رواية وردة قلبي الجزء الثاني2الفصل الاول1والثاني2بقلم صباح سامي الغمري
مالك : صباح الخير ياست الكل .
ورد : صباح الخير يحبيب ماما .
جاسر : انت ياض قولتلك بلاش شغل الدلع بتاعك داا .
مالك : الله بقي ياجسورة انت بتغير.
ورد بضحك : يخربيتك حلو جسورة دا .
جاسر بعصبيه : ماشي ماشي ، روحت الشركه .
مالك : انا لسه مخلص شغل حالا و جيت افطر معاكو و بعدين هروح .
ورد : والله انا قلبي مقبوض من شغلك دا ، انت عاوزني كدا علي طول خايفه .
مالك : ياماما دي احسن حاجه .
"مالك طبعا عارفينو ، كبر بقي عندو حاليا ٢٧ سنهه ، ظابط ف المخابرات العامه ، طبعه صعب جدا و دا غالبا طالع لجاسر ، طويل و عريض ، لون عيونو من البني الغامق ، قمحاوي البشرة " .
جاسر : خلاص ياورد اهو اشتغل و الحصل ، يلا بقي علي الفطار .
" علي السفرة".
ادهم : ادة ادة مالك بيفطر معانا سبحان الله .
سيلين : بطل رخامه بقي عليه ، وحشتني يمالك .
مالك : حبيبتي يااسينووو ، انتي وحشتيني اكتر .
"سيلين اخت مالك عمرها حاليا ٢٣سنه مخلصه كليه فنون جميله ، شعرها طويل يشبه سواد ال ليل ف لمعانه و جماله ، عيون واسعه ، و بشرة بيضاء"
"ادهم اخو مالك عمرو ٢١ سنه ف كليه طب، دمه خفيف و يشبه ورد " .
جاسر : اعملو حسابكو بكرة انشاءلله هنروح الفرح كلنا سوا.
سيلين بفرحه : سيف هيجي ؟ ، احم اقصد يعني هو و عمو مازن و طنط مها و ملك ، كلهم يعني جايين .
ورد بضحك : اة سيف جاي .
مالك بعصبيه : كلهم جايين ياااماما مش سيف .
سيلين بكسوف : مقصدش .
جاسر : هتروحي الشركه مع اخوكي تدربي انهرده ! .
سيلين : ايوا ، سيف كمان قالي انه هيوريني اتعامل ازاي .
جاسر : طيب كويس خدها يامالك علي سكتك عشان هتأخر شويه .
ماالك بغمزة : ماشي ياشقي .
************
" ورد ف غرفتها بتعيط " .
جاسر بيخبط : ادخل ؟ .
ورد بتمسح دموعها : ادخل .
جاسر : مالها وردتي .
ورد : افتكرت جدو الله يرحمه ، وحشني اوي.
جاسر : الله يرحمه ، انا كمان مفتقدو اوي ياورد .
***********
ملك : اوعي يااض كداا هات التشيرت.
سيف : يبنتي سيبي هدومي بقي تعبتيني .
ملك : انت عارف اني بحب البس لبسك عشان واسع و بيعجبني .
سيف : طب ما تلبسي فساتين .
ملك : مش بحبهم بحب ال لببس الرجالي الواسع .
سيف : ياحببتي هدومي كلها تحت رجلك .
ملك : الله بقي ع الحنيه يااعم .
"سيف اخو ملك عمرو ٢٣ سنه خريج كليه اداب ، بيشتغل ف الشركه مع مالك و جاسر و مازن , متوسط الطول ، ابيض البشرة ، عندو غمازات" .
"ملك عمرها ٢٥ سنه حاليا مخلصه كليه تمريض ، بترفض اي عريس يجيلها لحد ما تلاقي الشخص الرسمه قلبها ليها ، بشرة خمريه ، قصيرةة ، قلبوظهه ، عيونها عسلي".
سيف: سبيني بقي البس عشان اروح الشركه .
ملك : انا المعطلاك يعني ماشيي مااشيي .
***********
"ف الشركه " .
مالك : روحي لمني يا سيلين هدربك .
سيلين : طيب ماشي .
سيلين : ايه يمني ازيك .
مني : الحمدلله يحببتي .
سيلين بصوت واطي : بقولك ايه سيف جه .
مني : لا لسه ، اهو جه .
سيف : صباح الخير .
سيلين بفرحه : صباح الخير يسيف .
سيف : جيتي من بدري .
سيلين : لا لسه دلوقتي .
سيف : طب يلا تعالي عالمكتب .
سيلين : عن اذنك يمني .
"مني عمرها ٢٢ سنه ، متناسقه الجسم ، مهتمه بنفسها و شيكتها ، تمتلك عيون ساحرة ، مغرورة بعض الشئ"
**********
ملك مسكت تلفونها و بدأت ترن .
مالك : الو .
ملك : احم ، الو ازيك ؟ .
مالك : الحمدلله يملك انتي عامله ايه .
ملك : انا كويسه ، جاي الفرح بكرا ؟ .
مالك : انشاءلله .
ملك : طب هو انت زعلان مني ف حاجه ، اصل بقالك فترة مش بتكلمني ؟ .
مالك : معلش مخنوق شوية .
ملك : مالك انا بحاول اقرب مش بتديني فرصه ليه ، حتي اننا نكون صحاب زي الاول.
مالك : انتي الدمرتي علاقتنا من زمان ، يوم لما لغيتي اني اتحكم فيكي ؟ .
ملك : مكنش اقصد .
مالك : متكمليش ، اشوفك بكرة باذن الله ، سلام.
ملك بدموع و بدأت تكلم نفسها " انا غبيه بس دايما محسسني انك شئ بتمتلكه ، عمري ما عرفت حتي انك بتحبني ولا لا ، علي طول تحكم و خلاص، كان لازم احط حد للموضوع دا" .
**********
"ف المكتب"
سيف : فهمتي ياستي ولا لا .
سيلين بتوهان : هاا اة فهمت .
سيف : انتي مش معايا خالص .
سليني : لا معاك اهو .
سيف : طيب ياستي ، عاوزك ف موضوع كدا ، فوقي معايا .
سيلين : معاك .
سيف : اي رءيك ف مني .
سيلين : رءيي فيها ازاي يعني .
سيف : يعني كبنت و كدا .
سيلين : يعني ايه برضو .
سيف : انا بفكر اعرض الجواز علي مني .
سيلين بذهول : .......
الفصل التاني .من الجزء الثانى
سيف : انا بفكر اعرض الجواز علي مني .
سيلين بذهول : مني !! .
سيف : ايوا ايه رءيك بقي .
سيلين وهي بتبلع ريقها: كويسه ، هي بنت محترمه بردو ، بس مش شايف ان لبسها غريب شوية ؟ .
سيف : مش فاهمك ! .
سيلين : يعني لبسها مش بيعجبني اوي.
سيف : عادي حلو يا سينو .
سيلين : التشوفو ، انا لازم امشي .
سيف : طب و التدريب .
سيلين : اصل ، اصل انا تعبت انهرده كفايه كدا .
سيف : طيب اجي اوصلك .
سيلين : لا ربنا يخليك نا هروح لوحدي .
و طلعت تجري و لكن كانت دموعها سبقاها .
" معقول ، معقول انا مستنيه كل دا و تيجي بالسهوله دي واحدة تاخدو مني ؟ ، كل حبي كان وهم ، وهم و كان لازم دا اليحصل في يوم" .
***************
"ف المساء" .
مالك مروح بالعربيه و فجأه ظهرت ادام منه بنت و وقف العربيه فجأه .
مالك نزل منها بسرعه : انتي كويسه .
البنت دورت وشها و بصتلو .
مالك اول ما شافها بقي في دنيا تانيه من جمال عنيها و رموشها الطويله و براءتها التشبه الاطفال .
البنت بدموع : اسفه انا الطلعت فجأه .
مالك بتوهان : لا انا الاسف ، خليني اوديكي المستشفي .
وسيله : لا لا انا تمام سبني بس امشي .
مالك : متقلقيش هطمن بس عليكي .
وسيله فكرت انها افضل فرصه عشان تهرب من الجحيم الكانت هتبقي فيه .
وسيله : طب يلا و سوق بسرعه ارجوك .
مالك : حاضر .
**************
" ف المستشفي" .
الدكتور : هي تمام كدمات بس بسيطه .
مالك : طب كويس و انا هجبلها العلاج المكتوب .
الدكتور : خليها بس تهتم بالاكل لانها ضعيفه جدا .
مالك ف سرو و بدأ يضحك : هي فعلا صغيرة اوي .
وسيله طلعت من الاوضه :شكرا جدا علي مساعدتك .
مالك : كنتي بتجري من ايه .
وسيله بخوف : مش من حاجه .
مالك : اتكلمي يمكن اساعدك .
وسيله : انا اسفه بس لازم امشي .
و طلعت من المستشفي و سابت مالك واقف مكانه مذهول من نفسه و قلبه العمال يدق بوجودها ، هو حتي معرفش اسمها ! .
***************
"وسيله عمرها ٢١ سنه بنت جميلهه و قصيرة و تمتلك عيون زرقااء كزرقهه السماء و رموش طويله ،محجبه, باباها متوفي و عايشه مع مامتها و جوزها" .
تيسير : اي الاخرك كدا ياوسيله .
وسيله : انا اسفه يماما .
تيسير : و فين اسماعيل مجاش معاكي .
وسيله بدموع : ما بلاش السيرة دي ونبي .
تيسير : انتي ضايقتي تاني ؟ .
وسيله : ضايقته ، هو العلي طول مضايقني ، بالله عليكي انا مش عاوزة اشتغل معاه ف المحل ، انا هدور علي شغل وهصرف علي نفسي من بكرة بس مش هروح تاني .
تيسير : اعملي التعملي المهم تجيبي فلوس تصرفي علي نفسك .
وسيله دخلت اوضتها بتجر وجعها و بدأت تفتكر مالك .
وسيله : ياترا انت اسمك ايه ، الحمدلله يارب انك طلعت ف وشي و انقذتني منه و قامت عشان تصلي .
***********
"ف الصباح" .
وسيله لبست فسانها و طرحتها من ال لون اللبني الاتماشي مع عيونها و نزلت عشان تدور علي شغل.
تليفونها بيرن .
وسيله : الو.
كريمه : بقولك فيه شغل ، انهرده ف الفرح طالبين بنات معانا جرسون لناس جامدة اوي جايين اليوميه ٤٠٠.
وسيله : بجد ، طب اجي امتي بسرعه ! .
كريمه : تعالي دلوقتي قبل ما يجيبو ناس تانيه متتأخريش .
وسيله : طيب حاضر و قفلت الخط : احمدك و اشكرك ياارب .
وراحت علي المكان .
**********
سيف : بت يملك اصحي .
ملك : اي يسيف .
سيف : مالك ، انتي معيطه ولا ايه .
ملك : لا ابدآ انا تمام .
سيف : طيب قومي يختي ، انا بتصل بسيلين من انبارح مش بترود مش عارف ليه.
ملك : ايه الحصل .
سيف : مش عارف من ساعت ما كلمتها ف موضوع مني .
ملك : مني ، موضوع ايه .
سيف : انا عاوز اخطب مني .
ملك بصدمه : و تقول كدا ف وش سيلين ، ولله انت غبي و هتفضل طول عمرك غبي .
سيف : ف ايه يبنتي مش فاهم .
ملك : مش لازم تفهم ، وسع من وشي بقي عشان اشوف حاجه البسها عشان الساعه بقيت ٣ وانا معرفتش هلبس ايه .
*************
ادهم : هتلبس ايه يجاسر .
جاسر : ولاا اي جاسر دي .
ادهم : بقلد ورد الله 😂
ورد بضحك : طب والله كنت لسه هسأله.
جاسر : عادي يعني دا ابن صاحب الشركه البنتعامل معاها فكلنا هنلبس عادي .
ادهم : لا يحجوج لازم نتشيك عاوزهم يقولو اننا مش قد المقام ولا ايه .
مالك : حجوج ، لا دمك خفيف هات رقمك بقي .
ادهم بضحك : دمي خفيف فعلا .
مالك : اومال فين سيلين مختفيه يعني .
ورد : مطلعتش من اوضتها حتي مفطرتش بتقول مش جيلي نفس .
مالك : انا هروح اشوفها .
*********
مالك بيخبط علي سيلين .
سيلين بتمسح دموعها : ادخل .
مالك : اي دا سيلين الصغنن بتاعي زعلان ليه .
سيلين : مفيش مخنوقه بس شوية.
مالك : خلصييييي ف ايهه .
سيلين : مش لاقيه طقم حلو البسو .
مالك : ياسلام دا سينو قمر ف كلو .
سيلين بضحك : بجد يمالك انا حلوة. .
مالك بأستغراب : والله انتي جميله ياسيلين و كفايه قلبك و حنيتك.
سيلين : ربنا يخليك ليا .
مالك : قومي اجهزي بقي .
************
مها : مازن ايه رءيك .
مازن بغيرة : مش ضيق شوية الفستان دا .
مها : بطل بقي عيب دا احنا كبرنا خلاص .
مازن : والله لو بقي عندي ميت سنه عفضل اغير بردو .
مها ببضحك : طب يلا هتلاقي عربيات جاسر جم برا و العيال لبسو ..
مازن : طيب يستي يلا .
************
دخلو الفرح عيله " جاسر و مازن" و دايما كالعادة لفتوا الانتباة من كل الحواليهم .
ادهم : احيه شايف المزز يامالك .
مالك : اتلم يا ولا .
ادهم : اتلم ايه دا نا عيني زغللت 😂😂😂.
مالك : يخربيت امك اسكت دلوقتي .
ملك : عامل ايه يمالك ، معرفتش اسلم عليك عشان ركبنا علي طول .
مالك : انا الحمدلله كويس .
ملك : طب ايه رءيك ف الفستان .
مالك بعدم اهتمام : حلو ، عن اذنك جاتلي مكالمه .
و هو طالع من القاعه خبط ف صنيه عصير .
مالك : انتي غبيه بوظتي البدله .
هي نزلت علي الارض تلم الكوبيات و الصنيه : انا اسفه اسفه حالا هلمهم والله بس متشتكيش ارجوك للمدير .
مالك : .......
لقراءة باقي الفصول الجزء الثانى من هنا