رواية بريق الحب
الحلقةالسابعة والثامنة
خرجت بريق من الفيلا تبكى ....
لأول مرة يعرف الحزن طريق لها فمنذ كانت صغيرة تعودت ان تسعد نفسها دائما
لم تجد من يسعدها. امها التى ماتت وتركتها طفله
وبسبب شلل والدها اصبحت ذليله عند جاسر ال اجبرها تشتغل ف قصره ويوصفها بالعاهرة
ظلت تمشى ف الشوارع كالتائهة دائما جعلت البسمه تملأ وجه كل من يعرفها
اليوم يأتى هذا المغرور ليطفئ بريقى بس اوعدك يا جاسر ان اعرفك مين هي بريق
أنا مش البنت الضعيفة ال تخاف وتهرب. لأ. أنا هواجهك وهعلمك تحترم مشاعر الناس ازاى
والله لأندمك. على كل كلمه قولتها
انتبهت بريق لأتصال من تقى
تقى ايه يابريق انتى فين كلنا ف انتظارك اتأخرتى ليه
بريق. آسفه ياتقى عشر دقايق واوصل
ف صباح التالى داخل شركة الشهاوى
يدخل جاسر مكتبه. ليتفاجئ بشئ لم يتوقعه
أنتى هنا بتعملى ايه
بريق. هكون بعمل ايه يامستر بشتغل
جاسر. شغل ايه انتى ملكيش شغل عندى. أنا طردتك
بريق. آسفه يامستر بس أنا عقدى بينص على انى
فى حاله تقصيرى ف شغلى وقتها يحق لإدارة الشركة طردى
واظن أنا مش مقصره ف شغلى.
جاسر هو انتى جبله انتى معدنك ايه
بريق. معدنى أصيل جداً ولعلمك أنا هنا بشتغل وميحقش ليك اهانه اى موظف بدون داعى خصوصا لو معملكش حاجة
جاسر كل دا ومعملتيش حاجة يابردوك
بريق. استاذ جاسر. ال بعمله ف حياتى ميخصكش بقابل مين بخرج مع مين.
وبمحاوله لإغاظته ..مين بيجيلى بيتى وبيسهر معايا أنا حرة
يمسكها جاسر من ذراعها. قولتلك اكتر من مرة كل ال هنا يخص جاسر الشهاوى
بريق. ال يخصك شغلك وبس انما حياتى لأ
طيب من الواضح أنك لسه ناويه تتحدينى. تمام أنا بقى هعرفك. ازاى تقفى قصادى
اظن عقدك مش مكتوب فيه أنك توصلى الشغل ف مواعيد متأخرة. وانا معنديش مواعيد شغل اضافيه فى بيتى. عشان كدا اتفضلى برا الشركة
بريق بضحكة.رنانه اغاظت بها جاسر
هو مقلتكش ان هاجى كل يوم ف المواعيد المحددة للشركة. وأظن انت شايفنى جيت. من بدرى يعنى من الآخر السبب ال عايزنى أمشى بسببه خلاص بح
جاسر. وكليتك. هتعملى فيها ايه
بريق. قولتلك حياتى متخصكش
جاسر. بغضب. ماشى. يابريق عندك حق
عمر صباح.الخير ياجميل
بريق. صباح النور ياعمر
عمر. اعملى حسابك هنتغدى سوا النهاردة. وكل يوم كمان. اصلا الأكل ملقوش طعم من غيرك ياقمر
جاسر. لا ياشيخ وإيه كمان
عمر. ماله الأستاذ دا ايه مضايقه
جاسر. الإستاذ دا يبقى مديرك. وانت هنا ف شركة محترمة مش كباريه يا استاذ
عمر. آسف يافندم. مش هتتكرر تانى. ويكمل. لأغاظة جاسر. متنسيش ميعادنا ياقمر. باى
بريق بضحكة واستفزاز. لجاسر. باى. ياحبيبى
جاسر. الغضب اتملك منه وخاف ليأذى بريق دخل مكتبه وقفل الباب جامد وراه
بريق قعدت على المكتب تفكر ف ال حصل. وازاى الأمور وصلت لهنا وازاى جاسر اخد عنها فكرة زى دى من غير مايفهم. كان لازم يحضر حسن ظنه فيها ويسألها الأول
بريق. لنفسها. يعنى عمر كان لازم يجى دلوقتى. اهو كدا أكد لجاسر شكوكه فيا
طبعا جاسر. طول اليوم هلك بريق طلبات وكأنه بينتقم منها. وعايزها تزهق وتسيب الشغل
جه ميعاد الغداء وخرج من مكتبه يتأكد انها لسه برة على امل منه انها مخرجتش مع عمر يتغدوا
بس إتفاجئ لما لقاها فعلا مش موجودة
ودا خلاه يفكر ان يعمل كل حاجة بضايقها.
بريق. نعم يامستر طلبتنى.
جاسر. اتصلى بشكرى يحضر لحفلة مميزة الليلة
تنظر بريق بإحتقار. حاضر
جاسر. اقوليله عايزهم بنات
بريق. اومال هطلبلك رجاله مثلا
جاسر. لمى لسانك .. اقصد تكون بنت عذراء فهمتى
بريق. انت ايه بتعمل ليه كدا إياك تفتكر ان كدا بتضايقنى. على فكرة محدش هيتأذى غيرك انت بس ال هتدفع تمن اغلاطك
جاسر اعملى المطلوب منك. وبس
وعلى فكرة انت كمان هتدفعى تمن اغلاطك احنا زي بعض يا صاحبه الصون والعفاف. بس الفرق بينا ان متقبل نفسى واغلاطى ومش بدعى العفة زيك.
بريق انت الكلام معاك. ملوش فايدة حاولت كتير وانت
مصمم تمشى ف طريقك. ولعلمك أنا مش شبهك ويستحيل اكون بالشكل ولا بالصورة ال بتوصفنى بيها
ومش هبررلك موقفى لان قولتلك قبل كدا ان بكره التبرير. بعد اذنك يامستر
كلام بريق كان بيضايق جاسر. بس كان نفسه تكون صادقة
زي مابتقول لانه ف وقت كان بيحس تجاها بشعور مختلف كان مبسوط ومتونس بوجودها بعفويتها
بصفاء قلبها ونقاء روحها. كانت فيه حاجات جواه بدأت
تتحرك ومشاعر مدفونه من سنين بدأت تظهر تانى
طبعا كل دى تضاربات داخل علقه ال مش بيبطل تفكير. فيها.
لحد ما أستأذن آدم ودخله
آدم. مالك ياجاسر. النهاردة.
جاسر. مفيش يا آدم.
آدم. مفيش ازاى بس يعنى أنا مش عارفك ياصاحبى
ولا يمكن بريق ضايقتك تانى
جاسر. متجبليش سيرتها
آدم. على فكرة انت حبيتها. وبريق بنت مؤدبه. ومحترمه ومش هتلاقى افضل منها
جاسر يضحك بقهر هههههه مؤدبه. ومحترمه. وبصوت مرتفع
فقد فقد السيطرة على اعصابه.
أيوا يا آدم أنا حبيتها وكنت هتغير عشانها بس المحترمه ال بتتكلم عليها
.
مقضياها وعايشة حياتها. ومتفرقش حاجة عن البنات ال بيجبهم شكرى. لعندى
آدم. بصدمه. جاسر انت بتقول ايه. ازاى يعنى. بريق لا ياجاسر. اكيد فاهم غلط بريق مش كدا
جاسر فاهم غلط. انت عارف ان الهانم المحترمه. كانت امبارح بليل مستقبلاه فى بيتها. دى حتى محترمتش ابوها المشلول
والنهاردة كمان اتغدوا سوا. مصدقت ان اتعين موظف جديد امبارح ف شركتى وراحت عملت معاه علاقة قذرة
طبعا بريق دخلت على صوت جاسر ال سمع الشركه كلها.
ووقفت قدام جاسر تسمع لكلامه بدون اى ردت فعل منها
آدم جاسر انت أكيد مجنون انت تقصد بكلامك عمر صح
جاسر أيوا زفت وينظر بإتجاه بريق وانا ال كنت عايز أكمل حياتى معاها بس للأسف دى أنا مش بلم زباله غيرى
آدم. جاسر. إسكت انت مش فاهم حاجة أنا مسمحلكش تتكلم عن بريق كدا
جاسر. ايه تكون. كانت معاك قبل منه أه ما ابوها مشلول وهى مقضياها
آدم يصفعه على وجه بشده. انت حقيقى انسان زباله وتفكيرك زباله زيك. بريق دى من انطف البنات
. وعمر ال بتتهمه دا انسان محترم. تحب تعرف ايه علاقتها بيه وليه كان عندها بليل
بريق. مستر آدم. لو سمحت. ميستحقش يعرف حاجة.
آدم. لأ. لازم يفهم. بريق. بعد موت امها. وحادثة عمى رضوان
كان ايه صاحب يمكن أعز من اخو اسمه حسن. فضل مهتم هو ومراته ببريق. وعمى رضوان
. وربى بريق من وهى صغيرة مع ولاده لحد ماكبرت
وقدرت تعتمد على نفسها وتشتغل. ولما عمى حسن اتحال
على المعاش. بريق اشتغلت
وحبت ترد ولو جزء بسيط من كرمه عليها هيا وابوها.
وبتديله مرتب شهرى وساعدت ابنه انه يشتغل هنا ف الشركة ويكمل دراسته لانه بالنسبالها زى أخوها واكتر
لانه اتربوا مع بعض والشاب دا يبقى عمر
ال حب ياسمين زميلتنا هنا ف الشركة عشان لما كان بيشوفها عند بريق هى وتقى
. وطلب من بريق انها تتكلم ياسمين وطبعا وافقت. وامبارح. كانت جلسه تعارف للأهل ال طبعا عارفين بريق.صاحبه بنتهم
وبريق طلبت انها تعمل سهرة صغيرة بالمناسبه دى وعزمت
الكل أنا وتقى وياسمين وعمر وأهل ياسمين وكلنا كنا هناك. والنهاردة عمر انا طلبت منه أننا نتغدى كلنا أنا وهو وياسمين وتقى مع بعض كل يوم
عمر بالنسبة لبريق فى مقام اخوها وبالنسبه لينا كلنا بريق هي سعادتنا هيا ال بتفرح الكل
طبعا جاسر واقف يسمع ومصدوم. من كلام آدم. ومعظم الموظفين. واقفين يسمعوا الكلام وكلهم عنيهم فيها استحقار لجاسر وظنه ف بريق. ال طبعا مع بدايه كلام آدم سابت المكتب والشركة كلها وخرجت.
عمر. أنا عمر ما قبلت حد ف غرورك وانانيتك انت مين عشان تحكم على شخص من غير ما اسمع منه حتى لو شفتنى بقلها ياحبيبتى وياقلبى. دا مش معناه انها حبيبتى فعلا او بنت علاقه قذرة زى ما بتقول. لان الأخت هيا حبيبه اخوها وقلبه وشرفه وانا وبريق اتربينا سوا وكانت ليا نعمه الأخت والسند. وانا النهاردة لازم اكون سندها.
انت احقر شخص شفته. مش كل الناس. بوساختك للأسف بريق هيا ال مينفعش تبقى مع قذارة زيك
كل دا وجاسر واقف مش بينطق بكلمه الصدمه سيطرت عليه
هو ازاى اتعمى ومشفش بريق بصورة تانيه ازاى شك ف اخلاقها وحكم عليها
فعلا معاك حق. بريق ما تستحقش زباله زيى. هي انظف منى بكتير أنا آسف. آدم ارجوك أنا عارف انها صعب تسامحنى. بس انتى صاحب عمرى ارجوك عليها تسامحنى
آدم. بريق. مش هتسامحك ياجاسر. انسى. دا كان عقابك من ربنا. الحاجة الوحيدة النظيفه ال دخلت حياتك انت ضيعتها بغبائك
فى مكان آخر.
مجهول 1 ايه هتنوى امتى تفجر القنبله وتعرف الكل الحقيقة
مجهول 2 اصبر كام يوم تكون وفت سنها القانون ساعتها محدش هيقدر يوقف قدمنا.
مجهول. 1. طيب انت فاكر انها هتنفذ وتعمل ال احنا عايزينه
مجهول 2. هتنفذ صدقنى.
مجهول 1. بس ممكن يقتلها
مجهول 2. مش هيقدر وقتها هى هتكون أقوى منه بكتير. هتكون هيا المسيطرة على كل حاجة. ولو مقدرتش يبقى ساعتها نخلص منه
خرج جاسر من الشركة ركب سيارته وظل يبكى على خسارته بريقه
واخيرا اصبح ضعيف
"وبكى الذى لايبكيه شئ"
الحلقة الثامنة
بعد ال حصل ف الشركة. جاسر مبقاش شايف قدامه ولا مستوعب ال عمله مع بريق والأذى ال ممكن يكون سببه ليها.
خرج من شركته ركب عربيته ووصل الفيلا ف وقت قياسى بسبب سرعته وال كان بسببها العربيه كانت هتقلب بيه.
دخل قوضته وبيقلع بدلته وكانها حمل تقيل عليه وهو بيفكر بكل كلمه قالها لبريق فى نفس الأوضه
متخلف. أنا واحد متخلف.. خسرت الحاجة النظيفة ال دخلت حياتى. كنت عايز اكسرها عشان بتتحدانى غرورى. ضيعها من إيدى. كل الوقت وانا بحاول اأذيها وهية بتحاول تبعدنى عن الفجور ال عايش فيه. انت غبى ياجاسر غبى
باب قوضته بيخبط.
ادخل يازفت ... عايز ايه
فتحى. جاسر بيه شكرى بعتلك بنت تحت وبيقولك تمنها غالى لانها عذرا......
جاسر. بغضب. اخرس. ماشيها من هنا ومش عايز اشوف وشك اخفى من قدامى.
خرج فتحى. مسرعا من امامه خوفا ان ينوبه من غضب الجاسر ما لا يتحمله
اصبح جاسر من شدة غضبه. يكسر كل شئ داخل الغرفة
اصبح غضبه المسيطر
كله ليه تمن.الا هيا مفيش. تمن يقدرها أنا خسرت السبيل الوحيد لإنتهاء معاناتى
وقهرتى وحرمانى كل السنين ال فاتت.
مر الليل عليه وهو يلوم نفسه. ويكسر ف اى شئ يقابله ويخرج غضبه فيه
حتى انهكه جسده من كثرة التعب. ليغط قرب الصباح ف النوم على أرض غرفته المليئه ببقايا الزجاج المكسور
داخل غرفة. البريق تملأ. الدموع عيونها فقد تعودت من يوم ان رأته تنام ليلها حزينه ظلت تبكى
. حتى سمعت آذان الفجر فقامت توضأت واستقبلت القبله. بعد انتهائها أخذت تدعى وتناجى ربها ان يدبر لها امرها. ويريح قلبها ولم يخلو دعائها من ذكر جاسر. بالرغم من وجعها منه
وف الصباح
يدخل فتحى. على جاسر. فهو مشغول البال عليه منذ ليله أمس ليفاجئ به ملقى على الأرض وجسمه يملأه الدماء. ليتحرك مسرعا يتصل بالدكتور ومن بعدها بآدم.
بعد وقت يخرج الدكتور من غرفة جاسر
الدكتور آدم بيه. جاسر باشا عنده صدمه عصبيه.
تقريبا هو ضغط على اعصابه ف حاجة ضايقته.
وكمان كميه الجروح ال ف جسمه كتير ازاى
. تسبوه واقع على الزجاج الوقت دا كله.
عموما أنا نظفتله جروحه بس مش عايز اي ازعاج
ويفضل يجيلى المستشفي لان ف حالته ممكن يمتنع عن الأكل ويأذى صحته اكتر
آدم لايا دكتور جاسر مش بيحب المستشفيات أنا ههتم بيه. واكيد هيبقى بخير.
فتحى. يارب يا آدم بيه
آدم فتحى احكيلى ال حصل من وقت ما جاسر رجع البيت
فتحى حكى لآدم كل ال حصل.
وآدم واقف مش مصدق ان جاسر رجع البنت معقول يكون جاسر. فاق لنفسه
ومر يومين لا بريق بتروح الشركة ولا جاسر ال طبعا كل يوم صحته ف النازل. وفتحى لاحظ دا
الووووو ازيك يا انسه بريق
بريق. الحمد لله خير يافتحى
فتحى كنت عايز اتكلم مع حضرتك
بريق. معايا أنا بخصوص ايه
فتحى لما اقابلك. هقولك هستناكى ف كافيه ....
بريق خير يافتحى
فتحى. آنسه.عايزك تفهمينى كويس انا عشت مع جاسر بيه سنين كتير
. متفق معاكى. ان فيه عادات كتير غلط. بس ال زى جاسر بيه شاف كتير واتظلم ف حياته من أقرب الناس
وهو بيسكر ويجيب ستات كل ليلة. مش حب فيهم
هو بيسكر عشان نفسه ينسى وكوابيس الماضى متلاحقهوش. والستات. ال بيجبهم كل ليلة. لأول مرة هحكيلك السر دا. مفيش ست فيهم لمسها.
بريق. بإستغراب. انت بتقول ايه اومال جايبهم ليه
فتحى. بيجيبهم عشان بيخاف
بريق. نعم. بيخاف
فتحى أه بيخاف من وحدته وذكرياته أنا مش عارف ايه ال شافه وهو طفل كل ال اعرفه ان كان ف حاجة ف طفولته. مأثرة عليه
. ويمكن بيجيبهم بس عشان يحس ان ف حد معاه ف الفيلا
بريق. وانت بقى عرفت منين.
فتحى.كل ليله بسيب الفيلا واروح بعد ما احضرله سهرته
وبرجع. الصبح الاقيه نايم ف اوضته والبنات ال عنده ف قوضه تانيه
. وف مرة سمعتهم. بيكلموا بعض
اومال بيجيبنا ليه. كل ليلة لما مش عايز. يلمسنا. هو أكيد يا مجنون يا عنده مشكله
وهنا عرفت وكنت متوقع زى ما البنات بتقول ان عنده مشكله. لحد ما شفته مرة بيصلى. وبيقول ان هو عارف ان وجود البنات دا غلط الا انه مش عايز يقضى الليل ف الفيلا وحيد. وكان برتجف وهو بيدعى.
بريق. طول ما هو خايف من الوحدة متجوزش. ليه
فتحى. بردوا معرفش. بس إحتمال عدم جوازه ليه علاقه بردوا بماضيه
بريق. طيب يافتحى وانت بتحكيلى كل دا ليه هو بعتك ليا تفهمنى ان ملاك. وان ال بيعمله والعصبيه دى مش بإيده
فتحى. جاسر بيه ميعرفش ان جايلك. أنا عرفت ال حصل من آدم بيه ف الشركة. ودا سبب ال هو فيه دلوقتى.
بريق. مش فاهمه
فتحى. أنت كنت طوق النجاه الوحيد ليه من وقت ما عرفك والضحكه عرفت طريق ليه. بس ال حصل من يومين
خلاه ينهار. ويفقد السيطرة على اعصابه. ومبقاش يشوف حد وفقد شهيته ف الأكل.
ارجوكى. أنا عارف أنك يستحيل تسيبى حد محتاج مساعدتك عشان قلبك طيب وتحب الخير للكل
بريق. طيب أنا هساعده ازاى
فتحى. روحيله هو لو شافك هيرجع لطبيعته ارجوكى
بعد وقت كانت بريق تقف أمام جاسر ف اوضته
ف نفس المكان ال اهانها فيه. أنا ايه ال جابنى هنا تانى بعد كل ال حصل وبعد كل الأذى ال سببه ليا
بس ما هو أنا عمرى ما اسيب حد محتاجلى حتى لو اذانى مش يمكن زي ما قال فتحى ان ماضيه مأثر. عليه. أنا لازم اخرجه من ال هو فيه وبعدها هبعد عنه للأبد
رفعت الستائر عن الغرفة.
جاسر بتعب. فتحى أقفل الستائر واخرج برا
بريق بضحكة مصطنعه لأ أنا مش فتحى أنا بريقك ياجاسر
جاسر بعدم تصديق وگأنه بيحلم ااانت هنا. فعلا
يعنى أنا مش يحلم
بريق بإبتسامه. لأ مش بتحلم وانا هنا فعلا وترفع عنه الأغطيه. اظن يامستر انت مش هتفضل نايم كتير وسايب الشركة والشغل والدنيا بايظه.
وبعدين أنا مش فطرت. ممكن افطر مع مديرى ولا انت بخيل
جاسر.ينظرلها بهيام.انتى فعلا بريقى
بريق بخجل. طيب يامستر. الفطار جاهز.
جاسر. آسف
بريق. ممكن نأجل كلام ف اى حاجة اقلله النهاردة
جاسر طيب ممكن تفضلى معايا النهاردة
بريق ببسمه حاضر ويالا كمل أكلك
وطبعا. فضلوا يضحكوا ونسيوا الزعل. ال بينهم. او بمعنى آخر جاسر ال نسى اما بريق زعلها مؤجل لوقت
جاسر بتعب بريق كفايه ارجوكى قلبى وجعنى من الضحك
بريق كانت عامله فيها اراجوز وبتقلد بحركات عفويه موظفين الشركة. وحركاتهم. حتى فتحى ما سلمش منها ولا من ترقيتها
وجاسر يبص لفتحى ويضحك عليه ال كان مرافقهم ودا بطلب من بريق ان يفضل معاهم طول ما هى ف الفيلا
جاسر. حقيقى انتى مميزة وليكى بريقك الخاص ال بيطفى امله على الكل
بريق. طيب ممكن تاخد ادويتك وترتاح
جاسر. هتمشى.
بريق. لأ. ايه رأيك اعملك غداء أنا بعمل اكل انما ايه
جاسر. والله اكل الأول واحكم
بريق. بغيظ ماشى. بس مش هتندم
بريق. الوووو مستر آدم. كنت عايزة اقولك حاجة
مر الوقت. وطلع فتحى. يصحى جاسر. ينزل
جاسر.بقلق هيا بريق فين
فتحى متقلقش. لسه موجودة وحضرت الغدا
جاسر. طيب هنزل وراك
نزل جاسر. واتصدم لما شاف. آدم وتقى وعمر وياسمين
جاسر. هو فيه ايه
آدم. ولا حاجة. يا جاسر جعانين. قولنا نيجى نتغدا معاك
جاسر بس ما عزمتش حد
آدم ال عملت الأكل عزمتنا ويالا لان هموت من الجوع
طبعا جاسر اتغاظ لانه كان نفسه يقضى الوقت مع بريق
خلصوا اكلهم. وضحكوا كتير وطبعا جاسر اتأسف عن سوء التفاهم ال حصل.
جاسر طلعتى طباخة شاطرة يابريق
بريق. شاطرة بس. أنا اكلة لا يعلى عليه
جاسر. بضحك. متواضعة اووى انتى
بريق طبعا طول عمرى.
الكل كان مبسوط بالجو ال عملته بريق وان لأول مرة يجتمعوا مع مديرهم المغرور.
ال كان طبعا قاعد مبسوط وفرحان لأول يحس ان حد مهتم بيه لأول مرة يعيش جو عائلى اتحرم منه كان بيبص للكل وهو مبتسم وبيتمنى أن يعيش ف جو عائلى
الكل مستغرب جاسر ان بيضحك. ومنسجم معاهم
عدى الوقت سريع وكان الكل المفروض يمشوا. واستأذنوا من جاسر.
عمر يالا يابريق عشان اروحك
جاسر. ثوانى ياعمر. عايز اقول لبريق كلمتين قدامكم
أنا عارف ان أذيتك وضايقتك بس والله اناندمان. وعرفت غلطى. وبتمنى تسامحينى
بريق أنا بحبك وعايزة شريكه حياتى. ... تتجوزينى...
بريق. بس أنا مش بحبك ولا عايزة اتجوزك