الفصل الاول والثاني
بقلمي روني محمد
-: لو سمحت يا ... يا باشمهندس
-: نعم... انتي بتكلميني انا ؟
-: امال بكلم مين هو انت شايف في حد غيرك ؟
-: اوووف اللهم طولك يا روح عاوزه ايه ؟
-: ممكن اطلب منك خدمه ؟
-: اتفضلي
-: ممكن تشغلني عندك سكرتيره
-: نعم عندي انا ؟
-: ايوه ، بص انا شاطره وذكيه وبستوعب بسرعه ، بس انت اديني فرصه بس ..
-: بس انتي فا.....
-: بصي انا فالانجليزي تلاقيني لبلب ، والفرنساوي مكسر حافظه الحروف يادوب بس انا ممكن اتعلم عادي ...
-: لبلب ومكسر ؟؟؟ يا بنتي اسمعي انا....
-: طب سيبك من ده ، واخد انت بالك ادب وشياكه و مبطلبش طلبات كتير...
-: نعم!!!
-: ايوه ولله ، بص جربني بس وانت مش هتخسر...
-: اجرب ايه انتي عبيطه.
-: بص بقى انا ماسكه فيك بايدي واسناني ، انا مصدقت بصراحه ، ...
-: مصدقاتي ايه ؟
-: الاقي صاحب شركه ،انا كل ما اقرا روايه الاقي البطله تشتغل عند البطل هوب يتجوزها وش ،حاولت كتير اشتغل في شركات بس بلاقيهم عواجيز ..
-: انا مش فاهم حاجه ، روحي يلا من هنا متعطلنيش...
-: بص بقى انت لو ما اعجبتش بيه حالا وطلبت ايدي للجواز هصوت وهلم عليك الناس وهفضحك وسط موظفينك واقول انك كنت بتتحرش بيه واخليك تتجوزني غصب
-: انتي شاربه حاجه عالصبح ، امشي يا شاطره من هنا...
-: بقى كده انت مش هامك .... طب يالاهويييي الحقوني.....
(كتم فمها )
-: الله يخربيتك طلعتي مجنونه...
-: وسع ايدك ها وافقت ؟
-: وافقت على ايه؟
-: انك تتجوزني ؟
-: انا عن نفسي معنديش مانع ، وجنانك ده عجبني طيب عاوز بس استفسر عن حاجه
-: ها قول كلى اذان صاغيه
-: طيب يأم اذان صاغيه عندك شقه ؟
-: اه عايشين في شقه على قدنا مش بطاله ، بابا سبهالنا قبل ما يموت...
-: طيب اهلك هيوافقوا اني اعيش معاكم ؟
-: وتيجي تعيش معانا ليه امال فين القصور والفلل الي عندك ؟
-: مانا ده الي عاوز اقولهوك من الصبح
-: اوعي تكون متجوز !!
-: ياريت
-: الحمد لله نتجوز قريب بقى
-: يا سيتي اسمعيني انا اعد في شقه اوضه وصاله مع واحد صاحبي ، مش معقول هتيجي تعيشي معانا انا وصاحبي ..
-: طب محلوله ما تشتري فيلا ولا قصر
-: اشتريهم منين بس انا بأكل نفسي بالعافيه
-: انت بخيل ولا ايه ؟
-: يا سيتي انا اخر حاجه اشترتها كانت البدله دي من ست سنين ، واشترتها قسط كمان
-: لا بقولك ايه انا لسه شيفاك نازل من عربيه اوبها وكنت داخل الشركه...
-: ما دي العربيه الي بشتغل عليها..
-: بتشتغل عليها ؟ ازاي هو انت مش صاحب الشركه دي ؟
-: لا انا سواق صاحب الشركه دي
-: يا لاهوي !!!
-: ها ايه رايك نضرب ورقتين عرفي
-: ورقتين مين يابن ال....... اجري يا مجدييييييي
-: الله يخربيت الروايات الي لحست دماغكو
الفصل الثاني
روني محمد
-: يا دعااااااء... يا دعااااااء
-: ايوه يا ماما بتنادي ليه ؟
-: قومي يلا روقي البيت ده عشان جايلك عريس...
-: عريس ايه بقى ان شاء الله
-: هو ايه الي عريس ايه. ،،،،،،،، عريس وخلاص واعملي حسابك انا زهقت منك ومن افكارك السودا دي
-: يا ماما انا نفسي اتجوز عن
حب ، يعني الاقي الي يحبني من اول نظره وانا كمان احبه هيييييح
(لكذتها الام بكتفها )
دعاء : اااه اااه حرام عليكي يا ماما ايدك تقيله...
الام : عوض عليه عوض الصابرين يارب
-: هو في ايه انا عملت حاجه ؟
-: لا معملتيش يا ختي بس الروايات والقصص الي بتقريها بوظتلك مخك...
-: ماهو على يدك ملقتش ولا ظباط ولا رجال اعمال نافعين ، مبقاش فاضل غير بتوع المافيا...
-: يالاهوي... المافيا عاوزه تتجوزي واحد ويرجعك جثه تاني يوم. .
-: لا ما هو هيحبني...
-: بصي يا بنت انتي كل الروايات والقصص الي بتقريها دي ترميهاولا تولعي فيها ، وحسك عينك تقولي للعريس الي جاي النهارده انك بتقري روايات ، كفاياكي جنان بقى...
-: يوووه يا ماما انا مش هتجوز بالطريقه دي
-:بنت انتي العريس جاي باليل الشقه دي لو ماتشلتش ونضفتيها في خلال ساعه بالكتير ، ولله ما هتلاقي غير شبشبي نازل عليكي...
-: يا ماما بقى
-: ياتك ماو لما ينفخ جنابك ، امشي من وشي وخلصي قبل ما الراجل يجي....
في المساء
اصبح المنزل على اتم الاستعداد لأستقبال الضيوف ، كما ان اهتمت والده دعاء بتجهيزها ، حتى لا تقوم ابنتها بتخريب هذا اليوم..
بعد مجئ العريس ووالدته ، دخلت دعاء تحمل صينيه المشروبات وهي تمشي على
استحياء ، لتتعثر عند دخولها غرفه الضيوف ، تطايرت صينيه المشروبات لتسقط فوق العريس ، بينما دعاء كانت
ممدده على الارض ، وقفت بحرج لتحاول ان تتأسف عن فعلتها ، بينما الاخر ينظر لها بغضب لترفع رأسها وترى وجهه وكانت
الصدمه حليفتها حينما وجدته هو.. من ظنت انه صاحب الشركه....