الفصل الثامن والثلاثون والتاسع والثلاثون
بقلم منه وائل
🤍عشقت مسجوناتي 🤍
🤍البارت الثامن والثلاثون🤍
ذهبت ايمان الي مكان نوم الغفير ووضعت يدها في جيبه بخفه ولمست الهاتف بيديها
ايمان :اهو
الغفير :انتي بتعملي اي يا مرا انتي؟
ايمان بصراخ:عاااااااااااااا
الغفير :انتي بتسرجني
ايمان برعب :لا والله دا دا....
الغفير :ايوا ايوا انتي هتعوزي اللفلافون عشان توصلي للمدعوج چوزك ديه، طب وراس ابوي لجول الكبيره يا كبيره يا كبيره
محمد :يابني ابوس ايدك ساعدنا انا راجل كبير ومش مستحمل وبعدين بنتي معملتش حاجه دي متجوزه ترضاها على اختك ابوس ايدك يابني ادينا التليفون
نظر لهم الغفير كثيرا ثم قال....
بقلمي منه وائل
💗💗💗💗💗💗💗💗💗
في مكان واسع مليئ بالانوار المبهجه
أسر :واحده واحده عشان ماتقعيش هاتي ايدك
زينب:حاضر، بس احنا رايحين فين طيب
أسر :تعالي بس
ثم قاموا بالدخول وجدت مكان واسع جدا وملئ بالكثير من الانوار وكان يقف ناس كثيرون يصفقون لهم
زينب :مين الناس دي كلها انا ماليش حد
أسر :انا أسر يا زينب اكيد ليا اهل وصحاب وماتنسيش اني رجل أعمال وليا اسمي فااكيد هتلاقي ناس كتير هتحضر فرحي
زينب :بس.. بس انت قولت اننا مش هنعمل...
قطع حديثها قائلا:ششش انسى اي كلام انا قولتهولك قبل كدا ركزي معايا تعالي عشان اعرفك على عمتي
زينب :حاضر
اسر:زينب يا عمتو، دي عمتو فريال يا زينب.
زينب :اهلا وسهلا يا ست هانم
فريال بتكبر :ست هانم؟ اوه انت لسه ماعلمتهاش الاتيكيت يا أسر مش معقول هتبقى زوجة راجل اعمال ازاي دي؟ لا ومش اي راجل أعمال دا أسر ابن اخويا انا
حرجت زينب من حديث فريال
اسر :احم عمتي روحي اقعدي
فريال باشمئزاز :طيب، اه مبروك يا عروسه
زينب :الله يبارك في حضرتك
أسر :اي اللي انتي قولتي دا يا زينب ست هانم اي بس انتي بقيتي مراتي يعني انتي اللي بقيتي هانم مش هي
زينب :انا والله ماكنت اقصد انا بحترمها بس مش اكتر
أسر :برضو ماتقوليش لأي مخلوق على وجه الأرض ولا ست هانم ولا بيه انتي بقيتي حرم أسر
زينب بحزن :انا اسفه
وضع أسر يده أسفل راسها وقال :ماتوطيش راسك وتتاسفي تاني وبلاش الحزن دا النهارده انتي اميره والاميره لازم تضحك والا تحبي ازغزغك قدامهم بقا
زينب :ههههههه لا خلاص
أسر :يلا تعالي نرقص
بقلمي منه وائل
💗💗💗💗💗💗💗💗💗
في منزل ادهم
ادهم :بس دا اللي حصل
مريم :ياعيني يا بني، طب والبنت خطيبته دي فينها دلوقت؟
ابراهيم :ما دا اللي بنحاول نعرفه من مصطفى بس هو مش فاكر
عمران :لا ان شاء الله خير يا ولاد ماتقلقوش
فيروز :ادهم انت لازم تنام شويه انت مانمتش من امبارح
ادهم :والله ما عارف انام
ابراهيم :لا يا أدهم لازم تنام المهم انا بقا هتكل علي الله يلا يا جوليا
عمران :ماتخليك يابني بات معانا. ابراهيم :لا ياعمي ربنا يخليك وبعدين ما البيت جنبكم اهو يلا تصبحوا على خير
فيروز:وانت من اهله بقولك ياابراهيم جوليا بتكح كتير اوي ووشها بيحمر لازم نوديها لدكتور
ابراهيم :حاضر بكره هاخدك ونروح يلا سلام
فيروز:سلام، ادهم تعالي عاوزاك
ادهم :حاضر
مريم :مش بقولك في حاجه في ادهم.
عمران :ماهي السوسه دي اللي هتفهم منه وهتفهمنا
............
في البلكونه
ادهم :خير يا يا فيروز
فيروز :فيك اي يا أدهم؟
ادهم باستغراب:يا سلام بعد كل اللي حكينا جوا دا و بتسالي فيا اي
فيروز :انا عارفه انك مضايق على صاحبك وعلى المشاكل اللي حصلت دي كلها بس مش دا السبب لوحده، تقدر تقولي كنت فين امبارح قبل مايحصل موضوع مصطفي، اذا كنت سألت ابراهيم عليك قالي انك المفروض تكون رجعت كنت فين؟
ادهم :الله، هو تحقيق والا اي يا فيروز من امتا بتقولي كنت فين وجيت منين دي؟
فيروز:مش قصدي والله يا حبيبي بس عينك مبينه كل حاجه مش دا ادهَم اللي انا اعرفه مش دا ادهم اللي ديما كان يدي طاقه للقدامه حتى لو هو مهموم فيك اي ياقلب اختك؟
نظر لها ادهم ثم ظفر بحزن شديد وقال :اقولك اي بس يا فيروز، حبيتها اول يوم جات فيها المديريه وانا حبيتها كنت بكدب شعوري مش عارف اي اللي شدني ليها رغم ان جمالها مش اوفر يعني اقصد انها بسيطه رغم أنها بنت رجل أعمال كبير وعمها السوق مش بيتكلم الا عليه بس هي بسيطه شكلها ولبسها واسلوبها حتى كلامها بسيط، تحسي انها رقيقه كدا وعنيها بحس اني غارق في عينيها كأني ببص على سما صافيه مفيش اي حاجه معكراها والهدوء اللي في عينها دا قادر يخلي أعصابك هاديه لو الدنيا بتتهد
فيروز :اي دا اي دا اي دا، كل دا يا سي ادهم وانا اخر من يعلم َو دي مين اللي عمال تفصص كل حته فيها دي
ادهم :اسيل، أجمل من رأت عيني، واجمل نساء العالم، عارفه انا كنت بدور على ادله تثبت برائتها وبخلق اي ادله حتى لو مش موجوده لان لايمكن الملاك البرئ دي تقتل
فيروز :يالهوي يا أدهم دا انت غارق في حبها طب ماهي طلعت بريئه اهي ماتعمل عملتك واطلبها بقا من أهلها
نظر لها ثم ضحك بسخريه وقال :ههه جبتي التايهه انتي مهو انا لو بأيدي كنت عملت كدا من بدري
فيروز :و اي اللي منعك هي رفضتك؟
ادهم :ياريتها جات على الرفض وبس
اتسعت عين فيروز ثم قالت :لا ماتقولش قالت عليك انك متحرش
ادهم :ياستي اتنيلي متحرش اي بس، انا قولتلها طلعت برضو بتبادلني نفس الشعور
فيروز :طب فين المشكله اخلص الفضول واكلني
ادهم :قال اي انت لسه جاي تقولي دلوقتي بعد ما ضمنت اني بريئه يعني ماكنتش واثق فيا من الاول اومال بتحبني ازاي ومش عارف اي
نظرت له فيروز ثم قالت :ابغي أجول كلمه عيب بس استحي، انت مقتنع بالهري دا؟
ادهم :ما هو دا اللي هيجنني يا فيروز منين بتحبني ومنين مس عاوزاني وأساسا الحجه دي مش مقنعه
فيروز:امممم طب ماتعرف منها الحقيقه
ادهم :ياام الذكاء ماهي لو كانت عاوزه تقول من الاول ماكانت قالت
فيروز :اه صح طيب طيب سيب الموضوع دا عليا
ادهم :هتعملي اي انا قلقان منك
فيروز :من بكرا الصبح أخبارها هتكون عندك
ادهم :افندم، ودا ازاي دا، دا انا الظابط مش بعمل كدا
فيروز :وانت مالك بقا ياعم مايجبها الا نسوانها يلا ادخل نام وحط في بطنك خوخه صيفي
ادهم :بطيخه
فيروز :بطيخه شمامه اهو اي حاجه والسلام بقا ما دقش يلا عشان تنام يلا
بقلمي منه وائل
💗💗💗💗💗💗💗💗💗
في الصباح في منزل اسيل
كانت تقف أمام المرأه تصفف شعرها ثم قامت بربطه رابطه محكمه حتى جعلته منسدل على ظهرها بنعومته وطوله الجذاب، وكانت ترتدي فستانا باللون القرمزي انها تعشق ذلك اللون، وارتدت حزائها ذو الكعب العالي، وأخذت حقيبتها ونزلت الي الدرج.
سعاد :صباح الفل ياست البنات كلهم
اسيل : صباح الفل يا ماما هو بابا رضا لسه ماصحيش؟
سعاد :لا ياحبيبتي لسه
اسيل :وبابا منصور؟
سعاد :لا صحي بس لسه مانزلش
منصور :صباح الخير يا حبيبتي
اسيل وهي تقوم بتقبيل وجهه:صباح النور يا بابي
منصور :اي ياروح بابي رايحه على فين كدا؟
اسيل :رايحه لسكره ومحمود صحابي
منصور :يااا يا اسيل سكره اي دي اللي انتي رايحالها دي بنت سوفاچ خالص اتعرفت عليها فين دي؟
اسيل :سوفاچ اي بس يا بابا هو حضرتك شوفتها وبعدين اتعرفت عليها في السجن
منصور :اي في السجن انتي اكيد اتجننتي بتصاحبي مجرمين يا اسيل
اسيل :بابي سكره مش مجرمه دا لولها كان زماني اتبهدلت في السجن
منصور :يور انتي اساسا دماغك ناشفه، وبعدين في واخده يبقا اسمها سكره هو دا اسم
اسيل :يا بابي هي اسمها اسماء اصلا بس دا دلعها، وبعدين انا لازم اروح محمود هيكتب كتابه عليها النهارده. منصور :انتي ومحمود اساسا مجانين انتي حره اعملي اللي يريحك
رضا :في أي على الصبح يا منصور سيب البنت تعمل اللي هي عاوزاه
اسيل :ياروح قلبي انت ياقمر يااللي مفيش منك اتنين
منصور :لا والله دلوقتي بقا هو القمر
اسيل :انتوا الاتنين في قلبي ويلا سلام بقا عشان مااتاخرش
رضا :خالي بالك من نفسك يا اسيل
اسيل :حاضر باي
منصور :مجنونه
رضا :وجنانها دا احلى حاجه فيها
سعاد :انت اي اللي نزلك دلوقتي يا حبيبي
رضا:اصل رايح مشوار كدا
سعاد :مشوار اي اللي هتروحوا دلوقتي بس وهتروحوا ازاي؟
رضا :جري اي يا سعاد هو عشان مبقتش امشي شويه هتمنع من الخروج، وبعدين ماالسواق موجود والدكتور. قال ان في امال امشي في أي وقت
سعاد :مش قصدي والله ياحبيبي انا خايفه عليك مش اكتر
رضا وهو يربط على يديها :ماتقلقيش يا حبيبتي انا كويس
بقلمي منه وائل
💗💗💗💗💗💗💗💗💗
في الحافله
احمد :هو انت ليه رجعتنا بدري يا سمير هو مش المفروض هنقعد اسبوع
سمير :لا اصل القعده بوخت كدا وبعدين ماتنساش في شويه مشاغل عندنا يعني في المجاه َورئيس التحرير مش هيرحمنا
نظر احمد الي الخلف ثم قال :انت هترجعنا عشان المشاغل والا عشان ست فريده زهقت طلما سي حبيب القلب مش معاها
فريده بغضب :هو حد وجهلك كلام انت بتجيب سيرتي لي
احمد :انتي مش شايفه كل حاجه باظت بسببك انتي والبيه اللي جيباهولنا معرفش من أنهى داهيه دا
فريده :وانت مالك انت حد قالك ترجع معانا ماتنزلوا يا سمير خالي يقضي اجازته براحته
احمد :لا والله اه وانتي همك حاجه ماانتي عاوزه تروحي تراضي البيه
هيثم:جرا اي يااحمد انت محدش مالي عينك
احمد :محدش وجهلك كلام ياض ياابو اوصه انت
عادل :لا انت كدا زودتها اوي يا احمد
احمد :وانت كمان هتعملي فيها راجل
عادل وهو يحاول ضربه :انا راجل غصب عنك وعن اللي خلفوك تعالي وانا اوريك مين فينا اللي مش راجل
ثم قاموا بالامساك ببعضهم والضرب، واصبحت البنات تصرخ
سمير بغضب وبصوت عالي :بااااااس اييي هتعملوا فيها بلطجيه سيبوا بعض
عادل:ماانت شايف يا سمير
سمير:قولت سيبوا بعض
ترك كل منهم الاخر
سمير :كله يقعد مكانه وانت يااحمد لو مش عجبك اتفضل انزل واركب اي عربيه ترجعك هناك تاني احنا فيها مع العلم مفيش اساسا عربيات بتعدي من هنا الا كل فين وفين ودا نادر ها تحب تنزل
نظر لهم احمد بغضب ثم جلس مكانه
سمير :اطلع ياعم حنفي
جلس سمير بجانب فريده ثم قال لها :ماتزعليش هو عمل كدا عشان متغاظ
فريده :انت لي عملت كل دا
سمير :عشان انتي تستاهلي كل دا و انتي لازم تعافري عشان تنقذي حب حياتك بدل مايضيع وانا عشان اخوكي لازم اكون انا اول واحد بدعمك وبساعدك
فريده :ربنا يخليك ليا يارب
بقلمي منه وائل
💗💗💗💗💗💗💗💗💗
في منزل نهي
طبعا فاكرينها 😂
نهى :بص ياأمير أوضه النوم دي شكلها حلو اوي
امير :فعلا تحفه ها هناخدها؟
نهى :ماشي
ام نهى :يا ولاد انتوا بقالكم ساعتين قاعدين القاعده دي مكنتش أوضة نوم اللي فاضله يعني
امير :يا حماتي ياست الكل أوضة النوم دي أهم من عفش البيت كله وأهم من أوضة النوم السرير اللي في اوضة النوم، ثم قام بالغمز لها
ام نهى وهي تقوم بضربه:تصدق انك واد قليل الادب
امير وهو يضحك :هههههه ااه اي بس يا حماتي انتي دماغك راحت فين بس انا اقصد يعني اهم في انه مريح في النوم سوست والا متعب كدا يعني
ام نهى :اااااه خدني في كلمتين ياواد انت
امير :انا اقدر ياقمر، المهم انا حدت الفرح مع عمي وقالي اخر الاسبوع ان شاء الله
ام نهى :وماله يابني طلما كل حاجه جاهزه
وعندما كانوا يتحدثون سمعت نهى صوت التلفاز يقول :وها هي أحداث ليلة امس من زفاف رجل الأعمال الكبير أسر الصيوفي بعدما فاق من غيبوبه كانت قد تسبب بها في حادث كانت اسيل منصور العميد متهمه بها والذي قام أسر بالشهاده بعد افاقته من الغيبوبه وقال إن زوجته مني ابنة سامي زيدان هي ومن قامت بقتله، وها نتابع أحداث حفل الزفاف
أسر :والله انا اتعرفت عليها في ظروف كانت غريبه شويه وخاصه بعد اللي حصل في القضيه بس انا بحبها وبشكر الظروف اللي خلتني اوصلها، وبقولها اني بحبك ياقلبي
امير :مش دا أسر
نظرت له نهى ثم وقفت فجاءه ودخلت غرفتها
نظر امير الي والدة نهى
ام نهى :معلش يابني ماانت عارف انها عروسه وخايفه وكدا يعني انا هقوم اشوفها
امير :لا استنى يا حماتي انا اللي هدخلها لوسمحت عن اءذنك
................
كانت تجلس على الفراش وتنظر علي بعض الصور لها هي وأسر وكانت شاردة الذهن تماما
دب دب
نهى :مين؟
امير :انا امير يانهي
قامت بتخبئة الصور ورائها وقالت :اتفضل
امير:ممكن اقعد جنبك
نهي :اكيد
امير وهو يضع يده على يديها:ممكن اعرف انتي اضايقتي لي لما شوفتي فرح أسر
نهى :وانت مين قالك اني اضايقت؟
امير :اومال تفسري بايه انك تقومي فجاءه وتدخلي هنا وتطلعي صوركم اللي انتي لسه محتفظه بيها
نهى :كنت داخله عشان اخلص منهم لان خلاص أسر خرج من حياتي ومازعلتش ولا حاجه انا فرحت عشان لقى بنت تحبه وانا كمان لاقت اللي بيحبني وبحبه ومش عاوزه حاجه تاني
امير :بجد يانهي يعني خلاص مبقتيش تحبي اسر
نهى:خلاص ياامير والدليل اهو
أمسكت بالصور ثم قامت بتمزيقهم الي قطع صغيره....
كدا خلاص
امير وهو يقوم باحتضانها:انا بحبك اوي اوي
نهى :وانا بموت فيك
بقلمي منه وائل
💗💗💗💗💗💗💗💗💗
في منزل سكره
للللللللللللللللوي لللللللوي
محمود وهو يضع يده على اذنه :بس بقا يا شوقيه ودني اتخرمت انت جبتها معاك لي يا خالو
شوقيه :كدا يا محمود بيه اخص عليك
محمود :ياستي بهزر معاكي بس اهدي شويه لما اسيل تيجي حته
شوقيه وهي تضع يدها على فمها :خلاص سكت اهو
سكره:هي اسيل اتاخرت لي كدا؟
محمود :مش عارف والله، بس قوليلي صحيح اي القمر دا شكلك حلو اوي
سكره بخجل :بس ياض عيب
محمود :عيب اي بس دا انتي قمر اوي
شوقيه :اهي ست اسيل جات لللللللللللللللللل.... اي دا يانهار مش فايت
محمود :ماما!
سكره برعب:ااااااا.... نن. نورتي ياطنط
نظرت لها والدة محمود من الأسفل الي الاعلي
وكان محمود ينظر إلى اسيل بعدم فهم
فلاش باك
تن تن
ام محمود :ايوا خلاص جايه براحه معرفش انا شوقيه كان لازم تاخد اجازه النهارده. ايوا مين.. اي دا اسيل
اسيل :اذيك يا طنط عامله اي انا عارفه انك مضايقه مني بسبب اللي حصل وان محمود اتورط بسببي بس والله انتي عارفه ان مكنش في حد يقف جنبي خالص ومحمود هو ليا الأخ والسند وكل حاجه
ام محمود :انا مش بس زعلانه منك دا انا مش طايقاكي بسببك ابني سابني وراح يتجوز البت المعفنه الشحاته دي بقا يسبني انا عشان دي.
اسيل :طب ولي حضرتك ماتقوليش انها غلبانه وطيبه وعلى قد حالها والزمن هو اللي جه عليها
ام محمود :دي، دي بت سهونه عملت كل دا عشان تاخد مني ابني وفلوسه دي طماعه
اسيل :حرام عليكي ياطنط ماتحكميش من غير ماتعرف، اسماء شافت كتير اوي في حياتها واول حد داس عليها كانوا أهلها امها ماتت وابوها اتبري منها عشان شبهه امها واخد اختها الصغيره منها وكل يوم والتاني ينطلها يقرفها في عيشتها مش هيبقا انتي كمان عليها، حرام يا طنط بلاش تكسري بقلبهم وعلى فكره هما دلوقتي هناك َومستنيني عشان هيكتبوا الكتاب واخو حضرتك هناك هو وشوقيه الشغاله
ام محمود:لا والله يعني كلكم اتفقتوا عليا
اسيل : ماتقوليش كدا كلنا اتفقنا عشان محمود عاوز يفرح هو واسماء َودا حقهم، ها هتيجي معايا والا لا، مش نفسك تشوفيلك حفيد او حفيده كدا قمر ابن محمود ويتربوا في عزك كدا...
نظرت لها ام محمود ثم قامت بالتفكير للحظات وقالت :ماشي انا جايه معاكي
باك
ام محمود :خدي البسي الفستان دا ويلا قوموا انا ابني مينفعش فرحه يبقا سوكتي كدا يلا
ثم نظرت لاخاها وقالت :وانت ماشي لما نفضي بس
محسن وهو يضحك :ههههههه انا مالي هما قالوا في جاتو فاانا جيت عشان الجاتو
ثم نظرت لشوقيه وقالت:وانتي دا انا هكسر عضمك
شوقيه:الله بقا انا عملت حاجه
محمود :ماما انا.....
ام محمود:انت قليل الادب كنت عايز تتجوز من غيري
محمود :مقدرش ياست الكل انا كنت متأكد انك جايه
سكره:ها ها حلو الفستان كدا
نظرت لها ام محمود ثم قالت :حلو يلا عشان المعازيم مستنين مش ناقصه لعب عيال
اسيل :ثانيه بس تعالي يا ورده
سكره بدموع :ورده
ورده:وحشتني اوي يا سكره
سكره:وانتي كمان اوي يا حبيبتي، انتي جبتيها ازاي
فلاش باك
اسيل :نص مليون جنيه ها قولت اي؟
سيد :نص مليون اي يا سنيوره هي دي فلوس وبعدين دي بنتي اخد فيها نص أرنب بس
اسيل :اومال انت عاوز كام؟
سيد :ا:رنبين
اسيل :اتنين مليون ليييي
سيد:ااه معلش لامؤخذه دي بنتي برضك
اسيل :طيب اسمع لما اقولك انا هديك الفلوس بس لو عرفت انك اتعرضت لسكره هي واختها تاني انا همحيك من على وش الأرض، انا قادره امحيك من غير ماتاخد اي حاجه بس انا مبحبش الافتري تمم.
ثم قامت باعطائه شيك وقالت : لو عرفت انك هوبت ناحيه سكره وورده انا هاذيك ياسيد
سيد وهو ينظر للشيك بلهفه :مم... مين سكره وورده دول يا هانم؟
اسيل :ايوا كدا تعجبني ياسيد
باك
سكره :ربنا مايحرمني منك ابدا يا اسيل
اسيل :يلا بقا بلاش رغي عشان الفرح يلا
بقلمي منه وائل
💗💗💗💗💗💗💗💗💗
أمام منزل عبد الرحمن
سمير :يلا يا فريده روحي وابقى طمنيني في التليفون والا تحبي استناكي؟
فريده :لا روح انت لازم ترتاح مش كفايا اصريت توصلني لحد هنا
سمير :مكنش ينفع اسيبك تسوقي في الحاله دي المهم ادخلي واتكلمي معاه ولو احتجتي اي حاجه كلمني تمم
فريده :حاضر سلام
.............................
كان يجلس على المائده يتناول الإفطار وكان شاردا
تن تن
عبد الرحمن :ودا مين اللي جاي علي الصبح؟،ااااه دا تلاقي اسلام جاي عشان يرخم على الصبح زي عوايدوا
تن تن
عبد الرحمن :خلاص حاضر جاي، اتفضل ادخل واتمنى بلاش رزال..... فريده؟!
فريده :ممكن ادخل؟
عبد الرحمن :اا... اتفضلي
قامت فريده بالدخول واصبحت تتجول في المنزل
فريده :الله بيتك حلو اوي تعرف اني بحب الألوان دي
عبد الرحمن :شكرا
فريده :انت مشيت لي؟
عبد الرحمن :كان عندي شغل ومكنش ينفع اقعد اكتر من كدا
فريده :كداب
عبد الرحمن :افندم؟!
فريده :ايوا كداب، لأن واحنا مسافرين انت قولتلي انك قايلهم انك في اجازه صح والا لا
عبد الرحمن :لا مش صح وبعدين دا شئ يخصني انا
فريده :لا صح ومايخصكش لوحدك
عبد الرحمن :لا يخصني لوحدي وبعدين انتي اللي جابك ماقضتيش لي اجازتك مع صحابك وبعدين هو أحمد مكنش حنين كفايا والا اي، والا معرفش يسد
فريده :انت بتقول اي انت ازاي بتتكلم معايا كدا
عبد الرحمن :انتي عاوزه اي يافريده جايه لي ها، مش انا ماليش دعوه جايه لي....
قاطعته فريده قائله :بحبك
نظر لها عبد الرحمن بصدمه ولم يستطيع قول شئ
فريده :اي سكت لي. اه بحبك وعصبيتي اللي كانت عليك دي غيره ايوا غيرت لما شوفتك قاعد مع ساندي وسما، ايوا غيرت لما صحيت من النوم ولاقتك مطنشني ومش مهتم بيا انا بغير عليك وبحبك يا عبد الرحمن، يمكن مكنتش ببين دا بس انا مش قادره اسكت اكتر من كدا انا فعلا بحبك
كان لايستطيع التنفس ولا ان يتلفظ بشئ واخيرا تمالك اعصابه وقال :وانا.. وانا كمان بحبك يا فريده َوزعلي دا عشان لاقتك قاعده معاه وانتي عارفه احمد انه عينه عليكي وكمان قولتي قدامه ملكش دعوه وفضلتي عليا
فريده :والله لا هو اللي فضل يزن في ودني وكرهني فيك وكان لازقلي
عبد الرحمن :ششششش بلاش نتكلم في القديم، خلينا في دلوقتي تتجوزيني يافريده؟
نظرت له بفرح وقالت :واتجوز امك كمان
ضحك عبد الرحمن وقال :هههههههه طب تعالي في حضني تعالي
ثم قام باحتضانها بشوق كأنه يطفئ لهيب شوقه
عيب عيب ملناش دعوه بالناس دي احنا سناجب مؤدبين اقصد سناجل😂😉
بقلمي منه وائل
💗💗💗💗💗💗💗💗💗
في الصعيد
الغفير :اني وافجت بس عشان انتوا بتجلوا الحج بس لو الكبيره عرفت يبجا نجول على نفسنا يا رحمان يا رحيم
محمد:لا يابني ماتقلقش مش هتعرف، وبعدين ماانت اخرتنا خلتنا نتكلم الصبح كان فيها لو كنت خالتنا نتكلم امبارح
الغفير :معلهش يا ابو عمو كان لازمن افكر زين
محمد:ماشي ياولدي هات التليفون
الغفير :خد ياابو عمو وادي اللفلافون اها
محمد :اتصلي على مصطفى ياايمان
ايمان :حاضر يا بابا
.......................
جومانه :يلا بقا ياخالو اخر حته عشان الدوا.
مصطفي :يوووو يا جومانه مش قادر
جومانه :معلش بقا
ترن ترن
مصطفي :مين اللي بيرن دا؟
جومانه:مش عارفه أكيد عمو ادهم استنا كدا، الو مين
ايمان:الو ياجومانه انا ايمان فين مصطفي؟
الغفير :خلصوا الكبيره چايه
ايمان :حاضر حاضر الو ياجومانه
جومانه :الحق ياخالو دي ميس ايمان
مصطفي بفزع:ايييي
الغفير :هات ياابو عمو اللفلافون الكبيره هتدخل وهنروحوا في داهيه
محمد :حاضر يابني
ايمان :يا جومانه قولي لمصطفى ان عمتي خطفانا انا وبابا في البلد
جومانه :بتقولي اي مش سامعه
مصطفي :هاتي يا جومانه التليفون، الو يا ايمان انتي فين
ايمان :يامصطفى عمتي عمتي يا مصطفى خطف.... تيت تيت
مصطفي :الو الو ايمان...
🤍عشقت مسجوناتي🤍
🤍البارت التاسع والثلاثون🤍
ايمان :يا جومانه قولي لمصطفى ام عمتي خطفانا انا وبابا في البلد
جومانه :بتقولي اي مش سامعه
مصطفي :هاتي يا جومانه التليفون، الو يا ايمان انتي فين؟
ايمان:يا مصطفى عمتي عمتي يا مصطفي خطف..... تيت تيت
الو الو ايمان ردي عليا عمتك عملت اي يا ايمان
جومانه :الظاهر الخط اتقطع، انا سمعت انها بتقول انها اتخطفت بس مين اللي خطفها مش عارفه
مصطفي :عمتها.. بتقول عمتها ولسه هتقول خطفتني السكه اتقفلت، انا لازم اروحلها
جومانه:استنا بس يا خالو تروحلها ازاي بس بحالتك دي وبعدين انت عارف عنوان عمتها دا؟
نظر لها مصطفي ثم قال :ااا.. مش عارف بس لازم نوصلها
جومانه :يبقا تقعد كدا عشان نتصل بعمو ادهم وعمو ابراهيم وهما هيتصرفوا
مصطفي :طيب يا لمضه اتصلي
ام مصطفى :واد يا َمصطفي
مصطفي :نعم يا ماما
ام مصطفى :انت اي اللي وداك المستشفى يا ولاا اكيد من كتر لعب الكوره يا حيوان اتكسرت
مصطفي :كورة اي بس يا ماما انتي مش معانا على الخط خالص
ام مصطفى :طب اختك اماني فين خليها تجبلي الدوا بتاع السكر
مصطفي :اماني ماتت يا ماما وبعدين انتي لسه واخدخ دوا السكر من شويه
ام مصطفى :والله، طب انا عاوزه بسبوسه
ضرب مصطفي بيده على وجهه وقال:يارب صبرني، وانا كمان مش فاكر اي حاجه بقت عامل زي امي
بقلمي منه وائل
💗💗💗💗💗💗💗💗💗
في الصعيد
ايمان :لي بس كدا اخدت مني التليفون لي؟
الغفير:الكبيره چايه وهيبجا مرار طافح
الكبيره :تعالي يا دكتور اتفضل اتفضل
ايمان :يالهوي يا بابا الحقني
محمد:ماتخافيش يا حبيبتي محدش هيقرب منك
الدكتور :افهم بس انتي عاوزاني عشان اي بس يا كبيره مانسوان ولادك كلهم ولدوا عيالهم خلاص هو في َواحده حملت تاني وانا معرفش
ثريا :لاه يا دكتور دي بنت اخوي
الدكتور:هتولد يعني؟
ثريا :هتسجطها
الدكتور بصدمه:نعم أسقط مين لا طبعا انا لايمكن اعمل كدا
ثريا :وه وه، كيف تجولي أجده اني اللي هجولك تعمل أجده جدامي يلا
الدكتور :والله لو اي ماانا عامل كده انتوا اتجننتوا دي جريمه
ثريا:هات السلاح يا ولد ها، هتعمل العمليه والا تتشاهد على روحك
الدكتور :يانهار اسود نزلي السلاح دا يا وليه
ثريا :ولولو عليك يا دكتور الغبره انت يلا ادخل
الدكتور:حاضر حاضر
ايمان:عاااااااااااااا بابا لا يا بابا
محمد :اهدي يا حبيبتي محدش هيقرب منك
ثريا:ههههههه وانت فاكر انك انت اللي هتمنعنا إياك، بعد يا محماه بدل مااخلص عليك وعلى بنتك
محمد:محدش هيقرب من بنتي انتي سامعه والا لا يا ثريا كله الا ايمان
ثريا :بعد يا محماه
محمد:لا مش هبعد كح مش معنى اني تعبان هسيبك تعملي حاجه في بنتي كح بنتي لا
قامت ثريا باءلقائه على الأرض وقالت:جولتلك بعد يا محماه
دج.....
ايمان :عاااااااااااااا
الدكتور:يانهار اسود
بقلمي منه وائل
💗💗💗💗💗💗💗💗💗
في مديرية الأمن
اللوا مسعود :ايوا يا أدهم بس طلب انك تتنقل عمليات خاصه دا صعب شويه وبعدين انت مش عارف عمليات خلصه يعني اي..
قاطعه ادهم قائلا:عارف يا فندم على فكره انا كنت عمليات خاصه بس الفكره ان والدي كان محتاجني وكدا بس حضرتك اللي نقلتني وانا ماليش في القواضي دي. انا عاوز ارجع زي ماكنت
مسعود :غريب
ادهم :اي اللي غريب يا فندم
مسعود :يابني انت هنا احسن بالله عليك بلاش تفكيرك دا
ادهم :يافندم انا...
العسكري :ادهم بيه
ادهم :خير يا حسن
العسكري:في واحد عاوز سيادتك في المكتب
ادهم :ما قالكش مين؟
العسكري :اسمه رضا العميد
ادهم باستغراب :رضا العميد!، طيب روح هاتلوا حاجه يشربها على مااجي
العسكري :تمم يافندم
ادهم :هيكون عاوز اي دا.؟
مسعود :مش دا يبقا عم البنت اللي قضيتها كانت امبارح
ادهم :اه هو
مسعود :ودا جاي لي؟
ادهم :مش عارف اديني هروح اهو اشوف في أي
مسعود :ماشي ابقا طمني
................
العسكري :اتفضل يابيه
رضا :اشكرك، معلش تعبتك معايا
العسكري :لاه يابيه ولا تعب ولا حاجه
رضا :اسمك اي بقا؟
العسكري :حسن يابيه
رضا :عاشت الاسامي ياحسن
العسكري :تشكر يابيه
ادهم : اي ياحسن انت لسه واقف لي
رضا :انا كنت بتكلم معاه
ادهم :طيب روح ياحسن
العسكري تمم يافندم
ادهم :اهلا يافندم اؤمرني
رضا :لا الأمر لله يا بني، انا بس كنت جاي اتكلم في موضوع كدا وماشي على طول
ادهم :قبل أي موضوع، هي اسيل عامله اي دلوقتي
رضا :ماهو دا اللي انا كنت جاي اكلمك عشانه
ادهم بخوف غير مباشر :لي هي اسيل جري لها حاجه؟
رضا :لا يابني اسيل بخير انا بس جاي اكلمك في حاجه تانيه
ادهم :اي هي؟
رضا :اسيل بتحبك يا أدهم
نظر له ادهم باستغراب ثم قال :بتحبني ازاي يعني؟
رضا :ماتحاولش تخبي هي حاكتلي على كل حاجه، واسيل بتحبك
ادهم :لا هي مابتحبنيش ولا حاجه، هي لو بتحبني كانت حطت نفسها مكاني وقدرت شعوري اني كان قدامي قضيه واني لسه معرفش اذا كانت بريئه والا مذنبه كل اللي كان في دماغي اني اقدر اطلعها بريئه وهي شافت دا بنفسها انا مكنتش بنيمها تحت مع المساجين، تقوم تقولي المفروض تثق فيا ومش عارف اي وبعدين..
قاطعه رضا قائلا:اسيل عندها القلب...
نظر له ادهم بصدمه واتسعت عينيه بدهشه ولم يستطع قول حرفا
ترن ترن
نظر ادهم الي هاتفه وجده مصطفي
ادهم :استئذنك بس ارد على الموبايل
رضا :اه طبعا اتفضل يابني
ادهم :الو ايوا يا جومانه
جومانه :عمو ادهم تعالي عشان خالو عاوزك و اه ابله ايمان اتصلت
ادهم :اي بجد طيب طيب انا جاي حالا سلام، انا اسف جدا يا فندم جالي مشوار مهم جدا، ان شاء الله هقابل حضرتك تاني عشان نتكلم في الموضوع
رضا:تمم يابني مفيش مشكله ودا رقمي لو حبيت تتكلم في أي وقت اتصل عليا
ادهم :تمم يا فندم مفيش مشكله
بقلمي منه وائل
💗💗💗💗💗💗💗💗💗
في منزل عبد الرحمن
عبد الرحمن :حددلي معاد مع بابا
فريده :اي دا لي؟
عبد الرحمن :عشان ياستي قررت اني اضحي واتجوزك
فريده :نعم اضحي دا انت هتاخد جوهره
عبد الرحمن :هههههههه، بهزر طبعا جوهره وست البنات كمان، المهم من هنا ورايح مش عايز اي راجل غيري في حياتك َمفهوم يعني ولا تقوليلي احمد ولا غيره مفهوم
فريده وهي تداعب وجهه :مفهوم يا حبيبي مفهوم بس...
عبد الرحمن :بس اي؟
فريده :سمير... انا مقدرش اتخلى عنه دا هو السبب في اني اجي هنا اساسا وانت عارف ان هو الوحيد اللي بيقف جنبي انا بعتبره اخويا الكبير مش زميلي واكيد انت اتعملت معاه
عبد الرحمن :طيب طيب بس تقللي من هزارك دا عشان انا بغير وغيرتي وحشه اوي
فريده بفرح :ياخلاثي يا ناس على اللي بيغير، حاضر علم وينفذ يا فندم
عبد الرحمن :يلا قومي عشان اوصلك عشان ورايا شغل كتير اوي
فريده :حاضر، اممم احدد معاد امتا؟
عبد الرحمن :الوقت اللي تحبي النهارده لو حابه
فريده :لا بلاش النهارده خليها بكره اصل جايه من السفر تعبانه اوي
عبد الرحمن :الف سلامه عليكي ياحبيبتي، خلاص مفيش مشكله بكره، يلا بينا؟
فريده :يلا
بقلمي منه وائل
💗💗💗💗💗💗💗💗💗
في حديقه واسعه مليئه بالأشجار والورود الجميله
المأذون : يلا كلنا نبارك للزوجين، بارك الله لكما و بارك عليكما وجمع بينكما في خير
الجميع :بارك الله لكما وبارك عليكما وجمع بينكما في خير
تعالت الصيحات والزغاريد النسائيه والتصفيق وكان المكان يملئه السعاده والفرح
كان يقف أمامها ينظر إلى كل تفاصيلها كان مبتسم للغايه، هل تحقق حلمه فعلا؟ ام هذا خيال؟ كم تبدوا جميله؟ هل أصبحت زوجته بالفعل؟
سكره :بسبس اي يا عم انت سرحت في أي مش هتاخدني بقا حضن كتب الكتاب دا انا كنت مستنيه بقالي كتير اوي يا جدع
محمود :هههههههه يا شيخه حرام عليكي فصلتني قطعتي الحته الرومانسيه
سكره :ههههههههه، ما الحضن رومانسي برضو
محمود :هههه ماشي يا ستي تعالي
ثم قام باحتضانها كان يشدد على حضنها جيدا كأنه يثبت للجميع انها أصبحت أصبحت ملكه كانت السعاده تغمرهما
وعلى الجانب الاخر كانت تقف تنظر لهم والدموع تملئ عينيها، كانت سعيده للغايه هل هذا ابنها، هل هذا الصغير الذي تربى على يدها، كم انه أصبح زوج وسيتحمل المسؤليه، يا له من شعور لن يعرفه احد سوى الام
اسيل :الله انتي بتعيطي لي دلوقتي يا طنط انتي المفروض تكوني مبسوطه محمود بيتجوز
ام محمود وهي تمسح دموعها :دي دموع الفرح يابنتي، غصب عني افتكرت ايام ما كان صغير، تفتكري هعيش لحد اما شوف ولاده؟
اسيل :ان شاءالله يا طنط ولولاد ولاده كمان
ام محمود :ههههه لا مش للدرجه دي انا كفايا عليا اشيل ولاده واطمن عليه
اسيل :ربنا يديكي طولة العمر يا طنط
ذهب محمود الي امه ونظر في عيونها الدمعه ثم نزل الي يدها وقام بتقبيلها واحتضنها وهو تبكي بين احضانه، ما أجمل هذا الشعور!
ثم ذهبت لهم سكره وقامت أيضا باحتضانها
ام محمود:ماانكرش اني مكنتش عاوزه ابني يتجوزك، بس الفرحه اللي شوفتها في عينه النهارده دي خلتني عاوزه اشكرك انك دخلتي حياته وبتمنى انكم تفضلوا سند لبعض
سكره :ان شاء الله يا ماما وسند لحضرتك طبعا
محمود وهو يهمس لاسيل :اي الحب اللي نزل عليهم فجاءه دا؟
اسيل :ربنا يهديهم يا محمود
محمود :الا صحيح ماقولتليش عملتي لي مع الظابط؟
نظرت له اسيل بخيبة امل :مش عارفه والله يا محمود هو اعترف انه بيحبني، مش انا قولتلك ان قلبي كان حاسس
محمود :اي اعترف طيب ما دا حلو، وانتي عملتي اي؟
اسيل :قولتله اني مش بحبه وان هو لو كان بيحبني كان قالي من زمان مش لما اتأكد اني بقت بريئه، بص من الاخر انا عكت الدنيا وهو ضاع من أيدي خلاص
محمود :والله انتي بني ادمه برأس كلبه في حد يعمل كدا يا غبيه أنتي اسيل :كنت أعمل اي يعني يا محمود اخليه يتجوزني ويتعلق بيا وانا معرفش حياتي هتكمل والا لا اعذبه بعد كدا لما اموت واسيبه، انت اكتر واخد عارف اني كان نفسي احب واتحب اوي بس مش بأيدي مش عاوزه اسمع منه كلمه وانا اخد واحده مريضه وعيالي يورثوا مرضها، والا عاوزه اشوف نظرة شفقه في عينه دي ما كان بيحصل مع اللي قبله كفايا حسن فاكر حسن يا محمود؟
نظر لها محمود بحزن وقال :انتي لسه فاكره يا اسيل حسن دا كان ماضي وراح لحاله
اسيل :اني عمري ماانسي اي حاجه حصلت في حياتي وخصوصا حسن، انت اكتر واحد عارف حسن دا كان اي بالنسبه ليا، وانا كنت اي بالنسبه لي فاكر هو قالي اي كويس؟..
فلاش باك.
حسن:انتي قلبي وروحي وكل حاجه في حياتي ومقدرش استغني عنك
اسيل :وانا كمان يا حسن مقدرش استغني عنك بس في حاجه كنت عاوزه اقولك عليها كدا
حسن :ياستي سيبك من اي كلام دلوقتي ها تحبي نروح فين؟
اسيل :اسمعني بس يا حسن عشان خاطري
حسن :مالك يا اسيل انتي بتعيطي؟
اسيل :اسمعني يا حسن، انا خبيت عنك حاجه ودا مش عشان حاجه انا خبيت عشان مكنتش متأكده من مشاعري نحيتك بس النهارده انا اتأكدت ولازم اقولك كل حاجه
حسن باستغراب:في أي يا اسيل ماتتكلمي قلقتني
اسيل بدموع :انا عندي القلب يا حسن
حسن :القلب، يعني عندك اي في القلب مش فاهم؟
اسيل :عضلة القلب عندي ضعيفه ومحتاجه عمليه بس الدكتور مستني يتأكد اني هقدر والا لا
حسن :طب ولو ماعملتيهاش؟
اسيل بدموع: يبقا نصيبي
نظر لها حسن بصدمه ولم يستطيع قول شئ
اسيل :انت ساكت لي يا حسن؟
حسن :؟ لا ولا حاجه يلا نروح
اسيل :طب واللي انا قولتهولك؟
حسن :قومي يااسيل دلوقتي وهكلمك بليل
اسيل :ماشي
في المساء.........
حسن :الو يااسيل
اسيل :الو يا حسن، اي مش بترد علي التليفون لي.؟
حسن :معلش كان ورايا شغل..، المهم يا اسيل كنت عاوز اقولك حاجه
اسيل :اتفضل
حسن :انا كنت مبسوط جدا اننا كنا مع بعض وبتمنى انك تكوني بخير وخالي بالك من نفسك
اسيل برعب:انت بتقول كدا ليه ياحسن؟ ، انت مسافر والا اي؟
حسن :ها لا َش مسافر يا اسيل بس انا بقول ان كل واحد يروح لحاله واعتبرني اخوكي وانا جنبك لو احتجتي اي حاجه
اسيل بصدمه :اخويا؟!
حسن :اه يا اسيل ياريت كل واحد يروح لحاله
اسيل بدموع :ههه... قلبي كان حاسس طب ليه خلتني استنى كان ممكن تقولي واحنا هناك
حسن :اسيل انتي مش فاهمه حاجه
اسيل :لا انا فاهمه كل حاجه يا حسن، فاهمه اوي انت اناني، اناني اوي يا حسن وعارف كان المفروض اخبي عنك او الاحسن اللي انا عملته عشان تبان على حقيقتك
حسن :يااسيل افهمي انا بحبك وعمري ماخبيت حد قدك بس حطي نفسي مكانك احنا لو جبنا ولاد هيورثوا المرض دا يااسيل وبعدين انا مش هستحمل اشوفك بتموتي قدام عيني بعد اما اتعلقت بيكي
اسيل :ههههه صح انت صح، ابقا تعالي خد حاجتك وشابكتك وربنا يسعدك يا ابو علي
باك
اسيل بدموع :فهمت بقا انا عملت كدا ليه؟
محمود :يالهوي عليكي يااسيل انتي بتعيطي ليه دلوقتي وبعدين اي اللي خلاكي تفكرينا بالزفت دا دلوقتي، روقي ياقلب اخوكي كل حاجه هتبقا كويسه
اسيل :ان شاء الله
بقلمي منه وائل
💗💗💗💗💗💗💗💗💗
في منزل أسر
كان يجلس على الفراش ينظر إلى وجهها بتأمل ويداعب خصيلات شعرها وكان يداعب اذنها
استيقظت زينب من نومها قائله: أسر بتعمل اي؟
أسر :بصحي مراتي حبيبتي وروح قلبي
زينب بخجل : يووو بقا يا أسر بتكسفني
أسر وهو يقبل وجنتيها ياخراشي على اللي بيتكسف يا خراشي، المهم قومي كدا خدي دش عشان هنتغدي برا
زينب :هو لازم؟
اسر:اي مش عاوزه تخرجي؟
زينب :لا مش كدا بس جسمي وجعني اوي
أسر بمكر:أمم جسمك وجعك، شكلك عاوزه مساچ زي امبارح
ثم قام بالغمز لها
زينب بخجل شديد :يووو بقا انا هقوم
أسر :هههه استنى بس تعالي
زينب :اوعي بقا يا أسر الله
أسر وهو يقوم بتقليدها:اوعي بقا يااسر، هههههه تعالي يا فرحه يا بنتي، انتي بقا هتقعد مع الداده اه ما هو انا عريس جديد بقا ولازم استمتع مش هتيجي امتى وتقرفني بقا
نظرت له الطفله ثم ضحكت
أسر :انتي بتضحكي، اه يعني انتي فاهمه جدعه ياقلب ابوكي
بقلمي منه وائل
💗💗💗💗💗💗💗💗💗
في المستشفى
ادهم :انتي متأكده من اللي حصل دا يا جومانه؟
جومانه :اه وقالتلي قولي لمصطفى ان...... إن....
ادهم :ان اي؟
جومانه :منا بفتكر اهو، اه ان عمتها هي اللي خطفهم
ادهم :عمتها!!... وهي عمتها هتخطفهم لي؟، طيب انتوا تعرفوا عمتها دي ساكنه فين اصلا؟
مصطفي :انا المفروض كنت عارف بس مش فاكر
ادهم وهو يضرب بيده على راسه :يا ديني طب. بعدين؟ احنا هنفضل قاعدين كدا
مصطفي وهو ممسك راسه :اه افتكرت ايمان اصلا هي من الصعيد بس من بلد اي مش فاكر
ادهم :معلش يا مصطفى اضغط على نفسك شويه وافتكر
مصطفي وهو يمسك راسه بألم:مش فاكر ياادهم مش فاكر، ااااه
ادهم :طيب خلاص خلاص ارتاح انت وانا وإبراهيم هنتصرف، جومانه الرقم اللي هي كلمتك منه أنهى واحد فيهم؟
جومانه :اهو يا عمو
ادهم :ماشي يا حبيبتي، انا هتصرف
وأخرج الهاتف من جيبه واتصل على ابراهيم
الو ايوا يا ابراهيم اه جهز قوات اه طالعين مهمه، في الصعيد، ايوا عرفنا مكان ايمان وابوها، اه هبعتلك رقم كدا اعرفلي مكانه يلا سلام
بقلمي منه وائل
💗💗💗💗💗💗💗💗💗
في الصعيد
ايمان بصراخ :بابا، باباااااا
ثريا :تكتمي يا بت، ماچراش حاچه هو چرح بسيط أجده وهيخف جوام
ايمان :منك لله حسبي الله ونعم الوكيل فيكي انتي عاوزه مننا اي ابعدي عننا بقا يا شيخه
ثريا وهي تمسك ايمان من شعيراتها :بتعالي حسك عليا يا بت محمااه، اني هوريكي، خلص يا دكتور يلا
ايمان :لا لا ابعدوا عني
ثريا :تعالي اهنه يا بت
محمد بألم:اااااه سيبي ايمان يا ثريا عشان خاطري
ثريا :خلص يا دكتور
ايمان بدموع :انا مش حامل والله ما حامل انا ضحكت عليكي انا مش حامل
ثريا :وهريعني انتي مفيش في بطنك عيل
ايمان :لا
ثريا :زين أجده، طيب وانتوا اتچوزتوا فعلا؟
ايمان بدموع :لا
ثريا :يا فرحة جابك ياولدي، زين يابنتي اجده زين يلا بجا عشان تبجي عروسه جمر أجده
ايمان :اعالج بابا الأول
ثريا :وماله يا بنتي يتعالچ
نظرت لها والدموع تملئ عينيها، وقالت لنفسها :يارب يا مصطفى تيجي
بقلمي منه وائل
💗💗💗💗💗💗💗💗💗
في المساء في منزل محمود
محمود :براحه ادخلي برجلك اليمين يا عروسه
سكره :اه يا حبي تعبت من اللف والله مش عارفه انا في حد يقعد فرح من الصبح لبليل
محمود :يا حبيبتي دي موضه الافراح السنه دي وبعدين انتي ما اتبسطيش والا اي.؟
سكره :لا ازاي اتبسطت طبعا بس انا تعبت بس من الجزمه رجلي ورمت
محمود :طب استني
نزل الي قدميها وقال لها :اقعدي يا حبيبتي
سكره :حاضر
جلس محمود بجانب قدميها وقام بخلع حذائها
سكره :انت اي اللي بتعمله دا يا محمود انا هقلعه لوحدي
محمود :بطلي عند بقا وبعدين خلاص انا قلعتهولك
سكره :ربنا يخليك ليا يا حبيبي
محمود وهو يقبل يدها :ويخليكي ليا يا روح قلبي
سكره وهي تتثأب:انا هموت وانام والله
محمود :احم تنامي اي بس يا حبيبتي ودا وقت نوم، وبعدين النهارده فرحنا يعني
سكره ببلاها:مش الفرح خلص خلاص نرتاح بقا انا هدخل انام. محمود وهو يمسك يدها :استنى بس عندك كدا تنامي اي بس، يعني المفروض.. المفروض يعني النهارده فرحنا واحتا في شقتنا وليلة دخلتنا كدا يعني
سكره بغباء:ايوا يعني عاوز اي في ليلتك دي اغنيلك يعني ماشي، النهارده فرحي يا جدعان عاوز كله يبقا تمم و او او او، حلو كدا اتبسطت تصبح على خير
محمود :لا ماهو انا مش هسيب اليوم دا يعدي كدا
سكره :نعم يعني هتعمل اي يعني
محمود :احم. من ناحيه هعمل فهعمل، بسم الله الرحمن الرحيم استعنا على الشقا بالله
ثم قام بحملها
سكره :انت مجنون نزلني يالا
محمود :بس يا بت بسم الله الله اكبر
سكره :عاااااااااااااا
بقلمي منه وائل
💗💗💗💗💗💗💗💗💗
في منزل اللواء عثمان مسعود
عثمان :هي مش فريده كانت هتقعد باين اسبوعين؟
وفاء :لا ماهي رجعت النهارده الضهر بتقول انها زهقت مش اكتر
عثمان :اه تمم
فريده :مساء الخير يا بابا
عثمان :مساء الخير يا حبيبة بابا
فريده :كنت عاوزه اتكلم مع حضرتك شويه
عثمان :اه طبعا اتفضلي
فريده :بابا انا جايلي عريس
عثمان :اي بجد!.. طب ودا عرفتي منين والا اتعرفتوا على بعض ازاي؟
فريده :ها، دا عبد الرحمن يا بابا
عثمان :عبد الرحمن مين؟
فريده :عبد الرحمن يا بابا اللي جه هنا
عثمان بانفعال :اللي كان خطفك؟
فريده :ايوا
عثمان بغضب:نعم ياختي انتي اتجننتي يا فريده مين دا اللي اجوزه بنتي دا مجرم اما لو واحد تاني كنت ساعتها حبسته بس مرضتش عشان انتي طلبتي كدا
فريده :يا بابا مجرم اي بس منا شرحت لحضرتك الاسباب اللي دفعته انه يعمل كدا وبعدين ماله بس عبد الرحمن دا دكتور قد الدنيا ومحترم وبيحبني... اا.. اقصد هيحبني يعني
عثمان :اه بيحبني اه، قولي كدا انتي عاوزه اي يابنتي هتجبلي جلطه
ذهبت فريده بجانبه وقالت:بعد الشر عليك ياحبيبي، يا بابا انا مش عاوزه حاجه انا عاوزاك بس تقبله مش يمكن تحبه عشان خاطري ونبي يا بابا
نظر لها عثمان ثم نظر له وفاء وقال :عجبك اللي بنتك بتعمله دا.؟ وفاء:الله مش تربيتك
عثمان :طيب يا فريده خالي يجي بكره على الساعه سبعه
فريده بفرح :هييييييه ربنا يخليك ليا يااحلي بابا في الدنيا
عثمان :ايوا بس انا لسه ما وافقتش فااهدي كدا بقا ها واعقلي
فريده :حاضر
بقلمي منه وائل
💗💗💗💗💗💗💗💗💗
في منزل ادهم
فيروز :حمدالله على سلامتك يا أدهم
ادهم :الله يسلمك يا فيروز
فيروز :هو ابراهيم معاك؟
ادهم :لا ابراهيم بيجهز نفسه
فيروز :لي رايحين على فين؟
ادهم :الصعيد عرفنا مكان ايمان
فيروز :بجد يارب استر يارب، خالي بالكم من نفسكم
ادهم :ماتقلقيش
تن تن
ابراهيم :ادهم المكان اللي هما فيه في بلد اسمها ابوا العذب وهناك في راجل اتفقنا معاه اول ما نوصل هنقعد عنده عشان عمتها هتعمل فرح ايمان وابنها بكرا احنا لازم نوصل في أقرب فرصه لازم نتحرك دلوقتي والراجل دا هيعرف يدخلنا الفرح
ادهم :تمم يلا، خالي بالك من نفسك يا فيروز انتي والولاد وخالي بالك من بابا وماما
فيروز :درل في عينيا ياادهم
ادهم :ربنا يخليكي ليا يا حبيبتي، لو احتجتي حاجه كلمي صالح هيجبلك كل اللي انتي عاوزاه على اما اجي ان شاء الله
فيروز:ماشي يا حبيبي
ادهم :يلا يا ابراهيم
فيروز :ربنا معاكم يا رب، انت تعبت اوي يا أدهم انا لازم اردلك كل حاجه حلوه عملتها معايا
بقلمي منه وائل
💗💗💗💗💗💗💗💗💗
في منزل اسيل
كانت تصفف شعرها امام المراءه وكانت شارده
دب دب
اسيل :ادخل
ام زينهم : صباح الخير ياست البنات ياقمر
ابتسمت لها اسيل. وقالت :صباح القمر يا داده
ام زينهم :والله مافي قمر غيرك، المهم خلصتي؟
اسيل :اه ليه اشمعنا؟
ام زينهم :اصل في واحده ست مستنياكي تحت وبتقول انها عاوزاكي في موضوع مهم
اسيل:ست!، ست مين دي؟!
ام زينهم :مش عارفه والله يابنتي بس شكلها نضيف اوي
اسيل :ماشي يا داده روحي انتي وانا جايه وراكي وقدملها حاجه تشربها
ام زينهم :حاضر
.....................
ام زينهم : اتفضلي يا هانم
السيده :مرسي جدا
اسيل :اهلا وسهلا نورتني، هو حضرتك تعرفني؟
السيده :ايوا اعرفك تسمحلي بس اخد من وقتك شويه
اسيل :ايوا طبعا بس مش تعرفني على نفسك
السيده :انا فيروز اكون اخت ادهم
اسيل :ادهم مين؟
فيروز:ادهم اللي كان ماسك قضيتك
اسيل :.............