ملك لسه هودلم لقيت مسدج من الموبايل من مراد .
و مكتوب " انا اسف يملك ، انا بعدت عن حياتك نهاءي ، و متحاوليش توصليلي بأي طريقه لأنك مش هتعرفي ، انا سافرت برا مصر ، مينفعش تبقي مع واحد مبيخلفش ، هتفهمي دا بعدين ".
ملك بصدمه و عياط : لاااااا.
مالك : ف ايه يملك انتي كويسه .
ملك بعياط : مشي زي ما كلو بيمشي .
مها : مالك يحببتي ف ايه اهدي .
و قعدو ملك علي الكنبه و شربوها مايه لحد ما تهدا .
***********
سيف : انا اسف .
سيلين : هتفرق ايه .
سيف : هتفرق كتير لو اتقبلتي اعتذاري .
سيلين : انت العملت الانت عاوزو ، عاوز مني ايه و هيفرق ف ايه.
سيف : صدقيني هيفرق كتير ، حياتي من غيرك وحشه .
سيلين : سيف انا مش مسامحه ، و روح لمني. .
و جايه تقوم سيف شدها لحضنه .
سيف: سيلين انا بحبك .
سيلين : بتقول ايه ؟ .
سيف : بحبك و فهمت دا متأخر ، حقك عليا .
سيلين : بتحبني بقي اختك ولا صاحبتك ، لما تعرف انت عاوز ايه ابقي كلمني .
و سابته و مشيت .
**************
ملك هديت شوية و بدأت تستوعب .
مها : مالك يحببتي .
ملك : انا تمام بس ف مشكله بس ف المستشفي عشان كدا اضايقت .
مها : طيب يحببتي اهدي كدا .
جاسر : يلا بقي نقرو الفاتحه بمناسبه اننا متجمعين .
مازن بضحكه : يلااا .
سيف: ادة ادة من غيرنا .
مازن : عيب مستنيكو.
و بدأو يقرو الفاتحه و مالك مش قادر يتكلم و مش بيفكر غير ف وسيله ومش قادر يعمل شئ و ملك ف دنيا تانيه .
*************
وسيله قاعدة بتقرا قرءان .
لقيت فجاه الباب بيخبط .
وسيله : مين .
الباب بيهبد جامد : افتحيي .
وسيله بخوف دخلت جوا و قفلت باب اوضتها و فضلت تتصل بمالك .
مالك كنسل و بعتلها رساله " وسيله معلش فيه ظروف عندي مش عارف اروح ، انا هاجي اصبح و هبات انهرده ، متخفيش انا معاكي" .
وسيله بتبلع ريقها بعد ما قريتها وهما بيحاول يكسروا الباب .
************
مالك : يعني ايه يبابا تحددو الخطوبه كمان و من غير ما تاخد رءي .
جاسر بضحك : وهي دي فيها رءي يمالك ، ماحنا كلنا عارفين .
مالك : لا مش عارفين ، انتو كدا بتغلطوا انا بحب واحدة تانيه .
جاسر : واحدة تانيه مين دي و ليه مقولتش .
ورد : اقولك انا ، واحدة بايته معاه ف شقته و سايبه اهلها الصايعه ، من الاخر واحدة من الشارع ماشي معاها .
مالك : لا يبابا لاااا ، و قولتلك متغلطيش فيها .
جاسر بزعيق : انت هتزعق لامك وانا واقف ولا ايه .
ادهم : هو ف ايه .
مالك : اخرس انت .
ادهم : يعني ايه اخرس انا مش عيل صغير .
مالك بعصبيه : بقولك اخرس لأمد ايدي عليك .
ادهم : وريني وانا مش هسيبك .
مالك قرب منه و ضربو و بدأ أدهم يضرب فيه .
جاسر قلبه وجعوا و وقع فالارض فجأه .
ورد : جااااااسر .
مالك و ادهم : بابااا .
ورد أتصل بالدكتور بسرعه .
************
ملك قاعدة بعياط ف غرفتها و بتتصل علي نفس الرقم مستنيه أمل .
ملك : يارب انا مستنيه امل ، انا محبتهوش و لسه بحب مالك و لكن كان قادر ينسيني مالك ، اتعلقت بوجودو ، ارجوك يارب دلني علي الطريق الصح ، مالك مش عاوزني ، انا راضيه بكل شئ كاتبهولي ، راضيه بكل الخير ياارب .
**************
سيف أتصل بسيلين .
سيلين شافت رقمه و رديت : الو .
سيف : كل سنه وانتي طيبه .
سيلين بفرحه : انت فاكر عيد ميلادي .
سيف: كان لازم اول واحد اقولك قبل ما الساعه تيجي ١٢ .
سيلين : شكرا يسيف .
سيف: انا بحبك ، بحبك بجد كأختي و صاحبتي و امي و حببتي و كل حاجه ليا فالدنيا ، و كنت بغير عشان كدا اتجنيت و لما قلتلك كنت عاوز اعرف ردك و انك بتبادليني نفس المشاعر ولا لا ، انا عمري ما فكرت فيها .
سيلين بفرحه : بجد يسيف انا مش مصدقه ، انا كمان بحبك اوي .
سيف: تصبحي وانتي من اهلي قريب .
سيلين بابتسامه : مع السلامه .
و بدأت تنطط .
و راحت عشان تشوف ورد .
سيلين لقيت ادهم و مالك قدام الاوضه .
سيلين : ف ايه مالكوا .
مالك : بابا تعبان و جابنالو الدكتور .
سيلين : بابا تعبان ماله ايه الحصل و ايه الف وشك دا ي ادهم انت و مالك .
ادهم : ضربني .
مالك : وانت ممدتش ايدك ع اخوك الكبير .
سيلين : ااييه ، مديته ايديكو علي بعض انتوا اتجنيتو .
الدكتور خرج : باباكوا زعل جامد و دا الخلي السكر عندة يعلي و انا اديته الادويه و بتمني يبعد عن اي زعل .
مالك : شكرا يدكتور .
و دخل جوا ليهم .
مالك : انا اسف يبابا ، اسف يماما حقكوا عليا بس انا مغلطش انا بحب وانتو مش فاهمين .
جاسر : يابني احنا اهلك و بنحبك و عمرنا ما هنغصبك ، لازم تبقي عارف دا ، لكن احنا دايما عاوزين الخير ليك و شايفين الصح ، ملك بنت كويسه و محترمه و بقولك للمرا التانيه احنا مش هنغصبك فكر شوية بعقلك و خد وقتك و اديني ردك وانا صدقني معاك ف اي قرار تاخدو ، انا عاوز راحه قلبك و بس .
ورد : بس يجاسر .
جاسر : مبسش ياورد احنا عمرنا ما نغصبو .
ورد : التشوفو ياجاسر .
جاسر : مستني ردك .
مالك باس ايدو : ربنا يخليك ليا .
***********
" ف الصباح" .
مالك داخل الشقه .
مالك : وسيلههه ياا وسيله و لكن مفيش رد .
مالك اعد يخبط ع اوضتها و بردو مفيش رد .
مالك بيفتح الباب شاف ابشع منظر ف حياته ، لقاها مرميه فالارض بأسدال الصلاة و ف ايديها المصحف و غرقانه ف دمها مدبوحه .
مالك بخوف وم مصدق الشايفو: وسيله وسيله اصحي ، لا ارجوكي اصحييي ، بتهزززرييي لااااااا ، اييي دااا و بدأ يضحك زي المجنون ، لا لا انا بحلم اكيد انا بحلم .
و لكن مفيش رد للاسف روحها راحت للخلقها .
لقي ورقه مرميه جمبها "عشان تبقي تحبس أبني تاني ، دا عقاب صغير المرا الجايه هنبدأ بأهلك نفر نفر" ..
مالك قام و حط ملايه عليها و دموعو نازله : ....
"وردة قلبي" الجزء التاني .
البارت العاشر .
بقلم /صباح سامي مسعود .
لقي ورقه مرميه جمبها "عشان تبقي تحبس ابني تاني، دا عقاب صغير المرا الجايه هنبدأ بأهلك نفر نفر" ...
مالك قام و حط ملايه عليها و دموعو نازله : يارتني رديت عليكي ، ياريتني ما سبتك ، كنتي عندك حق يا امي شغلتي دا كانت غلط ومش هيجي من وراها غير الأذيهه ، انا اسف ياوسيله ، سامحيني .
و اتصل بالاسعاف و الظباط .
**************
"عدي ٦ شهور" .
ورد : هتفضل كدا متوجعش قلبي عليك يامالك .
مالك : مش قادر استوعب منظرها و اني انا السبب .
ورد : انت مش السبب ، انا اسفه كمان اني فهمت غلط وقتها و هنتها ، ربنا يرحمها و تسامحني .
مالك : كانت ملاك يا امي ، عاشت حاجات كتير ف حياتها وحشه ، كان نفسي اعوضها .
ورد ضمته ليها : دا اختبار ليك يامالك ، المفروض تصلي و تدعي ربنا انه يصبرك و تبدأ حياة جديدة .
مالك : ابدأ بالسهوله دي ، انسي منظرها ؛! .
ورد : لازم تبدأ عشاني حتي ،ابوك مقهور عليك و تعبان يمالك. وانت عارف كدا هتتعبه اكتر ، ملك علي طول قلقانه عليك .
مالك : سبيها علي الله ، بأذن الله اقدر افوق.
ورد مشيت و سابته .
فتح تلفونو ، مكنش تقريبا جه جمبه من شهور ، و لقي اكتر من ٥٠٠ رساله يوميآ من ملك و بدأ يقراهم كلهم .
**************
سيف بيكلم ف التلفون : عارف انه غظب عنك ، بس انا كمان معدش قادر استني ، انا هتقدم بكرة .
سيلين : مالك يزعل .
سيف : بالعكس هيفرح و هنبدأ نخرجوا من الهوا فيه .
ملك : سيف انت فاضي .
سيف : ايوا تعالي ، اقفلي دلوقتي يسيلين .
ملك : انا قلقانه علي مالك و بفكر اروح ازورو انهرده ايه رءيك ؟ .
سيف : روحي يملك .
ملك لقيت الفون بيتصل : يانهار اسود دا مالك .
سيف : طب ردي .
ملك طلعت تجري علي اوضتها .
سيف بضحك : مجنونه .
************
ملك : الو .
مالك : عاوز اشوفك .
ملك : انا كنت و ملحقتش تكمل .
مالك : مستنيكي في كافيه .....
ملك : حاضر .
و قفلت و بدأت تلبس .
************
" ف مكان بعيد" .
مراد : لسه بحبها ، بس مش هينفع اعيش نفس التجربه .
خالد : مش كل الناس شبه بعضها ، انت هتنزل مصر امتي .
مراد : قدامي بالكتير اسبوعين .
خالد : هتشوفها .
مراد : مش عارف .
***********
ملك داخله المكان بتدور عليه بعيونها ، هو وحشها لدرجه كانت بتتخيله كل يوم و تشوف صورو عشان تملي مشاعرها المحتجاهه ، تملاها بحبه العمرو ما فارقها ابدآ .
مالك : هتفضلي بصالي كتير ، اقعدي .
ملك : انت كويس .
مالك : الحمدلله .
ملك : كنت مستنيه اليوم العشوفك فيه تاني ، كنت دايما بترفض تقابلني ، كنت عاوزة ابقي جمبك ، انا بعتلك و لسه بتكمل .
مالك : عارف ٥٠٠ رساله شوفتهم كلهم غير ال علي الواتس .
ملك : شوفتهم بجد .
مالك : مقدرش اقول اني بحبك ولا بكرهك يملك ، معرفش احساسي ، بس عاوز أدي لنفسي فرصه من جديد عشان ابويا و امي ، معرفش انا اناني وهترضي بدا ولا لا ، .
ملك : بمعني ؟ .
مالك : نكتب الكتاب .
ملك بزعل: هو انا لعبه ، يعني بالنسبالك مش بني أدمه تدي لنفسك فرصه و تجرب فيا ، حبتني حبتني محبتنيش خلاص ترميني ! .
مالك : لا انا مقولتش كدا ، لو معرفتش هتفضلي معايا و هحبك حب العشرة و الزوج لزوجته و هعاملك بما يرضي الله .
ملك : لو عاوز كدا يبقي بشروطي ، مش هتلمسني غير لما نعيش مع بعض فترة الاول و وقتها تقرر هتتقبلني و هتقدر تنسي حبك ولا لا .
مالك : وانا موافق .
ملك : هتكلمهم .
مالك : هكلمهم انهرده و ف اقرب وقت نكتبو الكتاب حتي لو الاسبوع دا ، عشان هبدأ انزل الشركه .
ملك : طيب .
***************
جاسر : فجأه كدا عاوزها ،اوعي تظلمها يامالك ، الا الظلم يابني .
مالك : بابا انا قررت ، احنا قريين فاتحه من ٦ شهور يعتبر خطوبه فشوف كتب الكتاب امتي .
ورد : خلاص ياجاسر الحمدلله انه تخطي دا متعرفش ربنا كاتبله ايه .
جاسر : طيب ماشي هكلم مازن و بأذن الله نحددو .
****************
"كتب الكتاب اتحدد بعد يومين " .
ملك : كان لازم تيجي تنقي معايا حاجه يعني ، دا فستان سهرة عادي .
مالك : عشان عارف زوقك مش حلو .
ملك : لا حلو انا بحب بس الواسع و لبس الشباب ودا مش عيب .
مالك بضحك : هتقعدي تقرفيني بقي و تاخدي هدومي .
ملك : انا جعانهه .
مالك : اة و اكيد طبعا هتاكلي كشريي و هفضل اقولك قللي الشطه .
ملك بضحكه : انت لسه فاكر ؟؟ .
مالك : منستش .
ملك : ماشي عشان نلحق .
مالك : عارف تاكلي الايس كريم بالأوريو ، يلا يملك يلا .
ملك بضحك : مااشي .
************
سيف: يعني هو يكتب كتب الكتاب ، وانا متعطل كل دا بسببه .
سيلين : ياسيدي قول ااحمدلله .
سيف : الحمدلله ، انا عاملك مفجأه بكرة .
سيلين : ايه هي .
سيف : تبقي مفجأه ازاي .
سيلين : طب البس ايه بكرة .
سيف : اي حاجه عليكي جميله بس تكون واسعه و محترمه.
سيلين: حاضر يغيور .
سيف : مش بغير علي فكرة .
سيلين : اة مانا عارفه انت هتقولي .
سيف : ماشي ماشي يلا شوفي هتلبسي ايه و ابعتيلي الصور انقي معاكي .
سيلين : حاضر ، بحبك
*************
"ف الكليه" .
ادهم : هعدي عليكي اخدك ، عاوز اعرفك علي ماما هتحبك اوي .
لارا : بس انا مش عارفه هينفع اجي او لا .
ادهم : لاااراا هستناااكييي متوقفنيش بس يامهه و متلبسيش حلو اوي ، عشان اقل حاجه بتبقي عليكي ملفته و جميله .
لارا بضحكه بشوشه : حاضر .
***********
ملك : اوووفف حراااق اوووي .
مالك : قولتلك متكتريش الشطه .
ملك : دلوقتي الايس كريم يهديها ، نادي بس ع الراجل دا يجبلنا طبق رز بلبن بالقشطه بالمكسرات بالايس كريم .
مالك بضحك : هنشترك فيه انا وانتي ولا ايه .
ملك بعنف : لا دا بتاعي لوحدي .
مالك بصدمه : يانهار اسود هتاكلي كل دا .
ملك : الله اكبر هيحسدني من قبل ما نتجوز ، اومال لما نتجوز هتعمل ايه .
مالك : ياستي ماشي هجبلك الانتي عاوزاة .
ملك : متنساش عصير مانجا .
مالك بزعل : كانت بتحبه .
ملك : لسه فاكر .
مالك : مش هنسي ، انا السبب يملك .
ملك حطيت ايديها علي ايدو و كان اول مرا يحس بشعور الامان و الاحتواء دا معاها ، صحيت فيه مشاعر ماتت من زمان اوي كانت ليها بقربها منه ، شريط ذكريات مر قصادو ، من وهما اطفال لحد وقتهم، مر المواقف العملها فيها بقسوة ، مر الحب العطتهولو ، اوقتهم سوا و ضحكهم ، هو قدر ينسي كل دا ف ثواني ، ليه الزمن عمل فيهم كدا ؟ .
ملك : مالك انت روحت فين .
مالك : ها ، لا يلا ناكل .
ملك : نفسي اتسدت .
مالك :معلش انا اسف .
ملك : ولا يهمك انا مقدرة ، يلا نقوم .
*************
"يوم كتب الكتاب و كانو كلهم ف فيلا جاسر بيجهزواا" .
ملك قاعدة بالفستان بتتفرج علي نفسها فالمرايا .
ملك : يالهوي فستان ،انا اول مرا البسو حاسه شكلي غريب .
سيف دخل عليها : كنت مخبي الجمال دا كله فين يعم .
ملك : ياسيف ونبي خليني اقلع و البس اي حاجه من عندك ، ياسيدي دا كتب كتابي وانا حرة .
سيف : ملك بس هبل ، مالك و كله مستنيكي تحت .
ملك بدموع : هنزل ازاي ، معنديش الشجاعه ، انا بتكسف من نفسي و معنديش اي ثقه .
سيف قرب منها و حضنها : انا ثقتك وانا مرايتك ، شوفي نفسك فيا ، انتي جميله والله يملك .
ملك مسحت دموعها : المسكرا ساحت .
سيف : انتي ف ايه ولا ايه 😂😂
ملك : طب يلا ننزل و خبيني هاا .
سيف بضحك : حاضر ياستي .
************
نازله من علي السلم ، بحجابها و فستانها ، كانت أشبه بأميرات ديزني ، رقيقه و طبيعيه .
مالك كان اول مرا يشوفها بلبس زي دا ، كان دايما متعود علي ملك الغريبه بلبسها الغريب ، كانت كل سلمهه بتنزلها ، كانت مشاعرو بتتقلب جواة ، شافها طفله ال٨ سنين وهي بتقولو ، هتأكلني فراخ و بدأ يضحك .
ملك : ايه رءيك ، وحشه صح ، كنت عارفه والله .
مالك : جميله ، جميله فعلا .
ملك : بس خلاص .
مالك : اي دا هو انتي بتكسفي و وشك بيحمر .
ملك : .........
لقراءة باقي الفصول الجزء الثانى من هنا