البارت الاول والثاني
وقت غروب الشمس واقف على البحر بعيد... عمال بحكيله واشكيله واشرح واعيد... فجأه لقيتها وكنت فاكرها عروسة البحر خارجه من المايه وطلتها اقوى من السحر......
امتى الحب ضاااااااع قلبى ولا فى الخيال عودك دا فيه اتقال مواااااااال.... 😂😂😂😂😂
صوت ضحكات اربع شباب داخل سيارة متجهه الى شرم
.........
ريان:يا ابنى انت متأكد من الطريق دا بقالنا ساعه ماشيين فيه وموصلناش
غيث: تق فيا مرة فى حياتك وان شاءالله حاجه عظمه
ريان: يا عم حاجه عظمه ايه دا طريق ياتعرفه يامتعرفهوش
عُدَى: انا اول مرة الصراحه اشوف الطريق دا
عصام: وانا كمان
ريان: الله اكبر يبقى تهنا يارجاله
غيث: ياعم عيب عليك سوق بس كدا وهنوصل كمان شويه او كمان ساعه او ممكن كمان ساعتين تلاته او ممكن اسبوع... بص هو هيجى وقت ونوصل فيه
ريان: يا اخى حسبى الله ريان فضل سايق ساعه كمان ولسه موصلوش.....
صوت تليفون بيرن.....
ريان: الو.... ايوة يا بنتى انا لسه فى الطريق..... مهو الحيوان الى جنبى دا دخلنا فى طريق مختلف وبيقول عليه مختصر وشكلنا تهنا..... لالا ان شآء الله هنوصل ان شآء الله ادعيلى انتى بس..... يلا خلى بالك من نفسك.... سلام
غيث: ايوة ياعم
ريان: دى اختى ياحيوان اتلم
غيث: احم سورى
عصام: هى وصلت
ريان: ايوة من بدرى عقبالنا يارب
عدى: طب شغل حاجه طيب
ريان: مش هشغل واسكتو بقى
عدى: اوباااااا ريان اتعصب
عصام: ربنا يستر
غيث! ابقو اترحمو عليا يا شباب وادعولى
.................... بعد نصف ساعه...............
عصام: ريان بص
ريان وقف العربيه ونزلو
عدى قرب.....
عدى: دى بنت (كانت مغمى عليها فى الطريق ومتعورة)
ريان قرب وبدأ يشوفها: لازم ناخدها لأقرب مستشفى جسمها مليان جروح
عصام: بس معتقدتش ان فى مستشفيات هنا
غيث: طب مناخدها معانا وكدا كدا ريان دكتور ممكن يعالجها
ريان: بس
عدى: غيث عنده حق وكمان اختك فى الشاليه يعنى مش هتبقى معانا لوحدها
ريان فكر شويه واقتنع بكلمهم وشالها وحطها فى العربيه فى الكنبه الى ورا وعدى وعصام فتحو الكابوت وقعدو فيه
مر بالظبط نصف ساعه.....
عُدَى: وصلنا!
ريان: اها! مش مصدق بس الحمد لله
عصام شال البنت ودخلو الشاليه.....
امانى(اخت ريان): ايه دا؟ مين دى؟ وايه الى جابها هنا؟
ريان: اهدى شويه وشوفي حاجه من هدومك علشان تلبسها وتعالى على فوق
طلعو كلهم وعصام دخلها اوضه وحطها على السرير....
ريان: عُدَى افتح الدولاب وهات ادوات الاسعافات الاوليه
عُدَى جابها وادهاله واخت ريان جت ومعاها هدوم ليها....
ريان: اخرجو انتو برة وامانى هتساعدنى...
كلهم خرجو برة وريان وامانى معاها......
بدأ ريان يطهرلها الجروح بتاعتها وفى جروح كانت محتاجه خياطه......خلص شغله وضمدلها الجروح كلها وسابها لأمانى تغيرلها هدومها ونزل عند صحابه.....
غيث:ها يا ابنى خلصت
ريان:الحمد لله......بس لازم نعمل محضر دا تقريبا مفيش فى جسمها حته سليمه انا مستغرب هى ازاى عايشه لحد دلوقتى
عصام:يا ابنى ايه الفال دا الحمد لله انها بخير
ريان:الحمد لله.......يلا بقى نرتاح دلوقتى وبكرا نبقى نشوف هنعمل ايه.....
كان الشاليه اربع اوض اوضه لأمانى واوضه للبنت الى انقذوها والاوضتين التانيين كل واحده فيها سريرين كل اتنين من الشباب فى اوضه.......
امانى خلصت وشافت حرارة البنت لاقتها كويسه.....غطتها كويس وخرجت راحت على اوضتها ترتاح وكان فى بالها ان اول حاجه هتعملها بكرة انها تسأل اخوها ايه الى حصل؟........
تانى يوم امانى صحيت وحضرت الفطار وصحت ريان وهو صحا الباقى واتجمعو على السفرة.....
امانى:ريان انا عايزة اعرف ايه الى بيحصل ومين الى فوق دى
ريان وهو بياكل:آكل الاول حاضر
امانى:لا عايزة اعرف دلوقتى
ريان:.......
امانى:حد يفهمنىىىىىىىىىى
كلهم:بناااااااكل
...............
امانى:كلتو ومليتو الكرش وادى الشاى اهو يلا بقى مين الى فوق دى
عصام وهو بياخد رشفه من الشاى:اختك دى رغايه اوى يا ريان
ريان:اه يا ابنى والله مش عارف انا مستحملها ازاى
امانى بزعيق:اييييييه الى حصللللللللللللل
ريان:ايييييه مصورة وانفتحت فى وشى
امانى:قول
ريان:حاضر....بصى.....احنا كنا ماشيين فى الطريق عادى وبعدين الاخ غيث اقترح ندخل من طريق مختصر وفضلنا فى الطريق دا كتيييييير وبعدين لاقيناها مرميه على جنب جبناها وجينا
امانى:ياالله ياترى مين الى عمل فيها كدا
ريان:والله ما عارف
عُدَى:احنا نستنى لما تفوق ونشوف ايه الحكايه
الكل:تمام
امانى:انا هطلع اطمن عليها
امانى طلعت وبعد خمس دقايق:رياااااااااااااااااان
اتخضو كلهم وطلعو يجرو على فوق يشوفو فى ايه واول ما دخلو الاوضه لقو..........
رواية لليليانالفصل الثانى.......
امانى بصريخ: رياااااااااان
الشباب اول ما سمعو صوتها جريو على فوق واول ما دخلو الاوضه لقو.....
امانى: ريان الحقنى
ريان: ايه الى حصل؟
امانى: معرفش جيت لاقيتها كدا (كانت البنت واقفه على سور البلكونه)
ريان قرب ببطئ: اسمعى احنا عايزين نساعدك متخفيش احنا مش هنأذيكى
البنت لفت وبصتله
ريان: انا عارف انك خايفه بس والله احنا عايزين نساعدك
فضلت بصاله من غير كلام
ريان مديلها ايده: هاتى ايدك وانزلى وهنتكلم وهنساعدك
فضلت بصاله.......
ريان حس بخوف جواه نظرة عينيها مكنتش طبيعيه كانت فيها حاجه غريبه حاجه تقتلك وانت واقف.....
غيث: لو سمحتى انزلى من فضلك
امانى قربت: هاتى ايدك وانا هساعدك متخافيش
بصت لأمانى واديتها ايديها ونزلت
امانى:الحمد لله.......متخافيش والله احنا عايزيين نساعدك
هزت راسها وابتسمت.....
امانى:اكيد جعانه صح...هجيبلك الفطار حالا
امانى نزلت تجيبلها الفطار
عُدَى:هنسيبك ترتاحى وتفطرى وبعدين نتكلم وان شاء الله هنساعدك ترجعى لأهلك تانى....يلا ياشباب
خرجو كلهم وريان وقف عند الباب وبصلها وعينه جت فى عينيها ونفس النظرة لسه شايفها.... النظرة الى خلت شعور من الخوف يجرى فى جسمه......
عصام:ريان؟
ريان:هاه
عصام:فى حاجه؟
ريان:لا.......يلا.....يلا ننزل
سحب الباب وراه ونزل معاهم
امانى خلصت الاكل وطلعت تديهولها.....
امانى:اهو ياستى كلى واشبعى بقى علشان نتكلم
بصت للأكل وقالت: مش جعانه
امانى:بس لازم تاكلى علشان جروحك وعلشان صحتك تتحسن بسرعه
البنت:بس انا مش جعانه ومش عايزة اكل.....ممكن سؤال؟
امانى:اتفضلى
البنت:هو انتى قاعده معاهم ازاى؟مش خايفه منهم؟
امانى بابتسامه:ريان يبقى اخويا الكبير والشباب الى معاه صحابه من زمان تقريبا متربيين مع بعض وهما محترمين جدا وبيخافو عليا زى ريان بالظبط هما زى اخواتى
البنت:يعنى مش خايفه؟
امانى:😂😂😂😂لا مش خايفه وانتى كمان مش لازم تخافى علشان احنا هنسعدك.....فيلا كلى بقى علشان نتكلم
بدأت تاكل بالراحه وامانى قاعده قدامها
خلصت اكل وامانى شالت الصينيه بس كانت مستغربه اوى........
بعد كدا نزلت البنت قعدت معاهم وامانى جنبها.....
غيث:ممكن نعرف انتى مين؟ومين الى عمل فيكى كدا؟
البنت:مش عارفه
بصو لبعض......
عُدَى:يعنى انتى مش فاكرة ؟
البنت هزت راسها بالايجاب
عصام:طب هنعمل ايه دلوقتى؟
البنت ورتهم سلسله فى رقبتها:السلسله دى مكتوب عليها لليليان تقريبا دا اسمى
امانى شافتها:اه شكلها حلو اوى.....والاسم كمان خلاص يبقى هناديكى لليليان وهنبقى صحاب ☺️☺️☺️
لليليان:ماشى
ريان لسه باصصلها وجواه احساس غريب اوى ناحيتها ومش عارف يتخلص منه.....
غيث:طب كدا هنعمل ايه؟هنعرف اهلها منين
عصام:احنا نبلغ البوليس وهو يتصرف اكيد اهلها بيدورو عليها دلوقتى
عصام خرج الفون بتاعه علشان يتصل على البوليس بس ملقاش شبكه....
عصام:مفيش شبكه عندى
كل واحد شاف الفون بتاعه وكان نفس الشئ مفيش شبكه
ريان:دى ممكن تكون مشكله
امانى:عادى يا ريان نستنى شويه مش هيحصل حاجه واهو نتعرف على بعض اكتر ولا ايه يا لليليان
لليليان:بس انا مش فاكرة حاجه
امانى:ايوة احنا هنعرفك علينا علشان تحسى بالراحه والامان.....
....وانا هبدأ اعرفك عليهم...بصى ياستى...
دا اخويا ريان عنده26سنه هو خريج كليه طب قسم جراحه وبيشتغل فى مستشفى فى القاهرة وواد حليوة زى ما انتى شايفه كدا....😂😂😂
كلهم ضحكو بخفه......
امانى كملت: ودول بقى صحاب ريان من ايام الطفوله كنا جيران وزى الاخوات من واحنا صغيريين.... دا عصام عنده 26سنه وخريج كليه حاسبات ومعلومات...... ودا غيث 25سنه خريج كلية تربيه وبيشرح فيزياء انما ايه يخلى الى مش بيحبها يعشقها..... ودا عُدَى 25سنه وخريج كلية حقوق وما شاء الله محامى قد الدنيا
عُدَى بضحك: مش اوى يعنى
امانى: اسكت انت مش عارف حاجه 😂😂😂😂
امانى: كلهم بقى ياستى اتفقو على حب القهوة المظبوطه والاغاني القديمه واحيانا بيسمعو اغانى شبابيه حديثه بس مش كتير.... كل سنه بنيجى هنا الشاليه علشان نقضى الاجازة بتاعتنا ونصيف ☺️☺️☺️
انما انا بقى اسمى امانى 22سنه كلية طب بيطرى.....
ها كدا عرفتينا لسه خايفه بقى ولا ايه؟
لليليان: كان نفسى اعرفكم بنفسى انا كمان بس مش فاكرة حاجه 🤷🏻♀️🤷🏻♀️🤷🏻♀️
امانى: ولا يهمك يا قمر
عُدَى: طب هنعمل ايه؟
امانى: ولا حاجه هنستمتع بوقتنا عادى..... يلا يا لليليان تعالى ننزل المايه
لليليان: معلش بس انا تعبانه خليها وقت تانى
امانى: اه صحيح وكمان علشان جروحك..... طب تعالى نطلع فوق نقعد مع بعض...
لليليان: يلا☺️☺️
امانى خدتها وطلعت......
عصام: ريان انت كويس؟
ريان: هاه..... اه اه كويس
غيث: مالك يا ريان؟
ريان: مش عارف حاسس احساس غريب كدا بس يلا مش مشكله
عصام: احساس ايه الى يخلى حالتك تتغير كدا ويخليك بالمنظر دا
ريان: مفيش يا عصام...... بصو انا هطلع اريح شويه ....
ريان طلع وسابهم
عُدَى: طب ايه؟ هنعمل ايه؟
عصام: يا ابنى هو انت كل الى طالع عليك هنعمل ايه؟ هنعمل ايه؟ قول حاجه جديده
عُدَى: طب ما تيجو ننزل البحر
غيث: هو دا الكلاااااااام
عصام: يلا بيناااااا
😂😂😂😂😂😂😂
مر يومين وهى مش بتنزل من الاوضه ومش عايزة تختلط بيهم وامانى كانت مراعية دا وكانت بتقعد معاها فى الاوضه وريان كان الخوف والقلق الى جواه بيزيد كل مرة بيشوفها فيها ......
ريان:لازم نشوف حل ونمشيها من هنا
عُدَى:طب اهدى طيب وهنتصرف
ريان:مش ههدى مش ههدى لازم تمشى لازم
غيث:مهو مش فى ايدينا حاجه الموبيلات مفيهاش شبكه من ساعة لما جينا حتى العربيه عطلت ومش عارفيين نروح فى حته
ريان:لازم نتصرف
عصام:طب قولنا فى ايه طيب
ريان:مش مرتاح يا عصام مش مرتاح حاسس ان البنت دى وراها حاجه كبيرة وكبيرة اوى كمان واحنا مش قدها علشان كدا لازم تمشى.....
عصام:طب اهدى وهنشوف حل
ريان:انا هروح ادور على حد يساعدنا لازم نبلغ البوليس
ريان جه يفتح الباب لقاه مقفول ومش بيفتح....
ريان:ايه دا فى ايه؟الباب مش بيفتح ليه؟
عُدَى طلع المفتاح وحاول يفتح الباب مفتحش
عُدَى:ايه دا في ايه؟
غيث:يا شباب الابواب والشبابيك الى فى الشاليه كلها مقفوله ومش بتفتح
عصام:يعنى ايه؟ اتحبسنا !
ريان:طب ازاى؟ومين الى قفلها؟
عصام:مش عارف....
ريان:اكيد هى
عُدَى: وايه الى يخليها تعمل كدا؟وكمان هى مش معاها مفاتيح الشاليه فهتقفله ازاى
ريان:مش عارف بقى؟.....طب.....طب ليه المفاتيح بتاعتنا مش بتفتح ليه ؟
عُدَى:يمكن الباب معلق بس وشويه وهيفتح
ريان:ااااااه زى الشبكه الى واقعه من تلت ايام ومش بترجع ولا العربيه الى اتعطلت فجأه من غير اى مقدمات....انتو مش ملاحظيين ان فى حاجه غريبه بتحصل
غيث:مهو احنا مش هنفضل ندقق فى كل حاجه بتحصلنا يا ريان كدا مش هنخلص
ريان:لازم نخرج من هنا بسرعه ونطلب المساعده
وفى وسط المناقشات دى كلها النور قطع .....
ريان:الله دى كدا كملت
عصام:😂😂😂😂يا عم اهدى بتحصل عادى
عُدَى:الكشاف فى اوضة المكتب هروح اجيبه
ريان:خد غيث معاك وانت يا عصام تعالى معايا نشوف امانى ولليليان .......
طلعو فوق وغيث وعُدى راحو يجيبو الكشاف وعصام وريان راحو لأوضه لليليان.....
ريان وهو بيخبط:امانى انتو كويسين
......مفيش رد
ريان خبط تانى:امانى......امانى ردى عليا
خبط كذا مرة وبعدين دخل.....لقى لليليان قاعده على السرير.....
ريان:امانى فين
لليليان بصتله:مش عارفه
ريان:كانت معاكى
لليليان: نزلت تجيب عصير ومجتش
ريان:انتى مش خايفه من الضلمه
لليليان:مش الضلمه الى بتخوفنى
ريان بصلها بقلق....
غيث: احنا جبنا الكشاف
ريان: تمام يلا ننزل نشوف امانى....
خرجو وقفلو الباب وراهم ونزلو يدورو على امانى....
ريان: امانى..... اماااااانى.....راحت فين بس؟
عصام: اهدى وهنلاقيها
ريان: امااااااااااانى
عصام: انا بدأت اقلق
سمعو صوت حاجه بتتكسر... جريو على مصدر الصوت و........