رواية ضل راجل
الفصل العاشر والحادى عشر
بقلم شروق محمود
💙
الفصل العاشر💙
رقيه : مش قادره بولد يا سليم اااااه
أسر: خد رقيه يا سليم انت وخالتى منال وماما وخالتى نجاة وحنان خليكم فى البيت مع البنات ونا هروح انا واميره وبابا وجاسر ومحمود لمصطفى
فى ذلك الوقت قد تم القبض على مصطفى وذهبوا
*فى المشفى*
كان يقف بتوتر كبير فقد أخبره الطبيب انا الولاده فى ذلك الوقت قد يؤذى الام أو الطفلان
منال :هما فضلهم كتير يا سليم يا بنى
سليم :مش عارف بس شويه والدكتور يطمنه
بطه:شد حيلك يا بنى كده انشاء الله ربنا هيعديها على خير
بعد وقت كان يعم الصمت بينهم ليقطعه صوت صرخات صغيره تعلن عن قدوم فردان جديدان
سليم بفرح:هى كده ولدت !!!
منال: ايوه يا ابنى الف مبروك
فاطمه :يتربوا فى عزك يا ابنى الف مبروك
سليم : الله يبارك فيكم
الممرضه : مبروك جالك تؤام ولد وبنت زى القمر
سليم : الحمدلله... طب رقيه عامله ايه
الممرضه:كويسه ... الدكتور كان عايزك
سليم موجها كلامه الى منال وبطه : تمام انا هروح له وانتو روحو لرقيه
الدكتور : اتفضل يا استاذ سليم
سليم : الممرضه قالتلى انك عايزنى
الدكتور : ايوه اولا الف مبروك ثانيا كنت عايز اقول لحضرتك أن الأطفال ضعاف جدا ولازم يفضىوا فى الحضانه فتره
سليم بحزن : طيب مينفعش نشفهم
الدكتور : تقدر بس هيبقى وقت محدد لأن هما هيفضلوا فى الحضانه فتره
سليم : تمام شكراً..... طيب بالنسبه ل رقيه
الدكتور : لا مدام رقيه كويسه بس هتمشى على شوية ادويه بس
سليم : تمام شكرا
منال : حمدالله على السلامه يا بنتى
بطه : ألف مبروك يا حبيبتي
رقيه : سليم فين ..... ولادى فين .... مصطفى فين
سليم وقد عاد من عند الطبيب : انا هنا يا رقيه
رقيه بدموع : ولادى فين يا سليم
سليم : موجودين يا رقيه وهتشفيهم بس شويه عشان هيفضلوا فى الحضانه فتره الاول
رقيه بحزن : طب مصطفى عمل ايه
سليم :مش عارف هتصل بأسر أسأل
__________________________
فى قسم الشرطه
كان يجلس الجميع بلخارج ومصطفى بلداخل للتحقيق
أسر : أهدى يا اميره انشاء الله خير
اميره ببكاء : مصطفى يا أسر مصطفى قبضوا عليه هو معملش حاجه والله .....
أسر : أهدى بس ونا هتصرف ..... وحسام
حسام : أسر .... عامل ايه يا صاحبي
أسر : الحمدلله........ انت عامل ايه
حسام : الحمدلله.... انت بتعمل ايه هنا
أسر : اخو مراتى البوليس جه خدو وما فهمناش هو متهم بإيه
حسام : هو مصطفى متولى امير يبقى اخو مراتك
اميره وقد انتبهت للكلام : ايوه اخويا انت تعرفه
*ثم جاء زيد وجاسر ومحمود ليروا ماذا يحدث*
حسام : ايوه انا ماسك القضيه بتعته
أسر : طب هو متهم بإيه احنا ما فهمناش غير انو متهم بقضية شروع فى قتل بس مين
حسام : للاسف هو مش شروع فى قتل وبس ده اغتصاب وشروع فى قتل
هوا كلا من اميره وأسر على الكرسى من هول الصدمه ووقف جاسر ومحمود عاجزين عن الكلام بينما ذهب زيد للاتصال بلمحامى و دلف حسام لمصطفى لبدء التحقيق
رن هاتف أسر وهو مازال فى صدمته
سليم :الو يا أسر عملتو ايه ومصطفى عمل ايه
أسر : متهمينه بقضية شروع فى قتل واغتصاب
سليم بصدمه : ااااايه......... طب اغتصاب مين ولا شروع فى قتل مين
أسر :مش عارف لما اعرف هقولك
اغلق الهاتف وأخبر الجميع بما حدث لتهيح منال ورقيه طالبين الذهاب لمصطفى فهدأهم سليم وبطه
جاسر :مستحيل مصطفى يعمل كده ده صاحب عمرى ونا عرفه كويس
محمود :أهدى يا جاسر كلنا عارفين أن مصطفى ما عملش حاجه .... ربنا يعديها على خير
________________
داخل غرفة التحقيق
كان يجلس مصطفى بتوتر كبير ثم دلف حسام للداخل
مصطفى: انا ممكن افهم انا هنا ليه
حسام : اقعد بس يا مصطفى ومتتعصبش لسه الموال طويل
مصطفى:طيب انا متهم بإيه
حسام : فى قضيتين ... اغتصاب وشروع فى قتل
مصطفى بصدمه :مستحيل
حسام : لحد الان كل الادله بتدينك انت بس
مصطفى: ط..طب اغتصاب مين... وأدلة ايه
حسام وهو يريه أحد الصور :تعرف البنت دى
مصطفى بعدم تركيز :لا مش عارفها
حسام : لا ركز شويه كده هتعرفها
مصطفى بتدقيق فى ملامحها:ايوه عارفها دى ملك ال سكنه فى الشارع ال ورانه..... لا متقولش هى دى المجنى عليها
حسام :حلو انت كده بتسهل علينا وعليك ...... قولى بقى اغتصبتها ازااااى
مصطفى بصراخ :ما عملتش حاجه معملتش حااااااااااجه
حسام :تمام طيب تقدر تقول ايه علاقتك بلمجنى عليها
مصطفى:مفيش علاقه بنا ....... انا اصلا لسه عارف من شهر انها فى الدنيا أصلا ... لما كنت ماشى وهى وقفتنى وتنتها تقولى أنها بتحبنى ولازم نتجوز وكلام من ده بس انا رفضت وبعدها بقت على طول تقولى الكلام ده ونا مطنش
حسام :طيب تفسر بإيه تواجدك يوم الحادثه فى عمارة المجنى عليها وتواجد تلفونك فى موقع الجريمه وعلى التلفون بصماتك ال مالقيناش غيرها فى المكان كله .... بلإضافه لشهادة جيرانها بإنك كنت بتتردد على بتها الفتره ال فاتت كتير ..... هااا كفايه ولا أقول تانى
مصطفى بصدمه : مستحيل
_________
أسر :ايوه يا متر تعالى على قسم *****
كانت تجلس هامدة الجسد تتذكر كلام الضابط عن جريمة مصطفى وتتذكر أحد المواقف بينهم
*فلاش باك*
اميره : ايه يا مصطفى مالك
مصطفى: شفت خبر وحش اوى النهارده مزعلنى
اميره وهى تقرأ ما فى الهاتف: اغتصاب شاب لفتاه فى الريف ليتمكن من الزواج منها
مصطفى: البشر بقوا مؤذيين اوى يا اميره .. ازاى قدر يعمل كده فيها
اميره بحزن :معاك حق احنا بقينا فى غابه كل قوى بيستقوى على الضعيف ومش بيلاقوا أضعف من بنت ويا سلام لو صغيره وما تعرفش حاجه
مصطفى:لازم الكلب ده يتعاقب وأشد عقاب عشان يبقى عبره لغيره
اميره :انشاء الله هيعقبوه ويجيبوا حق البنت
*نرجع *
كان يجلس أسر ايضا بحزن يتذكر كل المواقف بينه وبين مصطفى وجاء فى باله اول لقاء بينهما
*فلاش باك*
فى صباح يوم باكر دلف أسر البنك ليجد مصطفى يضرب أحدهم هو وجاسر
أسر بصوت عالى : فيه ايه ايه الخناقه دى احنا فى بنك محترم
مصطفى بصوت عالى:محترم ايه يا عنيا لما يبقى الموظفين بيتحرشوا بعملاء يبقى ده ايه
جاسر :بدل ما انت جاى تزعقلنا شوف موظفينك الاول
أسر : انتو مين أصلا وبتعمل ايه هنا
اميره بإحراج: ده مصطفى اخويا وده جاسر صحبه كانوا ريحين الكليه وعدوا عليا عشان يدونى ملف نسيته فى البيت
أسر :تمام طيب هما ليه بيضربوا الموظف ده
مصطفى:لأن الحيوان ده كان بيتحرش ببنت من الناس ال جيين البنك وجاسر شافه وقالى وروحنا ضربناه بسيطه اهى
أسر بسخريه : ايوه بسيطه اوى ....... وأكمل بجديه المهم شكرا ليكم احنا هنتصرف والولد ده هيترفد وهيتقدم فيه بلاغ
*نرجع *
وكان النصيب الأكبر من الذكريات لجاسر ومحمود فثلاثتهم اصدقاء منذ الطفولة وخصوصاً جاسر فتذكر موقف مصطفى مع هبه
مر بعض الوقت حتى جاء المحامى
زيد : اتفضل يا متر هما جوا
__________
فى منزل اميره
كانت تجلس هبه ونور ومريم وحنان ونجاة بتوتر كبير ويدعون الله انا يزول الهم
نجاة :ما حد يتصل بيهم يشوف عملوا ايه
حنان:هتصل بأميره
لم تجب اميره على الهاتف
مريم : خلاص هتصل انا بمحمود اعرف منه
حنان :تمام ونا هتصل ب رقيه اشوف عملت ايه
اتصلت كل منهما بمحمود ورقيه ليعلما ما حدث معهم ويحزنوا
حنان بحزن : رقيه ولدت بس الاطفال هيدخلوا الحضانه فتره
نجاة بحزن :الحمد لله على كل حال
هبه :طب ومحمود قالك ايه على مصطفى
مريم بحزن وصدمه :قال إنهم متهمينوا بقضية اغتصاب وشروع فى قتل
صمت الجميع من صدمتهم بينما سقتط هبه على الكنبه
هبه بصدمه : اغتصاب وشروع فى قتل .... لا مستحيل...مستحيل مصطفى يعمل كده
حزن الجميع وظلوا فى صدمتهم منتظرين قدوم أسر أو اميره أو اى احد
______________
دلف المحامى إلى الداخل
المحامى : انا المحامى عز الدين حاضر مع المتهم ... ممكن اعرف ايه التهمه الموجهه لموكلى
حسام : تهمة اغتصاب وشروع فى قتل ملك احمد وهى حاليا فى المستشفى ودخلت فى غيبوبه ولحد ما تفوق مصطفى المتهم الوحيد فى القضيه
عز :طيب ايه دليلك على انو هو الجانى
حسام : الكاميرات ال فى الصيدليه ال جمب العماره جيبه مصطفى وهو داخل العماره فى يوم الحادثه ... تواجد تليفونه وعليه بصماته ال مفيش غيرها فى المكان كله .... بالإضافة لشهادة الجيران بتواجد علاقه بين مصطفى وملك المجنى عليها.... اتفضل يا مصطفى برر
عز : افتكر يا مصطفى انك ممكن تلتزم الصمت أو تطلب انك تتكلم معايه لوحدنا
مصطفى: لا انا هتكلم ..... كل ال قلته حصل .....
#ضل_راجل
الفصل الحادي عشر 💙
فى أحد المستشفيات استيقظت لتتذكر كل ماحدث معها ليلة أمس لتضرخ بكل ما اوتية من قوة..... فيجتمع الأطباء ويعطوها بعض المهدأت
ملك بهلوسه:سبنى ..... انا عملت ايه ........ مصطفى ...... الحقنى
الدكتور :لازم نبلغ حسام باشا أنها بدأت تفوق
___________________
حسام :قول يا مصطفى انا سمعك
مصطفى: الموضوع بدأ امبارح
*فلاش باك*
كان يجلس مصطفى فى غرفته حتى جاءه اتصال من رقم غريب
مصطفى:الو ... السلام عليكم
المتصل:حضرتك مصطفى صاحب جاسر
مصطفى بقلق:ايوه انا مصطفى
المتصل:طيب حضرتك ممكن تيجى على عمارة*****(عمارة ملك )عشان هو اغمى عليه وانا مش عارف اعمل ايه
مصطفى:طيب انا جى اهو وانت بلغ الإسعاف على ما اجى
ذهب مصطفى إلى العماره بسرعه لينقذ جاسر ولكن لم يجد شيئا ليقرر الرحيل ولكن يوقفه عطوه
عطوه :يا اهلا بلغالى
مصطفى بضيق:عايز ايه يا عطوه ...... وبعدين ايه لعب العيال ده
عطوه بخبث:عايز اختك
مصطفى بغضب وهو يمسكه من ملابسه:نعم يا روح امك
عطوه ببرود:هدى نفسك كده متبقاش حامى يا اخو الغاليه
مصطفى بفحيح كلافعى :قسما عظما يا عطوه الكلب لو قربت من اميره لكون دفنك ونت حى ...... ولا ادفنك انا ليه أسر ممكن يقوم هو بلمهمه وانت شفت لما ضربك وسط الحاره كلها
ثم أكمل وهو يتحسس وجه عطوه بسخريه :لسه بتوجعك يا توتو هههههه
صمت مصطفى ليسمع صوت صرخات فتاه
مصطفى:ايه ده الصوت جاى منين
عطوه بتوتر :صوت ايه مفيش صوت وبعدين متوهش الموضوع
مصطفى:اسكت انت أما اشوف فيه ايه *وذهب ليصعد الدرج*
عطوه وهو يمسك به :مفيش صوت ولا حاجه وبعدين افرض انو واحد وبيربي مراته انت مالك
مصطفى بسخريه:ايوه ما انت مفكر أنها عادى انو يضرب مراته ..... وقال ايه جوزنى اختك
*هدأ صوت الفتاه حتى لم يعد موجود*
عطوه بإرتياح :اهو شفت هتلاقى حد بيتخانق مع مراته ...... وبعدين انت ايه جابك هنا
مصطفى:ملكش دعوه ....... ثم خرج من العماره
ابتسم عطوه بخبث بعد خروج مصطفى ثم صعد للأعلى
عاد مصطفى للمنزل ليبحث عن تلفونه فلم يجده فى اى مكان فعلم أنه سرق أو وقع منه فى مكان ما
*نرجع*
مصطفى:هو ده كل ال حصل
حسام :طيب هو انت أى حد يقلك صحبك واقع هناك تقوم تروح له .......... ولما تلفونك اتسرق مابلغتش ليه
مصطفى:اولا جاسر عندو السكر وساعات بينسى الدواء فحصلت كتير أن الاقى ناس متصله عليه فساعة ما اتصل الشخص ده ما كنتش بفكر فى حاجه غير انى ألحق جاسر ...... وبالنسبه للتلفون فأنا ماكنتش فاضى ابلغ لأن خطوبة اختى كانت تانى يوم ال هو النهارده فما كنتش فاضى
حسام:تبريراتك مقنعه إلى حد ما بس احنا بنحتاج ادله ملموسه ...... ولا ايه يا متر
عز:طبعا ..... بس ممكن حضرتك تحقق فى كلام مصطفى وتتأكد
حسام :طيب تفسر بإيه شهادة الجيران بترددك على بيت ملك
عز :اكيد كدبين وكمان انت لو هتاخد بشهادة الجيران هتاخد بشهادة الجيران السكنين تحتها وجمبها صح ...... وملك سكنه فى الدور التانى على ما اعتقد يعنى انت خت بشهادة جارين بس
حسام : فعلاً ده ال حصل حتى احنا سألناهم هما وجوزتهم وفى واحد ساكن فوق السطوح شهد معاهم انو مصطفى هو ال عمل كده
عز :مفيش تفسير غير انو الناس دى مدفوع لها رشوه عشان يقولوا كده
مصطفى بذكاء :أو هما ال عملوا كده ولبسوهالى
حسام بإنبهار : صح تفكيرك صح...... انا كنت بدأت أشك فى الراجل ال ساكن فوق السطح انو عرف ازاى ؟؟!
مصطفى:طيب ممكن تقول اساميهم عشان لو ال فى بالى يبقى نهار ابوهم اسودد
_____________
خرج مصطفى من غرفة التحقيق مع المحامى وتقدم الجميع نحوهم
مصطفى:مالكم مخضو.......
لم يكمل كلامه فور احتضان اميره له ببكاء
اميره ببكاء وهى فى احضانه : مصطفى عملوا فيك ايه يا حبيبى
نظر مصطفى لأسر يسأله اتعلم بتهمته ليجيب أسر أنها تعلم ليحزن مصطفى
مصطفى بمرح ليخفف عن اميره :فكره لما كنت بقولك هو ايه قف الحكومه ده .... ادينى جربته
اميره وقد توقفت عن البكاء :يعنى ايه
مصطفى وهو بيحسس على قفاه : يعنى بيوجع أوى هههههههه
صمت الجميع ابرهه ثم انفجروا ضاحكين
مصطفى:ايوه اضحكوا كده مكنتش قضية قتل دى يعنى
أسر بضحك :ايوه بسيطه خالص
عز :مين فيكم جاسر *وهو ينظر لمحمود وجاسر*
جاسر:ايوه انا جاسر
عز : الظابط طلبك للتحقيق
جاسر بصدمه :واد يا مصطفى هو انت غدرت بيا ولا ايه اوعى تكون اعترفت عليا
مصطفى :اسف يا صحبى مقدرش أشيل تهمتين لوحدى فقولت انا وحده وانت وحده .... مش احنا متفقين من واحنا صغيرين أن كل حاجه على تلاته .... بس الواد محمود هيتجوز فقولت مفضلش غير جوجو حبيب قلبي
محمود :حبيبى
مصطفى:ابوا الصحاااااب
جاسر : واااااطى
العسكرى :يلا يا متهم على الحجز
مصطفى:طب متزوقش جاى
اميره بصوت عالى :متهم مين يا ابن ال ...... سيب الواد فى حاله وبعدين لو مديت ايدك عليه تانى وربى لقطعهالك (اين اميره انا لا اراها 😂🤝)
أسر : خلاص يا اميره سيبى الراجل يشوف شغله
اميره بدموع :لا اله إلا الله
مصطفى بحزن :محمد رسول الله
أسر لعز :طيب ايه موقفه فى القضيه
عز :مقدرش اقولك ان موقفه كويس بس بعد التحقيق ظهر متهمين جداد غيره وده فى حد ذاته كويس ...... بالإضافة ان المجنى عليها بدأت تفوق وهى ال هتحسم الموضوع
زيد :طيب الحمد لله...... طيب البنت دى مين
عز :اسمها ملك احمد وجارتهم تقريبا
اميره بصدمه :ملك !!!!!
أسر :انتى تعرفيها ؟؟
اميره:ايوه دى جارتنا وكنت من فتره اتعرفت عليها دى بنت كويسه اوى وغلبانه وفى حالها .... انا عايزه اروح اطمن عليها
أسر :بكره انشاء الله نروح لأن دلوقتى الوقت أتأخر ولازم نروح
زيد :ايوه يا بنتى يلا
محمود :روحوا انتو ونا هستنا جاسر على ما يخرج
أسر :طيب مش هتحتاج حاجه
محمود :سلامتكم ...... يلا سلام
الجميع :سلام
_______________
فى منزل اميره كان هناك نجاة وهبه ومنال وسليم وبطه ورحلت مريم ونور وحنان ..... وعاد أسر وزيد واميره
منال : مصطفى فين ماجاش معاكم ليه ؟؟؟
أسر بحزن :للاسف هما سجنوه على ذمة التحقيق
منال بصراخ :حبسوه ليه ابنى ما عملش حاجه فاهمين معملش حاجه
اميره بدموع :أهدى يا ماما مصطفى هيطلع والله
أسر :انت عملت ايه يا سليم رقيه ولدت
سليم بحزن :ايوه انا كنت قايم اروح ليها
اميره :طيب هى كويسه .... والاولاد
سليم :الحمد لله.... بس الاطفال محتاجين يفضلوا فى الحضانه شويه
رحل أسر وزيد وبطه إلى منزلهم وذهب سليم إلى رقيه ليبيت معها فى المشفى وذهب كل من هبه ونجاة لمنزلهم وذهبت اميره ومنال لغرفة مصطفى ليبيتا فيها بحزن
الليله التى كان من المخطط فيها انا يبيتوا سعداء بزواج اميره باتوا حزينين بسجن مصطفى
"يا ليل طولت كتير ... امتى فجرك ييجى بلخير"
_________________
العسكرى :ادخل يا متهم
مصطفى:طيب دخلت يا عم متزوقش
وذهب ليجلس فى أحد الأماكن الموجوده وهو ينظر حوله للموجودين واشكالهم
حنكش: و الأمور جاى فى ايه
مصطفى:وانت مالك حد جه جمبك
أحد المساجين : انت متعرفش المعلم حنكش ياض ده انت مفروض تقوم تضرب تعظيم سلام
مصطفى:لا معرفوش ولا عايز اعرفه
حنكش : انا المعلم حنكش خمس قواضى مخدرات و سرقه ..... و*أكمل بسخريه *وانت ايه يا حلتها
مصطفى"بريأكت حمدى الوزير كده ههه*: مصطفى قضية اغتصاب وشروع فى قتل ليك شوق فى حاجه
حنكش :وسع ياض للمعلم مصطفى
مصطفى لنفسه :اومال لو عرف ال فيها وانى لا عملت دى ولا دى كان عمل معايه الجلاشه هههه
حنكش بتودد:تأمر بحاجه يا معلم مصطفى
مصطفى بضحك :لا تشكر يا سيدى ..... هو انا شكلى هحب السجن ولا ايه ههههه(يعنى انت قاعد مبسوط هنا وهما مفكرينك بتتعذب ياخى حلال فيك السجن 😂🤝)
_______________
فى المشفى
ملك بصراخ :ابعدوا عنى ابعدوا عنى ...... مصطفى...... الحقونيى *ثم فقدت الوعى*
حسام :هى هتفضل كده كتير يا دكتور
الدكتور:مش عارف الصدمه كبيره وال عمل كده آذاها جامد
حسام : تمام لما تفوق ابقوا بلغونى
_________""
استيقظ الجميع فى الفجر وصلواوظلوا يدعون لمصطفى
هبه ببكاء :يا رب رجعه بلسلامه يارب .... يارب انا مليش غيره بعدك يارب ....... يارب فك كربه يا رب
اميره ببكاء : يارب خليه يرجع تانى البيت وحش اوى من غير يارب ...... يارب مليش غيرك الجأ له يا رب
*وظل الجميع يدعوا وبدأو يوم جديد ملئ بلأحداث*
عند أسر *
انهى صلاته وبدأ في ارتداء الملابس وهو جاء ليخرج ليجد مكالمه من رقم غريب
أسر :الو ..... السلام عليكم
المتصل:بس ايه رأيك فى المفاجأة حلوه ولا لأ
أسر : مين معايا
المتصل:انا ال دخلت مصطفى السجن وفى ايدوا يخرجه
أسر بهدوء:وال مطلوب
المتصل : تطلق اميره وفى نص الحاره وتقول كلام عليهم وان هى وهبه ....زى ما فهمت كده ههههههههه(ضحكه شريره)يعنى من الاخر تمرمط بكرامتهم الأرض
أسر :وان ما عملتش كده
المتصل : يبقى حبل المشنقه هيتلف على رقبة طوفى هههههههه
أسر :طيب ايه ال دليل ال هيخرج مصطفى
المتصل :فيديو الحادثه من اولها وباين فيه مين ال عملها ...... هااا قولت ايه هتعمل ال قولت عليه ولا لا
أسر بجمود : موافق