الجزء الرابع عشر♡
الكاتبه: سما طارق♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بعد ساعتين قومنا جهزنا وروحنا لبنت خالتي خادناهم وروحنا على بيت اهلى التلاته خلوني انا اللى اخبط عليهم وهما نزلي درجتين لتحت يشوفوا ايه اللى هيحصل.
خبطت عليهم وانا متوتره.
بابا هو اللى فتح.
- احم هاي.
نظرته كانت غريبه شويه... كنت حاساه بيشبه عليا.
♕ هاي.
- ا انا جارتكم لسه ساكنه جديد.
♕ اه اتفضلي عايزه ايه.
انا قعدت افكر هو مش عارفني... للدرجه دي نسي شكلي... انا عايزه احضنه اوى... مفوقتش غير على صوته.
♕ سما... الو.
بصيتله بصدمه... معقوله يكون عرفني.
♕ حتى لو شكلك اتغير لازم اعرفك.
انا رميت نفسي في حضنه وقعدت اعيط وهو استقبل حضني بكل حنان.
- وحشتني اوى.
♕ وانتى وحشتيني يا جزمه اوى.
سمعت صوت جاي من ورا بابا... كان اخويا.
$ ماما جوزك بيحضن بت مزه تعالى شوفيه.
- ده محمد صح.
♕ ايوه محمد.
- شكله اتغير اوى.
♕ لازم يتغير.
روحت وقفت قدام اخويا اللى كان باصصلي بإستغراب.
- محمد.
$ حضرتك تعرفيني.
- انا سما.
$ سما مين... سما اختي.
اومأت له.
لقيته حضني جامد اوى وكان بيعيط وانا كمان كنت بعيط وانا بحضنه.
$ انتي كنتي فين كل السنين دي.
- هحكيلك كل حاجه بس مش دلوقتي.
في اللحظه دي التلاته دخلوا علشان يشوفوا محمد علشان انا دخلت لمحمد البيت وهما مشافونيش.
♕ روان.
روان استخبت ورا جوزها.
× احم ازيك يا باشا مصر يا كبير.
♕ ماشي حسابك معايا بعدين... بتتحامي بجوزك... ومين ده كمان.
كان بيوجه كلامه وهو بيشاور على اياد اللى باصصلي بغضب وانا في حضن محمد.
= اياد الكيلاني.
♕ اه عرفتك... مش انت صاحب شركات الكيلاني.
= ايوه.
♕ اهلاً وسهلاً ب........
قاطع كلامه خروج ماما من مكان كانت فيه.
♡ هو ايه اللى بيحصل هنا.
روحت وقفت قدامها وانا باصه على الأرض لقيتها حضنتني.
♡ سما بنتي اخيراً رجعتي يا حبيبتي.
انا عيطت.
- وحشتيني اوى.
قعدنا شويه نعيط لغايه ما هديت قعدنا كلنا في الصالون... انا كنت قاعده في حضن بابا و اياد كان جنب محمد و روان جنب جوزها و ماما جنب بابا من الجهه التانيه.
♕ احكيلنا بقى كنتي فين السنين اللى فاتت دي.
حكيتلهم كل حاجه حصلت معايا ما عدا موضوع اياد.
♕ مبعتيش رسايل ليه.
- كنت هجيلكم ازاى.
♕ لما بعتي آخر رساله انا سيبتلك نسخه من المفتاح على الرساله اللى فيها الرد بتاعي... لما روحت البيت بعد يومين كنت بجيب حاجه من هناك... لقيت الرساله زي ما انا سيبتها فخدت المفتاح وحطيته تحت السجاده اللى قدام البيت... بحيث لما تيجي تعرفي تدخلي.
- انا غبيه بقى... مروحتش البيت التاني بعد آخر رساله بعتها.
$ طيب وحكاية الأخ الغريب ده.
- احم ده يبقى واحد صاحبي... ساعدني اني اتعلم هندسه بسرعه وخلاني مديره لشركته لمدة شهر.
همست في ودان بابا.
- جوزي المستقبلي يا حاج.
بابا بصلي بصدمه.
♡ قالتلك ايه.
♕ ولا حاجه.
قعدنا اليوم مع بعض.
قولت بهزار.
- في اوضه انام فيها ولا اروح مكان ما جيت.
♕ في اوضه تنامي فيها... اوضتك.
دخلت الأوضه وجه ورايا اياد في الخباثه.
مسك دراعي جامد اوى قبل ما ادخل.
= الأحضان اللى حصلت بينك وبين اخوكي مش هعديها علفكره.
- ااااه يا اياد سيبني... وبعدين انت قولتها بلسانك اخويا.
= انا قولت اقولك بس.
ساب دراعي وانا مسكت ايده.
- طب تعالى نشوف الأوضه.
دخلت الأوضه لقيت كمية صور متعلقه على الحيطه ليا وانا صغيره... ولقيت السرير اللى انا كنت بنام عليه في البيت القديم وكان في سرير تاني اكبر منه... لقيت صندوق كبير محطوط في آخر الأوضه... روحت فتحته.
لقيت فيه الرسايل اللى انا كنت ببعتها... لقيت الحاجات اللى انا كنت بعملها... شنط.. سكارف.. وحاجات تانيه... لقيت حاجات كتير كانت بتاعتي وانا صغيره... قعدت ابص ليهم كتير اوى.
بعد دقايق لفيت وشي علشان اشوف اياد راح فين لقينه بيبص على صوره من الصور اللى متعلقه على الحيطه... روحت وقفت جنبه.
الصوره دي انا مكنتش عايزه اتصورها خالص.
بصلي بإستغراب.
= اشمعنى.
- انا كنت نازله علشان اتصورها بس انا مكنتش عايزه اتصور من غير ما ابن خالتي يبقى معايا... نزلوني غصب عني علشان هو اتأخر... نزلت الراجل معرفش يصورني... فطلعت تاني واستعجلوا ابن خالتي علشان يجي واتصورت أخيراً... بس مكنتش بعرف اضحك تقريباً.
= ليه مكنتيش عايزه تتصوري من غير ما ابن خالتك يجي.
- لو قولتلك مش بعيد تقتلني فبلاش.
= بس كنتي عسوله اوى.
قولتله بغرور.
- ومازلت عسوله.
شدني من بطني قربني منه.
= طبعاً ي قلبي.
- ا اياد حد هيشوفنا.
= مراتي.
- ابعد يابني.
سمعنا صوتهم بيقرب فبعدت بسرعه عن اياد.
♕ ايه ده انت هنا.
= ايوه.
انا روحت حضنت بابا.
- انتوا محتفظين بكل حاجتي هنا.
♕ اكيد مش هنرميهم.
- انت مش عارف حضنك كان واحشني قد ايه بجد.
بعد ساعات اياد مشي وروان وزوجها مشيوا.
واحنا دخلنا ننام انا دخلت اوضتي نمت على سريري... شويه ولقيت بابا جه نام جنبي.
قولتله بهزار.
- مراتك ضردتك من الأوضه ولا ايه.
♕ وسعي يابت انام جنبك.
- تعالى يا حاج يا قمر انت.
نام جنبي وخادني في حضنه.
♕ احكيلي بقى عن الموضوع اللى همستيلي بيه.
- اللى هو زوجي المستقبلي.
♕ ايوه.
- بحبه.
♕ في حد يقول كده لأبوه... بحبه.
- اكدب عليك يعني.
♕ تعرفيه منين.
- عرفته من تلت شهور... مش فاكره كان في ايه بس انا حكيتله على حكايتي وهو قالى هحققلك حلمك بسرعه وحبينا بعض بس.
♕ حبيتيه من تلت شهور.
- احم اول اسبوعين وحياتك.
♕ كمان.
- احنا بنحب نخلص.
♕ وهو بيحبك.
- اهاا.
♕ المهم يعني هو طيب وحنين.
- هو طيب وحنين وقاسي اوقات.
♕ ده اللى هو ازاى.
- قاسي لو عملت حاجه غلط او مسمعتش كلامه في حاجه لمصلحتي.
♕ طب ما انتى كده ممكن تهربي منه.
- هه ودي تفوته... اكيد هيفكر في حاجه.
♕ طب ليه كل ده من الأول.
- علشان بحبه.
اتنهد.
♕ ماشي يا بنتي... ربنا يديم محبتكم لبعض ويهديكم.
نمت وانا في حضنه وعدى اسبوع وانا بكلم اياد كل شويه ولو مش بنتكلم كول بنبقى بنكلم بعض على الواتس... شوفته مره واحده بس في الأسبوع ده.
كنت بكلمه ومحمد جنبي.
- الو.
= عمري.
- عامل ايه.
= الحمد لله... في حد جنبك ولا ايه.
- ايوه محمد.
$ ازيك يا برنس.
قال جملته بصوت عالى علشان توصل لاياد.
= انتوا قاعدين لوحدكم.
- ي يعني حاجه زي كده...........