رواية ضل راجل
الفصل الثالث عشر 💙
فى المساء
كانت تجلس منال و نجاة وهبه ونور ومريم وحنان ورقيه التى عادت من المشفى وزيد وبطه والجميع فى بيت اميره
سمعوا صوت فتح الباب لينتبهوا للذى دلف للتو
مصطفى:يااااه الواحد بقالوا كتير غايب عن البيت
أسر بضحك :ما كنوش يومين دول
جاسر :كفاره يا عم بقيت رد سجون اهو هههههه
اميره :ملكوش دعوه بطوفى يا جماعه الله!!!
منال بدموع :ابنى انت جيت يا مصطفى *ثم احتضنته*عملوا فيك ايه يا بنى
بطه بفرح :عامل ايه يا مصطفى يا بنى
*عم الفرح على الجميع وبدأوا فى المباركه لمصطفى بخروجه *
زيد :هو ايه ال حصل ومصطفى خرج ازاى
أسر : الموضوع بدأ انهارده اصبح لما جتلى مكالمه من عطوه
*فلاش باك*
بعد انتهاء المكالمه
أسر :ايوه يا حسام ....... عايزك تسمعنى كويس
حسام:معاك قول
أسر : فاكر اسامى الجيران ال شهدوا ان مصطفى على علاقه بملك
حسام:ايوه ...عطوه واسلام وعبده
أسر :حلو عطوه كلمنى دلوقتى....وطلب منى *وبدأ يحكيلوا ال حصل *
حسام: طيب انت سجلتلوا ولا لا
أسر :عيب عليك اكيد سجلتلوا
حسام:حلو .... بس التسجيل ال معاك ده مش كافى احنا عايزين اعتراف صريح عن الجريمه
أسر :ماهو ده ال انا هعمله انا هطلق اميره واعمل زى ما هما عايزين
حسام:تمام انا هبعتلك أجهزة تنصت صوت واول ما تقرب منهم ابدأ سجل واحنا هنبقى سمعين
أسر :تمام ..... لما يكلمونى ويقولوا على المعاد والمكان هقولكم
حسام:تمام يا صحبى يلا سلام
ذهب أسر عند اميره ورأى التجمع وطلب أن يتحدث مع اميره بلداخل
اميره :فى ايه يا أسر مصطفى جرا له حاجه
أسر :لا مصطفى كويس .... بس اسمعينى كويس اوى فى ال هقوله ده
اميره :تمام سمعاك
أسر :انا هطلقك ك.....
اميره :يا خرابى هطلقنى ليه
أسر :يا اميره كده وكده يعنى .... يعنى هنمثل قدام الناس ال بره وامى وامك انى طلقتك
اميره :طيب ليه ده كله يعنى
*حكى لها أسر ما حدث *
أسر :فهمتى؟
اميره بحماس :ماشى انا هخرج أمثل ... الله انا بحب التمثيل أوى
أسر :يا خوفى .... اميره بالله عليكى ما تأڨوريش
اميره :عيب عليك يلا انا خارج
اميره بدموع مزيفه:اعاااا هيطلقنى
أسر لنفسه : اوڨر أوى يا اميره .... انا هطلقك فعلا هههههههه
ثم حدث ما حدث وبعد اتصل أسر بعطوه ومعرفة البوليس بلمكان ؛ذهبت اميره لزيارة رقيه
ذهب سليم واميره للخارج
اميره :سليم انا عايزه اروح القسم ال مصطفى فيه
سليم :ليه مش هتعرفى تزورى مصطفى دلوقتى
اميره :لا مش عشان ازور مصطفى اصل "وأخبرته بما حدث"
بس كده فأنا عايزه اروح لأسر انا خايفه عليه أوى
سليم :طيب يلا تعالى نروح
*وهم فى طريق الخروج التقوا بجاسر ومحمود*
جاسر :ملكم ريحين فين
محمود:خير حد جرا له حاجه
سليم :مفيش وقت تعالوا معانه يلا القسم قريب من هنا
*ذهب اربعتهم إلى القسم ثم ذهبوا مع رجال الشرطه إلى المكان وحدث ما قد عرفناه *
فى القسم
أسر :كده مصطفى هيخرج امتى ؟؟؟
حسام :كده مصطفى برئ وممكن يخرج بس هى شوية حاجات هنعملها وهيتم إخلاء سبيله
اميره بفرح :الف حمد وشكر لك يا رب
بعد وقت خرج مصطفى
مصطفى:ايه ده هو كده خلاص هخرج
اميره : حمدالله على السلامه يا حبيبي
مصطفى وهو يحتضنها:الله يسلمك يا ميررررو
أسر :اى خدمه خرجناك اهو مع انك بوظت كتب الكتاب بس يلا خليها علينا
محمود :مين سمعك ده يا دوب سمع انى هخطب قام رايح السجن على طول عيل فقر
مصطفى:انتو هتذلنا ...... وبعدين احسن عشان تاخد منى اختشى أوى .... وانت مين سمح لك تتكلم يا محمود اللى....
سليم: اختشى...... والله ليك وحشه يا طوفى
مصطفى: حبيبى والله انت ال فيهم
جاسر :انا لحد دلوقتى مش فاهم حاجه ونا بعمل ايه هنا
مصطفى: صباحيه مباركه يا عنيا انت فى الباى باى ههههههههه
أسر :اشرحله انت بقى يا سليم عشان مفيش فيا دماغ
سليم :اشرح له انت يا مصطفى
مصطفى:بقولكم ايه انا لسه خارج من السجن وممكن ادخله تانى وأقتل واحد فيكم
أسر بسخريه :ولا تقدر تعمل حاجه ... انت بوق أصلا
مصطفى:احمممم هو باين على اوى
اميره بضحك :اه هههههههه
*نرجع*
أسر :بس كده واتقبض عليهم ومصطفى خرج
زيد : الحمدلله على سلامتك يا ابنى
مصطفى:الله يسلمك يا عمى
منال :يعنى انت كده ما طلقتش اميره يا بنى
أسر :ونا اقدر برضو يا حماتى دى اميره روحى
بطه :بس كان فى ناس غرنا وعرفوا انكم اطلقتم
أسر :ما تخافيش يا بطوط بكره كل الحاره هتعرف بل حصل وهيعرفوا كل حاجه واننا كنا متجوزين وان دى تمثيليه وهيعرفوا فضيحة عطوه واسلام وعبده
حزنت هبه كثير لان أباها بهذا السوء كم تمنت أباً صالح .... لاحظت اميره ونور ومريم ذلك الحزن ولكن قرروا الصمت الآن
*استأذنت نور ومريم وحنان وذهبت كلاً منهم إلى منزلها *
مصطفى: جماعه عارفين اللى اشتكى من كتر الهشتكى
جاسر بضحك :ماله
مصطفى:اهو انا كمان نفسى اشتكى من كتر الهشتكى (ونا كمان يا مصطفى نفسى حد يفرحنى وهيهشتكنى 😂💪)
ضحك الجميع ثم ذهب كل إلى منزله ليناموا الليله بسعاده واطمئنان بعودة مصطفى وزوال الهم
____________
فى المشفى.
ملك بصراخ:ابعدوا عنى سبونى فى حالى انا مش عايزه اتكلم فى حاجه*ثم بدأت في البكاء*يارب يارب انت أعلم بحالى ..... ارجوك يا حضرت الظابط انا مش عايزه اتكلم أو اشوف حد
حسام بهدوء:حاضر مش هنستجوبك بس ممكن تمضى على المحضر إحنا قدرنا نمسك الجانى الحقيقى
*مضت ملك على الأوراق بيد مرتعشه فى هدوء تام ولم تنطق بكلمه فكانت دموعها تتحدث بكل شئ *
خرج حسام من غرفتها عازماً على أن يجلب لمن فعل بها هذا أشد العقاب
"حق ما حدث معها ليس بقليل فى يوم وليلة تفقد اعز ما تملك أهذا العدل فى هذه الدنيا ام العدل خلق للدار الاخره فقط ولم ينزل إلى الدنيا ..... لا يا صديقى العدل موجودُ مادام العدلُ*الله* موجود"
____________________
فى القسم
حسام بصوت عالى :انتو مفكرين يا شوية عرر انكو هتعملوا العمله وتهربوا ......انا معايه ملف كل واحد فيكو و بلاويه السوده ال فى حياته كلها واللى مش موجوده عند الحكومه كمان
*ثم بدأ في قرأت الملفات التى أمامه*
عبدالجليل محمد احمد راجل سكِير وبتاع قمار وعاطل وكنت ممسوك فى قضية مخدرات ومزود عليها قضية الشروع في القتل دى كمان
عطوه السيد جادالله جزار ومتجوز ثلاثه الكل عارف انك راجل كويس بس ال مش عرفينه انك فاتح شبكة دعاره وبتشغل فيها ناس كتير بس للاسف مالكش قواضى هنا بس ولا تزعل أدى قضية الشروع في القتل
اسلام عبدلله محمد كلية علوم كان مفروض تتخرج من سنتين بس انت بتحب تسقط عشان شايف الجامعة مكان مناسب عشان تختار البنات وتضيقهم واكتر من مره معملك قضية تحرش وضيف عليهم قضية اغتصاب وشروع فى قتل
هااااا أقول تانى ولا كفايه كده
عبده :انا مليش دعوه يا باشا هما...هما ال حرضونى بس انا ماقتلتش حد ...انا بس كنت بساعدهم
عطوه :بعتنا فى ثانيه يا واطى هو كان حد ضربك على ايدك عشان تعمل معانه مهو انت ال كنت عايز تنتقم من مصطفى واللى عملوا فيك واسلام هو اللى عمل كده فى البت
اسلام :انت السبب فى كل حاجه انت ال خططت لكل حاجه
عطوه:بس انا قولتلك تقتلها بس مش تعمل ال عملته ده
اسلام:ما انا قولت أنها كده كده ميته فااااا
حسام بصوت عالى :خلصتوا؟؟؟؟؟؟ خدهم يا عسكرى على الحجز .... والله ما يكفينى فيكم إعدام يا ولاد ال****
_____________
فى الصباح
مصطفى:ريحه فين يا ميرررررا
اميره وهى تعدل الطرحه:ريحه ازور ملك اتصلت بأسر عشان نروح لها
جلس مصطفى بحزن على السرير :انا السبب فى ال حصلها كله انا اللى عملت فيها كده
اميره بصدمه:وانت مالك؟؟؟؟