رواية منقذى حياه
الفصل الاخير
الاخير
- زوج حضرتك يا مدام حياااه بيتهمك بعد المحافظه ع بيته واحترام جوازك منه ،
وانك لسه بتحبى د/يحيى واعترفتيله بحبك ليه بعد ما خرجتو م
الزفاف ، وده الدافع اللى خلاه يحاول يقتله ، دفاعا عن شرفه ، ما قولك فيما هو منسوب اليكى؟!......
مكذبتش لما قولت انه ميستاهلش انى ازعل عليه ، لانه شخص ممكن يعمل اى حاجه علشان
مصلحته وعلشان يخرج نفسه م اى ورطه حتى لو كان على حساب مراته....قولت بانفعال :
= قولى ايه وكلام فاضى
ايه؟! ده واحد زباله وحقير ، هو بيقول عليا انا الكلام ده ، انا مرضتش اقول عليه حاجه زى كده مع ان كلامى هيكون
حقيقى وقولت دى اسرار كانت بينا يقوم هو اللى يقول ، هو مش
مكفيه انه كان هيقتل يحيى وكمان الرصاصه جت ف سليم اخوياااا...
- اهدى اهدى بس مش كده احنا بنسألك بس مش بنوجهلك اى اتهام...
= انا اسفه مش عارفه انفعلت ازاى كده قدام حضرتك بجد اسفه ، بس مش قادرة استوعب اللى هو بيقوله ، وازاى يتجرأ يقول كده اصلا؟!...
- مفيش مشكله ، قوليلى بس ايه علاقتك ب بيحيى تعرفيه منين يعنى؟!...
= يحيى ده صاحب اخويا واكتر من اخونا كلنا ، ومتربى معانا...
- بس كده؟!
= آيييه....هو اتقدملى قبل لؤى بس انا رفضت لانى كنتى شايفاه صاحب اخويا يعنى
اخويا بس كده ، والله ماشفته م ساعتها ولا اعرف عنه حاجه ، دا انا لما شفته ف الفرح معرفتوش اصلا غير لما فكرنى
بنفسه ودى كانت اول مره اشوفه فيها م وقت مااتقدملى م 3 سنين تقريبا....
- تمام يا مدام حيااااه ، اتفضلى امضى ع اقوالك...
= وبعدها امشى؟!...
- اه طبعا تقدرى تتفضلى انتى مش متهمه بحاجه...
= شكرا ، شكرا جدا...
بعدها سألوا يحيى قال نفس الكلام بالظبط لان هو ده الحقيقه ، صحيح هو مقالش انه
بيحبنى وانه مستنينى م وقتها لكن احنا فعلا معملناش اى
حاجه م اللى لؤى بيقولها ومكناش نعرف بعض خالص ف الفتره دى...
(عند لؤى والمحامى)
- كلهم نفوا التهمه وكلامهم كان متطابق جدا...
= يعنى ايه ؟!
- يعنى لبستها ، الحمد لله سليم عايش وبقى كويس بس شهد عليك هو ويحيى يعنى شروع ف قتل متفصله عليك...
= انت معايا ولا ضدى يا متر؟!...
- ولا معاك ولا ضدك انا بقولك وضعك ف القضيه...
= طب والعمل دلوقتى؟!
- العمل عمل ربنا ، القضيه دى مفيش فايده فيها وانا مبمسكش قضايا خسرانه وكفايا لغاية كده يا لؤى ، بعد اذنك...
= يعنى ايه؟! لاااأ ، لاااااأ متسبنيش متسبنيش يا أ/مجدى....أ/مجدييييييييي
مشى مجدى ومردش عليه وخلاص كده لؤى هيتحكم عليه...
_____________
بعد ما سليم طلع م المستشفى بكام يوم والحمد لله بقى كويس جدا وبدأ يرجع زى الاول ، يحيى كان جاى يزوره...
- بسسس...
= بصلى...
- عايزاك...
دخلت البلكونه وهو جه ورايا...
= خير يا حياااتى...
- تعرفى محامى شاطر...
= اعرف... ، ليه؟!
- انت نسيت؟!
= نسيت ايه؟! آاااه موضوع الطلاق...
- اه
= سيبيلى الموضوع انتى وانا هخلصه مع المحامى هنحتاجك علشان تعملى التوكيل بس....
- بس كده؟!
= بصلى وقال : لأ ازاى ده احنا محتاجينك ع طول ، قرب منى وباس ايدى ولسه كان هيقولى حاجه...
دخلت ماما ف نفس اللحظه...يحيى ساب ايدى بسرعه...وانا ميته ضحك عليه...
_ ماما : انتو بتعملو ايه؟! وانت ماسك ايدها ليه؟! وانتى بتضحكى ليه؟!...
- مفيش يا ماما اصل ايدى اتخبطت بس ووجعتنى فكنت بوريهاله...اصل يحيى ده دكتور يا ماما...
= اه يا طنط بالظبط زى ما قالتلك كده...
_ طب واللى ايده واجعاه يضحك كده؟!....
- اصل يا ماما مش عارف يقولى مالها خااالص...
_ طاااايب ماشى...وانت يا دكتور...
= نعم يا طنط نعم...
_ يالا تعالى ورايا سليم عايزك...
= حاضر ، اتفضلى وانا جاى وراكى...
_ متتأخرش...
= لأ وراكى ع طول يا طنط...
ولسه هيبص عليا ويكمل كلامه ، بعدين قال طنط... وجرى بسرعه....
وفعلا خلصلى كل حاجه ف موضوع الطلاق والقضيه اترفعت ، انا بس يادوب عملت التوكيل...
_______________
(عند لؤى)
- هاتلى المتهم اللى اسمه لؤى يابنى...
= تمام يا افندم...
بعد ما لؤى جه...
- لؤى مدام حياااه مراتك رفعت عليك قضية خلع...
= ايه؟؟!! لا لا حياااه متعملش كده لااااأ....
- لأ عملت ، اقعد كده واسمع الكلام كويس...
= بس مش هتكسبها صح ؟! قولى انها مش هتكسبها...
- لأ هتكسبها ، اذا كان لو
رفعتها قبل ما تدخل السجن هتكسبها ، ف ما بالك بقى بواحد ف السجن وشرع ف قتل اخوها...
= ده بالغلط... انا مكنش قصدى...
- بس كنت تقصد تقتل حد غيره...
= لاااأ لاااأ لااااااااأ متحاول تقنعنى...حياااه متعملش كده ، حياه متعملش كده ابدا...
- طب ومتعملش كده ليه ؟! مش انت اللى...
تنهد بصوت عالى وكمل انا مش عايز اتدخل ف حاجه شخصيه بس حبيت اقولك علشان
تبقى عارف علشان بس لما يجيلك قرار الخلع متتصدمش...رجعه للحجز يا عسكرى....
________________
عدى فتره كده كان سليم الحمد لله خف تماما ورجع زى الاول واحسن ، ولؤى خلاص
اتحكم عليه ، والحمد لله انا كسبت قضية الخلع...وكل الأمور
الحمد لله بقت تمام ، وكلنا كنا عارفين ان يحيى بعد كام شهر هييجى يتقدملى بس عمرنا منروح نقول ههههههه...
- سليم سليم سليم....
= نعم نعم يا حيااااتى...
- يحيى فين؟!
= وانا اعرف منين هو فين؟!...
- هو مش صاحبك؟!
= صاحبى طبعا بس معرفش هو فين دلوقتى...
- طب بص كلمه ف التليفون قوله حيااه مستنياك ف الكافيه اللى جنبنا ده عايزاك ف موضوع مهم...
= هكلمه بس هاجى معاكى....
- لا متتعبش نفسك اناةمش هتأخر...
= طب قوليلى ايه الموضوع؟!...
- لأ انت ممكن تقوله...
= لأ والله مش هقول...
- لأ هو يبقى يقولك بعدين ، كلمه يالا بسرعه وانا هلحق اروح علشان احضر المفاجأه بسرعه متتأخرش...
= ماشى هكلمه اهو....
(ف الكافيه)
دخل يحيى وفضل يدور عليا وبعدين شافنى وجه عند الترابيزه اللى قاعدين فيها...
وقال بدهشه :
- يارا؟! انت بتعملى ايه هنا؟! هو انتو تعرفوا بعض؟!...
= لأ يا يحيى اول مره اشوفها كانت ف المستشفى ، بس خدت رقمها م موبايلك وكلمتها علشان تيجى...
- كويس قوى جميل اننا نقضى وقت مع بعض...
= طبعا طبعا...
- ايه بقى الموضوع اللى انتى عايزانى فيه؟!
كنت مشتريه دبلتين ومحضراهم وجايباهم معايا قومت فجأه ومسكت ايده يارا
ولبستها دبله ، ولبسته هو كمان دبله ، وقولت :
= بكده انا هبقى مرتاحه جدا....
- حيااااه انتى بتعملى ايه؟!...حيااااه..
حطيت ايديهم ف ايدين بعض بصتله وقولت :
- محدش هيحبك قدها...
ومشيت وانا بقول ف نفسى :
= لازم اللى يحب يضحى ، وانا هضحى علشان يحيى انا مش هقدر احبه اكتر م يارا
ولا هقدر اشوف ف عنيا اللمعه والفرحه اللى بشوفها ف عنيها لما بتشوفه او بس تسمع اسمه....
هو اكيد هيكون مبسوط اكتر معاها..
هو كمان بيحبها بس محتاج يتأكد ان خلاص انا وهو مش هنكون لبعض وقتها هيبدأ
يحس بحبه ليها ويعترفلها بيه...
لازم منبقاش انانيين ، لازم نفكر ف اللى بنحبهم ، ومنبنيش بيتنا ع حطام غيرنا...
واللى عملته ده ميجيش حاجه ف تضحية يارا اللى مستنياه بقالها 3 سنين واكتر ولسه
مستعده تستنى تانى وعندها امل...ولسه زى ماهى لطيفه وبريئه والايام والانتظار مغيروهاش....
اما انا بقى ف هلاقى انسى وسط اهلى و ف بعدى عن لؤى وراحتى منه ، ومش زعلانه
ابدا بالعكس مرتاحه ومبسوطه ، واكيد ان شاء الله ف يوم م الايام هلاقى حد احبه ويحبنى ويكون عوضى..
النهاية