قصة تزوجت زواج تقليدي
الفصل الرابع
وبعد ما وصلنا البيت ومحدش فينا اتكلم ولا فاهم اللي عملناه دا ايه دورت وشي وبصتله ولسه هتكلم قالي هتفضلي علي زمتي لحد ما يعدي كام شهر عشان سمعتك وبعد كدا هطلقك ومن هنا لحد ما دا يحصل تجنبيني خالص واتقي شري ومتخلنيش اشوف وشك نهائي ودا لمصلحتك وسبني ودخل اوضته وانا جوايا تناقضات كتير قلبي فرحان انه مطلقنيش ولسه هفضل معاه كمان كام شهر بس بقيت حواسي بتمنعني استسلم لشعوري دا اللي مستغرباه جدا مفروض اكون بكرهه وعايزه انتقم وانا مش حاسه بحاجه من دي معقول اكون حبيته بس انا لو طلعت بحبه بجد انا اللي هتعذب اوي لان مش هينفع نكمل مع بعض هو مش هينسي ابوه اللي مات بسبب بابا وانا مش هنسي ان هو السبب ف سجن ابويا
دخلت اوضتي قعدت فيها طول مهو موجود عشان ميشوفش وشي زي ما هو قالي وبفكر ازاي اكلم ماما اطمن عليها واهلي كلهم اللي خافوا منه ومن نفوذه لياذيهم وقرروا يبعدوا عن الموضوع كله مش فارق معايا غير امي نفسها اكلمها واعيط واشكلها واقولها خليه ينسي ويسبني اعيش معاه
فجاه وانا سرحانه جرس الباب رن قمت ابص من ورا باب اوضتي لقيته فتح وواحده دخلت وسلم عليها وباسها وحضنها انا برقت عيني واتصدمت وفضلت متابعه كان شكلها معيطه وهو قعد جمبها يقولها اهدي يا حبيبتي واحكيلي بتعيطي ليه
حبيبتي!!! الفضول كان هيموتني وهموت واعرف مين دي بعد شويه هدت من العياط وهو قام جبلها ميه وانا مستغربه او من حنيته معاها وانا واقفه هطق لقيته جاي نحيه اوضتي قفلت ودخلت بسرعه فتح الباب ودخل قالي تعالي سلمي علي بنت عمي
قولتله طيب بقرف كدا خرجت وراه واتفاجئت انها قلعت عبايتها اللي فوق وفضلت بهدوم البيت اللي تحت وبشعرها وطبعا اجزاء من جسمها باينه بصتله لقيته واقف عادي وانا سلمت عليها وقعدت شويه وانا حاسه جسمي بطلع نار ومضايقه من وجودها اوي معرفش ليه وهو قاعد جمبها حاطط ايده علي كتفها وبيطمنها انه هيطلع عينه شكله جوزها ومتخانقه معاه شويه واستاذن وقام نزل يجيب عشا وسبني انا وهي قعدين مع بعض لقتها بتقولي عامله ايه مع خالد لقتني برد بغل وانتي بتسالي عن علاقتي بجوزي ليه هيا اتحرجت وقالت مقصدحاجه انا بس بدردش معاكي بصتلها بقرف وفضلنا ساكتين لحد ما شويه وهو جه وجايب شنط كتير ف ايده وعلي وشه ابتسامه حسيت بالغيظ اوي وخوفت يبان عليه قومت دخلت اوضتي وقفلت الباب وانا بهري وهولع فجاه لقيته واقف ورايا وبيقولي مالك دورت وشي ليه وقولتله بغيظ باين اوي مفيش كان ف ايده شنطه فيها شيكولاتات وشيبسي وحاجات من دي رفعها عشان يدهالي وبقولي اتفضلي
زقيت ايده وقولتله مش عايزه
قالي براحتك ودور وشه عشان يخرج
معرفش طلعت مني ازاي بس لقتني بقوله ازاي بنت عمك تقعد كدا قدامك وهي تحللك دور وشه ليه وعليه ابتسامه حلوه اوي وقالي وانتي مضايقه ليه ارتبكت اوي وقولتله عشان حرام قالي بس قولتله هااا وانا متنحه وبدا هو يقرب وانا برجع لورا لحد ما بقي ورايا الحيط وقالي مضايقه عشان حرام بس قولتله بصوت مهزوز اه قالي يعني مش عشان بتغيري اتصدمت من صراحته وقولتله بارتباك واضح نعم بغير علي مين ان شاء الله قالي بنفس الابتسامه بتغيري عليه وعينه باصه في عيني مش قادره اكذب ولا اقاوم قربه قولتله بصوت متحشرج وهغير عليك ليه انت متهمنيش ف حاجه لقيته قرب اوي مني وباسني من دماغي وقالي دي اختي ف الرضاعه وسبني وخرج وانا لسه واقفه بستوعب اللي عمله وفرحانه اوي اني فارقه معاه ومهم عنده يوضحلي الامور
سمعت صوته بيتصل علي جوز اخته دي يجيله وفعلا بعد شويه وصل واخده ودخل اوضه مكتبه قعدوا كتير وهي قاعده لوحدها ف الصاله وانا قعده ف اوضتي لقتها دخلالي بتخبط وبتقولي ممكن ادخل اتكلم معاكي شويه قولتلها اتفضلي وانا مبتسمه قعدت جمبي وقالتلي انا عارفه خالد متجوزك ليه وعارفه الحكايه من اولها وانتي ليكي حق تعملي كتير انتي ملكيش ذنب ف اي حاجه عارفه كمان انه خدعك وضحك عليكي وممكن كمان يكون ضربك وبهدلك وعذبك بس انا عايزه اقولك حاجه من 15 سنه اول مره اشوف خالد بيضحك كدا وبيهزر انتي غيرتي فيه حاجه هو نفسه مش حاسس بيها خالد مش عايز يسيبك لانه لو كان عايز يسيبك كان هيطلقك وانتي لسه مكملتيش شهر جواز عشان يكسرك اكتر ويحس انه انتقم ودى كانت خطته علي فكره تفتكري ايه اتغير خلاه اتراجع وقرر يسيبك علي زمته كام شهر عشان سمعتك غير انه عايزك جمبه اطول فتره ممكنه انا بقولك كدا وبترجاكي تستحمليه ومتسبهوش عارفه انه صعب عليكي بعد كل اللي حصل دا بس انا بقولك كدا دلوقتي عشان حساكي عايزه زي ما هو عايز مش عايزه تسبيه وكل واحد فيكو بيضحك عالتاني والله هو مش وحش هو بس قلبه شديد شويه وقاسي حبتين بس والله حنين اوي ومسيرك هتتاكدي من دا
انا بسمعلها وبفكر فى كل كلمه بتقولها معرفش حاسه فرحه ليه من كلامها نفسي احضنها اوي بس خالد نده عليها وهي خرجت وصالحها علي جوزها وقعدوا شويه ومشوا وانا لسه قعده ف اوضتي بفكر ف اللي قالته بس مينفعش لالا مينفعش انا وهو نبقي لبعض لازم اسيطر واتحكم ف قلبي وفرحتي اللي مش عارفه سببها وبدعي ربنا اتخلص من الاحساس دا بسرعه لانه تاعبني اوي
سمعت صوته فتح والتلفزيون وقعد اترددت بس اخدت القرار وخرجت وقفت قدامه ورفع عينه ف عيني قولتله عايزه اكلم ماما وانا متاكده هيقولي لا لقيته بيديني فونه من غير ما يتكلم اخدت ودخلت اوضتي واتصلت برقم ماما ردت عليه ولما سمعت صوتي كان الروح رجعتلها قالتلي عمل فيكي ايه اكيد ضربك وهانك وعذبك وحرمك من الاكل والشرب يا حبيبتي يا بنتي سكت لحظه بعد ما استوعبت هو معملش اي حاجه من دي ومفيش مره شتمني ولا حتي ضربني او حرمني من حاجه غير انه اخد حقه الشرعي بالغصب قفلت مع ماما وانا بفكر فيه وقلبي كل مادا بيدق حساه زي ما تكون روح وبتلبسني خرجت ادتله فونه وقولتله شكرا وبدرو وشي عشان امشي لاوضتي مسك ايدي وقالي اقعدي معايا وهو مش باصصلي بس انا مبحلقه فيه قعدت جنبه من غير ما اتكلم وهو بيتفرج علي فيلم رعب وانا مش مركزه ف حاجه وتايهه اوي مش عارفه مالي انا قعده بعيد عنه بمسافه وهو مركز ف التلفزيون وانا ببصله وعيني مش قادره اشيلها من......
خالد بيحكي.......
قررت اوافق انها تروح تزور امها يومين عشان اختبر نفسي هبقي عامل ازاي من غيرها وعشان اتعود علي عدم وجودها لاني بحس في قربها احساس حلو بيضايقني اكنه جبل انا شايله مش عايزها تبعد بس مش عايزها تقرب حاسس اني ف متاهه ومش دا اللي كان انا مقرره ومخططله حاسس اني عايز اقتلها عشان اخلص من الاحساس دا
..........
سالي بتحكي
لبست هدومي وانا مبسوطه اني هشوف امي ومضايقه عشان هبعد عنه بس متفكروش اني بحبه انا بس اتعودت عليه خلصت لبس بسرعه وخرجتله لقيته مستنيني ف العربيه ركبت جمبه ودور العربيه ومشي من غير ما حد فينا يتكلم سفر اربع ساعات عشان اوصل لبلدي والمستشفي اللي فيها امي
بعد ما فات اربع ساعات وصلنا لبلدي دمياط اصل اجدادي نزلني قدام بيتنا واداني في ايدي ظرف مطوي كدا ودور العربيه ومشي بفتح الظرف دا بعد ما مشي لقيت فيه فلوس اتضايقت اوي وحسيته انه هاني وبيشفق عليه كنت هقطعها بس خلتها عشان ارجعهاله واوريه مقامه ودخلت جري بيتنا وانا ملهوفه وبنده علي اخواتي وتيته واعمامي وولاد اعمامي وهما اما سمععوا صوتي اتجننوا من الفرحه وكلهم بقوا يتخانقوا عشان يحضونوني وبسالوني اسئله كتيره اوي وانا مش ملحقه ارد عليهم اخيرا هدوا شويه وقعدت معاهم ف وسطهم وانا طايره من الفرحه وقولتلهم يالا عايزه اروح لماما لقيتها داخله عليا بتضحك وكويسه وحضنتني وانا اتعجبت وحضنتها اوي وقولتلها ماما انتي كويسه قالتلي ايوا يا قلب امك كويسه قولتلها امال محمود قالي كدا ليه انك تعبانه وف المستشفي قالتلي عشان عارف انك هتتصرفي وتيجي ونخليكي هنا بقي ويبقي يورينا هيخدك مننا ازاي ملامح وشي اتغيرت وحسيت بكبسه وقولتلها ليه عملتو كدا انت متعرفوش دا ممكن يعمل ايه مش هيسبني ي ماما وممكن يموتنا كلنا دا جواه وحش مبخفش من حد ومحدش قده قالتلي ميقدرش يجي هنا ولو حصل محدش من اعمامك وولادهم هيسمحله ياخدك هو مش خلاص عمل اللي هو عايزه لسه عايز منك ايه معرفتش ارد عليها وهي عندها حق وللحظه ندمت اني جيت وحسيت اني عايزه اكلمه قوله تعالي خدني من هنا فوقت نفسي بسرعه وقلت لنفسي ايه اللي انا بقوله دا معقول احب وجودي جمبه عن اهلي انا حصلي ايه كلهم سابوني وخرجوا عشان ارتاح من السفر بس انا مارتحتش ابدا ومش عارفه مالي ي جماعه انا اي اللي انا فيه ده اتمنيت انه يجي بكرا يرجعني معاه تاني انا حبيت بيتي دا اوي ومهما عمل فيه وزعق كنت حاسه بأمان غريب ف وجوده دلوقتي حاسه نفسي هضيع من غيره مفيش قدامي غير اني استني بس هستني وانا خايفه من حاجتين خايفه ليستسلم وما يصدق ويسبني وخايفه ليقاتل عشاني اهلي وياذيهم وف الحالتين انا مضروره رفعت راسي لفوق وقلت ي رب ريح قلبي
.................
خالد بيحكي
طول الطريق ماشي سرحان وفكره هرجع البيت وهي مش هلاقيها دي خنقاني ومش طايقها ومش طايق نفسب عشان حاسس الاحساس دا دي كدا بقت خطر عليه واخدت قرار حازم لنفسي اني خلاص هسبها ومش هرجعها تاني ولا اتخلص منها خالص انا مينفعش اكون منها اسره واجيب منها عيالي احنا اعداء ومحدش فينا هينسي دا حتي لو هي نسيت انا مش هقدر انسي ابويا وهفتكره دايما كل ما ابصلها وهتبقي عشيتها معايا كلها خناق وهكرها ف نفسها وانا مش عايز اظلمها اكتر من كدا هي ملهاش ذنب ف كل دا خلاص قررت مش هرجعها تاني وهبعتلها ورقه طلاقها وكل حقوقها ولو اني اشك انها مراتي شرعي بعد ما انجوزتها باسم مزور اعتقد كدا جوازنا باطل وهطلقها قانوني واخلص منها خالص وارتاح
.................
سالي بتحكي
فات تلات ايام وانا بستناه يجي مبيجيش وانا مش قادره ابين زعلي لاهلي وكاتمه ف نفسي حتي مش قادره اعيط معقول اللي حسيته منك كان كدب ووهم ومجرد شهوه معقول هتسبني وتبعني بالسهوله دي دموعي انهارت علي خدي ما اعترفت لنفسي خلاص اني بحبه ايوا بعشقه وكنت بموت في احساسي لحد ما احساسي هو اللي موتني كتمت صوت عياطي ف المخده خايفه ليسمعوني وانا بنهار
فات اسبوع تاني وهو لسه مسالش كل يوم بعشم نفسي وبقول هيجي مجهزه شنطتي عشان اول ما يجي امشي معاه علي طول قلبي واجعني اوي وروحي بتتسحب مني
سمعت زغاريط برا مسحت دموعي وخرجت اشوف ف ايه لقيت امي بتزغرط واخواتي جروا عليه يحضنوني وفهمت من الورقه اللي ف ايد امي انها ورقه طلاقي اخدت اكبر صدمه ف حياتي حسيت نفسي مش قادره اقف ورجلي مش شيلاني ووقعت عالارض اغمي عليه
فوقت وهما كلهم حواليا وانا نايمه عالسرير ومش عارفه في ايه لحظه وافتكرت ولقتني بنهار وبصرخ وهما اتخضوا وبيحاولوا يهدوني ومش فاهمين فيه ايه لحد ما اغمي عليه تاني وهما فكروا اني نمت وسابوني وخرجوا
صحيت بالليل متاخر وانا لسه بحاول اقنع نفسي اني ف كابوس وهيجي يخدني اهو زمانه جاي ف السكه قمت لبست وجهزت الشنطه ومسحت دموعي وقعدت استناه بس استنيت كتير ومجاش استنيت كتير اوي عيطت من قلبي اللي بينزف خلاص كدا مستحيل هبقي ليه خلاص مش هدوق حضنه وقربه تاني خلاص اتخلي عني واخد غرضه وسبني ورماني ليه كدا يا خالد والله بحبك ارجعلي انا مش هقدر والله مش هقدر وانفجرت عيوني تبكي علي حالي وحال قلبي
..................
خالد بيحكي
بقالي اسبوع مش طايق ادخل البيت بحاول اطردها من دماغي مش عايزه تطلع شايفها ف كل مكان وفي اي حته وفي ي حد حاسس اني هتجنن بس وربي ما هستسلم ولا هظلمك تاني معايا يا سالي كفايه عليكي اللي شوفتيه مني انتي اطهر قلب شوفته انتي الوحيده اللي شغلت قلبي الحجر اللي عمره ما دق لحد بس دقلك انتي بس متقلقيش متقلقيش مش هينتصر ومش هرجعلك ومش هظلمك تاني
قررت اسافر مكان بعيد في احدي الدول الاوربيه عشان ابعد وانساها سفر تبع شغلي ولقيتها جايه ف وقت مناسب دخلت البيت لاول مره بعد ما هي خرجت منه عشان اجهز شنطتي كنت ببات في شقه تانيه ليه صغيره ف عماره اول ما فتحت البيت الباب شوفتها قدامي واقفه بتستناني ومحضره الاكل ووشها خايف لاجرحها افتكرت دموعها وكرهت نفسي اوي مشيت بسرعه لاوضتي وانا بحاول افكر في حاجه تانيه واخلص عشان امشي بسرعه بس..... مش قاااادر شيفها ف كل مكان هنا كانت بتعيط وهنا كانت ف حضني هنا كنت ببوسها هنا كنت بزعقلها وهنا كانت بتتحداني وهنا كانت بتترعش من الخوف ضربت ازاز التسريحه وانا مش شايف من غضبي انا عملت في نفسي كدا ليه سبتها ليه بس افتكرت اني عملت كدا علشانها وعلشان هي عايزه كدا وانا مش عايز اجبرها علي وجودها جمبي خلصت شنطتي وخرجت بسرعه من البيت ولاول مره ف حياتي احس ان ف عيوني دموع علي اخر لحظه قررت اني هروحلها واقف بعيد واشوفها ولو لاخر مره ركبت عربيتي وانا بسوق بسرعه مجنونه ووصلت اخير بعد ساعات كنا بقينا باليل متاخر وقفت العربيه قدام بيتها ووقفت استناها تخرج المحها من بعيد لاخر مره استنيت كتير ومخرجتش بس فجاه لقيت باب البلكونه بيتفتح وانا واقف بعيد بتمني من كل قلبي تكون هي وظهرت هي واقفه قدامي مكسوره كرهت نفسي اكتر وقولت اكيد بسبب اللي عملته مستحيل تسامحني لو عملت ايه وقفت متسمر مكاني ومش قادر اشيل عيني من عليها لحد مل دورت وشها وداخله وانا حطيت وشي ف الارض بس فجاه لقيتها رجعت بسرعه واخدت بالها اني واقف وبتبصلي بذهول للحظه فكرت اختفي بسرعه بس رجلي مطاوعتنيش ابدا ورفضت تتحرك وهي شكلها مش مصدق لقتها دخلت الاوضه بسرعه وف ظرف دقيقه كان باب بيتهم اتفتح وهي خرجت تجري منه عليه وانا كمان قربتلها بدون وعي ووقفت قدامي تبصلي وانا ببصلها لحد ما قررت اتكلم انا.............