رواية في صمتي لك كلام
الفصل الخامس
الساعه 9 الصيح .. كان في الصاله . ام راشد (نوره) وشيخه زوجة سعد ..
نوره .. شيخه وين رايحه .. ؟؟
شيخه .. والله يا عمه المدرسه متصله علي يقولون انه فرح تعبانه تعالي اخذيها ..
نوره .. ليه وش فيها فروحتي ؟؟
شيخه .. والله يا عمه ما ادري وش فيها بس شكلها ماخذه برد ..
نوره .. اجل عجلي روحي لهم ..
شيخه .. هذا انا بس انطر السايق يجي ..
نوره .. ليه وين رايح السايق ؟؟
شيخه .. رايح يعبي بنزيل ويجي ..
نوره .. كذا اها ,,..
الا يدخل ولدها راشد الكبير ,, وقبل لا يدخل يتنحنح ..
راشد .. احم احم ..
شيخه تلبس ملفعها .. ادخل ادخل يا ابو داود ..
نوره .. هلا والله براشد..
راشد .. هلا والله فيك .. وشلونج يا شيخه ..
شيخه .. انا بخير يا ابو داود اشلونك انت ؟؟
راشد .. وانا بخير ..ويلتفت لامه .. ها يمه وشلونج ؟
نوره .. انا بخير يا نظر عيني ..
شيخه .. بقوم اسوي لك الشاهي والقهوى ..
نوره .. ايه والله قومي سويها .. وما قصرتي ..
شيخه .. العفو .. وتقوم ..
راشد .. ها يمه وش عندج وما عندج ..؟
نوره .. والله يا ولدي مثل ما انا ما عندي شي ..
راشد .. وين انجود ؟؟
نوره .. فوق نايمه ..
راشد .. ليه ما راحت للكليه ..
نوره .. والله يا راشد البنت تعبانه حييل .. واخذها امس سعد للدكتور ويقول البنت نفسيتها تعبانه وتبي راحه ..
راشد .. ليه وش فيها هي ؟
نوره .. والله ما ادري اسال داود ..
راشد .. ليه ..؟ وش دخل داود اولدي ؟
نوره .. امس انجود جابها داود وهي ميته من البكي .. ما ادري وش علامها .. ومسكت داود وقال لي مافيها شي..
والصراحه خفت وسالتها قالت لي خليني بروحي .. وامس اول مره تنام من دون ما اجيها .. او انام عندها ..
وبعدها اخذها سعد للدكتور وردت لغرفتها وهي تبكي ..!! والله ياراشد ما ادري وش فيها هالبنت ..
راشد .. بس داود ما قالي ..؟
نوره .. عن شنو ما قالك ..؟
راشد ..عن انجود كانت معه .؟ دايم يقول لي اخذت انجود ورديت انجود كنت مع انجود .. بس مستغرب
امس ما كلمني عن انجود .. وامس كله كان سرحاان وباله موو معه ..؟ لا يكــــــون ........ يسكت ..
نوره .. لا يا راشد لا تقول اللي في بالك .. ترى داود ما يسويها ..وانا اعرف داود اكثر منك..
راشد .. ليه تقولين انه ما يسويها .. يمه داود رجااال والشيطان شاطر ..
نوره .. لالا داود اكبر من كذا .. لو كان اللي في بالك صح كان ما شفت انجود ساكته .. بس السالفه فيها انــهّ..
وما يعرفها الا انجود وداود.. وداود هو الوحيد اللي يعرف انجود وش فيها .. الانه انجود ما تقول اللي في قلبها
الا لداود ..
راشد .. الا على طاري انجود وداود .. وش رايج نجمعهم .؟
نوره .. وش تقصد بنجمعهم ؟؟
راشد .. نزوج داود لانجود ..ها وش قلتي يا يمه ؟؟
نوره .. وشهو تقول تزوج انجود لداود .. انت تدري انه انجود راح ترفض ..
راشد .. ليه ترفض يا يمه ..داود ما فيه شي عشان ترفضه ..
نوره ... انت تعرف انه انجود تشوف داود اخو مو اكثر ,,
راشد .. على العموم انا راح ازوجهم وحكاية اخو وما اخو هذي حكايات زمان .. وانجود ما عندها غير داود ..
انتي تعرفين يا يمه ان انجود يتيمه وحنا اللي مربينها وانا من زمان قايل لج انه انجود راح ازوجها داود ..
نوره .. لا يا راشد اذا انجود رافضه ماراح تزوجها داود الا لمى توافق ..
راشد .. وشهو توافق اصلا انا ماراح انطر موافقتها ولا موافقته .. وانا اكثر واحد فيهم اعرف مصلحتهم ..
نوره بعصبيه .. راشد والله لو يصير هالشي من دون ما ادري والله ياراشد لوقف ضدك .. وانا قلت لك
اذا وافقت انجود ابشر بس اذا ارفضت ماراح تزوجها وانا حيه ..
راشد .. ليه يا يمه .. وين جالسين ناخذ شور البزران .. كل واحد مو عارف مصلحته وينها ..!!
وحنا لمى زوجتونا ما اخذتوا راينا ولا تاخذون شور البنات ..
نوره تقاطعه .. ذاااك اول يا راشد وهم اعيال اليوم ..
راشد .. لكن يا يمه .. انجود يتيمه يعني وين ترووح ..؟
نوره .. انجود دامني موجوده انا اللي اعرف وين تروح لكن اذا مت ساعتها امسكها انت .. وجعلك ما تمسكها
من وراي .. وهي تبكي ..
راشد وهو يقرب منها ... ليه يا يمه تقولي كذا .. ليه يا يمه .. انجود بنتي وانا اللي مربيها بعد امها..
وعلى حسبت ابوها ..
نوره .. انا قلت لك .. انجود اذا وافقة زوجها بس اذا ارفضت لا تفكر تغصبها يا راشد ..
راشد .. ومين تبغين ياخذ انجود الغريب .. يمه حنا اللي مربينها .. والمفروض ما تروح للغريب اللي ما نعرف
عنه شي ..
نوره .. وشهو تقول .. وينك لمى زوجة امها (العنود) لواحد ما تعرفه وانت تكذب علينا وتقول انه صديقك
وبالاخير نعرف انك كنت طامع بفلوسه وضحيت باختك عشان الافلوس .. اسكت ياراشد احمد ربك ما يدري
بالسالفه غير انت وانا ..ولا لو دارو الغير راح يكرهونك وواولهم انجود بنت عنود ..
راشد .. ليه يا يمه لازم تذكريني بالسالفه هذي ..
نوره .. لازم اذكرك فيها عشان ما تظلم البنت مثل ما ظلمت امها ..وتذبحها هي الثانيه من القهر اللي فيها ..
وانا اللي راح ازوج انجود .. ولا تتدخل في انجود يا راشد .. الا اذا غمضت عيني وحطوني تحت التراب ساعتها
سوا اللي يعجبك ..
راشد .. يمه انجود بنتي والله يعلم اني خايف عليها مثل ما اخاف على بناتي .. وابغى اصحح غلطتي اللي
عملتها بامها .. وابغا تاخذ اولدي عشان يصونها وما يرميها مثل ما رماها ابوها ..
نوره .. ابوها راح بطريقه .. وامها الله يرحمها .. واللي راح يحفظها اكثر منك اللي فوقك .. يا راشد ..
تدخل بذيك الساعه شيخه .. احم ..هذا الشاهي والقهوى يا عمتي وانا رايحه للمدرسه فروحه ..
نوره .. انا طالعه اشوف انجود كيف حالها .. وتخلي راشد برووحه مع نفسه ..
شيخه.. وش فيها عمتي ياراشد ..شكلها معصبه؟
راشد .. ااااااااعمتك كل يوم معصبه وهو يقوم ..
شيخه .. الشاي يا ابو داود ؟؟
راشد .. مشكوره انا طالع .. ويطلع ..
****************
جالس في غرفته توه صاحي من النوم ..
طارق يتثاوب .. اااااااااااااااه اعوذ بالله من بليس .. واصبحنا واصبح الملك لله ..
ويشوف ساعته الا الساعه 8 الصبح ..ينزل تحت يشوف خواته وزوجة ابوه صاحين ..ويتفطرون
غاليه(24) وعاليه (23)
طارق .. السلام عليكم ..
الكل .. وعليكم السلام ..
فوزيه .. ها اليوم صاحي بدري ..
طارق .. من عمري اصحى بدري يا عمتي ,.,
عاليه .. واووو شكلك رووعه وانت صاحي ..
غاليه .. ههههه عيونك مختفيه وينها ..
طارق بضحكه ... لسه عيوني نااايمه وانا صاحي هه..
فوزيه ... وين رايح للشغل ..
طارق .. لا والله ماني رايح للشغل ..
عاليه .. وين رايح ..
طارق .. دايما ملقووفه ..
غاليه .. طالعه على اخوها ..
طارق .. بالعكس انا مو ملقووف كذا..
عاليه .. تكفى طاارووق اذا ما عندك شغل تكفى ابغى اطلع معك ..؟
طارق .. فين تروحي على هالصبح ..
عاليه .. ما ادري بس نفسي اطلع ..
غاليه .. صح كلام طارق مافي مكان مفتوح الحين ..!!
عاليه .. احس اني متضاايقه ونفسي اطلع معك ..
طارق .. وين تحبي تطلعي يا علايه ..؟
عاليه .. اي مكااااااااااااان معك ..
غاليه .. وانا بعد برووح معكم ..
عاليه .. توك تقولي في احد يطلع الحين .
غاليه .. دام الطلعه فيها اخوي الغالي طارق اكيد بطلع ..
فوزيه .. خواتك متضايقات من اعيال عمك اللي ما يقدرون الواحد ..
طارق .. وش قصدك يا عمتي ؟.؟
فوزيه .. انت اكيد عارف ..؟
طارق .. عارف بشو؟؟
فوزيه .. اعيال عمك ما يبغون خواتك .. بس وانا فوزيه لعلمهم من هم بناات غانم الهاري واخليهم يندمون على
قرارهم ..
طارق .. عمى الزواج مو بالغصب .. واعيال عمي هم حريين بنفسهم ما اقدر اغصبهم على خواتي ولا احد يقدر
يغصبهم ..
فوزيه .. اي قل انها خطه منك ومنهم ..
غاليه .. يمه خلاااااااااااص لازم تفتحين هالموضوع كلام طارق صحيح الزواج مو لعبه ..
عاليه بهدوء .. بس ليه ما يبغوونه ..؟ ليه فينا شي غلط ..؟
طارق .. لا يا عاليه لا تقولين كذا .. انتي جوهره غاليه .. بس تبغين اللي يقدرك من دون مايخدعك بمشاعره ..
وانا يا عمتى ابغى منال مو لعبه او احد يغصبني عليها بس انتي تعرفين اني احبها من قبل ..
وصقر وحمد .. كل واحد حر بنفسه .. صحيح هم اعيال همي وقريبين مني بس ما اقدر اغصبهم على شي
مثل الزواج .. والله يشهد انه خواتي اغلى شي عندي واتمنى انه احد ياخذهم يكون يستاهل هالثقه اللي راح
اعطيهم ايه ...
فوزيه .. بس ابوك عطى صقر مده يفكر فيها ..
طارق .. عمه مافي شي بالغصب ينحب .. ولا تضغطون على صقر او حمد وانتوا تعرفون قرارهم ..
غاليه .. صح يا طارق .. ورح قل لهم حتى حنا ما نبغى اللي ما يبغانه ..
طارق .. لا يا غاليه لا تحقدين عليهم هم اعيال عمك ومهما صار يظلون اقرب الناس لنا .. واذا هنا ما عجبناهم ..
الله يهنيهم مع غيرنا والله يهنينا مع اللي راح ناخذه ..
غاليه .. صح كلامك بس اللي قاهرني ليه يسون فينا كذا ..
طارق .. هم ما سوو لكم شي .. ابوي اللي تكلم مع عمي وصدمهم بالموضوع من غير ما يدرون ..
عاليه .. يعني هم ......... تسكت ..
طارق .. بلا بربره وحقد على هالصبح تروحون معي او لا ..
عاليه .. وين نرووح ..؟
غاليه .. انا معك وين ما تروح ..
طارق .. يالله البسن وخلصن وانا راح اخذكم للمكان الي يحبه قلبكم ..
عاليه وغاليه .. هيااااااااااااا ونااسه ...
*******************************
كانت نايمه مثل الملاك النايم .. كانها الطفل اللي نام بعد ما ماتت من الصياح والتعب .. تصحى انجود ..
واول ما شافة هو نور الشمس اللي غطى بالغرفه نوره .. اللي كانت الستاره مفتوحه كلها وشعاع الشمس
طاح بعيونها وهي تتامل هذا النور وهي تعباانه ... الا تسمع صوت الحنوون خلفها ينادي باسمها ..
نوره .. انجود انتي صحيتي يا يمه ..
انجود وهي تلف جسمها التعبان وبنظراتها الحزينه ..ايوه صحيت ..
نوره .. كيف حالك يا يمه الحين ..؟وهي تحط يدها على جبهتها ..
انجود وهي تغمض عيونها .. يمه انتي ما نمتي ..!!
نوره .. ما جاني نوم من البارحه ..
انجود وهي تفتح عيونها .. ليه ما نمتي ؟؟
نوره .. كانت خايفه عليج .. طول الليل وانتي نايمه تبكين ..
انجود بتعب ... اسفه تعبتك معي يا يمه ..
نوره .. راح تتعبيني اذا سكتي وما قلتي لي وش صار لك ..!!
انجود ,...................... ساكته ..
نوره .. ليه سااكته ليه ما تتكلمين وتقولين لي يا انجيد وش اللي حصل لج ..؟ طلعتي وانتي مبسوطه ورجعتي
وانتي تعباانه مره ..
انجود .. يمه صدقيني مافي شي يستاهل اقوله لج ..
نوره .. انا امج يا انجود قولي لي اللي في قلبك ..
انجود بدموع.. كل اللي في قلبي لج بس تكفين يا يمه لا تضغطين علي .. ترى الي فيني صدقيني يكفيني ..
نوره وهي تقرب منها وتحظنها لصدرها .. انتي بنتي يا انجيد ..
انجود .. وانتي امي وانتي اقرب النااس لي يا يمه..
((بقلم انجال ..))
*X*x يـــمـــــــه x*X*
يــمــه افتحي لي قلبك ..ابجلس بحضـــــــاانــــه
ابغفى من نــوح السهر ..ودمـــــع اللــيـــالي السهرانه
تعبت اشكي ..تعبت ابكي ..تعبت اكذب على نفسي ..
تعبت احط لي اسماء اعتز فيهم على ربعي ..
يــمــه ..!!
ابشكيلك لاطااح دمعي ...وين اكـــــــــون ... ومَن اكــــــون
ابشكيلك عن اوضااعي ...وعـــن ســـر اوجــااعي ...ابشكيلك عن قلب ميت من الكتمان
ابشكيلك يا منبع كل الحنــــــان... وسامحي لي .. الاني قفلت على قلـــبي ..
واعذريني ..
الاني حرمـــــتـــك من دخووولــــه.. واليوم انا ندماااااااااانه على طبعـــي ..
وابيـــــــك اليوم تساامحينــي بسهوووله.. وابرجع ابوس راسك واضم جسمك بذراعي
وابرجـــع لحظــنك طفلة امس الخجووله ...وابــيـــك تنسيـــن كــل التعـــب والاوجااعي
ولحـــظــه كنت فــيــهــا كـــســوووله..
يمـــــــه
لميني بصدرك يا حنوونه ......لميني يا بعد عمري وسنينه
يمه افتحي لي قلبــــك.......ابغفـــى بعد ما دمعت عيني
ابغفى بعد ما ارتااحت اسنيني....ابغفى بحضنك الداافي ولاعبيني
ابغفـــى اه اه مبطي ما غفيت ..يمــــــــه ربــــــي لا يحــــــــرمني منـــــك
************************
طاارق في السوووق مع خوااااته يتصل عليه سلمان ..
سلماان .. الوووووووووووو
طارق .. ياولد بطيت اذني ..
سلماااان .. انت تسمعني ..
طارق .. اي اسمعك ..
سلمان .. وينك عندك ازعااج ..
طارق .. انا في السووق ..
سلمان .. الحين انت في السوووق ؟ ليه ..
طارق .. معي اهلي تبغى شي ..؟
سلمان .. اي ابغاك في سالفه ظروريه ..
طارق .. مو بوقته الاني مشغووول ..
سلمان .. اخذهم بوقت ثاني صدقني ..
طارق .. وش عندك يا سلمان ..!!
سلمان .. اجل رووح بعيد عن اهلك ابغى اسالك سؤال ..
طارق بتعجب .. وش تبغى انا بعيد عنهم الحين ..؟
سلمان .. عندك اخت اسمها انجود ..؟
طارق .. ليه تسال ..؟
سلمان.. الاني بخطبها...عندك او لا ..؟
طارق بضحكه .. وكيف تخطب وانت ما تبغى القفص الذهبي .. ؟
سلمان .. انت جاوبني دامك تعرف علتي ..
طارق .. لا ماعندي اخت اسمها انجود ..؟ ليه ..؟
سلمان .. الا عندك اخت واسمها انجود ..
طارق .. وشهو انت ليه متاكد اكثر مني .. خواتي واعرفهم اكثر منك ..
سلمان .. قلت لك تعال وانت اللي رفضت .. وصدقني انه عندك اخت واسمها انجود ..
طارق .. ليه متاكد .. ولو عندي قلت لك بس انا متاكد .. وما عندي الا غاليه وعاليه يعني انجود ذي من وين تجي ؟؟
من امي يعني ..؟؟ هههههه
سلمان .. انا ما اضحك جــد يا طارق ..
طارق .. وانا بعد ما اضحك .. واذا عندي اخت اسمها انجود خبرتك .. بس انت اكيد غلطان ..
سلمان .. ماني غلطان .. وتعال ابرهن لك ..
طارق .. كيف مو غلطان ..؟؟ لو عندي اخت كان ابوي خبرني ما سكت ..
سلمان .. انت وين الحين ..؟؟
طارق .. قلت لك في السوق ..
سلمان .. انا الحين جااي لك ..
طارق .. معي خواتي ..
سلمان .. لاتخاف ماراح اكلهم هم يتسوقوون وانا اسوالف معك ..
طارق .. اوكيه استنااك .. ويسكره ..
طارق وهو يفكر في كلام سلمان الي خوفه واللي شككه.. الانه شكل سلمان وااثق من كلامه ..؟ بس يسال نفسه ..
ليه سلمان قال لي هالشي وليه متاكد لدرجه هذي .. يعني معقووله عندي اخت وابوي ما خبرني ؟؟ طيب ليه ..؟
طارق وهو يشوف غاليه وعاليه .. انا رايح للكفتيريا ..انتوا لمى تخلصوا قولوا لي ..
عاليه .. ليه ما تبغى تمشي معنا ..؟
طارق .. اخذوا راحتكم انا رفيقي جااي بالقهوى .. لمى تخلصو اتصلوا علي ..
عاليه وغاليه .. اوكيه ..
ويجلس طارق في الكفتيريا الا سلمان توه يدخلها ..
سلمان .. هلااااااااااا والله طاارق ..
طارق .. هلا فيك اللي مخرف ..
سلمان .. ردينا قلت لك ماني مخرف الا وااثق ..
طارق .. الا قلي يا سلمان ليه انت واثق كذا ..؟وليه تقول انه عندي اخت مع انه ابوي عمره ما تكلم عن اللي قلته ..؟
سلمان .. رهف اختي .. صديقة انجود اختك ..
طارق .. ردينا على كلمة اختك ..
سلمان .. انت اسمع السالفه ..
طارق .. سمعنا ..
سلمان .. عندك اخت اسمها انجود عمرها 19 سنه حاليا في الكليه مع اختي رهف .. وطبعا انجود قايله
للكل انه ابوها ميت وبالحقيقه امها ميته من عمرها خمس سنين واللي قاتلها ابوك ..
طارق بصدمه .. كيف ابوي ؟؟
سلمان ..ابوك تزوج عنود ام انجود وقايل لها انه مقطوع من شجره وما يبغى اعيال ولمى احملت عنود
ام انجود ابوك هنا خبرها انه متزوج وانه عنده اعيال وما يبغى منها اعيال عشان زوجة ابوك ما تدري عنه وتاخذ
افلووسه منه ..وكذا درت عنه ..
وكذا قال لها سقطيه وهي ارفضت وجابت انجود وابوك هنا قال انه البنت مو بنتي
وتبرا منها وهي وقفت جدام المحكه ضده وطلعت المحكمه قرار انه البنت بنته وكل شي ثابت بس ابوك من يومها
متبري من انجود ولمى مرت سنتين بس على حكم المحكمه ام انجود جاءت لبوك في بيته تبغى ابوك يشوف بنته
بذاك اليوم ابوك حلف انه يقتلها .. وفعلا بعد مرور يومين بس جاءت ذيك السياره المسرعه وصدمة ام انجود ..
وكذا انجود يتيمه من ابوك ومن الام .. والى الحين انجود ما شافة ابوك ولا مره وتكره كره الموت ..
طارق بصدمه ..سلمان انت صادق بالي تقوله ..؟
سلمان .. ليه اكذب .؟؟
طارق .. وينها الحين ..؟
سلمان .. يعني وينها ... في بيت جدتها عايشه..
طارق .. ليه قلت انه ابوي قتلها ..
سلمان .. اااا الانه ام انجود ماتت في المستشفى وهي اللي انطقت اسمه بس ابوك طلع منها برائه ..
طارق يحط يدينه على راسه .. سلماان الله يرحم والديك لا تضحك علي ..
سلمان .. صدقني ما اضحك ..
طارق .. هي تدري انه عندها اخوان ..؟
سلمان .. انا قلت لرهف انها تبلغها انه عندها اخوان بس رهف قالت لي انها ما تحب احد يفتح سيرة
ابوها عندها .. وتكره ابوها حيل .. وما اظن انها راح تستقبلك بحراره ..
طارق .. انا لازم اشوفها ..
سلمان .. وهذا اللي ابغاه .. ابغاك تشوفها وتقربها منك .. البنت تكسر الخاطر ما عندها احد ياطارق..
طارق بهمس .. ااايايبه ليه ما خبرتني انه عندي اخت ..؟؟
سلمان .. ابوك كان خايف انه حلاله يروح بسرعه ..وياحرام ظلم هالبنت بدنيااها ..
طارق .. لا ياسلمان ..ابوي مو من هالنوع اللي يهتم بالفلوس ..
سلمان .. المهم اللي علي سويته .. قلت لك .. وانت الحين دورك ..
طارق .. سلمان لحظه ..
سلمان .. سم ..
طارق .. انت ليه قلت لي ...؟؟
سلمان .. الاني خاايف عليها من هالزمن ..؟
طارق .. ليه خايف عليها مع انها ما تقرب لك ..؟
سلمان .. لا تنسى انها اخت اعز الناس لي ..
طارق .. انا ..
سلمان .. اي .. طارق رهف تقول لي اشياء تقطع قلبي وانا رجال من سوالف هالبنت ..
البنت متحطمه منكسره .. من كلمتين تكسر قلبها .. تقول رهف .. دايم تسال نفسها ليه ابوي يرميني عشان الافلوس..
ليه ابوي ما شافني لو مره او تعب نفسه وجاملني .. ليه ما يبغاني بهدنيا .. ليه يذبح امي.. ويبعد عني ..
ليه يبغاني اموت بقهر وكره له ..
طارق .. بس يا سلمان .. انت غيرت نظرة ابوي لي ..
سلمان .. انا تغيرت من قالت لي اختي .. وربي ساعتها كرهت ابوك .. اعذرني يا طارق ..
بس مو لدرجه انه يرمي بنته اللي من جوفه ..عشاان كم فلس ..
طارق بصوت عالي .. انا قلت لك ابوي ما همته الافلووووس ..
الا يدق تلفون طارق ..
غاليه .. طارق فينك ..
طارق .. يالله انا جاااي ..ويسكره بوجهها ..
سلمان .. طااارق لحظه ..لا تزعل مني بس هذي الحقيقه راح تعرفها بنفسك ..
طارق وهو يشوفه بصدمه ملياانه وجهه .. انت صدمتني يا سلمااان .. وصدمتك كبيييره لي حيل ..
سلمان .. انا اعزك ولو ما اعزك ما قلت لك ..
طارق ..مشكووور انا راايح ..مع السلامه
سلمان .. مع السلامه ..
****************************
جالسه مع امها ..الساعه 4 العصر
هند .. والله يا يمه ااااااااا يمكن ..
ام طلال ... وشهو اللي يمكن الا اكيد هي ما تبغى احد يجيها او يقرب من بنتها .. تعرفين ما تحب احد يقول لها
بنتك ما تعرف تلبس او ما تعرف تتكلم مع اهل زوحها .. وما تبغاج تجين عشان ما تاخذين عريس بنتها..
هند .. يمه انا مالي شغل فيها .. هي حره وكيفها ..
ام طلال .. لا ياعمري رووحي وحري كبدها ..
هند بصراخ .. ماراح ارووووح ومالي خلق .,..بنات عمي مالي شغل فيهم يا يمه ..
لاا يدق تلفوونها (( المزعجهـ ))
هند برتبااك ... هااااا
ام طلال .. منو اللي متصل ..؟
هند .. ها يمه هذي انجود ..
ام طلال ..انجوود ؟؟
هند برتباك .. اي يمه..
ام طلال .. وليه تقولينها وانتي خايفه ..؟
هند .. لا ابد بس قالت لي شغله اسويها وما سويتها .. عن اذنج بكلمها بغرفتي ..
ام طلال .. ليه اليوم تكلمينها بغرفتك كل يوم تكلمينها عندي عادي ..
هند برتباك كبير .. لا يا يمه البنت عندها شغله ما تبغى احد يدري ..
ام طلال .. كيفك روحي لغرفتك ...
هند من اسمعت امها تقول روحي لغرفتك ما صدقت باللله اركضت لغرفتها وغفلة البااب ..
الا تشووف مكالمتين لم يرد عليهم ((المزعجهـ )). وتمسك التلفون وتدق دقه وتغلقه عشان هو يتصل ..
وفعلا اتصل بدر عليها..
بـــدر .. سااعه على ما تشيلينه ؟؟
هند .. اسفه ياقلبي وربي كانت عند امي .. وما قدرت اشيله ..
بدر .. خلاص طاح الحطب دام قلتي ياقلبي ..
هند بضحكه .. هههههه جد والله ..
بدر .. ها كيف حالك وش مسوويه ياحبي ..
هند .. انا بخير لمى اسمع صووتك .. جد غيرت حياتي يا بدر ..
بدر .. انا احبك كثير ..
هند .. وانا اكثر ..
بدر .. اقدر اشوفك ياهند ..
هند .. لا انت وش قاعد تقول انا تلفون وشايله قلبي من الخووف ..
بدر .. يالخوواافه ..
هند .. لا تلوومني يا بدر ما اقدر ..انت تعرف يالله اطلع .. وكيف اطلع معك اخاف احد يشوفنا ..!!
بدر .. عادي يا هنووده .. قولي لامك انك رايحه مع وحده من صديقاتك ونجلس في مطعم فيه كبينه
ونسولف على راحتنا احسن من التلفون .. الصراحه ياقلبي مشتهي اشوفك .. من جمالك ما قدر اتحمل ..
هند بضحكه .. وجد انت مزيوون مره .. والصراحه ذوبتني ..
بدر .. يالله عاد فكري بخطه عشاان اقدر اشوفك ..
هند .. لحظه لحظه يا حبي عندي خط ثاني ..
بدر .. منو ؟؟
هند .. هذي صديقتي انجود في الخط الثاني .. يالله اكلمك بعدين ..
بدر .. يؤؤه انا ما اقدر اصبر عن صوتك دقيقه يا حبي خليها تولي ..
هند .. ما اقدر هذي توام روحي ما اقدر اخليها تنتظر .,.
بدر .. وانا ..وشهو بنسبه لك ..
هند .. انت شراييني اللي يمشي فيها دمي ..
بدر .. جد والله ..
هند .. يالله مع السلامه انجود علقت علي بالخط الثاني ..
بدر .. اتصلي اووكيه ياحبي ..
هند .. ابشر يا قلب هند .. وتغلقه ..وتفتح خط انجود ..
انجود .. ساااعه على ما تردين يالبطه ..
هند .. اسفه يا انجود هذا كان ابوي يكلمني ..
انجود .. يؤيؤيؤيؤ سووري ما كنت ادري ...
هند .. عشان مره ثانيه ما تعلقين بالخط ..وتزعجيني ..
انجود .. طيب اسفين قلنا ...
هند من غير نفس .. وش تيغين ..؟
انجود .. وش فيج من غير نفس ؟؟
هند .. الاني تعباانه ..
انجود ..سلاماات يالغاليه ..
هند.. الله يسلمج ..
انجود بياس .. لا لاااااااااا قبل كنت ابغاج تجين لي بس انتي شكلج تعباانه اخليج اجل ..
هند .. ليه وش عندج ..
انجود .. الاني ضاايق خلقي وابغااج جنبي يا صديقة عمري ..
هند .. اووكيه اخليج انا تعباانه ..
انجود ... غريبه ..!!
هند .. وش الغريبه ؟؟
انجود .. لج اياام ما تتصلين واذا اتصلت مالج خلق لي .. هند فيج شي ..
هند برتباك .. ها لا مافيني شي بس هالاسبوع متضاايقه شوي
نجود ..هنووده وش فيج ياقلبي ..اذا متضايقه اجيج ..
هند .. لا مو لازم ..
انجود حست انه هند ما تبغاها .. يالله اجل اخليج .. مع السلامه ..
هند .. مع السلامه ..
انجود ..في قلبها وش فيها هند متغيره حيييل ؟؟اكيد متضايقه عشان اختباراتها ؟؟
كل شي يمكن يا انجود ..
هند بعد ما سكرته من انجود عودة الاتصال ببدر ..
بدر .. ولكموووو يا هنوده ..
هند .. يسلموو ياقلبي ..
بدر .. ها فكرتي باللي قلته لج ..
هند .. باللي شنو ..؟
بدر .. باني اشوفج ياقمر ..
هند .. ها..
بدر .. صدقيني ماراح المسك هذا وعد مني بس ابغى اشوفج ..
هند .. عندي حل وااحد ..
بدر .. وشهو ..
هند .. بعد يومين عندي محاااضره ..مع انجود صديقتي بكذب عليها بانه ابوي راح ياخذني وانت تعال للكليه
واخذني ..وبقول لاهلي انجود راح تاخذني وكذا اكذب عليهم اثنينهم .. وكذا نطلع نتغدى ..
بدرفي قلبه .. يابنت الايه ..) .. واهلك ؟؟
هند .. اصلا اهلي واثقين فيني وفي انجود الانه هي الوحيده اللي تاخذني ..
بدر ..حلو .. احلى خبر سمعته اليوم .. يااااي متى يجي هاليوم عشان اشوفج ياقمر بدر ..
هند .. لا تحترق كلك من الشوق .. اخااف ما يبقى منك شي واموت انا ..
بدر .. اسم الله عليج ياقلب بدر ..
هند بدلع .. بس عاد والله ما اتحمل ..
بدر .. وانا بعد يا قلبي ..
******************************
في بيت عاااايد ..
في غرفة صقر تحديدا كان الجو ناار من الطرفين من صقر وعايد ..
صقر .. يبه انا ما ابغااها ..
عايد .. لكن انا ابغاك تاخذها ..
صقر .. قل لعمي صقر ما يبغى يتزوج ..
عايد .. وش فيكم انت واخوك كلكم ضد بنات اخوي ..
صقر.. هذا كلامي وما ابغى ارده وخل عمي يسوي اللي يعجبه ..
عايد .. تهدد يا صقر .
صقر .. اهدد اذا احد جاء شي ماله خص فيه .. شي يعنيني انا ..
عايد .. وعمك .. وانا ..
صقر .. كلهم على عيني وراسي بس انتو اللي جبرتوني اعمل كذا ..
عايد .. هذا اخر قرار لك ..
صقر .. للاسف اي ..
عايد .. وماهمك وش راح يصير لك ..؟
صقر .. وش بصير لي .. راح تطردني عشان بنات اخوك ..؟
عايد .. يمكن اكثر ..
صقر .. توقعتك توقف معي مو ضدي يا يبه ..
عايد .. اللي يوقف ضدي وضد اخوي اوقف ضده ..
صقر .. مهما كانوا اقرب الناس لك ؟.
عايد .. مثل ما سمعت ..!!
صقر .. وانا ما ابغاهم .. مهما سويت لي او هددني انت وعمي وانا ما ابغاهم .. واذا تبغاني اطلع من البيت انا
مستعد ..
عايد .. كل شي الا طلعت البيت انت اولدي يا صقر وغالي علي بس ياليت تغير نظرتك ..
صقر .. للاسف يا يبه حاولت بس ما قدرت ..
عايد .. هذا اخر جواب منك ..
صقر .. عيد جوابي للاسف اي اخر جواب وجواب نهائي بعد ..
عايد وهو يخزه .. الله يكون في عونك يا غانم من هالقرار الصعب ..
صقر يرد عليه .. مو صعب الا لمى تزوج اثنين وانت تعرف مدى كرههم لبعض يا يبه ويروح ويخلي ابوه يفكر
بالكلمتين الاخرتين ..
عايد في قلبه .. وش قصده بهالكلمتين ..؟؟
*************************
جالسه تلعب تركي الصغير وهي كلها ضحك معه ..
الا يدق بااب غرفتها اخوها علي ..
علي .. السلام عليكم يا طيف ..
طيف .. هلا والله باخوي الغالي علي ..
علي .. هلا والله فيج ..الا وين تركي ..
طيف .. ما تشوفه في سريره ..
علي ويقرب من تركي ويمسكه .. يالله يا خلوا ابوك تحت ..
طيف منصدمه من كلمة اخوها لولده .. علي انت تكذب او صاج في كلامك ..
علي ... لا انا صادق في كلامي ..
طيف .. فيصل تحت ..<< اسم طليقها ..
علي .. اي تحت ..
طيف .. وليه جااي ؟.
علي .. جاي يشوف ولده ..ليه راح تمنعينه من شوفة ولده ..؟
طيف .. اها لا بس ليه جااي يشوفه بعد هالعمر ..!!
علي .. من حقه وما تقدرين تمنعينه ..)وياخذ الولد ..
وتلحقه طيف بسكات .. وكان فيصل جالس بالصاله وهو يلعب بولده .. وطيف كانت تشوفه بس محد
كان يشوفها وتسمعهم..
فيصل .. ها يا تركي .. كيف حالك يا ولدي ..؟
علي .. مثل ما تشوفه يا فيصل الولد كبر ..
فيصل .. باخذه معي يا علي ..
علي .. اسف بس لازم اقول لطيف ..
فيصل .. اولدي وراح تمنعني اني اخذه معي .. هي معها 8 اشهر معه ما ملت منه ..
علي .. انت وش قاعد تقول ..؟
فيصل .. انت تسمعني عدل .. انا باخذ اولدي بربيه وخل طيف تشوف حياتها ..
طيف كانت تسمعهم وهي تبكي من كلام فيصل .. بانه راح ياخذ تركي وودها تتكلم بس تخاف من اخوها علي
يدخل بالموضوع ويعاندها ..
علي .. على راحتك اولدك واخذه ..
فيصل .. وقل لطيف اني راح اجيبه لها كل عطله من الاسبوع ..
الا ذااك الصوت العالي الحزين اللي وجهه متروس من الحزين والاهاات .. ومن الكلام الي شق القلب بسكييين ..
طيف بصووت عالي .. لاااااااااااا ما تاخذ اولدي ..
علي بصوت مثله ..فيصل ابوه ..
طيف .. وانا امه ..
فيصل .. انتي حرمتيني من اغلى شي عندي يا طيف..
طيف .. انا ما حرمتك الاني ابغى لولدي الخير .. ما ابغى يعيش مع ابو سكير ما يدري وينه هو ..
كيف اخلي تركي يعيش بعيد عني كيف اخليه يعيش مع شخص سكير ويشرب مخدرات ..
فيصل يقرب منها .. ذااك اول يا طيف ..
طيف .. لا انت لحد الحين تشرب يا فيصل لا تكذب علي وولدي ماراح تاخذه يعني ماراح تاخذه ..
علي .. هو ابوه يا طيف ..
طيف .. والله لو اخذه لذبح نفسي يا علي ..
فيصل .. انا اولدي باخذه وانتي شوفي حياتج يا طيف ..
طيف .. حياتي ما ابغااها انا ابغى تركي ...
فيصل .. وتركي لي ..
طيف بصوت عالي وبدموع .. تركي لي تركي اولدي محد ياخذه .. علي تكفى لاياخذه ..
علي .. فيصل اخذ اولد واطلع ..
طيف .. لاااااااااااا ما ياااخذه .. علي لا تخليه ياخذه ..
فيصل وهو يشوف طيف كيف تمسك علي وتترجا انه يجيب تركي لها .. ويطلع فيصل معه تركي ..
طيف ...وهي تحاول تركض للباب .. يمسكها علي ..
طيف بصوت وبدموع تقطع الانفاس... خلني خلني يا علي اكرهك اكرهـــــــــــــــــــكككك ... ليه خليته ياخذه ..
هذا اولدي يا علي اولدي تركي راااااااااااااح اولدي تركي راااااااااااااااااح .. الحين بيذبحه ..
ويغمى على طيف وهي تصيح وتبكي ..
علي ...طيف طيف .. وياخذها للمستشفى بسرعه ..