CMP: AIE: رواية لاجل حبك الفصل الاول والثانى بقلم رحمة جمال
أخر الاخبار

رواية لاجل حبك الفصل الاول والثانى بقلم رحمة جمال


رواية لاجل حبك 

الفصل الاول والثاني

بقلم رحمة جمال

في الصباح تتدلف الي القصر فتاه في الثامن والعشرين من عمرها 

مغفرة  صباح الخير يا داده

انتصار  صباح النور يا بنتي 

مغفرة  اومال رحمة فين 

انتصار  لسه نايمه فضلت في المكتب لحد الفجر بتشتغل 

مغفرة  ازاي المفروض تكون صاحبه من بدري هي عارفه أن احنا عندنا اجتماع مهم ماشي يا داده حضرلنا الفطار وانا هطلع اصحيها 

انتصار حاضر يا بنتي

صعدت مغفرة الي جناح رحمه تفتح الباب لتجدها معتمده اتجهت الي الشرفه فتحت الستائر ليعم نور الصباح في تلك الغرفه ثم اتجهت الي الفراش انسحب الغطاء من علي وجهها 

مغفرة رحمه قومي يلا ورانا اجتماع النهارده مهم 

رحمه  طيب طيب شويه بس وهقوم 

مغفرة غيبوبه هانم انتي عارفه الساعه كام دلوقت 

لتبدأ رحمه بفتح عينها العسلي التي تخطف الانظار 

رحمه  هي الساعه كام؟ 

مغفرة  الساعه 10 يا رايقه 

رحمه بفزع  يا نهار مش فايت اوعي بسرعه 

مغفرة  والله مجنونه 

وبعد مده قليله خرجت رحمه من غرفتها متجهه للدور الاول فوقعت عينها علي مائده الطعام رأت أن الطعام جاهز وكذلك عصير البرتقال الخاص بها جلست تتناول سريعا 

انتصار  براحه علي مهلك يا بنتي الدنيا مش هتهرب 

مغفرة  معلش يا داده أصل احنا متأخرين 

انتصار  وهيحصل ايه يعني لو اتاخرتم ما انتو من يوم ما مسكتو الشركه علي طول بتروحو في ميعادكم 

رحمه  لا ياداده كله الا النهارده ورانا اجتماع مهم جدا

انتصار  طب اشربي العصير 

رحمه  مش مهم ادعيلي انتي بس

انتصار  بدعيلك والله علي طول 

مغفرة بحزن مصطنع   ايه ده طب وانا ماليش نصيب 

انتصار  بدعيلك انتي كمان يا ام لسانين 

رحمه وهي تنظر في ساعه يدها 

رحمه  يالا هنتاخر يا مغفره 

وخرجوا تلك الفتاتين من القصر متجهين الامبراطورية RG دخلو الفتيات وهم يسمعون مغازله الموظفين لهم فكلمه الجمال تم قولها من أجلهم ولكن لم يأثر فيهم مطلقا واتجهوا مباشره الي غرفه الاجتماعات

أما في مكان آخر في الشركه  

 مجهول 1   خليك هنا لحد ما اشوف رحمه فين 

 مجهول2  تمام

مجهول 1 بقولك يا بنتي الانسه رحمه موجوده 

ريهام سكرتيره رحمه ايوه موجوده بس هي ف اجتماع مهم دلوقت ممكن تستناها

مجهول  طيب يا بنتي بس اول ما تخرج قوليها عم علي مستنيكي 

ريهام  حاضر يا حج 

وبعد الانتهاء من الاجتماع لم يتبق أحد غير مغفره ورحمه 

مغفره  مع ان مش عارفه ليه الشركه دي بالذات اللي وافقتي عليها كان في شركات احسن منها بكتير تتمناه اسمها تكون جمب اسم شركتك 

رحمه  بس دي اكتر شركه كفاءه عن باقي الشركات التانيه 

مغفره  رحمه الشركه دي خسرت السنه اللي فاتت 

رحمه  خسرت عشان كانو محتاجين فلوس بس المشروع بتاعهم لو كان عرفو يموله صح كان زمانهم في مكان تاني 

مغفرة  مش عارفه بس أن شاء الله خير هروح انا اشوف شغلي 

رحمه تمام 

خرجت رحمه من غرفه الاجتماع متجهه لمكتبها بعد دقائق طرقت ريهام الباب دلفت بعد سماعها باذن الدخول 

ريهام  انسه رحمه في راجل كبير بيسال علي حضرتك اسمه عم علي و ...........

رحمه مقاطعه  بتقولي ايه يا ريهام عم علي داخليه بسرعه 

ريهام حاضر 

خرجت ريهام من المكتب 

ريهام  عم علي 

علي ايوه يا بنتي 

ريهام  الانسه رحمه طلبت تشوفك اتفضل 

علي  ماشي يابنتي شكرا 

علي موجه كلامه للشخص المجهول  متتحركش من هنا 

مجهول حاضر 

دلف علي الي مكتب رحمه قامت لتحيه

رحمه  عم علي ازيك يا راجل يابركه كده من وقت وفاه امي مجتش خالص تزورني 

علي  معلش يا بنتي انتي عارفه معتش اقدر ع السفر زي الاول

رحمه بتفهم ولا يهمك ربنا يديك الصحه اؤمرني 

علي  الامر لله بصي يا بنتي انا عارفك كويس من لما كنتي صغيره وعارف انك متتأخريش ابدا عن مساعده حد عشان كده انا جيت وعارف من انك الشخص المناسب للخدمه اللي هطلبها منك 

رحمه  خير يا عم علي قلقتني 

علي  بعد ما رجعت علي بني سويف كنت بشتغل عند راجل ومراته ناس طيبين ومحترمين عندهم ابن اسمه محمود 20سنه بس هو في مشكله صغيره كده هو خجول جدا ومش بيختلط بحد نهائى وديما لوحده حتي مع أهله حاولوا كتير معاها لكن هو بيترعب من أنه يتعامل مع حد جديد 

المشكله الأكبر هي عمته ست استغفر الله العظيم بتستغل مشكلته دي كويس اوي وبعد وفاه اهله من 3 شهور ورث مزرعه من أبوه ولكن عمته كانت مستنيه الفرصه دي من زمان فهي مستعده أنها تقتله مقابل أنها تاخد ورثه 

رحمه بصدمه  انا مش مصدقه اللي بسمعه ده 

علي  عشان كده يا بنتي انا جي وعارف انك هتساعديني  

رحمه  هو ده الموضوع متقلقش انا ممكن تساعده وتخليه يشتغل هنا معايا ويقدر يعتمد ع نفسه وانا هتصرف مع عمته 

علي  اها انا عارف انك تقدري تعملي كده بس مش هو ده اللي انا عايزاه منك 

رحمه بعدم فهم  مش فاهمه قصدك ممكن توضحلي اكتر 

علي بتردد  بصراحه يا بنتي انا انا كنت

رحمه في ايه يا عم علي 

علي  انا عايزك تتجوزي محمود  

رحمه بصدمه   ايه




الفصل الثانى 

بقلم رحمة جمال

رحمه بصدمه: نعم اعمل ايه عم علي حضرتك عارف طلبت مني ايه اتجوز مين عم 


علي اسمعني أنا أقدر احميه كويس من غير جواز انا اكبر منه ب 8 سنين 

وهو شاب 20 سنه لسه في كليه ولسه الحياه قدامه ولسه هيشوف بنات كتير


 وهيحب ووقتها مش هقدر امنعه لان ده حقه وفي الاخر هتتحسب عليه جوازه 

علي مهدي الموقف: يابنتي افهمني انا عارف كويس انك ممكن تحميه من غير جواز بس هتحميه علي اي اساس مفيش صله بينكو عمته دي لو عرفت


 توصله مش هتقدري تحميه وقتها أبسط حاجه هتقولك ده ابن اخويا لكن لما تتجوزو وقتها 


الوضع هيتغير وبعدين يا بنتي محمود مكنش بيروح خالص الكليه كان بيروح ع الامتحانات


 بس ما انا قولتلك بيخاف من الاختلاط وغير انك تتجوزي منه هو شاب كويس هي بس


 موضوع العقده اللي عنده دي وبايدك حاولي تخليه يتغير 

رحمه بتفكير : بس يا عم علي انا اكبر منه ب 8 سنين انا عجوزه اوي بالنسباله

علي :السيده خديجه يا بنتي كانت أكبر من الرسول ب 25 سنه ريحي قلبي يا بنتي عايز تمشي وانا مطمن

رحمه : طيب هتجوزه بس الاول يكون عارف احنا هنتجوز ليه واسمع رايه

علي: ماشي يا بنتي هو مستني بره 

رحمه : طيب يلا نطلع نشوفه 

خرجو من المكتب متجهين الي مكان محمود الذي غفا قليلا 

Flash back

محمود حبيبي انت لسه صغير علي انك تدير المزرعه انت لازم تكتبلي تنازل عنها

محمود بخوف : ايوه يا عمتو بس المزرعه دي ورثي مش المفروض حضرتك تحديها مني 

دريه (عمه محمود ) : لا يا حبيب قلب عمتو انا استنيت كتير لحد ما ابوك مات ومش هستناه لحد ما تموت كمان ولا اخلص عليك انا ونخلص 

فقامت بشده من خصلات شعره : بكره هنروح الشهر العقارى وتعملي تنازل سامع 

محمود يتألم : حاضر حاضر 

دريه : يلا امشي من هنا 

back

محمود محمود محمود

محمود بفزع : ايوه ايوه 

علي بقلق: مالك يا بني ف ايه 

محمود : ابدا غمضت عيني شويه افتكرت اللي حصل امبارح 

علي: خلاص يا بني احنا بعدنا عن بني سويف اسمع كويس اللي هقولك عليه كويس رحمه هي الوحيده اللي هتقدر علي شر عمتك وهتعرف تبعدك عنها انا مربي رحمه وعارفها كويس وانا والله يابني مقدرش اعمل اكتر من كده 

محمود : شكرا اوي يا عم علي والله مش عارف من غيرك كنت.........

علي : اسمه يا محمود انت ورحمه هتتجوزو

محمود بذهول : ايه هنتجوز وهي موافقه 

علي : رحمه مش بترفض ليه طلب المهم تكون كويس معاها

محمود : بس يا عم علي انت عارف .......

علي : اسمع يا محمود انا عارف كويس أن كل اللي انت فيه بسبب عمته حسبي الله ونعم الوكيل فيها بس انت راجل فاهم راجل لازم تتغير وتعتمد علي نفسك وانا متاكد أن رحمه هتساعدك في انك تتغير 

محمود :حاضر ياعم علي 

علي : يلا عشان نشوف رحمه مستنينا هناك 

ذهب علي ومحمود بضع خطوات ليجدوا رحمه أمامهم

أما عن رحمه فكانت مسحوره بتلك الشاب الذي يرتدي جلباب ويضع شال ع رأسه يخفي وجه وشعره الذي لاحظت رحمه أنه يصل الي كتفه وملامح وجه الذي يكسوها القلق وغمازته التي تزين خده الأيمن 

أما محمود فكان يدقق في كل انش في رحمه لون عينها بشرتها القمحيه 

أما عن علي فكان واقف ينظر لكلايهما 

فذهب الي رحمه : ايه عجبك ولا ايه 

رحمه بارتباك: ايه عم علي 

علي : طيب طيب خلاص رحمه ده محمود محمود دي رحمه اللي قولتلك عليها 

مدت رحمه يدها لتسلم علي محمود الذي بمجرد رؤيه يدها تمتد إليه انتفض من مكانه ظل بضع دقائق فأمسك علي يد محمود وضعها في يد رحمه 

محمود بخوف : ا اهلا انسه رحمه 

رحمه : اهلا يا محمود عم علي قالك علي كل حاجه 

محمود :اها 

رحمه : وانت موافق 

محمود : طالما حضرتك موافقة هرفض ليه 

فأشارت رحمه ل علي لكي يتكلمو علي انفراد

رحمه :عم علي حضرتك غصبته علي حاجه  شكله م مطمني 

علي : معلش يا بنتي انتي متعرفيش هو خصله ايه اللي شافه مش شويه ومتنسيش أنه بيخاف من اي حاجه جديده ده كويس أنه رد عليكي 

رحمه: لا ده انا شكلي هتعب  معاها 

علي : ربنا معاكي ، طيب هنكتب الكتاب امتي 

رحمه : النهارده بليل أن شاء الله بس يلا نروح القصر دلوقت عشان ترتاحو شويه 

علي : ماشي يا بنتي 

رحمه : دقيقه بس هكلمك مغفره 

اتصلت رحمه بمغفره وبعد فتره 

رحمه : الو يا مغفره ، اسمعي انا هروح القصر دلوقت تعالي بليل ومعاكي مؤذون 

مغفره : نعم مأذون 

رحمه : ايوه هفهمك بعدين اعملي اللي بقولك عليه وخلاص يلا سلام 

واتجهت ل علي ومحمود 

رحمه : يلا بينا 

وخرجوا جميعا من الشركه متجهين للقصر وبعد مده ليست قصيره وصلو الي القصر 

رحمه: داده انتصار 

انتصار: ايوه يا رحمه ، علي انت فين يا راجل  محدش بيشوفك خالص من اخر مره 

علي : ازيك يا انتصار وحسين عامل ايه وبعدين انتي عارفه تعب السفر بقي 

انتصار : كلنا كويسين الحمد لله 

دلف حسين إليهم 

حسين :علي ازيك انت جيت امتي 

علي : الحمد لله لسه دلوقتي 

رحمه : طيب اتفضل ارتاح يا محمود 

تعالو يا جماعه عايزكو شويه البيت بيتك يا محمود 

محمود : شكرا 

دلف الجميع الي المطبخ وقصت رحمه لهم كل شيء

انتصار : معقول الكلام ده 

حسين : لا حول ولا قوه الا بالله ايه الناس دي بس 

انتصار : بس يا بنتي انتي متاكده ومن قرارك ده 

رحمه : ايوه يا داده مفيش حل تاني 

انتصار : ايوه يا بنتي بس ..... 

حسين : خلاص يا انتصار رحمه عارفه هي بتعمل ايه كويس 

انتصار : اللي تشوفه هطلع اشوف محمود لو عايز يأكل حاجه 

رحمه : بس براحه عليه يا داده ليموت مننا 

ضحك الجميع 

حسين: يعني يا بنتي لما تتجوزي لامؤاخده ف الكلمه انتي الراجل 

رحمه :لا ياعم حسين محمود راجل بس شويه التعقيدات اللي في حياته خلته بقي كده المشكله الوحيده اللي عندي أن انا اكبر منه ماشي يا عم علي 

علي: معلش المره الجايه هجبلك واحد اكبر منك 

رحمه :مره جايه ايه بس هي اكله سمك ، روح ارتاح بس يا عم علي لحد بليل 

خرجت انتصار لتنفذ ما قالته رحمه 

انتصار : محمود 

محمود انفزع من مكانه : ايوه 

انتصار :مالك يا بني اتفزعت كده ليه 

محمود : لا ابدا مفيش 

انتصار : طيب يا بني تحب تاكل او تشرب حاجه 

محمود : لا شكرا 

انتصار : طيب تعاله معايا يا بني 

محمود : فين 

انتصار : علي جناح رحمه عشان ترتاح 

محمود : لا ما انا ممكن اقعد هنا 

جات رحمه من خلف انتصار 

رحمه : ده اللي هو ازاي ، خلاص يا داداه روحي انتي 

انتصار : ماشي يا بنتي

دلفت انتصار الي المطبخ اقتربت رحمه من الاريكه وجلست وأشارت لمحمود لكي يجلس هو الآخر 

رحمه : بص يا محمود انا مش عارفه ايه اللي حصل في حياتك عشان توصل للمرحله دي من الرعب بس صدقني مفيش حاجه تستدعي الخوف اللي انت فيه ده 

محمود : هو حضرتك هتضربيني 

رحمه بذهول : ايه لا ايه بتقول كده 

محمود باحراج : اصل عمتي كانت علي طول بتضربني 

رحمه : بص يا محمود انت هنا ف القصر بتاعي بعيد عن عمتك وجوزها وبني سويف كلها يعني محدش يقدر يوصلك عم علي جابك هنا عشان انا اللي اقدر تحميك من امنا الغوله دي متخفش ومتقلقش من اي حاجه طول ما انا موجوده اتفقنا 

محمود بارتياح : اتفقنا 

رحمه : طيب تتطلع فوق ارتاح لحد ما المأذون يجي 

محمود : حاضر 

صعد محمود الي جناح رحمه وحاول أن بأحد قسط من الراحه أما رحمه كانت منهمكه في مكتبها أما عن عم علي وانتصار وحسين فكانوا يجلسون يتذكرون الماضي 

أما مغفره انتهت من عملها في الشركه وذهبت بسرعه الرياح الي رحمه لكي تفهم ماذا يحدث 

مغفرة : لا بقي انا عايزه افهم ايه اللي بيحصل 

رحمه بفزع : في حد يدخل كده مش تخبطي الاول 

مغفرة :معلش خضيتك يا عروسه عايزه المأذون ليه 

رحمه بطريقه دراميه : هتجوز 

مغفره  : نعم مين دي اللي تتجوز 

رحمه : انا 

مغفره : ده اللي هو ازاي 

رحمه : زي السكر في الشاي 

مغفره بعصبيه : رحمه

رحمه بضحك : طيب طيب هفهمك اهدي بس وانا هقولك 

قصت رحمه لمغفره كل شيء

مغفره : اممممم وانتي متأكده من قرارك 

رحمه بنفاذ صبر : هو انتي وداده انتصار مالكم النهارده 

مغفرة: يا بنتي احنا بس عايزين نطمن مش اكتر 

رحمه : لا اطمني ، بس في حاجه غريبه 

مغفرة : حاجه ايه 

رحمه بشرود : انا عمري ما شوفت حد بيخاف بالطريقة دي 

بيخاف من اي حاجه ومن كل حاجه مش خوف طبيعي 

مغفرة :ما يمكن بس من اللي حصلو 

رحمه :لا يا مغفره انا عمري ما شوفت حد مرعوب كده انتي مشوفتيهوش وهو بيسلم عليه ده كان بيترعش قدامي ده كان  خايف مني 

مغفرة : طب ما يمكن من عمتو

رحمه : لا بردو موضوع عمتو ده من بعد وفاه اهله يعني من 3 شهور انا تيجي تشوفيه وهو بيقولي انتي هتضربيني انا والله مكنتش عارفه أقوله ايه كنت شايفه طفل قدامي مش شاب عنده 20 سنه 

مغفرة : طب بقولك ايه ما تحولي كده تعرفي منه 

رحمه : اعرف منه ازاي كان من الاهم أهله هما اللي يعرفون مش انا وبعدين بقولك بيترعب مني 

مغفرة : يا رحمه مع الوقت كل حاجه بتتغير 

رحمه : والله مش عارفه اعمل ايه معاه ، المهم خلينا في الشغل

وظلت رحمه ومغفرة منشغلين ف العمل 

أما في جناح رحمه كان محمود وكعادته يلحقه ماضيها في أحلامه 

Flash back

متخفش متخفش يا حبيبي

لا يا عمتو بالله عليكي انا مبحبش اللي بتعمليه ده 

لا محدش يرفض حاجه انا عايزاه 

يا عمتو بالله عليكي سيبيني 

ماشي هسيبك دلوقتي بس بكره هتيجي سامع وعارف لو قولت لحد وشك الحلو ده هيبقي وحش ومحدش هيطيق يشوفه 

حاضر بس سيبني سيبني 

Back 

استيقظ مفزوع من نومه بسبب ذلك الكابوس سمع طرقات علي الباب فقام ليفتح رأي رحمه أمامه استغربت كثيرا من هيئته 

رحمه : انت كويس 

محمود : ايوه يا انسه رحمه انا بس شوفت حلم وحش 

رحمه :اها طيب بقولك ايه بلاش بقي انسه دي كلها شويه وهبقي مراتك 

محمود : طب اقول لحضرتك ايه 

رحمه: قولي رحمه 

محمود : وحضرتك مش هتزعلي 

رحمه: لا مش هزعل 

محمود : طيب عن اذنك هدخل الحمام 

رحمه : اتفضل 

بدلت رحمه ملابسها الكلاسيكيه الي فستان سهره مناسب لكتب كتابها وجهزت أيضا بدله ل محمود 

خرج محمود من المرحاض الملحق بالجناح وأعتقد أن الجناح خالي راي تلك البدله السوداء موضعه ع الفراش 

محمود بانبهار: الله حلوه اوي البدله دي 

رحمه من خلفه : مبسوطه أنها عجبتك 

محمود :ايه ده حضرتك هنا 

رحمه : اه ،علي العموم البدله دي ليك 

محمود بفرحه : بجد 

رحمه بابتسامة : اها بجد 

محمود بابتسامة: شكرا اوي 

رحمه : ع ايه، المهم عم علي قالي انك في كليه تجاره انجلش 

محمود :اه وبصراحه يعني لازم انقل ورقي من كليتي اللي في بني سويف لهنا 

رحمه : دي حاجه عاديه بس عم علي قالي انك مش بتروح إلا في أيام الامتحانات انت كده بتنقص درجات كتير 

محمود :لا كفايه عليه ايام الامتحانات بس 

رحمه : بس يا محمود انا عايزك تحضر وتتعرف علي ناس جديده ويبقي ليك صحاب  وبعدين هتبقي في كليه جديده عليك 

محمود : لا مش عايز اروح انا مبحبش الاختلاط بحد

رحمه : لا انت مش بتحب الاختلاط بحد انت عمرك ما جربت تتعرف علي ناس جديده  يا محمود انا عايزك تنسا كل حاجه حصلت في بني سويف وتبدأ  جديد 

محمود بانفعال : أنساه انتي حتي متعرفيش انا ايه اللي حصلي ، انا اسف 

رحمه : متتأسفش بس انا بردو مش هغير كلامي ولازم تروح الكليه ده امر مني ويلا جهز نفسك بسرعه وياريت تشيل الشال من علي راسك

محمود : حاضر 

خرجت رحمه من الجناح ونزلت للاسفل وكان الجميع في انتظارهم جلست رحمه بجانب علي 

مغفرة: مبروك يا عروسه 

رحمه : عروسه ايه بس بلاش مبالغه ده جواز ع ورق 

انتصار : ما بلاش كده من اولها 

رحمه : يا جماعه انا مش عارفه اتعامل معاه خالص 

انتصار :براحه واحده واحده ده الواد بيترعب من كل حاجه 

رحمه : ماهو هو ده بالضبط اللي مش عارفه اتعامل معاه بسببه 

مغفره بذهول :رحمه بصي كده .................

                 الفصل الثالث من هنا

لقراة باقي الفصول من هنا



تعليقات



حجم الخط
+
16
-
تباعد السطور
+
2
-