رواية بريق الحب
الحلقة والخامسة والسادسة
اليوم التالي بعد الظهر
تصل بريق مقر الشركه بعد انتهاء محاضرتها
تطرق باب المكتب
مساء الخير يامستر
جاسر. ببرود. اهلا. وصلتى
بريق لأ لسه
جاسر هنهزر
بريق يعنى انت بتسألنى إذا كنت وصلت وانا قدامك
جاسر بغيظ. تمام. خدى الأوراق دى وخلصيها بسرعه
بريق. بس يامستر كل دا هخلصه لوحدى ازاى. وكمان دا يخص موظفين غيرى
جاسر والله ان كان عجبك.
بريق بغيظ حاضر وهى تخرج من المكتب وانا ال قولت أكيد مفطرش وجبتله سندوتشات معايا
جاسر استنى عندك
بريق. نعم
انت بتقولى أنك جايبه سندوتشات معاكى
بريق بإبتسامه أه تحب تفطر
جاسر ياريت
بريق. ثوانى هجبلك
جاسر مش مصدق انها هتجيبله سندوتشات بعد ما ضايقها بكثرة الشغل ...
طيب أنا أعمل معاها ايه كل ما افكر اضايقها
الاقيها بتضحك وتنسى ال قولته
هو فعلا فيه ناس قلبها طيب وصافى ومفهوش حقد
أنا أقرب الناس دمروا حياتى وعيلتى وحرمونى منهم
بس بريق بنت صافيه ونقيه وكل تصرفاتها بعفويه بدون ترتيب ولا تصنع
بريق يامستر
جاسر. هاااا
بريق. ال واخد عقلك. بكلمك وانت ولا هنا ... اتفضل السندويشات
جاسر. شكرا روحى خلصى شغلك
بريق. ليه هو انا مش ....
جاسر. انت ايه بريق أنا مصدع روحى انجزى شغلك وخالى حد يبعتلى قهوتى
تخرج بريق. هو أهبل ولا ايه هياكل سندوتشاتى كلها وانا لأ. يخربيت بخلك ياشيخ اومال لو مكنش دا اكلى
تقى. بريق ياحبيبتى. مالك انتى اتهبلتى
بريق. اهلا يا ست تقى
تقى. مالك يابنتى أول مرة اشوفك مضايقة كدا
بريق. انامضايقه لا خااالص أنا بضحك ومبسوطة كمان
تقى. انت خايفه تقولى انك مقدرتيش على مستر جاسر
وهو ضايقك بترصفاته
بريق مين قال كدا لا انسى مستحيل يقدر عليا وانا هعرفه مين هيا بريق
لو عملتيها يابريق وغيرتى جاسر يبقى تستحقى لقب بريق الأمل. كان هذا آدم
تقى مستر آدم انت هنا
آدم أه وسمعت كلامكم ياريت فعلا تقدرى تغيرى جاسر
وتخليه يظبط تصرفاته أنا نصحته كتير بس للأسف جاسر مبيسمعش لحد
بريق. متقلقش يامستر انا غير وكمان إياك تنسى ان خليتك فرفوش
آدم. وياريتك مخلتينى بقيت عامل زى الأهبل وهيبتى راحة بين الموظفين بس لازم تفهمى ان جاسر غير آدم
أنا داخله اخلص شويه اوراق
جاسر ادخل
آدم ياسيدى على الناس ال بتاكل لوحدها
جاسر آدم عايز تاكل تعالا من كلام كتير
آدم يا ستار عليك اومال لو مكنتش صاحبك
وهو يتناول ويأكل حلوة السندوتشات جايباها منين
جاسر دى جايبهالى بريق
آدم معقول جايبهالك مخصوص.
جاسر. أكيد لأ طبعا
آدم يعنى انت اخدت علبه اكلها كلها وسيبتها
جاسر. تصدق هاي ممكن تكون مأكلتش
آدم. يابرودك يا أخى
جاسر آدم تحترم نفسك. وبعدين هيا ادتهالى تتحمل بقا محدش قالها تبقى كريمه زيادة
آدم. ربنا يصبرنى هعليك. المهم كنت عايزك ف موضوع
جاسر. ارغى
آدم. ارغى. ماشى. من الآخر. عايز اتجوز
جاسر. وانا مش خاطبه
آدم. جاسر. أنا مش بهزر
جاسر ولا أنا
آدم. أنا بحب تقى وعايزة اتجوزها
جاسر. تقى بنت كويسة مشكلتها انها مصاحبه المجنونه ال برة
آدم. طيب ما أنا صاحبك
جاسر. قصدك ايه
آدم. ههههه ولا حاجة بس عايز اقولك ان المجنونه ال برة مناسبة جدا
جاسر. مناسبه لإيه بالظبط مش فاهم
آدم. وهو يخرج من المكتب. مناسبه تبقى بريق الجاسر وتعملك سندوتشات كل يوم وانت تاكلها من غير ما تسأل فيها
جاسر. هو آدم اتجنن ولا ايه .. أكيد بيتكلم كتير مع المجنونه بريق
بعد وقت يخرج جاسر من المكتب
انتى خلصتى الشغل ال طلبته
بريق. أه خلصته
جاسر طيب يالا
بريق. يالا فين
جاسر. ايه انت ناسيه أنك ايه بقيت ساعات العمل بتكمليها ف الفيلا
بريق هاااا أه. طيب اتفضل وانا هنزل
جاسر فهم ان بريق مش عايزة تنزل معاه عشان بتخاف من الأسانسير
مش معقول بنت ف سنك وبتخاف تركب الأسانسير
بريق. والله شئ ميخصكش ولعلمك أنا مبخفش
جاسر. ميخصنيش ويقترب منها أنا كل حاجة هنا تخصنى
بريق إلا أنا وتتركه تنزل مسرعة على سلالم الشركة
جاسر والله لأعلمك تكلمينى ازاى
فى الفيلا
داخل المكتب
جاسر اتصليلى بشكرى
بريق. شكرى مين دا
جاسر. شكرى ال حضرتك كلمتيه امبارح وقولتيله جاسر بيه مشغول وبوظتيلى سهرتى
بريق أصل أنا
جاسر. أصل وانت هااا طيب روحى ياشاطرة اتصلى بيه يحضر ال انت عارفاه
بريق. انت عارف عقاب ربنا فى الموضوع دا
جاسر ميخصكيش وانجزى كلميه دلوقتى قدامى
بريق. يامستر اسمعنى
جاسر. بصوت مرتفع بريق اخلصى
بريق بخوف. حاضر حاضر. الووو أيوا يازفت....
جاسر انت بتقوليله زفت
بريق اقوله ايه يعنى
جاسر. استاذ شكرى
بريق. نعم ليه بقا ان شاء دا شغال هشك بشك ...
جاسر بضحك هشك بشك هاااا انجزى يابريق
بريق. اووووف. ايوه يا استاذ هشك .... شكرى
مستر جاسر عايز تحضرله الطلب بتاع امبارح بنتين يا هشك هااا
جاسر. يضحك بصوت مرتفع قوليله تلاته
بريق. ايييه تلاته ليه هتعمل بيهم ايه دول
جاسر. بتريقة. ملكيش دعوة
بريق.تكلم نفسها
ايه الوظيفة ال تدخل جهنم يخربيتك يامستر آدم انت السبب كان لازم اقول يعنى ان هقدر عليه
جاسر سمعتك على فكرة هتفضلى كدا كتير انجزى قوليله
بريق. طيب ايوا يا استاذ انت ابعتله تلت بنات
هااا كدا ارتحت
جاسر. لسه
بريق ايه تانى
جاسر هتحضريلى مكان السهرة وتطلبى المشروبات
بريق. نعممم !!! لا كدا كتير يستحيل امسك المنكر دا بإيدى دا حرام
جاسر. والله دا شغلك ولو مش عايزة تمسكى المنكر خالى فتحى يساعدك بس انت ال تحضريلى كل حاجة تخص سهرتى
بريق. بقا كدا تمام يافندم
جاسر. أنا هنزل النادى ساعتين وارجع الاقى كل حاجة جاهزة
بريق. بخبث بس كدا عيونى (شكلها ناويه على مصيبه)
جاسر. مش مطمنلك
بريق. ابدا والله أنا هعمل المطلوب منى وزيادة شويتين
جاسر. لا يااختى اعملى المطلوب منك وبس بلاش الشويتين واياكى الليله تبوظ يابريق زي ال قبلها
بريق. متقلقش كله هيبقى تماااام
جاسر. لما نشوف
يخرج جاسر من الفيلا وتستعد بريق للمصيبه التاليه
بريق. هيييه استعنا على الشقا بالله ان ما خليتك تبطل تمشى فى الطريق دا مبقاش بريق
وتمسك هاتفها الوووو لو سمحت محتاجة بودرة صراصير قصدى اسهال وابعتهالى على العنوان دا
(ربنا يستر عليك ياجاسر من ال هيحصلك)
بعد وقت يرجع جاسر للفيلا
بريق اهلا يامستر كل حاجة جاهزة زي ما طلبت ودقايق وضيوفك يوصلوا
جاسر. بريق انت سخنه.
بريق انت ليه بتقول كدا
جاسر. أصل أول مرة تعملى المطلوب منك من غير مجادله
بريق. اهم حاجة عندنا راحتك يامستر
جاسر. راحتى ربنا يستر
بريق. مستر جاسر انت جاى من النادى أكيد مجهد أنا عملتك عصير فريش ياريت يعجبك اتفضل
جاسر. غريبة ماشى ياستى بريق شكرا
بعد دقايق يرن جرس الفيلا
بريق. تقريبا ضيوفك وصلوا ... اتفضلوا يابنات مستر جاسر موجود جوا
بريق. تضحك بخبث. مستر جاسر ضيوفك وصلوا استأذن أنا بقا
جاسر بخبث مش حبا تقضى معانا السهرة
بريق. لا شكرا مليش فيها
جاسر. طيب مع السلام.... ااااااه
بريق بخبث. مالك يامستر فيك ايه.
جاسر. بطنى. بطنى هتموتنى مغص شديد
بريق. لا حول الله يارب السهرة باظت
ينظر جاسر لبريق بوجع. انت ال عملتيها
بريق. أناااا عملت ايه بس يامستر أنا معرفش بتتكلم عن ايه
جاسر بألم. لاياشيخة وانا أقول جابت الأدب والطاعة دى كلها منين ماشى يابريق انت ما وريتك
بريق يامستر كفايه ال انت فيه انت فيك حيل تتحرك
جاسر. الله يخربيتك انت عملتى فيا ايه
بريق. صدقنى ولا حاجة وتنظر للبنات اظن مستر جاسر زي ما انتم شايفين مش قادر يقف على حيله ياريت تتفضلوا من غير ما طرود
جاسر. والله لأبريكى يابريق
بريق. لما تقدر تقف الأول
استنوا يابنات أنا عارفة ان ظروفكم وحشه وان اليوم بيفرق معاكم وطبعا انتم ليلتكم اضربت
انتم ملكوش ذنب فى كدا وطبعا مستر جاسر ميرضهوش
جاسر.بألم. قصدك ايه يامجنونه
بريق. كل خير يامستر. وتخرج من در ج مكتبه الفلوس
وبتعدهم ولا اقولكم خدوهم كدا ببركتهم وبالسلامه انتم
جاسر. انت يامجنونه دول عشر آلاف جنيه
بريق. بضحك فداك يامستر وبعدين البنات حلوين ويستاهلوا ومتقلقش المرة الجايه هيعملولك تخفيض
واكملت بضحك دا إذا كان فيها مرة جايه اصلا
جاسر.بتعب هقتلك يابريق. والله لأنتقم منك ااااه بطنى
بريق. هههههه تعيش وتاخد غيرها ياباشا
اروح أنا ارتاح. أصل اليوم كان متعب جدا
تصبح على خير يامستر
الحلقة السادسة
بقلم ايمان المهدي
#الحلقة_السادسة
جاسر.بألم ماشى يا بريق انتى ال ابتديتى
انت يافتحى الزفت
فتحى ايوا ياباشا تحت أمرك
جاسر. تعالا طلعنى قوضتى
فتحى بإبتسامه. حاضر يافندم
جاسر. بتضحك على ايه انت كمان هو أنا ناقصك
فتحى تعرف يا باشا أنا عمرى ما شوفتك كدا قبل سابق
جاسر. إزاى يعنى مش فاهم
فتحى. تسمحلى اتكلم من غير زعل ولا اهانه
جاسر. امممم قول وانجز
فتحى من سنين وانا اعرفك وبشتغل معاك عمرى
ما شوفتك بتضحك من قلبك كدا زي ما ضحكت مع آنسه بريق ،
ولا بتسمع كلام حد بس انت سمعت كلامها
جاسر. عادى يعنى مش انجاز أنا عملت كدا عشان عايز أعمل دا وف الآخر شوفت عملت فيا ايه
فتحى. ههههه بلاش تضحك على نفسك ياباشا البنت
دى حركت جواك حاجة غيرها معرفش يحركها
جاسر. لا طبعا ايه ال بتقوله دا
فتحى. طيب تقدر تفهمنى. ليه زعلت عليها لما قالت أنها خدامه. تقدر تقولى معناها ايه أنك تضحك بعد كل
السنين دى طيب ازاى سمحت اصلا بدخول ست
قوضتك ودا كان مستحيل قبل كدا دا حتى البنات ال
بتجيبهم بتستقبلهم بعيد عن قوضتك
طيب تقدر تكذب أنك فرحان باهتماها بيك وفرحان انها مشت البنات دول
جاسر. وانت شايف ان فرحان وانا بحالتى دى
فتحى انت عينيك كان داخلها بريق ولمعه فى كل مرة
تقولك لأ دا هيأذى صحتك كنت مبسوط بكل كلمه بتقولهالك
حد تانى لو عمل ال عملته معاك فى اليومين دول أكيد كنت نهيت حياته بس انت معملتش كدا معاها انت
بتهددها وتتحداها وبس من غير ما تعملها اى حاجة ولا تأذيها
جاسر انت عايز توصل لإيه
فتحى. انت حبيتها
جاسر يضحك بتعب. ايه الهبل ال بتقوله دا أنا أحب لا طبعا
فتحى. اه تحب انت حبيت اهتمامها وخوفها عليك وتحديها ليك وقوتها وجرأتها وعدم خوفها منك زي غيرها
هي شافت فيك ال محدش شافه وعرفت تحرك مشاعر الجاسر المغرور
جاسر. مغرور هااا طيب سيبنى ارتاح دلوقتى واقفل الأوضه عليا
فتحى. مش ملاحظ انك بطلت تقولى يازفت من ساعت متكلمنا عنها لأ ونبرة صوتك اتغيرت
جاسر. طيب يازفت اخفى من وشى بقا ارتحت 🤣
فتحى هههه. حاضر بس متنكرش انها بقت بريق الجاسر
داخل غرفة
ياترى هو عامل ايه دلوقتى ارتاح ولا لسه هو أنا ايه ال عملته دا والله حرام اتأذى كتير
بس يعنى أنا كنت هعمل ايه عشان ابعده عن السكه دى
بس بردوا أنا ايه داخلى وليه مهتمه كدا
ربنا يستر ويكون بقا كويس أنا هتصل اتطمن عليه
لالا هو أكيد مش طايق يشوفنى اصلا ولا يسمع صوتى
بس ما وهو أنا لازم اتطمن عليه ،
أنا هتصل وال يحصل يحصل
معقول ال فتحى بيقوله أنا ممكن اكون بتغير فعلا من غير ما اخد بالى
انت عملتى فيا ايه يابريق وليه حسيت بنغزة ف قلبى لما زعلتى وليه مش قادر اتحداكى ولا أذيكى
بريق. الوووو مستر جاسر أنا بريق
جاسر وقد تسارعت دقات قلبه بريق انت .. خير
بريق. بتوتر. أناااا كنت بطمن عليك
جاسر. أحسن دلوقتى
بريق. أنااا آسفه أنا عارفة ان ال عملته مش صح بس انا مقدرش اشوفك بتمشى فى طريق غلط واسيبك تكمل
جاسر. ليه
بريق. عشان. أااانا دا من واجب الإنسانية ان انصحك
جاسر. بس
بريق. اااه بس
جاسر يعنى لو حد غيرى هتعملى معاه كدا بردوا
بريق. يعنى أكيد مش بالظبط
جاسر. طيب لو نصيحتك منفعتش وقررت أعمل كدا تانى هتعملى ايه
بريق. هقف قصادك وامنعك تانى وتالت
جاسر يعنى مش هتيأسى
بريق. لأ
جاسر. طيب ياريت بلاش تقولى ان دا من واجب الإنسانية مأظنش هتعملى مع حد كدا
تقدرى تقولى ان مهم فى حياتك
بريق. بتوتر. طيب يامستر بما أنك كويس وبخير أنا كدا اتطمنت تصبح على خير
جاسر.هههههه مجنونه يابريق وشكلك هتجنن بسببك
هو فيه ايه ال بيحصل معقول اكون حبيتها
"وعدت حالى ألا أحب ،ثم أمام عينيك وقعت ف العشق"
"وعدت نفسى ان لا أهزم ،، إبتاسمه منك هزمت كل حصونى "
"عندما التقيتك عاد قلبى ينبض "
فى صباح يوم جديد
ف مكتب جاسر الوووو تقى
تقى. نعم يامستر
جاسر. هى بريق لسه ما وصلتش
تقى لسه يا مستر بس أكيد على وصول
جاسر. تمام اول ما توصل خليها تدخلى
تقى. حاضر يافندم ... هو فيه ايه ماله مستر جاسر النهاردة كل شويه يسألنى على بريق ربنا يستر ومتكونش عملتله حاجة تانى
آدم. مالك ياتقى انتى عملتى زي بريق وبقيتى تكلمى نفسك
تقى ابدا يامستر بس فيه حاجات غريبه بتحصل.
آدم. طيب ايه رأيك نتغدى سوا النهاردة
تقى. بتوتر. بس يامستر
آدم. تقى محتاج اتكلم معاكى هستناكى شويه ونخرج نتغدى فى اى مطعم
تقى. حاضر اخلص الشغل ال ف إيدى
وصلت بريق المكتب
جاسر. ادخل
بريق. مساء الخير يامستر.
جاسر. بإبتسامه خفيفة. مساء النور
بريق. انت عامل ايه دلوقتى
جاسر. انتى شايفه ايه
بريق. .......
جاسر. ممكن افهم انا دا حصلى ايه
بريق. أصل حطيت بودرة صراصير ف العصير
جاسر. صراصير. يا مجنونه 🤪 بتهزرى
بريق. لأ طبعا مش بودرة صراصير بس بقول عليها كدا
جاسر. طيب لو كان حصلى حاجة
بريق. لا متقلقش مش يحصلك حاجة
جاسر. طيب أنا مفطرتش. جيبتى سندوتشات ولا مش عملتى حسابك
بريق نعم حسابى أنا هو اكلى ولا اكلك
جاسر. ما هو انتى امبارح عطينى علبه السندوتشات ويدوب كفتنى وانتى مأكلتيش
بريق. يعنى كنت عارف ان مأكلتش
جاسر. مش ذنبى لما تعزمنى تبقى قدها
بريق. طيب اتفضل. انا هقسمها بينا
جاسر. رايحة فين
مكتبى.
جاسر. لأ افطرى معايا
مر اليوم عليهم بدون مشاحنات لحد ما خرج جاسر من المكتب وشاف بريق واقفه مع شاب وبتضحك.
رجع مكتبه. الووووو بريق عايزك
بريق. نعم يامستر.
جاسر. اظن يا أنسه دا مكتب محترم وانا تحبى تقابلى حد ابقى قابليه بره المكتب ياريت تلتزمى بشغلك داخل المكتب وبس
بريق. جاسر بيه أنا سكته وسمعتك للآخر بس دا ميسمحلكش تغلط فيا ولا تهنى وبعدين مين دا ال اقابله بره المكتب
جاسر. أنا شوفتك بعينى وانتى واقفه بتضحكى وتهزرى مع شاب من دقايق
بريق. انت تقصد مين عمر. يا مستر. عمر دا أول يوم شغل ليه النهاردة وانا....
جاسر. وانتى لحقتى بقا تتعرفى عليه شاكلك اجتماعيه زيادة
بريق. بما أنك حكمت عليا من غير ماتفهم منى ومش سايبلى فرصه اتكلم يبقى افهم ال يعجبك أنا مش هبررك موقفى. عشان بكره التبرير
جاسر. أنا مهيمنيش تبريرك. ال يهمنى شغلك وبس. ياريت تهتم بيه زي ما بتهتمى بغيرة
تخرج بريق من المكتب وهى متعصبه منه ومن كلامه واهانته ليها
وقت انتهاء الشغل خرج جاسر من مكتبه متعصب.
وهو يخرج من الأسانسير
يلتقى ببريق. واقفه مع عمر.
عمر. بحبك اوووى يابريق اووووى أنا أخيرا مش مصدق ف يوم واحد اتوظف وكمان حبيبه قلبى تعترفلى بحبها أنا اسعد انسان فى الدنيا ربنا يخليكى ليا
بريق وانا كمان يا عمر بحبك جدا
حيث كدا ياقمر. هجيلك البيت النهاردة.
جاسر. ملأ الغضب وجه ال بقى شبه جمرة محترقه ...أنسه بريق
عمر باى دلوقتى ياقلبى ومتنسيش سهرتنا
بريق. نعم يامستر.
جاسر. بمحاوله اخفاء غيظه وغضبه. تعالى هوصلك بعربيتى للفيلا ف اوراق كتير لازم تخلصيها
بريق أنا هركب تاكسى
جاسر بصوت عالى كلامى يتنفذ
بريق. بخوف من عصبيته. حاضر
بعد وصلولهم الفيلا
جاسر انا طالع قوضتى ف اوراق على المكتب هتهالى وهاتلى قهوتى
بريق حاضر. ... ماله دا الصبح ف حال والظهر حال ودلوقتي حال تانى. أه لو افهم دماغك دى فيها اى
تطرق باب غرفته دون رد
تدخل بهدوء. مستر جاسر هو راح فين وتتحرك لتخرج من الغرفة. لتجد شخص من خلفها يغلق الباب
لتلتفت خلفها فيه ايه قفلت الباب ليه وايه المنظر دا وتغلق عينيها
جاسر ماله منظرى كنت باخد شاور وخارج من حمامى وبعدين انتى دخلتى. من غير استأذان
طيب وقفلت الباب ليه
ايه مش عجبك ولا انتى بيعجبك ناس وناس طيب على الأقل بصى على حد نظيف شويه اقولك ايه رأيك أنا ولا عمر. أكيد جربتى عمر. ايه رأيك تجربينى هعجبك
بريق. انت بتقول ايه ياحيوان. انت اتجننت عمر ايه وانت ايه انت شايفنى ازاى.
جاسر. تعرفى ان مفيش ست دخلت الأوضه دى قبل كدا كنت عايز. اسيبها نظيفه عشان شريكه حياتى وبس
بس أنا النهاردة هتنازل عشانك. أصل بصراحة انتى خلاص دخلتيها ووسختيها ياهانم ......
بريق وقد تملكها الغضب. فصفعته انت حيوااااان. قذر
أنا انظف منك وعمرى ما عملت حاجة تغضب ربنا
جاسر بغضب يمسك ايديها ويضغط عليها.
المحترمه. ما تجيش بيت شاب اعزب قاعد لوحده
المحترمه ما تدخلش قوضته وهو نايم وهو صاحى
المحترمه. متهزرش وتضحك مع اى حد وكمان تقف معاه ويقولها متنسيش سهرتى الليله ف بيتك.
كل دا وعايزة تقنعينى أنك محترمه. أنتى ال زيك اخرها ليله تقضيها معايا بقرشين يترموا ف وشيها
بس تعرفى انا قرفان منك على الأقل البنات ال بعرفهم
مكذبوش عليا ولا مثلوا الطهارة والعفه زيك. ودلوقتي
اتفضلى اخرجى من هنا مش عايزة اشوفك وشك دا تانى انتى اقذر بنت عرفتها
أنتى يستحيل يكون اسمك يشبهك. يستحيل تكونى بريق.
أنتهى اليوم بين جاسر وبريق
على صدمه بريق واتهام جاسر ليها. بس هو فعلا بريق زي ما قال جاسر
وهل فعلا زي ما قال آدم. يا خوفى لجاسر يطفى بريقك