#الفصل_التاسع
_الأخير
#نوفيلا_مصاصة_الدماء_البشرية
#ميرا_إسماعيل
نظر لها ليو بحزن لم وصل تفكيرها به
" أنا خرجت من عندك كان ماركوس دخل القصر ، و دخلنا في عراك قوى وبعدها اصبت ،
وخرجني لمكان مهجور ، واتحول هو لشخصيتى ، الحاجة اللى كانت هتجننى أنه دخل المملكة ازاى ."
ارجوس بتجميع للأمور
" يعنى اللي عمل كدا في اثيرا وخيرا ، مش اتت بس يوم ما خرجت قولت إنك بتتنتقم منى وأنا فعلاً اذيت زمان أهوى اللي هو ابوك ."
ليبتسم له ليو
" حضرتك ناسي أن ماركوس لم بيدخل أى شخصية بيتحكم في الماضي والحاضر والمستقبل ،وبيكون هو نفس الشخص، هو لم اتحول ليا شاف الحادثة ، واستغلها ، لكن أنا عارف ان اللي حصل لوالدى كان غلطة مش بإيدك ، دى معركة والذئاب هما اللي قتلوه صحيح هو كان بيدافع عنك بس وقتها كنت أنت الصغير وهو بيحميك من واجب الاخ الكبير وامى المعركة اللي بعدها قررت انها تاخد تار أبويا ، والنتيجة أنها ماتت ."
ليجلس ارجوس ويحاول تجميع ما حدث ، لتهتف هيرا بشك .
" وماركوس مين دخله وليه أصلا يساعده يدخل ."
تهتف اسينا بشرود
" الملكة بلقيس ."
ليصدم الجميع ، لتهتف اثيرا لا نبدأ من الأول علشان نفهم لأن كل حاجة دخلت في بعضها ، أنت اللي جيت البيت وعملت اللي عملته ، ولولا قدرات فلاد كنا انتهينا من زمان ."
ليبدء ليو في قص ما حدث
" أنا يومها كنت مع اسينا واعترفت أنها حبيبتى ونسينا الدنيا من حوالينا ، لغاية ماعرفت أن الملكة بلقيس عايزة منى حاجة ضرورى ، نزلت وكانت اسينا بتجهز وزى ما قولت اول ما نزلت اتقابلت مع ماركوس ، أنا فوقت لقيت فلاد معايا ، وكان بيعالجني ."
لينظر الجميع لفلاد ليرجع خطوة للوراء
" ايوة كنت عارف مكانه ، وكنت عارف أنه مظلوم ، طيب اهدوا بس بلاش تتحولوا دلوقت وافهموا ، اللي حصل يوم الحادثة ، فاكرة لم يا هيرا عرفتي أن الملكة اكتشفت اسينا ، عرفتينى وحظرت ليو ، ليو بعدها اتواصل معايا علشان يعرفنى أنه هيخرج اسينا من القصر ، وأنا قولت ليه بلاش احنا نواجه ، وبعدها سمعته بيقول ماركوس أنت هنا ازاي واتقطع الاتصال ،، بعد فتره دخل علينا وقال إنه قرر ينتقم مننا وأنه يوجع الملك فى اكتر حاجة بيحبها ، وقتها استغربت وهو استغل الفترة دى وخدرنا بنفس الطريقة اللي أنت خدرتيه بيها يا اسينا ، وكتفنا ولم فوقنا كان المكان بيولع ، وقتها فكيت نفسي بسهولة وخرجت بيهم بسرعه ، والبيت في اقل ثانية انفجر ، وهيرا قررت ترجع المملكة تلحقك ، وتلحق اللي ليو ناوية عليه ، بس أنا كنت واثق أنه مش ليو ، مش ممكن يكون هو ، وفعلاً وصلنا هنا ولم وصلنا شفنا اللي بيحصل ."
اسينا بوجع
" وقتها كنت بموت من القهرة علي أهلى ، ومن ليو واللي عمله ، ودخل ملك المسذئبين والدنيا انتهت ، ولم قرب علشان ينهى حياه بابا وقفت قدامه الملكة تدافع عننا بإستماته ، لكن وقتها كنا موجوعين ومقهورين ، لغاية ما قدر يسيطر علي الوضع وقتلها ، وقرب من بابا ، بعدها ظهرتم كنا زى الميت اللي ردت فيه الروح ، فلاد أدخل ووقف القتل والمجزرة اللي كانت هتحصل ، وماركوس وقتها ظهر ، ودخل علي أنه جاى يحمينا ، ونجح فعلاً في قتل اكتر من واحد .
لتشرد اسينا فيما حدث
كانوا جميعاً واقفون متأهبون لبعضهم البعض ، وكان ماركوس يريد القضاء علي الجميع ، لتهتف اسينا بصراخ حاد .
" كفاااااااية ، أنتم هتفضلوا كدا لغاية امتى ، لغاية مين يخلص علي مين ؟ ، والبقاء لمين ؟ ، كفاية أنتم هتتعلموا امتى أن كلنا واحد ؟! ، ومفيش فرق بين بشري ومصاص دماء ولا ذيب ولا اى حد !، كل واحد في المكان .دا فاكر نفسه احسن علشان ايه ؟، ايه اللي مخليكم واثقين قوى كدا في نفسكم ه؟!، أنا احسن أنى بشرية وبحس؟! ، ولا مصاص احسن أنه مخلد وعنده جمال مش عند أى بشري؟!، ولا الذئاب احسن لأنهم اقوى!؟ ، ولا ولا؟!!! ...... فوقوا واعرفوا أن مفيش فرق ، بالعكس لو خدنا قوة كل حد فينا واتحادنا هنبقي قوة واحده ، هنبقي جيش علي قلب واحد ،علي هدف واحد بدل ما ناكل في بعض ، ناكل عدونا الحقيقي، عدونا اللي استغل فرقتنا وبياكل فينا ،زى السوس اللي بياكل في النخل الواقف ، ليجعله واقفاً لكن خوياً ، هو دا حالنا حاليا واقفين لبعض لكن من جوانا فاضين ، كفاية ارجعوا لبدايتنا هتلاقوا أن زمان اللي فرق البشر بين بعض ابليس ، و دلوقتى ابليس برضه بس ابليس مننا ودا اخطر علينا من ابليس نفسه ."
لتجلس بإنهاك لينظروا بعضهم لبعض في حديثها اثار بداخلهم الحزن لم هما عليه الآن ، ليتقدم ملك الذئاب ويمد يده بالسلام لملك المصاصين ، ليبتسم ارجوس علي حكمه ابنته فهى بكلمات قليلة انهت حروب دامت من قرون عده ، لينظر ارجوس لوالدته ، لتنظر له اثيرا
" اسينا صح ممكن صحيح نبقي علي هدف واحد ، ونكون قوة اكبر من أى قوة ، مترجعش للماضي ، وركز في المستقبل ، وبالفعل يصافحه ارجوس ."
تعود بذاكرتها إلي لحظة المواجهه
يبتسم ليو لها بفخر ، فهى بالفعل تستحق بجدارة لقب ملكة المصاصين ، يكفي أنها انهت ازمه عصور .
" كل دا تمام ماركوس بقي عمل كل دا ليه ، دخل بمساعده الملكة كانت طالبه منه ايه ."
هتفت بها هيرا بغضب ، لينظر لها فلاد بهجوم .
" اجابة السؤال عند ماركوس ، ولازم يفوق علشان نفهم ."
هيرا بإستخفاف
" فوقوه مستنين ايه ."
فلاد لأسينا
" أنت لم اتحولتى مصاص اختك اتحولت لكتله غباء ."
هيرا بغضب
" أنا مش غبيه ، أنت اللي همجى ."
اسينا بمقاطعه
" معلش لحظة كدا اهدوا ، مش وقت خناق ، هيرا أنا اللي خدرته ازاى معرفش ، ولا اعرف ازاى انهى التخدير دا ."
اثيرا بعدم فهم
" ازاى متعرفيش ."
" معرفش أنا مرة واحده لقيته علي الأرض وهما قالوا إن أنا السبب ."
ليتدخل ليو وهو يراها مذعورة
" اسينا اهدى ، دا طبيعى دى اول مره لازم متبقيش فاهمه ، أنت وقتها ركزتى في أيه "
" إن اخلصك من ايده ، وبس ."
ليو وهو يمسك يدها بحنان
" طيب ونجحتي ، وكمان متوجعتيش صح "
لتؤمى له ، ليهتف وهو ينظر في اعينه بهدوء
" يبقي تهدى وركزى ، اسينا ركزى أنه يفوق ، وبس ، ومتخافيش هو مربوط بسلاسل صعب لا مستحيل يفكها ."
ليملى عليها ما تفعله
" غمضي عينك واهدى وركزى ، أنه يفوق ، يفوق يا اسينا ."
بالفعل نفذت اسينا ما يقوله لتهدء وتشعر أنها تتحكم به ، لتأمره أن يفق لتسمع لزمجرة قوية لتعلم أنها نجحت ، ليبتسم لها ليو ، وينظر بعدها له بغضب حارق .
" نورت المملكة ، قولى ناوى علي ايه في اخر يوم في حياتك ."
ليحاول ماركوس أن يخرج من السلاسل لكنها كانت قوية ، فهى النوع الوحيد الذي اذا قيد به المصاص لا يستطيع انهائه من علي جسده .
يقترب ارجوس منه
" متحاولش. ياريت تتكلم وتقول ايه السبب اللي وصلك اللي أنت عملته يمكن ، يمكن وقتها نلاقي ليك عذر ."
ينظر ماركوس تجاه هيرا ، بعشق ليقف فلاد أمامها ويهتف بغضب .
" كل اللي هنا عايزين يسمعوك إلا أنا ، عايز اقتلك بلاش تخلينى اعجل بموتك انطق ."
لتبتسم هيرا علي غيرته عليها .
" أنتم السبب أنا حبيتها ، ايه الجريمة ."
ليو بغصب
" الحب عمره ما كان جريمه لكن اجبارك ليها عليك هو اللي جريمه ، هى رفضتك ومكنش وقتها فلاد ظهر ، رفضتك لأنها ببساطة محبتكش ، ايه الحاجة الغلط اللي هى عملتها ، تخلق جواك كل الكره دا ، توصلنا لحالتنا دى ليه ."
" حبيتها ، لو مكنتش بتدخل كانت حبتنى أنا زيها من عشيرتها مش واحد غريب عنها ."
ارجوس بحده
" من غير دخول في جو ملوش لازمه ، انطق علي طول ."
" أنا قررت انتقم من ليو ولم قتلت وحاولت اتهم ليو واكسر القوانين كل مره كان في حد بيبلغ عنى لغاية ما اتحكم عليا بالسجن ، وقتها كان لازم افكر واخطط بالاخص وأنا عارف ان في بشرية غالية علي قلب الملك مكنتش اعرف أنها بنته ، بس كنت عارف أنها مهمه عنده وجدا كمان ، وفعلاً قدرت بسهوله اهرب من الحرس بعد ما اتحكمت فيهم ، وهربت ومن وقتها كنت براقبهم ، كنت بسأل اغلب الوقت هى ازاى وهيرا شبه بعض بس عمر ما خطر لذهنى أنهم اخوات لوقت مواجهتكم في ارض البشر كنت براقب كل اللي بيحصل ، وعرفت الحقيقة ، وعرفت كمان أن اسينا هى اللي اتحركت لهنا ، وقتها رتبت خطة اضرب بيها الكل الملك و ليو ، وهى. اسينا ، بس قبل ما اجهز خطتى الملكة بلقيس وصلت ليا وفهمت أنها اكتشفت أن اسينا البشريه مش هيرا ، وطلبت أنها تدخلنى القصر واخطفها واقتلها ، وهى عارفه قد ايه أنا بعشق الدم البشري الطازة ، فعلا وافقتها ، بس وقتها فكرتى اتغيرت تماماً وروحت لملك الذئاب وعرفته ان اللي حصل مع فلاد بسبب هيرا والمصاصين وعرفته كل نقط ضعف المملكة ، وطبعاً النقط دى عرفتها من الملكة قبل ما ادخل ، لم روحت ليهم كنت لسه موصلتش لليو ، دخلت عليكم من غير ما تحسوا بيا وأنا مختفي في صورة شبح غير مرئي في العادى كان ليو حس بيا لكن ليو كان في دنيا تانية ، اتقمست شخصيته وخرجت ، بسرعه علي الذئاب ونفذت ، ورجعت المملكة علشان الملكة تقولى الخطوات ، وكان المفترض أن اتقمس ليو فعلاً بس امنعك من شرب الدم واخدك واخرج بسرعه ، وبعدها اقتلك ، وافقتها ، ولم هى شفتنى علي الاكل اطمنت لكن اتصدمت لم شافت الخطة اتغيرت لأن بعد ما هى سبتنى قابلت ليو ، واصابته ورميته وبعدها روحت لبيت عند هيرا ونفذت الخطة ولم رجعت كنت فاكر أن ملك الذئاب نهى كل حاجة ، لكن لقيت
اسينا بتخطب فيهم خصوصاً لم فلاد هرب اثيرا و هيرا اسينا رجعت قوية ، فكان لازم الحق بسرعة ودخلت جوا المصالحة ، وطلبت الغفران وفعلا الملك غفر ."
بدأت كل الخيوط في الظهور ، وبالفعل ظهرت برائه ليو من كل ما حدث ، يبقي سؤال هتفت به اسينا .
" فلاد ازاى وصلت لليو ."
" اتواصلت معاه بالذاكرة ، حددت اخر محادثه اللي كانت بينا ، وحددت مكانه ، ولم وصلت كان بينتهى ، نقلته لمكان مطرف بس آمان وبدأت اعلاجه ، ولم حولت افهمكم أنت انتحرتى ، وماركوس علشان يثبت أنه مش خاين حولك وملكتى اغلب صفاته."
ارجوس لماركوس
" ليه خطفتها ، كنت هجوزها ليك وتبقي حسب القانون الملك ، لان هيرا هتتجوز فلاد وبكده هى ملكة الذئاب ، واسينا وأنت ملك المصاصين ."
ماركوس ببرود
" فعلاً وكنت هسكت وهكمل خصوصاً أن ليو مظهرش ودا معناه أنه مات ، لغاية وقت الحفله اول ما انت اعلنت جواز فلاد بهيرا عين فلاد مكنتش
معانا كانت في مكان تانى ووقتها شفت ليو ، وعرفت أن اتكشفت ولازم اخلص من ليو ، وفلاد فهم اللي بفكر فيه خصوصا لم اعلنت جوازى من اسينا ، ورد فعل ليو نسي أنه هيتجوز
هيرا أخيرا وركز في الدمار اللي هيحصل لأسينا ، انصرفت وخطفتها وكنت متأكد أن ليو هيلاقينى كنت هقتله
واتحكم في ذاكرة اسينا وان أنا ليو وأن اللي مات ماركوس ، وادخل المملكة ملك بأمان النهاية ، لكن اللي معملتش حسابه ، قدرات اسينا تبدأ في الظهور ."
لتقترب منه اسينا
" أنا خليط منك ، لم حولتنى كسبت كل قدراتك ، مش جزء منها ، وأنت حد كويس كمدافع عن المملكة دى ، لكن مش بعقلك دا ، هيرا لو كانت حبيتك كانت اتحدت كل القوانين زى ما عملت مع فلاد ، لكن الحب عمره ما يكون بأيدنا نختار نحب مين ونكره مين ، لكن في حل واحد يخليك تبدأ من الأول معانا وبقلب ماركوس اللي كان بيخاف علي المملكه وعلي عشيرته ، واكيد هيلاقي اللي تحبه وتقدره ."
ليفهم الجميع ما يدور في ذهنها لتضع يدها علي رأسه وتسحب كل الغل والكره ، وتعيده إلي ما كان عليه قبل أن يغلف الغل والحقد قلبه ، وتنظر لسلاسل لتنكسر بسهولة ، ويسقط ماركوس مغشياً عليه .
اقترب منها ليو
" واثقه في اللي عملتيه ."
تنظر له بحب
" كفاية خسارة ، وطالما في أيدينا نعيد حاجة لمكانها ليه نرفض ، ونقرر بالموت فقط ."
ليفق ماركوس ويقف مسرعا أمام الملك ، وينحنى له
" مولاى ، أنا نفذت امرك ، و كل الجيوش انسحبت ."
ليصدم ارجوس فهذا بالفعل اخر حوار تم بينه وبين ماركوس قبل أن يتغير ، لتبتسم اسينا علي أنها نجحت أخيرا أن تعيد كل شئ الي نصابه ، عاد ماركوس لإدارة الجيش ، وليو لمكانه وانتهى الكابوس والاهم أنهم استوعبوا درسهم جيداً ؤ فأخيرا افاقوا ووقفوا بجانب بعضهم البعض ، صدد أى عدو .
هيرا لفلاد
" يعنى لم اتصدمت مكنش من جوازنا .،"
" جلالتك أنا رجعت في رأى حرب الذئاب والمصاصين احسن من الجواز ."
هيرا بغضب
" يا سلام ، قصدك أيه بقي ."
" أنت مالك يا حبيبتى ماهو قالك قبل ما اسينا تعمله غسيل مخ ، أنا مصدوم لأسينا ."
" طيب كنت بتأكد ."
ليضحكوا جميعا ، لتهتف اثيرا
" دلوقتى وقت تنفيذ الوعد ، الفرح عايزة فرح كل العشائر والبشر يتحاكوا عنه ."
ليهتف ليو وفلاد في نفس واحد
" علم وينفذ ."
.....................
لتبدء تجهيز مراسم زفاف علي اعلى مستوى ، وكانت اسينا وهيرا أجمل ملكات ، لتنظر لهم اثيرا بدموع
" أخيرا شفت اليوم دا ، شفتكم عرايس ، صحيح كل واحده فيكم ملكة لعشيره ودا مكنش حلمى بس بالحب اللي جوايا بقيت اول ملكة بشرية ، وانتم اول ملكات سواء المتحوله ولا مصاصة الدماء اللي هتبقي ملكة ذئاب ."
ليضحكوا الثلاثة علي حديثها وتحضنهم
" عيشوا عمركم في الحب والخير ، وكفاية حروب ودمار وشر ، بجوازكم هتتربطوا ببعض للأبد ومفيش حد ممكن يفرقكم أبدا مفهوم ."
ليؤما لها وتبدأ مراسم لينظر فلاد لهيرا وهو يضع تاج عائلته علي رأسها
" من دلوقت أنت ملكة الذئاب ، امرك مطاع ، وحلمك مجاب ، بس دول بقوا شعبك اوعى دمك يخليك تنسي انهم مسؤلين منى ومنك ، ولا في يوم اختار بينكم ."
" الذئاب هما شعبي الثانى ، ووحقوهم عندى واجب مقدس لازم اقوم بيه ، علشانك وعلشان مكانتى. ، وعلشان نفضل في سلام ."
ليهتف شعب الذئاب
" يعيش فلاد ملك الذئاب "
" تعيش هيرا الملكة الأولى ."
يقف ليو أمام اسينا ويضع تاج عائلته علي رأسها
" أنا واثق إنك هتحكمى بينهم ، ومن قبل ما تبقي ملكتهم نهيتى حروب بإحساسك البشري ، عايزك متفصليش احساسك البشرى عن اسينا ملكة
المصاصين علشان تفضلى طول الوقت أول واهم ملكة عدت علي تاريخ المملكة ، ملكة بتحكم بعقل مصاص وقلب بشرية ، علشان تكونى أول مصاصة دماء بشرية في تاريخنا ."
ويقبل راسها ليبدء الشعب في الهتاف ، كان ارجوس واثيرا يتابعون ما يحدث بسعادة غامرة وأخيرا انتهت مرارة الأيام والبعد والفراق ، ليبدوء
جميعا حكاية جديده، حكاية كتبتها اسينا التى بالأمس كان الجميع يكرهها لمجرد أنها بشرية ،لتكون اليوم ملكتهم وبإرداتهم ، لتبدء حكاية مصاصة دماء البشرية .
......................
تمت بحمد الله .......
اتمنى هدف النوفيلا يكون وصل كما قال رسولنا الكريم
إِنَّ اللَّهَ لاَ يَنْظُرُ إِلَى صُوَرِكُمْ وَأَمْوَالِكُمْ وَلَكِنْ يَنْظُرُ إِلَى قُلُوبِكُمْ وَأَعْمَالِكُمْ
رواه مسلم
🌹🌹🌹🌹 🌹🌹🌹🌹🌹🌹🌹🌹🌹
تمت بحمد الله