......................رواية جعلنى القدر لغيرك..........................
.....الفصل الثالث عشر.....والرابع عشر
بقلم منة يونس
احمد وشاف السكينه كانت في طبق الفاكهه قال بصوت عالى...أسرررر
أسر بصله باشمزازا واداله ضهره ولسه هيخرج وقف على صوته وهوا بيندهله وبيلف يشوفه
احمد مسك السكينه وبغل وحقد وكراهيه قام ضربه بالسكينة فى كتفه
أسر واتصدم من اللى عمله ومسك أيده قبل ميضربه تانى بالسكينه ..
قام جاسر ضربه بالقلم وقعه فى الارض ونزل بالبوكسات فى وشه لغايه ما اغمى عليه
أسر بدوخه بسبب الدم اللى بينزل منه وقال لجاسر.... خلاص يا أسر سيبه خلاص
جاسر قام بقلق وقال...انت كويس
أسر بهدوء ودوخه... أنا كويس يا جاسر يلا بس علشان دايخ
جاسر بعدم اقتناع ...هنسيبه ازاى أنا هسلمه للبوليس ده حاول يقتلك
أسر وهوا خارج من البيت...لا سيبه هنجيله تانى مش هينفع نسلمه ده محتاج دكتور نفسى لانه مش فى وعيه
يلا بقى
مشى جاسر وأسر وركبوا العربيه رايحين المستشفى
جاسر ساق العربيه وأسر ركب جمبه وغمض عنيه ووصلوا
المستشفى ..
جاسر موجهه كلامه لأسر...انت مش هينفع تطلع كدا لو شافت الدم هتترعب
أسر بتأييد لكلامه...أحنا هنتطلع الاستقبال يخيطوا الجرح ونروحلهم.
جاسر وهوا بيسند أسر ودخلين المستشفى...ماشى يلا علشان الدم مش بيوقف.
_________________________
فى المستشفى وبالاخص فى اوضه همس.
فاقت همس من النوم وقالت بقلق وهيا بتقوم من حضن منة...لسه مجاش يا منة
منة بخوف حقيقى لو كان جرالهم حاجه...لسه يا همس زمانهم جايين
همس وهيا على وشك البكاء...أنا خايفه عليهم اووى
منة بابتسامه مصطنعه مداريه خوفها...متخافيش يا حبيبتي والله زمانهم جايين متقلقيش
انا هنزل الكافتيريا اجبلك اكل علشان شويه ونمشى هما مش هيتاخروا اكتر من كدا تمام
همس وهيا بتهز راسها بالمواقفه...ماشى يا منة
_________________________
عند أسر وجاسر فى المستشفى ...
جاسر بقلق ...هوا الجرح سطحى ولا عميق يا دكتور
الدكتور...لا الجرح عميق دي اخده 15 غرزه
أسر بتعب قال..طب ممكن بسرعه علشان لازم نمشى
الدكتور برسميه ...انت لازم ترتاح أنا هديلك حقنه مسكنه تسكن الالم وتقدر تروح بعدها وحمدلله على سلامتك
أسر بابتسامه.. الله يسلمك
الدكتور موجهه كلامه لجاسر ...لو تقدر تروح تجيبله عصاير يشربها علشان يعوض فقدان الدم
جاسر ...تمام أسر أنا هروح اجبلك عصير ولا اي حاجه تشربها واجيلك .
وخرج جاسر يجبله حاجه يشربها وهوا خارج قابل ...
______________________
خرجت منة من اوضه همس بقلق وخوف من أن يجرالهم حاجه ودموعها غصب عنها نزلت بصمت
لما حست أن قلبها اتقبض كل ما تفكر أن جاسر ممكن يجراله حاجه ..
وهيا ماشيه فى طرقه المستشفى لقت جاسر خارج من اوضه الاستقبال وماشى فى الطرقه
منة بلهفه وخوف ندهت على جاسر ...جاسر جاسر
جاسر وهوا خارج من الاوضه ورايح على الكفتريا سمع صوتها اللى بقى بيعشقه وهيا بتنده عليه ولفه يشوفها بابتسامه
منة بعدم تفكير وبلهفه جرت عليه وحضنته وقالت بدموع ... الحمدلله انك بخير كنت خايفه يجرالك حاجه يا جاسر
وسكتت وكملت بصوت كله دموع ووجع...مكنتش هستحمل يجرالك حاجه أنا دلوقتى بس اتاكدت من حبى ليك اتاكدت انك لو بعدت هتاخد روحى معاكي يا اول واخر حب ليا من يوم مشوفتك وكنت شايفه فيك امانى وسندى كنت بحس بالسعاده لما بشوفك بتضحكلى وفكره أن أفقدك مره واحده دي صعبه عليا اووى انا بحبك اووى بحبك..
ربنا يخليك ليا يا حلم حياتي ...
جاسر اتصدم اول ماحضنته وفاق على دموعها وقام ما بادلها الحضن وضمها لصدره بتملك وحب واضح عليه واتصدم اكتر لما اعترفت له بحبها ومكنش مصدق نفسه من الفرحه وخرجها من حضنه وقال وهوا بيمسح دموعها... حبيبتى مش عايز اشوف دموعك تنزل ابدا لانها اغلى من انها تنزل أنا مش هسمح بأي حد أنه يبعدك عنى أنا كنت قبلك وحيد مليش حد ومن بعد ما عرفتك بقيتى امى واختى وصحبتى وحبيبتى وهتبقى مراتى وام عيالى اللى قلبى اختارها ليا
بحبك يا من ملكتى روحى بابتسامتك العذبه بحبك يا من سلبتى عقلى بجمال روحك ..
منة بفرحه وابتسامه عشق ...وانا بموت فيك يا جاسر
وكملت بضحكه ...أنا نازله علشان اجبلها اكل تأكله ونسيت خالص صحيح أسر فين
جاسر بحزن ...احمد ضربه بالسكينة فى كتفه بيتخيط جوا
منة بحزن وخوف ...لا حول ولا قوه الا بالله طب هوا كويس الجرح سطحى ولا اي
جاسر بابتسامه طمأنينه ...أهدى متخافيش هوا كويس الجرح عميق اخد 15 غرزه بس أسر قوى
وكمل بضحكه وهما ماشين ...ده بيقول للدكتور يلا خيطنى بسرعه علشان عايز يمشى
منة بتساؤل ...عملتوا اي مع احمد
جاسر وبدا يحكى ليها على اللى حصل من ساعه ما وصلوا لغايه ما مشوا من البيت
منة وهيا مش مصدقه ...اتجنن لا اله الا الله ربنا يشفيه
أسر صح مكنش ينفع تودوه القسم حرام هوا اصلا مش حاسس باللى بيعمله دايره الانتقام اللى حط نفسه فيها هتنهى على مستقبله
منة جابت الاكل وجاسر جاب العصير لصاحبه
منة ..أنا هطلع اكلها واقولها أن شوفتكوا بس أسر بيسال الدكتور علي صحتها علشان ترضى تاكل
وانتوا حاولوا متتاخروش يا جاسر علشان همس متقلقش
جاسر وهوا بيبوس دماغها ...حاضر يا حبيبتى اطلعى وانا هجيب أسر واحصلك هوا زمان الدكتور خلص
ومشت منة وطلعت وقالت لهمس وهمس اتبسطت وبدأت تاكل وهيا بتحمد ربنا أنه رجعلها روحها بخير من غير أذى
وجاسر دخل الاوضه بتاعت أسر لقى الدكتور خلص ومشى
وجاسر أدا لأسر العصير وشربه واستعاد أسر صحته وطلع لهمس اوضتها ...
___________________________
عند همس ظبطت طرحتها علشان مستنياه وقالت بقلق لما اتاخر ...منة انتى بتكدبى عليا أسر مش كويس صح
منة بنفى لكلامها...لا والله أسر كويس وهما قالولى اطلعى واحنا جايين وراكى طب عملوا مع احمد اي
منة بابتسامه وهيا بتمسد على رأسها ...هوا لما يطلع هيقولك على كل حاجه
الباب خبط ومنة اذنت لهم بالدخول ودخل أسر وجاسر
همس اول مدخل قامت وقفت قلبها دق بفرحه واستقبلته بابتسامه حب فاقت كل الحدود.
أسر بابتسامه وسعاده لمجرد أن شاف ابتسامتها ودخل وقف قصادها ومتكلموش كل اللى عملوه أنهم بيبصوا لبعض بيحفظوا شكل بعض وكل واحد بينظر للتانى بعشق
جاسر غمز لمنة علشان يسبوهم لوحدهم ومنة فهمت وخرجوا من الاوضه ..
جاسر فتح لهمس دراعه الشمال لان اليمين هوا اللى فى الجرح
وهمس اول ما هعمل كدا ارتمت فى حضنه بدموع فرحه وقالت بعشق ...أنا مكنتش أتخيل أن في يوم من الايام هنسى وجعى ورهبتى من الفقدان والحب وهحب تانى واللى مكنتش أتوقعه أن درجه حبى توصل لكدا أن أبقى خايفه ليجرالك حاجه وافقدك كنت كل ما احس بكدا كأن حد بيخنقنى وبيحاول يموتنى كأن روحى بتطلع بس ببطئ
كنت خايفه احب لتوجع من الفراق بس انا اختارت صح المرادى اختارت راجل هيحمينى ويحافظ عليا ويحبنى بجد ومستعد يعمل اي حاجه فى سبيل أن أفضل معاه
بس اللى خوفت منه وانا معاك أن أفقدك ومتبقاش معايا ساعتها هموت من غيرك
ربنا يخليك لقلبى وتفضل طول عمرك جمبى ومعايا
أسر بيسمع همس وهوا مبسوط أنها بقت بتحبه ووصلت درجه حبها للخوف من أنها تفقده حس ساعتها أنه بجد ملك الدنيا كلها بحبها وبعد ما كان جاي وزعلان منها أنها كانت هتخبى عليه حوار احمد بس دلوقتي فهم هيا عملت كدا ليه وقال وهوا بيمسد على رأسها بحب ....أنا من يوم مشوفتك فى الشركه شدنى فيكى كل حاجه طريقه كلامك اللى فيها تحدى وابتسامتك وتعبيرات وشك كل حاجه فيكى حفظتها عينكى اللى لما بصيت فيها روحت فى دنيا تانيه مفيهاش غير أنا وانتى بس
ويوم مقولتيلى على حكايتك مع احمد حسيت أن القدر جمعنى بيكى علشان اعوضك على كل حاجه حصلت لك ومن يوميها أقسمت لنفسى أن هبقى امانك وسندك في الدنيا ومش هسمح لأي حد أنه ينزل دمعه منك
انا عايزك توعدينى انك تحكيلى على كل حاجه ومتخبيش عنى حاجه اوعدينى يا همستى
همس خرجت من حضنه وقالت بنظره عشق...اوعدك يا روح همس
همس وهيا بتهزر وبتضرب كتفه اللى فى الجرح بخفه وقالت ...أنا زعلا
ومكملتش كلامها لما لقت أنه اتوجع من ضربتها الخفيفه ودققت نظرها على كتفه لقت دراعه ملفوف بشاش
همس وهيا على وشك العياط وبصوت كله عياط لما فهمت أنه حصل حاجه وهوا عند أحمد وقالت....أسر اي اللى حصل انت دراعك ملفوف ليه كدا
أسر وهوا بيهديها قال...ممكن تهدى ده جرح بسيط مفيش حاجه
همس بدموع وثبات قالت...ممكن تحكيلى اي اللى حصل
أسر وهوا ماسك وشها بأيديه وحكى ليها اللى حصل
همس بدموع ...أنا اسفه يا أسر أنى عرضتك للخطر
أسر بضيق...ممكن تسكتى خطر اي اللى عرضتينى ليه ده خدش بسيط وبعدين أنا روحى فداكى يا اميرتى
همس بحب...أنا مبقتش احبك انا عديت مرحله الحب أنا بقيت بعشقك
أسر باس راسها بحب وحنيه وقال...وانتى بقى بقيتى كل حياتى
الإنسان لمى بيحب بيثبت حبه بأنه يكون سندها وامانها
يحبها بجد يحسسها أنها ملكه وهوا أميرها يحسسها بأنها اجمل بنت فى الدنيا يعشق الكلام معاها يقدرها
يبسطها ميخليش دموعها تنزل وده الحب اللى القدر دايما بيجمعنا بيه ...
أسر وجاسر خرجوا من المستشفى وروحوا همس ومنة
__________________
ووصلوا ڤلة أسر خبطوا وفتحت منى ..
منى فتحت الباب ولما شافتهم قالت بابتسامه...تعالوا يا حبايبى علشان نتغدى يلا
أسر وهوا يحاول الهروب ...هطلع اغير هدومى بسرعه واجي
منى وهيا عاقده جبينها بعدم فهم واتصدمت لما شافت دراعه وقالت بخوف ولهفه وقلب بيدق بقلق ...أسر حبيبى دراعك ماله
أسر بحزن على لهفه امه وقال.. حبيبتى ده خدش بسيط مفيش حاجه
منى بخوف وبعصبيه وصوت عالى ...أنا اعايزه اعرف اي اللى حصل لك يا أسر
جاسر بخوف عليها لما زعقت لتتعب وقال ...ممكن تهدى يا حبيبتي واحنا هنفهمك على كل حاجه
جاسر وحكى اللى حصل بس باختصار علشان تطمن أن مفيش حاجه بس الظاهر هيكون فى كلام تانى
منى بعصبيه وصوت عالى...يعنى اللى حصلك يا أسر ده بسبب همس
واللى فهمته واللى جاسر بيحاول يداريه أنه اللى اسمه احمد ده مصمم ينتقم منك من ابنى علشان حب همس بس انا هبعده عنك يا أسر خالص
وسكتت وفجاه اتكلمت وصدمتهم باللى قالته .....
......................روايه جعلنى القدر لغيرك.........................
.....الفصل الرابع عشر.......
منى بعصبيه وصوت عالى...يعنى اللى حصلك يا أسر ده بسبب همس
واللى فهمته واللى جاسر بيحاول يداريه أنه اللى اسمه احمد ده مصمم ينتقم منك من ابنى علشان حب همس بس انا هبعده عنك يا أسر خالص
وسكتت وفجاه اتكلمت وصدمتهم باللى قالته ....انسى همس يا أسر جواز من همس مفيش
جاسر وأسر اتصدموا من كلامها ومكنوش يتوقعوا أنها هتقولوهم كدا وأسر وهوا مش مصدق قال...ماما انتى بتقولى اي انساها ازاى يعنى انتى عارفه انتى بتتطلبى منى اي ماما أنا حبيتها ونفسى اتجوزها انهارده قبل بكرا طب افرضى انى سمعت كلامك
وقطعت منى كلامه وقالت بعصبيه...مفرضش علشان لو محصلش هسيبلك البيت وامشى وساعتها اعتبر أن امك مامتت
جاسر وهوا بيحاول يلطف الجو...طنط مينفعش تبعديهم عن بعض اول واحده هتتعب همس وابنك بيحبها وده قدر ومكتوب وهمس كانت سبب مش اكتر لان ربنا لو عايز ياخد أسر منك هياخده حتى وهوا بعيد عن همس
فكرى يا طنط تانى انتى كدا بتظلميهم
منى بتصميم وبصوت عالي...ها يا أسر اختارت اي أن تعتبر امك ماتت وتتجوزها ولا اختارت رضايا وقدرت خوفى عليك
أسر بصلابه وملامح جامده قال....ماشى يا امى اللى انتى عايزاه هيحصل عن اذنك
وطلع أسر اوضته مخنوق ومش عارف يعمل اي ولا يقولها ازاى وبيكلم نفسه وبيقول ولا هعرف اعصى كلام امى ولا هقدر اوجعها تانى ده كأن الزمن بيعيد نفسه تانى يا همس
الظاهر أن قدرك دايما مخبيلك الوحش بس انا مش هبعد عنك هفضل معاكى
وغير هدومه وسند رأسه وفضل يفكر فى اللى جاي واللى مستنيهم ونام من التعب والارهاق
___________________________
جاسر بزعل على صاحبه وقال بحزن....حرام يا طنط مش علشان خايفه على أسر توجعيهم كدا انتى بتحكمى عليهم بالبعد ومتعرفيش نتايجه
انتى تعرفى احمد ازاى بعيد عن همس ولا هيا استحملت ازاى بعده ده ولا علشان تبدإ حياتها تانى ومتفكرش فيه مرت بايه
وحضرتك جايه تبعديها عن أسر بنفس الطريقه اللى بعد احمد بيها عارفه ممكن يجرالها اي
دي علشان احمد هددها بأنه هيأذى أسر مستحملتش واغمى عليها وودناها المستشفى وكانت مصممه أسر يبعد عنها
حرام يا طنط حرام
منى بدموع وبصوت عالي....وانا مقدرش اعرض ابنى أنه يكون فى خطر وفى اي وقت ميبقاش معايا علشان خاطرها لا أنا لو أسر جراله حاجه هتكسر انا مليش غيره فى الدنيا هوا ابنى وسندى ومصدر قوتى فى الحياه مش هقدر
وكملت بصلابه وعيند قالت ....أنا قولت اللى عندى ومش هرجع فى قرارى تانى
وسابت جاسر واقف ودخلت أوضتها وهيا بتقنع نفسها انها الصح فى القرار اللى اخدته وجاسر طلع يطمن على صاحبه ولقاه نام ودخل اوضته هوا كمان وفضل يفكر مصيرهم هيبقى اي وزعلان جدا من اللى حصل
"الام مهما حصل هتحاول على قد ماتقدر أنها تبعد ابنها عن اي خطر فى اعتقادها أنها كده بتحميه لما تبعده عن البنت اللى بيحبها لمجرد انها شايفه أنه ده الامان بالنسبه ليه ومهما حاولت تقنعها بعكس كدا مش هتقتنع غير باللى فى دماغها"
واليوم عدى على جميع الابطال أسر بيفكر ازاى يقنع مامته ويخليها ترجع عن قرارها
وبالنسبه لهمس ومنة عدا اليوم بسلام منتظرين اللى مستنيهم ...
________________________
تانى يوم الصبح عند أسر وبالاخص على السفره
قاعدين هما التلاته فى حاله صمت واللى كسر الهدوء ده
أسر موجهه كلامه لمامته.... ماما أنا عايز حضرتك تفكرى تانى
منى وهيا بتنظر لطبقها ...أنا قولت اللى عندى امبارح ملوش لزوم نتكلم فى الموضوع ده تانى
أسر بعصبيه مقدرش يتحكم فيها ....بس ده اسمه انانيه أن حضرتك تفكرى فى نفسك ومتعمليش حسابنا ولا تعملى حساب احنا هنبقى عاملين ازاى بالبعد ده هنرتاح وانتى هترتاحى كدا وانتى شايفانى بتعذب ببعدها عنى
منى بهدوء ...أنا انانيه يا أسر علشان خايفه يجرالك حاجه ابقى انانيه ومبفكرش غير فى نفسى تمام يبنى
أسر بنفس العصبيه...أنا مش هبعد عنها يا ماما أنا هسيب حضرتك تفكرى تانى علشان أنا مش هقدر ابعد عنها ولا هقدر ابعد عنك متحطنيش فى اختيارات أنا مش قدها ومش هقدر عليها
منى متجاهله كلامه وقالت لجاسر...أنا عايزه رقم والد منة هكلمهولك ناخد معاد علشان نروح نتقدم رسمى لمنة
جاسر برفض....ملوش لزوم دلوقتى لما نشوف هنعمل اي فى موضوع أسر مش هتقدم ليها دلوقتى
منى بهدوء....أنا قولت كلمه ياريت تتسمع يا جاسر
أسر بتأييد لكلامها...اسمع الكلام يا جاسر اديها الرقم وروح اتقدم لمنة وملكش دعوه بيا أنا موضوعى مطول
جاسر وهوا بيهز رأسه بالموافقه ...مع أن مش مقتنع بس ماشى
وعطالها الرقم ومشى هوا وأسر وراحوا على الشركه ..
________________________
...عند همس ...
محمد بصدمه .....مش ممكن احمد يعمل كدا هوا اتجنن يا همس
همس ...الظاهر كدا يا بابا وأسر راحله واتخانق معاه وهوا خارج احمد ضربه بالسكينة فى كتفه
محمد على نفس الصدمه ....وهوا كويس دلوقتى
همس ..هوا كويس بس خلى عمو محمود يبعد احمد عنى زي ما بعده زمان خليه يبعده دلوقتى أنا مش هقف اتفرج وهوا بيأذى أسر لمجرد أنه حبنى
كلمه يا بابا خليه يوديه لدكتور نفسى
محمد وهوا يهز رأسه بالموافقه...عندك حق يا همس أنا هروحله انهارده واقوله وبالمناسبة بلغى أسر موافقتى على موضوع ارتابطكم وخليه يجيب مامته ويجي
همس بسعاده وقامت باست راس باباها...ربنا يخليك ليا يا حبيبى
محمد بفرحه لسعاده بنته ... ويخليكى ليا يا همستى
________________________
منة بفرحه علشان مامت أسر كلمت باباها وقالتله أنهم جايين انهارده الساعه 8 واول ما مامتها بلغتها الخبر ده قامت مكلمه همس ..
منة بفرحه...همس طنط مامت أسر وجاسر جايين بليل يتقدمولى
همس بفرحه لسعاده صاحبتها...بجد الف الف مبروووك يا حبيبتي
منة بفرحه...الله يبارك فيكى البسى وتعالى يا همس علشان تبقى جمبى
همس بتأييد قالت....اكيد اقفلى هلبس واجيلك علطول
منة بفرحه...ماشى .
وهمس راحت استأذنت من مامتها أنها تروح لمنة ومامتها وافقت ولبست بسرعه ووصلت عند منة ..
__________________________
الساعه 8 وبالاخص فى بيت منة كان الباب بيخبط وكانوا أسر ومنى وجاسر داخل ببوكيه ورد كبير وعلبه شوكولاته ودخلوا قعدوا فى الصالون واتكلموا فى حاجات كتير وجه وقت خروج منة بالعصير ...
منة كانت لابسه فستان رقيق باللون الاسود وجزمه كعب سودا وميك اب خفيف وكانت حلوه بهدوئها وخجلها طلعت ماسكه صنيه فيها العصير وهمس وراها كانت لابسه سلوبت قماش واسع باللون النبيتى وكانت حلوه
جاسر وأسر اول ما شافوهم ابتساموا بحب ليهم ..
منة سابت الصنيه على الطرابيزه وسلمت على منى بسعاده وسلمت على جاسر وأسر
ومنى سلمت عليها بحب وابتسامه فرحه قالتها....تعالى جمبى يا منة
همس جت تسلم على منى بابتسامه
منى سلمت عليها ببرود وبعدم مبالاه كملت كلامها مع منة
همس استغربت جدا الموقف ده وفضلت باصلها باستغراب
وبعدم اهتمام سلمت على جاسر وأسر بحب وقعدت على الكرسى جمب أسر
جاسر موجهه كلامه لحسن(باباها) وقال....عمى أنا طالب ايد منة بنت حضرتك
حسن بسعاده وابتسامه حب قال...أنا عن نفسى موافق نشوف العروسه رأيها اي
وحسن سألها وهيا ردت بخجل وقالت....موافقه
جاسر بقلق قال...حيث كدا أنا عايز اتجوز علطول يعنى انا ڤلتى جاهزه وانا ومنة عارفين بعض وانا شايف انها ملهاش لازمه الخطوبه ونخليها جواز علطول
منة بشبه ابتسامه قالت...جاسر أنا فاضلى سنة فى الكليه وانا مش هتجوز غير بعد ما اخلص كليتى
جاسر وهوا بيحاول يقنعها...ماشى يا منة مش هيحصل حاجه لو كملتى كليتك وانتى مراتى مفيهاش حاجه وانا مش هعطلك عن دراستك بالعكس
منة بصدمه قالت...ده انت مقرر بقى وعامل حساب كل حاجه بس انا مش موافقه يا جاسر أنا مش هتجوز غير بعد ما اخلص مش عايزه يجي عليا وقت وغصب عنى انشغل عن دراستى
منى لتهدئه الموقف...طيب يا استاذ حسن احنا ممكن نسيبهم يتكلموا لوحدهم عقبال منتفق احنا
حسن بيهز رأسه بالموافقه وقال...اطلعوا البلكونه يا ولاد وشوفوا هتعملوا أي لو منة وافقت على أنها تتجوز عادى أنا بالنسبالى معنديش مشكله اهم حاجه رأيها
______________________
همس بتهمس لأسر وقالت ...علفكرا منة مش هتوافق كانت دايما تقولى أنا مش هتجوز غير لما اخلص كليتى علشان ابقى براحتى مبقاش شايله هم مذاكره وكدا
أسر بنفس الهمس قال...ربنا يستر وجاسر يقدر يقنعها
همس ....معتقدش هيقدر ربنا يستر
وفجأة وهمس بتتكلم مع أسر قطع كلامهم صوت منى وهيا بتنده لأسر بعصبيه بتحاول تدريها وقالت ...أسر ممكن تيجى نتفق مع الناس بدل ما انت قاعد بتتكلم
أسر وهوا بيبصلها بغضب قال...حاضر يا ماما
وبدأ يتكلم مع حسن ويبرر قرار جاسر أنه عايز يتجوز علطول ...
______________________
...نرجع لجاسر ومنة...
وفعلا طلعت منة بنرفزه البلكونه وجاسر دخل وراها ..
منة بعصبيه ....ممكن افهم اي القرار المفاجئ اللى حضرتك قررته لوحدك ولا كلفت نفسك انك تاخد رأي قبل متحطنى فى الموقف ده
جاسر وهوا يتحكم فى نفسه قال....ممكن تهدى وتبطلى عصبيه أنا شايف أننا نتجوز وولما تبدأ الكليه ساعتها أنا مش هعطلك عن مذاكرتك ده كان تفكيرى وأنك تبقى معايا ومتبعديش عنى
منة بنرفزه....انت شايف كدا لكن أنا رأيي مختلف أنا هتجوزك وشويه والاقى نفسى حامل وساعتها ولا هبقى قادره للكليه ولا للمذاكره ولا اي حاجه وفكره أن اتجوز وانا لسه بدرس ده موضوع فاشل مش هقدر أوفق بين البيت وانت ومواعيد الكليه والمذاكرة مش هينفع
جاسر ....يا ستى لو على موضوع الحمل ده نأجله لغايه متخلصى وانتى مش هتعملى حاجه في البيت أنا هجبلك شغاله مع أن ضد الفكره دي بس لغايه متخلصى كليتك
منة بعدم اقتناع ....لا يا جاسر أنا مش هتجوز وانا لسه بدرس قابل كدا يبقى خير مش موافق عادى كل واحد يروح لحاله مفيش مشكله
جاسر وهوا ينظر لعينيها....انتى شايفه كدا يا منة أننا ننهى الموضوع لمجرد أننا مختلفين لفكره
منة وهيا بتحاول تقنعه بهدوء...جاسر تعالى نتخطب دي سنه هتعدى بسرعه وساعتها نتجوز علشان خاطرى يا جاسر أنا مش حابه انى اتجوز وانا بدرس لسه
جاسر مصمم على رأيه....وانا عايز تبقى معايا انهارده قبل بكرا وانا شايف انك بتعندى وخلاص فكرى وهتلاقى ان جوازنا مش هيأثر على دراستك
منة وعنيها مدمعه وبقلب موجوع قالت ......