رواية زوجي وزوج اختي
الفصل الرابع
بقلم رودى سيد
بعد شهر......
كانت صدمه كبيرة بالنسبالنا ازاي بالسهوله دي عامر قادر ينسي اختي
ماما فضلت تبكي وكان فعلا يوم صعب جدا علينا متخيلتش
ان عامر ممكن يفكر يجيب للبنت الصغيره دي مرات اب
بابا: بس تعالي كلي لقمة
ماما كانت قاعدة على الكنبة وكل اللي عملاه انها حاطة ايدها على خدها و بتبكي بصمت
بصراحة كنت خايفة علي ماما جدا قعدت جمب منها حتي اليوم الاسود رافضه انها تغيره
حسيت ان لبسها الاسود اثر علي نفسيتها يعني تحت عنيها اسود وشفايفها حمر زي الدم وانفها
احمر لاول مرة باخد بالي ان ماما في في شعرها شيب يمكن من الزعل طلع اسرع
قعدت قدامها
سما: ماما
بصتلي
سما: قومي يا سما كلي حاجه شوفي شكلك بقا عامل ازاي
ماما حطت ايدها على خدي وقالتلي قومي كلي انتي
سما: يحرم عليا الاكل قبل ماتاكلي انتي يانور عيني
ماما :................
بقيت ساكته فضلت ساكتة مش بتعمل حاجه غير انها بتبكي بصمت رهيب بيهز ضلوعي
هز ياريت تصرخ وتطلع الكبت اللي جوه قلبها ده
بابا : بس قومي احنا بنموت مية مرة لما بنشوفك في الحاله دي عماله تبكي ليل نهار
ماما: يعني تقدر تنساها؟
بابا: لا طبعا ازاي انسي سنا ازاي انسي روحي بس ربنا عوضك بحلا
ماما ساعتها صوتها علي نبرته وقالت : ايه عرفك ان حلا هتفضل معانا اهو ابوها
رايح يتجوز علشان يقدر ياخدها ام عامر هددتني واهي
بتنفذ تهديدها لما قالت ان البنت هتتربي مع ابوها هتجوزو بنت
اختها انت عارف انها كانت عاوزه كده من زمان
بابا: استغفر الله
كنت حاسة ان البنت حقنا من المرحومة يعني ماحدش له حق فيها غيرنا لسه كنت هتكلم وجرس الباب رن
كنت سايبه شعري على طوله ولابسة بنطلون وقميص كحلي
اول مافتحت الباب عيوني جات في عين الشخص اللي كان متجوز اختي وكان نفسي اخبطه
في وشه علشات عاوز ياخد حلا مننا دي من حقنا دي من اختي يعني من دمنا
اول ما شافني فضل باصصلي شويه
عامر: ممكن ادخل
وسعتله الطريق علشان يدخل بصراحة مكنتش عاوزة ادخله كان نفسي اطرده من البيت كان
نفسي اقله مالكش مكان هنا
بس بقيت ساكتة وحطيت عيوني في الارض
اول مادخل وماما شافته انفجرت في وشه
بابا: اهدي ياسوسن
ماما: اهدأ ازاي قولي ازاي ده عاوز يتجوز قبل مابنتي تتم ال3 شهور ميته هو ده الحب
عامر كان هادي
عامر: اهدي يا مرات عمي
شفت الدموع في عيون عامر
ماما: ازاي اهدي ياعامر
انت كسرت قلبي للمره التانيه هان عليك عاوز تجيب مرات اب لحلا عاوز تاخدها مني
عامر: انا مش عاوز اتجوز بس حرام بنتي تعيش بعيد عني
ماما: حتي امك كرهت بنتي في عيشتها مرحمتناش حتي بعد ما ماتت
عامر : انا مش عاوزه
واحده تانيه تهتم ببنتي بس انتي عارفه طبيعة شغلي بقعد يومين واساف اعمل ايه بس
بابا لانه راجلكان حاسس بعامر او يمكن انا اللي حسيت بكده
بابا: اقعد يابني
غمز لماما اناه تهدا
بابا: سما اعملي عصير خلي الكل يهدا
ماما كانت لسه منفعلة كنت حاسة برجليها بيخبطوا في بعض
بابا: اهدي يا سوسن
كانت بتبص لعامر نظرات كلها اأسي
بس هديت شوية
جبت العصير وسحبت الكرسي من على طرابيزة السفرة
وقعدت قدامهم حاطه ايدي على خدي
عامر: هاتوا حل وانا راضي بيه
ماما: حل ايه؟
انت عاوز تعصبني
بابا: سوسن كفايه ولا مفيش رجالة يتكلموا
ساعتها ماما سكتت لانها عارفه بابا مش بيتعصب الا لما يكون
جاب اخره ومبقاش في مجال للحوار تاني معاه