رواية: هرجع... ♡
الجزء ال29 ♡
بقلم سما طارق ( ي اختشي 🙂 ) ♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
انا حطيت راسه على رجلي تاني.
- اتفضل... سامعاك.
= انا خسرت شركتي.
- ايه... يعني ايه... ازاي...و.........
قاطعني.
= عدو ليا دفع رشوه للسكرتيره ولكام مهندس كده علشان ينقلوله اخباري... وكل ده وانا كنت شاكك في المهندسين... لكن السكرتيره متوقعتش خالص علشان انا اللى معينها... بس طلعت خاينه... وباعت الشركه... انا دلوقتي عاطل الحمد لله.
انا كنت بسمع الكلام بصدمه.
= سما.
- هاا.
= روحتي فين.
- مصدومه... يعني انت شركتك ضاعت منك دلوقتي.
= ايوه تعب كل السنين اللى فاتت راح... بس هنتقم من اللى عمل كده... ده انا اياد الغول مش اي حد.
- هتعمل ايه.
= مش لازم تعرفي... المهم دلوقتي اننا نبني شركتنا من اول وجديد.
- شركتنا!!.
= ايوه... قلبي الصغنن هيساعدني اكيد.
انا بصيتله... هو ده الموضوع اللى انا كنت خايفه افاتحه فيه... انا كنت عايزه اكمل حلمي وابني اسمي زي ما حلمت من صغري... وبكده انا هقدر اعمل اللى انا عايزاه... قاطع تفكيري صوته.
= حبيبي.
- هاا... نعم.
= روحتي فين... لو مش عايزه تساعديني خل.......
قاطعته.
- لا طبعاً عايزه.
مسك ايدي وباسها.
= حبيبي يا سمسم.
- خلصت كلام.
= اه... اشمعنى.
- مش ملاحظ انك جلدني.
= ملاحظ... عايزه ايه يعني.
- عايزه حقي.
= ده اللى هو ازاي بقى.
- زي ما انت عاقبتني على حاجه انا مليش زنب فيها... انت لازم تتعاقب على اللى انت عملته.
قام من على رجلي وبصلي.
= هتعاقبيني ازاي يا حلوه.
- متستهزقش بيا.
شدني من وسطي.
= قوليلي بس هتعاقبيني ازاي.
- هتروح تنام جنب حمزه لبقيت الأسبوع ي قمر.
= بتهزري... لا مش هروح انام بره اوضتي.
- هتروح يا اياد... والله انا مش طايقاك اصلاً بسبب اللى انت عملته فيا... انا رجعت بس علشان حور وحمزه... غير كده والله ما كنت هرجع.
= كنتي هترجعي.
- ومالك واثق كده ليه.
= كنتي هترجعي علشان بتحبيني.
- تؤ تؤ... مكنتش هرجع... وكمان فين وصية الرسول « استوصوا بالنساء خيرا»... هل اللى انت عملته ي.......
قاطعني.
= سما.
بعدت عنه ورجعت ضهري لورا.
- نعم.
= انا اسف... والله اسف... عمري ما هعمل كده تاني والله.
- ماشي يا اياد.
= بحبك.
- ده ميمنعش انك هتروح تنام جنب حد من عيالك لبقيت الأسبوع.
= عيله بارده.
- شكراً.
سكتنا شويه.
- اياد.
= قولي.
- انت متأكد اننا بقالنا ست سنين متجوزين.
= بيقولوا حاجه زي كده.
- الوقت عدى بسرعه اوى.
= مهما الوقت عدى هفضل احبك العمر كله.
- نينينيني... برضو هتنام جنب حمزه او حور.
= يا زفته مش بحب انام في اوضه غير اوضتي او جنب حد غيرك.
- ده علفكره ابسط حاجه ممكن تتعمل... وكمان ده مش عقاب اصلاً... دي حاجه بسيطه علشان انا مش طايقاك.
= طب قومي اعملي الغدا بقى.
- احنا لسه الصبح.
= انا عايز اتغدى الصبح... ده ايه الرخامه دي.
- مش هقوم اعمل غدا الصبح انا.
= والله رخمه.
كنت هرد عليه بس قاطعني صوت خبط على الباب... كانت ريناد وحور.
❀ يا سوسو.
❥ يا يودا.
- ادخلوا.
دخلوا.
❀ عامله ايه يا زفته... وخرجتي ليه من غير ما تقوليلي.
= يعني هي كانت قالتلي علشان تقولك.
- ما خلاص بقى.
قولتها بصوت عالي شويه.
❥ ايه ده... سمسم بتعرف تزعق.
قالتها بضحك.
- بتتريقي عليا يابنت اياد.
اياد شد حور وخدها في حضنه.
= مالها بنت اياد ي ختي... ما هي قمر اهي.
- طبعاً قمر... مش شبه امها.
= امها العسل اللى مش هتنيمني بره اوضتي انهارده.
- الموضوع خلصان علفكره مفيهوش نيقاش.
❀ ايه الموضوع.
= ملكيش دعوه... اومال فين زيزو.
❥ تحت مع محمد.
- هو محمد تحت.
❀ ايوه تحت... احنا جايين نقولكم اصلاً ان محمد تحت.
نزلنا لمحمد كان قاعد بيلعب مع حمزه.
- مودي.
$ سمسم.
جريت عليه وحضنته.
- وحشتني يا مودي.
$ شكل اياد معصبك.
- ايوه معصبني.
$ علشان كده جيتي حضنتيني... يبقى انتي اللى مسيتره في الخناقه دي.
- طبعاً اومال انت فاكر ايه.
كنا بنتكلم بهمس.
✪ اخيصوا بقى عايزين نكمي يعب.
محمد بعد عني وقعد يضحك.
$ ههههههه مش بعرف اخرج منه بجمله مفيده.
❀ مش المفروض تاخدوا حور وحمزه لدكتور يشوف مشكلتهم.
= احنا روحنا لدكتور قبل كده... وقالنا انهم كل ما يكبروا كلامهم هيتظبط.
❀ هما كده لسانهم هيتعدل واحنا لسانا هيتعوج.
- ايوه والله هههههههه.
❥سمسم.
- نعم يا قلب سمسم.
❥ جعانه.
- يابنتي احنا مش لسه فطرانين في البيت.
❥ مليس دعوه انا جعانه.
- ماشي هروح احضر الغدا... تعالي يا زفته معايا.
شديت ريناد ودخلنا المطبخ.
❀ سما.
- يخربيت سما... عايزه ايه.
❀ انتي مالك انتي واياد.
- متخانقين.
❀ بجد.
- ايوه... ده كرهني في نفسي... قال ايه الستات هي اللى نكد... يجوا يشوفوا الأخ اياد.
❀ هو ايه اللى حصل.
- هو اتخانق معايا وانا سيبت البيت الليله اللى فاتت... جيت الصبح لقيت حور بتقولي انها عايزه تكلمه... اتصلت بيه وهى كلمته شويه وبعدين انا خدت التليفون وكلمته... وقعد يتحايل عليا علشان ارجع ورجعت.
❀ اين الكرامه انا لا اراها.
- انا لغاية دلوقتي مش مسامحاه اصلاً... بتعامل معاه عادي قدام حور وحمزه بس.
❀ تعالي نندمه على اللى عمله معاكي.
- قولي.
❀ هنلعب في اعصابه.
- انا موافقه بس ازاي.
❀ بصي يا ستي.......................
- اشطا... بس امتى.
❀ بكره.
- تمام.
عملنا الغدا واتغدينا... محمد قضى اليوم معانا ومشي آخر اليوم... انا دخلت اوضتي ونمت على سريري وانا ماسكه التليفون... خمس دقايق ولقيت اياد دخل.
- جيت ليه.
= جيت اقولك تصبحي على خير.
- وانت من اهله.
بصلي بغيظ وبعدين مشي.
- هو يجلدني وعايزني اسامحه هه ده بيحلم.
قولت جملتي بعد ما مشي بسخريه وبعدين نمت... صحيت من النوم بصيت حواليا لقيت نفسي في مكان غريب... بصيت حوليا لقيت نفسي مربوطه و حور مربوطه جنبي.
- هو ايه اللى حصل.