رواية في صمتي لك كلام
الفصل الثامن
السااعه 9 الصبح في الاجازه.. جالسه مع جدتها تتفطر .. وهي تسوالف معها ..
ام راشد ..هااا يا انجيد متى راح تشلين اغراضك الي فوق خزانتك ..؟
انجود .. والله يا يمه مالي خلق ..
نوره .. وشهو مالك خلق اليوم اجازه رووحي رتبي غرفتك اللي كانها غرفة اعزوبيه .. وشيلي الدببه اللي حاطتهم
ترى كبرتي يا انجود ..
انجود .. بعدي ما كبرت يا يمه .. وانا احبهم ..
نوره .. تدرين انه الملائكه ما تدخل غرفتك ..؟
انجود .. للاسف اني ادري بس تعرفين ما اصلي وما انام الا بحجرتك ياالغاليه ..وحجرتي للعب بس ..
نوره .. تعبت وانا اكلمك يا انجود بس مافي فاايده معك..؟ متى تكبرين .؟؟
انجود وهي تتفطر .. تو الناس يا يمه .. بعدي بزر ..
نوره .. لا والله اللي اشوفه بقره جالسه جنبي ..
انجود بضحكه .. هههههه على الاقل تستفدون من هالبقره ههههههههههههه
نوره ..قومي قومي يالله جدامي رتبي غرفتك وما ابغى اي دب فيها ولا صووره ..
انجود بتعجب .. صوره !!
نوره .. ايوه الصور على جدارك ..
انجود .. بس انتي تدرين اني ما اقدر ارميهم الانهم غالين علي ..؟
نوره .. ما يهمني المهم ابغى الداار نظيفه تلق طيب يا انجود ..!!
انجود بعياره .. لااااااااااااا ..
نوره بعصبيه .. وشهو لا ..
انجود .. يمه يا قلبي تعرفين انه هالصور احبها .. واحبها اكثر لمى اصحى الصبح واشوفها تبغيني احذفهم كيف .؟
نوره .. انا قلت لج ..
انجود ... اشيل الدببه اووكيه .. بس الصور لا ..
نوره .. اجل ما سوينا شي يا انجود .؟
انجود .. اجل فشل القرار الاداري ههههههههههههههههه
نوره .. وش اسوي فيك داام هالراس معاندي << وهي تاشرعلى راس انجود ..
انجود بعياره .. اي اي يايمه اوجعتيني ..
نوره .. وجع وشهو ما اوجعتك ..
انجود .. يالله الحمداله شبعت ..
نوره .. ما اكلتي شي .
انجود .. وشهو كله بيض ولبنه وخيار وطماط ..؟
نوره .. قولي الحمداله غيرك مو لاقي هالنعمه يابنت ..
انجود وهي ترفع يدينها.. الحمدالله ياااارب ..
نوره .. خلصي الصحن يالله ..
انجود .. بس انا شبعت ..
نوره .. ما ابغى ولا خياره في الصحن ولا طماطه ..
انجود .. وش اسوي لو تدعسين ماراح تلقين شي يكفي لهم .. ترى بطني صغنوني مو فيل يا يمه ..
نوره .. وااذا هذي نعمت ربك لا تخلينها ترمى في الزباله ..
انجود .. بس انا شبعت ..
نوره بحنيه .. كملي يانجود ..
انجود وهي تقووم .. يمه كمليها انتي يالله برووح ارتب غرفتي هههههههه بااااااااااااي وتركض للغرفتها
نوره بصرااخ .. انجيييييييييد
وهي تدخل غرفتها وي تتحوب .. يوووووووه كل يوم محااظره وش نسوي اخلص من خالي راشد تجيني امي نوره ..
ياربي وين اروح .. يؤيؤيؤ وين اودي هالدببه ؟؟ مافي الا فووق السطح .؟؟ ليوووووه مالي خلق ..
وهي تمسك جوالها تشوف مسج من دلال .. كان مسج عادي قصيده .. وهي تطلع من الرسايل الوارده وتشوف الرسايل
المحفوظه الا ذااك الاسم اللي شاافته .. "توم الروح "كان اسم هند وهي تشووف اخر رساله منها ..
انجود .. حساافه يا دينا .. وش سويتي فينا ... كل واحد في طريقه عقب ما كنا سوا .. وهي ترسل لها ..
تصـّـور كــذا ..
و احنــا بعــاد ..
يصيـــر شــي ما تتوقعــه ..؟؟!
يا خذ امــــانتــي رب الـــ ع ــبــاد ..
و يختفــي وجودي و تفقده ..
تصـّـور لو يجــي هاليــوم ..
و تنــدم على ما فــات ..
و تتحســر على صـداقتنــا ..
و تــزيــد في صــدرك هـــ م ــوم ..
و تبـكـــي فراقــي ..
بس .. بوقــت متأخـــر ..
قلـــي وقتهـــا بـتكـــون مرتــــاح ؟.؟
انجود وهي تقراء المسج تنثر دموعها على جوالها . وهي تقول ياربي يهديها .. ياربي تعرف غلطها قبل لا تطيح
في غلط .. ياربي اللي سويته صح او غلط .؟ اااااااااااااه مو عارفه راسي من رجليني يا هند ..
في عالم ثاني عاايشه كانت ناايمه وهي تسمع صووت المسج بسررعه تقوم كانت تحسبه "المزعجهـ" بدر )
وهي تفز بسرعه وتمسك جوالها وتفتح المسج بسرعه وتشووف اسم " السنافيه" اسم انجود وهي تحذف جوالها
من دون ما تقرا المسج .. وهي ترجع تناام ..
اما انجود وهي تقراء المسج اكثر من مره الي ارسلته لهند وهي تنتظر الجواااب منها .. لكن مره ربع سااعه واعرفة
مافي امل للرد .. وهي تقوم ترتب حجرتها وتنظفها وبعدها تتجه نحو الجدار اللي به برواز كبير من الصور ..
فيها صور انجود وهي تقول في نفسها .. هذا اغلى شي عندي هي حياتي بقاايا من الماضي الحلو والمر بنفس الوقت.
*******************
في بيت راشد .. الساعه 10 .ص
نوف زوجة راشد وام داود ...
نوف .. دااانه يالله تعالي تفطري ..
دانه .. مالي خلق يا يمه ..
دلال .. يمه وش رايك نروح لبيت امي نوره ؟؟
ام داود .. ما عندي ماانع وانا بعد من زماان عنها ..
راشد يدخل .. السلاااااااام عليكم ..
الكل .. وعليكم السلام والرحمه .. والكل يقوم يحب راس ابوه ..
راشد .. حبتكم العاافيه يا اعيالي .. ها اليوم صااحين بكير ؟؟
دلال . ههههههه ولا شي صااحين متعودين على الدواامااتت يا يبه ..
دانه .. والله انا مالي خلق اقووم بس امي صحتني ..
نوف .. وشهو صحيتك اصلا انا ما جيتك ..
دانه . انتي ما صحتيني صح بس صووتك وانتي تنادين دلال صحاني ..
دلال .. خوش عذر يا يمه ..
راشد .. كاني سمعت انكم تبغون ترحوون .؟؟ لكن فين ؟؟
دلال .. نبغى نروح لبيت امي نوره .؟
راشد .. اي والله وانا بعد من زماان ما جيتها ..!!
دانه .. مالي خلق لفرح ومرح يضيقوون الخلق ..
دلال .. مولازم تروحين يادبه ..
راشد .. بس يا داانه احترمي اختك ..
دانه من غيرنفس .. اسفه
دلال بدلع .. مو مقبوول ..
داود يدخل .. السلااااااااام عليكم ..
الكل .. وعليكم السلام والرحمه ..
راشد .. ها كيفك يا داود ..
داود .. انا بخير يالغالي ..
راشد .. ها اشلوون شغلك ..
داود .. كل شي تماام وعال العال ..
راشد .. وين راح تروح اليوم .. تعرف اجاازه ؟؟
داود .. بروح البر تعرف الشتاء على اخره ..
راشد.. على راحتك ..
دلال .. الله يبه ما يصير البنات لهم جواخير وبر .؟
راشد .. لو يصير ما خليتكم تروحون له حتى .؟
دلال .. ليه يا يبه ..
راشد .. كيفي .. اصلا البنت مالها الا بيتها ..
دلال بحووبه ..البيت البيت البيت
دانه .. هههههه اصلا من ولدنا وحنا بالبيت ..
نوف .. اقول خلصن واكلن ..
دلال .. بس صج يا يمه اليوم ما عندك فرح خالي لطيف ..؟
نوف .. اي والله الله يذكرك بالشهااده ..
راشد .. اجل منتي رايحه اليوم للامي ..؟
نوف .. ما اظن تعرف اذا ماراحت للطيفه تزعل مني ..
دلال . خلاص انا ارووح معك لامي نوره يايبه ..
راشد .. اووكيه اجل خليك خالصه الساعه 3 العصر ..
دلال .. انشاءالله يا يبه ..
وتركض فوووق لغرفتها وه تفتح جوالها وتتصل في انجود ..
دلال ... يؤؤه شيليه يا انجود .. واخيرا انجود تشيل جوالها ..
انجود .. هلاااااااااااااااا والله بدلوله ..
دلال .. هلا والله فيك يالغاليه ..
انجود .. غريبه صااحيه بكير يا دلول ..؟؟
دلال .. لا بس كذا دعودنا على قوومت الصبح وصارت روتيني يومي ..
انجود .. هههه
دلال .. وش .فيك .! ووش الصوت الي عندك .. انتي وش تسوين؟؟
انجود ... هههههههههه انا قااعده ارتب غرفتي هههههههه وصوت المكنسه هذا ..
دلال .. وانتي من وين طالعه الشمس عشان ترتبي غرفتك ..؟
انجود .. هههههههه حكم القوي على الضعيف ..
دلال .. ههههههههه هذي اكيد امي نوره .
انجود .. في غيرها الله يهديها .. تقوول لي رتبي غرفتك ولا انا راح ارتبها لج عدل ..
دلال ..كان خلتيها هي ترتبها ..
انجود .. بلاج ما تعرفين وش راح تسوي في اغراضي ..
دلال .. وش تسوي يعني ..؟
انجود .. راح تشيل برواز الصور الي بجداري ..
دلال .. اوووووو ..
انجود .. ولا وبعد راح تشيل الدببه اللي بغرفتي ..
دلال .. الدببه الكبيره .؟؟
انجود .. اي تبغاني ارميها ..
دلال .. اذا ما تبغينها عطينيها هههههههه خليني احلم بهم شووي ..
انجود .. ما اظن خالي راشد راح يخليهم حيين ههههههههه
دلال .. هههههههههههه اذا امه نوره ما تبغااهم كيف ابوي ..
انجود .. تعالي يادبه ليه ما تتصلي على البيت ..؟
دلال .. رصيدي فل هههههههههه ما عليك ..
انجود .. اجل حولي لي 5 دنانير كرت ايزي يا دبه ..
دلال .. لمى اجيك بعد اشوي راح احول لك ..
انجود .. بذمتك راح تجي ..!
دلال .. ايوه راح اجيك ليه ما تبغيني ..؟
انجود .. بالعكس انوااع الونااسه اجل خططي فين نرووح بعد اشوي ..
دلال .. ماراح اطول معك كلها سااعه وبعدها برووح مع امي عندها عرس وتبغاني ارووح معها ..
انجود .. منو راح يجيبك .؟
دلال .. ابوي ...
انجود .. وليه وينه داود ..؟
دلال .. داود في البر اليوم مو فااضي ..
انجود .. اها حساافه الرووحه من غيره ما حلوه ..
دلال .. يؤيؤيؤ وش اسمع ..
انجود .. ليه وش قلت ..
دلال .. انتي تحبينه ..
انجود بستغراب .؟ منو اللي احبه ..؟
دلال .. لا تتغبين يا انجود ..
انجود .. فهميني منو اللي احبه .؟
دلال .. في غيره .. داود اخوي ..
انجود بصوت عالي وبضحكه ... ههههههههههههههههه اي احبه وامووت فيه ..
دلال بدهشه .. جد والله ..
انجود .. احبه حب اخت لخوها يادبه ..
دلال .. غيره ..
انجود وهي تضحك .. وش تدورين غيره .؟
دلال .. والقلب ..
انجود .. مابه احد فاااضي ..
دلال .. مافيه احد ..؟
انجود .. ولا راح يكون به احد ..
دلال .. ليه .؟
انجود .. انتي تحبين ..!!
دلال .. بصرااحه لا مافي احد جااء واسكنه لكن اذا عندي ولد خال مثلك اكيد بحبه اذا كان مثل طيبة داود ..
انجود .. وش قصدك ..؟
دلال .. ولا شي هههههههههههههه
انجود .. يالله مع السلامه انا حييل مشغووله لمى تجين نسوولف في الموضووع ..
دلال .. اوكيه يادبه مع السلامه ..
**********************
طااارق وصقر عند سلمان .. وياخذون معلومات عن انجود ..ويتشاورون عن خطه يشوفون فيها انجود ..
طاارق .. طيب اختك ما تقدر توعدها في مطعم ..
سلمان .. كيف توعدها في مطعم اسف يا طارق اختي ما احب انها تدخل مطاعم .
طارق .. لا يا سلمان لا تغفلها بوجهي الله يرحم والديك ..
صقر .. ايش رايك تقول لاختك تروح للبحر مثلا ..؟ او اي مكان انت تسمح ترووح له ..
طارق يقااطعه .. لالا سالفة المطعم دااخله راسي عشان اقدر اكلمها يا صقر ..
صقر .. انت ما تدري عنها هل هي راح تستقبلك او لا ..
طارق .. انا لازم اعرفها بنفسي اولا ..
سلمان .. كيف ما فهمت ..؟
طارق .. شوف يا سلمان اختك ماراح تدخل المطعم بس راح توعد انجود انها راح تجي هذا المطعم بس كلام ..
وانا لمى اشوفها راح اجلس معها .. وكانها تنتظر اختك ..
صقر .. يعني موعد زائف ..
سلمان .. اها بس اخااف انه اختي ترفض ...
طارق .. تكفى لا تغفلها بوحهي ..
سلمان .. شوف وش رايك تروح لبيتهم ..
صقر .. لالا ياسلمان هذي صعبه ..
طارق .. سلمان انت المفتح الوحيد اللي اقدر افتح اول بااب منه .. تكفى حااول ..
سلمان .. اوكيه واذا رفضت اختي ..
طارق .. بعدها تقول اختك انك رفضت تاخذها للمطعم وكذا خلاص ..
سلمان .. اخاف تزعل على اختي وتقوول ليه ما اتصلتي علي او تقول انها خطه منها ..
صقر .. لا تخااف يا سلمان انا وطارق مخططين لكل شي ..
سلمان .. بس هي تكره ابوك حيييل وما تحب حنى اسمى كيف لو انه طرف منه اللي هو انت ...
طارق .. تتوقعون انها راح ترفضني ؟؟
صقر .. انا متاكد انها راح ترفضك .. الانه راح تقول لك وينك من زماان ..؟
طارق ..لا انا لازم اقول لها السالفه كلها..
صقر .. هيا انت وش راح تقول لها السالفه كلها ؟؟ واي سالفه ..؟
طارق .. سالفة امها انها ماتت من حادث سياره مو من ابوي ..
سلمان .. ماراح تصدقك ..
طارق .. ليه مارا تصدقني ..!!
سلمان .. الانه البنت من هي وصغيره اهلها قايلين لها انه ابوك هو ذابح امك ..
صقر .. يؤؤه السالفه تتعقد ..
طارق .. لا تتعقد ولا شي ..
سلمان .. وش فيك تتكلم وكانك وااثق من نفسك انها راح تصدقك ..
طارق .. انت بس عطني هالفرصه وانا راح اثبت لك ..
صقر .. كيف ..؟
طارق .. انت ياسلمان ماعليك الا انك تعطيني بس رقمها وانا راح اتصرف ..
سلمان بتعجب .. كيف تتصرف ؟؟
صقر .. خبرنا ؟؟
طارق .. انت بس عطني الرقم وانا راح احلها برووحي ..
صقر .. يا خفي منك انك تخربها يا طارق ...
سلمان .. على العموم انا اخذت الرقم منها ..
طارق .. حلو يا سلمااان ..
صقر .. كيف اخذت الرقم ..؟
سلمان .. ماعليك اخذته بسرااقه عهههههههههههههه
طارق .. وانت متاكد انه الرقم صحيح .؟
سلمان .. اي ومتاكد بعد ... الاني شفت اسمها اولا وثانيا رسايلها.. اكبر دليل ..
صقر .. يا ولد الايه اثريك دااهيه ...
سلمان .. اعجبك ..
ولمى كان سلمان وصقر يضحكون كان طارق بعالم ثاني يفكر كيف يكلمها وكيف يشوفها ..
وكيف راح يلقااها ..وكيف راح يكون اللقاااء ..؟!!
****************
في بيت ام طلال تحديدا في غرفة هند ..
توها صااحيه من النوم تشوف مسج انجود وهي تقول في نفسها ... ليه انا كذا .. ليه عملة كذا في صديقة عمري ..؟
منو الغلطاان انا ولا هي ؟؟ انا ابغى احب مثل ما يحبون البنات ..
وابغى اعيش الحب .. لكن انجود تحرمني منه ..
وهي مو راضيه اعيشه .. لا اكيد انجيد تحب مثل ما انا احب مافي بنت ما تحب ..؟
ليه هي رافضه حبي لبدر ..؟
ليه تسوي فيني كذا ..؟اااااااه ياربي مسجها يبكي الواحد بس ارسل او ما ارسل ..؟ وهل قالت لحد عن سالفتي .؟
لالا انجود ما تسويها اعرفها ما تعلم احد وحتى لو تبغى تعلم تعلم من .؟؟
ماعندها احد يسمع لها ..
اااه ياانجود ادري انا غلطاانه بس ابغى اعيش الحب اللي انتي ما تبغينه ..
وهي ضميرها صوت يقول ..
لا ياهند انجود تكرهك وهي ما تبغااج تحبين مثل البناات .. انجود معقده وانساانه حقوده وش اللي تحبين فيها
حبي بدر بدر يحبك .. بس كيف اطلع معه بعد اليوم كان امي اعرفة بالسالفه اني متهاوشه مع انجيد ؟؟
ياااربي صار الدرب لك يا بدر صعب علي .. اليوم اكشفتني انجود وباجر من يكشفني ..؟ لالا انا لازم احط
حد لانجود عشان ما تفضحني ..؟ بس هي لحد الحين ما تكلمت ..! بس لازم اسكتها قبل لا تتكلم .. بس كيف .؟
الا تسمع صوت البااااب يدق ..
ام طلال .. هند انتي صااحيه ..؟
هند .. ايوه يا يمه صحيت ..
ام طلال تدخل الغرفه .. وتشوف وجه هند اللي شكلها ما نامت ..وتقول .. هند انتي ما نمتي .؟
هند .. هع لا ما نمت عدل جالسه افكر بالدنيا هذي ..
ام طلال .. ليه ياحياتي وش فيها الدنيا ..!! توك صغيره تفكري فيها ..
هند .. ااه يا يمه كيف فرقتني انا وانجود ..
ام طلال بعصبيه .. وانتي بعدك تفكرين بانجود انجود ما تستااهل هالعشره داامها تدوس بشرفها الارض ..
لا يا هند لا تفكرين بالاشكاال هذي وانجد صدقيني راح يجي يوم واعلمها من تكون ..
هند بصراخ دلع .. يمه لا انجود رفيقتي ..
ام طلال .. رفيقتك لازم اعلم اهلها قبل لا تقول انك معها ..
هند .. بس
تقاطعها .. لا بس ولا شي انا اليوم بكلم طلال بالموضووع واخليه يروووح لراشد خالها عشان يعلمه انه بنت اخته
تعرف وااحد وتتهم هند انها معها .. وتبغى تدخل هند بالسالفه اذا تكلمت ..
هند بضحكه هههه وفي قلبها .. والله انك خطيره يا يمه هذا الي ابغااه ابغى اسكتها قبل لا تتكلم ..
ام طلال .. وش فيك يا هند ..؟
هند وبعدها تتحسف .. اه لا يمه انتي تعرفين بالسالفه واذا قالت شي انجود او تكلمت حنا نتكلم ..
ام طلال .. لا يا هنوده لازم اعلم اهلها عشان يربوونها عدل ..
هند .. ومتى راح تبلغين طلال ..
ام طلال .. اليوم ..
هند وهي تحس بتعذيب الضمير مره ومره تحس بانها هذا الي تبغااه اللي كانت ما تعرف هي معها او ضدها اللحين ..
**************
الساعه 5 العصر ..
كان راشد ودلال في بيت ام راشد .وكانت هناك شيخه وفرح مرح وسعد وكل العايله مجتمعه ..
نوره .. ها ياراشد متى انشاءالله نفرح في داود ..
راشد وهو يخز انجود .. والله يا يمه العلم بين اضلوك بس يالله انك توافقين ..
انجود وهي تحس بنظرات خالها لها .. خالي ايش رايك تاخذ صديقتي رهف لاخوي داود .؟
دلال وهي تشووف انجود كيف قالت اخوي ؟
راشد .. اخوك يا انجيد لمى كنتي صغيره الحين هو مو اخوك ..
انجود .. مهما كان يا خالي يظل داود اخوي وانت (ومن غير نفس ) وانت مثل ابوي ..
راشد .. اي صح انا مثل ابوك ووصلنا خير بس البنت لازم تطيع وتسمع كلام ابوها صح يا انجود ولا انا غلطان .!
انجود وهي كلها رعب وتشوف خالها سعد تبغااه يتكلم ..
راشد .. وش فيك ؟؟
انجود .. ولا شي بس وش اللي لازم اسمع كلامك فيه ..؟
نوره بصراخ .. راشد الكلام اللي قلته ما احب اعيده مرتين ..!
راشد .. بس يا يمه ..
تقاطعه نوره .. انا قلت لك بعد موتي سوا اللي يعجبك بس لا تغصبها على شي ما تحبه ..
انجود .. يمه بعد عمر طوويل انشااءالله وش فيك عصبتي خالي ما قال شي ..
نوره وهي تلتفت لانجود .. لمى يتكلم الكبار يسكتون الاصغاار ..
انجود وهي تسكت وتشوف امها متعصبه لخالها راشد ..
راشد .. خلاص ياالغاليه سكرنا الموضوع ..
سعد... وانا اللي راح افتح لكم موضووع جديد ..
الكل ... وشهو الموضووع ..؟
سعد .. عندي بعثه للندن ..
انجود اول وحده اصرخت من الفرحه .. ووواااااووو برووح لندن ..
سعد بضحك .. انا مو انتي ياالعووبه ..
نوره وراشد .. من متى هالخبر يا سعد ..
سعد .. اسف هذي الدوره لازم اخذها وبساافر انا واهلي هناك ..
انجود .. وانا اكيد معك ..
سعد .. للاسف يا انجيد هناك متوفره مدارس بناتي وشيخه راح تاخذ ايجاازه ..
انجود بحزن .. يعني راح تجلسون هناك وتخلوني لحالي هنا ..
شيخه .. انتي منتي لحالك عندك امك نوره وراشد ودلال وخالتك نوف ..
نوره بحزن.. سعد وليه ما خبرتني .؟
سعد .. ما حبيت اني اضاايقك يالغاليه .. والبعثه هذي لازم اعملها ..
راشد .. وكم سنه راح تجلس هناك ..؟
سعد .. يمكن سنه هذا اقل شي للبعثه ..
نوره بحزن .. وانت ترضى تغيب عني سنه ..
سعد منزل راسه .. لا يالغاليه بس هذا شغل ولازم اعمله..
انجود ببكى .. انا ما اتصور البيت من دوونك يا خالي ..
سعد .. اذا جد تحبيني يا انجود تتمنين لي الخير ..
نوره .. وشغلك ليه ما تاجله ليه ترووح عني سنه ..
سعد .. يا يمه الله يهديج اذا جد تبغين لي الخير ترضين الانه هذا طمووحي اني اروح لبعثه وما تدرين
اش كثر غيري كانوا يتمنونها وصارت لي ..
نوره بحزن وبكى صامت .. الله يوفقك يالغالي ..
راشد .. ومتى راح ترووح ..؟
سعد .. للاسف بعد اسبووع ..
الكل بدهشه .. بعد اسبووع ..
سعد .. ابوه الانه توه اليوم جاء القرار على البعثه ..
شيخه وهي تقرب من نوره ... والله يا عمى ما ودي ارووح عنكم بس هذا سعد الله يهديه حتى ما خبرني ..
وانا ما اقدر افارقكم ..
نوره .. دربك حضر يا ولدي وهي تقوم وترووح لغرفتها ...
انجيد وهي تقوم تبغى تركض وراها .. الا ذاك الصوت ..
راشد .. انجود اجلسي ..
انجود بحزن .. بس امي تبكي ..
سعد .. خليها يا انجيد ..
انجود .. لا ماراح اخليها يا خالي ..
راشد .. انجود انا وش قلت ..
انجود . الحين تزعلها وتضاايقها وتصدمها بالخبر ذا وتبغاها تضحك .. خالي سعد انت صدمتنا كلنا مو بس امي نوره ..
سعد .. انجود ما توقعتك تقولي هالكلام ..
انجود بصوت عالي .. الانك غااااااالي يا خالي ..
دلال اللي كانت سااكته وهي تشوف الموقف اخيرا تكلمت ... جد يا خالي صعب هالموقف علينا كلنا ..
كيف راح نستحمل غربتك .. انت غالي علينا ..
سعد.... يؤؤؤؤ الي مثلكم يفتخر باني راح اساافر للبعثه مو تحسسوني بالذنب ...
راشد .. روووح ياخوي دربك سمح .. ولا تخااف
سعد .. انتي اللي تفهمني يا راشد ..
انجود .. وهي تشوف خلها سعد مبسووط بالبعثه ومتضاايقه لامها اللي اطلعت من الصاله وهي تبكي ومتضايقه
من الخبر التعيس ...
دلال .. انجود تعالي فووق ..
انجود .. يالله ..
وهم يرووحون فووق يدخلون غرفة انجود يتشاولاوون ..
دلال وهي تجلس على الكبه .. اكسرت خاطري امي نوره ..
انجود وهي تجلس اقبالها ... وانا اكثر منك .. شفتيها كيف كانت مصدووومه شفتي خال سعد كيف صدمنا كلنا ..
دلال .. عااارفه وربي عاارفه..
الا في هذي الثاانيه يتصل تلفون انجود ..
دلال .. جوالك يا جوجو ..
انجود وهي تشووفه .. هه رقم غريب ..
دلال .. اها وتكمل سالفتها ..
انجود هههههههههههههه ما اصدق فرح الخبله ترووح لندن اشهد اني رحت فيها .. ولا ومرح بعد ..
دلال .. ايش رايك نرووح هناك اسبووع اجاازه ..
انجود .. والله فكره هناك في بيت لخالي والكل عليه بس تذاااكرنا هههههههه
دلال بتعجب .. هذا الرقم الغريب ما تعب وهو يتصل ..!!
انجود .. خليه اكيد غلطاان ..
دلال .. شيليه يمكن يطلع احد يعرفك ..؟
انجود .. لو يعرفني يرسل لي مسج ..يا ذكيه ..
دلال .. علينا ..
انجود وهي ترفع حواجبها .. شنو علينا .؟؟
دلال .. ولا شي بس حبيت اختبرك ..
انجود .. لا يا عمتي اختبري غيري مو انا ..
الا صوت المسج لجوال انجود ..
دلال .. هذا مسج اكيد افهمت راعية الجوال ..
انجود .. واخيرا ما بغت تفهم اني ما ارد على ارقاام غريبه ..
دلال .. افتحيه بسررعه متشوقه اعرف من هي ..
انجود وهي تفتح المسج ..(( اسف ازعجتك لكن ممكن تشيلي تلفونك الاني ابغااك ضروري ..))
دلال .. وشفي وجهك مترووس يالدبه بعلماات التعجب .؟
انجود .. ما فهمت .؟
دلال .. كيف ما فهمتي .؟
انجود .. اخذي اقري يا دلول ..
وتاخذ دلال الجوال وتقراء المسج .. هههههههه حركاات والله ..
انجود .. كيف حركاات ..؟
دلال .. هذا مغاازل جديد ..
انجود . مغازل ..؟
دلال .. اي يتعب نفسه على الفااضي الانه انجود مو من هالحركاات ..
انجود .. كويس انك عرفتي اني ماني من هالحركاات هذي..
دلال .. يبغااك تشيلي الخط وبعدها يتعرف عليك .. ياكثرهم صايرين هالاياام .
انجود .. ليه انتي مجربه ..
دلال .. اي مره اذااني واحد السااعه 1 بليل وبالاخير يقول ابغى اتعرف سكرت الجوال بوجهه وخليته يولي
وبعدها عطيته اخوي داود ..
انجود .. يا خسااره داود اليوم مشغوول ..
دلال .. ياويلي ويلاه منك انتي ..
انجود .. هههههههههههه
الا صووت راشد ينادي دلال ..
دلال .. يؤيؤ هذا ابوي اكيد راح يمشي .. يالله يا جوجو اشووفك على خير يا قلبي ..
انجود .. يالله يادبه لا توريني وجهك الا بعد اسبووع يالله طسي ..
دلال .. ماراح اتعب نفسي برد الاني اعرفك ما تستغنين عني دقيقه هههههههههه..
انجود .. كوويس انك عاارفه يادبه ..
دلال .. هيا انتي وين رايحه ..؟
انجود .. بروح لغرفة امي بشووفها ..
دلال . اها على بالي ترووحي معنا ..
انجود .. ما يحووشك معكم ولا ومع ابوك اشهد اني رحت فيها ..
دلال .. ههههههههههه حرام عليك ترى ابوي والله طيب ..
انجود .. اي علينا ما يمدحه الا اللي منا وفيه ..
دلال .. يالله طولت الحين بيذبحني ..
انجود .. وهذا الطيب ههههههههههههههههههه
دلال .. هههههههههههههههه يالله مع السلامه .
انجود مع السلامه ..
********************
طيف جالسه بغرفتها ودموعها تتكلم عنها تشوف الصور تشوف بقاايا ملابسه تسمع اصوااته بالغرفه ..
تشووف سرابه اللي بقاء بقلبها .. وهي تشوف كل زاويه بغرفتها تتذكره تتذكر قطعه منها غابت وختفت من بين
احضاانها .. ووتالم كل ما شاافة صوورته .. وهي تفتح جوالها وتحطه على فيديو وتشوف بعض الافلام
اللي كانت مصوورتها ..
وهي تبكي وتحضن صور تركي وهي تحط غنية حسين الجسمي ..فقــــدك ..
والله ما يسوى اعيش الدنيا بدوونك .. وهي تصرخ باعماااق صوتها وتقوول خلاص دنياااي معاد لي بها حااجه
اعيش لها داام كل حلم بحياتي تحطم وكل امل بعمري صار سراب وماداام اخذو القلب وش لي اعيش له ..
وهي تاخذ اللوب توب وتكتب كل شي بقلبها وهي تبكي ..وتقول منو يسمعك يا طيف الكل في عالمه عايش
الكل مو راضي يسمعك او يسمع هالقلب اللي تعب يشكي .. كل واحد عايش بعالمه وما يبغى احد يدخل فيه
الى متى راح يفتحون قلبهم متى يحسون باللي احسه .. اااه صعب انك تفقد قطعه منك صعب .. محد حس
باللي احسه .. ياربي ليه يصير معي كذا ليه اتعذب ليه محد حااس بي ولا بجرووحي اللي عذبتني ..
وتستغفر ربها وتفتح المااسن .. الي كان الشي الوحيد الي كان يسليها ويخفف عنها من هالدنيا اللي عذبتها..
وهي تفتحه ما كان احد شاابك .. الا تتذكر المنتدى الي عطااها حمد وتفتحه وتشوف في رساله بس لمى
حاولت تفتحها لقت ممنوع قراءة الرساله الا بعد 100 مشاركه .. وشااركت في الشعر وهي تفرح بشعراء
الموجودين لدرجه تعلقت بكل قصيده في المنتدى وبعدها تفتح قسم القصص وصارت تحفظ قصه وراء قصه
كل القصص الي تحفظهم رومانسيه .. وكانت اول قصه تقراها الخوف من الحب .. وهي تقراء القصه الا ذااك
الشخص يدخل ايميلها ..
حمد .. الوووووووووووووووووووووووو << يهز الايميل
طيف .. ههههههههههه بس عورت راسي ..
حمد .. وينك تعبت وانا اقوول السلام عليكم وينك ..
طيف .. هلا والله وعليكم السلام .. سوري كنت مندمجه على القصه ..
حمد .. اي قصه ..؟
طيف .. قصه في المنتدا اللي عطيتنيااه ..
حمد .. اها انتي هناك ..
طيف .. ايوه الصرراحه ويني انا من زماان عن المنتديات ..
حمد .. هههه توك تعرفي بانه المنتديات حلوه ..
طيف .. جد فيها شعرراااء كثاار وكلهم موااهب ..
حمد .. لا يغرك اكثرهم حرااميه ..
طيف .. كيف حرااميه ..؟
حمد .. يسرقون اعمال غيرهم ويحطوونه باسمهم ولا ما يكتبوون منقوول ..
طيف .. معقوووله ..
حمد .. يا كثرهم يعملون كذا ..المهم مالنا شغل فيهم .. كيفك يالغاليه الحين ..
طيف ..ااااااه يا حمد انا تعبانه جيل
حمد .. سلامتك يالغاليه عسى ماشر ..؟
طيف .. اشتقت له يا حمد اشتقت لصوته ..
حمد .. تركي ..
طيف وهي تبكي وسااكته ...............
حمد .. وينكِ يا ملاك ..؟ ملاك ..
طيف .. هلا معك ... بس ما اقدر استحمل فراااقه يا حمد ..
حمد .. تبكين ..؟
طيف ..صار شي عادي البكى ..
حمد .. ملاك ..
طيف .. غير الموضوع الاني جد تعبانه...
حمد .. لا يا ملاك .. اذا سكتي كل ما تعبتي راح تتعبي اكثر ياليت يا ملاك لو تفضفضي يا قلبي ..
طيف .. قلبي ..!
حمد .. اسف اذا تعديت عن حدودي ..
طيف .. لا عادي بس وش افضفض اذا التعب متملكني ومو راضي يتركني ..
حمد .. الحين طليقك اخذ تركي .. وانتي لازم تعشين حياتك يا ملاك .. لا توقفي تحطين يدك على خدك هذا اكبر
خطا يا ملاك عيشي حياتك وتركي راح يكون بامان الانه عنده ابوه .. وانتي لازم تعشين حياتك ..
طيف .. كيف اعيش ..؟ ما تقول لي ؟؟ كيف الانسان يعيش من دوون هواء ..؟كيف يعيش من دون ناس حوله ..
حمد .. عارف انه صعب بس انتي لا تظلمي نفسك ..
طيف .. ما تقول لي منو راح ياخذ وحده عندها ولد ومطلقه .. ولا وعمرها صغير بعد .. ومكسوره من الداخل
حمد .. وانتي ليه تفكرين بالناااس ..
طيف .. المشكله النااس صار اهتمام الكل ...يا حمد ..
حمد .. شوفي يا ملاك .. اذا مشيتي وراء الناس تعبتي صدقيني تعبتي ..
طيف .. اااااااااه يا حمد ..
حمد .. سلامتك يا ملاك .. ملاك ممكن اقولك حااجه في قلبي ..
طيف بتعب .. تفضل انا كلي اذاان صااغيه ..
حمد .. بس تكفين لا تفهميني غلط يا ملاك ..
طيف .. كيف يعني ..؟
حمد .. اسمعي هالاغنيه وابغى منك وش فهمتي منهااا ..
طيف .. طيب ..
حمد .. اخذيها << استقبليها ...
طيف .. وشهي الاغنيه ..؟
حمد .. راح تعرفينها بس خليني اقول الكلام اول ..
طيف ..؟ كيف تقولي الكلام وانت قلت بالغنيه تفهمين ..
حمد .. ههههههه خاني التعبير ..يالغلا ..
طيف ..هههههههه اووكيه تفضل.. يا حمد ..
حمد .. اولا دووم هالضحه ..
طيف .. تسلم يالغالي ..
حمد .. ها جاائت لك الاغنيه ..
طيف .. ايوه ..
حمد .. شغليها ..
طيف .. حسين الجسمي ..
حمد .. ايوه اسمها حبي الكبير .. بس طلبتك تسمعينها وانتي مغلقه اللمى ..ولا تكلميني
طيف .. هههههههه ليه ..
حمد .. اسمعي كلامي ..
طيف .. طيب والكلام اللي تبغى تقوله لي ..؟
حمد .. تاجل الى حين ساابق ..
طيف ..ههههههههههه حلوه ذي ..
حمد .. طيب ..
طيف ..انت عندي حاجه غير .. هذي مافيها كلام ..
عمري وحبي الكبير .. منت واحد والسلام ..
يعني اخذ مني ضماااااان .. باختصار وكلمتين .. انت حااجه بزمان ما تتكرر مرتين ..
وحدك لي منت فيه .. ما تغيب من غلاه .. لو سالت عنه قريب جاوب عيوني لقااه ..
يعني خذ مني ضمان باختصار وكلمتين .. انت حاجه بهالزمان ما تتكرر مرتين .. منت واحد والسلام ..
تدري اني ياغلاي صرت اشوف الدنيا فيك .. من كثر طيبك معاي خايف احستني عليك ..
حمد .. حلو سمعتيها ..
طيف .. حلوه..
حمد .. وش فهمتي منهاا ..
طيف .. ابغااك تتكلم قبل لا اقول الكلام اللي فهمته ..
حمد .. كيف ..
طيف .. يمكن اكون فااهمه غلط ..
حمد .. انا ابغى فهمك الغلط هذا وشهو ..؟
طيف . تكلم يا حمد ..
حمد .. انا ما اقدر اتكلم الاني جد خاايف اخصرك بس باكتب لك برساله على الايميل وابغاك تقرينها ..
واذا ما عجبتك لا تزعلي علي تكفين يا ملاك ..
طيف .. اووكيه بس متى هالرساله راح تكتبها ..
حمد .. الحين بغلق الايميل وبكتب الرساله عشان ما اخااف منك ..
طيف .. يؤ لهدرجه انا اخوف ..؟
حمد .. لا بس اخااف من الصدمه تصيبني ..
طيف .. طيب على راحتك ..
حمد .. اووكيه برب يالغلا .. وابغى اسمع ردك بالايميل الاني ما اقدر استحمل انتظرك ببالماسن ..
طيف .. طيب ..
حمد .. فمان الله ..
طيف .. وبحفظه ياغالي ..
**********************
بعد مرور اسبوووع كامل .. ساافر الخاال سعد .. وجوال انجود لسه يستقبل هالرقم ولا راضي يتركها لحالها ..
ويرسل لها مسجاات .. يطلب فيها انه تكلمه على الاقل وانجود معطيته طااف .. وفي الكليه .. كانت جالسه انجود تذاكر
مع رهف وطيف ..
انجود بعصبيه .. يؤؤؤؤؤؤؤه يا ناس هالرقم مو كافيني من شره ..
رهف بضحكه .. ردي ليه ما تردين ..
انجود ترفع حواجبها .. يمووون ولا ارد على واحد سخيف ..
طيف .. ليه متاكده انه سخيف .. يمكن شي ظروري .؟
انجود .. لا متاكده انه سخيف ..
الا تدخ عليهم هند ... السلام عليكم ..
الكل .. وعليكم السلام ..
انجود تشوف هند من فووق لتحت وتاخذ اغرااضها وتروح لطاوله الثانيه ..
رهف .. انجود وش فيك قمتي تعالي اجلسي معنا ..
انجود وهي واقفه تشوف هند .. بنظراات تعجب وهي تقول في قلبها .. والله ولك وجهه تجي وتجلسي معنا ..
هند .. وهي تبادلها النظره وهي تقول .. ياخووفي يا انجود منك من نظرتك ..
انجود وهي تغض النظره وتروح لطااوله الثانيه ..
طيف .. انجود وش فيك ..
انجود .. خليني بحالي يا طيف ..
طيف .. ماراح اخليك الا لمى تقوليلي وش صااير معك مع هند ..؟ ليه تشوفينها كذا ..؟
انجود .. خليني بوحدي ياطيف ..
طيف .. انجود ليه منتي راضيه تتكلمين ..
انجود وهي تشوفها وبعصبيه .. طيف لو سمحتي خليني برووحي ..
طيف .. اووكيه على راحتك بس حبيت احل المشكله ..
انجود .. مشكووره بس المشكله اللي بيني وبين هند مستحيل تنحل فهمتي ..
طيف .. ليه طيب ..؟
انجود وهي تقوم .. اساليها واذا فيها خير تجااوبك بالحقيقه ..
طيف .. كيف ما فهمت ..؟
انجود .. مع السلامه ..
طيف .. كيف مع السلامه انتي عندك محاظره الحين ..
انجود.. ليه اروح لها داام اخر عمري ميته ..
طيف .. انجود كلامج غاامض ..
انجود .. يكون احلى شي غاامض .. وهي تطلع ..
طيف تروح لهند وتسالها ..
رهف كانت تسالها وهند تصاارخ ..
هند .. مالي شغل فيها اسئليها ليه هي كذا لها كذا يوم مسويه وكاني ظالمتها او ماكله من حلال ابوها حااجه ..
طيف .. لا يا هند السالفه اكيد كبيره ..
هند بخووف .. وش سالفه وش اي خربووطه ..
رهف .. غريبه انتي مع انجود من كنتوا بالرووضه والحين تتفرقون وعلى شي ولا وحده راضيه تتكلم ..
هند .. ما ادري عنها اسئليها ..
طيف .. كيف اسئلها وهي تقول انه مستحيل ترد العلاقه معك مره ثانيه يا هند .. انجود شكلها جد زعلانه ..
هند .. ما همتني زعلانه متضاايقه ما همني خلوني بحالي ..
رهف .. سبحان مغير الاحوال .. الي هند وانجود يتفرقون انتوا لازم تقرون على بعظكم سورة الكرسي عن العين ..
طيف .. روحي انتي .. وين سوالف العجز ..
هند وهي سرحاانه تقول في قلبها .. زين سويتي يا انجود وما تكلمتي بس شووفي وش راح اسوي بك ..
ولا وناويه تتكلمين وتقولين لهم لو فيني خير خليني اقول الحق .. اووكيه يا انجود ..
طيف ..اووكيه يا هند ليه ما ترجعوون لبعض ..
هند .. لا ما ابقااها .. انجود صايره ماتتعاشر ابد ..
رهف .. من بعد ايش عرفتي انها ما تتعاشر ..
هند .. اوووووووف انا طالعه ..
طيف .. وانتي بعد طالعه على فين ..
هند .. طالع برووح للمحاظرتي ..
رهف .. اها اووكيه مع الف سلامه ..
هند .. مع السلامه << وتطلع ..
طيف بعد ماراحت هند ... لا ماني مصدقه السالفه فيها انه ..
رهف .. وانا معك لا السالفه كبيره ..
طيف .. مو سالفة هوشه عاديه ..
رهف .. كيف يعني ..
طيف .. السالفه كبييييره اللي خلت انجود تبتعد هي عن هند ..
رهف .. و الفرق ..
طيف .. الفرق كبير لو تبتعد انجود .. الانه انجود مو من النوع اللي تزعل على هند الا من شي كبير يمكن يتهاوشون
وبعدها يرجعون باليوم نفسه بس كذا نفس اليوم لا كل وحده بطاوله وكل وحده تشوف الثانيه بطرف عينها ..
رهف .. وانا اكثر منك تعجب ..
طيف .. الله يستر وش اللي حااصر ..
رهف .. يا خبر اليوم بفلووس بكره ببلاش ..
طيف .. صدقتي .. ههههههههه
******************
في سيارتها الا يدق جوالها ه نفسه االرقم اللي طوال الاسبوع يتصل عليها .. انجود يؤؤؤه تعبت منه انا لازم
اوقفه عند حده ..
انجود بعصبيه .. الووووووووووو ..
المتحدث .. السلام عليكم اولا ..
انجود .. وعليكم السلام والرحمه نعم وش تبغى تراك ذبحتني ..
المتصل .. ادري اني ازعجتك بس ياليت انك تسمعيني ..
انجود .. قبل كل شي منو عطااك رقم جوالي ..؟ ووش تبغى مني ..
المتصل .. انتي في السياره .؟
انجود .. ليه وش تيغى ..
المتصل .. الاني خايف عليك ممكن تصفتي على اي نااحيه وتكلميني ..
انجود .. ليه طيب ؟؟
المتصل .. الانه كلامي راح يطول وثانيا ابغااك تكوني منتبهه معي ..
انجود .. انت ما جاوبت على سؤالي من وين اخذت رقمي ..
المتصل ... رقمك اخذته وما يهم كيف اخذته او من من ..
انجود .. شكل الكلام معك ضاايع ..
المتصل وكله ضحك وفرحاان لمى سمع صوتها واسلووبها ..
انجود .. ممكن اعرف ليه تضحك .. ؟؟ اظن ماله اي دااعي للضحك ..
المتصل .. معك حق .. بس انجود ابغااك في موضووع جد ظروري ..
انجود .. ولا وتعرف اسمي بعد ..
المتصل .. هذا اهم حااجه اسمك ..
انجود .. قل انا اسمعك ..
المتصل .. ممكن اشوفك الحين ..
انجود .. ههههههه ضحكتني .. هذا الموضوع الضروري ..
المتصل .. جد الموضوع الضروري ما اقدر اقوله في الجوال ..
انجود .. اقول دور عذر ثااني الانه هالعذر او هالعباره صارت مفهوومه ..
المتصل بجديه .. انجود .. انا انتظرك الحين عند البحر ..
انجود .. وانت ليه متاكد اني راح اجي ..
المتصل .. اذا جد تهمك حياتك تعالي .. الانه عندي كلام بقوله والكلام يتعلق فيك يا بنت الهاري ..
انجود بصدمه .. وشهو وش عرفك بعايلتي بعد ..
المتصل .. انا قلت لك ثواني اذا ما جيتي صدقيني انتي اللي راح تندمي ..
انجود .. اووكيه ممكن سؤال ..؟
المتصل .. تفضلي ..
انجود .. انت تعرف هند .؟ << انجود ظنت انه هذا رفيق هند جااي يكلمها بس للاسف كانت غلطاانه ..
المتصل .. لا ما حصل لي الشرف فيها ..
انجود .. يعني هي مو مرسلتك لي ..
المتصل .. صدقيني لا الموضوع يتعلق فيك انتي بس ..
انجود .. وين اي البحر ..
المتصل .. يعطيها العنوان ويقولها عن كل شي ...
انجود .. لحظه .. انت وش اسمك ..
المتصل .. لمى تشوفيني راح اقول عن اسمي لك ..
انجود .. طيب انا حاليا قريبه منك ....
المتصل .. وانا انتظرك يا انجود ..
انجود وكلها خووف وهي تغلق ياربي منو هذا اللي يعرف عني كل شي ..؟منو هو ..؟ ليه وش يبغى مني ..؟
لا يانجود لا ترووحين اخاف يصورني وبعدها يهددك ..؟ لالا بشووف وش الموضووع اللي ذابحني فيه ..
وتصفط سيارتها على البحر وتنزل الا ذااك الشخص اللي قريب منها ..الشخص اللي اول ما شاافها ابتسم
وهو يشووف اخته تتجه له من غير ما تدري وهو يشووف جمالها وبسااطتها .. وهو يقول وينك من زماان يا انجود ..
وهو يشوووف وجها الي ملياان حزن ..
طاارق وهو يقرب منها ... انجود صح ..
انجود وهي تشوف طارق بهذي السااعه خفق قلبها بس .. وما تدري وش هالشي .؟؟ ليه بذاات هذا الشخص .؟
يمكن خوف الاني اول مره اطلع مع شخص ..؟
طارق .. السلام عليكم ..
انجود وهي تلتفت من الخوف.. وعليكم السلام..قوول وش عندك ..
طارق .. انجود الصراحه ماادري كيف ابتدي .. وهو يشووفها ويقول واخيرا وصلت لك يا انجود واخيرا ..
انجود .. اقولك خلصني وش تبغى .. تراني مشغووله ..
طاارق .. اسف بس كلامي يطوول وياليت انك تسمعيني للاخر ..
انجود .. تفضل ..
طارق .. اجلسي << كان على البحر كراسي اقبال بعض وتجلس مع طارق اخوها الي ما تعرف انه اخووها ..
انجود .. اسمك .؟
طارق .. ماراح اقولك عن اسمي حاليا .
انجود .. ليه طيب ..
طارق بجديه..اسمعيني يا انجود..
انجود بخوف .. تفضل اسمعك ..
طارق .. انا لي اسبوعين وانا ادور عنك وبصعووبه يالله قدرت اني القااء رقمك .. وبصعووبه مثل ما تعرفين رديتي
علي .. انجود انا ما جيت ولا اتصلت الا وانا ابغااك تسمعيني للاخر ..
انجود .. ايوه ..
طارق .. لا تقاطعيني .. انجود اعرف انه امك ميته وابوك عايش ..
انجود.. وش جااب سيرتهم الحين ..؟
طارق . اسمعيني ولا تقاطعيني .. انجود انا طول عمري محرووم من امي مثلك يمكن انتي جلستي معها 5 اسنين
عشتي حنانها لكن انا لا .. انا يا انجود مثلك عندي ابو بس مرات احس انه صديق ومرات احس انه عدو .. لكن
انصدمت من شهر واحد بس من شي ما كانت اعرفه .. من شي انصدمت منه من ابوي انه يعملها .. انجود ..
انا انصدمت بعد هالعمر انه عندي اخت ما كنت اعرفها من قبل ولا احد خبرني فيها .. وعرفت بصدفه وربي ..
انجود .. كيف ما فهمت يعني ..؟
طارق .. اعرف ماراح تعرفي الانه اسلووب خاني ولا ما اعرف كيف اشرح لك .. بس خذي بطااقتي راح تعرفي
على اسمي وكل شي بس تكفين يا انجود لا تنصدمي .. الان انا بعد منصدم .. ومحتار ليه ما خبرني ..
انجود وهي تاخذ البطااقه .. وتشهق ..طاارق غانم محسن الهااري ..
طارق .. اظن يا انجود اسمي مطاابق اسمك .. ولا انا غلطاان ..
انجود .. ..........................< سااكته ومذهوله ..
طارق .. انجود والله انا انصدمت لمى عرفت بصدفه انه عندي اخت ولا احد خبرني فيك حتى ابوي الله يسامحه ..
انجود بدموع وبهمس .. وش تبغى مني ..
طاارق ..ابغااك تردين يا انجود .
انجود منزله راسها .. ارد فين ؟؟
طارق وهو يقرب منها .. حق بيت ابوك ..
انجود .. اذا ابوي ما يبغاني ليه اروح له ..
طارق .. ابوي يبغااك يا انجود ..
انجود .. انت تكذب على حالك يا طارق ..
طارق .. ليه اكذب يا انجود .. صدقيني ابوي ندمااان كثير على ضيااعك ا انجود ..
انجود بصراخ .. اللي يتحسف يجي يعتذر مو يسكت و يذبح انساانه ماعمره شاافها بحيااته .. طارق .. ابوك بنسبه
لي ميت ياليت تقوله انجود تقول لك انت ميت بنسبه لها .. انت ميت مثل ما ذبح امي يا طارق انت ما تعرف انه ابوك
قااتل .. (بصراخ ) ابوووك قااتل امي يا طاارق ..
طارق .. انجود هدي .. اللي قالول لك غلطانين ابوي ما قتل امك ... امك هي مسويه حادث وهو كان بعيد عنها ..
كيف يقتلها ..وهذا قدر ربك انها تمووت
انجود .. لا يا طااارق ابوك قااتل ولا تحااول تغير هالنظره ..
طارق .. لكن انا سئلته وقال لي كانت طالعه منه وهي متضاايقه وبعدها سوت حادث ..
انجود.. حلو انه اعترف يعني كانت طالعه منه وهي متوتره منه ... وداامك سئلته ليه ما سئلته ليه ما يبغااني في حياته
ليه بااعني وانا قطعه منه يا طاارق ..
طارق .. من قال ما سئلته ..
انجودوهي تبكي بقووه .. تكفى هالسؤال ملازمني 19 سنه واحااول اعرف وش اللي ماانعه مني .. ليه ما يبغاني
بحيااته ... تكفى ياطاارق خبرني ليه ليه .. ليه يحرمني منه .. ليه كل ما اقول لاهلي ابوي وينه يقولون لي بااعك..
ليه ما يبغاني .. ..؟؟وهي تبكي وتحظن يدينها على وجهها ..
طارق وهو يقرب منها ويجلس جنبها .. انجود هالسؤال بذاات ما لقيت له حل عنده ..
انجود وهي ترفع يديها عن وجهها .. كنت عااارفه انه ما راح يرد عليه ..الانه انساان خوااااف .
طارق .. عيب يا انجود هذا ابوك ..
انجود بصراخ.. قلت لك الف مره انا ابوي ميت ....
طارق .. ياليت يا انجود انك تراجعي نفسك ..
انجود .. وش ارااجع .. من انساان رماني على هالدنيا وما شاافني ولا مره ولا تعب نفسه انه يشووف بنته ..
من وااحد بااع القطعه اللي من كبده عشاان افلووس وزوجته .. من وااحد ما خااف من ربه لمى جاااءت لهه امي
تترجااه انه يشووفني او يعتبرني بنته بالاوراق .. ليه يا طارق هو ما يحااسب نفسه .. ليه ياطارق ما تقول لي
ليه ما ليه ما جااوب على سؤالك لمى سئلته وقلت له .. ليه ما خبرتني او ليه ما خليتها تعيش معكم ...
طارق .. بس يا انجود ..
انجود تقااطعه .. اقول يا طارق لا تتعب نفسك .. وابوك بالنسبه لي ميت ..ولو تنطبق السما على الارض ما سامحته ..
على اللي سواء فيني ..
طارق .. ومن قال لك ابوي خلاك عشاان الفروس ولا زوجته ..
انجود .. توك تقول ما تعرف وش السبب اللي خلاء ابوك ما يبغاني .. كيف الحين تبرر له يا طارق ..
طارق .. انجود انتي متوتره الحين هدي ..
انجود .. وش اهدي اي اهدي .. انت تعرف وش اللي تقوله قبل لا تتكلم ..
طارق ... ما جيت هنا وما طلبتك الا وانا عارف وشس راح اقول ..
انجود .. بااين .. لكن اللي جااي له راح يفشل الانه لو جااء يساامحني تهون علي اني اموت ولا اساامحه ..
وهي ترفع يدها عاليه وتدعي .. (( يارب انك تحرمه من الجنه مثل ما حرمني من حنانه .))
طارق بصراخ.. انجووووووود وش قااعده تقولين ..
انجود ..(( يارب انك تعذبه في اخرته مثل ما عذبني في دنيااااي ))
طارق وهو يمسك يدها بقووه ... ابوووك هذا يا انجود ..
انجود .. قلي وش اخذت منه غير عوار القلب ..واحب اطمنك داايم اقول لها هالدعا ياليت تقول له هالكلام وتقول من
كثر ما تحبك انجود تدعيلك
طارق .. مهما كااان هذا ابوك ..
انجود وهي تقوم .. لا تتعب نفسك معي ابوي ميت .. وهي تطلع ..
طارق .. وانا يا انجود ..
انجود .. وانت وشهو .؟
طارق .. راح تسوين فيني مثل ما سويتي بابوك ..
انجود .. وهي تشووفه بنظره وبعدها تقول .. كنت اتمنى ان يكون لي اخو افتخر به لكن داامه منه اعذرني ..
موت ولا افتخر في وااحد من الهااري .. وهي تطلع .. ولكن قبل لا تطلع تقول له هالكلمتين ..
انجود .. ياليت يا طارق ما تتصل علي وتمسح رقمي عندك ..وهي تمشي ..
طارق وهو يشووفها رايحه ويقوول .. اااه يانجود ما ادري ليه سكت لمى شفتك ما ادري ليه انخرس لساني
لمى تكلمتي ماادري منو المظلوم انتي ولا ابوي .. ااااه يا يبه وش سويت ضيعتها من يدك وانت السبب ..
****************
السااعه 12 الظهر .. تدخل انجود البيت .. .
نوره .. هلا والله بانجود ..
انجود.. هلا والله فيك يا شمعة هالبيت ..
نوره .. تبغين غدى يا عين نوره ..
انجود .. لا يا يمه تعباانه شوي .. وابغى ارتااح .
نوره .. على راحتك ..
وترووح انجود لغرفتها وهي متحطمه ومذهووله من الكلام اللي قالته يعني معقووله هذا اخوي طارق وش اللي قلته
له ياربي ما ادري وش قلت .. كانت في حاله ما يعلم بها الا ربي .. اووووووووووف .. وتمسك
جوالها .. وتتصل في داود ...
انجوود .. السلام عليكم ..
داود.. وعليكم السلام والرحمه ..
انجود .. كيفك ..
داود .. بخير يالغاليه ..
انجود .. داوود ..
داود .. وش فيك يا انجود احس انك متضاايقه ..
انجود وهي تبكي .. ...........
داود .. وش فيك يا انجود ..
انجود .. ما اقدر اقوله بالتلفوون .. بس ياليت انك تجي لللبيت الحين ..
داود.. اسف يا انجود حاليا انا في الكليه وبعدها برووح لمشواار مع صديقي مشوار مهم ..
انجود ..اووكيه مع السلامه ..
داود .. لحظه يا انجود ..
انجود .. خلاص ما ابغااك .. وهي تغفل الجوال ..
داود .. يحااول يتصل عليها مره ثانيه بس ما ترد .. وهو يرسل لها رساله ..
((( وش فيك يا انجووود ردي علي لا تصيرين دلوووعه زيااده وش قلنا )) وهي ما ترد عليه ..
لكن كانت المصيبه الكبرى تحت .. اللي ما كان احد حااسب لها احسااب ولا متوقعها ..
يدخل الخال راشد معصب ..
نوره .. راشد وش فيك ...
راشد .. وينها وينها بنت الكلب .
نوره .. منو اللي وينها ..؟
راشد .. في غيرها سود الله وجها .. انجود ..
نوره .. وش سوت انجود..
راشد .. وينها يا يمه ..
نوره .. لا تقرب منها يارااشد وقلي وش سوت ..؟
راشد بعصبيه .. اكيد وش سوت تدلعينها وتقولين محد له خص فيها شووفيها سودت وجوهنا سود الله وجها ..
هذي اخر تدليعتك وين شووفيها ..
نوره .. خبرني وش سوت .؟
راشد يعطي امه ظهره ويركب لدرج ومعه عصااه .. رايح لغرفة انجود ...ويدخل غرفتها بكل قوه ..
راشد... انجوووووووووووووود ..
انجود كانت ممدده ارجولها وتقرا كتااب ..وهي تفز بصووت خالها ..
راشد .. وهو يقرب منها من السرير ويشووش شعرها .. وينزلها عن السرير وانجود بصرااخ ..اااااااااااااااي
ااااااااااااااااي يا خالي ..
نوره وهي تصعد الدرج .. وتدخل غرفة انجود ... راشد خل انجود ..
راشد بصراخ.. يمه اطلعي برى وربي لسوي فيها شي ما شاافته .. على اخر العمر تسود وجهنا ..
نوره .. قلي وش سوت ..
راشد وهي يضرب انجود بقوووووه .. وانجود تصاارخ ااااااااااااااي يماااااااااااااا يماااااااااااااااا
راشد .. على اخر العمر يجي طلال ويقوولي امسك بنت اختك عن اختي هند .. الانها تكلم وااحد وتطلعين
معه ومهدده هند ااذا تكلمت راح تفضحينها .. هذي اخرتها يا انجود ..
انجود .. وربي ما اكلم احد ولا عمري طلعت معه ..
نوره .. لا ياراشد انجود ما تسوويها ..
راشد يمسك امه ويطلعها من الغرفه بالغصب ..
نوره وهي تصاارخ .. لا ياراشد لا ياراشد ..
راشد .. لا اذا سكت كثير يا يمه والحين لازم اربيها عدل ..
انجود وهي تبكي وتترجى خالها .. والله يا خالي انه هي اللي تسوي كذا ..
راشد .. ولا تتبلين على البنت .. وياخذ العصى ويضربهاااااااا بقوووه .. وانجود بصووت بصرااخ وبالم
بكل لغة وجع واههه تتصرخ وامها نوره وراء البااب لا حول ولا قوه لها الانه راشد غاافل البااب ..
انجود ... ااااااااااااااي ياخالي وربي ما سويتها ...
راشد .. انا دلعتك كثييير يا انجود انا خلاص لازم اربيك من اول ..ويضرب بقوه ما تتوقعونها لدرجه خلت انجود ما
تصرخ من الاه بس خلتها تصرخ بصووووت خله القلب ينطق من الوجع .. انجود اغمى عليها ..
نوره من وراء الباااب .. راشد افتح يا راشد وش فيها انجود راشد .. ..
راشد وهو يفتح الباااب .. الا امه نوره تطيح على الباب من اول ما شاافة انجود ودمها حولها وبكل ظربه بجسمها ..
نوره .بهمس وهي مااسكه قلبها على الارضوتبكي بقوه وهي جالسه.. وش سويت يا راشد .. وش سوويت يا راشد .
وهي تطيح وتشهق ويقرب منها راشد .. يمــــاااااااااااا يمـاااااااااااا ..
نوره ..وهي تشوف راشد بعيونها وهي غضباانه عليه وهي طاايحه على الارض تلف رقبتها وتشوف
انجود كيف طاايحه هي الثاانيه والدم حولها وجسمها مكسووور من العصى وكيف العصى انكسرت على جسمها ..
راشد وهو يشووف عيون امه غمضت وهو يصرخ بصووووووووووووت عالي .. ويسرع يشيل امه ياخذ
للمستشفى ..ويشيل انجود معه وهو يتصل على داود ويقوول له الحقني للمستشفى ..
في المستشفـــــى كان داود .. وهو يصارخ على ابوه ..
داود . ليه يا يبه تسووي كذا ليه .. ليه تضربها .. شووف الحين امي نوره دااخل عند الدكتور له سااعه ما طلع
وانجود في العناايه المشدده ولا وهذا غير الستجواب الي راح يحققونه معك ..
الدكتور يطلع من الغرفه ..
راشد .. ها يا دكتور اشلوونها امي ..
الدكتور .. البقيه في حياتك ..
راشد وهو يصرخ ويجلس بركبه ويمسك راسه اااااااااااااااااااااااااااااااا انا السبب ..
داود منذهل من الخبر ومو متوقعه .. واول شي جاء براسه كيف انجود راح تستقبل هالخبر ..