/رواية: هرجع... ♡
الفصل الواحد وعشرين♡
الكاتبه: سما طارق♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
نام على السوفا وحط راسه على رجلي... انا فهمت كده ان في حاجه مدايقاه وعايز يفضفض... قعدت العب بشعره.
- اتكلم يا حبيبي.
= انا تعبت يا سما اوى... اياد الكيلاني بيقول تعبت.
- تعبت من ايه.
= تعرفي مين تحت.
- نفسي اعرف.
= عمتي واختي.
- بجد اختك تحت... اخيراً شوفتها.
= ايوه وهخدها منهم... هخدها تعيش معانا... مش هستحمل انهم كل شويه يهددوني بيها.
- طب ما تخودها.
= المشكله انهم حاطين افكار وحشه في دماغها عني.
- ليه.
= علشان متقولش انها عايزه تقعد معايا... لو هي قالت انها موافقه تقعد معايا هيبقى اسهل اني اخدها.
- عندي فكره حلوه هتخليها تحبك.
عدل راسه علشان يبصلي.
= قولي.
- بكره ابقى خلي الداده تجيبها تقعد معايا وانا هتصرف.
= لا يا سما.
- ليه طيب.
= علشان انا مش عايز حد يعرف اني اتجوزت... هيهددوني بيكي برضو ويزعلوكي علشان تمشي وتسيبي البيت... انا عارفهم.
- انا مستحيل اسيبك اصلاً... ده في الحلم... انا قاعده على قلبك مش همشي أبداً.
= وانا عمري ما هسمحلك تمشي اصلاً.
- طب يلا اسمع الكلام اللى انا قولتهولك وخلي الداده بكره تجيب اختك تقعد معايا لغاية ما انت تيجي وهتشوف ايه اللى هيحصل.
مسك ايدي وباسها.
= ماشي يا قلبي... بس محدش يلمحك.
- ماشي يا حبيبي... اه صح اختك اسمها ايه.
= اسمها ريناد.
- تمام... انا هخلي ريناد تقول انا مش عايزه اسيب يودا أبداً.
= البت مش بتبص في وشي اصلاً وانتي تقولي يودا... ماشي هنشوف.
انا بوسك جبهته.
- هنشوف.
هو قام من على رجلي وبصلي بحب.
= بموت فيكي يا سمايا.
- وانا كمان يا يودا.
حضني جامد اوى.
- قولي بقى عايزها تقولك ايه... يودا.. ولا دودو.. ولا ابيه.
= ابيه!!!.
- علشان انت اكبر منها يعني.
= دول هما 9 سنين فرق بينا.
- علفكره 9 سنين كتير.
قعدنا نتكلم كتير وبعدين نمنا.
صحيت الصبح لقيته بيسرح قدام المرايه قومت حضتنه... مشي بعد خمس دقايق.
بعد نص ساعه تقريباً لقيت بنت صغيره بتدخل مع الداده... كانت نسخه صغيره من اياد.
❀ حضرتك جايباني هنا ليه... ومين دي.
- تعالي يا ريناد متخافيش مش هأذيكي.
❀ انتي عرفتي اسمي منين.
ابتسمت ليها.
- تعالي بس... انا قاعده هنا لوحدي تعالي نتعرف.
❀ انتي شريره زي اياد.
ضحكت ضحكه خفيفه.
- هههه ولا انا شريره ولا اياد شرير.
❀ لا اياد شرير.
- طب تعالي طيب نتعرف على بعض اكتر.
جت قعدت جنبي والداده خرجت.
ربطت ايدي على كتفها بهزار.
- قوليلي بقى انتي في سنه كام.
❀ انا في اولى ثانوي.
- ربنا معاكي ياختي... نفسك تطلعي ايه.
❀ دكتوره.
- اشمعنى.
❀ علشان اعالج الناس اللى مش معاها فلوس ببلاش.
- اممم قولتييلي.
❀ انتي في جامعه صح.
- ايوه... في اولى... وعندي 19 سنه.
❀ هو انتى مرات اياد.
- بتسألي ليه.
❀ اصل انتي قاعده في الأوضه اللى هو حذر كل الناس من دخولها.
- هو انا لو قولتلك على سر هتقوليه لحد.
هزت راسها بنفي
- ايوه مراته بس متقوليش لحد خالص.
❀ بس انتي لسه صغيره... تقريباً 19 سنه صغيره على الجواز... وكمان لسه مكملتيش تعليم... وازاي تتجوزي واحد شرير زي الشخص ده وانتى شكلك طيبه.
- والله اياد مش شرير... اياد ده اطيب شخص ممكن تشوفيه في حياتك... ممكن يكون بيزعق كتير او عصبي... بس لو قربتي منه وعرفتيه كويس هتعرفي انه طيب جداً... انتى تعرفي ان اياد بقاله سنتين نفسه يشوفك.
❀ ومجاش شافني ليه... علشان هو شخص اناني... عايز ياخد فلوس بابا لوحده... عمتو قالتلي ان الفلوس اللى مع اياد المفروض تبقى بتاعتي انا كمان بس هو اللى عايز يحرمني منها.
- بس اياد عمره ما فكر كده.
❀ اكيد عمتو مش هتكدب عليا... هي قالتلي انها هتجيبلي فلوسي منه... هتخليه يتجوز بنت من العيله وياخدوا منه الفلوس.
- انا معرفش عمتك قالتلك كده ليه... بس اللى انا متأكده منه انك لو طلبتي اي حاجه من اياد هتجيلك علطول.
❀ طب وهو ليه سابني لوحدي بقاله سنتين.
- علشان كان بيهتم بالشركه وكان لما الشركه تشتغل حلو هيروح يجيبك بس انتي مش موافقه.
❀ انا مش عايزه اقعد معاه... هو سابني مع عمتو مره واكيد المره التانيه لو قعدت معاه هيرميني في الشارع.
- مستحيل يعمل كده... حبيبتي انتى اللى باقيه لاياد من ريحة باباكي ومامتك... مستحيل يستغنى عنك بسهوله.
❀ طب عمتو ليه كانت بتقول على اياد شرير و وحش ومش بيحبني.
- معرفش بس اللى اعرفه ان اياد بيحبك اوى ومش شرير خالص... هو ممكن يكون عصبي شويتين تلاته... بس لما بيتعصب بيبقى لمصلحت الشخص اللى بيتعصب عليه.
❀ يعني هو مش شرير.
- تؤ تؤ.
❀ طب هو لو انا اعتذرله على تصرفي معاه هيسامحني.
- ايوه هيسامحك... وياريت لو تقعدي معانا هنا بقى.
❀ وعمتو... ومدرستي.
- هتبقي تروحي زيارات... ولو على مدرستك.. اياد هيقدملك في احسن مدرسه هنا... انتي دلوقتي عايزه تقعدي معانا ولا لا.
❀ عايزه.
- يعني القصر عجبك.
قولت جملتي بهزار.
❀ ايوه القصر ده حلو وكبير.
- اشطا يبقى اول ما اياد يجي تقوليله انك عايزه تقعدي معانا هنا.
❀ خلصانه يا زميلي.
حضنتها بضحك.
- أخيراً لقيت حد عقله من عقلي يا بشر.
بعد ساعات من الهزار والضحك ريناد مخرجتش من اوضتي طول اليوم والداده كانت بتدخل الأكل لينا.
سمعت صوت رجل اياد قربت من الأوضه.
- اياد جه.
❀ ايه بجد.
وقفت ورايا.
❀ انا خايفه.
- ما احنا قولنا مش شرير بقى.
❀ مش شرير بس يخوف.
- ههههههه يخوف مين بس ههههه.
دخل اياد... انا جريت عليه حضنته وهو شالني وقفل الباب برجله براحه.
= حبيبي حبيبي.
لسه مشافش ريناد اللى كانت بتبصله بصدمه.
- وحشتني يا يودا.
نزلني اقف على رجله.
= عامله ايه يا مجنونه.
- عامله كده.
قولت جملتي وبعدين حركت راسي.
- انت عامل ايه... شكلك تعبان.
= كان في شغل كتيييير.
❀ احم احم.
كانت باصه للأرض بكسوف.
- ريناد كانت قاعده معايا طول اليوم انهارده.
❀ انا آسفه.
راح اياد ليها ونزل على ركبه علشان يبقى بنفس طولها... رفع راسها علشان تبص في عينه.
ابتسملها.
= بتعتذري ليه.
❀ علشان كنت بحسبك شرير وكنت بتجاهلك... وانت زعلت مني.
= بس انا مزعلتش منك.
❀ بجد.
= ايوه... مفيش حد بيزعل من اخته.
❀ يعني انت مسامحني.
اومأ لها بالموافقه.
روحت وقفت جنب ريناد وربطت ايدي على كتفها.
- قوليله اتفقنا على ايه يا رينووو.
❀ اني اقعد معاكم هنا.
= بجد.
❀ ايوه.
شالها اياد بفرحه.
= أخيراً.
❀ ومستعده اقول لعمتو انى عايزه اقعد مع يودا ومش عايزه اسيبه خالص.
بصلي اياد وهو بيبتسم بحب.
= طيب تعالي بقى نقولهم.
نزلوا هما الأتنين وانا فضلت في الأوضه علشان اياد مينفخنيش.
بعد دقايق لقيت اياد داخل بصمت وبكل هدوء.
- هاا طمني.
= ريناد هتقعد معانا.
- يس.
شدني من وسطي.
= انتي عملتي ايه.
- سر المهنه ي حبيبي.
= لا بجد انتى عملتي ايه... البت بقت بتحبني.
- قولتلها انك طيب ومش شرير... حكيتلها عنك يعني.
= انا بجد بحبك.
- وانا كمان بحبك... اه صح هما لسه تحت.
= لا كله مشي ماعدا ريناد.
- أخيراً هخرج من الأوضه.
خلص اليوم ونمنا واحنا مبسوطين... اياد مبسوط علشان ريناد هتقعد معانا أخيراً... وانا مبسوطه علشان شايفه اياد مبسوط.
صحيت الصبح كان اياد نايم بعمق... قومت دخلت الحمام خرجت لقيته صحي.
- حبيبي صحي.
قعدت جنبه.
= صاحيه بدري ليه.
- احم انت اللى اتأخرت.
= بجد.
- يس.
= طب روحي حضريلي الفطار علشان انا قاعد انهارده.
- والشركه.
= مليش نفس اروح.
- ياعم براحتك شركتك وانت حر بيها انا مالى.
روحت احضر الفطار... سمعت صوت ريناد من ورايا.
❀ يا سمسم.
- صباح الخير يا قمر.
باستني في خدي.
❀ صباح النور... انتي بتعملي ايه.
- بعمل الفطار.
❀ عايزه مساعده.
- تعالي ساعديني مش هقول لا.
❀ اعمل ايه بقى.
كنا بنعمل الفطار لغايه ما سمعت صوته.
= يا س... صباح الخير يا رينووو.
❀ صباح النور.
- عايز ايه.
= عايز افطر ياريت.
- امشي يا اياد من هنا... ده انت حتى مقولتليش صباح الخير.
حضني من بطني من ورا.
= صباح الخير يا قلبي.
❀ احم باي باي.
قالت جملتها وخرجت بسرعه.
- البت اتكسفت يابني.
دفن راسه في رقبتي وبين شعري.
= ده المطلوب.
- انت رخم... كانت بتساعدني.
= بس كده... انا اساعدك يا قمري.
قال جملته وباس رقبتي برقه.
- عااا... انت كده مش بتساعدني خالص.
بعد عني.
= يا رينووو.
كان بينادي عليها بصوت عالى.
- هووف أخيراً.
❀ نعم.
= شوفي كنتي بتعملي ايه.
قال جملته وخرج وهو مبتسم.
كملنا الفطار وخرجنا نادينا لاياد وفطرنا... بعد ما خلصنا قعدنا في الصالون... سمعنا الباب بيخبط.
= اطلعوا فوق.
طلعنا فوق زي ما اياد قالنا بس وقفنا على السلم علشان نشوف مين جه.
اياد فتح وكان اللى على الباب...........