رواية في سمتي لك كلام
الفصل الثالث
الســـاعه . 9ونص م..
في بيت عــــــايد ..
حمد توه نازل من غرفته الا يشووف خوااته من ابوه ( ..منار(22).. ومناير(21 ).. )
ومنااال اخته من امه وابوه (22)
حمد .. السلام عليكم ؟؟
منار .. وعليكم السلام والرحمه ؟؟ وينك ماعاد تنشااف ؟؟
حمد .. والله تعرفين المعرض والجلسه على النت ماخذه كل وقتي ..
مناير .. هههههه وليه المعرض به شغل .. كله العمال هم اللي يشتغلوا ..
حمد وهو يخزها من فوق لتحت .. عدال يا معوده .. في احد الحين يشتغل بضمير هالايام ؟؟
منــار .. الا قول لي يا حمد صج الكلام اللي سمعته ؟؟
حمد .. يالله عسى خيـــر .. قولي الكــلام ..
مناير .. ابي افهم ليه نفسيتك خاايسه كل يوم ..؟ ياخي انت تكلم خواتك مو اعداءك ؟؟
حمد .. المشكله انكم خوااتي ؟؟ وهذي المشكله الكبرى ؟؟
مناير ... وليه ياخي ذبحينك حنا ... وحنا ما ندري ؟؟
حمد .. لا بس الانكم تقثوني جد ..
منـــار .. جااوبني يا حمد ؟؟
حمد .. ليه انتي تكلمتي عشاان اجاوبك ؟؟
منار .. اقولك جد الخبر اللي سمعته ؟؟
حمد ..وشهو الخبر عشان اقولك جد او لا ؟؟
منار .. جد انك راح تتزوج بنت خالتي فوزيه عاليه ؟؟
حمد .. ومن قااال لك ؟؟
منــاربضحكه .. زوجتك المستقبليه تراها فرحاانه حيل بك ..
حمد .. روحي قولي لها .. لا تحلم كثييير .. ترا الايام تتغير بسرعه ..
منــايربصدمه .. جد شاايف نفســك .. ليه ما تبغااها .. المسكينه تحلم بك ..
حمد .. وش اسوي ما احبها .. تجبريني على قلب ما حبيته ؟؟
منار .. بس يا حمد حراام هي بنت عمك ..
حمد .. واذا يعني بنت عمي .. يعني لازم اخذها ؟؟
مناير .. وابوي يدري عن رفضك ...؟
حمد .. يدري او ما يدري انا ما خصني غير نفسي .. وانا ما ابغى اتزوجها ؟؟ وياليت تبلغين ابوك ؟؟
ويطلع ويخليهم لحاالهم ..
وهو طالع يشووف اخته منــــــال نازله من الدرج ..
حمد .. هلا وغـــــــلا بمنوووله حياتي ..
منال .. تسلم والله يالغالي ..
حمد .. وشهالجمال وين رايحه ؟؟
منال .. رايحه لصديقتي عندها عزيمة بناات ..
حمد بغمزه.. اوصلك ياحلو .؟
مناال .. لا ماابغى اتعبك يالغالي ..؟؟
حمد .. خليني اوصلك يمكن اشوف وحده حلوه وتزوجيني ايها احسن من الخنفساانه السوده اللي عند عمك ..
منــال .. اووص لا يسمعنك منار ومناير ..
حمد .. خليهم يسمعون الحين اعرفوا اني ما ابغااها واليوم ابوي بيوصل له الخبر السريع منهم ..
منــال .. يؤؤه يا حمد انت وش سويت تبغى ابوي يزعل عليك ..
حمد .. يزعل هو ما زعل بحياته خلي يجرب الزعل ..
منال .. هيا انت وش قاعد تقول .. من جدتك تتكلم ؟؟!!!
حمد .. اي من جدي اجل العب معك ؟؟
منال .. هو ابوك يالخبل ..
حمد .. واذا ابوي !!..
منال .. تدري وش راح يسوي بك اذا خالفت كلامه ؟؟
حمد .. وش راح يسوي بيقتل لني خليه يقتل لني ولا اتزوج وحده ما حبيتها بحيااتي ...
منال .. وصقـــر ؟؟
حمد .. انا وصقر مثل الراي ..كلبونا ما نبغــى نتزوجهم ..
مناال .. يؤ انت وش تقول .. تبغى ابوي يموت بالخبر ذا ..؟
حمد .. لا تخافين على نفسك طارق يحبك ويبقى يتزوجك .. وماراح ياثر رفضنا على زواجك ..
منال .. انا مو قصدي كذا يا حمد ..
حمد .. اجل لك قصد غير ذا قولي ..
منال .. انا قصدي ليه.. ما تتزوجها.. حرام البنت تبني احلام عليك وبالاخير من لها ..
حمد .. انا ماقلت لها ابني احلام على احسابي .؟؟
منال .. ما تصورتك قااسي كذا يا حمد ..
حمد .. اكون قاسي اذا احد تدخل بحياتي .. من غير ما اسمح لـــــه ..
منال .. وابوي من النااس ذي ؟؟
حمد .. الله عليك يعجبني ذكاائج ياختي .. ياحظ طارق عليج ..
منال .. وليه ياحمد تكره ابوي كذا ..
حمد .. انا ما اكره يامنال .. بس اكره تصرفاته اللي يحكمها علينا من دون ما يعطينا خبر فيها ..
منال .. الله يعينك ياحمد على نفسيتك ..
حمد .. شكلج راح تتاخري على العزيمه ..
منال .. خووش هرووب من الوااقع ..
حمد .. افهميها مثل ما تحبي ..
مناال ..اهع هع.. يالله مع السلامه ..
حمد .. مع الف سلامه ..
*************************
السااعه .. 11 م ..
في بيت الجده نوره ام راشد ..في الصاله الكل موجود سعد خال انجود (ابو سعود ) وزوجته شيخه ..
وبناته فرح (13)ومرح(12) .. والجده نوره ..
انجود توها دااخله عليهم ..
انجود .. السلاااااااااااااااام عليكم ياجماعه ..
الكــل .. وعليكم السلام والرحمه ..
نوره .. يؤه يانجود وش فيكم تاخرتوا ..
انجود .. داود اخذنا للمطعم وبعدها اخذنا بسياره لشارع البحر نتمشى وبعدها دخلنا فلم مطب صناعي ..
وبعدها تعشينا وجاابني هنا ..
سعد .. ها عسااك مبسووطه ..
انجود .,. كثييييييير قد ما تتصور يا خالي ..
فرح .. يالخااينه ما اخذتيني معك !!
انجود .. وربي يا فرووحه ما كنت ادري اسالي امي جاءت دلول مع داود البطه فجاء واخذوني وانتي كنتي
ناايمه ..
مرح .. السينما فيها العااب ..
شيخه .. هذا اللي يهمك العااب ياخبله ..
نوره وهي تقرب من انجود .. ها عسااك مبسووطه يا انجيد ..
انجود .. يمه كم مره اقولك انا انجود مو انجيد ..
نوره .. قليلي وش سويتي ..
انجود من الفرحه تسوولف وهي تضحك وتقول وش سوو خلال هالرحله ..
شيخه .. ماشاءالله من الساعه 3 الى الساعه 11 وهم ما مليتي ولا تعبتي .؟؟
انجود .. تبغين الجد .. النوم كان مسيطر علي بس ما خليتها وانا بنت العنود الا وكسرت عينه وقاومة ..
سعد .. هههههه اي عفيه يا بنت اختي شجااعه ..
انجود .. يالله اخليكم الحين وربي تعباااانه مررره وابغى اناام ..
شيخه .. نووم العواافي ..
انجود .. يمه متى تنامين ؟؟
سعد .. وانتي ما تخلين هالعاده الشينه منك ..
انجود .. صدقني ما اعرف والله ما اعرف اتركها ..
نوره .. خلها يا سعد ..
سعد .. البنت صارت كبيره ولسه ما تنام الا بحضنك ولا انتي تنومينها بقربك ..
انجود .. هي الوحيده القريبه لي... وتبغــى تحرمني منها بعــد يا خالي ..!!
سعد بحزن .. لا ياانجود عسى الله ما يبعدك عنها بس عيب وانا خالك هالطبع انتي بنت ولازم تنامين بغرفتك ..
ولا مخليتها ديكور في البيت ؟؟ .. انتي عندك غرفه ليه تنامين مع جدتك ؟؟
فرح .. هههههههههههه انجوووووود بزر
انجود .. جب يالبطه لا تتعدين حدودك ..
نوره .. يالله يانجود جدامي خليني انومك ..
مرح .هههههههههههههههههه
سعد .. بس يا مرح ..
انجود .. اضحكوا لليوم لبكره ماراح اسمع كلامكم ..وتطلع هي وجدتها لغرفتهم ..
انجود ما تعرف تنام الا لين تحس بكفوف جدتها تلمها وتشم ريحتها بقربها .. وكانها طفله ام سنتين
اللي تبغى احد يحسسها بالحناان .. والانه انجود من صغرها محروومه من الام والابو جدتها نوره تعوضها عنهم ..
ولو انه جدتها نوره مو هنا كانت انجود ضااعت من زمااان ..
انجود في غرفة جدتها .. وهي تنام على سرير جدتها ..
نوره.. يالله يا انجود ناامي ..
انجود .. يمه ابغى اسئلك ؟؟
نوره .. وشهو بعد انتي ما قلتي انك تبغين تنامين ..؟؟
انجود ..بلا بس جاء سؤال على بالي ودي اعرف اجاابته ؟؟
نوره .. قولي ..
انجود .. ليه خالي راشد مو مثل ولده داود ...؟؟ داود غير عن خالي ..
نوره .. وليه هالسؤال جااء على بالك بذاات ؟؟
انجود .. اليوم داود احس انه اكثر من اخو . مع اني ما عمري شفت اخواني اذا كان عندي اخوان ؟؟
احس بشعور غريب لمى اشوف داود احس انه جد يحاول يفرحني باي طريقه .. ويميزني عن خواته ؟؟
نوره .. وبعد ؟
انجود .. يمه تعتقدين لو عندي اخوان .. راح يكونون مثل داود بتصرفااته وكلامه ؟؟
نوره .. انجود يابنتي .. ربك عالم بكل شي ..
انجود .. وليه داود غير عن خالي راشد .. داود يسال عني وخالي دايما يهاوشني بكل شي .. حتى
طلعاتي وبشكلي او بتصرفاتي يعني بكل شي صرت اكرهه ..
نوره .. لا يا انجود خالك يحبك .. وما سوى كذا الا يحبك ..
انجود .. ما اظن ..الانه خالي راشد غيير عن خالي سعد بعد ..
نوره بصراخ.. انجــــــــود تنامين ولا اروح عنك ؟؟
انجود .. لا خلاص بنااام يا يمه ..وهي تغمض عيونها حييل وكانها الطفله المطيع ..
نوره في قلبها .. اااه يا انجيد وش راح تسوي بعد عيني ..؟؟ وكيف راح تكون حياتك .. يالله انك تحفظها
وترعها بعينك اللي ما تنام ..اللهمه امين ..
*****************
الســــــاعه 8 الصبح .. (في بيت عايد )
جالس ابو صقر على طاولة الطعام .. مع زوجته الاول سلمــى والثانيه فـــايزه .. يتفطرون ..
فايزه .. الا ياابو صقر انت ما دريت بالخبر الجديد..
سلمى في قلبها .. ام الاخبار الشينه على الصبح يالله اصبحنا واصبح الملك لله ..
عايد .. لا ما سمعنا يافايزه وش عندك على هالصبح ؟؟
فايزه وهي تشوف سلمى بنظرات تكبر .. اعيالك الله يحفظهم .. تسكت ..
سلمى بلقافه .. وشفيهم اعيالـي بعد ؟؟
عايد .. خلصيني يا فايزه تراني مشغوول ..
فايزه .. دريت انهم مــــا يبغون يتزوجون بنات عمهم ..؟
عايد .. من قال لك هالكلام ..؟
سلمى كانت تدري بعيالها بس تدافع عنهم جدام ابوهم.. كذابه اعيالي ما قالوا هالكلام من وين تجبين هالخرفات
يامره خافي ربك ..
عايد .. سلمى نادي صقر وحمد ..
سلمى .. ليه اناديهم وانا امهم اعرف وش رايهم ؟؟
عايد .. اقولك ناديهم ..
سلمى وهي تشوف فايزه بحقــد .. امرك يابو صقر ..
وهي ترووح للطابق الثاني تنادي اعيالها ..
فايزه .. صدقني ياعايد انه اعيالك حمد وصقر كلهم رافضين ما يبغونهم امس بناتي قال لهم حمد هالخبر
يقول خلي يوصل هالخبر لبوي ما يهمني ..
عايــد يتافف.. والله يافايزه لو طلع الخبر صحيح صدقيني لعلمهم من انا .. !!
فايزه والابتسامه شاقه الحلق من الوثوق بالنصر جدام سلمى ..
سلمى عند اعيالهـــــا ..
حمــد .. انا قلت لك يايمه الي سمعتيه ..
سلمى .. انتوا راح تقتلوني .. وانا قلت لبوكم انها غلطانه وانه اعيالي موافقين .. والحين تبغون تكذبوني جدامها
وجدام ابوكم ..
صقروهويقرب منها .. هدي يايمه .. هذي حياتنا وما نبغى احد يغصبنا عليها .. وانا مستعد اكلم ابوي ..
حمد .. يمه ليه تبغينا ناخذ بنات اخت ضرتك (اخت جارتك) وانتي اكثر وحده ما تحبينهم ..
سلمى.. انا عمري ما حبيتهم لكن ابغى رضى ابوكم ..يالله عسى يبين في عينه .. ولو جاءت علي انا
لخترت لكم احلى بناات الديره ..
صقر .. يالله ياحمد خلنا نروح لبوي عشان نخبره بالخبر ..
سلمى .. لحظه وش راح تقولون له ؟؟
صقر بضحكه غامضه .. كل شي حلو بوقتــــه يا ام الحلـــــو !!
حمد.. نشووف اخرت هالضحكه الغامضه وش وراهـــــا ..
صقر .. وراها كل اللي يسرك بس انت خلني اتكلم ولا تنطق اي حرف لمى اتكلم مع ابوك ..
حمد .. ليه ؟؟
صقر .. من دون ما تسال انت اسمع ولا تتكلم ..
حمد .. اووكيه يالله نشوف اخرتها معك ايه ..؟
ونينزلون تحـــت عند ابوهم ...
صقر وحمد .. السلام عليكم ..
الكل .. وعليكم السلام والرحمه ..
صقر وحمد يجلسون على الطاوله ..
عايــــد .. صقر حمد .. صحيح الخبر اللي سمعته ؟؟
صقـــر .. عن ايش هالخبـــر اللي سمعته ؟؟
عايد .. اعرفك فاهم وذكي يا صقر ..؟
صقر .. يبه تكلم وانا اقولك صحيح او غلط ؟؟
عايد .. انك انت واخوك المصون ما تبغون تتزوجون بنات عمكم ..
صقر .. واذا قلت لك مثــــــلا لا ..؟؟ وش راح تسوي ؟؟
عايد بعصبيه .. يعني صحيح اللي سمعتــــــه ...!!
صقر بهدوء .. انا قلت مثلا اسمع عدل يا يبه ؟؟وش راح تسوي ..؟
عايد .. يعني انت الحين تبغى تسمع وش راح اسوي فيكم وانت تعرف اني اذا قلت شي اسويه ..
صقر .. عـــــــــارف هالشي .. لكن الخبر اللي سمعته صحيح ..
عايد بعصبيه .. يعني صحيح اللي سمعتـــــــه .. وممكن اعرف يا استاذ صقر ليش ما تبغى تتزوجهم ..؟؟
صقر بهدوء .. يبه كل انسان حر بنفسه وانت ما تقدر تقصبني على وحده انا ما ابغاها .. الاني راح اعيش
معها طول العمر مو يومين او مده قليله ؟؟
عايد وهو يلتفت لحمد .. وانت وش سببك انك ما تبغا عاليه ؟؟
حمد وهو يشوف صقر بنظرات يقول فيها اتكلم او لا (لانه صقر قال لحمد لا تتكلم خل الكلام علي )
صقر .. يبه حمد مثلي كلنا ما نبغى احد يتدخل في شؤون حياتنا ..
عايد .. والله وطال لساانك يا صقر ..
صقر .. طال لساانه عشان قلنا لك هذي حياتنا وحنا حرين فيها .. يبه انت ما تزوجة امي وانت مقصوب بها..
وانت لمى اخترت فايزه هم ما كنت مقصوب بها انت اللي اخترتها خلنا نختار اللي راح يكمل معنا حياتنا ..
عايد .. وش قاعد اسمع انا ..
حمد .. بعد اذنك يا يبه .. انت اخذت كلمتك من غير ما تاخذ شورنا او كلمتنا خليتنا مثل شخص ماله راي
بهدنيا وصدمتنا بقرارك وحنا ما ندري.. يعني كنا محنا بشر .. يبه انت ما تقدر تعيش مع قلب انت ما تبغا ..
يبه هذي حياتنا .. ولو سمحت لا تتدخل فيها الانه ما تدخلنا في حياتك واختيارك ..
فايزه بلقافه .. وش فيهم بنات اختي ..؟؟ ما تقولي يا صقر ؟؟
صقر .. بنات اختك هم بنات عمي على عيني وراسي بس انا ما ابغاهم ..والقلب ما ينجبر على قلب يا زوجة ابوي..
عايد حاط يدينه على راسه ..وش تقولون يا صقر .. انا عطيت عمك كلمه .. والحين انت واخوك صدمتني ..
صقر وهو يقرب منه .. يبه الله يخليك لنا بس لا تقصبنا على شي حنا ما نبغا ..وبنات عمي يارب يرزقهم باللي
احسن منا ..
عايد.. وطاارق ولد عمك يبقى منـــــــالـ او لا ..
صقر .. يبه منال وطارق مالهم شغل فينا كل واحد حر بنفسه .. بس اللي اعرفه انه طارق متمسك
بمنال اختي ..
فايزه .. اي قولها انك انت وولد عمك ما تبغوون بنااتنا .. وهذي خطه منكم ..
صقر هو يلتفت لها .. والله هذي حياتنا وماله احد شغل فيها .. ولاهي خطه ولا بطيخ .. وهو يقرب من ابوه
.. اها يا يبه وش قلت ..
عايد .. وش اقول .. وانت متمسك برايك ؟؟
حمد .. يبه لا تكبر السالفه وهي قصيره .. هذي الحقيقه ... وهذا راينا اذا جد تهتم فينا ..
عايد يطالعه من فوق لتحت .............. انا طالع ..
صقربصراخ .. يـــــــبه ..
عايد .. لا تكلمني وانت تعرف رايي .. ويطلع وهو معصب ..
فايزه تلحق عايد ..
سلمى وهي تحط يدها على راسها وتصيح .. وش سويتوا ياعيال .. الحين ابوكم طلع وهو معصب..
صقر .. لا تخافين يا يمه راح يرد وهو راضي ..
سلمى ... انا رايحه لغرفتي احسن من جلستي معكم ... عزالله الله ما عطاني اولاد مثل هالنااس ..
وتطلع لغرفتها...
حمد وهو يهمس لصقر .. عجبتني يا بطل هع هع ..
صقر .. مو وقته الحين هالكلام يا حمد ..
حمد .. بس تبغى الجد ريحت قلبي وحس اني ارتحت بعد ما بلغت له الخبر ..
صقر وهو سرحان .. الله يستر يا حمد خوفي من عمي اكثر من ابوي ..
حمد .. وش قصدك ؟؟
صقر .. يالله نمشي للمعرض قبل لا يعصب ابوك بعد فوق ماهو معصب ..
حمد .. يالله نمشي ....
**************************
الساعه .. 9 الصبح ..
رهف في بيتهم .. قاعده تكلم انجود بالجوال ..
رهف .. جد والله ما تبغين تروحين للكليه اليوم ..
انجود .. اي والله مالي خلق تعرفين اليوم ما عندي اختبار ..
رهف .. وشفي صوتك بعيد ..؟؟
انجود .. جالسه اكلمك وانا في سريري بعدي ما صحيت ..
رهف .. ههههه صح النوم ..
انجود .. والله مالي خلق غلفي يالله بكمل نومتي يا مزعجه ..
رهف .. وانا بعد بغيب ؟؟
انجود .. ليه تغبين .. بس انا ..
رهف .. مو بكيفج منتي امي عشان تحكميني ..
انجود .. هع هع انزين ياهبله ......خليني بنام ..
رهف .. لحظه لحظه استني بسلم على اخوي سلمان
يدخل على رهف اخوها (سلمان -صديق طااارق)
رهف ... هلاااااااا والله باخوي سلمان ..ياخي ليه تروح البر يخيلك اسود زياده كذا ..
سلمان .. والله هذي حلاوة البر ..(وشوف التلفون ويسالها ).. مين تكلمين ؟؟
رهف .. هذي صديقتي انجود الهاري ..
سليمان ..انجود الهـــاري ؟؟
رهف .. بهمس.. اي وش فيك كذا ؟؟
سلمان .. اساليها عندك اخو اسمه طارق ؟؟
رهف .. والله انت فاضي بعدين اقولها ..
سلمان .. تكفين اساليها يا رهف ..
رهف .. اصلا هي ما عندها اخوان وحيدة امها ....وابوها مطلق امها ..
سلمان .. اها كذا .. اجل مع السلامه ..
رهف بنظرت تعجب.. مع السلامه .. وتمسك الجوالها .. الووو انجود .. تلقى التلفون مغفلته ..
رهف تعاود الاتصال فيها .. الووووووو انجود ..
انجود .. اوووووووووف منك انا ناايمه الرجاء الاتصال في وقت لاحق ..
رهف .. بليز يادبه ابغى اسالك ..
انجود .. وش تبغين ..
رهف .. اخوي كان عندي منسااع ..تقاطعها انجود
انجود ..وش الجديد ..؟؟
رهف .. خليني اكمل .. سلمان اخوي يقول لي وش يقرب لك طارق الهاري ؟؟
انجود .. طارق ؟؟ من ..؟
رهف .. يقول انه اخوووك ؟؟
انجود بصدمه .. اخوي...!! اسمه طارق ؟؟
رهف .. انا قلت له هي ما عندها اخوان واصلا ابوها مطلق امها وهي صغيره ..
انجود .. هو قال لك انه عندي اخو اسمه طارق ؟؟
رهف .. والله يا انجود ما ادري .. بس قالي منو معك عالجوال قلت انجود الهاري .. قال اللي اخوها طارق الهاري
قلت له اللي قلته لج قال لي سلمان اساليها اذا كانت تعرف او لا ..
انجود .. بليز يا رهف قوليله كم عمره هو اكبر مني او اصغر واذا عنده صوره له عطينيها بليز .. ووين
عايش وكم اخت عنده ..واذا عنده صورت ابوي خليه يجيبها معه
تقاطعها رهف .. اف اف اف كل كذا تبغيني اعرفه منه ..!!
انجود .. بليز يا رهووفه ..
رهف .. بحاول يا انجود يالله مع السلامه ..
انجود .. لحظه استني يا رهف بعدي ما خلصت ..
رهف .. توك تقولي تبغين تنامين ..
انجود .. وانتي طيرتي النوم من عيوني .. اماانه يا رهف نادي سلمان ابغى اساله كم سؤال ..
رهف .. استحي يا بنت ..
انجود .. لا تخافين ما ابغى اكلمه انا بسالك وانتي قوليله السؤال ..
رهف .. اصلا سلمان طلع ينام من امس مو نايم الانه كان في البر ..
انجود .. لاااااااااااا يا رهف حرقتي اعصابي ..
رهف .. وش همك يا انجود فيهم ..
انجود بحزن .. نفسي اعرف اذا عندي اخوان وخوات اذا عندي ابغى اعرف اساميهم وابغـــــــى اشوف صورت
ابوي اللي عمري ما شفت صورته ..
رهف .. انجود الباب اللي يجي منك ريح سده واستريح وش تبغين في الريح الي توجع راسك ..
انجود .. نفسي اعرف عن اهلي ...؟؟
رهف .. الحين صاروا اهلك ؟؟
انجود .. صحيح كلامك .. عمرهم ما صاروا اهلي بس ما ادري ودي اعرف عنهم كل شي ..
رهف .. انجود ..
انجود ببكى .. ااااه ودي ارد الدين اللي على امي لبوي ..
رهف .. انتي وش قاعده تقولين ؟؟
انجود .. ابغى اخلي ابوي يندم على كل ثاانيه حرمني منها .. لعلمه انا منو .. واخليه يكره حياته ..
وخليه يعترف فيني جدااام الكل ..وعلمه من انجود ..
رهف .. انا اخليك شكلك تعباانه ..
انجود .. رهف بليز لا تنسين ..
رهف .. انشااءالله بحاول ..مع السلامه ..
انجود .. مع السلامه ..
وتجلس انجود مع نفسها وتمسك صورت امها اللي جنبها .
يمه هذي اول خطوه لي .. ادعيلي بانها تنجح .. يمه اليوم راح امشي اول خطوه لي باني احقق الحلم اللي
تمنيته اني انتقم من ابوي .. واخليه يندم كثر راس شعره (بضحكه هذا اذا عنده شعر ) اه يا يمه
حتى صورته حرمني منهااا .. ااااااااااااااه ياقلب تعبت وانت تشيل اوجااااااعي ..
الا تشوف التلفوون يرن .. تشيله الا مكتووب على جهاازها .. نبض الغلا كله (دلال )
انجود .. هلااااااااا وغلااااااااا
دلال .. هلا بك اكثر يا قلبي ..
انجود .. ها فينك ..
دلال .. انا في الجاامعه .. الا انتي فينك شكلك عندك هدوء رهيب ..
انجود بضحكه .. هههههههههه ايه انا في البيت فووق سريري ..
دلال .. ليه عسى ماشر .. تعبانه انتي ..؟
انجود .. لا ابد سلامتك بس ما عندي اختبار قلت ارتااح من عوار الراس ..
دلال .. الا وش رايك نرووح نتسوق ؟؟
انجود .. وانتي ..؟
دلال .. وشهو انا ؟؟
انجود .. انتي الحين في الجاامعه ..كيف تطلعين ..؟؟
دلال .. انا الحين خلصت من الجاامعه ما عندي الا محاظره وحده .. ايش رايج تمريني ..
انجود .. ابشري .. بس فين تحبي تروحي .على هالصبح ؟؟
دلال .. امممم نروح نتسوق ..
انجود .. وابوك يدري ؟؟
دلال .. ابوي اصلا اذا عطيتيه خبر رفض .. خليه ما يدري احسن ..
انجود .. اووكيه على مسؤوليتك .. يالله اصحى اصلي واتفطر واجيك ..
دلال .. اوكيه استناك ..
انجود .. فماان الله اجل ..
دلال .. فمان الله وحفظه ..
*******************************
طيف .. جالسه بروحها في كفتريا الكليه.. الانه انجود ورهف غايبات ادخلت الشبكه تسلي حالها بوقت الفراغ..
.. شااابكه بالنت (الكليه فيها شبكه للنت للشبك )
طيف ..تدخل بايميلها .. تشوف (لديك رساله 1)
تفتحها ..
(((((((((
لبى فؤادك يامنى الروح
وين انتـ ..؟؟
ياللي حياتي دون وصلك ولا شي
أقسم برب الكون مشــتــاق
لك انتـ..!!
شوقن يساوي من تنفس وهو حي
لبى الوفا وانا الوفا لك
تكونتـ..!!
لبى الحنين اللى حوى النور والضـي
مرحــــــــــبــــــا يا ملاك فينك ؟؟ لي يومين ما شفتك بالماسن ؟؟ يالله عسى خير ..
بس بغيت اسال عنك وتطمن عن اخبارك ..
اماانه اذا شفتي رسالتي طمنيني عنك ...
واسف على المسج الانه هن جد يعبر عن احساسي .. ااسفه مره ثانيه للقافتي ..
اخوك في الله .. حمد الهاري ..))))))))))))))))))
طيف بضحكه .. هههههههه والله وفيه الخير يسال بس للاسف ما يدري منو ملاك وش حياتها الصعبه ..
ملاك وراء شخصيه غااامضه حزينه تحاول تفرح باسمها ملاك .. لكن اسمها الحقيقي طيــــــــف ..
وترسل له ...
((
هلا فيك يا اخوي .. والله وفيك الخير تسال عني ..لكن انا اسفه كانت عندي اختبارت في الكليه وما قدرت اشبك ..
ومشكور على هالمسج ..
اختك في الله ملاك ..))
وتدخل عليها هند فجاءه ..
هند .. ام الحلوووووو وش قاعده تسوي ؟؟
طيف .. بسم الله الرحمن الرحيم .. ارعبتيني ..!!
هند وهي تجلس جنبها .. اسم الله على قلبك يا رقيقه ..
طيف .. اااااه وش اللي جابك على بالي غايه معهم ..
هند .. شفتي الخونه رهف وانجود غايباات ..
طيف .. اي شفتهم ..
هند ... وانجود من الصبح وانا اتصل عليها مغلق ولمى اتصلت على بيتهم كلمتني جدتتها قالت لي انها راح تغيب
وخلتني اروح مع ابوي للكليه وهو معصب << تعرفين ابوي ما يحب قومت الصبح تعرفين انه متقاعد هع ..
طيف .. ههههههه حرام عليك صحتيه من بدري .. كان غبتي ..
هند .. وانا ايش دراني انهم راح يغيبوا بعد ما لبست وخلصت اتصل وقالوا غايبه .. ساعتها راح النوم مني ..
طيف .. اها ..
هند .. وش اللي جلسك هنا ؟؟
طيف .. قلت اكيد الكل غايب قلت اجلس في النت اسلي نفسي ..
هند .. واو كل ذا في ايميلك ..
طيف ..لا تخافين ذولا كلهم بناااات ..
هند بغمزه .. عليناااا ..
طيف .. والله اللي مافيه ريح ما يستريح ..ياهند ..
هند .. هيا انتي والله اضحك .!!
طيف بضحكه .. ادري ... وهي تكمل بالعب بالنت ..
*******************
في المعرض .. الساعه 10 ..
في مكتب المعرض تحديدا ...
غانم .. عايد انت وش قاعد تقول يا عايد ..
عايد .. ااااه يا غانم انا تعبت مع الاعيال كل واحد فيهم مو راضي يسمع كلمتي .. !!
غانم .. بكل سهــــوله .. ليه ما تقدر تكلم اعيال وتقصبوهم ..
عايد وهو يجلس .. ما اقدر يا غانم كل واحد يقول لي انا حر بنفسي لا تقصبني على شي انا ما ابغاه ..
عندك هم الحين نادهم وقول لهم .. يمكن يغيرون رايهم ..؟
غانم .. وينهم الحين ؟؟
عايد ... هم في المخازن ..
غانم .. روح ناد اعيالك الثوره اللي ما يفهمون .. الكل يفهم الا هم ..ما يعرفون مصلحتهم وينها ..
عايد .. والله اني تعبت معهم ..
ويرووح عايد ينادي اعياله .. وقبل لا ينادي يدخل صقر عليهم ..
صقر .. السلام عليكم ..
غانم بعصبيه .. اي سلام واي كلام ..
صقر .. عمي وش فيك ..؟؟رد السلام على الاقل ..!
غانم .. وتسالني وش فيني ؟؟ عايد خلني بروحي مع صقر وناد حمد ..
ويطلع عايد ..
غانم وهي يجلس جنب صقر .. ما تقولي وش الخبر اللي سمعته اليوم ..
صقر .. عارف وش راح تقول لي يا عمي .. بس انا حر بنفسي وما ابغا احد يحكمني او يفرض علي شي انا
ما ابغااه او ما احبه ..!!
غانم .. ويعني انا وابوك نسيطر عليك ؟؟ ونتحكم فيك ..؟.؟
صقر .. بصراحه ..ايه ..تسيطرون علينا حتى في حياتنا .. وفي كل شي .. عمي انت ما تجبرني اني اخذ وحده من
بناتك .. انا حر .. وانا اللي راح اعيش معها مو انت ولا ابوي ..
غانم .. والله وطلع لك اللسان يا صقر ..؟
صقر .. عمي .. كل واحد يقول وجهة نظره تقول طال لسانه .. عمي هذي حياتي تفهم وشهي حياتي ..!!
غانم .. وليه تحسبني ما اعرف وشهي حياتك ومصلحتك ؟؟ انا وابوك نبغاه لكم الخير .. ما نبغا احد يدخل
غيرنا بالحلال .. هذا تعبكم ... ما نبغا احد ياخذه منكم او يسيطر عليه .. انا ما ابغا احد ياخذ بناتي الا اعيال
اخوي .. وما ابغا اعيال اخوي ياخذون بنات مو شايفين الخير بعيونهم ويحبونكم عشان كم فلس وبعدها تنتهي المساله ..
صقر .. انا فاهم اللي تقصده يا عمي .. بس لا تقصبني على شي انا ما احبــه ..!!
غانم .. صقر الحب ما يجي قبل الزواج ياولدي .. الحب بعد ما تعيش معها وتعرف قلبها تحبها .. وثانيا..الحب
مو بشكل او اللون الحب بالقلب واخلاقه ونوعه .. بكره اذا طحت ما يسندك الا اللي منك وفيك ..مو اذا طحت تمنت
لك الشر عشان تاخذ اللي وراك .. ياليت تفهم وش اقصد يا صقر ..؟؟!!
صقر وهو منزل راسه ... وربي عارف اللي تقصده ..
غانم .. كويس انك عارف بس ياليت تفهم وترضى باللي قلنا عليه ..
صقر يتنهد .. عطني كم يوم افكر ..
غانم .. فكر بس ما ابغــى بعد هالتفكيــر الطويل اسمع رد ما يعجبنــــي .؟.!!
صقر .. يصير خيـــر ياعمي .. الحين انا طالع تبغى مني شي ..
غانم ..سلامتك .. وياليت تفهم اخوك حمد باللي قلته لك ..
صقر .. انشاءالله .. مع السلامه ..
غانم .. مع السلامه ..
ويجلس غانم يفكر .. ااااااه لو جد انه اعيال عايد ما يبغون بناتي .. ساعتها وش راح يصير فيك ياغانـــم؟؟؟
***************************
في السياره ..
كان صوت الضحك واصل للبرى السياره .. وكانت انجود ودلال مشغلين غنية عبدالمجيد عبدالله ( انسان اكثر ) ..
انجود .. ها وين راح نتسوق ؟؟
دلال .. اممم .. ايش راح نورح للمعرض ذا .. نفسي اشتري طاولة جهاز لكمبيوتري ..!!
انجود .. عندك فلوس الحين ؟؟
دلال .. ايوه معي (كي -نت) ومعي فيزا ماستر ..
انجود .. وااو يابنت يا خطييره .. اجل انا ابغى اشتري مكتبه على احساابك ..
دلال .. اقول والله انك طراره محترمه ..
انجود .. اقول احمدي ربك اني انا اسوق .. ولا تركتك هنا وخليت اي تاكسي جوال ياخذك ..
دلال .. ما تقدرين ..
انجود.. تتحديني ..!!
دلال .. هههههههه ودي اقول ايوه بس قلبي يعورني .. لالا اقول خلنا نروح للمعرض اللي اسمه (هاوس بك)
وبعدها نتحاسب.. ههههههههه
انجود .. يالله على امرك يا معلمتنا ..
ويدخلون المعرض الكبير اللي في قسم المفروشات وقسم المكتبات وقسم غرف نوم يعني كبيييير مررره ..
ما تدري انجود انه هذا المعرض معرض ابوها وعمها ... الانه مو مكتوب اسمهم عليه ..
انجود وهي تبلغ عيونها ..واوووووو كبير ..
دلال .. ايوه كبير مره ههههههه ياليت هذا معرض ابوي ..
انجود .. اقول قومي بس لا تحلمين علينا .. خلينا نتفرج وبعدها نشتري طاوله لي ولك ..
دلال .. والله انك مدخله نفسك قصب .. هخ
انجود .. كيفي .. هههههه
الا ذاك الشخص اللي وراهم ..
حمد ... اي خدمه يا خواتي ؟؟
دلال .. بسم الله لرحمن الرحيم ..
حمد بضحكه .. اسف ما كان قصدي ارعبك ..
دلال بضحكه.. عادي ..
انجود بالقافه.. لو سمعت ابغى قسم المكتبات فين ؟؟<< انجود ما كنت تدري انه حمد ولد عمها ..
حمد .. قسم المكتبات فوق .. في الطابق الثاني على اليسار ..
الا ذاك الشخص اللي يتقرب منهم ..
صقر من غير نفس .. حمد عمي غانم يبغااك فوق ..
حمد .. وش يبغى عمي غانم بعد ..
صقر بهمس .. انت رح بلا مشااكل ..
حمد .. مالي خلق له بعدين اروح بشوف الزباين الحين ..
صقر .. يا حبك للبنات اقول قم لاوريك العين الحمرا جدامهم ..؟؟
حمد .. انت دايم تفشلني كذا ؟؟
صقر بضحكه .. هذا طبعي واحبه هههههه ..
انجود بهمس.. دلال ذولا وش يقولون ؟
دلال .. يعني وش يقولون ..؟ ما سمعتي يقول اخوي .. يعني اخوه ويبقى يكلمه على راحته .. اقول قومي نروح فوق
ناخذ الطاولات ..
انجود .. يالله ...
ويروحون الطاابق الثاني .. وتشوف دلال ذااك المكتب البني لونه على قمر ديني .. كان شكله رووعه ..
والمكتب كانه مكتب مدير عاام ..انجود لا انا ابغى ذا الرصاااصي شكله جونان ولايق على غرفتي حيل الانه
غرفتي لونها وردي ..
دلال .. بس ياليتك تجلسين في غرفتك .. عارفه راح تخلين هالمكتب منظره في غرفتك وزيادة عدد بس ..
انجود .. وش حار كبدك .. كيفي انتي ادفعي وانا اخذه واسوي اللي اسويه فيه ..!!
دلال .. اااااااه بذبحك يا انجود ..
صقر يدخل عليهم ..
صقر .. ها عسا عجبكم شي .؟؟
انجود .. امم بصراحه ..
صقر .. ايوه ..
انجود .. كل شي هنا رووعه وانيق ..
دلال تضربها مع خصرها .وبهمس .. استحي يابنت ..
انجود بهمس ..ااااااي اووص خليني اضبطه عشان ينزل السعر لك ..
دلال بهمس .. هيا انتي وين عايشه قديمه اللي ينزل السعر شكلك حيل متاثره بامي نوره ..
انجود بضحكه .. اسفه يا اتساااذ >> تعلق ..
صقر .. قوليلي صقر ..
دلال بضحكه .. اسفه يا اخوي بس نبغاه المكتب رقم 23 والمكتب رقم 5 ..
صقر .. حاضرين للطيبين ..بس ممكن تجون معي للطابق الارضي عشان توقعون على اوراق
دلال تبلغ عيونها لانجود اللي شكلها نسحرت فيه ..
دلال .. انجود ..
انجود .. هلا دلال ..
دلال .. ووجع بس خز بالولد استحي ..
انجود .. هع هع لا تخافين هذي جزء من الخطه .؟.
دلال .. ما تجوزين عن طبعك ..
انجود .. لا تحاولين اني احب مره ... كل الرجال نفس بعض كلهم نفس بعض ..
دلال .. ااااااا وش اغير فيك داامك هذا انتي .. يالله ننزل تحت
انجود .. يالله
دلال .. يالله يالعووبه ..
وينزلون للطابق الارضي الا في مكتب مكتوب عليه لوحة خشب بوجه المكتب .. الاستاذ صقر عايد محسن الهاري ..
بس انجود ما انتبهة على الاسم واللوحه .
صقر .. حياكم الله ممكن تجلسوون ..وش تحبون تشربون قبل لا اسجل الاوراق ..
دلال .. سلامتك .. ما نبغى نشرب شي ..
انجود .. ممكن ماي بس ..
صقر ..ما طلبتي شي وينادي مصطفى يجيب ماي لنجود ..
صقر .. ممكن البطاقه المدنيه .. عشان اسجل البيانات ..
دلال .. ما طلبت شي ..
وتلتفت لانجود عطيني بطاقتك .. وتعطيه دلال بطاقتها وبطاقة انجود ..
انجود .. كانت عيونها على المكتب وديكوره وتصميم الديكور والغرفه اللي شكلها من ذهب .. والاثاث اللي فيها ..
بس بالاخير طااحت عيونها على الاسم الي منقش بالخشب على المكتب .. الا تشوف الاسم ..
((صقر عايد محســن الهـــاري ))
انجود توقف فجاء ..
دلال .. انجود وش فيك ؟؟
انجود تكلم صقر.. وين بطااقتي ؟؟
صقر .. بعدي اسجل بيانات اختك ؟؟
انجود .. خلاص ما ابغا مكتب (بصراخ ) عطني بطاقتي ..
دلال .. انجود وش بلاك ؟؟ وش فيك تصارخي ؟؟
انجود برتباااك .. انا قلت لك ما ابغى مكتب خلااااااااص ما ابغى عطني بطااقتي ..
صقر .. اعصاابك ياختي .. وش اللي خلاك كذا .. ما اظن اني قليت ادبي عليك عشان تسوي كذا ؟؟
انجود .. وهي تقرب منه عطني بطااقتي ..
صقر وهو يمد بطاقة انجود الا عينه تطيح على اسمها (انجود غانم محسن الهاري )
انجود تمد يدها الا صقر يسحبها مره ثانيه ويتمعن من البطاقه ..
انجود بصــــــراخ.. انت ما تسمع ..
صقر بدهشه.. انتي .. يسكت ..
انجود .. تشااابه اسمااء لا اكثر .. وتاخذ البطااقه من يده ..بس صقر يمسك معصم يد انجود بقوه ..
انجود .. ااااااااي هدني ..
صقر .. انتي انجود غانم الهاري؟؟..
انجود وهي تمسك يده تحاول تفك يدها .. قلت لك تشاابه اسمـــــاء .. وتركض برى المكتب تبكي ..
دلال تلحقها .. انجود انجووووووووووووود ..
الا يدخل حمد على صقر ..
حمد .. وشفي البنت تركض من عندك مرعووبه .. صقر انت سويت فيها شي ..
صقر منصدم وهو يشوف البااب ..
حمد .. انا اكلمك .. وش فيها البنت اطلعت منك منهااره .. ؟؟
صقر .. انت ما شفت اللي شفته يا حمد ..
حمد .. وش سويت يا صقر لها ..؟
صقر .. ما سويت لها شي .. بس شفت شي وانصدمت منه ..
حمد .. وش فيك حرقت اعصابي ؟؟
صقر .. البنت بطاقتها المدنيه على اسم عمي غااانم .. اسمها انجود غانم الهاري يا حمد ..؟؟
ولمى سالتها قالت لي تشاابه اسمااء ..بس اللي حيرني ليه تشابه اسماء والبنت خاايفه لدرجه هذي ؟؟
حمد .. انت وش قاعد تقول اكيد هذريت بسررعه عمي ما عنده بنت اسمها انجود ؟؟
انا طالع شكلك انجنيت على البنت وقلت كذا ..
صقر بقلبه .. قول اللي تقول بس احس انه هالبنت وراء شي كبيير ..!!
انجود في السيااره منهااره تبكي ..
دلال تدخل السياره ..
دلال بصراخ.. انتي مجنووونه .. او تخبلين علينا ..
انجود بدموع .. اي مجنونه اذا خليته يقراء اسمي وعنواني ..
دلال وهي تشوف دموع انجود .. انجود وش فيك جدتكلمي وش اللي خلاك تعملي كذا ؟؟
انجود .. انتي شفتي اسمه ؟؟
دلال .. لا ..!! ليه ؟؟
انجود .. اسمه يا استاذه دلال .. صقر عايد محسن الهااري ..
دلال بشهقه .. ااااا وتحط يدها بفمها .. عشان كذا اخذتي البطااقه ..
انجود .. اخذتها بس هو شااف اسمي وعشان كذا مسك يدي وسالني ؟؟ انجود غانم الهاري
دلال .. وليه ما قلتي لي ..؟؟
انجود .. وش دراني ما شفت اسمه الا اخر شي ..
دلال .. يعني هالمعرض لعمك عايد وابوك ؟؟
انجود .. ما همني .. وتحرك سيارتها بصمت كبير وبدموع تزحف للجفن بالم وااه محبوسه ..
وبرعشة حزن يخفي عنوانها الجروح المكبوته ..
دلال .. انجود ..
انجود ................. ساكته ..
دلال .. تكفين يا انجود خلاص امسحي دمووعك يا نجود ..
انجود ...............................
دلال .. انجود شوي شوي لا تسرعين كذا بسياره ..
انجود .. دلال خليني اسوق على كيفي وانتي ساااكته تفهمين ..!!
دلال .. لا ما افهم اذا خليتك كذا ..
انجود ............................(ساكته ماترد عليها ) تسوق بسرعه 120<< بنسبه للبنت عاليه