..................... روايه جعلنى القدر لغيرك.....................
الفصل........التامن عشر........ والتاسع عشر
بقلم منة يونس
احمد باحراج .... بشمهندس أسر أنا آسف
أسر وهمس اتصدموا من اسفه مكنوش يتوقعوا أنه ممكن يجي ويتأسف لاسر
والصدمه ألجمتهم ومردوش..
احمد بندم حقيقى ....أنا عارف أن لو قعدت اتاسفت كتير ده مش هينسيك اللى عملته ولا الكلام اللى قولته صدقنى مكنتش في وعيي أنا حتى قسيت على ابويا بالكلام أنا الفتره اللى فاتت كنت فى ضغط نفسى كبير مكنتش عارف اطلع منه سامحنى
أسر واخيرا اتكلم وراح وقف قصاده وقال...لما مردتش أن جاسر يسلمك للبوليس علشان كنت واثق من أن معدنك اصيل وانك كنت فى ضغط لما شوفتك بتتكلم كتير عن الماضى عرفت انك عندك مشكله وبررتلك التهديد وكل حاجه ويا احمد أنا مش زعلان منك ربنا يريح قلبك
أحمد بأمتنان وابتسامه شكر قال وهوا موجهه كلامه لهمس...عرفتى تختارى صح المرادى يا همس اختارتى فعلا راجل وانتى يا همس متزعليش منى أنا أسف سامحنى على كل حاجه من اول مسبتك لغايه مكنت ناوى ادم
وسكتت واتكلم بخنقه ...سامحينى يا بنت خالتى
همس بتأثر ودموع ....أسر ده العوض اللى ربنا رزقني بيه وانا سامحتك خلاص يا أحمد وبلاش نتكلم فى الماضى علشان الماضى بيوجع انسى كل حاجه حصلت زمان ابدأ من دلوقتى
أحمد بابتسامه شكرا ...ماشى يا همس عن اذنكم
وخرج احمد مبسوط ومرتاح فعلا زي ما صاحبه قاله حس براحه لما اعتذر منهم وسامحوه ..
بعد ما أحمد خرج أسر راح لهمس ومسك ايديها وقال بحب....أنا دلوقتى مبسوط عارفه ليه
همس وهيا بتبصله بحب قالت...ليه يا أسر
أسر بنظره حب...علشان كنت خايف عليكى من أحمد كنت خايف يأذيكى ولا يخطفك بس دلوقتي كل حاجه بقت كويسه وهنيجى أنا وماما واتقدملك رسمى وتبقى مراتى وحبيبتى واختى وصاحبتى وام لاولادى بحبك يا همستى
همس بابتسامه عشق .....وانا بحبك اوى يا أسر
*************************
وجاسر اخد منة وراحوا لباباها يحددوا معاد فرحهم وفعلا اتحدد وفرحهم بعد شهرين وكانوا مبسوطين أنهم اخيرا هيبقوا مع بعض
وجاسر خرج من عندهم مبسوط وراح على ڤله أسر يقولهم
..عند أسر فى الڤله...
منى بفرحه...بتتكلم جد يا جاسر
جاسر بفرحه وهوا بيبوس ايديها...اها والله يا ست الكل بعد شهرين أنا مبسوط اووى
منى قامت مزغرطه وقالت بفرحه ...الف الف مبروووك يا حبيبي ربنا يفرحك كمان وكمان يارب
ودخل أسر عليهم وقال بابتسامه...فى ايه شكلكوا فارحنين فرحونى معاكوا
جاسر ... هههههه هتجوز بعد شهرين
أسر فرحه ..... الله الله على الاخبار الحلوه الف مبروك يا جاسر وانا عندى خبر حلو برضوا
جاسر بابتسامه.... الله يبارك فيك يا أسر خبر اي قول يلا
منى ساكته وقالت ...أنا قبلك يا أسر عندى حاجه عايزه اقولهالكوا
كلهم استغربوا وسكتوا وهيا كملت كلامها وقالت.....أنا موافقه على ارتباطك بهمس والحامى هوا الله ربنا يسعدك معاها يبنى
أسر بفرحه وراح باس راسها وقال... حبيبتى يا ست الكل وانا هطمنك أحمد جالى انهارده واتأسف وقالى انه مكنش قصده وأنه مكنش في وعيه وأنه هيبعد عن همس
منى بفرحه متتوصفش وبغير تصديق قالت .... الحمدلله يارب طمنتى أنا دلوقتى اطمنت عليكوا وانا هجوزك مع جاسر بعد شهرين ويبقى فرح واحد اي رايكوا يا ولاد
جاسر وأسر باسوا رأسها وقال أسر بفرحه حقيقة....مفيش رأي بعد رأيك يا قمر طب احنا هنروحلهم يوم الخميس نتفق ماشى
منى بتنهيده كلها سعاده انها اطمنت على ولادها ...ماشى يا حبيبي
وقضوا اليوم كله في هزار وضحك لاول مره يحسوا بالفرحه والسعاده دي واخيرا القلوب ارتاحت واستكانت وهتجتمع بحبايبها واللى القدر اختارها ....
***************************
وأحمد راح اعتذر لأهله وهما اتبسطوا برجوع ابنهم فى حضنهم وأنه فاق من الدوامه اللى كان فيها فاق وفوق اللى حواليه ....
أحمد كان قاعد فى البلكونه وبيفكر باللى شغلت عقله وقلبه من اول مره شاف فيها واتاكد أن همس مكنتش حب لانه بيحس بشعور محسوش مع همس
وهوا قاعد سرحان فيها جت مامته وقطعت شروده ...
سلوى حطت ايديها على ضهر ابنها وقالت...سرحان في اي يا حبيبي
أحمد بابتسامه وفرحه طالعه من قلبه لاول مره وقال...هقولك يا ماما علشان أنا عايز اخد خطوه فى الموضوع ده
منى بحب ...قول يا حبيبي أنا سمعاك
أحمد بهيام وحب ....انا كنت عند واحد صحبى في عيادته هوا دكتور كنت قاعد معاه وفجأة دخلت علينا واحده زي القمر يا ماما خطفت قلبى وهيا داخله بعيونها اللى سحرتنى اول مبصيت في عينيها اسمها ليان اخت صاحبى
ومعرفش حصلى اي من ساعتها وانا مش قادر أخرجها من دماغى وعلطول جايه على بالى وبحس بحاجات عمرى مكنت بحسها مع همس
سلوى بفرحه....انت حبيبتها ولا اي يا أحمد .
أحمد بسرحان قال ....معرفش بس كل اللى اعرفه ان مبسوط بالشعور ده ومبسوط لما شوفتها
سلوى بمكر وهيا بتبتسم ليه....طب اي رايك اكلم ابوك ونروح نخطبهالك اهو نكسب فيك ثواب
أحمد بابتسامه وفرحه قال... ياريت يا ماما أنا عايزه اتقدملها
سلوى بدموع الفرح ....اعتبره حصل يا حبيبي هكلم ابوك وانت حدد معاد نروحلهم فيه واللى فيه الخير يقدمه ربنا
أحمد براحه باس ايديها وقال....ربنا يخليكي ليا يا ست الكل
سلوى بحب... ويخليك ليا يا حبيبى
****************************
....في البيت عند همس ...
الكل بيلبس وبيجهزوا نفسهم علشان أسر ومامته على وصول
وهمس متوتره وخايفه من مواجهه مامته تانى بس هيا مبسوطه علشان أخيرا هتبقى علاقتهم رسمى ومنغير اي خوف أو فراق
واخيرا وصلوا كلهم وقعدوا فى الصاله واتكلموا مع بعض شويه وهمس خرجت ليهم
همس لبست سلوبت قماش باللون الاسود واسع وحزام فى الوسط ولبست الطرحه وجزمه كعب وحطت ميك اب خفيف وكانت حلوه جدا
وخرجت سلمت عليهم واستغربت من منى لانها سلمت عليها بحب ومكنتش تتوقع انها توافق بسهوله كدا بس هيا عرفت اد اي هيا طيبه ومنى صممت أن همس تقعد جنبها
وقرروا أن فرحهم بعد شهرين مع فرح منة وجاسر واهل همس وافقوا بعد ما شافوا السعاده على وش بنتهم
واليوم عدى على جميع ابطالنا بسعاده وفرحه لاول مره يعيشوها أو يحسوها لاول مره القلوب هترتاح وهتجتمع مع اللى القدر اختارها واللى قلبهم اتمسك بيها وكل واحد هيجتمع بحبيبته ....
******************************
...بعد شهرين وفى اكبر القاعات ...
كل واحد منتظر عروسته اللى هتنزل من على السلم فى أيد باباها وفى الوقت اللى هياخدها وتمسك دراعه هتبقى ملكه للابد وكانت الفرحه على وشوشهم وكل واحد منتظر اميرته اللى هتنزل بفستانها الابيض وتأسر قلبه ...
...عند أسر واقف عند أول السلم ومنتظر نزول همس..
كان لابس بدله سودا انيقه وشيك جدا وقميص اسود وكرافت واول مدخل القاعه جذب انتباه كل اللى قاعدين كان داخل بيهبته وجاذبيته وقوته المعتادة
همس اخدت نفس طويل واستعادت للنزول حطت ايديها فى دراع باباها ونزلت من على السلم على الموسيقى الهاديه ..
همس كانت لابسه فستان ابيض ضيق من علي الصدر ونازل بوسع ولبست جزمه كعب وكانت تشبه الاميرات بالتاج والطرحه الطويله والميك اب اللى زادها حلاوه
وكانت جميله جدا جذبت انتباه كل اللى قاعدين بجمالها ...
أما أسر اول ماشفاها خطفت قلبه بفستانها وجمالها سحرته واول ما بقت قدامه باس راسها وايديها بحب وقال...........
......................روايه جعلنى القدر لغيرك..........................
........البارت التاسع عشر........
همس اخدت نفس طويل واستعادت للنزول حطت ايديها فى ايد باباها ونزلت على السلم ببطئ وهيا بتبص فى عيون أسر
ونزلت على الاغنيه...
طِليِّ بالابيض طليِّ
يا زهره نيسان
طِليِّ يا حلوي وهليِّ
بهالوج الريَّان
طِليِّ بالابيض طليِّ
يا زهره نيسان
طِليِّ يا حلوي وهليِّ
بهالوج الريَّان
واميرك ماسك ايديكِ
واول ما جت جمله واميرك ماسك ايديك كانت هيا وصلت لأسر
أما أسر اول ماشفاها خطفت قلبه بفستانها وجمالها سحرته واول ما بقت قدامه باس راسها وايديها بحب وهحرك شفايفه ببطئ وقال...بحبك
واخدها وراح على المكان اللى هيرقصوا فيه ورقصوا على اغنيه رومانسيه وكانت كل كلمه فى الاغنيه بتوصفهم ومكنوش مركزين مع حد وكأنهم فى عالم لوحدهم...
وقلوب الكل حواليكِ
والحب يشتي عليكِ
ورد وبيلسان
قلبي بيدعيلك يا بنتي
بهالليلي الشعلاني
يا اميره قلبي انتِ
سلَّمنا الاماني
طِليِّ بالابيض طليِّ
يا زهره نيسان
طِليِّ يا حلوي وهليِّ
بهالوج الريَّان
****************************
عند جاسر بعد ما أسر اخد عروسته وقف جاسر بكامل هيبته وجاذبيته الطاغيه منتظر اميرته اللى هتنزل بفستانها الابيض وتبقى ملكه للابد
جاسر كان لابس بدله سودا وقميص أبيض ولابس الكرافت
وماسك لمنة بوكيه الورد ..
ومنة وقفت على أول السلم بفستانها ..
كانت لابسه فستان ابيض ضيق من علي الصدر ونازل بوسع وكان للفستان طرحه طويله وحطت الميك اب والتاج ولبست جزمه كعب كانت اميره مستعده للنزول واول ما بدأت تنزل الاغنيه اشتغلت ودي كانت من اختيارها..
من غير ما أحكيلك عن بكرة،،
ولا أجيبلك سيرة عن الماضي،،
أنا عمري ما عشت إلا في قربك،،
واسألي في عينيكي على ميلادي،،
من غير ما أحكيلك عن بكرة،،
ولا أجيبلك سيرة عن الماضي،،
أنا عمري ما عشت إلا في قربك،،
واسألي في عينيكي على ميلادي
أنا قصة انكتبت على إيدِك من أول سطر،،
مش عارف عني غير اللي إنتي عني عرفتيه،،
بَدَأِت وأنا جنبك أيامي الحلوين في العمر،،
ماحلمتش بيكي لكن هحلم بعديكي بمين،
أنا قصة انكتبت على إيدِك من أول سطر،،
مش عارف عني غير اللي إنتي عني عرفتيه،،
بَدَأِت وأنا جنبك أيامي الحلوين في العمر،،
وصلت منة لجاسر وبصوا لبعض بحب زي اللى بيقولوا اخيرا بقينا مع بعض
وجاسر باس ايديها بعشق وحط ايديها في أيده وراحوا البست المكان اللى هيرقصوا فيه وكانت الاغنيه دي هما الاربعه مختارنها علشان يرقصوا عليها ...
**************************
الاغنيه بدأت وكل واحده بدأ يرقص مع عروسته وهما باصين لبعض بحب وعشق وفرحه أنهم اخيرا بقوا مع بعض ومش هيفترقوا ابدا وبدأت العيون تتلاقى بحبيبها بسعاده وشعور الفرحه أنها فى النهايه بقت ملك للي قلبها اختاره واتمناه ...
كلام في سرك الحياة وانت معايا
كل ما بيعدي وقت بتحلى عن البدايه
صعب الكلام اللي اعرفه يوصف هوايا
في حاجات كدا بنحسها وماتتحكيش
من حسن حظي اني قابلتك دي الحقيقة
انت يا عمري يا كل احلامي البريئة
بحسب حياتي بالثواني وبالدقيقه
وان غيبت ثانية عن عيوني مش بعيش
من حسن حظي اني قابلتك دي الحقيقة
انت يا عمري يا كل احلامي البريئة
بحسب حياتي بالثواني وبالدقيقه
وان غيبت ثانية عن عيوني مش بعيش
وصلت قلبي لمرحلة ماوصلش ليها
يا حبيبي قبلي حد ولا فكرت فيها
ويا نعمة بحمد ربنا دايما عليها
خليت حبيبي الدنيا جنه من مفيش
من حسن حظي اني قابلتك دي الحقيقة
انت يا عمري يا كل احلامي البريئة
بحسب حياتي بالثواني وبالدقيقه
وان غيبت ثانية عن عيوني مش بعيش
(همس ،اسر) ...
أسر اول ما الاغنيه اشتغلت عنيه منزلتش من عين همس وكان بيتكلم معاها بلغه العيون لغه العشاق وبيقولها كل ما بيعدى وقت وانا معاكى فعلا كل دنيتى واوقاتى بتحلو بوجودك جنبى ومعايا
وكان كل شويه يبوس فى رأسها بتنهيده حب ....
همس كانت الفرحه واضحه فى عيونها انها اخيرا بعد وجع سنين لقت اجمل حب ممكن اي واحده تقابله حب صادق اجي بعد سنين انتظار واخيرا قلبها اجتمع بقلبه وهيأسره للابد ....
(جاسر،منة)..
جاسر كان مركز في عينيها كأنها مغناطيس فى كل مره بيشوفها بتجذبه وواثق أنه عدى حبه ليها وحبه ليها بقى عشق اللى محدش هيشاركه فيه
كان مبسوط لانه اختار شريكه هتعوضه عن الوحده اللى كان فيها هتبقى ليه الام والاخت والصديقه والحبيبه...
منة كانت بتبصله بنظرات كلها حب وعشق وللحظه ندمت انها كانت هتضيع كل الحب اللى شايفاه فى عينه بغبائها
بس حمدت ربنا فى سرها انها فى النهايه بقت ليه ..
*************************
الاغنيه خلصت وأسر طلب من الديجي المايك علشان يغنى لحبيبه قلبه..
" وكان متفق هوا وجاسر أن بعد الرقصه السلو هيجبلهم المايك علشان كل واحد يغنى لأميرته"
أسر مسك المايك والأغنية اشتغلت وبدأ يغنى لهمس وكانت كل كلمه طالعه من قلبه ومتكسفش أن يبين حبه للكل وبدوأ يميلوا مع الاغنيه وهوا بيبصلها بحب وحنان ..
يا كل حياتي، وآمالى، ويا أجمل سنين فاتت،
وحبي وكل أشواقي، وكل لحظة معاك كانت،
أنا منك، وكلى ليك حياتي ليك، ورهن إيديك،
بشوف العمر فيك أنت، وأشوف الدنيا دي في عينيك،
تصحي فيا أنا الإحساس على جناح الخيال أطير،
وأشوفك أنت كل الناس، ومن نفسي عليك أغير،
بتسرق كل أوقاتي وتشغل ياما تفكيري،
وخلتني أعيش الحب في دنيا ما عاشها يوم غيري،
بشوف العمر فيك أنت وأشوف الدنيا دي في عينيك،
في دنيا حبك الحلوة تناديني وتهمس همس،
ونكتب للفرح غنوة ونغزلها بخيوط الشمس،
أنا وأنت لوحدينا نعيش أجمل فصول العمر،
وكل الدنيا حوالينا تعوضنا سنين الصبر،
تصحي فيا أنا الإحساس على جناح الخيال أطير،
وأشوفك أنت كل الناس ومن نفسي عليك أغير،
بتسرق كل أوقاتي وتشغل ياما تفكيري،
وخلتني أعيش الحب في دنيا ما عاشها يوم غيري،
بشوف العمر فيك أنت وأشوف الدنيا دي في عينيك،
تصحي فيا أنا الإحساس على جناح الخيال أطير،
وأشوفك أنت كل الناس ومن نفسي عليك أغير،
بتسرق كل أوقاتي، وتشغل ياما تفكيري،
وخلتني أعيش الحب فى دنيا ما عاشها يوم غيرك،
أشوف العمر فيك أنت وأشوف الدنيا دي في عينيك،
الاغنيه خلصت والكل بدأ يصقف ويصفر ليهم لأن حبهم كان حقيقى كانت كل كلمه خارجه من القلب وكان مركز فى عيونها مع كل كلمه كأنه بيقولها انتى عمرى الجاي انتى عوضى عن كل السنين اللى عشتها من غير ابتسامتك ...
بعد ما أسر خلص الاغنيه بدأ جاسر يغني لمنة وهوا باصص في عنيها بعشق وكان عيونه مش شايفه غيرها وكانوا فى عالم لوحدهم مفيهوش حد الا هو وحبيبته وبدأوا يتمايلو على الاغنيه ببطئ وهوا بيبصلها بحب وابتسامه....
النهارده ياحبيبي سيبلي نفسك
ده انت عمري اللي عمري ماعيشته قبلك
انت مني مش بأيدي ده غصب عني
انت كلمة احلى من كلمة بحبك
وانا معاك بعيش واقدر واكون
ولا بخاف لو ايه في هواك يكون
لو ده جنان ايه احلى من الجنون
نتجنن اكتر واكتر كمان
وانا معاك مبخفش من السنين
انا هروح وياك لو رحت فين
انا بجيب الجراة دي منين
غيرت فيا كتير عن زمان
انت حالة من حالات العشق نادرة
انت ماضي وانت برضه حلم بكرة
كنت بحسب لما احب هحب عادي
لما شفتك مين انا مبقتش فارقة
وانا معاك بعيش واقدر واكون
ولا بخاف لو ايه في هواك يكون
لو ده جنان ايه احلى من الجنون
نتجنن اكتر واكتر كمان
وانا معاك مبخفش من السنين
انا هروح وياك لو رحت فين
انا بجيب الجراة دي منين
غيرت فيا كتير عن زمان
وبعد رقص كتير وفرحه كانت على وشوش الجميع وخاصه العشاق اللى اخيرا القدر جمعهم مع بعض بعد سنين تعب ووجع ووحده بقوا فى النهايه مع بعض وعمرهم ما هيفقترقوا وهيعيشوا فى سعاده وفرح...
خلص الفرح وكل واحد طلع على الجناح بتاعه ......
****************************
(في الجناح عند أسر ، همس)...
دخلت همس الجناح بكسوف وفرحه وسعاده مشاعر متلغبطه بس كل اللى تعرفوا انها فرحانه انها اخيرا بقت معاه في بيت واحد وعمر محد هيفرقهم عن بعض
أسر بفرحه وهوا واقف قدامها وماسك ايديها قال....أنا مش مصدق أننا اخيرا مع بعض ومحدش هيقدر يبعدنا عن بعض متعرفيش يا همس فرحتى عامله ازاى أن اخيرا لقيت شريكتى اللى قلبى اختارها ليا واللى هتكمل معايا باقى عمرى وتكون ام لاولادى ....
همس بابتسامه حب قالت.....انت اللى متعرفش أنا مبسوطه ازاى أن قدرت اختار صح المرادى وفعلا اختارتك ليا علشان تبقى سندى وامانى فى الدنيا
انت حب عمرى اللى ربنا عوضنى بيه بعد التعب اللى شوفته
مكنتش أتخيل أن القدر ممكن يجمعنى بيك أنا عمرى محسيت بشعور الفرح ده غير وانا معاك أنا بحبك اوى ربنا يخليك ليا يا أسر
أسر بفرحه وابتسامه حب وباس ايديها وقال....أنا عمرى ما حبيبت حد غيرك انتى اول واخر حب ليا ويخليكى ليا يا همستى ...
****************************
(فى الجناح عند جاسر، ومنة)...
دخلت منة بكسوف وفرحه وابتسمت اول ما افتكرت نظره حبه ليها اللى كانت واضحه للكل وفعلا حست بالسعاده والفرحة لمجرد شعورها أن في حد بيحبها الحب ده كله وعنيها دمعت بفرحه ..
جاسر بابتسامه عشق بس اختفت لما شاف عينيها مدمعه وقال بخوف من أنها تكون ندمت انها اتجوزت دلوقتى ....مالك يا حبيبتي عنيكى فيها دموع ليه انتى كويسه
منة بابتسامه وهيا بتمرر ايديها على خده وقالت....أنا ازاى كنت غبيه كدا ومشفتش كل الحب ده وكنت هضيع من ايدى شخص بيحبنى كل الحب ده لمجرد اوهام كانت في دماغى ..
كل ما افتكر نظره الحب اللى فى عيونك وانت بتغنيلى كانت كل كلمه بتقولها بحس بيها وهيا طالعه منك كنت طايره من الفرحه ربنا يخليك ليا يا جاسر
جاسر بعشق باس راسها وقال....ويخليكى ليا يا اجمل حب فى الدنيا أنا حبي ليكى عدا أنا مبقتش احبك انا بقيت بعشقك انتى بقيتى روحى اللى مقدرش اعيش من غيرها
منة بابتسامه عشق....أنا بحبك اوى وصدقنى هحاول على قد ما اقدر ما اضيعيش الحب ده وهكون ليك الاخت والام والصديقه
وكملت وهيا ماسكه ايديه والحبيبه ....
واليوم عدى على جميع ابطالنا بسعاده وفرحه....
*************************
تانى يوم وبالاخص فى بيت احمد على السفره....
أحمد وهوا بيهمس لمامته ...قولتيله يا ماما
سلوى بعدم فهم...قولتله بس قالى رده هقولهولوا بنفسى
أحمد بقلق ....تفتكرى ممكن يرفض
سلوى بقلق ....معرفش يا احمد بس ما اعتقدش
محمود بابتسامه مخفيه ...احم بتتوشوشوا في أي
أحمد بابتسامه ....مفيش يا بابا كنت عايزه اعرف رايك اي فى الموضوع اللى ماما قالتهولك.
محمود بيمثل عدم تذكره للموضوع .... موضوع اي يا احمد
أحمد وهوا يبلع ريقه بقلق.... احم أنا كنت عايز اتقدم لوحده تبقى اخت واحد صاحبى وكنت قايل لماما تقول لحضرتك اي رايك
محمود وهوا مركز معاه قال بزعل....ومجتش قولتلى ليه من الاول ولا لسه الماضى واللى حصل فيه مأثر عليك ومنستوش ولسه زعلان منى لدرجه متجيش تقولى علطول
أحمد حس بزعل أبوه وقام باس أيده وقال...لا والله مش كدا أنا يوم مجتلك واتأسفتلك
كنت فعلا نسيت الماضى وسامحتك على كل حاجه عملتها يا بابا هوا لسه فى العمر اي علشان نفضل زعلانين من بعض
الماضى خلاص راح ومش هيرجع لكن نقدر نبدأ من جديد وننسى وانا نسيت وعايزك تنسى انت كمان
بس انا بعتلك ماما علشان هيا هتقدر تفهمك الموضوع اصلا أنا مكنتش هتكلم هيا جت صدفه متزعلش يا حبيبي انا مقصدتش حاجه
محمود وهوا يربط على كتفه بفرحه قال.....وانا يا سيدى مش زعلان خلاص عندك حق اللى
حصل في الماضى خلاص فات وعلشان كدا أنا موافق على موضوع ارتباطك وهنروح نقابلهم انهارده كمان ايى رايك أنا خليت سلوى تجيب رقم صاحبك منك وكلمتك وهنروح انهارده بليل
أحمد بفرحه وبأبتسامه قال.....