رواية بريق الحب
الحلقة التاسعة والعاشرة
بقلم ايمان المهدي
الحلقة التاسعة
جاسر بريق. أنا بحبك وعايزة شريكه حياتى
.. تتجوزينى...
بريق بس أنا مش بحبك ولا عايزة اتجوزك...... آسفه اقصد انك بالنسبالى مديرى ف الشغل وبس وانا مفيش أى مشاعر تانيه تجاهك
جاسر عارف ان ضايقتك وانك زعلانه منى. بس بلاش تقولى ان مفيش مشاعر تجاهى عايزة تقنعينى أنك مش بتحبينى
بريق قولتلك انت مديرى وبس مش اكتر
جاسر. واهتمامك بيا. ومحاولاتك الكتير ف تغيرى كل دا ايه
بريق عادى محاوله تغيرك. نويت أعمل كدا من قبل ما اعرفك او اشوفك. واهتمامى بيكون للكل. أنا بهتم لمستر آدم وعمر دا معناه ايه لا يامستر اهتمامى ب مستر آدم لان بعتبره صديقى ودا واجبى. وعمر لانه اخويا. وانت لأنك مديرى ولو كنت فضلت بحالتك دى كانت الشركة هتتأثر ودا شغلى وخفت اخسره
جاسر بقهر من كلامها واسلوبها الجاحد هو متأكد ان يستحيل دا يكون المعنى الحقيقى لاهتمامها وانها تكون خايفه تعترف انها بتحبه
أنتى شايفه كدا. عموما أنا آسف يا آنسه ان فهمتك اهتمامك غلط. اتمنى اكون صديق ليكى اكتر من مجرد مديرك دا لو مش يضايقك
بريق. أكيد يامستر بعد إذنك
ويخرجوا من الفيلا
تقى انتى اتجننتي يا بريق بترفضى مستر جاسر
بريق دلوقتى زعلانه عشانه مش دا الشيطان ال كلكم كنتم خايفين منه وبتحذرونى أقرب منه
ياسمين. كان يابريق. وكلنا النهاردة اتأكدنا ان اتغير عشانك
عمر. بريق جاسر. كان واضح عليه ان بيحبك لازم ترجعى تفكرى ف طلبه
بريق وانا يا آدم. مش عايز تقول حاجة انت كمان
آدم. كلامى مش هيعجبك
بريق بتريقه. لأ قول قول هيا جات عليك
آدم. أنتى بتحبيه وخايفة تعترفى ليكون مششاعرة مش صادقة
بريق. أنا مش بحبه
آدم. بتحبيه. وبلاش تكذبى. الحب واضح ف عيونك. وصدقينى جاسر. بيحبك. جاسر صديقى من سنين واعرفه كويس اوووى.
بريق. ممكن نقفل كلام ف الموضوع
آدم. براحتك.
تقى. كنت عايزة اقول حاجة
بريق. اممممم احكى
تقى. من يومين. آدم طلب إيدى وانا وقتها قولتله هفكر.
آدم عايزة اقولك ان موافقة
بريق. كل دا من غير ما اعرف. ألف مبروووك يا حبيبتى
مبروك يا آدم.
عمر وياسمين. مبروك ياتقى مبروك يا آدم. كدا بقى نعمل خطوبتنا مع بعض
آدم. اكيد كنت عارف أنك هتوافقى. كنت واثق من مشاعرى وانك بتحبينى
بريق. طيب مش كفايه واقفه ف الشارع. شكلنا وحش جدا
آدم طيب يالا تعالو هوصلكم.
عمر لاياعم مشوارنا بعيد. روح خطيبتك. وسيبلى أختى وخطيبتى هروحهم أنا. يالا سلام
فى الصباح. داخل الشركه.
معظم الموظفين. راحوا مكتب بريق يسلموا عليها فكروا انها مش هترجع تانى
دخل جاسر. وسمع أحد الموظفين.
تعرفى يابريق الشركه من غيرك كئيبه والشغل بقى تقيل على قلبنا اليومين ال فاتوا
جاسر. لا ياشيخ. ولما الشغل تقيل على سيبه حد كان جابرك عليه
الموظف. مقصدس يا مستر أنا بس كنت برحب بآنسه بريق
جاسر كل واحد على شغله ولو حد مش عجبه الشغل يسيبه. وانتى تعالى ورايا على مكتبى
بريق نعم يامستر
جاسر. ياريت. يا آنسه متقفيش تهزرى مع حد تانى.
بريق بصوت منخفض. ابتدينا.
جاسر. بتقول ايه مش سامعك
بريق. حاضر. يا مستر. اى طلبات تانيه.
جاسر لأ. اتفضلى
يمر اليوم عليهم. مفيش أى جديد.
اليوم. التالى. ف الشركة.
بريق. جابت. شكولاته وبتفرق على كل الموظفين. بمناسبه ارتباط تقى وياسمين وآدم وعمر ال خطوبتهم اتحددت بعد اسبوع
آدم. والله الواحد مش عارف بقولك ايه دا احنا مفكرناش. نعمل كدا حقيقى شكرا يابريق
بريق. لا شكر ولا حاجة يامستر. انت عارف معزتكم عندى
الموظفين بيشكروا بريق.
واحد منهم. الشيكولاته طعمها حلو اوووى شكرا يابريق
موظف آخر. هى الشيكولاته بس بريق أحلى من الشيكولاته
جاسر هيا مين دى ال حلوة يا وش البرص
الشاب. بخوف مستر جاسر والله ما اقصد أنا.....
لم يكمل حتى تلقى صفعات متتاليه
مشوفش وشك هنا تانى وإلا قسما بالله هقتلك
آدم. ربنا يستر تفتكرى هيعمل ايه ف بريق
تقى. مش بعيد يقتلها بس هيا تستاهل هى عارفة ان بيغير عليها وهى لسه مصممه تعانده
آدم يقتلها خبر اسود
جاسر ودا مين كمان إن شاء الله
بريق زميل هنا ف الشركة
جاسر يضغط على شفتيه السلفى وبغضب.
وبعدين بقا هو أنا كل يوم اضرب حد بسببك.واخسر واحد من الموظفين أنا كام مرة قولتلك من تهزريش ولا تكلمى حد
بريق ايه بقا ان شاء الله انت مين عشان تتحكم فيا
لا أنا امينه ولا انت سى السيد
جاسر. بريق اتقى شرى احسنلك بدل ما يكون النهاردة آخر يوم ف عمرك
بريق. بخوف بتحاول تتصنع القوة امامه
ليه بقا كنت شايفنى فرخة لا استاذ ولا تقدر تعملى حاجة
جاسر. بريق بلاش تتحدينى.
بريق. أنا أعمل ال أنا عايزاه. اتكلم براحتى. وبعدين. أنا هرتبط وابقى اعزمك على خطوبتى قريب
جاسر تحول وجه لكتله من الجمر. ومحسش بنفسه. الا وهو رافع بريق على كتفه زى البيبى
بريق عااااا نزلنى يا مجنون انتى واخدنى على فين الحقونى
آدم. جاسر انت بتعمل ايه
جاسر. ابعد عن طريقى.
طبعا الكل مرعوب ومحدش قادر يقرب من جاسر
جاسر اخدها وطلع برا الشركة. ورماها بقوة ف عربيته
بريق. اااه انت مجنوووون
جاسر. اااه مجنون. هو مين يعرفك وميتجننش. من يوم ما عرفتك وانتى جننتينى.
بريق. نزلنى
جاسر. دا بعدك لما اربيكى الأول.
الحلقة العاشرة
بريق عاااااا نزلنى
جاسر. مش هنزلك لما اعلمك تبطلى عناد
بريق. هتنزلنى ولا انط من الزفته دى
جاسر عارفك مجنونه وتعمليها أنا قافل الباب ال جمبك
بريق. بتهبد برجليها انت اتجننت على الآخر
جاسر. والله لو عملتى ايه ما هتنزلى
وصل بيها الفيلا يلا انزلى
بريق بعند مش نازله انت جايبنى بيتك ليه
جاسر مفيش فايدة فيكى ... ورفعها بين ايديه
اتهدى بقا هديتى حيلى ورماها على سرير
بريق برعب وخوف منه. ااانت جايبنى هنا ليه عايز منى ايه. والله لوقربتلى لأقتلك
جاسر الله يخربيت الأفلام ال واكله دماغك. يعنى انتى دماغك مفهاش غير كدا
بريق. لأ دى مش الأفلام. دى روايات بقرأها
وبعدين جاينى هنا ليه لما انت مش بتفكر تعملى حاجة
جاسر. يعنى انت عايزة ايه دلوقتى أعمل زى الروايات ال بتقرأيها. واخد شئ مش من حقى غصب وارجع اقولك تتجوزينى وطبعا انت مجبرة وبعد كدا تحبينى
ايه الهبل دا ازاى بنت تحب وتآمن لنفسها مع واحد ...
بريق. طيب عندك حق. جايبنى هنا ليه
جاسر. قولتلك عشان اعلمك تبطلى تتحدينى
بريق طيب مش هتحداك تانى سيبنى امشى
جاسر. ومن امتى بريق هانم بتسمع الكلام. لأ مش هسيبك تمشي لحد ما اتأكد أنك مش هتعندينى.
بقى جاسر الشهاوى. حبيبته تقف قصاده وتقوله قدام الكل اعزمك على خطوبتى.
بريق. ارجوك ياجاسر. أنا كنت بكدب وانت عارف كدا كويس روحنى بقا عشان بابا. هيقلق عليا
جاسر. لا مش هيقلق. واتهدى بقا صدعتينى. أنتى مش هتخرجى من الأوضه غير لما تقولى حقى برقبتى
بريق. وانا مش هقعد هنا دقيقة واحدة. ومش انت ال تزلنى وتجبرنى ابعد عنى ياشيخ انت عايز منى ايه
جاسر. مش بقولك مجنونه لأ وكمان بتتحولى ف ثانيه
واعمل ايه ف قلبى هو ال عايزك تقريبا عجبه جنانك.
اقعدى عاقله بقا عشان مش هتغلبينى. وخرج وقفل عليها الأوضه.
فتحى. هو فيه إيه يا باشا
جاسر. إياك تفتحلها
فتحى بس ياجاسر بيه. ال بتعمله دا مينفعش
جاسر. تقول حقى برقبتى وتعترف انها بتحبنى
اخرجها غير كدا لأ
فتحى. على فكرة انت عاجبك جنانها وشقاوتها وعنادها قصادك. حبسك ليها مش هيخليها توافق على جوازها منك. خليك حنين ياباشا.الحنيه تلين الحجر
جاسر. طيب خالى بالك منها على ما ارجع
ف الشركة جاسر طلب عمر لعنده
عمر. جاسر. بيه ال عملته دا ...
جاسر. اهدى ياعمر. بريق بخير. أنا عايز منك خدمه
عمر. ايه هيا.
جاسر. تكلم والد. بريق. تقوله انها عندها شغل ف فرعنا ف اسكندريه واطضرت تسافر يومين
عمر طيب فهمنى فيه ايه وبريق فين
جاسر عندى ف الفيلا
عمر بصدمه. نعم !!! وعندك بقا بتعمل ايه
جاسر. حابسها لحد ما تبطل تعاندنى وتعترف انها بتحبنى
عمر. ايه ال بتقوله دا طبعا مينفعش وانا مش اخدمك ف ال بتقوله
جاسر. قولتلك متقلقش عليها. واظن انت داخل على جواز بلاش تخسر وظفيتك واى موظف تانى ممكن يعمل ال بقوله.
عمر. بغيظ. سابه ومشى. وقابله آدم. هو جه
عمر. أه جوا. وعلى فكرة صاحبك اتجنن على الآخر دا حد بريق وحابسها ف الفيلا
آدم ربنا يستر.
جاسر. عايز ايه يا آدم.
آدم مش عارف اقولك ايه عشان عارف ان ال ف دماغك هتنفذه بس انت كدا هتخليها تكرهك مش تحبك. مش هتحبك لو حبستها
جاسر. آدم. انت اكتر واحد عارف ان محتجلها. انت الوحيد ال تعرف الماضى الملعون. أنا مش عايز ارجع تانى للسهرات وشرب واغضب ربنا. أنا محتاجها جنبى
محتاجها تبعدنى عن ذكريات الماضى. ف يوم واحد كانت معايا فيه. قدرت انسى كل وجعى.
آدم بس بريق مالهاش ذنب ف كل دا. ف البداية كنت بتتحداها عشان فاكر انها نفسها بريق بنت عمك
دلوقتى بتتحداها عشان تخليها تنسيك الماضى وبريق وكل ال أذوك. انت كدا بتأذيها ياجاسر على حساب أنك تبقى مبسوط ودى أنانيه
جاسر. أنا متأكد انها بتحبنى بس بتعاند
آدم. يبقى تعمل ال يخليها تقرب منك ومتخفش ولا تعاند مش يبعدها عنك
جاسر. هحاول.
داخل الفيلا كانت بريق تصرخ بإسم جاسر ليفتح لها
جاسر فيه ايه
فتحى من ساعة ما خرجت وهي كدا مش بطله تصرخ وكمان مبطلتش ....
جاسر. مبطلتش ايه اكيد. بتغلط فيا صح
جاسر بيفتح الأوضه اتفاجئ بيها مكسرة كل حاجة فيها
بريق. انت حيوااان. خرجنى من هنا.
جاسر. انت اتجننتى ايه ال انت عملاه دا فضحتينا
بريق. ولو مخرجتنيش. هعمل اكتر من كدا. يالا اخفى وافتحى الزفت دا
جاسر. بريق بطلى غلط. أنا مش عايز أذيكى.
بريق. لاياشيخ كل دا ومش عايز تأذينى. عااااا حد بخرجنى.
جاسر. طيب صوتى براحتك واعملى ال انت عايزاه بس خروج مش هتخرجى. وابوكى فاهم أنك سافرتى فرع اسكندريه يومين.
وعشان عارف. أنك مش هتنامى جبتلك روايات تقرأيها.تعلمك هتقتلينى ازاى
باى ياحلوة طالع انام. اليوم كان متعب جدا
وسبها وخرج. فضلت تضرب رجليها ف الأرض
فى الصباح. نزل جاسر وطلب من فتحى يحضر القطار ودخل بيه على بريق ورفع الستائر ايه مش تصحى
بريق. قامت بغضب. أنا منمتش اصلا عشان اصحى
جاسر. هههه كنتى بتفكرى هتخلصى من ازاى
بريق. رخم
جاسر سمعتك. ويالا عشان تفطرى
بريق. مش عايزة أنا عايزة أخرج من هنا
جاسر بطلى الإسطوانة دى. ولو فطرتى هخرجك
بريق. بجد. طيب هفطر.
جاسر. ههههه براحة انا عارف انك مش اكلتى من امبارح بس مش كدا يعنى
بريق. بس مش غريبه مديرى يصحى بدرى ويجيبلى فطارى
جاسر. لأ. مش غريبه انتى كنتى بتهتمى بمديرك وانا بهتم بحبيبتى
بريق. بخجل. طيب ممكن يامستر أخرج من هنا
جاسر. بشرط. مفيش مستر فيه. جاسر وبس
بريق حاضر. خرجنى بقا
جاسر. لما ارجع هخرجك
بريق يعنى كنت بتكدب عليا
جاسر حاجة زى كدا.
بريق. والله لأقتلك
جاسر لما ارجع تكونى جهزتى اكياس سودا. باى ياحلوة.
ف الشركه آدم. صباح الخير يا جاسر
جاسر. صباح النور
آدم. جاسر. خطوبتى انا وتقى بعد كام يوم
وعمر وياسمين كمان
جاسر. الف مبروك يا آدم
آدم. عقبال لما ربنا يهديلك بريق
جاسر. اه والله ربنا يهدهالى
آدم. مش ناوى تعقل وتخرجها
جاسر. لما اروح هخرجها ثوانى دى بتتصل
بريق. جاسر ارجوك لازم تخرجنى من هنا فورا
جاسر. متحاوليش
بريق ببكاء. مش هعاندك تانى. بس ارجوك خرجنى
جاسر بقلق. بريق خلاص أنا آسف. بطل عياط
بريق. ببكاءالجيران اتصلوا بيا. بابا فى المستشفى معرفش ماله
جاسر متقلقيش خير بإذن الله أنا جايلك فورا
آدم. ايه ال حصل
جاسر. والد بريق ف المستشفي
آدم عمى رضوان.
جاسر. اطلع على المستشفي على ما اروح اجيب بريق من الفيلا
بعد وقت كان جاسر اخد بريق ووصلوا المستشفي
بريق. آدم بابا فين وهو عامل ايه
آدم الدكتور عنده متقلقيش هيبقى كويس
جاسر. بريق اهدى هيبقى كويس
بريق. يارب أنا مليش غيره فى الدنيا
جاسر وانااا
آدم. ينظر لجاسر احم. كلنا معاكى يابريق
يخرج الدكتور. جاسر مسرعا. خير يادكتور
الدكتور. المريض جاتله زبحه صدريه نتيجة تعرضه لموقف او شئ قوى مقدرش يستحمله
بريق ازاى مفيش حد دايقه.
الدكتور عموما هو بيرتاح حاليا ممكن شويه وتدخلى عنده
بعد وقت تدخل بريق من الباب ومعها جاسر
بريق. تقبل جبينه الحمد لله يابابا بإذن الله تقوملى بالسلامه
جاسر. بصوت مرتفع. بريق هو دا يبقى ابوكى
بريق. ااااه
جاسر اومال ازاى اسمك بريق رضوان
بريق. لإن دا اسمى فعلا
جاسر بغضب. لأ دا مش صح انت تبقى بريق نفسها ودا ابوكى
أنتم السبب فى تدميرى وموت عيلتى
بريق 😳. أنا مش فاهمه حاجة بتقول ايه
أنا بكرهك يابريق وهنتقم منك انت وابوكى عل عملتوه فيا والله لتندمى عل كل يوم عشتيه وهتعشيه
خرج مسرعا من المستشفى واختبأ داخل سيارته
ليه تطلعى انت نفسها الشخص ال كسرنى زمان انت كسرتينى مرتين يابريق بدموع تملأ عينه أنا للحظة حسيت ان حياتى دخلها بريق من الأمل
فكرت خلاص ان الماضى بكل ما فيه هينتهى
وان أخيرا هنسى انتقامى وانسى ال وشوش ال كسرتنى ف الليله الملعونه
بس قدرى حب يكسرنى بنفس الشخص مرتين أنا ازاى كنت غبى كدا
ياترى بريق عملت ايه لجاسر عشان عايز ينتقم منها
ومن ابوها
آدم. هو فيه ايه ماله جاسر. خارج من المستشفى. زى المجنون وندهت عليه مش رد عليا
بريق معرفش يا آدم. أول ما شوف بابا بقى يتصرف بطريقة غريبه. ويقولى هنتقم منك. انت السبب ف تدمير حياتى.
آدم. معقول. تكونى انتى بريق نفسها
بريق. هو فيه ايه. أه أنا بريق. هو اسمى جديد عليكم
آدم. بريق أنا لازم امشى فورا. لازم اشوف جاسر قبل ما يتهور ويعمل حاجة. يندم عليه. كلمت عمر. وهوجاى ف الطريق.
بريق. ايه ال بيحصل. هما اتجننوا