ملكت قلبى)....
... البارت الاول والثاني
جنه سامى
هيثم: لازم ترجع من امريكا دلوقتى حالا يا زين
زين: ازاى يا بابا مينفعش ارجع دلوقتى عندى شغل كتير
هيثم: دى اوامر جدك يا زين لازم ترجع وتروح المنصورة عشان هو عايزك ضرورى
زين: طيب يا بابا هرجع بكرا الصبح
هيثم: ماشى متتأخرش
زين: حاضر يا بابا
وقفلو. اة صح نسيت اقولكم دة. زين الجارحى 30سنة شاب رياضى وعملى جدا معندوش وقت للحب والتفاهات دى بس هو ميعرفش ان هتيجى اللى هتجننو 😁 المهم طويل شعرة كثيف بنى وسيم جدا عيونو خضرا .. هيثم ابو زين وهنعرف بقية الشخصيات فى الرواية
امل ام زين: تفتكر الحاج عايزنا كلنا لى وبالزات زين
هيثم: معرفش هو مقليش حاجة قالى لما تيجوا هتعرفو كل حاجة
امل: ربنا يستر
(وجت مجنونة العيلة 😂 اميرة اخت زين 25سنة وشقية وفرفوشة زى كدا😂 متوسطة الطول شعرها متوسط الطول برضو عيونها عسلى)
اميرة: انا جييييت
امل: نورتى يا حببتى
هيثم: نورتى يا حبيبة بابا
اميرة: مممممم مش مرتاحالكو قولولى فى اية
امل: لا يا حببتى مفيش حاجة بس جهزى نفسك وحضرى شنتطك عشان هننزل المنصورة بكرا
اميرةبفرح:بجد انا مش مصدقة يسسسسسسس يسسسس
هيثم بضحك: ومالك فرحانة كدا لية
اميرة: عشان هشوف ام عيون القطة القمر دى
(مش مهم تعرفو مين دلوقتى هخليها مفأجاة 😉)
هيثم: طب يلا يا امل انت وميرا روحو حضرو شنتكم وزين هيبقى يلحقنا بقا
امل: ماشى يلا بينا يا ميرا
( عيلة الجارحى دى عيلة غنية جدا واشهر العائلات الموجودة فى مصر كلها)
عند ميرا فى الاوضع كانت اعدة مع صاحبتها منة: بقولك اى يا بت يا منة
منة: نعم يا اختشى
ميرا: بفكر يا ترى ام عيون قطة بقت عاملا ازاى دلوقتى
منة: يا بنتى لى بتحبى دايما تناديها كدا وبعدين هو انت مش بتكلميها
ميرا: لا طبعا بكلمها يا عبيطة بس بقالى كتير مشوفتهاش وحشتنى اوى اوى يا بت.
منة: واللة وانا كمان وحشتنى اوى نفسى اشوفها
ميرا: يا حمارة مانا قلتلك ان احنا مسافرين بكرا تعالى معانا
منة: مينفعش عندى مزاكرة كتير ومش عايزة اسيب ماما لوحدها
ميرا: ماشى بس هنبقى نروح انا وانتى فى يوم غير متوقع ونعملها فجأة ونخرعها 😂😂😂
منة: طبعا يا اختشى
(نسيت تانى اقولكم دى منة صاحبة اميرة معاها فى الجامعة ومن ايام ابتدأئى وهما يعرفو بعض وكانت ..... ام عيون قطة 😂 صاحبتهم الانتيم المهم🙂منة شعرها قصير عنيها بنى وطيبة اوى متوسطة الطول)
(عدى اليوم ليأتى يوم جديد ملئ بأحداث التشويق)
ميرا: يلااا ااااايا جماعة بقا هنتأخر
امل: بتزعقى كدا لية يا بنتى مأحنا رايحين اهو
ميرا:بقالكم ساعة يتجهزو وانا قاعدة مربعة ومستنية
هيثم بضحك: خلاص يا لمضة يلا بينا يا امل لحسن تفضحنا
امل بضحك: يلا بينا
اما عند زين بطل الرواية 😉😉😉
زين: انا لازم امشى بقا يا احمد عشان الحق الطيارة
احمدصديق زين المقرب الانتيم يعنى المهم طويل عريض شعرة ابنى غامق عيونو سودة: لى رايح فين
زين: ياابنى انت حمار مش قولتلك بابا اتصل بيا وقالى ان جدى عايزنى ضرورى وبعدين لسة هخلص موضوع خطوبتى ببنت عبداللة السيوفى
احمد بفرحة: هتخطب الف مبروك يا صاحبى ربنا يسعدك
زين:يا شيخ اتوكس انا خاطبها لان دى هتفرق معايا جدا فى ثفقتى الجديدة
احمد: بس انت كدا بتغلط يا زين البت دى اساسا عملية اوى وكل همها الفلوس وكمان مغرورة اوى
زين: وانت عرفت كل دة منين
احمد: جبت معلومات عنها عشان اطمن عليك يا صاحبى
زين: يا اخى دة انت لو ابويا مش هتعمل كدا
احمد: مش صاحبى ولازم اطمن عليك
زين: ماشى يا خويا انا نازل بقا عشان الحق الطيارة خلص ورق الثفقة الجديدة وانا هخلص وارجعلك
احمد: سلام يا صاحبى
( وراح زين وركب الطيارة ولما وصل راح بيت المنصورة عند جدو) ولما وصل زين
امل: حمداللة على السلامة يا حبيبى
زين: اللة يسلمك يا امى... ازيك يا جدى ازيك يا عمى محمد
الجد: كلنا كويسين يا زين انت عامل اى فشغلك
زين بثقة (بتناكة يعنى😒 الواد رزل اوى المهم😂): كلة تمام يا جدى ومجموعه السيوفى بتكبر
الجد: طول عمرك مسؤل يا زين بس انا جمعتكو هنا كلكلو عشان عايزكوا فى موضوع مهم
ميرا: امال فين ام عيون قطة
الكل باصلها وبعد كدا ضحكوا من كلمتها
يزن اخو...ام عيون القطة 😂بضحك: لا مهى مسافرة دلوقتى.
.يزن 30سنة طويل عريض كدا قمر زى زين شعرة خفيف ولون عيونو رمادى.. سيف 20 سنة اخوها برضو بس اصغر منها عيونو بنى وشعرة كمان.... اما يوسف 25 و... اسبكو انتو يا بنات تألفو فى ملامحو براحتكم بقا 😂😂😂 المهم)
ميرا اتكسفت منو: اة ماشى
كل اخواتها موجدين معادا هى على فكرة 😁
يوسف: هو حضرتك جمعتنا هنا لى يا جدى ولى طلبت ان...
متجيش.
(قصدو ام عيون قطة😂. ملاحظة اللقب دة نسبة لعيونها الزرقاء الفاتحى الساحرة ال... اسفة اندمجت شوية🙂 المهم☺️)
شيفاكى شيفاكى اللى هتدعى عليا اهو واللة ما خليكوا تعرفو اسمها دلوقتى 😂😂 المهم
الجد: انا جمعتكم هنا عشان...........
(ملكت قلبي)...... البارت 2
الجد: انا جمعتكوا هنا النهاردة عشان انا اتخزت قرار ولازم اعرفكم اية هو
هيثم بفضول: واية هو يا بابا
الجد: انا قررت اجوز لين وزين
زين وهو. بيخبط على الترابيز بغضب: اية ازاى دة يا جدى مينفعش
الجد بغضب: مش انت اللى هتقولى اية اللى ينفع واية اللى مينفعش
يزن: ازاى دة يا جدى انت عارف ان لين مش هترضى و...
الجد مقاطعة لة: لا هينفع وانا اللى قولتة هيتنفز سامعين
زين: انا مستحيل اتجوز وحدة معرفهاش ومتصلحش تكون مرات زين الجارحى
يزن بغضب: قصدك اية يا زين حاسب على كلامك وافتكر ان اللى بتتكلم عنها دى اختى
الجد: انتو هتتخانقوا قدامى اسمعو بقا انا كلامى هيتنفز وهيمشى على الكل واللى عندوا اعتراض يطلع برا وملوش حاجة عندى اما لين فأنا بنفسى هقنعها. بكدا سامعين
زين: ازاى اتجوز وحدة وانا اساسا خاطب
الجد: خطبتك دى تنساها بنت عمك اولى
زين بغضب: بس يا جدى
الجد مقاطعا زين: مفيش بس جهز نفسك كمان شوية وهيجى المأزون وهتكتب على بنت عمك يا زين
(الكل كان منزهل من كلام الجد وخصوصا محمد ابو لين اة صح ام عيون قطة دى هى لين ودى بقا حكايتها حكاية مامتها توفت فحادثة عربية وهى صغيرة دا اللى هما عارفينوا لغاية دلوقتى لسة بقية الاحداث مشوقة اوى المهم)
محمد ابو لين: يا بابا لين مستحيل تقبل بكدة وخصوصا ان هنعمل كدا من غير ماهى تعرف. انا عايز اطمن علها اة (بص لزين نظرة حادة) بس تكون مع الشخص اللى يقدرها ويحترما مستحيل ارمى بنتى الرمية دى
(هيثم كان خجلان جدا من اخوة الكبير بسبب اللى قالو زين)
الجد: دة قرارى و...( وقبل ما يكمل كلامه كان المأزون جة واتكتب كتاب زين على لين)
زين بغضب بيحاول يدارى: انا عندى شغل كتير ولازم امشى
الجد بهدوئ مخيف: مانا يازين....( الجد فى نفسة: لما نشوف اخرتها معاك يا زين
(اخوات لين كلهم غاضبين لان اختهم بقت مرات واحد زى دة مش مهتم بيها وفوق كل ده اهانها قدامهم)
مشى زين بغضب والكل ساكتين
الجد: امل خدى اميرة واطلعى فوق وانتو تعالو ورايا فى المكتب ... دادة حليمة
الدادة: نعم يا استاز
الجد: حضرى اوضتة لين عشان راجعة بكرا
الكل انصدم بس عدى الموقف وعملو زى ماطلب.فى اوضة ميرا وامل معاها
ميرا: انا مش قادرة اصدق اللى حصل النهاردة دة يا ماما
امل بحزن: ولا انا يا بنتى ربنا يستر.بس تصدقى حسة انى كنت مقصرة مع لين بقالى كتير مشوفتهاش ياترى هى عاملة اية دلوقتى
ميرا: متقليش كدا يا ماما هى اكيد عارفة ان دة مش بأيدك
امل: ياريت
( وقبل ماتتكلم كانت جت ياسمين. 25 سنة بنت عم زين برضو بس عمو التانى عيون عسلى فاتح كدا شعرها بنى غامق متوسط امها وابوها مسافرين موقتا لندن)
ياسمين: تك تك تك انا جيت
ميرا قامت بفرحة: اختشى
ياسمين: حببتشى
الاتنين حضنو بعض
امل: حببتى انت رجعتى امتى
ياسمين: لسة راجعة دلوقتى يا طنط
امل بضكك: لا طنط اية قوليلى خالتو
ياسمين: حببتى يا خالتو
ميرا: بسسسس انا هنا على فكرة احترمو وجودى حتى
ياسمين: دة انت مصيبة يا اختشى
( وقعدوا يضحكوا اما فى المكتب عند الجد كان يزن وسيف و يوسف ومحمد وهيثم هناك)
الجد: طبعا انتوا انصدمتوا من القرار اللى اخدتو بس انا عملت كدا لمصلحت زين ولين
يزن: قصدك.اية يا جدى
الجد: انا عملت كدا عشان عارف ان زين الشخص الوحيد اللى هيقدر يحافظ على لين و...............
الفصل الثالث من هنا
لقراءة باقي الفصول من هنا
