بريق الحب
الحلقة العشرون. والحاديه والعشرون
بعد ما جاسر وصله ظرف كبير وجواب
ماكنش شايف قدامه. ونزل من الشركة والغضب مسيطر عليه
مريم بخبث استنى بس يامستر ارجوك قولى فيه ايه وبريق عملت ايه انت متعصب بلاش تتهور
جاسر انتى رايحة فين امشى من قدامى
مريم لأ هروح معاك. انت بحالتك ممكن تعمل مصيبه
جاسر. قولتلك امشى.
مريم. مش همشى يامستر. وهاجى معاك
جاسر يووووه. وركبت مريم غصب. بس دا مش خوف على جاسر دا عشان لو لعبتها فشلت. والنار هدت. تقدر. تولعها
مريم احنا رايحين فين وايه ال ف الظرف
جاسر. بغضب مسمعش صوتك
دقايق ونزل جاسر امام مبنى كبير
مريم. شكلها هتحلو ونهايتك النهاردة يا آدم أنت وبريق
جاسر طلع العمارة وبيتمنى أن كل دا يكون مجرد كذبه
وقف قدام شقه آدم وخايف يدخل. هو مش عايز يتوجع تانى مش عايز يبقى وحيد مبيتمناش يتحرم من اكتر اتنين حبهم ووثق فيهم خايف يتصدم فيهم
بس كمان خايف يظلمهم .وأخيرا قرر ان لازم يتأكد
وبالفعل. حبطت على باب الشقه كتير ورن الجرس
البواب بخوف جاسر باشا خير فيه ايه
جاسر. انت شوفت آدم بيه امتى اخر مرة
البواب. هااا أصل.
جاسر ما تنطق.
البواب من حوالى. ساعتين كدا كان طالع الشقه
جاسر. لوحده كان جاى لوحده
البواب بترد. أه. لأ. أصل
جاسر. ماتنطق ياحيوان
البواب. أه من ساعتين. كان طالع هو وبنت
تقى. أنتى بتقول ايه
مريم. تقى ايه ال جابك
تقى ببكاء مش وقته
طبعا مريم لعبتها صح. وبعتت الصور لتقى
جاسر تعرف البنت دى
البواب لاياباشا بس هيا بتيجى على طول معاه يقعدوا فترة وينزلوا
جاسر لوشفتها تعرفها
البواب. أه ياباشا أنا شوفتها اكتر من مرة
جاسر. طلع صورة لبريق. وورهاله
البواب سريعا. اه ياباشا هيا دى البنت
تقى لالالا مستحيل انت متأكد
البواب. اه متأكد. الله واعلم هيا مراته ولا اخته عشان مظلمش حد
جاسر. بغضب. بيحاول يكسر باب الشقه. وطلب من البواب يساعده.
أتمكن جاسر من دخوله الشقه.وفورا اتجه لقوضه النوم.
وف كل خطوة كان لسه عنده آمل بسيط ان كل دا كذب..... لكن شاف ال عمره ما توقع ان يشوف
حبيبه عمره بريقه اميرته شبه عاريه ف احضان
صديقه طفولته رفيق العمر.
وقف جاسر. امام هذا المشهد لايقوى على الحركة ولا الكلام.
تقى. ببكاء مستحيل أنا بحلم
مريم بخبث تاخدها ف حضنها. بس ياتقى اهدى ميستهلش زعلك عليه واحمدى ربنا ان انكشف قبل جوازكم. ال زى دا ميستحقش تبصى ف وشه.
وبعدين هنفضل واقفين كتير نشوف القذارة دى. أنا هفوقهم عشان يعرفوا انهم بقوا مكشوفين
واخدت دورق مياه ورمته على وجه بريق وآدم.
بريق. بتعب فيه ايه
آدم. ااااه دماغى أنا فين
مريم. انت ف شقتك يا استاذ. آدم وعلى سريرك وف احضانك مدام بريق
آدم. بيحاول يستوعب ال سمعه هو كل دا هو وبريق مش مركزين بس الكلام ال سمعوه كان قادر يخرجهم من حالة التوهان ال كانوا فيها.
آدم. اااانت بتقولى ايه. انت مجنونه. وبتركيز اكتر. اخد باله من جاسر وتقى واقفين. وبريق ال جمبه على سريره بلبس شبه خفيف جدا
اااانا معرفش حاجة. وايه جاب بريق هنا
مريم. لاياشيخ. جات زي كل مرة بتيجيلك. فيها
آدم إخرسى. جاسر. والله ما فيه حاجة بينا ....
تقى حبيبتى. انت عارفة. ان بريق زى أختى أكيد ف حاجة غلط.
تقى. انت انسان زباله وانا اتخدعت فيك كويس اوووى ان عرفت حقيقتك قبل ما نتجوز.
اما الهانم. أنا مش عارفة ناقصك ايه ليه تعملى كدا. دا انت طلعتى رخيصه اوووى من النهاردة مش عايزة اشوفك ولا اشوفها. انتم اقذر. اتنين عرفتهم وسابته وخرجت ف صدمه
آدم. جاسر والله أنا مش كدا.... لم يكمل حتى تلقى صفعة مدويه من جاسر. انت. طلعت وسخ اوووى. ياشيخ طيب كنت قولت انكم ... وأنا كنت هبعد. واسيبكم لبعض. ليه تعمل معايا كدا
بريق. حاولت تلملم اى لبس تغطى بيه نفسها. ... جاسر اسمعنى ف حاجة غلط
جاسر بغضب. أنتى تخرسى خالص
بريق. لأ. انت لازم تسمعنى. أنا معرفش جيت هنا ازاى والله ما فيه حاجة بينا. أنا حد اتصل وقالى أنك عملت حادثه. ومعرفش ايه ال حصل. ارجوك
جاسر. كفايه كدب مش عايز اسمع منك حاجة. وبصى كويس للصور دى
بريق. ايه دا أكيد فيه حاجة غلط. احنا
كنا خارجين من ......
جاسر يضربها بقوة لتقع على الأرض كفايه كذب بقا الصور وهو ماسك ايدك. وهو معاكى ف العربيه وحاضنك زى العشاق. طيب لو الصور متفبركه ال شوفته دلوقتى ايه
بريق. ببكاء. والله ما اعرف. ولا فاهمه حاجة. بس لازم تثق فيا أنا مش أعمل كدا
جاسر. بغضب كنت جاى وناوى اخلص منكم لو اتأكدت من الكلام ال موجود ف الجواب وللأسف اتأكدت. بس أنا مش هوسخ إيدى بدمكم القذر. انت طالق يا هانم
وبكدا تقدرى تكملى قذارتك وانت مش خايفه.
وانت لو شفتك ف مكان مش هتردد لحظه ف قتلك.
بريق مسكت ف جاسر ارجوك متسبنيش. ارجوك. متبعدش عنى. أنا مش أعمل كدا ارجوك. يا جاسر. والله أنا مظلومه. جاسر بكل قوة بعدها عنها. وقعت على الأرض وكمل طريقه للخروج من الشقه
آدم. بريق قومى. وبيحاول يساعدها. بس بريق بعدت ايده عنها. ابعد عنى
آدم. أنا معرفش ايه ال حصل. ووصلنا ازاى شقتى. بس انتى متأكدة ان معملش كدا
بريق ببكاء . أنا عايزة افهم ايه جابك الفيلا ف الوقت
أكيد انت الشخص ال اتصل وقال أن جاسر عمل حادثه.
آدم والله ابدا. وانا جيت الفيلا لأنك طلبتى منى كدا
بريق. انا طلبت منك تجيلى ازاى محصلش.
آدم لأ. حصل. لقيتك بعتيلى رسالة ان اجيلك الفيلا ضرورى ومقولش لجاسر عشان انتى عملاله مفاجئة بمناسبه عيد ميلاده بكره
بريق. بس أنا مش بعدت حاجة أكيد فيه حاجة غلط
آدم. ازاى يعنى الرسالة ف تلفونى. فين تلفونى. أكيد ف عربيتى
ونزل سريعا زى المجنون يشوف تلفونه.
بريق بلهفه لقيته
آدم. بينهج. أه لقيته وفتحه. الحمد لله الرسالة موجودة
بريق قرأت الرسالة واتأكدت من كلام آدم
بس ازاى أنا مش بعدت رساله ازاى اتبعتت من تلفونى
آدم. بريق أنا تقريبا فهمت. فيه حد بيلعب علينا وكان عايز يوقعنا
بريق طيب ليه يعمل كدا
أكيد هنعرف مين كان معاكى النهاردة شوفت حد ف الوقت ال اتبعتت فيه الرسالة
بريق بتذكر. لأ مكنش فيه حد الا......
آدم. إلا مين
بريق. لالالا مش معقول أكيد مش هو
آدم. مين هو يابريق انطقى ارجوكى لازم نعرف ايه ال حصل
بريق. عمو حسن جالى عشان يطمن عليا وبعد ماقعد شويه طلب منى يعمل مكالمه من تلفونى
ودا كان فى نفس الوقت تقريبا ال اتبعتت فيه الرسالة
آدم بعدم تصديق. معقول عم حسن طيب ازاى وايه مصلحته ف كدا
بريق ببكاء. أنا ايه ال بيحصلى ليه كل ما افرح يحصل حاجة تكسرنى ليه ااغلى الناس هما ال يعذبونى ويكسرونى مرة ورا مرة ابويا جاسر عم حسن.
ااااه يارب ريحنى من عذاب الدنيا بقى أنا تعبت مش قادرة اقاوم خلاص طاقتى خلصت. وتفقد وعيها
أمام عيون آدم الباكيه قهرا وحزنا عليها
فدائما اعتبرها مثل اخته الصغيرة اعتبرها سر من اسرار سعادة الكل آخر حاجة يتوقعها ان يتهم ان خاين لصديقه ومع مين بريق
ال كانت أختى
رفعها على الكنبه ورفع عليها اغطيه واتصل بفهمى.
آدم. فهمى. أنا محتاجلك ارجوك تعالا شقتى
فهمى طيب فيه ايه
آدم من غير اسأله كتير اسمعنى كويس. بريق تعبانه وكنت عايزة تيجى تشوفها.
فهمى. بريق مرات جاسر. وليه عندك
آدم. فهمى أنا مش ناقصك. تعالا ومنسألش لما تيجى هفهمك
بعد نصف ساعة كان فهمى
خير يا آدم فيه ايه
آدم اكشف على بريق الأول وبعدين نحكى
فهمى. آدم بالكشف المبدأى إحتمال تكون بريق حامل
آدم. بفرحة مكسورة. حامل بجد
فهمى دا مبدأى بس لازم تحاليل وكدا عشان نتأكد
آدم. تمام هجبهالك بكرة الصبح المستشفي
فهمى. طيب ممكن تفهمنى
آدم هحكيلك ......
فهمى. يا خبر اسود. آدم ازاى ال بتقوله دا
آدم. هو دا ال حصل ومش فاهم اى حاجة
فهمى بس ازاى عم حسن يعمل كدا ف بريق دا هو ال مربيها وايه مصلحته
آدم اهو دا ال نفسى افهمه
جاسر ركب عربيته ومشى بيها مش حاسس هو بس مش شايف قصاده غير صورة بريق ف احضان آدم.
فاقد لأى احساس واى مشاعر مش قادر يصرخ ولا يحزن على حب عمره وصديقه ال خانوه. على حد علمه
مشاعر واحساسيس باردة. عامل زى البركان الهادى ال لو انفجر هحرق الكل.
عند مريم. ال واقفه بتضحك بطريقة شيطانيه.
وخلاص. كله بقا تمام واقدرت اخلص من بريق وجاسر بضربه واحدة
ناجى. طيب فين الأوراق ال انتى عايزاه اتنفذ
مريم بكرة الأوراق هتكون عند. قولى المكان ال انت فيه اجيبهملك
ناجى. أنا فى الشقه القديمة ال كنت عايش فيها
حسن. وال طبعا كان يستحيل نتوقع ان يعمل كدا. بس ازاى. ما ابوها عمل ال اكتر من كدا
طيب أنا دلوقتى هعمل ايه اكيد بريق وآدم هيحاولوا يعرفوا مين ال عمل فيهم كدا
مريم وانت مالك
حسن. أنا الوحيد ال ظاهر ف الصورة. أنا اخدت تلقونها وقولتلها هعمل مكالمه منه وبعت الرسالة لآدم يجيلها
مريم. انت ازاى تعمل كدا دول لو ركزوا هيفهموا.
ليه مسرقتش تليفونها او عملت اى حاجة. أنا بس كلفت بمهمه واحدة أنك تخلى آدم يروح الفيلا وتصورهم. وهنا مع بعض. وبعد ماترش فى العربيه غاز منوم تدخل متكمم لما تتأكد انهم اتخدروا تصورهم وكأنه آدم حاضنها
حسن بس أنا كل حاجة نفذتها صح
مريم. الا أنك تبعت الرسالة كدا هيشكوا فيك
ناجى وبعدين. هنعمل ايه
مريم. هبعتلك أي فلوس تاخدها وتقول أنك نسافر تزور حد من اصحابك القدامى كام يوم خلالهم اكون نهيت كل حاجة
بقلم إيمان المهدى
بريق الحب
الحلقة الحاديه والعشرون
وصل جاسر بيته. مهموم وحزين. عيونه متحجرة مازال يقاوم نفسه بيحاول ميكنش ضعيف. وهو داخله منهار. ازاى بريق تعمل معاه كدا وليه.
دخل مكتبة واتصل بمحاميه.
عايزك تجيلى فورا. مش هستنى للصبح هستناك.....
ف صباح يوم جديد. استيقظ آدم طلع من اوضته واتفاجى ببريق. قاعدة ف الأرض بتبكى
آدم. بحزن عليها. بريق. قومى من فضلك.
بريق .......
آدم. ارجوكى اسمعينى. أكيد كله هيتصلح أنا هحاول افهم جاسر.
بريق. الثقه.ال كانت بينا فين. ازاى قدر يصدق. عليا كدا
آدم. أكيد جاسر. بيثق فيكى بس ال شافه صعب على
كرامه اى راجل
بريق. وكرامتى أنا. وشرفى ال اتهان. وسمعتى
كان لازم يسمعنى كان لازم يدور معايا على حقيقه الأمر
آدم. صعب. صدقينى. مراته وحبيبته. مع صديق عمره.
أنا عازره. يمكن كان لازم يكون ف ثقه أكبر بس كبريائه كان سيد الموقف ومسيطر عليه
بريق. بس دا طلقنى أنا هعيش ازاى من غيره
آدم. اكيد كله هيتصلح خصوصا لو اتأكدنا أنك....
بريق. فيه ايه
آدم امبارح لما فقدتى الوعى اتصلت بفهمى وكشف عليكى وبيقول إحتمال يكون ف حمل. فلازم نروح المستشفي نتأكد
بريق بإبتسامه حزينه. وفرحة مكسورة. هو فعلا ممكن اكون حامل
آدم. هنتأكد لما نوصل المستشفي.
ف شقه ناجى القديمة اتفاجئ بخبط جامد على باب الشقه فكر يهرب لانه توقع انها الشرطة
لاكن بالفعل كانوا كسروا باب الشقه وقبضوا عليه
على بعد من بيت ناجى كانت عيون مريم بتترقب نزول ناجى مقبوض عليه مريم بنبرة إنتصار. كدا خلصت كمان من ناجى
دلوقتى حان الوقت ان أحصل على جاسر وفلوسه بأى طريقة
فهمى. التحاليل طلعت. مبروك يا بريق أنت حامل
بريق. بحزن. الله يبارك فيك
فهمى. أنا آسف على ال حصل أكيد جاسر. هعرف الحقيقه وكل شيء يتحل
بريق. معقول يافهمى انت واثق فينا وجاسر مش واثق فينا
فهمى. مش عارف اقولك ايه بس لازم تعذريه ايه رأيك روحيله وحاولى توضحى ال حصل
آدم. روحى يمكن يسمع ويحاول يدور معانا على الحقيقة الكامله مستحيل حسن يكون قدر يدبر كل دا لوحده. أنا هروحله وهعرف ليه عمل كدا
بريق فتحى فين جاسر
فتحى جاسر باشا نايم ف اوضه المكتب
خرج جاسر على سماع صوتها وبكل برود ساند على على باب مكتبه وايده ف جيوبه اهلا يامدام
بريق. جاسر ممكن تسمعنى
جاسر مفيش حاجة ممكن اسمعها منك ياهانم
بريق. بلاش تظلمنى وتهد ال بينا بلاش تخسرنا
جاسر حلو اووى وجايه تتكلمى عن لسان عشيقك
بريق. لأ أنا بتكلم عن لسان حد تانى. وتقترب منه جاسر أنا حامل. ارجوك لازم تعرف حقيقة ال حصل وبلاش تخسرنى أنا وال ف بطنى
جاسر بيضحك وجواه نار. ابن مين ال بتتكلمى عنه. أكيد ابوه ال كنتى ف احضانه امبارح أنا بس نفسى افهم ازاى قدرتوا تخدعونى البواب قال انك كنتى بتروحيله من قبل جوازناوكان بيشوفكم مع بعض
بريق. مين قالك كدا. أنا ما روحتش شقه آدم قبل كدا وازاى هكون على علاقه بيه وانت اتجوزتنى بنت
جاسر. مش صعب عليكى تخدعينى. بقى سهل اوووى امثالك يخدعوا ويداروا على اخطائهم
بريق كفايه ياجاسر
جاسر ياريت انت ال كفايه وبطلى محاولاتك وال ف بطنك دا معرفوش ومش ابنى ودا آخر كلام عندى
بريق. ازاى قدرت فين ثقتك وفين محبتك
جاسر. انتهى ودلوقتي دى اوراق طلاقك جاهزة.
ودى اوراق بتثبت احقيتك لنصف الأملاك ودا ورثك
الشرعى ان مقبلش على نفسى
. اخد فلوسك
نصيبك كله هشوف يساوى كام وهحولهم على رصيدك ف البنك
ودلوقتي وقتك انتهى معايا. اتفضلى برا بيتى
محبش اشكالك يدخلوا بيتى ويوسخوه
فتحى انت يازفت
فتحى تحت امرك يا باشا
جاسر. ارميها برا واياك تدخل الفيلا
فتحى. بس ازاى......
جاسر بغضب نفذ ال قولتلك عليه
بريق خليك يافتحى أنا خارجة بنفسى. بس عايزة اقولك حاجة أخيرة أكيد ف يوم الحقيقة هتتعرف ووقتها هتندم
ندم عمرك وكبرياءك مش هينفعك
ومهما تعمل مش هسامحك وقتها هتموت ألف موته لأنك ظلمتنى وخسرتنى بس مش لوحدى أنا وابنك وكمان صديق عمرك.
إياك تفتكر أنك هتلاقى السعادة. ف حياتك. لان أنا كنت مصدر سعادتك الوحيد
آدم. صباح الخير ياطنط
سناء صباح الخير يابنى اتفضل
آدم. شكرا أنا كنت بس عايز اقابل عم حسن
سناء. والله يابنى عمك حسن سافر ف الفجر قال رايح لواحد صاحبه يزوره
آدم. مش تعرفى هيرجع امتى
سناء والله ابدا يابنى بس أكيد يومين ويرجع
ف السجن
ناجى. مين ال بلغ.عنى لازم تخرجينى من هنا
مريم. اخرجك ليه. وانا ال بلغت عنك
ناجى انتى
مريم. أه أنا أنت فاكر ان بسهوله اكتبلك الأملاك
ناجى. يعنى كنتى بتكذبى عليا ولعبت علينا كلنا
مريم. تعيش وتاخد غيرها وسابته ومشيت
ناجى. أنا ال عملت كله دا عشان الفلوس خسرت بنتى حتى سمعتها اتشوهت بسببى أنا ازاى قدرت اثق ف مريم وأخيرا كل حاجة لا فلوس ولا بنتى
مر يومين وآدم بيحاول يعرف بريق فين وايه ال حصل بينها هيا وجاسر وبيحاول يتصل بتقى يفهمها حقيقة ال حصل
داخل غرفة مظلمه يرن هاتف بريق
بريق عملت ايه
فتحى. جهزت كل حاجة ياهانم. تحبى اجيلك فين
بريق. هتجيلى ف ......
فتحى. نصف ساعة وأكون عند حضرتك
فهمى. طيب هتكون راحة فين
آدم مش عارف سألت عليها كتير وفهمت من فتحى ان جاسر طردها
وروحت الشقه القديمة ولما سألت عليها إتفاجأت ان الجيران بيقولوا. البوليس قبض على رضوان ال هو ناجى اصلا.
مش قادر افهم هرب امتى. واكيد هروبه ليه علاقه بالحصل.
ولما روحلته السجن. عرفت ان تعب امبارح بعد زيارة بنت ليه ودخل مستشفى السجن وممنوع الزيارة
فهمى ايه كميه الألغاز دى أنا حاسس انها دوامه ومش بتخلص.
فتحى اتفضلى ياهانم. البسبور والأوراق ال سيبتيها ف الفيلا
بريق. شكرا يافتحى أنا تعبتك معايا
فتحى. انت هتسافرى
بريق. لازم ابعد. وجودى هنا مالوش لازمه خالص
فتحى بس يا هانم أنا عارف أنك بريئه مستحيل تعملى ال قال عليه جاسر بيه لازم تثبتى برائتك
بريق.ف نفسها حتى انت يافتحى عندك ثقه فيا.
عايزاك بس تقول لآدم ان يدور ورا البواب بتاع العمارة. هو متورط ف ال حصلى أنا وهو.
بعد كل الأحداث دى فتحى بلغ آدم بكلام بريق. وراح للبواب. وهدده وبصعوبه. اعترف ان فيه بنت جات واتفقت معاه.
آدم. اسمها ايه البنت دى.
البواب. معرفش اسمها
آدم احسلك احكى وإلا والله هقتلك هنا. وضربه لحد ما اغمى عليه
فهمى. الراجل هيموت ف ايدك اهدى يا آدم هفوقه واحاول أنا معاه. .....
فهمى. انت لازم تقول لان فعلا ممكن يقتلك
البواب بتعب. أنا معرفهاش بس هيا كانت موجودة مع جاسر باشا ف نفس اليوم ال دخل وشافك مع مراته
آدم. مكنش فيه غير تقى وبتذكر ومريم. أكيد هيا ال عملت كل دا.
فهمى. معقول ايه مصلحة مريم تعمل كدا
آدم كنت شاكك ف تصرفاتها وحسيت انها بتخطط لحاجة
فهمى. انت يازفت مستعد تقول الكلام دا قدام جاسر
البواب. أه مستعد
رن تليفون آدم برقم غريب الوووو
آدم أنا عمك حسن
آدم بغضب أنت فين
حسن. أنا لازم اقبلك. وهحكيلك كل حاجة