رواية: هرجع... ♡
الجزء السابع عشر♡
الكاتبة: سما طارق♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
= سمسم.
- نعم.
= في ناس انهارده جايين يشوفوكي.
- مين.
= لما يجوا هقولك مين.
- هما هيجوا امتى.
= هما تحت... تعالى ننزل.
مسك ايدي ونزلني انا اول ما شوفتهم خوفت و وقفت ورا اياد مسكت في التيشيرت بتاعه.
= مالك.
- خايفه.
= مش انا معاكي.
- اه.
= يبقى متخافيش... وانا اكيد مش هجيب ناس تأذي قلبي الصغنن.
- طب مين دول.
♕ متعرفينيش يا سما.
انا مازلت ورا اياد وماسكه في التيشيرت بتاعه.
- تؤ تؤ.
♡ ولا انا يا بنتي.
- لا.
$ طب وانا يا سوما.
= متقولش اسمها على لسانك.
كان شكل اياد متعصب فانا خوفت اكتر من الولد اللى زعقله ده ومسكت فيه اكتر.
♕ خليتها تخاف منه اكتر.
= احسن مش لازم تفتكره اصلاً.
لقيت بنت قربت مني وهى بتعيط.
× متقوليش انك مش فاكراني.
انا سيبت اياد وارتحت للبنت دي... مسحت دموعها وحضنتها.
- انا مش فاكراكي بس متعيطيش... اكيد هفتكرك قريب.
× اياد دي مش فاكرانا بجد.
كانت بتعيط وهى بتتكلم وتحضني.
- متعيطيش لو سمحتي... هفتكرك قريب والله.
= بصي يا قلبي... اللى بتحضنيها دي اسمها روان وهى بنت خالتك وانتى علطول كنتي بتقوليلي انك بتعتبريها اختك الكبيره ومامتك وصاحبتك... تمام.
- هي اصلاً قموره وانا حبيتها اوى.
= ودي مامتك.
- تمام.
= والزفت اللى هناك ده اخوكي يارب ما تفتكريه.
- ده كبير اوى.
$ علفكره انتى اكبر مني.
- لا انا صغيره.
$ والله اكبر اجيبلك شهادة الميلاد.
- عااااا اياد قوله انى اصغر.
= هى اصغر يا محمد اهدى بقى.
$ اوووف طيب.
- ومين الطيب اللى واقف هناك ده.
= ده باباكي.
مسكت في اياد جامد من ورا وخبيت وشي في التيشيرت.
- لا انت بابي.
= ماشي انا بابي وكل حاجه... بس ده ابوكي الحقيقي.
انا كنت بدب في الأرض زي الأطفال وانا حاطه وشي في التيشيرت بتاعه لسه.
- لااا مليش دعوه... انت بابي.
كان اياد هيتكلم بس اللى بيقول عليه بابايا اتكلم وهو بيقرب مني.
♕ طيب هو بابي براحتك.
- ايوه هو بابي... انا مشوفتش غيره قدامي لما فتحت عيني في المستشفى.
شدني براحه من ورا اياد وحضني بحنان وانا حسيت بالأمان في حضنه فحضنته.
بعد شويه.
= يا عمي.
♕ عايز ايه.
= عايز مراتي.
♕ عايزه تروحي للوحش ده.
وجه كلامه ليا.
- بس ده مش وحش... ده طيب اوى.
♕ يابني هو انت ايه.
= ايه... عملت ايه.
♕ في الأول حبتك من اسبوعين ودلوقتي من يومين.
= القلب وما يريد بقى.
انا بعدت عنه وروحت ل اياد.
فتح دراعه ليا علشان ياخدني في حضنه.
- حبيبي رجعلي أخيراً.
انا حضنته.
$ طب راعوا مشاعر السنجل اللى واقف... وكمان دي حضنت كل الناس إلا انا... ايه الظلم ده.
- ايه ده اياد ده عايزني احضنه.
= انت عبيط ياض... تحضن مين.
- احضن اختي.
سابني واتقدم لمحمد خطوتين.
راح محمد وحضن روان.
$ اختى اهي يا عم انت كنت بتحسب ايه.
× ياااه لو كان محمود هنا كان هيشلوحك.
$ الحمد لله هو مش هنا.
= لو جيت جنب مراتي هبوظلك وشك.
$ حاضر ياعم.
× الخناقه قلبت خناقة شوارع اوى.
- انتوا بتتخانقوا ليه... انا مش فاهمه حاجه.
= مش لازم تفهمي... المهم لو الواد ده جه جنبك اضربيه.
- حاضر.
قعدوا ساعتين تقريباً وبعدين مشيوا وفضلت انا واياد.
كنا قاعدين في الجنينه قدام البيسين واياد كان نايم على الأرض وحاطط راسه على رجلي.
= سمايا.
- انت كل شويه تطلعلي بأسم جديد.
حسيت انه افتكر حاجه فسرح.
- الو... انت هنا.
= انتى كنتي كل يوم تطلعيلي بأسم جديد.
- طب انا عايزه افتكر كل حاجه بقى علشان زهقت... وشايفه ان كل الناس زعلانه مني علشان انا مش فاكراهم.
= مفيش حد زعلان منك يا قلبي... احنا زعلانين على اللى حصلك... انتى كنتي طيبه اوى واحسن بنت انا شوفتها في حياتي.
انا عيني بدأت تدمع.
- يعني انا دلوقتي وحشه.
= لا طبعاً... انتي بنتي القمر اللى بحبها ومقدرش اعيش من غيرها.
- اهو انت قولت ان انا بنتك يبقى اللى كان موجود هنا ده مش بابا.
= لا هو باباكي اللى مخلفك ومربيكي.
- انا مش فاهمه حاجه.
مسك ايدي وباسها.
= متتعبيش نفسك مش لازم تفهمي كل حاجه.
- طب ممكن سؤال.
= اسألي.
- هو انت نايم على رجلي ليه.
= انا لما ببقى مدايق بنام على رجلك.
- طب انت مدايق ليه دلوقتي... انت مش السبب في اللى حصلي.
= هيكون بسبب مين يعني.
- معرفش بس هو مش بسببك... ومتدايقش... مفيش حد هنا بيقول ان اللى حصل بسببك.
= انا بقول.
- لا متقولش.
قام من على رجلي وحضني جامد وكان بيعيط.
= انا خوفت عليكي اوى... كنت هموت لو حصلك حاجه بجد.
انا بدأت اعيط على عياطه.
بعد عنى.
= بتعيطي ليه.
- علشان انت بتعيط.
قعدنا دقيقتين واحنا الإتنين هدينا.
= عايزه تخرجي انهارده.
- اخرج اروح فين.
= تروحي مكان حلو هيعجبك.
- هتيجي معايا!!.
= ايوه اكيد.
- ماشي.
قام وقف و وقفني.
= طيب تعالي يلا.
جهزنا احنا الإتنين.
خرجت من اوضة اللبس.
- انا جهزت.
بص عليا.
= لا لسه مجهزتيش.
- لا انا لبست اهو.
= ثانيه واحده.
ستبني ودخل اوضة اللبس وخرج بعد ثواني وكان ماسك حاجه.
= نسيتي ده.
- ايه ده.
= بصي انتي علشان مسلمه لازم تلبسي حجاب... الحجاب ده بيغطي شعرك علشان مفيش حد يشوفه غيري.
- اشمعنى انت.
= مش انا قولتلك ان احنا الإتنين واحد.
- ايوه.
= هو علشان احنا الإتنين واحد.
- طب والناس اللى كانوا هنا شافوا شعري بردو.
= اللى كان موجود باباكي واخوكي... دول الرجاله اللى كانوا موجودين وعادي انهم يشوفوا شعرك.
- ماشي لبسهولي بقى.
ابتسملي وبعدين لبسني الحجاب ونزلنا اتمشينا في مكان جميل اوى بس مكنش فيه حد خالص.
- هو المكان مفيهوش حد ليه.
= علشان محدش يشوف قمري.
- بحبك يا بابي.
قولت جملتي وشبيت علشان اوصل لخده وابوسه.
عدى اليوم وانا كنت مبسوطه اوى.
= يلا بقى نروح يا سوسو.
- خليني شويه مش عايزه اروح.
= مش احنا قولنا تسمعي كلامي.
- بليز يا بابي بلييييييز.
انا قولت جملتي وجريت وهو جري ورايا علشان يمسكني قعدت اضحك وانا بجري.
- مش هتمسكني.
= اقفي يا سما.
- مش عايزه اروح لو وقفت انت هتروحني.
= حاسبي يا سما هتتخبطي.
انا كنت بجري وكنت هتخبط في عمود نور بس اياد لحقني وشدني ليه.
= قولتلك استنى... ويلا نمشي.
قال جملته وهو متعصب جامد مني.
- انا مش عايزه امشي دلوقتي.
قولت جملتي وقعدت اعيط.
حضني جامد وانا قعدت اعيط في حضنه.
= قولتلك اسمعي كلامي وانا مش هتعصب عليكي.
قعدنا خمس دقايق كده لغاية ما مشينا بهدوء.
ركبنا العربيه و اتحركنا... انا مكنتش بتكلم وهو كمان مكنش بيتكلم خالص.
خمس دقايق ولقيته وقف قدام محل.
= هنزل اجيب حاجه خليكي هنا.
- ماشي.
دخل المحل... انا شوفت بنت صغيره بتعدي الشارع تقريباً كانت تايهه... كان في عربيه هتخبطها فانا خرجت من العربيه بسرعه وزقتها بعيد و...........