رواية لليليان
الفصل السابع الاخير
كان ريان واقع فى الارض عضمه متكسر حرفيا من الى لليليان عملته فيه.... وعينه بدأت تقفل بالراحه لحد ما اغمى عليه......
ريان..... ريان قوم ريااااان
فتح عينه بالراحه..
ريان بتعب: عصام!
عصام:قوم يا صحبى
ريان:خلاص يا عصام معدتش فيه حاجه اقاوم علشانها
عصام:لا فيه....فيه عُدَى وامانى يا ريان....قوم علشانهم متستسلمش
ريان:انت وغيث كنتم اعز اصحابى وهى.....هى اقوى يا عصام محدش هيقدر يوقفها
عصام:لا فيه يا ريان خلى ايمانك بربنا كبير واوعى تفقد الامل انت تقدر يا ريان
ريان:بس يا عصام
عصام:قوم يا صحبى
ريان:هتوحشنى يا عصام انت وغيث......
ريان فتح عينه بالراحه وتعب اول ما فاق شاف عُدَى ايوة عُدَى كان واقع على الارض ولليليان قدامه...
ريان بتعب:سيبيه...
لليليان بضحك: ايه دا انت صحيت
ريان:سيبيه.....
لليليان رفعته لفوق وهو بيتوجع:يعنى انت تحب تموت الاول ولا تشوفه وهو بيموت
ريان:قولتلك موتينى وسيبيه
لليليان:لا الصراحه الاوبشن دا مش عندى
عُدَى:سيبها يا ريان خلاص كدا كدا هموت
لليليان:شوفت صاحبك شاطر ازاى
فى الوقت دا امانى فاقت وراحت تعمل الخطه الى اتفقت عليها مع ريان ولليليان مخدتش بالها منها
لليليان:عارف يا ريان بصراحه انا كنت بدأت اتشدلك وحسيت انك مختلف بس صعب اوى بعد الى شوفته فى حياتى اثق بحد تانى
ريان:مش كل الناس شبه بعضها
لليليان:بس من سوء حظك ان الى قابلتهم كلهم شبه بعض
ريان:مش ذنبنا
لليليان:ولا ذنبى
ريان:يعنى كدا خلاص.....عُدَى انا آسف مقدرتش اوفى بوعدى سامحنى
عُدَى:ولا يهمك يا صحبى اهو على الاقل هنقابل غيث وعصام
ريان تعب تانى واغمى عليه.......
بعد فترة......
ريان فتح عينه ببطئ لقى نفسه نايم على سرير وايده ورجله متجبسين ومش قادر يتحرك....
ريان:انا فين
امانى بلهفه:ريان الحمد لله انك بخير
ريان:امانى!انتى كويسه؟انا فين؟وايه الى حصل؟
امانى:انت فى المستشفى يا ريان
ريان:مستشفى! طب عُدَى فين؟وايه الى حصل؟
امانى:عُدَى بخير متقلقش هو فى الاوضه الى جنبك وكان نفسه يشوفك اول لما تصحى
ريان:بجد؟ طب الحمد لله.....بس قوليلى ايه الى حصل وازاى خرجنا من الشاليه.....
امانى بتنهيده: عملت الى قلتلى عليه....لما لقيتها مش واخده بالها منى اتسحبت وطلعت فتشت فى الاوض على التليفون الارضى الى كنا شرينيه واول ما لقيته شغلته واتصلت بالاسعاف والنجده وبعدين نزلت بعد ما لقيت تسجيل وشغلته على اذاعة القرآن الكريم و.....
Flash back.....
لليليان:انتى بتعملى ايه
امانى:كفايه بقى كفايه لازم تموتى
لليليان بضحك:انا ميته اصلا
امانى:عارفه بس لازم نخلص من شرك
امانى شغلت التسجيل واول لما القرآن بدأ بدأت لليليان تصرخ وتتوجع وبعديها وقعت على الارض واختفت
امانى جريت على اخوها الى كان فاقد الوعى تماما
واستنت لحد ما النجده جت وطفت النار الى كانت حولين الشاليه وانقذتهم وودتهم المستشفى.....
back.....
ريان:وعصام وغيث
امانى:للأسف يا ريان كانو ماتو خلاص
ريان:والبوليس عمل ايه
امانى بتنهيده:كانو هيتهمونى علشان ملقوش حد غيرى بس الحمد لله عُدَى فاق وشهد ان مش انا الى عملت كدا واتفقنا منقلش حاجه على لليليان علشان هيقولو علينا مجانيين وقولنا ان مجرم منعرفهوش واول لما النجده جت هرب
ريان:الحمد لله
امانى:كله هيبقى تمام ان شاء الله
ريان بابتسامه:انا مبسوط انك بخير انتى وعُدَى
امانى اكتفت بابتسامه وهى بتطبطب على كتف اخوها
ريان وعُدَى فضلو فى المستشفى لحد ما حالتهم اتحسنت وبعدين خرجو.....اول لما خرجو راحو زارو صحابهم فى المقابر ودعولهم......
(بصو بقى انا مبحبش ازعل حد علشان كدا هعمل حاجه جديده انا هعملها نهايتين الاولى والتانيه علشان نرضى الكل ومحدش يزعل وانتو اقرو الاتنين وقولولى انهى احلى تمام)
النهاية الاولى......
مر شهر والحال مستقر عند الكل وبدأو يفوقو من الصدمه تدريجيا
امانى:ريان....ريان...رياااااااان
ريان:ايه يا امانى
امانى بمزاح:ايه ياعم ايه الى واخد عقلك
ريان بابتسامه:مفيش يا بنتى
امانى:عليا بردو
ريان:بصى.....فاكرة البنت الى حكتلك عنها
امانى:اه فاكرة😉😉
ريان:كنت يعنى....عايز يعنى....
امانى:خلصانه خد معاد مع الحج واحنا نروح وانا هكلم بابا
ريان:اييييه انا لسه مقولتش حاجه
امانى بضحك:عينيك فضحاك يا اخويا
ريان افتكر لما كان بيقول كدا لعصام....دعاله بالرحمه هو وغيث.....
ريان خطب البنت الى حبها والى كانت معاه فى نفس الكليه واشتغلت معاه كمان فى نفس المستشفى.....
كان فرح ريان قرب وكان بيشتغل كتير علشان يلحق يخلص الشقه ..... وفى يوم وهو راجع من الشغل كان سايق عربيته و.....
ريان: الو يا امانى..... انا جاى اهو يا حبيبتى.... ههههههه.... حاضر.... سلام....
ريان حط الفون جنبه ورجع يسوق تانى وبعديها بيعدل المرايه علشان يشوف الطريق وراه شاف لليليان فى الكنبه الى ورا.... ريان اتخض وبص وراه ملقاش حد ريان اتنهد ورجع بص قدامه تانى بس فجأه لقى عربيه فى وشه..... ريان عمل حادثه ومات....
عُدَى كان بياخد شاور خلص وبينشف شعره .....كان فى بخار على مراية الحمام عُدَى اول ما مسحه لقى لليليان فى المرايه اتخض ورجع لورا اتزحلق ووقع راسه اتخبطت فى البانيو.....عُدَى مات هو كمان ولليليان خلصت انتقامها وارتاحت كدا.....
اما امانى انصدمت اكتر من الى حصل ودخلت فى حاله نفسيه حاده .......
بعد سنه فى نفس الطريق.....
....بصو دا فى بنت واقعه فى الطريق
_يلا ناخدها نساعدها وندور على مستشفى نوديها ليها
خدوها حطوها فى العربيه ومشيو.....كانت موجوده فى الكنبه الى ورا فتحت عينها وابتسمت وبعدين غمضت تانى.......
تمت......(دى النهاية الاولى ممكن متعجبش كتير منكم)
النهاية التانيه....
امانى:رياااااااااان
ريان:ايه يا امانى
امانى بمزاح:ايه ياعم ايه الى واخد عقلك
ريان بابتسامه:مفيش يا بنتى
امانى:عليا بردو
ريان:بصى.....فاكرة البنت الى حكتلك عنها
امانى:اه فاكرة😉😉
ريان:كنت يعنى....عايز يعنى....
امانى:خلصانه خد معاد مع الحج واحنا نروح وانا هكلم بابا
ريان:اييييه انا لسه مقولتش حاجه
امانى بضحك:عينيك فضحاك يا اخويا
ريان افتكر لما كان بيقول كدا لعصام....دعاله بالرحمه هو وغيث.....
ريان خطب البنت الى حبها والى كانت معاه فى نفس الكليه واشتغلت معاه كمان فى نفس المستشفى.....
بعد سنه ..... فى يوم الفرح.....
عُدَى بفرح:مبروووووك يا عريييييييس
ريان بضحك:الله يبارك فيك عقبالك
عُدَى:قول يارب
امانى:يلا يا رغايين علشان منتأخرش على العروسه
ريان:ايه دا بجد طب يلا
ريان مشى وسابهم....
امانى:دا مشى😲😲😲
عُدَى بضحك:مستعجل اخوكى مستعجل
امانى ضحكت:طب يلا وراه
عُدَى:امانى......كنت عايز اقولك علي حاجه
امانى:اتفضل
عُدَى:ما تيجى نتجوز ونجيب عصام وغيث
امانى تنحت
عُدَى:ايه؟
امانى بصت فى الارض:عُدَى انا....
عُدَى:عارف انك كنتى بتحبى عصام علشان كدا هحافظ عليكى وعمرى ما هزعلك وبتمنى تدينى فرصه ولو صغيرة
امانى:مش عارفه يا عُدَى خايفه اظلمك معايا
عُدَى:وانا نفسى فى فرصه
امانى ابتسمت....
ريان:قفشتك .....بتعمل ايه هاه.....بص خلاص هتتجوزو يعنى هتتجوزو لازم اغسل عارى بيدى
امانى:ايه الافورة دى
ريان:صح....انا قلت كدا بردو 😂😂😂😂
امانى:طب يلا قدامى
راحو وانبسطو وكان يوم مبهج جدا بس اتمنو ان عصام وغيث يكونو معاهم......
بعديها عُدَى وامانى اتجوزو وجابو ولد سموه عصام وريان جاب ولد سماه غيث علشان ذكرى اصحابهم تفضل معاهم ومتفرقهمش.....
وبكدا تكون روايتنا خلصت عايزة اقول حاجه....دا كله طبعا خيال وطبعا الى معاه ربنا
عمره ما يخاف فكتاب ربنا حافظ لكل من يحمله ويقرأ فيه والى ربنا حفظه عمر ما فى حاجه وحشه هتصيبه.....
النهايه..