كريم : انت قررت تعمل ايه يعنى فى موضوع أميره
رجائى : ها اتقدم على طول انا سألت عليها وعلى عيلتها وطلعو ناس كويسين ومعروفين فى اسكندريه وكمان فى اخر سنه ومش مرتبطه والبنت محترمه جدا
كريم : دا أنت مش مضيع وقت بقى
رجائى : كفايه الا ضاع وانا عايش لوحدى
كريم : هو ابوها بيشتغل ايه
رجائى : عندو مطعم كبير فى أسكندريه ومامتها بتساعدو فيه
كريم : ايوا يا عم دا احنا ها ناكل أكل
رجائى : اتنيل على عينك
كريم : ربنا يسعدك يا صاحبى ويقرب البيعيد وعقبلى يارب الواحد زهق وعايزين ندلع تفتكر ها ندلع 😘😘😘
رجائى : والله على حد علمى احنا ها نتشغلع
كريم : ههههههه مش مهم المهم يتعمل فينا أى حاجه بدال ما احنا زى عواميد النور من غير اللمبه الا بتنور حياتنا
رجائى : يارب يا أخويا يارب
كريم : الواد معتز ولا حس ولا خبر يعنى
رجائى : انت متعرفش طلع عايز يتجوز مين
كريم : لا ماعرفش
رجائى : عايز يتجوز مرنا أخت مروان
كريم : زمان الوحش معلقه 😂😂😂 عنى عليك يا معتز
رجائى : والله صعبان عليا دا ها يشوف السواد على ايد مروان
كريم : بس احنا أصحاب من دفعة التخرج بتاعتنا ازاى ما نعرفش لا أم مروان ولا أخته ولا شوفنا صحابها دول قبل كدا
رجائى : انت عارف ان مفيش أختلاط عائلى خالص ولما كنا بنتقابل بنتقابل فى السهرات عنده يا برا يا عند واحد فينا فامكنش فى فرصه وبردو البنات كانت لسا صغيره واحنا فى مقتبل العمر
كريم : مقتبل العمر ادينى لغه عربيه أديك كشرى بالتقليه
رجائى : هههه كوله انت يا خفيف
كريم : ناوى على أمتى تتقدم
رجائى : اليومين دول طبعا قبل ما نرجع الشغل انت عارف ممكن نطول قوى ولو حصل قبول نقرا الفاتحه وفى اجازتى أنزل أشبكها وأكتب الكتاب لو وافقو مش عايز أطول
كريم : ها تاخد مين معاك
رجائى : انتو طبعا انا مليش غيركو
كريم : ربنا يقرب لك البعيد
رجائى : يارب
***********
مر وان : سما ساكته ليه
سما : والله انا زعلانه عليك..... جوازك قبل كدا انا مش من حقى أحاسبك عليك .....لانه زى ما قلت ماضى وانتهى انما لو فى حاجه دلوقتى طبعا أروح فيك فى داهيه ......انتى ما تعرفنيش انا شرانيه وماحبش حد ياجى عليا ......
مروان : بأبتسامة جذابه تعبر عن سعادته حبيبى😄😉😉 الشرانى أنت خلاص توبنا إلى الله
سما : ايوا كدا ما تشفش فى الدنيا واحده غيرى ولا تسمع غيرى فاهم ....
مروان : لا دا أنا الوحش بردو وبسمع الكلام على طول فاهم ياحبيبتى....
سما : كدا تمام نقوم بقى عشان انا مش قادره أقعد أكتر من كدا ...
مروان : ماشى يا ستى نقوم .... وقامت طلعت على اوضتها تفكر فى كل كلمه مروان صارحها بيها ويا ترى دا ها يأثر على علاقتهم والا هاتكون طبيعيه
*************
سما : بتتصل على مامتها واختها عشان تفاتح اختها سمر فى موضوع كريم وتاخد رأى مامتها......
كريمه : عامله ايه يا حببتى
سما : الحمد لله يا ماما انتو عاملين ايه
كريمه : الحمد لله مال صوتك يا سما انتى تعبانه
سما : يعنى يا ماما حاسه بتقل فظيع فى دماغى
كريمه : معلش يا حببتى روحى واطمنى يا سما احنا ها نجيلك بكرا لو عرفنا ان شاء الله سما بلخبطه هاه بكرا ان شاء الله . ..
ماما.... كنت..... عايزا أقولك على حاجه .....وقصت عليها ما قاله مروان .......بالنسبه لكريم ....وسمر
كريمه : يعنى ها نجوز اختك قبلك
سما : ماما اختى لو موافقه ما توقفيش الموضوع عشانى انتى عارفه انى مش فارق معايا انا والا هى ولا حتى لولو الا يجى نصيبها ربنا يسعدها يا كرمله ماشى ....
كريمه : الا فيه الخير يقدمه ربنا
سما : انتى عارفه كريم صح
كريمه : ايوا يا حببتى والله مروان ومازن وصحاب مروان ما قصرو معانا خالص ....وباين عليهم كلهم كويسين
سما : طيب ادينى سمر أشوف رأيها ايه
سمر : فى ايه بتقطعو فى فروتى ليه
سما : فى عريس وها يتجنن عليكى يا مزه
سمر عريس ايه يا سما انتى مجنونه انا لسا فى كليه الله أعلم ها تبقى كام سنه لانى لسا مش عارفه ها ادخل ايه
سما من الناحيه دى أطمنى هو ها يستنى بس هو عايز الموضوع بشكل رسمى عشان محدش يخطفك منه مش تعرفى مين
سمر مين ياختى
سما كريم صاحب مروان
سمر .......
سما : أوبس شكلها الصناره غمزت من زمان والا ايه
سمر : الا تشوفه وادام ها يستنى يبقى موافقه
سما : هههههههه جاتك نيله طب اتقلى والا خبى
سمر : الله يا سما خلاص بلاش ياختى
سما : لا بلاش ايه احنا كدا نخليه يجى لزيزو عل طول يطلب ايدك منه بلاش يقعد معاكى بقى ونتعبه
سمر : هو كان عايز يقعد معايا
سما : بمكر اه
سمر : لا يا سما هو يتقدم لبابا والا بابا شايفه صح انا موافقه عليه بس طبعا بعد ما تقنعه كرميله
سما : ههههههههه يبقى الا تشوفيه انتى مش أبوكى
سمر : انا وابوكى واحد
كريمه : وحياة أمك والله وطلعلك صوت
سما : اه يا ماما فيها عريس حليوه بعضلات وظابط اد الدنيا
سمر : والله مش ببص للحاجات دى
كريمه : امال بصا لأيه ياختى
سمر : قبول ربناى يا كرمله وراحه
سما : راحه دانتى واقعه
كريمه : دا أنتى طلعتى مش سهله ..... خلاص يا سما اقفلى ها ابلغ ابوكى وبعدان نتفق تردى عليهم
سما : طيب سلام بقى وقفلت ونامت على السرير وهى فى قمة التعب وبدء جسمها يسخن جامد
***********
محمد : القاسم انا كلمت مهندسين عشان يعاينو الاراضى
عبد العزيز : على طول كدا
محمد : ايوا ايه الا يخلينا نستنى خير البر عاجله
عبد العزيز : ربنا يزيدك يا أخويا مش ناوى تفرح بمروان بقى يا محمد
محمد : هو يشاور بس يا عبد العزيز وانا ها أعملو أحسن ليله
عبد العزيز : ربنا يهديه كنت عايز أقولك ان محمود ابنى ها يتقدم لليلى بنت بدران
محمد : عين العقل يا عبد العزيز على طول اقولك ما تاخدش البنت بذنب أمها والبنت سمعتها كويسه
عبد العزيز : كان نفسى يتجوز مرنا بنتك وافرح بيه مع واحده بنت أصول
محمد : كل شئ قسمه ونصيب انت عارف العيال دلوقتى هى الا بتختار وتقررر مش احنا والقلب وما يريد بقى
عبد العزيز : على رأيك لسا مصمم تمشى بكرا بردو
محمد : ان شاء الله مش ها ينفع أقعد انا ومازن فى طلبيه كبيره ها تتسلم الاسبوع الجاى لازم اتابع واتاكد ان الدنيا تمام
عبد العزيز : ربنا يعينك كان نفسى فاطمه تقعد معاك يا أخويا ابقى مطمن عليها انها معاكو وسط عيله
محمد : مازن مصمم يقعد لوحده سيبهم براحتهم وكمان الشقه مش بعيده عن الفيلا 10 دقايق بالعربيه يعنى كل يوم ها تبقى عندنا ما تقلقش عليها
***********
كريم : بابا كنت عايز اتكلم معاك
مجدى : تعالى يا كريم عايز ايه تكلمنى فى موضوع الجواز الا أمك قالتلى عليه
كريم : ما بيتبلش فى بوقك فوله يا هبه
هبه : لا طبعا دا أبوك لازم يعرف يا قبلى
مجدى : أصيله وبنت أصول
كريم : ايوا وانا الا طلعت واد فرفور صح
مجدى : ياخى اتكلم جد مره فى حياتك
كريم : بجديه مصطنعه احممم هاااه ايه رأيك يا حج مجدى نقول على بركة الله
مجدى : طيب ها نتكلم ماشى وها نتفق فين الشقه وها تجهز نفسك امتى انت واحد مصرف مش مخلى وراك ولا قدامك
كريم : هو انا ما قولتش ليكى
مجدى : لا ما قولتش
كريم : انا أشتريت شقه وبدفع لسا فى الاقساط بتاعتها لسا باقى 10 أقساط على سنه كدا يعنى وهى قدامها قول 3 سنين اكون انا جهزت كل حاجه
هبه : ومخبى علينا انك شارى شقه يا كريم
كريم : لا والله كنت عايز أخلص الاقساط واعملها مفاجأه ليكو
مجدى : انت كدا تعجبنى وأقف فى ضهرك بقلب جامد
كريم : تعيش يا حج
*********
مر الوقت سريعا على ابطالنا ...... وجميعهم بيستعدو الى النوم لأستقبال يوم جديد ....... بأحداث جديده ماعدا مروان....
مروان : ادخل اطمن على سما مش طالع لها حس خبط على اوضة سما ومفيش رد دخل الاوضه..... ولقائها نايمه وعماله تترعش جامد...... حط ايده على وشها شخنه جدا ....
مروان .....ليه كدا يا سما..... قولتلك تعالى اوديكى للدكتور مروان .....طلع الموبيل واتصل على الدكتور الا كان متابع سما ......
ازيك يا دكتور...... انا أسف انى صحيتك بس سما تعبانه جدا
الدكتور .....ولا يهمك يا مروان باشا مالها خير ....
مروان : سخنه وكانت بتشتكى من دماغها
الدكتور : أكتب اسم الدوا دا وهاتو دلوقتى اديها حبايه منه واعملو لها كمدات والصبح ان شاء الله تجبها أطمن عليها ونتاكد ان الامور تمام......
مروان : شكرا يا دكتور وقفل معاه واتصل بالصيدليه تبعتلو العلاج الا الدكتور قال عليه
مروان : عدل سما وادها البرشام بعد ما أستلمه وقعد جمبها يعمل لها كمدات..... زى ما قاله وفضل طول الليل...... جمبها لحد ما أستسلم للنوم ......بعد ما اتاكد ان الحراره نزلت
سما : صحيت الصبح لقت مروان نايم وهو جمبها وجمبه الكمدات والبرشام على الكمود أبتسمت وقربت منه معقول انت فيك كل الحنيه دى وغطته وقامت من جمبه تجهز الفطار بعد ما تحسنت عن أمس
*********
فاطمه : صباح الخير يا عمى
محمد : صباح النور على عروستنا الجميله
فتحيه : صباح الخير يا ابو مازن
محمد : صباح النور يا حجه فتحيه
فتحيه : أمال فين روقيه
محمد : قامت لقتكو لسا نايمين قالتلى ها اتمشى فى العزبه شويه وخرجت مع محمود وقاسم
فاطمه : كانت صحتنى وانا روحت معاها
محمد : احنا لسا فيها هما مش بقالهم كتير روحى هى أكيد معاهم فى الارض بتعتاكو
فاطمه : حالا ها ألبس العبايه واورح لها
مازن : صباح الخير عليكم جميعا ايه رايحه فين على الصبح كدا
جميعهم صباح النور ....
فاطمه : راحه لماما روقيه فى الارض تياجى معايا
مازن : بس كدا ياله
محمد : أنت جاهز على طول كدا
مازن : دى فطومه تطلب وانا أقول لا
محمد : يا سيدى يا سيدى
فتحيه : ربنا يسعدكم ويتمم لكم على خير يا حبايبى ما تتاخروش انا ها ادخل أجهز الفطار
فاطمه.... ومازن ....حاضر
*********
سما : نزلت وجهزت الفطار وطلعت تصحى مروان ملقتوش على السرير
مروان : خارج من الحمام ببنطلون الترنج بس وبصدر عارى بتدورى عليا يا سمسمه
سما : احممم انا أسفه كنت جايه أصحيك عشان الفطار ونزلت جرى من غير ما تسمع رده
مروان : ببتسامه وغرور مجنونه بس انا ها أجننك أكتر ولبس تيشرت وصفف شعره بطريقته الخاصه التى تجعله أكثر جذابيه وزاد جذابيته برائحه البرفيوم الخاص التى تملئ المكان ......
سما : صباح الخير
مروان : صباح الجمال وبيقرب منها
سما : لا أستنى أستنى كدا
مروان : فى ايه يا سما
سما : معلش أصلى لما بتقرب بحس ان الدنيا بتلف بيا الله يسترك خلى فى مساحة أمان بينا .. .
مروان : ضحك بصوته كله على هذه السذاجه التى تتكلم بتلقائيه لاتعى ماذا تفعل فهى تزيد من نيرانه المشتعله لها
$$$$$$$$$$$$$$$
بقلم : لبنى طارق
$$$$$$$$$
الحلقه 18
**********
مروان : بنظارته الجارفه لها التى تحمل الحب والعشق والاشتياق طيب أهو يا ستى كويس مساحة الامان دى
سما اه كدا كويس مش عارفه ليه الدنيا بقت حر كدا انت حران ........
مروان : ههههههههه خلاص يا سما ها تودينا فى داهيه
سما : ليه يا مروان هو انا بقول حاجه غلط
مروان : بيغير الموضوع انتى عامله ايه دلوقتى
سما : انا زى البوم الحمد لله انت كنت بتعمل ايه معايا فى الاوضه وانا نايمه
مروان : كنت جمبك وانتى مش حاسه بالدنيا وقولتى كلام يكسف
سما : بكسوف وخوف انها تكون خرفت وعكت الدنيا وهى عندها سخونيه
سما : قولت ايه يعنى
مروان : بمكر وعشان يكسفها أكتر فا هى لم تتفوه بشئ لا يمكن أقول الا قولتيه طبعا بعد الجواز ها أقولك
سما : كانت بتشرب شرقت وقعدت تكح
مروان : ايه يا بنتى روحك ها تطلع كدا ومش ها الحق أقولك حاجه
سما : بزعل انا مش ها أفطر وقايمه
مروان : راح لها بسرعه سما بهزر معاكى والله
سما : ودموعها نزلت من شدة الإحراج والله انك رخم
مروان : انتى بتعيطى يا سما والله ما أقصد حاجه
سما : طب أبعد بقى مش سايبه هى
مروان : ضربها بخفه على مقدمه راسها لا مش سايبه لأى حد غيرى طبعا فاهمه
سما ؛ هو انت يا مروان متخيل انى ممكن أسمح لحد انه يحط ايده بس عليا انت عملت الا غيرك مش قدرو يعملوه معايا وغصب مش بمزاجى لانك فعلا محدش بيقدر عليك ورخم ......
مروان : انا عارف كويس قوى الكلام دا وبعدين اقعدى أفطرى بقى وبطلى رغى وانا مقصدش حاجه انتى نيتك سواد .... واعملى حسابك ها نخلص فطار ونروح للدكتور نطمن عليكى وبعد الفطار تاخدى برشامه من دا وطلع البرشام من جيبه عشان السخونيه ما تردش تانى فاهمه
سما : وهى فى دنيا تانيه منه ومن أهتمامه بيها ومش بينسى ادق التفاصيل فاهمه اه بس انا مش ها اروح للدكتور
مروان : انسى واسكتى بقى خلينا نفطر
سما : على فكره انت الا رغاى مش انا وأوامر اوامر
مران : ان كان عجبك
سما : مش عجبنى بس ها أسكت
مروان : ايوا كدا
سما : مروان على فكره انا كلمت سمر
مروان : بأهتمام وقالتلك ايه
سما : هى موافقه بس رفضت تقعد معاه وقالت الكلمه الاولى والاخيره لبابا
مروان : كدا يبقى تمام كريم ها يفرح قوى على فكره
سما : هى مرنا كلمتك أصلها مش بترد عليا
مروان : لا دى هناك بتنام نوم مش عارف بتجيب النوم دا كله منين بس قبل ما تتكملى هما جاين انهارده ان شاء الله
************
مؤمن : السكرتير الشخصى لمحمد القاسم وهو بيتابع الشغل مع حسام فى غياب مازن ومؤمن حس ان حسام مش تمام بعد ما اتفق عل صفقه الخشب والخامات وطلعت غير مطابقه للمواصافات المطلوبه وفرق سعر 2مليون جنيه
مؤمن : حسام بيه الخشب والخامات درجه تانيه وغير كدا حضرتك استعجلت ليه عليهم وانا قولتلك اننا مش مستعجلين كنا على الاقل أستنينا محمد بيه دا غاب يوم واحد بس .....
حسام : انت ها تحاسبنى وبتشكك فى زمتى انت اتجننت والا ايه انا هنا أخد اى قرار ومحمد بيه بنفسه هو الا مفوض ليا شغل الاداره فى غيابه فاهم .. ...
مؤمن : عشان يعرف يتصرف فاهم يا مروان بيه انت حر انا مليش دعوه .....
حسام : احبك كدا خليك فى شغلك وبس اتفضل
مؤمن : انصرف من امامه وهو يتوعد له بالكثير فا كم انت حقير وغير أمين وفى الاخر تلاقيه ها يلبس الموضوع لحد غلبان من الا تحت ايده وبدء مؤمن يدور وراه ويحاول يسترد الملفات الا خدها حسام منه ورفض يرجعها لانه متاكد انه لعب فى سعر الخشب والخامات
***********
كريمه : ايه يا عبد العزيز ها نروح لسما انهارده
عبد العزيز : ورايا شغل مهم ومش ها ينفع انهارده خليها بكرا
كريمه : طيب ما ردتش عليا فى موضوع سمر وكريم
عبد العزيز : الا فيه الخير يقدمه ربنا يا كريمه وسبينى فى حالى .......
كريمه : مالك يا راجل انت بقيت عامل كدا ليه
عبد العزيز : خايف على بناتك احنا مش قد الناس دى
كريمه : ليه يا عبد العزيز فين ايمانك بربنا هى الناس دى ايه قدامك ناس زى اى ناس استهدى بالله واستغفر ربنا
عبد العزيز : أستغفر الله العلى العظيم اهدينا لل فيه الخير يارب
كريمه : يارب يا أبو البنات ما تقلقش عليهم هما فى حماية ربنا
عبد العزيز : ونعمه بالله ياله عايزا حاجه
كريمه : استنى انزل شغلى معاك انا لابسه
*********
مروان : ايه الا أنتى لابساه دا
سما : ايه يا مرون دريس ماله مش حلو
مروان : مش حلو خالص يا ماما
سما : يا سلام دا مرنا وصحابى بيقولى انه تحفه وانا ببقى جميله قوى فيه......
مروان : ايوا يعنى ها تغيريه عشان مش عجابنى
سما : لا كدا كتير انت ها تتحكم فى لبسى كمان
مروان : بثقه ايوا ولو لبستى حاجه تانى بتظهر جسمك كدا ها يبقى فى عقاب مش ها يعجبك
سما : طالعه وعماله تكلم فى نفسها ياسلام على الرجاله لما بتتحكم كان ايه الا رمانى وحبيتك انا
ابقى لبسنى شوال يا مروان أفندى وانت قمر 14 جاتك الارف فى حلوتك 😂😂😂😂
مروان : بطلى برطمه وأخلصى
سما : بطلنا وطلعت غيرت الهدوم ولبست بنطلون جينز وتيشرت بكم ورفعت شعرها بتوكه ونزلت وكانت جميله لا دى تسحر
مروان : يخربيت كدا انا ممكن أعمل جنايه لو حد بصلك
سما : فيه حاجه دا كمان
مروان : لا انا الا فيا حاجه ياله قدامى
سما : ماتزقش طيب الله
********
فى الشركه مؤمن قالب الدنيا على الملفات
مؤمن: أهو أخيرا لقيتك وبيقلب فيهم وبالفعل اتأكدت شكوكه وحسام غير كل أسعار الخشب والخامات خد الملف بسرعه وخباه فى ملابسه وطالع من المكتب بعد ما رجع كل حاجه مكانها
حسام : أنت بتعمل ايه فى المكتب
مؤمن : أبدا يا حسام بيه كنت جاى أبلغك ان محمد بيه ومازن راجعين انهارده
حسام ؛ عارف اتفضل روح شوف شغلك
مؤمن : انصرف من أمامه وهو يتوعد له بالكثير ويقسم ان لا يتركه بدون عقاب لما يفعل
***********
على جانب أخر يحمل كثير من المتاعب لبطلنا معتز...... الذى يعانى من مرض أبيه ...... ولكنه يحبه كثيرا ويخاف عليه برغم ما يتعرض....... له ولا يكل منه فا هو ابيه وياخذ كل شئ على سبيل المرح.......
معتز : صباح الخير يا بابا أنت بتعمل ايه
أحمد بعمل سندوتشات عشان الرحله يا حبيبى
معتنز : وهو يفرك فى رأسه رحلة ايه
أحمد : عمتك سميه جايه ومعاها جارتها أم محمود وولادها الرخمين دول وانا وأنت وأمك حبيبة قلبى الحب كله ها نروح نصيف كلنا مع بعض
معتز : عمتى ماتت من 4 سنين يا بابا وأمى بقالها 10 سنين ميته اما أم محمود دى الله أعلم عايشه والا حصلتهم
أحمد ؛ رمى الا فى ايده ماتو ماتو ازاى وماحدش قالى ليه اه ياأختى يا حببتى احنا ملناش غير بعض يا سميه تموتى كدا من غير ما أعرف لا أخص عليكى أخص...
معتز : هو انا بقولك طلعت الرحله من غيرك يا حج
أحمد : وكمان أمك عملتها زيها ها أعيش لمين انا دلوقتى قولى .....
معتز : ربنا يخليك ليا يا باب وما يحرمنى منك أنت مالى عليا حياتى وبيوطى يبوس ايده....
أحمد : ايوا أدخل عليا بالشويتن بتوعك يا واد وكل بعقلى حلاوه .....
معتز : فى ايه تانى
أحمد : زوزو ها أكتب كتابى عليها أمتى
معتز : ما كنت عمال تحب فى أمى الا ماتت من 10 سنين دلوقتى عايز تتجوز زوزو
أحمد : هى أمك ماتت أه يا حبيبتى
معتز : ما تكملش أبوس أيدك
أحمد : بوس
معتز : أنت متسلط عليا يا حج طيب خد التقيله بقى انا ها اتجوز
أحمد : حلوه
معتز : هى مين
أحمد : الا ها تتجوزها حلوه
معتز : بهيام اه يابابا دى قمر لا قمر ايه دى بدر منور
أحمد : يا خسارة تربيتى فيك ياعينى عليا وعلى حظى
معتز : ليه يا بابا بتقول كدا انا زعلتك فى حاجه
أحمد : تتجوز من وريا بت حلوه تتجوز فى السر يابنى ليه كدا يا خسارة تربيتى وشقى السنين
معتز : اه يانا ياما الله يرحمك يا غاليه انا ها أفطر برا قبل ما يجيلى زاهيمر انا كمان يارب رحمتك
اسماعيل : صباح الخير يا معتز باشا
معتز : صباح النيله فوق دماغك انتى عايز تكتب على جنانى يا اسماعيل والا عايز تعمل فيا ايه انا مش منبه عليك 100 مره ما تنساش الدوا ويبقى فى مواعيده الراجل ها يروح منى الله يخربيتك .....
اسماعيل : والله يا معتز بيه ملفافنى حوالين نفسى انا تعبت والله ولولا حضرتك ومعزة والدك انا كنت مشيت دا مسكنى أمبارح والا يحلق ليا ويقولى انا على طول بحلق ليك وانت صغير وخلانى زى الحمار المخطط ونزلت أحلق شعرى كله والناس كلها بتضحك عليا انا فى مرار يا معتز باشا والله انا قربت انسى أسمى ...... حسو بيا
معتز : معلش يا أسماعيل أصبرك والا أصبر نفسى طيب انا مش عارف بيفتكر حاجات غريبه والا يطبقها علينا ولو مش فاكر لازم يقوم بالواجب معانا بص أظبط المنبه على مواعيد الدوا بتاعته واديهلو على طول عشان حتى يبقى فاكرنى يا اسماعيل
اسماعيل : حاضر من عنيا
معتز : تسلم
***********
مروان ؛ أتحرك بالعربيه
سما أربطى الحزام لو سمحتى
سما : مش بحبه يا مروان
مروان : لا والنبى حبيه يا سما ارحمي أمى وأسمعى الكلام من اول مره
سما : يواااه بقى أهووو
مروان : انتى ها يجرالك حاجه لو سمعتى الكلام من اول مره
سما : خلاص يا مروان انت ما بتصدق
مروان : فصلتينى يا بنتى كملى جميلك للاخر
سما : حاضررر وبتضحك ضحكه صفرا
مروان : وقف مره واحده انزلى يا سما
سما : بصدمه ايه
مروان : بقولك انزلى وصلنا المستشفى هى دى كمان فيه ايه
سما : ايه دا صحيح احنا وصلنا
مروان : صبرنى يارب
ونزلو وطلعو للدكتور على طول
الدكتور : ها عامله ايه يا سما دلوقتى وبتشتكى من ايه
سما : قصت كله كل ما تشعر بيه
الدكتور : كشف عليها لا الحمد لله كل حاجه تمام وانتى زى الفل والاعرض دى مع الوقت ها تختفى تماما وارتفاع الحراره ما تقلقوش مش ها يتكرر تانى ان شاء الله والتحسن ها يبان قوى لما تخلصى علاجك خالص
مروان : تمام شكرا يا دكتور وخدها من ايدها ونزل من المستشفى وركبو العربيه
سما : دا مش طريق الفيلا يا مروان
مروان : عارف
سما : انت واخدنى ورايح فين
مروان : ها أخطفك
سما : بضحك الحقونى ها يخطفنى يا ناس
مروان : هههههه ظريفه
سما : بجد رايح فين
مروان : مفاجأه اصبرى على رزقك
سما 1 2 3 4 5 6 7 8 10 11
مروان : انتى بتعملى ايه
سما : بعد عشان ما أفكرش كتير وأصبر
مروان : ههههههه مجنونه
سما : بصاله وبينها وبين نفسها لا كدا كتير انت كشر أحسن يخربيت حلاوتك أستغر الله العظيم يارب
مروان : متنحه كدا ليه وبتستغفرى ليه
سما : هاااه
مروان : لا دا أنتى فى الطراوه
سما : احممم انتى بتقول ايه
مروان : بقول وحشتينى
سما : امممممم
التاسع عشر
مروان : نزل من العربيه قصاد عماره ونزل سما وخدها وطلع الدور ال4 وطلع مفتاح وفتح ودخلها الشقه....
سما : وهى باين على وشها القلق هى دى شقتك انت وشيماء
مروان : ليه السيره دى دلوقتى قولتلك يا سما دى طلعت من حياتى يعنى لا يمكن ها أسيب الشقه الا كانت فيها ولا أجيبك فيها انتى حاجه وهى حاجه انتى فى السما فوق وهى فى سابع أرض.....
أرتسمت البسمه على وش سما وحضنت مروان و
مروان : بادلها الحضن ورفع وشها وبيبص فى عيونها الا بتسحره انتى حبيبتى انتى الطريق الصح الا عايزا أخطى عليه وانا واثق انه مش ها يخذلنى ابدا يا سما عايزك مراتى وحبيببتى وأم عيالى الا بقيت بتمنى أشوفهم ومش عايزهم من واحده غيرك فاهمه وخليكى واثقه فيا
سما : بعدت عنه وبتتهرب من ضعفها قدامه أنت مش ها تفرجنى على الشقه والا ايه.....
مروان؛ تعالى ودخلها كل غرفه فاهم 3 غرف ومساحتهم كبيره
مروان ؛ يا ستى دى اوضة النوم بتاعتى كنت باجى أريح هنا لما عايز ابقى لوحدى سما الله يا مروان جميله قوى أحلى من الا فى الفيلا
مروان : دى بقى سايبها فاضيه لسا مفرشتش فيها حاجه
ودى كلها أجهزه رياضيه عشان دا شئ اساسى فى حياتى
وطبعا شوفتى الصاله والمطبخ فيه نظام أمريكى مفتوح على الصاله زى ما انتى شايفه كدا ......
سما : جميله قوى يا مروان ودمها خفيف
مروان : هههههه والله انتى الا دمك خفيف ورفع الستاره الا فى الصاله بالريموت الخاص بها فا هى تعمل بجهاز الكترونى فا تفاجتئت سما ان الوجهه كلها من الزجاج ومطله على جنينه مليئه بالاشجار الساحره والورود ياله من منظر
سما : الله يا مروان بجد تحفه
مروان : عجبتك
سما : دى تهبل مبروك عليك
مروان : شدها لحضنه تانى مبروك عليكى انتى يا حبيبتى
سما : مبروك على صاحبها انت الا تعبت فى فلوسها وانت الا أشتريتها وانت الا ها تتهنى فيها ان شاء الله
مروان : ها أتهنى معاكى انتى يا سما فيها انا كنت بحبها بس دلوقتى انا بعشقها عشان انتى معايا وانتى اول حد يعرف بالشقه دى ويدخلها مفيش مخلوق يعرف انى عندى شقه غير الا بعتها التانيه فاهمه
سما : بتهرب مش ها تشربنى حاجه
مروان : وهو بيلمس خدها بشافيفه انتى بتتهربى منى ما تخفيش انا أكتر واحد ها يحافظ عليكى وحضنها قوى
مروان : تعالى ودخلو المطبخ عملت لمروان قهوته وهى عملت لها شاى
وقعدو يتكلمو كتير فى كل حاجه ومروان بيدرس فيها أكتر وبيقرب من قلبها أكتر وأكتر خلاص بقو جسدين فى روح واحده سما ومروان
************
مر الوقت سريعا على جميع ابطالنا واقترب زفاف مازن وفاطمه
*********
رجائى ؛ انا كلمتكو كلكو عشان تسافرو معايا اسكندريه انهارده
مروان : يابنى على طول كدا
رجائى : ايوا انا كلمت والد أميره وادانى المعاد انهارده وبلغته انى جاى ومعايا 3 اصحابى بس بالنسبه ليا اخواتى
كريم : معاك يا كبير وعقبلى انا كمان ها اسافر يوم الجمعه اتقدم لسمر رسمى بعد ما بابها وافق ....
معتز : انا لسا ما خدتش إفراج مش ناوى تحن عليا يا وحش ابويا نفسه .. نفسه أتجوز ويفرح بيا يا راجل
جميعهم : هههههههههعه كداب
معتز : والله كل ما بيفتكرنى يقولى يا حبيبى نفسى أشوف عيالك .......
مروان : هانت يا أخويا اتهد شويا
معتز : أمتى طيب
مروان : بعد الامتحانات عشان ما نشغلهاش انت عارف دى أخر سنه لها .....
معتز : يا مسهل طيب أكلم ابوك طيب
مروان : انا قولتلو وقالى بعد الامتحانات اهدى بقى
معتز : قام باس مروان حبيبى يا وحش
رجائى : احنا ان شاء الله ها نسافر الشغل يوم السبت جاهزين والا ايه
كلهم جاهزين ماتقلقش . .
مروان : أسرع واحلى اجازه قضتها فى حياتى
رجائى : وانت ناوى أمتى
مروان : والله أطمن على أخواتى وبعدان انا والبال والمزاج رايق كدا مش وسط الزحمه
معتز : انا بموت فى الزحمه وشغل الطوابير 😂😂
مروان : هههههه موت بعيد عنى
معتز : بمكر أموت فى هواك انا
مروان : اتلم بدال ما أسد نفسك
معتز : اتلميت يارب صبرنى
وهمو جميعا بالرحيل مع صديقهم بل أخوهم رجائى ليتقدم للفتاه التى شغلت قلبه وتفكيره ووصلو الى منزل أميره الراقى والبيسط فى أن واحد ويحملون الورد وعلبة شيكولاته من نوع فاخر جدا تقدم رجائى من الباب بثقه ورن الجرس ......
لانه تواصل مع والدها وعرف عنه كل شئ لما يخفى عليه حتى مقاطعته لاهله الذين لا يعتبرونه انه موجود بحياتهم بعد موت والديه ولا يعرفون حتى انه ضابط بالجيش المصرى فا هم الجفاء عنوان لهم واصر على التقدم لأميره قبل انتهاء اجازته لانه لا يتمكن من المجئ ...... فا هو ليس ملكا لنفسه ابدا .......
يحى : والد أميره اتفضلو يا شباب ودخلو جميعا لتستقبلهم والدة أميره أحلام ....
أحلام : أهلا وسهلا اتفضلو
تقدمو جميعا بكل ثقه
يحى : منورنا والله يا رجاله مبسوط انى أشوف شباب زيكم يفرح ويعتمد عليه
رجائى : ربنا يعزك يا عمى طبعا انا ها ادخل فى الموضوع على طول الا سبق وكلمت حضرتك عليه واديتك فرصه تسئل وتعرف عنى كل حاجه
يحى : والله انا سألت وسمعت كل خير عنك سواء فى بيتك ومنطقتك او شغلك وانا إلا يهمنى هو راحة بنتى الا ها أستئمنها مع راجل يصونها ويعلى من شأنها معاه ويبقو على الحلوه والمره سوا
مروان ..والله احنا فاخورين ان رجائى ربنا كرمه بأب زى حضرتك بيشترى راجل مش باصص لفلوس ولا منصب وكدا يبقى احنا متفقين كلنا بس بعد اذنك رجائى يقعد مع انسه أميره يعرف رأيها بنفسه عشان لو موافقه وحاصل قبول نقرى الفاتحه وفى الاجازه بتاعته الجايه لو تسمح لنا بعد الاتفاق على كل حاجه يبقى شبكه وكتب وكتاب وفرح .....
يحى : ..انت مستعجل قوى يا رجائى كدا
رجائى : معلش بقى ياعمى انا عايش لوحدى زى ما فهمت حضرتك وشقتى جاهزه وأى تعديل فيها انا تحت أمركو والا نفسها فيه الانسه أميره انا رقبتى سداده ...
كريم ..: خير البر عاجله وأدام هو جاهز ملوش لازمه خطوبه وتضيع وقت أنت مش عايز تفرح ببنتك وتفرحنا معاك
معتز : والله احنا مسؤولين عنه قدامك رجائى محترم جدا وأول ما شاف بنت حضرتك ما حاولش حتى يكلمها وقال ادخل من الباب وتبقى مراتى وربنا يباركلى فيها مش عايز أكتر من كدا فا ملوش لازمه القلق وتضيع الوقت .....
يحي : والله يا بنى قبل ما أفاتح بنتى أستاخرت ربنا وارتحت له جدا وهى كمان بعد ما عرضت الموضوع ما ردتش عليا غير بعد الاستخاره ها أقول ايه الا فيه الخير يقدمه ربنا ونادى على أميره الا روكبها بتخبط فى بعض ومش مستوعبه سرعة الموضوع كله ومامتها عماله تشجعها تخرج لهم تقدم العصير .....
أميره : خرجت وفى ايدها صنية العصير وقربت منهم جميعا وهى خلاص مش قادره تتلم على أعصابها السلام عليكم
جمعيهم : وعليكم السلام ورحمة الله وبركاته
وتقدمت بالعصير وعطت كل واحد كوباية العصير وجت عند رجائى وكبته عليه اوبس ههههههه
أميره : بخضه والله ما قصدى والدموع على وشك النزول من خجلها من هذا الموقف
يحى : مش تخلى بالك يا بنتى
رجائى : حصل خير يا عمى ولا يهمك يا أنسه أميره
كريم : لتخفيف الجو المتوتر دلق العصير على رجائى خير يا جماعه..... 😂😂😂😂
جمعيهم : هههههههه
معتز : يا ستى ولا تزعلى نفسك عقبال ما يتدلق عليا العصير أنا كمان .......
أميره : انا أسفه
يحيى : اتفضل معايا يا أبنى انضف لك هدومك هاتى فوطه وتعالى يا أميره
أميره : حاضر يا بابا
وبالفعل تم تنظيف ملابس رجائى من العصير ودخل هو وأميره البلكونه عشان يقدرو يتكلمو لوحدهم بدون إحراج
رجائى : عامله ايه يا أميره
أميره : الحمد لله كويسه انا اسفه على الموقف البايخ دا مش قصدى
رجائى : ولا يهمك انا مبسوط بالموقف كله عشان أعرف اد ايه انتى خجوله ....
أميره : ازداد خجلها وخدودها أحمرت أكتر
رجائى ؛ ببتسامه جميله لايقه عليه كفايه خجل بقى انا عايز أعرف رأيك بصراحه احنا ها نتجوز على طول يعنى مفيش فترة خطوبه خطوبتنا بعد الجواز مش قبله وربنا يقدرنى وأقدر أعوضك عن كل حاجه ممكن أقصر فيها دلوقتى زى الخطوبه والفوسح وكدا يعنى انا عارف ان دا شئ مهم لكل بنت قبل الجواز بس احنا ان شاء الله نعمله بعد الجواز ايه رأيك ......
أميره : رغم ان الموضوع بيمشى بسرعه جدا وطبعا أنا خايفه بس الحمد لله حاسه براحه من ناحيت حضرتك وان شاء الله ربنا يقدم الا فيه الخير لينا إحنا الاتنين .....
رجائى : حضرتك ايه بقى بعد الكلام الجميل دا انا ظنى ما خابش فيكى فا كملى جميلك وبلاش حضرتك دى ماشى
أميره : ببتسامه حاضر
رجائى : انا أستأذنت والدك انى اديكى رقم تليفونى واخد رقم تليفونك لو وافقتى ممكن
أميره : حاضر سجل االرقم عندك .....010 ورن عليا وانا ها أسيف الرقم
رجائى : كدا تمام وقام اتفضلى واميره خرجت قدامه وجمعيهم قرأو الفاتحه وتعالت الزغاريط والمباركات لرجائى وأميره .. ..
أحلام : مبروك يأبنى ربنا يجعلها قدم السعد عليك ويجعلك عريس الهنا لها يارب .....
رجائى : حضنها وباسها من مقدمة رأسها فالاول مره يشعر مثل هذا الشعور يارب يأمى لو تسمحيلى أقولك أمى
أحلام : وهى تعانقه بشده طبعا أمك انا بقى عندى أميره ورجائى ربنا ما يحرمنى منكم ويتم عليكم بخير
يحى : يارب وقضو اليوم فى فرح وسعاده لهم الاتنين وحان الوقت للرحيل إلى القاهره بعد أن أنجزو مهمتهم على أكمل وجه بكل حب وصدق
*************
مازن : فاطمه فى حاجه ناقصه تانى فى الشقه
فاطمه : لا كله تمام يا مازن الحمد لله
مازن : الحمد لله هانت يا حبيببتى وها نبقى مع بعض على طول
فاطمه : بفرحه يارب يا مازن
مازن : ما تخليكى معانا للفرح يا فطومتى ها تسافرى ليه
فاطمه : لازم أسافر بقى أشبع من أهلى كلها أسبوعين وتكون مرنا خلصت امتحانات وبعدان نستعد احنا للفرح وانا لازم انزل قبل الفرح بكام يوم عشان نظبط هدومى وهدومك فى الشقه ويبقى كدا مش فاضل حاجه ......
مازن : ها تنورى حياتى كلها ياااه أخيرا يا فاطمه انا مش مصدق نفسى .....
فاطمه : ولا انا يا مازن والله
مرنا : هو انا كل ما أروح فى حته اتكعبل فيكو ما تتلمو شويه يا بشر كلها أسبوعين وأخلص وأخلصكو معايا
مازن : انتى الا حشريه ليه يا بنتى أرحمينا وسبينا فى حالنا بتطلعى من تحت الارض
فاطمه : ههههههههه انا بدئت أخاف منك يا مرنا
مرنا : خافووو سامعين دا أنا مرنا بنت محمد القاسم
معتز : على اساس احنا يا خفه ولاد الجيران الا جمبكو
مرنا: انا الأصل والباقى تقليد يابنى
مازن : ايوا انتى الا واكله الجووو بقولك ايه بما انك رزله