع فاطمه اختي الكبيره لحد ما لقيت اني عامله
مشاكل بينها وبين جوزها هو بخيل اوي وانا والله كنت بساعد في مصروف البيت بس هو
مكنش شايف ده قررت اني
اسيب ليهم القاهره وعلشان هي
متزعلش قولت ليها أن جايلي
شغل احسن في اسكندريه وهي يعني علشان كل يوم في مشاكل وافقت بس كنت
حاسها مخنوقه لينا عمتي
سعاد عايشه في القاهره بس
مش بتسال علينا الا لو في مصلحه
وبس وانا خلاص وصلت اسكندريه وقرب من بيت خالتي كنت فرحانه جدا اني هعيش
معاها لأنها قلبها زي قلب ماما اي نعم معشتش كتير مع ماما بس خالتي طيبه اوي وانا طالعه ليها دلوقتي
ايمان :خالتو عامله اي
حنان :بخير يا حبيبتي تعالي
ايمان :يخربيت السلم
حنان :معلش يا حبيبتي تعالي أرتاحي
ايمان :والله انا مش عارفه اقولك ايه انك عرفتي تشوفي ليا شقه بسرعه كده لا وفين معاكي في العماره
حنان :اه انا عملت كده بس مش مصدقه
ايمان:مش مصدقه اي
حنان:انك جايه من القاهره علشان الشغل جوز اختك عملك حاجه يابت
ايمان :حنفي لا خالص هو في اطيب من قلبه
حنان :بالله عليكي في حد يكون اسمه حنفي وطيب
ايمان : هههههههههههه لا بتكلم بجد ده كان مضايق اني ماشيه
حنان :عالعموم نورتي اسكندريه تعالي اوريكي شقتك يمكن عقدتك تتفك هنا
ايمان:خالتي بقولك اي الله يخليكي مش عايزه الكلام ده
حنان :طيب تعالي ونزلت شافت الشقه
ايمان :الله دي حلوه اوي
حنان :مع ام زعلانه والله انك مش هتبقي معايا في الشقه
ايمان :مين قالك انا هنزل علي النوم بس انما طول النهار هكون معاكي
حنان :طيب انا هطلع اعمل الاكل مصطفي قرب يجي
ايمان:هو إخباره اي
حنان :الحمد لله بخير المهم يلا غيري هدومك وتعالي
ايمان: حاضر وفتحت البلاكونه وفضلت وافقه شويه وبعدين غيرت هدومها وطلعت
وفتح الباب مصطفي
ايمان :عمي مصطفي
مصطفي :ايمي منوره اسكندريه
ايمان:ربنا يخليك عامل اي
مصطفي :عايز اكل مكرونه بالبشاميل
حنان :سمعاااااااك
ايمان:هي لسه مش بتعملها ليك
مصطفي :انا فرحت انك جايه عايز اكلها
ايمان: عيني ليك بكره هعملها ليك
مصطفي :حبيبت قلبي
ايمان :اي يا خالتو ما تعمليها
حنان :انا مش بحبها ولا العيال اعمل كذه صنف بقي
مصطفي :خساره فيا
حنان :لا خساره تعبي
مصطفي :والله لتجوز عليكي
حنان : ابقي اعملها وانا اعملك صنيه في الفرن
ايمان : هههههههههههه مهما كبره مخهم برضه صغير بس بموت فيهم والله
وتاني يوم راحت ايمان المدرسه
ايمان :صباح الخير انا منقوله هنا جديد في المدرسه
امل :اهلا بيكي اتفضلي أرتاحي بس وانا هطلع حضرتك المديره
ايمان:شكرا ليكي
امل : خدي هنا يابت
التلميذه :نعم يا ابله
امل :قولت ليكي كام مره متجيش بالطرحه دي
التلميذه :مالها يا ابله بس
امل :مخالفه
التلميذه :اول الشهر هجيب طرحه
امل :اقفي هنا
التلميذه :خلاص وقلعت الطرحه وشلتها كاني مجتش بطرحه بس لازم ادخل
امل :اتفضلي علي الطابور
ايمان:لا اللي حصل ده بجد
امل :نعم مش فاهمه
ايمان:ازاي تعملي كده بدل ما تشجيعها انها تلبس الحجاب بتخليها تقلعه
امل :لو سمحت متتدخليش في شغلي
ايمان:شغلك غلط ولازم تتحاسبي عليه
امل :الزمي حدودك لو سمحت
ايمان:في المديره هنا عالمدرسه دي
#الحلقه الثانيه
#بقلم دوداا حوده
امل :انتي ازاي تعلي صوتك كده وبعدين لو سمحت ملكيش دعوه بشغلي
ايمان :شغلك غلط انتي كده هتخلي اي بنت مش عندها طرحه بيضه هتيجي المدرسه تقلعها قدام المدرسه
المديره :في اي حضرتك بتزعقي ليه
ايمان :لما بنت تيجي بطرحه اوف وايت والمدرسه تقولها اقلعيها علشان مخالفه والبنت تقلعها ده عادي
المديرة:وبنت حضرتك جايه ليه اصلا بمخالف
ايمان :بنتي مين انا مدرسه جديده هنا معاكم انا ميس ايمان وده جواب نقلي
امل :الكلام اللي هي قالته ده محصلش البت قلعت الطرحه
ايمان :وحضرتك سكتي علي كده وقولتي ليها تدخل
المديرة:اتفضلي معايا يا استاذه ايمان وانتي عايزكي لنا تخلصي
ايمان :مع حضرتك ودخلت مع المديره
امل :شكلك مش هتطولي هنا
وفي اوضه المديره
المديره:اولا اهلا بيكي في مكانك الجديد ثانيا مكنش ينفع كلامك قدام الطالبه
ايمان :انا بعتزر والله بس هي عصبتني بالحركه دي
المديره:عالعموم حصل خير وانا مش هسكت اكيد علي اللي حصل واهلا بيكي مره تانيه
ايمان:اهلا بحضرتك
المديره:ليه سبتي القاهره وجيتي هنا
ايمان :نقلت سكني
المديره:اتجوزتي يعني
ايمان :لا انا انسه بس جيت هنا مع اهلي
المديره :اهلا بيكي اتفضلي اعرفك علي استاذه مياده وهي هتقول ليكي حصصك هتبقي امتي
ايمان :اتفضلي وراحت فعلا اوضه المدرسين
المديره:مساء الخير
المدرسين :مساء الخير
المديره:استاذه ايمان مدرسه جديده معانا هنا في المدرسه
مياده :اهلا بيكي
ايمان :اهلا بحضرتك
المديرة:مياده ايمان معاكي لحد ما تعرف كل حاجه
مياده : حاضر اتفضلي اقعدي
ايمان :شكرا ليكي
المديره مشيت
مياده :عجبتني الصبح اوي في اللي عملتي
ايمان :مش فاهمه
مياده :امل واللي حصل معاها
ايمان :اه فهمت
مياده :اصل بصراحه الحركه عصبتني انا كمان بس مكنش ينفع اتكلم بس عندي سؤال فضولي لو ينفع
ايمان:اتفضلي
مياده :مش غريبه انك مش لابسه حجاب وبتتكلمي كده
ايمان :ربنا يهديني وألبسه بس انا لو لبسته مش هقلعه خالص ومش علشان مش لبساه ارضي باللي حصل
مياده :بس خدي بالك من امل لأنها مش سهله
ايمان مش فاهمه
مياده :بعدين تعالي اوريكي الفصول الاول
ايمان :ربنا يستر اول يوم شغل يحصل كده وبعد ما خلصت الحصه
مياده :ها اي الاخبار
ايمان :الحمد لله بقولك هي فين امل دي
مياده :امل دي اخصائيه اجتماعيه ومكتبها هنا ليه .
ايمان :عايزها
مياده :تمام ادخلي ليها المكتب وفعلا راحت
ايمان :ممكن ادخل
امل :خير فيه اي
ايمان :اصل انا مش فطرت وقولت اجي نفطر سوا
امل :نعم
ايمان :اتفضلي دي سندوتشات بيتي
امل :شكرا انا فطرت
ايمان:بجد انا اتكلمت بطريقه متنفعش بس والله الحركه ضيقتني جدا
امل :تمام في حاجه تاني بعد اذنك عندي شغل
ايمان:انا محبتش اول يوم ليا في المدرسه يكون في مشاكل بيني وبين حد بعد اذنك
امل :اتفضلي وخرجت ايمان من المكتب وسمعت حد بنده ليها
حسام :ميس ايمان
ايمان:حضرتك بتكلمني انا
حسام:ايوه انا زميل ليكي هنا واستاذه مياده قالت لما حضرتك تخرجي تنزلي ليها تحت
ايمان:شكرا لحضرتك
حسام :عالفكره انا اعرفك
ايمان: تعرفني انا منين
حسام :انا ساكن في البيت اللي قصاد استاذ مصطفى بس بشوفك هناك ساعت بس معرفش تقربي ليه اي
ايمان :ابقي بنت اخت مراته
حسام :اهلا بيكي
ايمان : اهلا بحضرتك
حسام :والله فرحت أن حضرتك معانا هنا
ايمان :شكرا ليك كتير
حسام :لو عوزتي اي حاجه عرفني
ايمان :شكرا بعد اذنك وخرجت امل من مكتبها
امل :استاذ حسام
حسام :خير يا استاذه امل
امل : ابدا مافيش كنت بس عايزه اسالك هو كان فيه حاجه
حسام : نعم مش فاهم
امل :اصل شيفاك واقف معاها
حسام :بعد اذنك يا استاذه
امل :ثواني بس انا بحسب قالت ليك علي مشكله الصبح
حسام :مشكله اي
امل :, اتفضل اي مكتبي وانا افهمك
حسام :معلش انا عندي حصه بعد اذنك
امل :, اتفضل ومشي حسام وهو مروح شاف ايمان
حسام :انا معايا عربيه لو تحبي اني اوصلك
ايمان :لا شكرا انا بحب اخدها مشي
حسام : تمام بعد اذنك
ايمان :اتفضل ومشي وجت جمبها البنت اللي حصل بسببها المشكله اسمها ايه
ايمان :تعالي اقولك
ايه :نعم
ايمان :انتي خرجتي من المدرسه مش لابسه الطرحه ليه
ايه :اصل ......
ايمان :اصل اي اتكلمي دلوقتي حد هيقولك مخالف
ايه :ميس امل جت ليا ومسكت الطرحه قطعتها علشان مجيش بيها بكره
ايمان :ينهار ابيض ازاي تعمل كده
ايه :وانا مقدرش اتكلم لان هي بتعمل ليا بحث علشان اقدر استلم الكتب من غير فلوس لان بابا ميت
ايمان:يا حبيبتي
ايه :والله انا مش بحب اقلع الطرحه بس كان لازم أحضر الطابور
ايمان:طيب عايزه منك خدمه
ايه :,اتفضلي تحت امرك
ايمان:انا عايزه اللبس الحجاب ومعرفش حد هنا اشتري منه
ايه :انا اعرف
ايمان :طيب ممكن تيجي معايا اجيب
ايه :اه طبعا بس ينفع اروح اعرف ماما
ايمان :اكيد يلا بينا
وراحت علي البيت كان بيت قديم اوي وطالعه ايمان علي السلم
ايه :,رايحه فين تعالي يا ميس احنا بننزل تحت
ايمان :تحت ونزلت لقت أنهم قاعدين في شقه أوضه وصاله قديمه تحت السلم صعبت عليها جدا
ايه :,اتفضلي يا ميس
ايمان :لا عرفي ماما وانا هستناكي هنا
ايه :علشان البيت قديم حضرتك هتدخلي عندنا والله مش هتحسي أن شقتنا من البيت ده
وفعلا دخلت لقت المكان نظيف جدا
ايه :ماما يا ماما انتي فين
الام :تعالي انا هنا
ايه :الميس بتاعتي هنا
الام :هنا خير عملتي اي
ايه :والله ما عملت حاجه
ايمان :انا الميس بتعتها ولما عرفت ان باباها متوفي قولت لازم تاخد دورس عندنا بدون مقابل بس قولت اتاكد من كلمها
الام :حضرتك بتتكلمي بجد
ايمان :اكيد طبعا
الام :كتر خيرك والله انا مش عارفه اشكرك ازاي
ايمان :مافيش شكر علي حاجه ممكن اخد ايه معايا مشوار
الام:اكيد طبعا وراحت اشترت ليها طقم مدرسه جديد وكذه طرحه وهي كمان اشترت طرح وقررت انها تتحجب
وروحت البيت وكان كل تفكيرها في ايه البنت البسيطه وتاني يوم راحت المدرسه
ايمان :استاذ حسام
حسام :صباح الخير
ايمان :صباح الخير انا كنت عايزه اقول لحضرتك على حاجه
حسام :خير فيه حاجه مبروك الحجاب
ايمان :الله يبارك فيك انا كنت عايزك تشوف بنت هنا وتتفق معايا انا علي فلوس الدرس هدفعها انا
حسام :قريبه حضرتك
ايمان:لا بنت باباها متوفي بي لو سمحت بلاش هي تعرف اني. هدفع فلوس الدورس
حسام :يعني حضرتك عايزه تخدي الثواب لوحدك لا طبعا انا كمان مش هاخد فلوس منها
ايمان:بجد حضرتك كلك ذوق
وبعد المدرسه كانت ماشيه امل
امل :بت يا ايه ابقي عدي عليا كلمت الجيران علشان تمسحي السلم وكل شقه هتديكي ١٠جنيه
ايه :بس عندي درس عند مستر حسام
امل :,وانتي لاقيه تكلي لما تخدي دورس
ايه :ميس ايمان كتر خيرها عملت ليا بحث وجت شافت شقتنا علشان المدرسين يدوني دورس من غير فلوس
امل :نعم
وتاني يوم راحت ايمان المدرسه عرفت ان المديره عايزها
ايمان:صباح الخير نعم
المديرة:بحث اي اللي عملتي حضرتك
ايمان :مش فاهمه