رواية لولاهم لم اصبح خائنه
الفصل الخامس والسادس
بقلم نورهان هانى
#الفصل_الخامس
كنت نايمة مبسوطة زي طفلة فرحانه بلبس جديد مانا فعلاً طفلة_صحيت وانا كُلي نشاط وقومت نزلت الصاله لقيت شنط سفر عند باب الشقه.
°يا تري مين اللي مسافر طلعت علي اوضة بابا.
_بابا هو مين اللي مسافر.
=إحنا.
_إنت وعبير يعني.
=وانتي.
`اول لما قال كدا حسيت وكإن صعقه ونزلت عليا يعني ايه يعني مش هشوف وعد طب ونور حلم حياتي مش هيبقا موجود إزاي، ليه كل ما حب واتعود علي حاجة الدنيا بتكون مُصره تاخدها مني وكإنها بتقولي فوقي إنتي ولا حاجة إنتي ضعيفه ولو حد هيقويكي يبقا هاخده منك.
_بس انا مش عايزة أجي معاكوا.
=الله الله القطه اللي كان لسانها أتقطع من آخر مرة رجعلها تاني والله مش بمزاجك ويلا اطلعي حضري شنطتك إحنا هنسافر كمان ساعتين.
مكنتش مصدقه يعني إيه ليه كل ده ليه انا مجرد طفله إزاي هقدر أكمل بكل الوجع ده إزاي انا بقيت مشوهه حتي أكتر شخص حبيته هسيبه وابعد يارب يارب انا تعبت.
حضرت شنطتي وجريت علي طنط مني، فتحتلي وعد حضنتها جامد اوي ومكنتش عايزه اسيبها.
وعد: في ايه يا موج مالك.
_انا هسافر يا وعد.
=تسافري فين إنتِ بتهزري صح قولي إنك بتهزري.
_ياريتني كنت بهزر يا وعد.
=طب وانا يا موج هتسبيني ونور.
_مش بمزاجي غصب عني إفهميني مش انا اللي اختارت.
'سمعته صوته بيقول هتسيبي سحابك وتمشي فاضيه يا موج، لفيت أرد عليه لكنه بص بعيد عشان مشوفش دموعه.
_إنت عارف إني مش عايزه أمشي عارف ولا مش عارف.
=....
_عشان خاطري رد عليا، عارف ولا مش عارف.
=عارف يا موج عارف.
_يبقا أرجوكوا أقفوا جمبي انا ماليش غيركوا انا قوية بيكوا عشان خاطري متصعبوهاش عليا عشان خاطري.
وعد: إحنا جمبك دايماً يا موج ومش حتة سفرية هي اللي هتبعدنا صح يا نور ولا ايه.
نور: صح يا وعد، انا مستنيكي يا موج ترجعيلي تاني.
'انا كمان هفضل مستنيه أرجعلك يا نور.
طنط مني: هتوحشيني يا بنتي.
_أرجوكي متعيطيش انا هرجعلك بسرعه وعد.
*إحساس جميل اوي إنك توحش حد ويعيط عشانك إحساس عُمري ما حسيته غير معاهم*
وعد: إحنا هنفضل علي إتصال صح.
_أكيد يا وعد وأول ماوصل هكلمكوا أطمنكوا، انا لازم أمشي عشان بابا.
جريت من عندهم من غير لا حضن ولا سلام ودموعي بتسابقني، انا بكره الوداع إزاي ممكن شخص زي يحبها وهو أتعود علي وداع كل من أحب إزاي"
روحت البيت وشوفت في عيون عبير نظرة غريبه مكنتش قادرة أفسرها هي نظرة مكر ولا إنتصار كدا كدا مش هتفرق علي رأي وعد كله رايح.
روحنا المطار وعرفت ساعتها إننا مسافرين فرنسا وهنقعد هناك عشر سنين_ عشر سنين هكون فيهم من غير عيلتي الحقيقيه عشر سنين هتكون موج بلا نور هتكون موج باهته ودبلانه ووحيده هتكون تعيسه هتكون من غير روح.
ركبنا الطيارة وكان مهتم اوي بعبير كل شوية يسألها محتاجه حاجه، جعانه، كويسه، كنت بصاله وانا كسرتي باينه في عيوني_ عملتله إيه عشان يكرهني عملت انا إيه في حياتي وحش عشان تبقا أبويا، مكنتش هقدر أستحمل أشوفهم كدا فسألت المضيفه إذا كان فيه مكان تاني ممكن أقعد فيه غير ده قالتلي هشوف حاضر،وبعد عشر دقائق جت وقالتلي أيوا فيه تعالي معايا، روحت معاها وأبويا مهتمش أو بالأصل محسش بغيابي هو أساساً مش حاسس بوجودي.
كان في فعلاً مكان فاضي وجمب بنت من سني كانت جميلة اوي قعدت جمبها واتعرفنا علي بعض وطلع اسمها جميلة شبها بظبط.
جميلة: إنتو جايين رحلة ولا هتقعدوا في فرنسا علطول.
_ اه جايين رحله مدتها عشر سنين.
_وإنتِ يا جميلة.
= إحنا جايين تبع شغل بابا وهنقعد خمس سنين ونرجع مصر تاني.
فضلنا نتكلم كتير لحد مانمنا ولما صحينا كنا وصلنا فرنسا مدينة الأحلام.
كنا أخدنا أرقام بعض عشان نبقا نتكلم تاني،ووصلنا بيتنا الكبير الحلو والرقيق اللي مالوش لا ريحه ولا طعم بوجود بابا وعبير،بصيت علي عبير اللي كانت طايرة من فرحتها من إنبهار المدينه والبيت، سبتهم وطلعت علي الأوضه أعيط'ماما زمان كانت بتقولي لما بعيط إن مش عيب موج تعيط العيب إنها تزعل من الأساس موج قوية ومتسمحش لحد يزعلها'
بس الأسف يا ماما موج مش قوية موج ضعيفه ببعد اللي بتحبهم موج سمحت إنهم يزعلوها موج عيطت يا ماما.
طلعت الموبايل اللي وعد إدتهولي قبل ما امشي عشان هي عارفه إني لو طلبته من بابا مش هيوافق، واتصلت بيها
وعد: موج أخيراً إتصلتي كنت مستنياكي، وصلتي بالسلامه يا حبيبتي.
_ لسه واصله حالاً واتصلت أطمنك وأطمن عليكوا انتو بخير.
وعد: صوتك ماله يا موج، إنتِ كنتي بتعيطي!
_ لا أعيط إيه بس هتلاقي متهيئلك.
وعد: هو انا مش عرفاكي يا موج، موج إحنا جمبك وهنفضل معاكي بل كمان هنحبك أكتر من اليوم اللي قبله وحبك هيزيد جوانا بس متعيطيش عشان خاطري.
_مش بعيط يا وعد إنتِ نسيتي إن موج قوية ولا إيه
وعد: لا منستش، موج إنتي بطلتي.
_قوليلي بقا عامله ايه وطنط مني ونور كويس!
وعد: كلنا كويسين الحمدلله خدي نور معاكي لإن شكله هيفضل فوق راسي لو مكلمكيش.
_طيب هاتيه.
نور: موج عاملة إيه وحشتيني إنتي كويسه!
_ انا كويسه بيك يا نور، وانت وحشتني اوي.
_انا لازم أقفل بقا يا نور بابا بينادي عليا هكلمكوا تاني.
نور: متنسيش يا موج.
_مش ممكن أنسي يا نور.
•الحقيقه بابا مكنش بيناديني انا قولتله كدا لإني عارفه إني هضعف ومش هكون موج القوية اللي هما عارفنها، وعد ونور بيستمدوا قوتهم مني ولو انا ضعفت مش هقدر أشوفهم كدا•
نمت من تعب السفر أو بالأحري من تعب قلبي، بتمني أنام مقومش.
صحيت بليل علي صوت رجلين بتنزل علي السلم وصوت وشوشه_ لإن أوضتي جمب السلم فكان الصوت واصلي قومت أتسحب وأشوف مين وطلعت عبير.
عبير: إحنا وصلنا متقلقش خطتنا هتتنفذ من غير إي عائق.
لا عشر سنين إيه اللي انا أقعدهم معاه انا ناقصه قرف_ إحنا خطتنا هتفضل ماشيه بالبطيئ لمدة 6 سنين وبكدا مافيش حد هيشك.
طب يلا سلام لحد يصحي.
_انا إستخبيت بسرعه وعبير فضلت تتلفت في المكان وطلعت علي أوضتها، وانا قعدت في الصاله، يعني بابا هيموت بعد 6 سنين ياريتك لو تفوق يا بابا ياريت...
#الفصل_السادس
طلعت علي أوضتي قعدت علي سريري وفضلت أفكر في كل حاجه حصلت من ساعة ما وعيت وفهمت لحد ما عقلي وقف علي ذكري عنيفه ومؤلمه.
سيد: إنتي واحده عاقر يا تهاني وبنتك ديه انا مش معترف بيها.
تهاني: قصدك إيه!
سيد: قصدي إني كنت عايز واد مش بنت وانتي بالنسبالي عاقر يعني مخلفتيش ومش هتخلفي.
تهاني: وموج_ مش بنتك!
سيد: لا مش بنتي وهتفضل كدا كفايا عليها إني إديتها إسمي رغم إني بكرها ويستحيل أحبها.
تهاني: يا شيخ حرام عليك انت ازاي قاسي اوي كدا، ربنا ينتقم منك يا سيد ومن جبروتك.
_كنت ساعتها عُمري 6 سنين مكنتش فاهمه معظم الكلام اللي إتقال ورغم ده عيطت إني سمعته بيقول إنه بيكرهني بدل ما يقول إنه بيحبني.
رجعت تاني للواقع ومسكت ورقه وقلم وفضلت أكتب الآتي:
" أبي القاسي لقد أحببتُك رغم كُرهك لي، ولكني لم أستطع أن أغفر لك علي فقدان أمي الحبيبه، ولن أغفر خيانتك، لذلك يا أبي ستُخان وستُقتل مثلما قتلت، ولن ترحمك مثلما لم ترحم إمي"
وجبت ورقه تانيه وقررت إني هفضل أكتب لنور لحد ما أرجع وأقوله علي كل اللي كتبتهوله.
"عزيزي نور _ لقد أحببتُك منذ أول مرة تقابلنا بها، لا أعلم سبب حُبي لك ولكنِ أعلم جهل معرفتي للسبب هو السبب في حبي لك لإني أتذكر حينما سألت أمي ما سر حُبك لي_ قالتلي لإنك بنتي_ بس تعرفي يا موج إن ده مش سبب كافي_ رديت قولتلها ليه يا ماما_ قالتلي عشان القلب يا بنتي لما بيحب حد مبيدورش علي اسباب حبه ليهه ولو حصل ولقي سبب فمع زوال السبب ده حبه هو كمان هيزول يا بنتي،وحشتني يا نور.
_طبقت الورقه وحطتها في صندوق كان موجود في الأوضه، ونمت.
قومت تاني يوم، نزلت الصاله ومكنش حد موجود في البيت غيري فهمت إنهم خرجوا يتفسحوا، روحت فتحت التلاجه ولقيت فيها اكل الحمدلله عملت اللي قدرت عليه وكلت وبعد ما خلصت كلمت وعد.
وعد: يا صباح الخير علي أجمل بنت.
_ صباح الياسمين يا وعد، عامله ايه.
وعد: انا بخير طول مانتي بخير، انتي كويسه.
_ انا كويسه، وحشاني اوي يا وعد.
وعد: وانتي كمان يا موج.
_اومال نور فين!
وعد: نور بدأ شغل وانهاردة كان اول يوم.
_ ربنا يوفقه.
وعد: إيه الأخبار عندك كله تمام.
_الحمدلله، طنط مني عامله ايه.
وعد: الحمدلله كويسه.
طيب يا وعد هقفل لإن الرصيد سيكا وهيخلص هشحن وهكلمك تاني.
وعد: ماشي يا حبيبتي.
•قفلت مع وعد وفضلت قاعده زهقانه لحد ما لقيت جميلة بتتصل، رديت عليها.
جميلة: ازيك يا موج.
_الحمدلله يا جميلة انتي عامله ايه.
جميلة: الحمدلله، بقولك ماتيجي نتقابل.
_ بس انا مش هينفع أخرج لإن بابا مش موجود.
جميلة: خلاص انا هجيلك، قوليلي عنوانك.
•قولتلها العنوان اللي سمعت بابا بيقوله لعبير في المطار.
نص ساعه وكنت لقيت الباب بيخبط، عرفت إنها جميلة.
حضنتني، وبعدين طلعنا أوضتي.
جميلة: عامله ايه، وإيه رأيك في المدينه حلوة مش كدا.
_ آه آه حلوة
جميلة: مالك.
_ تعرفي إن مافيش حاجه حلوة طول مانتي بعيده عن الناس اللي بتحبيهم.
جميلة: مش إحنا بقينا صحاب، قوليلي مالك.
°وحكيت لجميلة عن وعد ونور، بس مكنتش أعرف إني هندم بعدين°
جميلة: تعرفي إني حبتهم اوي من قبل ما شوفهم.
_ ولو شوفتيهم هتحبيهم أكتر.
جميلة: طب يا موج انا همشي بقا لإني قولت لبابا مش هتأخر.
_طيب يا جميلة، تعالي تاني.
جميلة: حاضر.
•ومشيت جميلة وفضلت قاعده شوية وسمعت الباب بيتفتح عرفت إنه وبابا وعبير، نزلت الصاله_وشوفت بابا مش قادر يسند طوله، إستنتجت إنه يا شارب يا عبير بدأت فـ تنفيذ خطتها.
_ماله بابا!
عبير: مالوش، ويلا إطلعي علي أوضتك.
_طلعت علي الأوضه وقعدت في البلكونه، الجو كان جميل والقمر كان مكتمل ونوره منور المدينه_جبت كشكولي وقلمي وأطلقتُ العنان لإيدي بقت بتكتب من غير مانا أفكر هي بتكتب إيه.
"ماذا لو كنا بزمان آخر وبمكان مختلف، مكان يشبه الحواديت التي قرأتها ليِ أمي كل ليلة، ماذا لو كنت الفتاة البسيطه وانت أيضاً الشاب البسيط والطموح وكل أحلامنا أن نصبح سوياً، ماذا لو كنتُ سندريلا وكنت انت الأمير الذي ينتشلني من الجحيم، لكن أتعلم أني أفضل من سندريلا لإني عشتُ الأسوء منها، وستكون انت أميري الذي سيبدل أحزاني بسعاده.
أميري العزيز فلتخلدُ بأمان ودمت لي دوماً".
بعد ما خلصت نمت.
صحيت وبرضو مكنوش موجودين، فجبت ورقه وقلم عشان أكتب الجواب التاني لنور.
" وها قد بدأ يومي الثاني وانا لستُ بجانبك، ولكنك بداخلي، وعد قالت ليِ أنك بدأت بعملك_من كل قلبي أتمنالك التوفيق والنجاح، فليسعد ربي قلبك مثلما قلبي سعيد بفضلك.
وبعدين كلمت وعد ونور وطنط مني، قد إيه كانوا واحشني وفضلنا نتكلم كتير أوي وبعدين قفلنا.
وجميلة بقت تجيلي كل يوم لحد ما بقت صاحبتي اوي.
وكل يوم بابا وعبير يخرجوا ولما يرجعوا بابا مش بيكون في وعيه.
"وها قد مر عامِ الأول بدونك واليوم هو يوم ميلادك، أتمني السعاده لك دوماً، أتمني أن تصبح لي، وأن تجتمع السماء والسحاب مرة آخري"
_ كل سنه وانت طيب يا نوري.
نور: وانتي معايا يا سمائي.
_ وحشتني يا نور.
نور: وانتي يا موج، انا بقيت بَعد كل دقيقه علي رجوعك ليا من تاني.
_ هانت يا نور ونرجع تاني.
•واتكلمنا كتير لحد مانمنا من غير ما نحس.
جه الصبح كنت قايمه زعلانه لإني كان نفسي أبقي مع نور في يوم ميلاده، يا تري هيكون مفتقدني!، نور بقا عنده 17 سنه والسنه الجايه هيكون في الجامعه، هو ممكن يحب غيري وينساني_ لا لا أكيد ده انا موج حب طفولته مش ممكن يحب غيري.
سمعت الباب بيتفتح وكنت عارفه انها عبير وبابا بس كان معاهم شخص تالت.
بابا كان فاقد الوعي تماماً.
_ بابا ماله.
الشخص التالت: انا دكتور عصام وجاي أكشف عليه وارد علي سؤالك.
بعد ما كشف قال:
الدكتور: الأستاذ تعبان جداً نتيجة علاج خطأ بياخده ولازمله راحه، والعلاج ده ياخده مرة الصبح ومرة بليل.
وبعدين مشي، وانا دخلت لبابا بس هو كان ماسك إيد عبير وبيطمنها وجيت انا أشوفه زقني بعيد عنه وكسرني للمرة المليون.
_هو يستحق اللي بيحصله هو حتي محاولش يعبرلي عن حنيته ولكنه إداها كلها لعبير الخاينه.
جه وقت الغدا وشوفت عبير وهي بتبدل دوا الدكتور بدوا تاني وبتحطه لبابا في الأكل..
وعدي سنتين وبابا كل مدي حالته بتسوء بسبب عبير.
وجميلة قالتلي إن السنه ديه هتبقا آخر سنه ليها في فرنسا عشان كليتها هتبدأ.
ونور دخل الكلية وحقق حلمه هو ووعد وبقينا كل يوم بنتكلم.
*كان نفسي انا كمان أدخل الكلية زيهم لكن نصيبي منعني بوجود بابا في حياتي*