رواية في صمتي لك كلام
الفصل السادس
في الكليه .. الساعه 9 ص.. تحديدا في الكفتيريا ..
رهف .. ههههههههههه والله انك نكته يا هند ..
هند .. ولا وبعدها حلفت اني ما البسها مره ثانيه ..
تدخل عليهم انجود ..
انجود .. السلام عليكم ..
الكل .. وعليكم السلام والرحمه ..
انجود .. قوه بنات وش اخباركم ..
رهف .. حنا بخير بس نسال عنك ليه يومين غايبه ..
انجود .. والله كنت تعباانه ..
رهف .. سلاماات يالغاليه ..
انجود .. الله يسلمج << وهي تشوف هند..
هند .. سوري يا انجود قبل امس ما قدرت اكملج والله كنت تعبانه ..
انجود .. باين انج تعبانه والدليل اليوم حاطه الميك اب كثير والعطر اللي ريحته توصل لاخر الكفتيريا ..
هند .. هع هع اليوم مزاجي عال االعال وحبيت اتكشخ ..
انجود .. اها كذا .. الا وين طيف ما شفتها ؟؟
رهف .. مسكينه طيف ..
انجود .. ليه وش فيها ..؟
رهف .. ما دريتي وش فيها ...!!
انجود .. والله ما عندي خبر ليه وش فيها ...
هند .. طيف في المستشفى من يومين..
انجود بخوف .. ليه ..؟
رهف ..لا تخافين جاءها انهيار عصبي ..
انجود .. ليه جاءها انهيار عصبي ..؟
رهف .. الانه فيصل جاء واخذ تركي منها بالغصب ..
انجود .. وشهو جاء فيصل .. اخذ تركي منهااا (وتجلس تدمع عينها) يابعد قلبي يا طيف ..وش حالج
بعد ماراح تركي ..
رهف .. مسكينه حالتها حاله .. والمسكينه طاايحه توني اليوم الصبح مكلمه امها وقالت لي انها تعبانه مره ..
انجود .. ياقلبي قلبها انا لازم اروح لها ..
هند .. عن اذنكم انا الحين بجيني ابوي ..
انجود .. تو الناس ..
هند .. اليوم ما عندي الا محاظره وحده وابوي بياخذني ..
انجود .. يعني ماتبغين تروحين معي ..؟.
هند .. لا مشكوره .. ويالله مع السلامه ..
الكل .. مع السلامه ..
انجود سرحاانه .............
رهف .. وش فيج سرحاانه يا انجود ..
انجود .. ااااا يارهف ..
رهف .. وش فيج ..؟
انجود .. هند متغيره حييل علي ..؟ ما ادري ليه ..!!!
رهف .. من اي نااحيه ..
انجود .. مدري وش اقول لج .. بس متغيره حييل يا رهف ..ماعاد تكلمني مثل قبل .. قبل كل دقيقه تتصل ..
وتجيني يوميا تقريبا .. واذا اتصل عليها ترد ..لكــــــــن ...!! الحين غير .. ماعاد تتصل علي .. ولا تجيني
واذا اتصلت عليها قالت لي مشغوله او ما شفته .. يعني تحاول تتهرب مني .. والحين عندج اكبر دليل ..
لمى جيت ماعاد تسلم علي وماعاد تهتم بي مثل قبل .. قبل اذا قلت لها تعباانه جاءت لي وتقول لي فضفضي
لكن الحين حيييييييييل تغيرت يا رهف ..
رهف .. يمكن عندها ظرووف ..
انجود .. ما اظن ..
رهف .. ليه ..؟ تحكمين عليها كذا ..؟
انجود .. تقول انها متضايقه وحاطه الكريمات والميك اب اللي تارس وجههها وتقول ابوي جاي ياخذني بهسااعه
غريبه .. اصلا ابوها ما يحب ياخذها من الكليه تعرفين طريق الكليه وخصوصا لمى تحط هند مكياج ابوها يعصب..
والحين عطر وميك اب .. مو داخله مخي ..؟
رهف .. انجود لا تظنين شين ..؟
انجود .. وش قصدج انا عمري ما ظنيت شين انا اقولج مستغربه بس من تصرفاتها خلال الايام هذي ..
وانتي تعرفين هند وش تسوى عندي ..
رهف .. ياخبر اليوم بفلوس بكره ببلاش يا انجود ..
انجود .. هع هع وانتي صااجه .. يالله عن اذنج بطلع ..
رهف .. وين رايحه ..؟
انجود .. ما عندي الا محاظره وخلصتها ..
رهف .. عفيه اجلسي انا باقي محاظره وحده بس ..
انجود .. بروح لطيف في المستشفى وبعدها بروح لبيت خالي راشد ..ايش رايج تروحين معي ..
رهف .. والمحاظره ..؟
انجود .. طوفيها .. مو مهمه صح ..
رهف .. لالا انا ما اقدر اروح من غير اعطي خبر لامي وابوي ..
انجود .. على راحتك اذا مشتهيه راح تروحين واذا لا قلتي امي وابوي ..
رهف .. انجود .. وربي مالي خلق للحاظره بس ما احب اروح لبيت اول مره اروح له ..
انجود .. على راحتج يالله مع السلامه ..
رهف مع السلامه ..
انجود تطلع من عند بااب الكليه وتركب سيارتها لكن قبل لا تركب سياارتها تشوف شي صدمها ..
هند معها وااحد في سياره غريبه ..
انجود .. هذي هند بس منو معها .. اخوها .. لالا اخوها طلال مو سيارته ولا ابوها بس هي قالت ابوي
جااي .. اجل هذا منوو ؟ لالا يا انجود هنــــــــد لايمكن تسوويها .. بس هذا ماعرفـــه وتشوف السياره
تتحرك بسرعه .. وتمسك جوالها وتتصل بهند .. لكن هند ما ترد عليها .. وتتصل اربع مرات ويالله شالته
انجود .. واخييييييرا شلتيه ..
هند .. سوري كنت حاطته صامت ..
انجود .. يؤيؤ صامت ليه تحطينه صامت غريبه ..
هند .. انا مشغوله وش تبغين يا انجود ..
انجود .. كيف مشغوله وانتي معه ابوك وغريبه ابوك حاط اغاني ..؟؟
هند برتباك كبير .. ها لا انا... اللي... قلت له حط اغاني .. وش تبين يا انجود .,.؟
انجود .. ما ابغى شي بس قولي لابوك تراني وفقت اني اتزوجه ههههههه..
هند .. صج سخيفه يالله مع السلامه ..
انجود .. وش فيج تغيرتي يا هند ..
هند .. انا ما تغيرت بس قلت لج مشغووله ومو فاضيه .. مع السلامه وتسكر التلفون بوجهها ..
انجود وحالتها ذهول من اللي شافته بانه اللي اخذها شخص اول مره تشوفه مو ابوا هند الانها تعرفه عدل..
وتسال نفسها منو هذا ليه هند تكذب علي يعني معقووله هنــــــــــد ..... لالا لالاهند ما تسويها
بس هي تقول ابوي بس هذا الشخص فرق كبير بينه وبين ابوها هذا اصغر بكثير من ان يكون قريب حتى لها ..
اها عشاان كذا حاطه الميك اب والعطر والكشخه .. لا يانجود لا تشكين بصديقة عمرك ..
وتحرك سيارتها وهي بحاله صدمه وشكوك وذهوول ..
*********************
حمد في غرفته ..
ويسال نفسه .. ليه ما ادخلت هاليومين غريبه .؟ هي قالت لي ما عليها اختبارات بالايام الجايه ؟؟
وش حصل لج يا طيف..؟
اااااااه انا ليه اسال عنها .. ليه قلبي دايم يفكر فيها .. ليه اسال نفسي دايم اني اكلمها واخلي الكل من البنات
ليه احس انها غير البنات ..
صحيح قصتها تحير ومع انها صغيره ما تستاهل اللي شافته بحياتها ..
اااه صحيح النت عالم كبير من الكذب مرات... ومرات صاادق ومرات تحتار في امره .. والصراحه
عمري ما حبيت احد بالنت ..!!
بس ليه هذي بذات قلبي يفكر فيها .. ليه قلبي اختارها ..
انت حبيتها يا حمد .. ولا تشفق عليها .. بس البنت هذي طبعها مو مثل باقي البنات .. مو من نوع البنات
اللي يتلصقن عشان كروت تلفون او كروت نت
او شي لهم او تسليه كل سوالفي معها عن حياتها او موقف صار لها
ليه ياربي افكر فيها وخايف على غيابها المفاجاء ..؟
****************
في الطريق انجود كانت تكلم مع دلال وداود بالجوال..
انجود .. تكفى يا داود من زمان ماطلبتك
داود .. ترا ذبحتيني بطلبااتج يالعووووبه
انجود ..مو انا اختك ومن حقي اطلب ..
دلال كانت تصارخ من وراء جوال داود ... انجوووووووود لا تخافين راح اطلب الساايق الله يخليه لي احسن من
المعفن الي اقبالي ..
داود .. وشهوووووووو ..!!
انجود .. هههههههههه حلوه داود المعفن والدب هههه اكملت ههههههه
داود .. جب جب انا الخبل اللي جالس اكلمكم ومعطيكم وجه ..
انجود .. ولوووووول وهل يزعل الدب ..
داود .. وليه الدب ماله مشااعر يالعوووبه ..
انجود .. ماخبرونا بالمطرسه انه عنده مشااعر ..؟؟
داود .. ووينج الحين يالعووبه ..
دلال .. اكيد جالسه في ستار بوكس ..
انجود .. قللها انها غلطانه انا رايحه لصديقتي في المستشفى ..
داود .. اي وحده ؟؟
انجود .. وشهو صديقتي وش تبغى فيها ..
داود .. هع هع ابغاج تخطبينيها ..
دلال .. وشهووووووو تخطبلك وانا وش اسووي ..
انجود .. ههههههه قل لها انتي بس طرطوور كذا هعهههه
داود .. هههههههه لا ماراح اقول لها .. اخااف منهااا ..
انجود .. ياولد يا خوااف ..
داود .. طالع على بنت عمتي انجيدهع هع ..
انجود .. يالله خلصني راح تنفذ اطلبي ولا اروح لباشا سايقكم .. ابرك لك ..
داود .. روحي لبااشا احس لك مني ..
دلال .. اصلا زوجي اختي دانه ابرك منك ..!!
داود بتعجب.. منو زوج اختك دانه ..؟
انجود .. هههههههههههه تقصد سايكم ههههههههههه
داود .. هههههههه اجل خليه ينفعك وماراح اجيبك اووكيه يالله يانجيد مع السلامه ..
انجود .. طاع هذا زعل .. داود من جدك زعلت ..؟
داود .. يالله مع السلامه ..
انجود .. دااااااااااااود وتلقى الخط مغلق ...
انجود يؤيؤ هذي الطاامى الكبرى اذا جد زعل كيف اراضيه ..؟؟
وليه يزعل انا ما قلت شي غلط كله ضحكه ؟؟ لايكون دلال هم زعلانه ههههههههه جد الحكاايه مسخره..
وهي توصل للمستشفـــــى تنزل وتدخل الجمعيه اللي في المستشفى تشتري بوكيه ورد .. وعليه بطاقه
مكتوب عليها الحمدالله على السلامه يالغاليه ..وتدخل المستشفى بكبرى وتسال الرسبشن ..
انجود .. السلام عليكم ..
السستر .. وعليكم السلام والرحمه ..
انجود .. لو سمحتي ابغى غرفة المريضه طيف محمد ..
السستر .. غرفى 8 خصوصي ..
انجود .. يعطيج العافيه ..
السستر .. الله يعافيج ..
ووتمشي للغرفه بشويش .. وهي تشوف غرفه 8 مفتوحه وتدخل ,..
انجود تشوف الغرفه قبل لا تدخلها ولا تشوف ذيك المراء اللي صوتها يشرح القلب في قراءة القران ..
وكانت جالسه جنب طيف وحاطه يدها على جبينها وتقراء بصوت يهدي القلب ويشرحه ..
انجود .. السلام عليكم ..
ام علي .. وعليكم السلام والرحمه ..
انجود .. كيف حالك ياخاله ..
ام علي .. انا بخير يا بنتي ..
انجود وهي تجلس جنب طيف .. ها ياخاله اشلون طيف الحين ..؟
ام علي .. والله يا بنتي الصدمه عليها كبيره .. الا انتي من ..
انجود .. انا انجود صديقتها في الكليه ..
ام علي .. هلا والله يا انجود طيف دايم تكلمني عنك يابنتي ومشكوره الانج جيتي ..
انجود .. ولو ياخالتي هذا واجب ..وطيف اختي .. ولازم اجيها ..
ام علي .. ااه يابنتي حالها تقطع القلب ..
انجود .. اسفه ياخاله وربي توني ادري بالخبر في الكليه وجيت بسرعه لها ..
ام علي .. والله وفيج الخير يا بنتي ..
طيف وهي تصحى .. منو يا يمه ..
انجود .. قووه ياطيف كيفك ..خطااك السوء يالغاليه ....
طيف بتعب .. هلا والله بانجيد ..
انجود بضحكه .. يؤؤ اسمي انجود يا عرب .ههههه..
طيف .. ههه اسفين ..
انجود .. ايوه كذا اضحكي ترى الدنيا ما تسوى .. ومهما اخذه يا طيف راح يرده لا تخافين ..
طيف .. بحزن .. اخذه بعد ما تعلقت به ..
انجود .. طيف هذا انا ابوي ما شافني ولا مره ... لا تمنعينه من ابوه ترى وربي يكرهك .. واول دليل انا..
ومهما اخذه انشاءالله راح تشوفينه مره ثاانيه وراح هو بنفسه يرجعه لك ..
طيف .. انجود بس انا ام وقلبي يعورني ..
انجود .. ههههه يادبه لاتصيرين حساسه كذا وهي تلتفت لام علي .. خاله تكلمي قولي شي ..
ام علي .. انتي صديقتها وتقدرين عليها اكثر مني .. وانا تعبت منها وانا اكلمها ما تسمعني..
انجود .. وهذا حنا نبغااج عون تصبحي علينا فرعون ياخاله ..
طيف .. هههههههههه
انجود .. ايوه اضحكي ياختي الدنيا وش ماخذين منها .. غير الحزن .. وهي توقف ..
طيف .. وين راايحه يا انجود ..
انجود .. سوري ياقلبي وربي لازم اروح للبيت الحين تعرفين الكليه وتعبها ..
طيف .. يعطيج العافيه ياقلبي ..
انجود .. الله يعافيج ما سوينا شي يالغاليه ..مع السلامه ..
طيف .. مع السلامه ..
*********************
في المطعم كان الجو رومانسي للغايه .. وكان المطعم فيه غرف للعائلات ..
وشموع على الطاوله وورق الجدران الاحمر والديكور الاحمر مع الذهبي .. كان شكله جونان وراقي جدا..
وفي اثنين بعيد عن العالم كله عيشين بالجو ولا كانه في احد حولهم .. ذيبين في نغمات الكلاسكيه في المطعم ..
بــدر .. ها يا هنوده يا حياتي.. اش رايك في المطعم ..؟
هند .. وربي ذوووق وجووونان يا قلبي..
بدر .. ياقلبي انتي ما تدرين اش كثر انا فرحااان بشووفتك اليوم ..
هند .. بس ياعمري ما تحمل الكلام الحلو ..
بدر .. اصلا الكلام الحلو ما جاء الا لكِ بس ..
هند .. بدر حياتي خلاص ..
بدر .. وش تحبي تاكلي ..
هند .. ما ابغى شي ..
بدر .. ترى ازعل ..
هند .. جد والله ما ابغى اتعبك معي ..
بدر ..وش قلتي ترى..؟ تتعبيني ..ترى والله ازعل جد ..
هند .. كل شي الا زعلك ياروحي ..خلاص ابغى عصيركوكتيل ..
بدر .. لا عصير كوكتيل خليه اخر شي .. انا اقصد وش تحبي تاكلي ..
هند .. صدقني ماني مشتهيه اكل شي ..
بدر .. تصدقي مثلي بس ابغى اشوف عيونك ليه اقول بس ..
هند .. بس عاد نزل عيونك حبيبي انا خجلانه ..
بدر .. يؤيؤ تخجلي من عيوني .. اصلا انا اذووب لمى اشووفها .. ما تدرين اش كثر اليوم انا فرحان .. تكفين
ياهنووده لا تحرميني من هاللحظه (وهو يقرب يده منها )
هند بخوف .. ها لا ياقلبي .. خلاص اطلب اللي يعجبك ..
بدر .. انا اطلب كل اللي في لسته عشاان عيونك الحلوه ..
هند بضحكه .. ياقلبي ما ابغى غيرالي تحبه انت..! انا راضيه اكله ..
بدر .. يمكن ما تحبين الي اكله ..
هند .. داامك تحبه راح احبه ..
بدر .. ياقلبي خلاص راح اطلب كبسة برياني .. ولحم ..واسبكتي ..
هند .. حلو ..
بدر .. الحلو جد اللي جالس اقبالي ...
هند بخجل .. جد والله ..
بدر .. انتي ملكتي قلبي من غير احم ولا دستور ..هند انا احبك جد ..
هند .. جد انت تحبني ,,,..!!
بدربصوت عالي .. انا جد احبك يا هند .. احبـــــــــــــــك احبــــــــــــــــك ..
هند برتباك .. بس بس صوتك صار عالي ..
بدر .. خلي الناس والعالم تدري اني احبك ..
هند بهمس .. وانا بعد احبك ..
بدر .. جد ..!!
هند ..ههههههههههههههههههه والله جـــــد ..
بدر .. أحب حبك..وأحب قلبك ..
وتحضني بدفى عيونك..وأبي قربك ..
وأنا عقبك..أذوق الهم من دونك..
تعال خلك بقربي..وحط قلبك على قلبي..
وخلنا نعيش هاللحظة جنوني يعشق جنونك..
هند .. الله الله ..يا شاعرنا ..
بدر .. انا بدون اشعور قلت هالابيات ياقلبي .. هند ممكن يكون لقانا كل اسبوع .. !!
هند .. لا ياقلبي انا الحين جد خايفه.. الاني اول مره اطلع مع حد غريب ..
بدر .. انا الحين صرت حد غريب ..
هند .. ياقلبي انت عمري بس انا اخاف من اهلي ..
بدر .. اهلك .. مثل ما كذبتي عليهم الحين اكذبي مره تانيه عشان اقدر اشوفك صدقيني انا احبك ..
وما اقدر يمر يوم من غير ما اشوفك يا هنوده ..
هند .. بحااول ..
بدر .. اوعديني ..
هند .. ما اقدر اوعدك ..
بدر .. خلاص بزعل ..
هند .. لا كل شي الا زعلك ياقلبي ..
بدر .. اجل اوعديني اني اشوفك ثاني مره ..
هند .. صدقني ما اقدر اوعدك .. الانه على حسب الظروف ..
بدر .. هند خلينا نشوف بعض كل اسبوع مثل هاليوم .؟؟ ايش رايج ..؟؟
هند بتفكير .. اممم نشوف ..
بدر بتوتر .. وشهو تشوفين انتي مو بزر عشان تفكري انتي كبيره ياهند .. والا ما تبغين تشوفينا مره ثانيه ..؟؟
هند .. لا يا بدر حبيبي صدقني ودي اشوفك كل يوم مو كل اسبوع بس انت تعرف ظروفي وما اظن اهلي
راح يوافقوا اني اطلع كل اسبوع ..
بدر .. اجل قولي لهم صديقتي انجود هي اللي راح تاخذني كل يوم وكذا اقدر اشوفك ..
هند .. وشهووووو انت مجنون اذا احد شافني معك وش يقولون لي ..
بدر .. ابغى افهم انتي وش تبغين .. انا احبك ولا انتي تلعبي معي ...!!
هند .. صدقني يا بدر مو العب وصدقني انا هم احبك ..
بدر .. تحبيني اثبتي لي ..!!
هند .. وشلون اثبت لك ..؟
بدر .. انك تروحي معي كل اسبوع ..؟
هند ........................
بدر .. وشفيك سااكته ..؟
هند .. ولا شي بس قاعده افكر ..
بدر بعصبيه .. ردينا على التفكير ..!!
هند .. خلاص خلاص يا قلبي .. اتفقنا كل اسبوع تاخذني مثل هاليوم ..؟ وش رايك ..!!
بدر بغمزه .. اي كذا تعجبيني يا هنوده ..
هند ببتسامة الخوف .. هع اوكيه ياقلبي المهم تكون مبسووووط ..
بدر .. انا مبسوط دامني معك يا حياتي ..
***************************
في بيت غانم .. الساعه 4 العصر .. طارق واخته غاليه ..جالسين في الصاله يشوفوا الدي في فلم
هندي اسمه " دفي داس "
لكن طارق كان باله مشغوول في سالفة سلمان اللي قالها....
طاارق في قلبه .... يعني معقوله ابوه كذا ..؟ واذا جد السالفه ليه يعمل كذا .؟؟ وليه مخبي عنا الموضوع ..؟؟
لكن انا ما سئلة ابوي او عرفة السالفه حقيقيه او كذبه ..؟ يمكن تشابه اسماء ..؟ واذا جد عندي اخت اسمها
انجود ليه ابوي متبري منها .. وما خاف عليها ..؟ يؤؤه فكري متشتت ..!!
غاليه .. طارق وش فيك سرحاان !!.. فيك شي ..؟
طارق .. لا بس شويه صدااع ..
غاليه .. انت ما تغديت ليه ما تتغدى ..
طارق .. لا مشكوره ماني مشتهي ..
غاليه .. اجيب لك حبة بنتدول ؟؟
طارق .. اي والله جزاك الله خير لو جبتي لي وحده ..
غاليه .. تامر امر كم طاارق عندي ..وتروح تجيب كاسة مويه مع حبة بندول ..
طارق .. تسلمين يا غلاوي ..
غاليه .. العفوو .. يالغالي ..
طارق .. غاليه بغيت اسالك ..
غاليه .. تفضل ..
طارق .. في موضوع محيرني كثير .. والصراحه مسبب لي هالصداع ..
غاليه .. ليه ياطارق عسى الموضوع خير ..
طارق .. هو خير .. انشااءالله بس جد محيرني ..
غاليه .. من اي ناحيه مثلا ..؟
طارق .. انا بقولك السالفه وابغااج تساعديني ..
غاليه .. ابشر اذا قدرت ..
طارق .. صديقي سلمان تعرفينه ..
غاليه .. اي اسمع دايم تروح معه ..
طارق .. اي سلمان صديقي جاء له واحد من ربعه ذاك اليوم وقال له يا سلمان عندك اخت اسمها انجود ..
سلمان قال لا والله ما عندي.. قال صديقه بلا عندك وابوك يعرفها بس هو متبري منها ومن امها وكل شي
له دليل بالبطاقه انها اختك .. سلمان حينها قال ابوي ما تزوج ولا قال لنا انه متزوج .. ليه يخبي الامر عنا ..
بعدها قال ربيعه .. ابوك متزوجها بس ما حب يخرب علاقة امك معه .. والحين اختك يا سلمان صديقة اختي
بالكليه والصراحه يا غاليه هالموضوع شاغلني ..
غاليه .. وش دخلك انت به الموضوع للسلمان وش له توجع راسك ..!!
طارق .. سلمان صديقي ولازم اساعده .. ولو هالموضع صار في بيتنا ..؟ تصدقينه ..؟
غاليه .. هههههه لا وبقوى بعد ..
طارق بتعجب .. ليه ..
غاليه .. الانه ابوي مستحيل يتزوج على امي ..؟
طارق .. هههههه وليه كل هالثقه ...
غاليه .. ما ابغى اجرحك في كلمتي وانتي تعرفها ..
طارق .. قوليها ليه تجرحيني ..؟
غاليه .. لا ياطارق ما ابغى اجرحك ولا اجرح ابوي ..
طارق بهدوء وبنظره عفويه.. قصدك انه امك هي سر هالحلال اللي عيشين منه ..
غاليه .. كا انت تعرف هالسر ...!!
طارق .. ولا تنسين يا حلوه انه امك بلا ابوي ما تسوى شي .. وانه هالحلال اللي امك عاشت فيه كله من فكر
ابوي وتخطيطه ..!!
غاليه .. ههههههه الكل اصلا ما يستغني عن الثاني ووكل سر هالحلال ..؟
طارق .. وش فيك غيرتي الموضوع وخليتيه بتساوي مع انك رفعتي امك بالعالي يا غاليه ونزلتي ابوك ..؟
غاليه بخوف .. مو قصدي يا طارق ..
طارق بعصبيه .. الا قصدك ياغاليه ..ابنك تهيني ابوك عشان فلوس لا يا غاليه الدنيا ما تنقاس بالفلوس .. ولافي املاك
وعقارات .. الدنيا تنقاس على الطيبه والاخلاق .. والاخلاص .. وابوي لمى اشتغل عند جدك كان جدك بنفسه
عرف يختار منو يعطيه حلاله واول حلاله هي بنته امك مو فلوسه ..
غاليه وهي منزله راسها .. اسفه وكلامك كله صح ..
طارق .. ابغااك تعرفين شي واحد ياغاليه ..اللي هو انك تعيشي حياتك بطبيعتك مو بتكبر ولا غرور وفخر ..
الدنيا كلها نفس الشي حتى البشر متسااوين .. غاليه .. تكبرك وغرورك راح تخلي الناس تكرهك .. خليك
عاديه وترى العمر مره وحده لا تعيشينه بتصنع .. وهو طالع ..
غاليه .. طاااارق .. طاارق ..
طااارق قبل لا يطلع ..
غاليه ...قلت لك اسفه ..
طارق .. وليه تتاسفين انا جالس اعطيك درس بالحياة وياليت تتعلمين منه يا غاليه ..
غاليه .. مشكور يا طارق بس ممكن طلب ..
طارق بتنهد .. سمي ..
غاليه .. ابغاك تجلس لا ترووح تكفى ..
طارق .. عندي شغل ..
غاليه .. اجلس لا تحسسني بذنب .. توك تقول انك فاضي ..
طارق .. قاضي بس ابغى اجلس مع ابوي بموضوع خااص ..
غاليه .. منت طالع برى ..؟؟
طارق .. لا انا رايح لغرفة ابوي ..
غاليه .. اووكيه استناك لمى تخلص نكمل الفلم سويه ..
طارق ببتسامه .. اووكيه ..
ويطلع طارق لغرفة ابوه وهو صاعد للدرج خطوه بخطوه جالس يفكر ويرتب
افكااره ..وش راح يقول ووش راح تكون ردت فعل ابوه لين وصل لغرفة ابوه وهو يدق البااب ..
الا ذاك الصوت الرجولي يقول له ادخل .. دخل طارق غرفة ابوه وهو كله ثقه ولكن لابد من خوف القليل من
الحقيقه اللي راح تصدمه ..
غانم .. هلا والله بطارق ..
طارق .. هلا فيك يايبه ..
غانم .. ها وشلون الشغل ..؟؟
طارق .. والله الشغل تماام يا يبه ..
غانم .. ها وش عندك ..
طارق .. الصراحه يا طويل العمر عندي موضوع .. والصراحه هالموضوع شاغل هالبال ..
غانم .. عسى ماشر يا طارق .. محتاج فلوس يابوك ؟؟
طارق .. تسلم يا يبه خيرك سابق .. لكن هالموضع ما يلزمه فلوس يلزمه انك تسمعني وانا اسمعك ..
غانم .. كيف يعني ..
طارق بخوف .. الحقيقه يا يبه اني ما ادري كيف ادخل بالموضوع..
غانم .. تراك خوفتني يا طارق .. ادخل بالموضوع سيدا ..
طارق .. الحقيقه يا يبه اني سمعت شي والصراحه هالشي ماصدقته .. مع انه غيري اكدوا هالخبر ..
غانم .. اللي هو ..!!
طارق .. انجود ..!!
غانم .. منو انجود ..!! يا طارق ..؟
طارق .. يعني انت ما تعرف انجود ..؟
غانم .. وش عرفني فيها يا طارق ؟؟ ومن انجود اللي تسال عنها..؟
طارق .. انجود اختي ..؟
غانم بسكوت ....................
طارق .. وش فيك ساكت يا يبه ..
غانم منزل راسه.. انت ذكرتني بشي كنت ماسحه من حياتي من بـ19 سنه ..
طارق .. يعني الخبر اللي سمعته جد مو كذبه ..
غانم .. من قال لك . ياطارق .,.؟؟
طارق .. مو مهم من قالي .. المهم انه قالي وانتهاء ..
غانم .. قل لي هي انجود بنفسها ؟؟
طارق .. لا مو هي ....يعني تعرف انه عندك بنت ليه ما خبرتني يا يبه ..
غانم .. السالفه طوويله يا طارق ..
طارق .. يبه في بالي مية سؤال وسؤال ابغاك تجاوب عليه بامانه ..يبه انا ولدك اللي ما تخبي عنه شي .. ليه بذات
هالشي خبيته عني .. مع اني اقول للبشر ابوي صادق معي وبالاخير انصدم بالخبر ذا ..؟؟
غانم .. قل وش اللي محيرك ..
طارق .. راح ابتدي من اول سؤال بس ابغى منك الصرااحه ..
غانم .راح اقولك بس في اشياء ما احب اذكرها .. وابغاك تحفظ هالسر .. ولا تدور عنها ..
طارق .. هذا اول سؤال راح اسالك .. ليه ما تبغاها تعيش معنا او ما تبغني ادور عليها ؟؟
غانم .. الانها راح تدمر حياتي وحياتك معي ..
طارق .. بس هي بنتك ..؟
غانم .. ادري انها بنتي.. بس امها عاندتني ..
طارق .. وعشان كذا قتلتها امها ..
غانم بعصبيه .. من قال لك اني قتلتها هي ماتت في حادث سياره ..
طارق .. بس اللي عرفته انك قاتلها ..
غانم .. يعني تكذب ابوك يا طارق ..؟
طارق..انا مصدقك بس كلام الناس تقول انك انت اللي قتلتها ..الانك خفت من الفضيحه جدام فوزيه .. وعشان
ما تاخذ منك الوكاله العامه للحلال اللي تعبت وانت تبنيه ..
غانم بعصبيه .. صحيح اني خفت على حلالي لكن مو انا اللي قتلتها .. طارق انا تزوجة عنود ام انجود
بعد ما تزوجة فوزيه .. كنت احب عنود لكن فيها عناد مو عناد طبيعي الانها صغيره يوم تزوجتها وتبغى تتدلع
بس اول ما تزوجتها قلت لها خلي زواجنا بين اهلك بس وقلت لها ما ابغى بزران في هالوقت لين اثبت نفسي
بهالمكان ..
وهي بعد مرور شهر واحد من زواجنا اكتشفت انها حامل ..مع اني متفق معها ما تحمل ..
وعنادتني وقالت لا ما تبي تسقطه .. وانا قلت لها يا انا يا اللي في بطنك وهي اختارت اللي في بطنها وكذا
خليتها وبعدها بمدة اكتشفت انها تقول انها سقطت الطفل وبهذي الحاله طلقتها ولمى طلقتها
اكتشفت انها كانت تكذب علي .. وانها بعدها حامل .. وانصدمت بالخبر اللي قاله لي خالها راشد انها اولدت وجابة
بنت .. وبهذي الحاله قلت انها مو بنتي .. الاني كنت مطلقها وهي مو حامل.. بس اكد لي راشد اخوها انها حامل
وعقد الزواج والتقرير الطبي يثبت كل شي .. مع اني لليوم ما شفت انجود اختك يا طاارق ..
طارق .. معقووله يا يبه ولا مره شفتها ؟؟
غانم منزل راسه.. اي والله ولا مره ..
طارق .. كمل يا يبه ..
غانم .. وبعدها ارفعت عنود قضيه علي وما كان يعرف بامر القضيه غير انا وعمك عايد ..وطبعاهي اربحت
القضيه ..
طارق يقاطعه .. وانت مصدقها او بس تعاندها ..
غانم .. لا مصدقها ..
طارق .. كمل ..
غانم .. وبعد القضه بخمس اسنين ..جاءت لي عنود بالبيت عند فوزيه بس قالت لفوزيه انها وحده تبني
اتوسط لها بشغل.. مع انه عنود ما قالت لها انها زوجتي ..ولمى شفتها انصرعت وخفت انها بلغت فوزيه
بزواجي لها ..وبعدها سالتها ليه جاايه هنا ..؟.؟ قالت لي انها تبي تتاسف وانها تبيني اشوف انجود بنتي
الانه انجود تسال وين بابا .. في ذاك السنه عمر انجود خمس اسنين ..وانا قالت له ما ابغى اشوفها وقولي
لها بابا ماات وما عندها باابا .. ومن ذاك اليوم اطلعت عنود من بيتي وهي تبكي من الكلام اللي قلته لها ..
طارق .. عمتي فوزيه كانت عندك لمى كلمتها .؟؟
غانم .. لا كنت مع عنود بروحنا في المكتب ..
طارق .. وللحين ما تدري ..؟
غانم .. اي لحد الحين وما همني الحين درت او ما درت كله واحد ..خلني اكمل لك ..
طارق .. ايوه كمل ..
غانم .. بعد ما طلعت مني وهي منهااره ساقة سيارتها بسرعه جنونيه لين صار الحادث ..والكل
اتهمني باني قاتلها الانه عنود قبل لا تموت كانت تردد اسمي .. وعشان كذا ضنوا اني انا القاتل ..
طارق ..طيب يا يبه ليه ما تروح لها الحين ..
غانم .. ما اظن انها تعرفني او تبغاني بهالدنيا ..
طارق .. بس هي تعرف انك عايش ..
غانم .. وش راح انفعها هالحين ..بس انت لحد الحين ما خبرتني مين خبرك عمك عايد ..؟
طارق .. لا مو عمي عايد ..
غانم .. اجل من ..؟
طارق .. صديقي سلمان اخته رهف صديقة انجود ..
غانم .. سولفلي عنها ..؟
طارق .. كيف اقولك وانا ما اعرف غير اسمها وانها في الكليه مع اخت سلمان .؟
غانم .. طارق لا تقرب من انجود ..
طارق بعصبيه.. ليه يايبه تحرم انجود منا وتحرمنا منهااااا ..
غانم .. انا قلت كلمه لا تعاندني ..
طارق .. يبه انت ضيعتها وهي صغيره لا تضيعها وهي كبيره يبه انجود يتيمه كيف يخليك قلبك انك تخليها لحالها ..
غانم .. انجود مو لحالها .. انجود عندها جدتها وهي اللي حارصه عليها .. وعندها خوال راشد وسعد .. واهم
اكثر مني حرص عليها ..
طارق .. ليه ما تشوفها لو لحظه .. يمكن قلبك يشفق لها .. يبه انجود مالها ذنب باللي سوته امها ..
غانم .. عاررف ..
طارق .. يبه ليه تكرها فيك..!! داامك انت تعرف انها مالها ذنب ..
غانم .. لا تسالني الاني بنفسي ما اعرف الجواب ...
طارق بحيره.. كيف يعني ..
غانم .. يعني تسكر الموضوع وتخليه مثل ما كان ..
طارق .. يبه هذا خوف ولا هروب من الواقع ..
غانم .. احسبها مثل ما تحب .. ويعطيه ظهره ..
طارق .. اذا انت خليتها وتخليت عنها انا ماراح اخليها يا يبه ,,
غانم بعصبيه .. بلاك ما تفهم ..
طارق بصوت عالي .. وضح لي وخلني افهم وش تقصد في كلامك اللي يحيرني من دخلولي ..؟
غانم .........................
طارق رافع حواجبه.. ليه ساكت يا يبه..؟
غانم .. الانه الكلام اللي راح اقوله ماراح تفهمه ..
طارق .. يبه انت تتهرب مو قصدك كلام افهمه او لا... بس في سؤال محيرني وانت لحد الحين ما جاوبة عليه ..
غانم .. اللي هو ..؟
طارق .. ليه ما تبغاها تعيش معك..؟؟ وانت قلت لي ماهمك تعرف عمتي فوزيه بالخبر ..؟
غانم يتنهد .. الانه انجود ماراح تتقبل عالمك ..؟
طاارق .. كيف..؟
غانم .. لا تسالني الحين .؟؟ انا قلت لك لا تقرب منها وخلها بحالها ..
طارق .. اعذرني يا يبه .. انجود اختي ولازوم اني اعرفها وهي بعد تعرفني ..ويطلع من غرفة ابوه ..
غانم بصوت عالي.. طارق ..
طارق بثقه .. اعذرني يا يبه ..
غانم بعصبيه.. ترى حذرتك..
طارق بصمود .. وانا اتحمل تحذيرك ..ويطلع
*******************
الساعه خمس العصر ..في بيت نوره ام راشد ..
الجده نوره جالسه مع انجود وشيخه زوجة سعد وسعد وفرح بنتهم ..
سعد .. ها يا يمه وش قلتي ..
انجود بلقاافه .. لااااااااااااا يا يمه لا ..
سعد .. وانتي وش خصك يالعوووبه ..
انجود .. مو انا صاحبة السياره ..؟
فرح .. يبه عطني مفاتيح السياره ابغى اسوقها ..
نوره .. هههههه وانتي بعد يا فرووحه تبغين سياره ..
انجود .. وانا بعد ابغى سياره جديده ,,ولا تاخذون سيارتي ,,
شيخه .. واذا كل واحد اخذ سياره وانا ابغى رزريز بعد ..
نوره .. اللي يشوفكم يقول عندنا معرض سيارات مفتوح ,,
سعد ,, والله حاله ..!!بنات اخر زمن ,,
فرح ,, النااس تتطور بالسيارات وانتوا بعدكم كابرس 89ولا وكل ما تسمع انه الراتب نازل اخربت
وتعورت عشان نوديها للصناعيه ,,
انجود .. اي والله ما ادري ليه السيارت كل ما اسمعت بسالة الافلووس اخربت ..
نوره .. انجود يا امي مولازم سياره لك السايق موجود ماله شغل خليه ياخذك..
انجود ... ليه يا يمه حرمتيني من اغلى هديه منك ..؟
نوره .. وربي خاايفه عليك... وما انام الا لين اشوف زولك سالم ..
انجود وهي تخز خالها سعد ...
سعد .. لا تشووفيني كذا ترا مالي خص فيك انتي وامك ..
انجود .. ما ادري ليه حااسه انه الخطه طالعه منك ,,
فرح .. ههههه لا مني انا ..
انجود .. جب انتي
فرح .. وشهو جب انا ما سويت لج شي ,,
سعد بعصبيه .. انجوووووود ... بس
انجود .. درينا انها بنتك وتدافع عنها .. بس لساانها طوويل ,,
سعد .. بس فرح ما قالت شي ..
انجود .. كافي ردت علي ..!!
نوره .. سعد لا تتعب نفسك مع العووب ترى راح يرفعن لك ضغطك ..
شيخه .. خلهن هم دايم كذا يتهوشون ويردون للبعض ,,
انجود لفرح .. يام اللسان بنقلاي ..
فرح ترد عليها ..ها ها اذا جتك من سفيه تقبلها عاقل ..
انجود بعصبيه .. منو السفيه يا سفيهه ..
فرح .. اللي فيه ريح ما يستريح ..
انجود وهي تقوم تبغى تتهوش مع فرح بشوش .. الا تسمع صوت رجولي معصب ..
سعــد بعصبيه .. انجووووووووووووووووود فرررررررررررررررح بس ترا بالعصا والله العظيم اذا ما سكتن ,,
ضصج البناات عووووووووووووووب ..
انجود بهدوء .. انا طالعه لغرفتي ابرك لي.. وهي تخز فرح من فوق لتحت وهي مقهوره منها ومفهوره من سكوت امها
نوره .. ودفاع خالها لبنته ..
وهي تطلع لغرفتها فوق تشوف حجرتها متعفسه فوووق تحت من ملابس ووكتب وكرمكم الله النعول والصور
والدببه العملاقه في غرفتها وفي ناحيه من الغرفه في حائط (جدار) فيه صور للراس من اول الجدار الى اخرته كله
فيه صور انجود وهي صغيره وصور امها وصور العائله كلها ..
انجود .. يوووه حتى الجدار ما سلم منك يا انجيد .. اووف احس انه ضاايق خلقي .. ليه ما اتصل على دلال .. لالا
توني مصكرته منها وحتى سوالفنا مالها دعي .؟؟ امممم اتصل على منو مافي الا توام رووحي هند ..واسالها اشلونها
عقب اليوم ونفسيتها الشينه >>
وتمسك الجوالها وتتصل على هند .. وتشوف جهاز هند معلق ..
انجود .. غريبه يمكن نايمه بتصل عليها بالبيت ,, وتمسك تلفون حجرتها وتتصل عليها ,,
الا تشيل التلفون ام طلال ,.. ام هند ..
انجوود .. السلام عليكم يا خالتي ..
ام طلال .. وعليكم السلام والرحمه .. انا بخير يا انجيد كيفك انتي ..؟
انجود .. انا بخير يالغاليه ,..
ام طلال .. ها وشلون امك ,,
انجود .. امي بخير وتسلم عليك ... خاله ..
ام طلال .. هلا يا انجيد ..
انجود .. هند عندك ..؟
ام طلال ... ليه ما شبعتي منها كل الظهر وهي معك ..!!
انجود بستغراب .. كل الظهر معي ..؟
ام طلال .. اي توها من نص ساعه جاايه وانتي اللي جبتيها ما يمداج نسيتي ..؟
انجود بتعجب ..؟ ها انا جبتها ..؟؟
ام طلال .. وش فيج يانجيد انتي مريضه ولا فيج حااجه ,.؟
انجود سرحاانه .. ..................
ام طلال .. انجووود انتي تسمعيني ,,.!!
انجود .. اي اسمعك .. وبعدها تقول بصوت عالي ,, ااااااااااااي نسيت تصدقين يا خالتي نمت دقايق وعلى بالي
انه روحتي مع هند اليوم امس ..
ام طلال .. عز الله صدقتي الانسان لو ينام دقايق ينسى وش سوى ,,
انجود وهي سرحاانه وفي قلبها .. اسفه يا خاله اني كذبت عليك . بس هند فيها انهً ولازم اعرفها ولازم اشوفها اليوم ..؟
كيف تقول لامها انها معي و اصلا هي ماكانت معي ؟؟ وتوها راجعه الحين الساعه 5 يعني من الساعه 10
اى الساعه 5 اوووووووووف يعني معقووله الشخص اللي شفته يكووون ...........؟ بصراخ لا مو ممكن ,..؟
ام طلال .. انجوووووووووووود ..وش فيك ..
انجود بتوتر .. ها مافيني شي ..
ام طلال .. انتي اليوم غريبه .. لي سااعه اناديك ومارديتي وبعدها تصرخي تقولي مو ممكن ؟؟ ليه فيك شي ,,.؟
انجود .. الصرااحه يا خاله متوتره شوي ونسيت اقول لهند شغله ممكن تصحيها وتقولين لها اني جاايه لها ..
ام طلال .. بس توها ناايمه ..
انجود .. معلش يا خاله الموضوع ما يتحمل التاجيل .
ام طلال . وليه ما قلتي لها وهي معك ..
انجود .. خاله راح تصحيها او لا ..
ام طلال .. لا راح اصحيها لا تخافين ..
انجود .. بس لا تقولين انك كلمتيني بس قولي لها اصحي ما ابغااها تعرف اني جاايه ..
ام طلال .. ليه ؟؟
انجود بضحكه تخفي الامر .. عشان جاايبه لها هديه وما ابغاها تعرف .؟
ام طلال .. خير انشااءالله ..
انجود .. دقاايق وانا عندكم افحتي الباب ياخاله ..
ام طلال بضحكه .. لا راح نغلفه دامك جيتتي ,..
انجود وهي تبادلها الضحكه ولكن في خوف شديد مصيطر على انجود ..يالله مع السلامه ,,
ام طلال .. مع السلامه يا بنتي ..
****************
جالسه في غرفتها لحالها
..تفتش فووق خزانتها عن معلاق للملابس الانها متعوده تحذفهم فوق الخزانه وتاخذ واحد من غير ما تشوف
وش كان متعلق عليه تفتح خزانتها الا يطيح بالارض كتاب قديم مكتوب عليه " مذكراتي الخاصه"
رهف وهي مندهشه من الكتااب اللي شافته.. كان الكتاب كل شي بحياتها ضااع من فترى وضاعت كل
امانيها كان الكتاب الوحيد اللي يحمل بين صفحاته حب رهف وايام رهف وشغوتها وحروف رهف وامانيها ..
وحبها القديم ..كانت تكتب كل حرف بدمعه .. وكل سطر بامل جديد .. وكل صفحه حزن تطويه ..
ما لقت نفسها الا وهي تتعلق بالمذكره اللي كانت الصديق لها وكل شي بحياتها ..وتذكرت كيف كان
تخفي المذكره عن عيون الكل.. عشان لا يتلقف اي شخص ويعرف الوتر الحساس لرهف ..
وتوها تتذكر ذااك اليوم اللي دخل عليها اخوها سلمان فجاء وهي تكتب بالمذكره احسااسها المؤلم ببتعاد
حبيبها "ناصر "<ولد عمها) في ذاك اليوم تحديدا تذكرت من الخوف اخذت المذكره واخذفتها فوق الخزانه
عشان ما يقراها سلمان << الانه سلمان في ذاك الوقت فضولي .. والحين تحمد ربها انها لقت روحها اللي
كانت ضاايعه .. وتفتح اول صفحه من المذكره وهي تدمع ..
((نبض مشاعري...))
استيضيفي يا مشاعري ..وحركي قلبي السكون
من آه.. من الالم ..من حرف لا يشدو منفعه
انهاري يا مشاعري ..وفتحي للحب باب الكفوف
وحياة لها ألوان المروج...نبض مشاعري...تنادي ..
قلبي الهادي... للحب عنوان جديد
ولآمل إشراق جميل...ولليأس ظلام دميس
وللمشاعري حياة تنبض
با عروقي ... باشتياقي
للغد امل كبيـــر ...با يكون للحب عنوان
يسحرني...يشدني ...يربطني
بعالم يغني بالحب يشدو
وان يبعدو عن كل جرح
يمسني.. يعذرني
في حب يكون خالص للابـــد
((بقلم انــ ج ــال))
رهف .. اااه ايااام وتطوي الصفحه وتفتح الثانيه .. وتلقى عليها تاريخ 24-2
احلى يوم في حياتي اني شفت فيه ناصر في البر كان يومها لابس دشداشه لونها كحلي
وعليه اشماغ احمر ولافه على وجه من البرد .. وهي طالعه من خيمتهم تلمح ناصر يمشي وهي توقف
على باب الخيمه كانها الصنم اللي ما يتحرك .. وهي تشوفه بنظره ضااحكه ووجه طفولي وهو يبادلها
النظره وهو ماشي كانت يومها تتمنى انه هاللحظه تطووول اكثر واكثر ..
وهي تقول في نفسها ..
الروح ولهانة على شوف
" شــــــــــــــــــــرواك "
وان ما حصل قلنا عليها
" الســــــــــــــلامـــي "
القلب واحد والمشاعر
" تـــــــرجــــــــاك "
ترجى وصالك قبل دفن
" العظامـــــــــــــي "
تبقى خوي القلب والروح
" تــفـــــــــــــــــداك "
ويفداك عمري يا رفيع
" المقامـــــــــــي "
رهف وهي تحضن المذكره لصدرها وتبكي وبعدها تفتح الصفحه الاخيره اللي كانت مؤلمه بنسبه لها ..
كانت صفحة فرقاااء حبيب القلب ..
وهي تقراء كل حرف فيها .. كانت كااتبه بصفحه كل مشااعرها الدفينه ..
اخر صفحه في المذكره ...تاريخ 8-11
"اسوء يوم في حياتي.."
كان في بيت عمي صالح عشا كبير يجمع عماني كلهم وكنا حنا البنات جالسين مع بعض نضحك .. الا
تسالني غنيمه اخت(ناصر ) جداام الجميع تعلي صوتها .. وتقول اصلا انتي يارهف بنت مو حلو
وما ادري ليه دايم نظرتك لناصر اخوي بنظرت اعجاب ..؟
في ذيك اللحظه اذكر انه مشاعري كلها اندفعت الى صوت يطلقه القلب بكلمتين ..لكن انا احبه ..!!
الا تسمع صوت غنيمه تقول .. اصلا اذا بياخذك مو لجمالك اذا فيك جمال اصلا بياخذك كذا مثل البرواز ..
لا تفرحين كثير يا حلوه .. واذا شفتيه يضحك لا تتشققين ترى مو لله ..
رهف وهي كلها قهر .. انتي وش قاعده تقولين ..
غنيمه .. بس كسرتي خاطري وحبيت اقولج عشان لا تحطين امل فيه .. اصلا انا راح ازوجه احلى البنات
واعلاهم مستوى مو مثلك في الكليه ..ولا تتشحطين جداامنه ..اصلا هو ما يحبك بس كذا يجاملك
كا بنت عمه ..
رهف بصوت الم وقهر.. اصلا لو يجي ناصر لي ما اخذته ..
غنيمه وهي تعقد حواجبها .. وش فيك غيرتي نظرتك ..؟توك تقولي انك تحبينه ..؟
رهف برتبااك .. خلاص من هاللحظه كرهنه .. داام اللي ما يبغانه حتى حنا ما نبغااه ..
وهي تقلب الصفحه بسرعه وتاخذ الكتاب وتضمه بصمت تبكي وتقول في نفسها
لو تدري الشوق بعدك وين وداني
ماكان والله يمر البعد في بــــــالك
تبقى حبيبي لو تزعل وتنســــاني
تبقى بقلبي كبير ودايم لحـــــــالك
الليل بعدك ظلامه طال واشقاني
والفجر نوره تعذر يطلب وصالك